ET DE LA BREBIS

Tu fez au povre sorde oreille, Si ai non hauwis sanz noise, Si ne sui pas tant à malaise Gomme cil roi et cil abé ; Povre gent sont;par loi gabé. »

Denier dist : « Trop m'as ramposné.

Quant ton aignel naist en esté, Tu le lesses en un fossé, Par toi n'ert-il jà remué, Comme foie et comme esbahie, Sanz nule garde et sanz aïe; lluec le vait li chiens mengier, Li bergiers ne li veut aidier Por seulement un angevin Que l'en li toli por son vin ; Se son denier li fusl renduz, Ton aignel ne fusl pas.perduz; Et por ce te tieng por musarde Que tu ne en pris meillor garde; Mes s'on ne me portoit en place, N'i a nul qui paumée face Ne de brebis ne de cheval , D'escarlate ne de cendal.

L'en ne puet vendre n'achater Que toz jors ne soie au conter; Ne nus clers ne puet riens aprendre Se je ne sui toz jors au prendre.

Je faz venir le val au mont.

Covoitiez sui par tout le mont, Néis des chardonaus de Homme; Il n'a el monde si haut homme, Se je li fail , ne soit hontex