VIL LETTRE

De Henry IV roi de France, à Elizabeth reine d'Angleterre, au sujet de la mort de Henri/ III, et pour luy demander la continuation de son amitié.

Très-haulte , très-excellente et très-puissante Princesse, nostre très-chère et très-amée, bonne seur et cousine, ayant pieu à Dieu appeler à soy le feu Roy, nostre très honnoré Seigneur et frère, nous , au plustost que les affaires dont nous sommes demeurés chargez l'ont permis , advise d'envoyer vers Vostre Majesté nostre amé et féal le sieur de Beauvoir, conseiller en nostre conseil d'estat et cappitaine de cinquante hommes d'armes de noz ordonnances, tant pour ce condouloir de nostre part avec elle de cest accident, croyant que le regret vous en sera commun avec nous, que pour autres occasions et affaire que luy avons donné charge faire entendre à Vostre Majesté, touchant la continuation et plus étroit lien d'une bonne et asseurée amitié et intelligence entre nous, pour le bien commun de noz affaires. En quoy nous vous prions adjouster foi à ce qu'il vous dira en nostre nom, comme vouidriez faire à nous mesmes , et sur ce nous prions Dieu qu'il vous ait , très-haulte, très-excellente et très-puissante princesse, nostre très-chere et très-amée, bonne seur et cousine, en sa sainte garde.

Escrit au camp du pont Saint-Pierre le xxni* jour d'aoust 1589.

Vostre bien bon frère ,

Henry.

Contresigné Rbvol.

( Copié sur l'original en papier , où l'on voit encore les traces du seau. Cette lettre fait partie de la Bibliothèque Cottonienne de Londres, Galba E, vi, folio 407 ).

VIIL lettre

De Henry IV, roi de France, au sieur de Buzenval son résident en Angleterre , dans laquelle il lui fait part des opérations qu'il projette.

A Monsieur de Buzenval , résident pour mes affaires près la royne d'Angleterre.

Monsieur de Buzenval, j'arrivay hier en ceste ville de Dieppe, où j'ay esté très-bien receu et ay trouvé au gouvernement toute la fidélité que j'eusse sceu désirer. Les lettres que la royne d'Angleterre luy a escriptes et aux gouverneurs de Calais et de Boulongne n'y ont pas peu servi. Je me promets autant de Boulongne que de Calais et de ceste ville, encore que je n'aye encor receu lettre de Bernis. Je partz demain pour m'en aller avec quelques balles et poudres que j'ay prinses icy, rejoindre mon armée que j'ay laissée à Brennetal, près de Rouen, sans l'assiéger. De là, je repasseray la rivière de Seine au Pont de l'Arche, qui m'est trèsaseuré, pour m'en aller à Caen où Dieu veuille que je trouve la même fidélité au gouverneur qu'en celluy d'icy. De là, suyvant le conseil de la Royne, je m'achemineray vers la rivière de Loyre, pour l'asseurer soubz mon obéyssance , et m'asseurer aussi des prisonniers. Ce fait, avec le secours de la royne d'Angleterre et ce que je pourray ramasser de tous costez de mon royaume , je reviendray droit à Paris, d'où je ne bougeray que je n'en aye l'yssue telle que me promettez. Vous entendrez plus amplement de mes nouvelles par le sieur de Beauvoyr La Noche, qui, bien instruit de toutes choses, passera au premier beau temps. Je remectray sur luy le reste des particularités, et sur ce je prieray Dieu vous avoir, monsieur de Buzenval, en sa sainte Garde.

De Dieppe ce xxvii*" jour d'aoust 1589.

He.nry.

An arrivant en ceste ville, l'on me rapporta que la Royne estoit à Rye. Je ne vous sauroys dire layse que j'an receu : car j'estois résolu de paser, pour estre une semeyne avec elle et avoir cest heur de luy béser moy mesme le» mains.

(Cette lettre a esté copiée sur l'original en papier, provenant aussi de la collection Cotonienne de Londres , Galba E. vi, folio 389, verso. )

flK.