LA CONTENANCE

Or le vuet, or ne le vuet mie, Or se loe, or s'esgramie, Or fait samblant que soit estable; Orendroit sera délitable, Or s'esmuet, or ne se remue, Or se tient corn oisel en mue; Or est douce, or est a mère, Or est marraslre, or est mère, Or se contient mult sagement, Or cointement, or baudement.

Or est sauvage, or est privée, Or veut pais, et or veut mellée, Or ne dit mot et or repalle ; Or veut l'onbre, et veut le halle, Or veut repoz , or veut labor, Or cort au molin , puis au for, Or veut le froit, or veut le chaut, Or consoille, or palle haut.

Orendroit veut estre loée, De riens ne veut estre blasmée.

Orendroit fera belle chière ; Or se prent à sa chamberière, Dont aucune foiz est jalouse.

Orendroit sera enviouse De sa voisine, qui aura Plus biax joiaus qu'elle n'aura.

Or ne fait néant , or ne fine, Or tencera à sa voisine.

Sovent ira chiez sa commère, Ore la heit et or l'a chère; Or li dira celi me prie, Et est à celui autre amie.

bES FAMES. 173

Et por dire plus de merveilles,

Ira à dences et à veilles ',

Au sarmon, en pèlerinage.

Or fait le simple, or fait le sage;

Qui plus l'aguete, plus est fox.

Or monstrera poitrine et cox ',

Or si fera d'aucun complainte,

Or est mult juste, or est mult sainte.

L'une veut d'un, l'autre veut d'autre :

Ce que fait l'une ne fait l'autre.

Et desdire aucune besoine

Ne li convient jà querre essoine.

Jà de parler ne cessera,

Se que pence tantost fera ,

Soit bien , soit mal, si elle onques puet;

En lui chastoier pas n'estuet

Soi traviller, qui que nous die,

Je le tenroie à grant folie,

Car à ce fère rien ne vaut.

Or a le cuer coi , or l'a baut ,

Or n'est mie bien à son gré ;

Or s'en remonte le degré,

Or s'en rêva dedenz sa chambre;

Ore veut mai , or veut septembre,

Or quiert escrin, ore quiert huche,

Orendroit poire ou pomme suche.

Ses joiax prent, si les remire,

Or les desploie, or les ratire,

> Ms. 1132. Var. As yespres.

» Ms. 1132. Var.

Or est coiffie, or est cornue, Or se va monstrer en la rue.