I. C. D . 31. T. vu
de peine qu'homme de son aage eust sçeu faire. Or , comme le capitaine Bordet fut joinct avec monsieur de Duras , leur camp commença à se renforcer , pource que ceux qui n'estoient bougez encores , sur l'espérance de l'arrivée dudict Bordet, il leur sembla que leurs affaires iroient bien , et se rendirent à leur ai-mée. Or nous avions peur qu'une nuict ils nous emportassent Moyssac ou bien Cahors , pource que les rivières estoient si basses que l'on les passoit à gué. Je dis à monsieur de Burie qu'il nous falloit envoyer promptcment des gens dans Cahors ; car, puis que les eaués se pouvoient passer , à leur arrivée ils emporteroient la ville, n'y ayant dedans que les habitans ; et fis élection de monsieur de Sainctorens, avec quatre vingts ou cent argoulets qu'il avoit en sa compagnie de gens de pied, et le priay de faire diligence jour et nuict. Je contay que de là où. les ennemis estoient il iroit dans sept ou huict heures à Cahors. Et comme Dieu veut garder , quand il luy plaist , que le mal n'advienne , nous avions nouvelles, et pensions qu'elles fussent véritables, que les ennemis venoient à Moyssac , et ne se parloit point de Cahors. Monsieur de Sainctorens fit grand diligence , ne séjournant jamais , sinon pour manger sur le chemin un peu de pain et boire un peu de vin , qu'il avoit fait porter pour les soldats : aussi il luy estoit bon besoin de ia faire ainsi ; il falloit qu'il passast tout auprès de leur camp, et comme il marchoit la nuict, ainsi faisoient les ennemis ; de sorte que comme le matin au soleil levant il arriva par delà la rivière , les ennemis arrivoieut deçà , et trouva la ville tout esbahye, et les gens commençoient à l'abandonner pour se sauver par les montaignes. Ils reprindrent courage; et sur l'heure , sans entrer en maison aucune , monsieur de Sainctorens sortit à l'escarmouche, et se jetta sur le passage de la rivière, ayant de fort bons soldats , car aussi c'estoit la première compagnie qui avoit esté faite ; et tout le jour les ennemis demeurèrent aux environs de la rivière, faisant tousjours quelque semblant de vouloir passer. Et peose qu'ils attendoient le reste de leur armée, qui venoit derrière eux. Ils ne s'efforcèrent d'avantage de passer. La nuict venant , monsieur de Sainctorens se retrancha avec des tonneaux, pierres et bois, et tout ce qui se trouvoit : toute la ville travailloit, de sorte que le matin les ennemis virent qu'il n'y feroit pas bon pour eux : et , le reste de leur camp arrivé , ils se logèrent aux plus prochains villages de la rivière, et là demeurèrent quelques jours , et nous allasmes à Moyssac. Monsieur de Burie avoit fait venir deux grandes coulevrines de Bordeaux, et
IG
deux pièces de campagne ; nous laissasmes à Moyssac les trois canons , et marchasmes a ers Caussade, Mirabcl et Realville, où leur camp estolt retiré. Le Roy nous a voit envoyé monsieur de Malicorne, pour nous faire entendre comme les affaires se portoient en France , et aussi afin qu'il luy rapportast comment ailoient celles de pardeçà. INous arrivasmes à Mirabel en deux ou trois jours, pendant lesquels je ne pouvois mettre en teste à monsieur de Burie qu'il nous falloit faire diligence pourles attraper , car on luy mettoit tousjours difficulté sur difficulté. Or, faut-il que tous nous qui sommes eu vie confessions que nous estions tous en peine de luy , parce qu'il avoit toujours eu réputation de combattre , et estoit estimé bon capitaine , dequoy il avoit fait preuve en beaucoup de lieux ; et nous le trouvions si dur et si lent , qu'il sembloit à un cbacun qu'il voulust fuyr le combat et donner moyen à l'ennemy de se sauver ; de façon que plusieurs le soupçonnoient , à cause que presque tous ses serviteurs, mesmement un sien secrétaire qu'il aymoit fort, estoient huguenots. Un sien maistred'hostel basque, nommé Hactse , nous disoit que volontiers , s'il eust esté creu , monsieur de Burie eust changé de serviteurs, cognoissant bien que l'on le soupconnoit à cause d'eux , et mesmes les Espagnols, comme à la vérité cela estoit insupportable, pour le soupçon qu'il y avoit que les ennemis ne fussent adyertis de nos desseins. Je ne cogneus jamais aucun de ce party qui ne voulust, quelque mine qu'il fist, la ruine de celny du Roy. Quant à moy , je pense qu'il n'entra jamais rien de mauvais dans son cœur , et que ce qui le faisoit ainsi dilayer , c'estoit pource qu'on luy rompoitles oreilles que je le ferois perdre. Comme nous arrivasmes à Pecornet, qui est à monsieur de Thonens , il se campa, et je marchay droit à Mirabel avec ma compagnie et une bonne trouppe de gentils-hommes , et envoyay mon fils le capitaine Montluc devant. Et comme il fut à Mirabel , il trouva que les ennemis ne faisoient que desloger, et avoient pris le chemin devers Caussade : il les rencontralà, et en deffit une trouppe, et le reste se jetta dans deux ou trois maisons ; et, pource que cela estoit près de Caussade où estoit leur camp, et ([u'il n'avoit point de gens de pied avec luy , il fut contrainct de les laisser, et se retirer à Mirabel , où je l'attendois. Or avois-je mandé à monsieur de Burie que je le priois venir camper à Mirabel , n'y ayant de Pecornet à Mirabel qu'une lieuë. 11 me manda que le camp estoit desja la pluspartlogé : j'y allay moy -mesmes surdes courtaux, et trouvay qu'il estoit desja logé dans la sranne de monsieur de Thonens. Je fis tant, avec
l'aide de messieurs de Malicorne, d'Argence et des autres capitaines des gens-d'armes, que nous le fismes acheminer. Or, quelque bruit que l'on fist courirde luy. je ne le soupçonnoispoint, comme j'ay dit , et pensois que ce qui le faisoit estre ainsi lent , estoit pour crainte de perdre , ne voulant rien bazarder , sçachant bien que s'il pcrdoit une bataille le pays estoit perdu ; et d'ailleurs il voyoit les eimemis s'en aller en France : mais je disois tousjours que ce seroit faire un beau service au Roy de les deffaire avant se joindre , et que cent traistres et rebelles n 'attendirent jamais dix hommes de bien. Il s'en plaigiioit souvent à sonnepveu monsieur du Courre, disant que je les ferois un jour tous per3re, et la Guyenne au Roy par conséquent. Et quant à moy, j'oserois assurer que ceste crainte le faisoit tenir bride en main, car il n'estoit pas mescbant ny des'.oyal à son maistre, et n'avoit pas fciute de cœur ny de sagesse à bien conduire ; mais il ne vouloit rien bazarder, qui estoit un grand deffaut à luy.
Or la nuict nous envoyasmes par deux fois rccognoistre les ennemis à Caussade ; il n'y avoit que demy lieuë , et la dernière fois ce fut par monsieur de Verdusan, mon enseigne , qui leur chargea un corps de garde. Or je voulois aller charger la nuict, car tout leur camp estoit logé hors de la ville et assez escarté; mais jamais il n'y eut ordre qu'il y voulust entendre. Le lendemain matin j'allay avec la compagnie du roy de Navarre, celle de monsieur de Termes et la mienne, recognoistre, menant monsieur de Malicorne avec moy, et trouvasmes qu'il y avoit quelques arquebusiers dedans, qui nous tirèrent. Or monsieur de Duras et le capitaine Bordet estoient allez à Montauban, là où il n'y a que deux lieues, et avoient laissé là tous les bons chevaux qu'avoit amené le capitaine Bordet , car luy et monsieur de Duras n'en avoient mené que dix ou douze, et avoient couché à Montauban ceste nuict-là. Jamais ils ne firent semblant de se monstrer, et avoient une grand peur que tout nostre camp desccndist, car de Mirabel à Realville n'y a qu'un quart de lieue. Nous temporisasmes là devant plus de deux heures, ne sçachant point que ces gens fassent dedans. Bien nous dirent des paysans que monsieur de Duras estoit allé le jour devant à Montauban, mais ils ne sçavoient s'il estoit retourné. La nuict nous retournasmes à monsieur de Burie, et entrasmes en conseil, tous les capitaines des gens-d'armes, le seigneur dom Loys de Carbajac aussi ; et là disputasmes si nous les devions aller assaillir dans Caussade avec les deux grandes coulevrincs, parce que les murailles ne valloient rien.
Les uns disoient qu'ouy, les autres que non. A la fin ceux qui disoient que non demeurèrent les plus forts ; et comme je vis cela , je proposay que nous devions incontinent après disner descendre là bas en la plaine et nous mettre tous eu bataille , et que nous ferions deux effets : le premier, que nous cognoistrions la force de Tennemy, etverrions à leur contenance s'ils avoient peur ou non ; et l'autre , que nous rengerions nos gens comme ils devroient combattre , et despartirions de nostre arquebuserie avec les trouppes de la gendarmerie , afin que , si nous venions à combattre, chascun sceust le rang qu'il devroit tenir; ce que ne pouvions faire où nous estions logez, à cause que c'estoient tout collines. A la fin nous conclusmes tout cela , et arrestasmes qu'après avoir un peu mangé nous monterions à cheval. Toute la noblesse , qui estoit belle et grande , se retira avec moy : nous noushastasmes de manger. J'envoyay un gentilhomme à monsieur de Burie, Tadvertir que je commençois à m'acheminer pour commencer à prendre place. Voicy venir monsieur de Malicorne qui a voit entendu le changement , et me vint dire que monsieur de Burie estoit résolu de ne descendre point là bas, ny' permettre que le camp y desceudist ; et me dit que ceux-là que je pensois tenir bon à ce que nous avions arresté , estoient les premiers qui s'en estoient desdits en toutes choses. C'est grand cas que le chef tire volontiers les autres à son opinion. Je le priay y vouloir retourner pour luy remonstrer la grande faute que nous faisions , de n'ordonner comme nos gens dévoient combattre, et que je luy promettois sur mon honneur que nous ne combattrions point, et ne ferions sinon veoir la contenance de l'ennem}^, et avec nostre artillerie nous les battrions s'ils se presentoient de l'autre costé du ruisseau. Mais j'en pensois bien une autre : si j'eusse veu la commodité propre , je les eusse si bien approchez , qu'ils ne s'en fussent peu desdire. Ledit seigneur de Malicorue n'3^ vouloit point retourner, et dit qu'il y avoit fait tout ce quil avoit peu à luy remonstrer, et qu'il n'y feroit rien d'advantage , et le trouvay fort fasché. Je cogneus bien qu'il ne disoit pas tout ce qu'il en pensoit : et alors j'y envoyay monsieur de Madaillan. Monsieur de Malicorne demeura avecques moy, car il ne voulut plus retourner. Nous nous acheminasmes et passasmes devant son logis, ayant tous espérance que quand il nous verroit acheminer, la fantaisie luy changeroit, et s'en viendroit. Et comme nous fusmes là bas, nous vismes arriver les compagnies du roy de Navarre et de monsieur le mareschal de Termes , que le capitaine Arne et le capitaine Masses
commandoient , et me dirent que monsieur de Burie avoit envoyé protester contr'eux s'ils venoient me trouver, mais qu'ils avoient respondu qu'avant disner ils avoient conclu de descendre bas en la plaine, et que quant à eux ils se vouloient arrester au premier conseil, et que j'y estois desjà, et que si les ennemis me combattoient, ils en voiiloient manger leur part. Il protesta aussi contre tous les autres capitaines [j'ai sceu depuis que dora Loys estoit de ceux qui avoient changé d'advis ] , protesta aussi contre le capitaine Charry, maistre de camp, lequel luy laissalescompagnies,ets'envinttoutseulpourme trouver. Bref, nous voy-là en division. 0 la mauvaise beste que c'est quand elle se met en une armée ! empeschez-la tant que vous pourrez , vous qui commandez aux armées, car si une foisellea ouvert la porte , il est mal-aysé de l'en chasser. Les ennemis partirent de Caussade , prenant le chemin droict à Realville , pour se sauver devers Montauban. Et comme ils furent en la plaine de leur costé, ils m'apperceurent et firent alte, puis se mirent en bataille et demeurèrent plus d'une grand heure à s'y mettre. Je cogneus bien qu'ils n'estoient pas fort experts en cela, et que leur ordre n'estoitpas bien faict. Ils n'osoient tirer plus avant, craignant que je les chargeasse par queue, et demeurasmes ainsi vis à vis, ayant un petit ruisseau entre-deux , plus de quatre grosses heures. Je ne voulus point que quelques arquebusiers à cheval que j'avois attaquassent rien , afin de luy monstrer que je n'avois poinct envie de combattre qu'il n'y fust, espérant qu'il y viendroit nous sçachant si près ; mais tout fut pour néant , et ainsi fusmes contraincts nous retirer de là : et comme nous nous retirions droict à Mirabel, aucuns de leurs gens de cheval qui esjoyent dans Bealville, lesquels auparavant n'avoyent jamais osé bouger, pasi-erent le ruisseau [ c'estoyent ceux du capitaine Bordet ] ; ils avoyent tous des casaques blanches, qui furent les premières que j'avois jamaisveuës. Et comme ils virent que nous tournions visage à eux , ils tournerentrepasser le ruisseau et passèrent l'eaué par dessus Ptealville, à nostre veuë , prenant le chemin de Montauban. Je me reliray à mon logis aussi fasché que je fus jamais , pour avoir perdu ceste belle commodité de combattre les ennemis. Quelque promesse que j'eusse faite, si le gros fust descendu rious estions aux mains, car je les eusse, comme j'ay dict, tant approchez, que sans combat il n'estoit possible de se demesler. Le soir monsieur de Burie m'envoya dire si je voulois venir au conseil, ce que difficillement après plusieurs prières je fis, et malaisément m'y peut on amener. Je luy remonstray la
