VI. exaction

Contre des catholiques soubsonnés de protestantisme.

Martial de Gay , seigneur de Nexon et de Compaines , conseiller du Roy nostre sire , et lieutenant général en la sénéchaussée de Limosin et siège présidial cstably à Limoges, sçavoir faisons que, sur la requeste à nous présentée par Guabriulle de Coulooges , damoyselle, femme de

Guy de Lubersac, escuyer du sieur Du Verdier, contenant que ledit sieur Du Verdier, ses femme et famille, soyent de la religion catholique , apostolique et romaine, et qu'ilz se soyent tousjours contenuz suyvant les éédictz du Roy; ayant ledict sieur Du Verdier toucte sa vie porté les armes pour le service de Sa Majesté, comme faict de présent, estant en l'armée que conduict le sieur mareschal de Matinion ; quatre raoj s sont passés qu'il est party &e sadite maison , ce nonobstant, monsieur le procureur du roy au présent siège a faict saisir les biens dudit sieur Du Verdier , et au régime d'iceulx faicts establi commissaires, tout ainsi qu'il eust peu faire, si ledict sieur Du Verdier n'eust obey ausdiclz éédictz; Nous requérant, attandu cjue ledict sieur Du Verdier est catholique, bon, loyal subject et serviteur du Roy, et qu'il a tousjours obey comme veult faire pour l'advenir à tous les éédicts de Sa dicte Majesté, et que, de ce que dessus appert par les pièces et attestations y attachées, casser ladicte saisie , ou en tous cas luy faire main levée desdicts fruicts saisis et luy bailler délay de troys mois pour faire la profession de foy contenue au dernier éédict du Roy, ou tel aultre délay qu'il nous plaira, dans lequel temps il obeyra, ou plustost s'il est de retour de ladicte armée. Laquelle requeste veue , avons ordonné que sera monstrée au procureur du roy pour, luy ouy, estre ordonné ce que de raison. Faict à Limoges, en l'auditoire royal de la cour ordinaire de la sénéchaussée de Limosin et siège présidial de Limoges , le cinquiesme jour de juillet mil cinq cents quatre vingtz et six.

Veu les attestations susdites, le procureur du roy requiert que le sieur Du Verdier aye à rapporter certifficat qu'il est à l'armée du Roy conduicte par monseigneur le mareschal de Matignon , portant les armes pour le service de Sa Majesté , et aussi monstre de profession de foy faicte par devant l'évesque de Limoges , ses grandz vicaires ou aultre évesque, dans six sepmaines pour ce faict, ou à faulte de ce venir requérir ce qu'il appartiendra, et cependant n'empesche l'ééffect de la saisie des biens dudict sieur Du Verdier estre suspendue.

Signé Ardent.

Veu la présente requeste et response du procureur du roy, nous ordonnons que dans six sepmaines préciseement, ledict suppliant fera appareoir qu'il porte les armes pour le service du Roy, et nous rapportera la profession de foy par luy faicte suivant les éédicts de Sadicte Majesté; pour ce fiaict estre pourveu sur la présente requeste comme de raison , et cependant durant

PIECES DIVERSES

le dict temps avons suspendu Iceffect de la saisie faicte des biens dudict suppliant.

Faict audict Limoges, audict auditoire royal, par devant nous lieutenant général susdiet, ledict jour cinquiesme de juillet mil cinq centz quatre vingtz et six.

De Gav, lieutenant général.

(D'après l'original en parchemin conservé parmi les titres de la maison de Lubersac^ et qui nous a été communiqué par cette ftmiille. )