DE PARADIS

Qui done aumosne il se desdete, Quar aumosne est el dons el dete; Mes Diex n'en reçut onques une; Ne ne cuidiez qu'il en promete Guerredon, s'ele de main nete Ne vient et de nete pécune.

Qui envers son proisme a rancune, Diex voit sa conscience brune, Et por ce s'aumosne dègete; S'aumosne ne vaut une prune :

Miex li vient que jà n'en doinst une, Mes là où ele est la remele.

Ce est résons aperte et nue, Il n'est pas droiz que je desnue Un homme por autrui vestir, Quant de la rien que j'ai tolue Au laborer qui le desnue, Dont je li faz la fain sentir, Vueil au povre le ventre emplir, Ce est à dire sanz mentir, Oiez com dit parole crue:

Diex vous devez bien assentir A ma raûne et consentir, Quar vostre povre la menjue.

Et cil qui riens tolir ne pensse Et por Dieu done sa despensse Et riens n'a fors de labor droit.

Mes d'aucun crieme est en offensse, Cuide-il que vers Dieu le tensse Li dons que li povres feroit?