DE IA FEMME ET DE LA PYE
La pie est jangleresse E nullement cesse De mostrer où ele est, E la femme par son us D'assez jangle plus :
Issi nature r'est.
Par jangle de la pie Un vient à tromperie De gopyl et de chat; Femme par parole Meynt homme afole E ly rend tôt mat.
Vous trouverez la pie Si pleyne de boy die Que ele se garde bien;.
Mes la femme passe La pie en celé grâce, Quar ele ne doute rien.
La pie en arbre haut, En freit et en chaut, Prent soun repos, E femme velt reposer En hautesse de cuer Et désyre los.
La pie quant ete grève Countre son mary lève E Tenchace de ly, E femme de grant cuer
Son baroun por tencer Ffet-eleautresy.
Pour icele guyse,
Je lou que un se avyse
Avaunt qu'il soit mary.
E nequedent la pye Soun compaignoun espye De quel part s'en va ; E la femme aussy Espie son mary Par gelosie qu'ele a.
La pie par yre Les gardins empire Par braunche debraser, E en femme corocée Rien serra celée Quant ele se puet venger,
Hom dit que la pie En sa nature crye :
Il nous viegnent gestes; E la femme puet dire A soun mary : Syre> Par moi aurez blestes.
La pie suet musser Quanque ele puet gaynep En un privé lu, E la femme se porveit
Avant qe ele vidue seit Dount ert sustenu.
Bien déust la pie.
Que qe nus en die, A feme estre chère, Puisque leur vie, Par tiele compaignie, Acordent en manère.
ÎDcs iFrminta.
Ms. de la Bibl. harléicnnc 2253.
Quy femme prent à compagnie Verez si il fet sens u folye; Qy en femme despent sa cure Orez sa mort et sa dreilure; Quy femme eyme e femme qiet, Sa mort brace, sa mort beyt; Qy coveyte ou femme preyse Sa mort queit e nulle eyse.
Sauntz pris e sauntz loer se vend E fet la lace dount se pend ; Cui ces vers ad en remenbraunce, Yl doute femme plus qe launce.
Femme est racyne de tous maus, Femme engendre ires morlaus, Femme déciet bons amys, De deus frères fet enemys ; Femme départe le filz del père, A force le toud de sa mère.
Femme par sa fauce parole Blaundist le honme e pois le ufole; Femme afole les plus sachauntz , Les plus riches fet payn querauntz ;
Femme fet bataille e guère, Occyre gentz, destruire terre, Ardre chastiels, fondre cités.
Femme débrise fermetés, Femme fet prendre les tornois, E fet fere tos les desrois; Femme fet fere les merleez, Treire cotels et espeez; Femme fet chastiels graventer, Ghevalers e serjauntz anuyer, Femme fet mune de ordre issir E le service Dieu guerpyr; Femme engendre en poi de houre Dount tote la contrée em ploure; Femme est jolyf per ly démostrer, Femme est lyoun pur dévorer, Femme est gopil per gent décey vre, Femme est ourse per cous recey vre, Femme est fotere por tous prendre, Femme est ostour per preie atteindre, Femme est esperver per haut voler, Femme est hobel per haut mounter, Femme est heyroun de suef payl , Femme est plus aspre que chamail , Feme est chyval de grant luxure, Femme est dragoun de grant arsure* Homme langour ne conoistroit Se femme à compaigne ne avoit.
Femme est fontaigne desouz voye Que tôt recet e tôt abaye, Femme est taverne que ne caut, Qui qc vinc e qy qc vaut;
Femme est enfern qc lot receit,
Touz jours as seife tous jours beit.
De femme ce est la nature,
Meynz la créez corne plus jure j
Femme n'ert jà prise provée
Si desouz l'om ne soit trovée ;
Femme est léger come le vent,
Cent foiz le jour chaunge talent;
Mes quy vodera femme joyr,
Je ly dirai sauntz mentyr,
Qu'il ly donasl poy à manger
E mal à vestir e à chaucer,
E la batist menu e souvent,
Donqe fist-il de femme son talent.
N'est mie sage que femme quiet,
Mère ne suere, qui qe seit;
Car ly sage Salemoun ,
Qi de sen out graunt renoun,
Qe plus sage de ly ne fu,
Par sa femme fust esté desçu ;
Ausi fust Sainpson forcyn,
Car femme par son engyn
Tôt en dormant il perdy
Ce dount fust si enforci.
En femme est molt mal veysyn ,
Car l'empereour Constantyn
Out par sa femme tiele hountage,
Car ele cocha par folage
Ou le naym de lède liguure,
Si come honme treove en escriplure.
E ly bon myre Ypocras,
Qui tant savoit de médicyne artz,
Fust par sa femme desçu ; Geste chose est bien aparcu.
Por ce vos dy tart e matyn :
Gardez-vos de femel engyn ; Nul homme puet à chief trère Taunt ad en femme mal affère.
Plus ne vueil de femmes parler :
Ghescun se gard de eux à son poer, E je vos dy tôt sauntz fable :
Femme scet d'art plus que le deable '.
■ On voit par les nombreuses satires que nous avons déjà publiées sur les femmes que le moyen Age n'épargnait guère le beau sexe. En voici une très-courte, en latin, insérée par M. Halliwell dans ses Reliquœ antiquœ, d'après le Ms. Ee .11. de la Bib. pub. Cantab. : Quid est mulier? — Amiciliœ inimica; ine/fugabilis peena; necessarium malum. Naturalis temptatio; desiderabile calamitas; domesticum periculum; delectabile detrimentum y malt nota, boni colore depicta; janua diaboli; via iniquitatis; scorpionis percussus notitiumque gênas femina. Ex eis ab initio aucupatum est peccatum.
Quoique nous ne craignions point d'être accusé de partager les sentiments exprimés dans les deux pièces qui précèdent, nous n'avons pas moins jugé à propos de les faire suivre du Dit des Femmes, comme juste correctif.
£t Dit hta iFcmmcs.
Ms. de la Bibliothèque harlcicnnc 2253.
Seignours e dames, ore escotez
Ce qe vus dirroi l'entendez ;
Quy le vodra entendre,
Grant bien il purra aprendre.
A comencement de ma résoun ,
De femmes fray mon sermoun,
Si vus dirra en escripture
De lor bounté e de lur nature :
Molt lur avyent bel aventure
Puis que Dieu les fist par grant cure.
Le noun de femme lur dona
Pur sa mère qe taunt ama,
E pur ceo fist bones et pleynes de bounté
E bêles sauntz iniquité :
Avenauntes sunt e de bêle porture,
Bien afeytés e de grant mesure;
De amer gent est lur nature,
De fère eux joie e enveysure.
Femme est la plus douce rien
Qe unqe fist Dieu , ce di-je bien ;
Tous les espieces de cest mount
