DU ROY ARTHUS

Or retournons au roy Arthus,

En cui fu prouesse et vertus,

Amiables et gracieus.

Si fait furent mult merveilleus :

Il estoit bon bataillereus,

En bataille victorieus;

Saxons, Poitevins et Escos

Dedens un bois retint enclos;

Les quiex si forment prist la fa in

Qu'il se rendirent en sa main.

Après froissièrent leur promesse :

Arthus son ost contre eus adresse

Et d'eulz ocist vint et trois vins,

Saxons, qu'Escos que Poitevins,

De Galiburne son espée,

Et Ren sa lance estoit nommée.

Un dragon sus hyame en sa teste,

Mult estoit espouentable beste ;

En son escu avoit Tymage

De la puissant et de la sage,

C'est de la pucele Marie,

Pour ce que li fust en aïe,

Et si fu-ele la piteuse :

Mult eut victoire merveilleuse.

Li fait Arthus sont merveiables

Si qu'aucun les tiennent à fables;

Mes Diex et sa mère Marie

Font mult de fais quant on les prie..

De Saint Loys dire vous vueil, Duquel n'eut boben ne orgueil