DE DEZ

Et tant que une chance fu un jour débatue ; Le ségnateur li dist que cil l'avoit perdue, Et cil li respondi : « C'est bien chose scéue ; Par force m'en avez ainsi maintes tolue!

James jour de ma vie vous ne m'en todrés plus; Pour nul homme qui vive, ce ne me diroit nus, Que m'en lollissiez mes qui vausist deus festus, Pour eslre détrenchiez , ocis et confondus. »

Li dé furent d'ivoire, de marbre li bellens; Le ségnateur s'eschaufe, qui fu fel et pullens : Du poing qu'il ot massis féri celui es dens Que le sahc en sailli voianl toutes les gens.

Quant cilz se sent férus, ne li fu mie bel, Quar il ot recéu grant coup sus son mu sel; Il mist main à son sain, si en trait un coutel : Au ségnateur s'avance, si li donne un merel.

Parmi le gros du cuer du coutel le féri; Le ségnateur chiet mors et li cors s'estendi ; Li mauves en prist l'âme qui piéçà l'atendi : Or ot-il son louier de ce qu'il ot servi.

Ainsi scet li mauves les soudées donner, Et cil fu tantost pris, qui ne pot eschaper ; Il fu le jour pendus après le traîner :

Ainsi vient-il des maus qui ne s'en scet garder.

Mauves fait la folie longuement maintenir; Sachiez qu'en la par fin n'en puet nul bien venir ;.