DEVIS DE LA CONTRETABLE DE SAINT-HERBLAND
t Déclaration de chozes quy convient faire pour l'église et parroisse de Saint- Erblanc de Rouen, et que a entrepris et s'est oblige vers Messieurs les curé, thésauriez et paroissiens de la dicte églize Michel Lourdet, maître peintre et sculpteur en ceste mesme ville, de leur faire, et ce pour la festede Pasques prochain, les chozes contenues en ce présent escript.
• En premier lieu y convient faire un tabernacle de bon bois de chesne, et ce de la mesme structure et proportion en son architecture, sculptures, tailles et enrichissements, ainsy qu'il est demonstré au pourtraict dressé et trassc par ledict Lourdet, la mesure et grandeur duquel puist estre aizément recongnue par une ligne ou eschelle marquée au bas d'icelluy desseing, où sont marquez les piedz, demi-piedz et poulces, quy faict que Ton recongnoist par icelle que ledit tabernacle aura, estant tout monté, en sa plus grande haulteur six piedz et demy ou environ, et de largeur et profondeur, suivant la proportion et structure du plan dudit modelle, marqué au-dessoubz d'icelluy desseing, par lequel Ton peult recongnoistre quy convient y avoir des figures en bosse jusques au nombre de neuf ou dix, savoir : la figure de Nostre-Seigneur sur l'huisset du mitan, et sur chacun des huissetz des costez une, à savoir telles que Ton me dira ; et dedans les petits pavillons ou lanternes des costez sera, en l'un, la figure de Melchisédec, et, en l'autre, celle de S. Paul et, au bas et segond estage de l'œuvre, seront les quatre évangélistes, et, en la lanterne de tout hault, sera la figure de Nostre-Seigneur ressuscité ou en son Assention, touttes les autres menues œuv rages, comme anges, testes de chérubin et aultres enrichissements, se peuvent assez recongnoistre
par icclluy pourtaict et dessein, estant icelle pièce, d'œuvre peinte, dorée et estoflec de la mesme sorte que le tabernacle des Cordeliers ou Carmellistes de Rouen, ou miculx et plus riche, sy le fait faire ledict Lourdet, lequel nous a promis et promet rendre icelle œuvre preste comme dessus, acomplye de toutteschozesgénérallemcnt quelconques, tant de menuiserye. sculpture, dorure, peinture, ferrure et doublure, estant entendu que l'cstoffe de ladicte doublure soit vcloux, soit satin, sera par les ditz paroissiens fourni et baille audit Lourdct, lequel a encor, oultre ce que dessus, promis par mesme moyen et s'y est obligé de desscoir, rehausser et raccommoder, et ce de piastre, l'histoire du Jardin d'Ollivet, qui est de présent en la place où se mettra ledit tabernacle, accommodant le mieulxquy pourra l'architecture de l'ornement du tableau d'icelluy autel, lequel ornement de piastre, après avoir été raccommodé en ses ruptures, sera reblanchy ou peint de coulleur de bois brun à huille et doré par filletz aux end roi tz que ledit Lourdct jugera y convenir; et ont lesditz thésauriex d'icelle églize promis par semblable, pour le sallaire de touttes ses chozes, payer audit Lourdet la somme de trots centz livres et deux escus, pour le vin de ses aydes et compagnons, lesquels leur seront donnez a la fin et livraison et accomplissement dudict œuvre, de laquelle somme de trois cents livres en a esté paie, et ce par advance, pour luy aider aux fraitz d'icelle œuvrage la somme de cent livres tournois, et le reste, montant à la somme de deux cents livres t., à la fin, livraizon ou huit jours après l'accomplissement dudict œuvrage ; lequel œuvrage sera faict sous bonne et deue Visitation. Faict et arresté à l'issue de la grande messe paroichial d'icelle par misse, présence des sieurs curé et trésoriers anciens et modernes dudict lieu. le dtmenche quatriesme jour de décembre mil vi c onze.
« Signé : Michel I-ouhi»et (n. •
( i ) ArJv de la S -Inf., F. de U fabr. de St-Herbland de Rouen.
