DU DENIER

Et si ne sui pas Irop coustex :

Je ne menju fain ne avaine Gomme tu fez; mal ait ta laine, Qui ne lesses herbe en buisson, Ne fain ne bien en ta méson.

A mengier mes tout ton délit, Et si cunehies tout ton lit :

Ghascun jor t'estuet nétoier Et par l'aide du denier*»

Brebis dist à moult grant alaine :

« Miex valent vint piaus de ma laine Que soisante de tes cousins, Que je revest toz mes voisins :

Tels est de moi moult bien vestuz Qui ne te prise deus festuz.

Denier, tu sez sens de retaille Tu ne vaudroies que maaille, Se la croiz pers, tu pers ton pris, Dont ne seras-tu por riens mis, Ne por fuisel ne por cuillier, Non mie por un aguillier.

Denier, enten , si te remembres Que ne perdes un de tes membres :

Ta verluz seroit refusée, Ne vaudroies mie tostée De pain d'orge ou de pain d'estoupes; Tu n'as de qoi couvrir tes coûtes Fors un poi de sac ou de cuir; Iluec porroies-tu porrir S'on n'avoit à fère de toi.

Fui de ci! si te tien tout qoi.

Guides-tu donc que je ne voie