IG

COMMENTAIRES DK lîLAISK DK WONTLUC. [l5G2|

coyonnade que nous avions i'aicte ; il me dit n'avoir tenu à luy que Ton n'eust combattu. Il ne s'en alla pas sans responce. Monsieur de Malieorne , monsieur d'Argence sont encores en vie : je pense qu'il leur souvient mieux de ce que j'en dis qu'à moy; car je n'estois point en mon bon sens, tant jestois désespéré et en collere. Bref jequittay son conseil. Il monstroit bien qu'il estoit plus sage que moy, et plus patient d'endurer mes imperfections, et croy qu'en sa conscience il jugeoit qu'il avoit tort. La uuict les capitaines Arne, Masses et moy avecques ma compagnie et la noblesse, pensant trouver les ennemis deçà la rivière de Labeyron , pourcc que le passage estoit fort mau\ais, fusmes à 1erthe , et ne pensions point qu'ils passassent de ceste nuict là ; mais à leur arrivée ils passèrent tous en desordre , et s'allèrent mettre auprès de Montauban dans un bois qu'ils appellent le Ramier. Le sieur du Masses et Arne en trouvèrent quelques uns qui estoient demeurez aux mestairies par deçà la rivière, à cause qu'il s'en estoit noyé quekiues uns; mais ils les gardèrent bien de passer. VA ainsi nous en retournasmes sans pouvoir faire autre chose, ayant résolu de nous perdre tous ou les combattre , si nous les eussions trouvez : et croy que la collere où nous estions nous eust redoublé la force de combattre pour laisser la honte et vergoigne à ceux qui n'en vouloient pas manger. Les paysans des mestairies nous asseurerent qu'ils ne devoyent arrester qu'ils ne fussent dans Montauban : qui fut cause que ne passasmes la rivière. Ils nous asseurerent que si cent chevaux fussent arrivez comme ils commeuçoyent à passer, ils les eussent tous deffaits, ou ils se fussent noyez , tant ils avoient de peur, et qu'un nombre s'estoyent noyez ayant eu l'effroy sur une fausse alarme , de sorte que tous se jettoient à pied et à cheval à coup perdu dans la rivière pour passer. Et voyia la belle coyonnade qui fut faite, laquelle jamais ne me départit de dessus le cœurjusques après la bataille de Ver que nous eusmes quelque temps après. Il me sembloit que les pierres nous regardoient, et que les paysans nous monstroyent au doigt : nous avions la meilleure commodité de les estrillcr que nous ii'cusmes depuis à Ver.

.l'estois en telle colère qu'il ne tint qu'à bien peu ([ue le matin je ne me départisse d'avec le sieur de Burie; et sans les capitaines et seigneurs qui estoient avecques nous, qui m'en gardèrent, je l'eusse fait, estant biencertain ([ue la pluspart de l'armée me fust demeurée. Celuy qui medestournoit le plus de mon intention que nul autre estoit monsieur de Mulicorne. me remonstrant que le

Roy le trouveroit mauvais , et que tout iroit mal» et après on me impropereroit le tout , qui seroit assez suffisant pour me rendre hay de la Royne et me ruiner à jamais. Quant à moy, je voulois faire la guerre à mon plaisir, et me sembloit que je ferois beaucoup mieux. Il me souvenoit tousjours de Targon , les ayant rompus avec si peu de gens, et avois aussi opinion que les seigneurs d'Argence et de Carlus se rendroient auprès de moy , encores qu'ils fussent venus avecques luy. Toutesfois je creus le conseil dudict sieur de Malicorne et des autres, qui me rapatrièrent a\ ec luy , car ma colère n'est pas des plus mauvaises , encor qu'elle soit prompte : d'ailleurs il estoit lieutenant de roy ; il m'asseura que la première occasion qui se presenteroit il oublieroit toute crainte de perdre la Guyenne. Il sçavoit bieii que ce n'estoit que bonne volonté quej'avois au service du Roy qui me faisoitahisi parler : aussi autre chose ne l'avoit gardé que la peur de perdre , estant certain que le Roy s'en prendroit à luy puis qu'il en avoit la charge.

0 la mauvaise chose que c'est à un lieutenant de roy d'estre tousjours en crainte de perdre ! Ayez hardiment ceste peur dans une place, fortifiez vous jusques au ciel si vous pouvez , gardez vous , veillez et ayez peur de surprinse ; mais avoir forces suffisantes, et avoir tousjours peur de perdre, cela sent je ne scay quoy. Croyez, lieutenans de roy , que c'est un mauvais présage. Quant à moy , je n'estois pas marchand à tel pris , car je voyois bien tousjours que si les affaires de la Guyenne alloyent bien , celles de France en iroyent mieux , et si nous deffaisions les forces de pardeçà , qu'après nous nous jetterions dans le Languedoc, gardant par ce moyen que monsieur le prince de Condé n'auroit forces ny argent de la Guyenne ny du Languedoc.

Monsieur de Malicorne s'en retourna quelques jours après, et pense qu'il conta au Roy ce qu'il en avoit veu. Je cuide que pour ceste occasion Sa Majesté envoya monsieur de Montpensier de pardeçà, ayant entendu que nous n'estions gueres de bon accord : cela est fort dangereux au service de celuy qu'on sert; je ne scray jamais d'advis de donner commandement à deux : il vaut mieux un moindre capitaine seul que deux bons ensemble. Il est vray que j'en prenois plus que le Roy ne m'en avoit donné ; peut-estre fut-il besoin, il y en a assez qui en peuvent tesmoigner : pleust à Dieu que le Roy en eust faict autant à ceste dernière guerre! et peut estre que son service et le pays s'en fussent mieux portez , n'estant pas seul en ceste opinion , car je fus fort bien accompagné , et des meilleures testes. Et couseillerois tousjours

au Roy que comme il entendroit une division en une armée, qu'il y envoyast tousjours un prince de son sang pour commander sur tout ; et le plustost seroit le meilleur , avant que la division ne puisse prendre grand pied pour porter dommage à ses affaires; car après qu'elle auroit prins et faict fondement, et que le desordre seroit advenu , on n'y pourroit jamais donner ordre qu'avec grand difficulté et dommage, ou séparant ceux qui sont en division , ce qui ne se peut faire sans incommoder les affaires, veu que l'un et l'autre ont des amis et serviteurs.

Or peu après , monsieur de Burie mit en avant une entreprise , qui estoit d'aller assiéger Montauban par le costé de Thoulouse , et qu'il falloit retourner à Moissac et passer la rivière; il fit venir encore un canon et une coulevrine , et prismes le chemin droit à Moissac. Je le voulus laisser faire sans le contredire en rien , ayant juré un bon coup que je ne dirois mot , pour voir ce qu'il feroit , encore que je cogneusse bien que sou entreprise retourneroit en fumée et à néant ; car puis que nous ne les avions osé combattre à la campagne, que pouvions nous espérer de les vouloir combattre dans une ville , et encore telle que celle là? Toutesfois je suivis comme les autres, et arrivasmes au bourg ; et là demeurasmes sept ou huict jours, ayant faict tirer quelques coups de canon à la tour du pont. Nous tenions le bourg jusques aux maisons qui estoient tout auprès du pont, là où il y a voit une église qu'ils avoient fortifiée. Bref, je ne sçay par quel bout commencer à escrire ceste belle entreprise, car je n'en sçaurois faire un bon potage; ec vaut mieux , sans tirer plus outre, que je la laisse là. Et fust arresté que nous nous retirerions à Montech.

A nostre arrivée à Moissac je fus adverty que ceux qui estoient dans Lectoure estoient sortis en campagne , faisant une infinité de ravages sur les gentils-hommes et par tout là où ils en pouvoient prendre, et qu'ils attendoient des forces de Bearn que le capitaine Mesmes amenoit, qui estoient en nombre de cinq cens hommes. Leur dessein estoit de faire un camp-volant , ce qui fut cause que j'en r'envoyay le capitaine Mont- Juc (l) avecques quelques uns de ma compagnie. Le comte de Caudale, les sieurs de Cancon (2) , de Montferrand, Guitinieres (3) et autres, voulurent aller avec luy , et amenèrent le capitaine Parron; la compagnie du baron de Pourdeac {4), que le capitaine LaRocqueDordan commandoit, car le baron de Pourdeac avoit esté blessé quel-

(1) Pierre de Montluc, surnoramé Petjrot.

(2) Ou Cocon , frère du baron de Funiel.

ques jours auparavant devant Lectoure , à une escarmouche que le capitaine Montluc avoit faicte. Or, comme ils furent arrivez à Florence, ils entendirent que les Begolles (5) , nepveux de monsieur Daussun , estoient chefs de ceux qui estoient sortis de Lectoure , et qu'ils avoient pris le chemin droit au Sampoy pour aller au devant dudit de Mesmes , qui se devoit rendre ce matin à Aiguetinte. Monsieur de Baretnau , qui faisoit une compagnie de gens de pied, s'y trouvant, alla se mettre entre Terraube et Lectoure, parce qu'ils les vouloient là combattre. Les ennemis, qui furent advertis de son partement de Florence , cuiderent retourner à Lectoure , pource qu'ils furent advertis que le capitaine Mesmes ne pouvoit arriver de ce jour là à Aiguetinte. Et comme ils eurent passé Terraube pour retourner à Lectoure, ils virent qu'il falloit combattre le capitaine Montluc, qui s'estoit mis au devant, et aymerent mieux retourner à Terraube. Il y eut de l'escarmouche à l'entrée , car s'ils eussent esté encores cinq cens pas en arrière , le capitaine Montluc les deffaisoit avant que d'entrer. Lors il depescha vers Auch , Florence , La Sauvetat , Le Sampoy , et jusques à Condom , afin qu'on le vinst secourir pour les tenir assiégez : ce que tout le monde fit; et y arriva plus de deux mille personnes. Il me depescha en poste un courrier, m'advertissant que si je voulois venir là avec l'artillerie, nous prendrions Lectoure, car tous les bons hommes qui estoient dedans , il les tenoient enfermez dans Terraube , qui estoient en nombre de quatre cens ; et tous les deux Begoles , nepveux de monsieur Daussun , y estoient. Je monstray la lettre à monsieur de Burie ; il y eut un peu de dispute, pource qu'il ne vouloit pas que je prinse des capitaines de gens de pied : à la fin il m'accorda le baron de Clermon mon nepveu, auquel j'avois donné une compagnie de creuë. Et promptement monsieur d'Ortubie et Fredeviile attelèrent trois canons , et je me mis devant à Moissac pour préparer les batteaux ; et à l'arrivée de l'artillerie ils trouvèrent les batteaux prests, et toute la nuit ne fismes que passer. J'envoyay un commissaire de village eu village tenir des bœufs prests, pour tousjours rafraischir les autres : puis me mis devant , et trouvay le capitaine Montluc qui avoit assiégé la ville , et s'estoient rendus les quatre cens qui estoient à Terraube à luy , leur ayant promis la vie sauve.

Le capitaine Mesmes s'approcha jusques à la rivière de Bayse, à une lieuë dudict Terraube;

(ô) Geoffroy d'Aidie, seigneur de (iuUinières. (i) Bernard de Vieiuont, baron de Pordeac. {'6) Ou Bugoles.

COMMENTAIRES DE UtAlSE DE MONTLUC. [l562]

et , entendaut comme les autres estoient assiégez, se recula par le mesme chemin qu'il venoit, et se retira dans un petit village appelle Roquebrune, près de Vicfezensac. Monsieur de Gohas, mien nepveu , qui avoit esté lieutenant de monsieur de La Mothe-Gondrin en Picdmont, et avoit espousé sa fille , s'estoit mis aux champs avec quelques gentils -hommes ses voisins et des paysans au son de la cloche. Il se mit sur la queue , et le contraignit de se sauver dans ledit Roquebrune. La nuict les paysans se fascherent de les tenir assiégez, et se desroberent presque tous ; de sorte que le capitaine Mesmes s'en alla le matin en Bearn, d'où il estoit venu conter des nouvelles des belles afres qu'il avoit eu.

Or monsieur d'Ortubie fit si grand diligence, qu'il fut le lendemain passé la rivière deux heures devant jour, et fut devant Lectoure; et sur la pointe du jour luy , monsieur de Fredeville , monsieur de La Mothe-Rouge et moy , allasmes recognoistre où nous mettrions l'artillerie , et advisasmes de la mettre sur une petite montaigne du costé de la rivière , là où il y a un moulin à vent , pour battre du costé de la fontaine ; et la battismes tout le jour , de sorte que la brèche fut faicte de sept ou huictpas de long. Ils s' estoient retranchez par dedans, et avoieut bastiouné le bout des rues et le chemin qui va au long de la muraille , et percé deux ou trois maisons qui regardoient sur la bresche. Cependant que l'artillerie battoit je faisois faire des eschelles pour donner l'assaut au boulevart qui llancquoit la brèche , afin d'empescher ceux du boulevart qu'ils ne peussent tirer à la brèche ; et, pource qu'ils avoient environné ce boulevart de tonneaux et de gabions pleins de terre , et qu'aussi la brèche n'estoit pas encore raisonnable , je ne voulois pas faire ceste nuict-làce que je fis l'autre nuict après.

Le lendemain matin je fis tirer à ces tonneaux et gabions et agrandir la brèche et la baisser : la nuict après nous nous mismes en camisade , et ordonnay que le capitaine Montluc iroit donner l'assaut à la brèche avec les deux compagnies du baron deClermon, et celle du baron de Pourdeac , et la noblesse qui voudroit aller avec luy, entre lesquels estoit le comte de Candalle , jeune seigneur plein de bonne volonté ; aussi est-il mort depuis en une brèche en Languedoc , comme on m'a dit. Et quant à moy, je devois donner par les eschelles au boulevart avec la compagnie du sieur de liaretnau et un autre , et ma compagnie de gens-d'armes , que j'avois fait mettre à pied. Je fis prendre mes eschelles, et mis devant le capitaine Montluc et sa trouppe , allant sur leur queue voir quel effect ils feroieut. Apres moy

venoient les eschelles et ma trouppe. Or ils les emportèrent d'une grand hardiesse, et entrèrent dedans , et commencèrent à combattre les remparts qu'ils avoient faits aux rues , et desjà estoient presque maistres de l'un.

La nuict devant ils avoient faict un fossé entre la brèche et les remparts , et y mirent une grande traînée de poudre, et par dedans une maison ils y dévoient mettre le feu. Nous dressasmes les eschelles , et montèrent deux enseignes jusques auprès du haut du bastion. Je faisois monter les soldats et achever de dresser les eschelles : et comme nos gens de la brèche estoient presque maistres des remparts , ceux' de derrière , qui mirent les pieds dans le fossé de la traînée , qui estoit couverte de quelques fassines, commencèrent à crier ; « Nous sommes dans la traînée , » et s'effrayèrent dételle sorte, que tous se renversèrent sur la brèche. Les premiers qui combattoient les remparts n'eurent autre remède que de se retirer, et là y fut blessé le capitaine La Roque , lieutenant et parent du baron de Pourdeac, lequel mourut le lendemain, un des vaillans gentils-hommes qui sortist il y a cinquante ans de Gascogne. Il y eu mourut aussi d'autres , et y en eut quelques uns de blessez de ceux quidonnoient par les eschelles. Et comme ceux de la brèche furent retirez , je retiray les miens , bien aise d'en estre eschappé à si bon marché. Que s'ils eussent dounné le feu de bonne heure , ils eussent faict une terrible fricassée.

Le lendemain monsieur d'Ortubie , le gouverneur de La Mothe-Rouge et moy , allasmes recognoistre de l'autre costé de la ville devers le petit boulevart, et nous ne sçeusmes trouver lieu que pour y mettre deux canons que bien malaysément, car ceste ville est pour une ville de guerre des mieux assises de la Guyenne, et bien forte ; et si y demeuroit encores le petit boulevart qui flanquoit cest endroit où nous voulions battre , qui nous garda de nous pouvoir bien résoudre. Et sur le midy monsieur d'Ortubie tourna battre encores par la brèche à quelques flancs qu'il y avoit , pour ce que le lendemain je me résolus de donner l'assaut de plein jour : et en pointant un canon luy-mesmes fut blessé à la cuisse d'un coup de fauconneau qui estoit sur le grand boulevart , qui me decouforta fort, car c'estoit un vaillant capitaine , et qui entendoit bien Testât de l'artillerie. Il mourut deux jours après. C'est la charge de nostre mestier la plus dangereuse ; toutesfois en tous les siegts où je me suis trouvé , j'estois toujours pics du canon ; si je n'y estois il me sembloit que tout n'y alloit pas bien. Celuy-là entendoit bien son mestier , qui est une chose bien rare et périlleuse ,

COMMENTAIRES DE BLAISE DE MONïLLC. [l562j

comme j'ay dit : aussi n'en escliappe-il guère de ceux qui se liazardeut trop. Cependant les ennemis parlementèrent : il fut arresté qu'ils me bailleroient pour ostages trois de ceux de là dedans , et que je leur en envoyerois autres trois , et me demandèrent messieurs de Berduzan , de La Chappelle et un autre. Et comme ils furent auprès de la porte , et que nous pensions que les autres sortissent , il leur fut tiré trente ou quarante arquebuzades tout à un coup, de sorte qu'ils faillirent de les tuer , et blessèrent l'un de mes trompettes. Alors je fis crier à Brimoud que ce n'estoit la foy d'un bomme de bien, mais d'un Huguenot. Il s'excusoit, etdisoit que c'estoit un meschant qui avoit commencé , et que bien tost J'en verrois faire la punition.

Mais ces mescbans pendirent aux carneaux un pauvre Catholique qui n'en pouvoit mais. Or iisdemandoienttousjoursdemevoir, et disoient qu'ils ne pouvoient croire que je fusse là : aucuns me disoient que je me devois monstrer , mais je ne le voulus jamais faire, dont bien m'en print : un vieux routier est difficille d'estre pris au trebuchet. Deffiez \ous tousjours de tout, sans le monstrer pourtant ouvertement. Apres que le pendu fut mort, ils coupperent la corde , et le lireut tomber dans le fossé ; et fut arresté que les mesmes députez entreroient et les leurs sortiroient, car nous pensions que celuy qui avoit esté pendu fust celuy qui avoit fait le coup.

Or tout le monde se mettoit sur la rue près de Saincte Claire , et en trouppe , pour voir ce que faisoient les députez et quand les autres sortiroient. Ils avoient afiusté trois ou quatre pièces qu'ils avoient , et quelques mousquets tout droit à la trouppe , pensant que j'y fusse. Et comme nos députez fui'cnt auprès delà muraille, ils commencèrent à tirer les pièces droit à la trouppe , et y tuèrent un gentil-homme d'auprès d'Agen , nommé monsieur de Castels , et trois ou quatre autres blessez. Je voyois tout cecy de derrière une petite muraille , et m'esmerveille que nos députez ne furent tuez , car ils leur lascherent plus de soixante arquebusades : ils se sauvèrent courant. Et comme je vis cecy pour la seconde fois , j'envoyai derrière la muraille leur dire que puis qu'ils faisoient si bon marché de leur foy et promesse , que j'en ferois autant de la mienne ; et envoyay monsieur de Berduzan mon enseigne , qui estoit un des députez, et- ma compagnie avec une compagnie de gens de pied à Terraube , pour faire tuer et despescher tous ceux qui estoient là , et luy baillay le bourreau pour faire pendre le chef ; ce qu'il fit , et de bon cœur , attendu la meschanceté que ceux de Lectoure avoient fait en sou endroit : et après qu'ils

furent mort, les jetterent (1) tous dans le puyts de la ville , qui estoit fort profond , et s'en remplit tout , de sorte que l'on les pouvoit toucher avec la main. Ce fut une très-belle despesche de très-mauvais garçons. Ils m'amenèrent les deux Begolles , et deux autres de Lectoure de bonne maison , lesquels je fis pendre en un noyer près de la ville , à la veuë des ennemis ; et , sans l'honneur que je portois à la mémoire de feu monsieur Daussun (2) , les Begolles , ses nepveux , n'en eussent pas eu meilleur marché que les autres. Ils en furent à deux doigts près , ayant une fois commandé de les depescher , et puis je ne sçay comment je changeay d'advis : leur heure n'estoit pas venue. Si n'eust esté pour les faire pendre à la veuë de ceux de Lectoure , ils n'eussent eu la peine de venir , et eussent esté logez dans le puyts comme les autres.

Lanuict jecommençay à remuer mon artillerie de l'autre costé où avions recogueu monsieur d'Ortubie, le gouverneur La Mothe-Rouge et moy ; et la nuict , comme je la remuois , ils cogneurent bien par là où je les voulois battre , et se doutèrent qu'ils n'avoient pas gens pour soustenir deux bresches. Ils demandèrent le capitaine Montluc, et parla Brimond à luy, et luy dit qu'il vouloit capituler , pourveu qu'il luy donnast la foy de les laisser sortir avec les armes et leurs vies sauves. Cependant le jour vint : pressé des capitaines , je leur accorday ; car je voyois* bien que je n'estois pas encores au bout de ma leçon.

Quand je laissay monsieur de Burie , j'amenay monsieur de Sainctorens avec moy , et le capitaine Gimond; mais comme je fusa Moyssac , je fus adverty par monsieur de Burie que le camp des ennemis partoit de Montauban, et qu'il prenoit le chemin devers Cahors : qui fut cause que je renvoyay monsieur de Sainctorens et le capitaine Gimond dedans Cahors; et s'il eut grand difficulté d'entrer dedans la première fois, encores plus la seconde , qui fut la deuxiesme fois que par extrême et grande diligence il sauva la ville. Ledit sieur de Burie me manda que si je cognoissois que je ne peusse emporter Lectoure en deux jours, que je l'abandonnasse, m'allant joindre avec luy , et que sans moy il estoit le plus foible, ayant perdu quatre, cens Espagnols de trois compagnies qui s'estoient mutinées, et qu'ils avoient pris le chemin devers eux.

J'envoyay un gentil-homme après ces Espagnols, lequel ne peui rien faire, et y renvoyay monsieur de Durfort de Bajaumond , avec let-

(I) Deux cent trente personnes environ. (De Thon.) (2i Montluc se trompe; d'Aussun u'étoit pas mort à cette époque.

très et prières. Et comme ils eurent veu mes lettres, ils se mirent tous en conseil. En mes lettres y avoit que je ne voulois pas donner l'assaut qu'ils n'y fussent. Et résolurent tous de retourner à moy ; et comme j'eus fait la capitulation ils arrivèrent à Florence , une lieue de Lectoure; c'estoit un vcndredy. Et mis la compagnie du baron de Pourdeac dedans ; car il y vint avec son pied bandé : et le samedy matin je fis sortir tous les Huguenots dehors, afin que chacun se retirast où il voudroit. Aucuns se mirent de nos compagnies. Ils u'avoient jamais entendu la mort de leurs compagnons jusques à ce que je fus dedans , et ne pensoient pas eschapper à meilleur marché que les autres; mais je leur tins la promesse. Incontinent je ils partir le baron de Clermon avec les cinq enseignes que j'avois , et luy dis qu'il s'en allast passer la rivière de Garonne à Leyrac : et aliay parler aux Espagnols bas en la prairie , et leur promis faire leur appointement avec leurs capitaines, leur faisant plusieurs remonstrances ; de sorte qu'après ils se résolurent de me suyvre : j'en laissay tousjours la charge à monsieur de Durfort. Ils s'en allèrent avec les cinq compagnies à Leyrac passer la rivière. .1 employay tout le demeurant du jour à remettre les gens d'Eglise en l'evesché et aux monastères , les gens de justice en leurs sièges , et laissay l'ordre au baron de Pourdeac qu'il devoit tenir. Puisle dimanche matin je m'en allay disner à Stillac, mienne maison , et coucher à Agen : et là je fus adverty que monsieur de Duras avoit prins le chasteau de Marquies , qui est à l'evesque de Cahors , et l'evesque lequel il emmenoit prisonnier; et ayant entendu que monsieur de Sainctorens estoit arrivé dans Cahors, ils prindrent leur chemin droit à Sarlac. Je sceus que monsieur de Burie alloit après. Aussi j'entendis des nouvelles de monsieur de Montpensier, lequel estoit arrivé à Bregerac, ayant avec luy les seigneurs de Candalle ( 1 ) , de La \<mguyon, Destissac (2) , de Lau7Aui,de Chavigny. Tout le dimanche et la nuict venant au lundy, nos gens demeurèrent à passer à Leyrac, car il n'y avoit que deux batteaux , et ne peurent passer le lundy qu'il ne fust près de dix heures , qui fut cause que je ne peus faire plus grande traicte que de A'illeneufve. Le comte de Candalle nous tomba malade , et fus contrainct le renvoyer à sa maison, le capitaine Montluc pareillement, lequel avoit eu desja deux excez de fièvre. Le mardy le baron de Clermon me manda qu'il n'avoit peu faire le lundy que deux lieues à cause

(1) Fiéd«Mic tic l'dix.

(2) Louisj seigneur d'Eslistac. •

du passage de la lùviere, et qu'il s'acheminoit tant qu'il pouvoit droit à Belvez , là oîi je luy avois mandé qu'il prinst son chemin ; et pour luy donner advaniage, le mardy matin je ne fis que trois lieues, qui fut à Montaignac près Monflanquin. Le mercredy deux heures devant jour je fusa cheval, et allay repaistre à Iklvez, où les compagnies de gens de piedcommençoient à arriver, et les fis là séjourner deux heures, et me mis devant à Civrac sur la DorJoigne. Et lors je fus adverty que monsieur de Burie estoit aux Mirandes , qui est à monsieur de Caumon, avec le camp, et que monsieur de Montpensier estoit à Bregerac. Incontinent que je fus logé , un gentil-homme de Civrac, qui est de la religion nouvelle, me presta deux serviteurs , l'un pour envoyer à Bregerac vers monsieur de Montpensier, l'advertir de mon arrivée et de la prise de Lectoure, laquelle encores il n'avoit entendu, et que s'il luy plaisoit de s'avancer un peu devers nous , que nous trouverions moyen de nous assembler pour combattre le lendemain nîonsieur de Duras , qui estoit campé sur une petite rivière , nommée la Vesere, près de Fages. Tout autant en avois-jc escrit à monsieur de Burie, afin qu'il passast la Dordoigne sur la pointe du jour, ce que j'avois fait. Et fut monsieur de Burie esbahy que je fusse si tost là, veu qu'il n'y avoit que deux jours qu'on luy avoit mandé devers Agenoisque j'estois encore devant Lectoure, en danger de ne la prendre point.

Je n'eus jamais achevé mes depescîies , que le baron de Clermon arriva avec les cinq enseignes et les Espagnols. Et fis qu'ils passèrent la rivière sur deux grands batteaux, et allèrent coucher à Sainct Surban, près Fages, où ils n'arrivèrent que ne fust deux heures de nuict, et y trouvèrent logez les compagnies de monsieur de Burie , de Randan et de La Yauguyon. Et sans mademoiselle de Fages , mère de madame de Lioux, ma belle sœur, ils n'eussent rien mangé de tout ceste nuict; mais elle monstra qu'elle estoit femme d'un brave capitaine , qui estoit feu monsieur de Fages, car elle leur distribua tout le pain qu'elle avoit, et six ou sept poinsons de vin , et toute la nuict ne fit faire autre chose que cuire pain , et tous les lards et autres choses de sa provision , sans dormir de toute la nuict, et ne fut à son aise qu'ils n'eussent repeu.

Le matin , qui estoit le jeudy , je passay la rivière de Dordoigne à gué , car l'eau estoit gayable en deux endroits où on me mena. Et en tout je n'avois que quarante ou quarante cinq chevaux. Et sur mon partement de Civrac, j'cuz responcc de monsieur de Burie , lequel me mandoit qu'il estoit bien aise de mon arrivée ,

COMMENTAIBES DE BLAISE DE MONTLUC. [l562]

et que j'eusse prins Lectoure ; toutes-fois que de passer la Dordoigne, il n'en estoit point d'avis, car les ennemis estoient plus forts que nous , et qu'il falloit regarder si nous nous pourrions joindre avec monsieur de Montpensier, et après, ({ue ledit sieur adviseroit si nous devions combattre ou non. Soudain je me mis en furie, me craignant que nous ferions comme à Mirabel , et fus conseillé des sieurs qui estoient avec moy d'envoyer protester contre luy s'il ne passoit la rivière, et que je m'aliois engager au combat ; ce que je ne voulus faire, mais bien envoyay protester par Seignan , homme d'armes de ma compagnie, contre messieurs d'Arne, du Masses et de Charry, maistres de camp , lesquels incontinent allèrent trouver monsieur de Burie, et luy dirent que , quant à eux , ils estoient résolus de passer la rivière , et qu'ils ne vouloient point qu'il leur fust reproché devant monsieur de Montpensier, lequel desja nous tenions pour nostre chef; et quant et quant firent sonner leurs trompettes , et le capitaine Charry mettre les enseignes aux champs, alors il se prépara de partir. Le capitaine Charry se mit devant selon sa coustume avec les gens de pied sur la rivière , et promptement lit un pont de charrettes et passa à la haste.

Je n'arrestay pdnt à Sainct Subrou sous Pages, et parlay avec messieurs d'Argence et du Courre, et les priay monter à cheval, et que j'avois prié monsieur de Burie de venir , qu'il falloit combattre dans le midy. Ils me promirent qu'ils monteroient à cheval , mais qu'il falloit qu'ils envoyassent un homme en poste vers monsieur de Burie pour l'advertir. Je dis au baron de Clermon que promptement il list repaistre ses soldats, et à monsieur de Durfort les Espagnols , et qu'ils me suivissent au passage de la Vesere. Et comme je parlois à eux, arriva Seignan, car il estoit party dés la minuict pour aller parler à monsieur de Burie , et me dit qu'il avoit laissé monsieur d'Arne et le capitaine de Masses , qui commençoient à marcher, et que le capitaine Charry passoit la rivière. Je me rais devant. Or de Fages jusques au passage de la Vezere n'y a qu'une grand lieuë. Je fus bien tost sur le pass;!ge , et trouvay des paysans qui venoient de leur camp de cercher quelques asnes que les ennemis leur avoient prins, et me dirent que les ennemis deslogeoient de trois ou quatre villages ou ils avoient campé ceste nuict-!à , où il n'y avoit que demye lieuë. Je passay , et envoyay monsieur de Fontenilles avec trois ou quatre chevaux , pour prendre langue la nuict. Messieurs d'Argence et du Courre" avoient envoyé le mareschal des logis de monsieur de Randau à la guerre , et se trouvèrent monsieur de

Fontenilles et luy : or le mareschal des logis luy asseura avoir veu desloger le camp et marcher. Et comme Dieu veut ayder ou punir les gens quand il luy plaist, il n'y avoit de là où il estoit deslogé que deux petites lieues jusques à Ver, et de Ver deux petites jusques au passage de la rivière de risie , là où ils avoient fait estât de la passer ce jour-là ; mais pourcequ'ilsvoyoientque monsieur de Montpensier estoit à Bregerac avec bien peu de forces , et monsieur de Burie aux Mirandes , ils ne se voulurent pas haster, pour-ce qu'ils avoient deux bons logis entre-deux , Ver pour les gens de pied et l'artillerie , et Saiiict Andras et deux ou trois autres villages pour la cavallerie , et ne sçavoicnt aucunes nouvelles de moy. Il leur eust plus val lu s'incoramoderpour se mettre en seureté. Monsieur de Burie arriva ayant seulement avec luy deux ou trois chevaux , et me trouva que je parlois avec le mareschal des logis , qui me disoit que les ennemis s'en alloient passer la rivière de l'Isle, ainsi que luy avoit dit un prisonnier qu'il avoit prins , et des paysans qui venoient de leur camp , et que de-là ils s'en alloient en France trouver monsieur le prince de Condé. Alors je dis à monsieur de Burie qu'il se falloit haster de combattre ce jour-là; il me respondit que monsieur de Montpensier seroit raarry si nous ne l'attendions. Je repllquay qu'il estoit si loin de nous , qu'à peine nous pourrions nous joindre ce jour-là , et qu'il ne falloit pas arrester pour cela à les combattre , et que si nous les laissions passer la rivière et se joindre avec monsieur de La Rochefoucaut , qui les attendoit vers Sainct Jean d'Angely avecques des forces, que le Roy et la Royne auroient tout jamais moins d'estime de nous, n'estant pas dignes d'estre jamais rois au rang des gens de bien. « Je vous respons qu'ils sont à nous , mon bon ange me le dit. » Et comme nous estions en ceste dispute , arriva le capitaine Charry, et commencay a descouvrir ses gens qui descendoient une petite montagne qui venoit sur la Vesere de l'autre costé. Je vis venir aussi les cornettes du roy de Navarre , et de monsieur de Termes ; je voyois aussi descendre en mesrae temps les trois cornettes de monsieur de Burie , de Randan et de La Vauguyon. Tout cela me resjouit fort , et dis à monsieur de Burie qu'il falloit tout à coup marcher et nous jetter sur la queue, et qu'au passer de la rivière de l'Isle nous les combattrions. Il me dit qu'il ne tiendroit pas à luy, toutes-fois que si monsieur de Montpensier estoit marry, ou que les affaires allassent mal , qu'il s'en excuseroit sur moy. Alors je luy respondis, présent beaucoup de gens : « Monsieur, monsieur, sanrjuis cjus super nos et super filios

COMMENIAIKKS DE IJLAJSE DE fllOJNTLUC. [lôG2j

nostros ! que tout le monde charge hardiment sur moy, car je veux porter la coulpe de tout, j'ay les espaules assez fortes. Mais je vous asseureque je seray chargé d'honneur et non de honte , et queplustost ydemoureray-jelcventre au soleil, d Monsieur de Burie lit signe de la main , disant : « Allons donc , de par Dieu soit. » Cependant le baron de Clermon et les Espagnols passèrent la Vezere ; ils avoient l'eau jusques à la moitié de la cuisse. Le capitaine Charry s'en retourna faire passer les siens ; et à mesure que les gens de pied passoient , ils se mettoient en bataille dans une plaine qu'il y avoit. Les capitaines Arne et Masses vindreut à moy à course de cheval m'embrasser, et tous les gens d'armes à leur suite; messieurs d'Argencc et du Courre et de Carlus pareillement , ayant desja entendu le mareschal des logis que les ennemis n'estoient pas loin de nous; et espérions tretous que nous combattrions dans trois ou quatre heures. Je me suis trouvé en sept ou huit autres batailles , et ne vis jamais les capitaines et soldats a pied et à cheval , si joyeux comme ils estoient-là ; ce qui augmentoit mon bon présage. Et pour attendre que tout le monde fust passé et mis en ordre pour combattre, je me mis au long d'une haye, et envoyasmcs cercher un peu de foin à une métairie près de-là pour faire repaistre nos chevaux, car chacun s'estoit porté un peu d'avoine. Et veux dire à la vérité que je ne vis jamais monsieur de Burie si joyeux, qui n.e faisoit penser que ce diiayement qu'il faisoit, c'estoit plus pour crainte de perdre que pour autre occasion que fust en luy ; car je croy que jamais lascheté ny coiiardise n'entra en son cœur; car c'estoit un vieux et vaillant cavalier qui avoit tousjours lait preuve de luy, mais il avoit peur de faillir. J'euvoyay après les ennemis monsieur de Fontenilles , et ledit mareschal des logis avec trente chevaux . sur leur queue ; et moy, qui pouvois avoir quelque quinze sallades de ma compagnie, et environ trente gentils-hommes [tout pouvoit faire quarante ou cinquante chevaux], je dis à monsieur de Burie que je le priois de marcher après moy : et aiiibi nous despartismes. Monsieur de Fonteuilles n'eust pas fait plus haut d'une demye lieuë , qu'il rencontra dans les métairies quelques-uns qu'ils taillèrent en pièces. Il y avoit trois cornettes à la queue de leur camp , qui faisoient teste à monsieur de Fontenilles , et bien souvent leurs trouppes faisoient alte. .le suivois monsieur de Fontenilles, et advertissois du tout monsieur de Burie , le priant de vouloir marcher, et que j'estois à la veué de leur camp. Et ainsi j'allay tousjours sur la queue des ennemis jUsques euNiron les deux heures après midy. Et

m'arriva monsieur de Sainct Geoyes, père de monsieur Daudaux , lequel monsieur de Burie m'envoyoit pour sçavoir de mes nouvelles et me faire part des siennes : il estoit eucores en la plaine de la Vezere, où j'avois laissé le camp tout en bataille. Il me dit prou de choses, de sorte que ma joye tourna bien tost enfascherie. Je priay ledit sieur de Sainct Genyes vouloir retourner devers luy, ce qu'ail ne voulut faire, car il ne me voulut abandonner. Je le tiray à part, et arrestasmestous deux de parler aux capitaines à pied et à cheval , et leur dire ce que nous pensions qui serviroit pour les faire marcher. Et s'en retourna ainsi , et les trouva encores là ; et, après l'avoir tiré à part luy dit ce que nous avions arresté luy et moy, lequel se résolut alors de partir. Et voudrois donner cette loiiange audict sieur de Sainct Genyes , d'avoir esté cause que la bataille se donna. Et ainsi il marcha après moy, avec délibération de loger à Sainct Alverc avec tout le camp. Au dessus de Sainct Alvere , demy quart de lieuë , y a dix ou douze maisons qui tiennent logis pour les passans, mesmement pour les marchaus trafiquans , car c'est un grand passage venant de Perigueux à Bregerac. Comme j'y fus arrivé, je me joignis avec monsieur de Fontenilles , et me monstrerent que le camp se logeoit au de-là d'un petit ruisseau dans des villages que nous voyons. Et fusraes d'opinion de repaistre nos chevaux , car nous y ti'ouvasmes du foin et de l'avoine; mais nous n'y trouvasmes que quelques pauvres femmes, car les paysans s'en estoieut fuys ayant entendu leur venue. Et comme nos chevaux eurent repeu, tenant tousjours la bride de sou cheval chascun au bras , vint un serviteur de monsieur de Sainct Alvere (1) qui avoit accompagné deux nepveux dudit sieur et ie jeune Bordet à leur camp ; et nous dit que l'artillerie et les gens de pied se campoient a Ver, qui est un grand bourg, et monsieur de Duras avec la cavallerie à Sainct Andras, près de nous une petite demye lieuë, et nous monstra les villages. iNous voyons qu'il y avoit trois cornettes de gens à cheval, et au deçà tout auprès du ruisseau y estoieut logez les capitaines Salignac, Moncaut, et un autre, il ne me souvient du nom , qui pouvoient avoir vingt ou vingt-cinq chevaux ; mais que le village où estoient les trois cornettes estoit à moins de deux arquebusades de ladite maison ; et qu'il avoit laissé ledit Salignac qui preparoit à soupper pour le jeune Montferrand , dit depuis Langoiran , le Puch de Pardillan, et cinq ou six autres , lesquels il avoit laissé qui chassoicnt eu

(I) licrliaud de Lostaugcs, seigneur de Saint- Al\ aire.

COMMENTAIRES DE BLAISE DE MOINTLUC. [l562j

une campagne près de là ayant des oyseaux. Vous pouvez penser s'ils estoient de loisir, et si c'estoit marcher en gens de guerre, veu qu'ils avoient les ennemis si près. Je luy dis s'ils nous y voudroit mener : il me dit qu'oiiy ; et tout à coup montasmes à cheval et baillay à monsieur de Monferrand la moitié de la trouppe , pour aller donner dans la maison , et moy je me jetterois avec le demeurant entre le bourg où estoient les trois cornettes, et la maison. Et ne voulus point advertir monsieur de Fontenilles , qui estoit au bout du village en une maison séparée , pource que je voulois que la compagnie demeurast toute la nuict à cheval ; et ainsi nous aeheminasmes. Et comme nous fusraes auprès de la maison, ils nepensoient point qu'il y eust enuemy à deux lieues de là. Monsieur de Montferrand donna dans la closîure de la maison , et de prime arrivée print Salignac et Moncaut, et forcèrent une chambre basse , là où se retirèrent quelques uns, et tuèrent ce qui se trouva dedans : monsieur de Cancon estoit avec moy. Le serviteur de monsieur de Saiuct Al vere me dit que je meretirasse , et que les trois cornettes qui estoient au village estoient des meilleures de leur camp, car c'estoit la trouppe de monsieur de Tors, qui estoit venu avec le capitaine Bordct. Je le creus, et nous retirasmes au mesmes logis , et trouvasmes que monsieur de Burie avoit passé s'allant loger à Sainct Alvere, et le camp passoit à la file. J'arrestay les cinq enseigiies que j'avois à Lectoure , et les Espagnols mutinez , et les logeasmes pesle-mesle parmy nous. De chair, de vin et de chastaignes , nous en trouvasmes assez : je recouvray quelques grands pains noirs qu'ils font en ce pays là , et les baillay aux Espagnols , puis m'en allay, sans descendre , trouver monsieur de Burie , et n'amenay que monsieur de Montferrand, qui amena le capitaine Salignac qui estoit son prisonnier. Je le trouvay logé au chasteau de monsieur de Saiuct Alvere , et luy dis : « Monsieur, j'ay prins un de vos grands mignons du temps passé , le capitaine Salignac que voicy. » 11 me demanda où je l'avois prins; je luy dis que c'estoit dans le camp des ennemis. 11 pensoit que le camp fust à trois lieues de là vers le passage de la rivière de ITsle, et me manda où estoit leur camp ; je luy dis qu'il estoit auprès de nous, et que nous estions campez pesle-mesle. Alors il me sembla qu'il le trouva estrange, et luy dis ces mots : « Monsieur, il faut que vous monstriez que le proverbe de nos autheurs est véritable , que jamais un bon cheval ne se rend. Par ainsi, résolvez-vous à combattre demain matin, et mandez à toute la gendarmerie [laquelle n' estoit. pas encore descendue], qu'ils repaissent

la bride en la main, et que personne ne se desarme ; car nous sommes si près que nous ne pouvons reculer le combat. » Et apperçeus en disant cela monsieur de Sainct Alvere , et luy dis qu'il fist venir le serviteur qu'il avoit baillé à ses nepveux pour les ramener au camp des ennemis, car il estoit demeuré bas à l'entrée du chasteau ; ce qu'il fist : et comme il fust venu , je luy dis qu'il dist à monsieur de Burie où estoit logé leur camp, lequel luy dict lieu pour lieu. Alors monsieur de Sainct Alvere lui dict : « Vous estes logé à quatre arquebusades les uns des autres , sauf l'infanterie qui est à Ver, là où il y a une lieuë et demye d'icy à Sainct Andras , où est monsieur de Duras , qui tient jusques auprès d'icy. » Alors monsieur de Burie dit : « Je voy bien que nous sommes engagez à une bataille; mais , puis qu'il est ainsi , il le faut boire et combattre : » et vis qu'il se resjouit , dequoy je fus fort aise , et luy dis , en l'embrassant , ces mots : « Monsieur, si nous devions mourir, nous ne pourrions plus hounorer nostre mort, que de mourir en une bataille , faisant service à nostre Roy. » 11 m.e respondit: « C'est la moindre peur quej'aye; pour moy ce n'est rien, mais je crains la perte du pays. » Je le priay qu'à la pointe du jour tout le monde fust à cheval , et qu'il falloit dire comme l'Italien : Chi asalta vince. Et sur cet arrest luy donnay le bon soir, et m'en retournay à mon quartier, le laissant bien résolu au combat. Toute la nuict nous demeurasmes armez, nos chevaux sellez ; leurs sentinelles et les nostres s'oyoient les uns les autres. Nous fusmes au point du jour à cheval, et envoyay voir si monsieur de Burie estoit prest , et que son chemin estoit de passer où j'estois. 11 me manda qu'il s'acheminoit tout incontinent que le camp seroit prest à marcher. Et cependant je marchay droit à Sainct Andras , et trouvay que monsieur de Duras estoit deslogé et estoit à Ver. Je mis monsieur de Fontenilles avec vingt-cinq chevaux devant moy, et luy dis qu'il fist alte à l'entrée d'un petit bois qui est au dessus de Ver, et que je ferois alte à un petit village , quatre ou cinq arquebusades au deçà, attendant monsieur de Burie. Monsieur de Duras ne se hastoit aucunement, et pensoit que le camp fust encores sur la Vezerc, et que ceux-là qui avoient prins le soir Salignac estoient des coureurs. Monsieur de Fontenilles me manda qu'il avoit envoyé deux sallades descouvrir, lesquelles luy avoient rapporté que leur camp estoit tout en bataille dans les prez de Ver. Je manday à monsieur de Burie de se hasler et faire haster quatre pièces de campagne qu'il menoit; ce qu'il fit. Et comme je fus adverty quH estoit à dcmy mil de moy, je

COMMENTAIRES DE IILAISE DE MONTLUC. [l562]

marchay droit à monsieur de Fontenilles, où les trois compagnies de gens-d'armes, sçavoir est, celle do monsieur de Burie . de messieurs de Randan et de La Vauguyon , se mirent devant pour se joindre à moy ; mais ils faillirent le chemin, et allèrent droict à la veue de Ver, par des chastaigners , et pensoient que je fusse desjà à Ver, et ne se donnèrent garde qu'ils se trouveront sur les bras des ennemis , ayant une compagnie d'argoulels que le capitaine Pechié de Perigort commandoit. Et comme je fus au bout du bois, je dis à monsieur de Fontenilles qu'il s'advançast, ce qu'il fit : dont bien nous en prit, car il arriva à point nommé sur une cargue que le capitaine Bordet fit sur les trois compagnies, avec cent ou six vingts chevaux , tous lanciers. Et comme les argoulets du capitaine Pechié virent venir la cargue, ils se mirent en fuitte presque dans les trois compagnies. La cargue fut si rude, qu'une fois toutes les trois compagnies estoicnt esbranlées. Monsieur d'Argonce se remarqua fort là, et me dit on que sans luy tout avoit prins la fuitte. Monsieur de Fontenilles , avec vingt-cinq lances seulement qu'il avoit , donna de cul et de teste , et firent reprendre la fuitte aux ennemis par advenîure trois cens pas; puis après ils firent alte, et les nostres aussi. .T'arrivay sur cela, et les ennemis se mirent dans leurs autres trouppes de gens à cheval. Il y eut là plus de vingt lances rompues, et à ceste cargue tout le camp des ennemis fit alte. Je prins monsieur de Montferrand tout seul , et allay recognoistrc les ennemis tout à mon ayse ; et vis qu'ils commençoient à s'acheminer les tambours sonnans, et vis qu'ils avoient laissé à main gauche, en un arriere-coin , des arquebusiers à pied et à cheval, et à maindroitte, en un petit bois, des arquebusiers à pied.

Cependant monsieur de Burie arriva : je luy dis tout ce que j'avois veu , le priant de faire avancer ses quatre pièces sur le bord d'un fossé, et qu'il fist tirer à Tarriere-coin : ce qu'il fit , trouvant mou advis bon. Je dis à monsieur du INlasses qu'il se jetlast à main dioitte , du costé d'une peiitc montée qu'il y a, et fis mettre la compagnie du roy de Navarre et la mienne à main gauche, tirant à Parriere-coin , comme fis aussi Us trois compagnies de monsieur de Burie, de Randan et de La Vauguyon , au milieu dans le pré. Monsieur de Burie commença à faire tirer. Et comme cet ordre fut mis , voicy arriver tous nos gens de pied ensemble, les Gascons devant et les Espagnols après , à quatre vingts ou cent pas les uns des autres. Je vins aux Espagnols, et parlay au sieur Loys de Carbajac et à toute leur trouppc, le moins mal que

je peus , en espagnol , car pendant les guerres j'avois retenu quelque peu de leur langage. Vous, messieurs , qui avez le moyen et qui voulez pousser vos eufans , croyez que c'est une bonne chose de leur faire apprendre , s'il est possible, les langues estrangeres : cela sert fort, soit pour passer, soit pour se sauver, soit pour negotier, et pour leur gaigner le cœur. Je parlay donc à eux en ceste manière ; la nuict j'y avois rêvassé, et ay eu ce don de Dieu, encore que je ne sois pas grand clerc, de me sçavoir bien exprimer quand j'en ay eu besoin.

« Souvenez-vous, mes compagnons, tels vous puis-je ainsi appeller puis que nous combattons sous mesmes enseignes, souvenez - vous de la grande et belle réputation dont vostre nation s'est fait remarquer par tout le monde, ayant eu si souvent tant de belles et grandes victoires, tant contre les Turcs, Maures et Barbares, que contre les Chrcstiens : vous nous avez faict souvent sentir que vaut l'infanterie espagnolle, laquelle parmy toute celle du monde tient le premier lieu. Puis que Dieu a voulu que nous, qui estions n'y a pas trois jours ennemis , combattons sous mesme baniere , faicte paroistre que l'opinion que nous avons eu de vous n'est pas vaine. Les soldats français auront l'œil sur vous ; ils désirent vous devancer : faictes à qui mieux mieux, autrement pour jamais vous dcs-honnorerez la nation espagnolle. Le Roy vostre maistre, sçachant le devoir que vous aurez faict, vous en sçaura meilleur gré que si vous combattiez pour luy-mesme, car c'est pour la querelle de Dieu ; c'est contre les Lutheranos , qui vous mettront en mille pièces si vous tombez entre leurs mains. Que si ceste seule occasion ne vous semond d'aller de bon cœur et allègrement au combat , il n'y a rien au monde qui vous doive enfler le cœur. Il me semble que si je combattois dans les Espagnes, que mes bras se roidiroient au double. Vous estes mes compagnons en France , qui se resjoïiit de vostre venue , qui attend de vostre secours beaucoup de bien , et qui nous faict espérer que quelque jour ces deux grands royaumes , joints ensemble , iront jetter le Turc de son siège. Or sus donc . mes compagnons, sus, aux armes! Si ce nestoit que je ne veux desrober l'honneur au seigneur dom Loys, je me mettrois à la teste de vostre bataillon , la picque au poing , pour vous veoir manier les mains ; mais je n'en sera y pas fort esloigné , pour veoir si vous avez retenu ce que vos pères souloient faire, comme j'ay veu en Italie, Piedmont , Rossillon et Fontarabie. 11 me tarde que le jour de demain ne soit arrivé, afin d'advertir uostre Roy et le vostre du bon devoir que vous

aurez faict contre ceux qui sont cent fois pires que les Maures de Barbarie , ayant rompu les croix, les autels, et polu les églises de Dieu basties par nos ancestres , et dont je m'asseure que vous ferez la vengeance. No quieren vouestras mercedes nos otros que semnos hermanos y compagneros par iodas las fouerças nouestras por honra de Bios y protection del Rey Christianissimo hermano del Rey Catholico (1). » Alors le seigneur dom Loys me dict: Créa vouestra merced que nos avemos bien apelear del pretnero asta el postrero , y quanta averetno îma r/otla di sangre nellos cuerpos. Nos tarda cl tiempo que non veiamos a las manos contre los hereges (2).

Lors je les priay tous eu signe d'allégresse de lever la main ; ce qu'ils firent après avoir baisé la terre. Puis retournay aux Gascons , et dis à monsieur de Charry qu'il remontast à cheval, et que je voulois qu'il menast tous les arquebusiers à cheval au costé gauche de moy, afin de les faire descendre à l'heure que je le commanderois; ce qu'il fit. Et alors je fis une remonstrance aux Gascons, et leur dis qu'il y avoit une dispute de longue main entre les Espagnols et les Gascons , et qu'il falloit à ce coup en vuider le procès commencé il y a plus de cinquante ans ; c'estoit que les Espagnols disoient qu'ils estoient plus vaillans que les Gascons , et les Gascons qu'ils en estoient plus que les Espagnols 5 et que, puis que Dieu nous avoit fait la grâce de nous trouver en ceste occasion en niesme combat et sous mesmes enseignes , qu'il falloit que l'honneur nous en demeurast. « Je suis gascon, je renie la patrie, et ne m'en diray jamais plus, si aujourd'huy vous ne gaignez le procès à force de combattre ; et vous verrez que je seray bon advocat en ceste cause. Ils sont bravaches, et leur semble qu'il ny a rien de vaillant qu'eux au monde. Or, mes amis , monstrez leur ce que vous sçavez faire, et s'ils frappent un coup , donnez eu quatre. Vous avez plus d'occasion qu'eux , car vous combattez pour vostre lioy, pour vos autels et pour vos foyers : si vous estiez vaincus , outre la honte , vostre pays est perdu pour jamais , et , qui pis est , vostre religion. Je m'asseure que je ne seray pas en peine cie mettre la main dans les reins de ceux qui les monstreront à nos ennemis , et que vous ferez tous vostre devoir. Ce ne sont que gens ramassez, gens qui ont desja accoustumé d'estre bat-

(I) Messieurs, voulez-vous que nous deveuions frères et coinpagnons en combattant de toutes nos forces pour la gloire de Dieu et la défense du roi Très-Chrétien , frère du roi Catholique.

tus, et qui ont desja peur d'avoir les bourreaux sur les espaules , tant la conscience les accuse. Vous n'estes pas ainsi, qui combattez pour l'honneur de Dieu , service de vostre Roy et repos de la patrie. » Surquoy je leur commanday que tout le monde levast la main. Sur ceste opinion, ils la levèrent et commencèrent à crier tous d'une voix : « Laissez nous aller, car nous n'arresterons jamais que nous ne soyons aux espées : » et baisèrent la terre. Les Espagnols s'accostèrent des uostres. Je leur dis qu'ils marchassent seulement le pas sans se mettre hors d'aleine. Je m'en courus à la gendarmerie, trouppe à trouppe , et les priay de s'acheminer seulement le petit pas, leur disant : « Ce n'est pas à vous, messieurs, à qui il faut par belles remonstrances mettre le cœur au ventre; je sçay que vous n'en avez pas besoin : il n'y a noblesse en France qui esgalle celle de nostre Gascongne. A eux donc, mes amis, à eux : et vous verrez comme je vous suyvray. »

Monsieur de Burie monta lors sur un grand cheval, s'estant armé derrière l'artillerie: je luy dis que s'il luy plaisoit de marcher devant les gens de pied avecques l'artillerie, les trois compagnies luy seroient à costé , et il feroit la bataille : ce qu'il m'accorda promptement, et à la vérité je ne luy vis jamais faire si bonne mine , ny monstrer plus belle resolution pour venir combattre ; il ne me contredit jamais en aucune chose, tout ainsi que si j'eusse tenu sa place. Et me dict-on qu'il avoit dict : « Cest homme est heureux, laissons le faire. » Et comme toute l'armée commença à marcher eu cest ordre , je courus au galop, monsieur de Montferrand, et le sieur de Cajelles, qui est de la maison de Mongairal , et à présent chevalier de l'Ordre, aveeques mo}-; et n'arrestay que je ne fus à moins de trente ou quarante pas de cinq ou six chevaux qui estoient soubs un arbre. Le sieur de Puch de Pardillan m'a dict depuis que c'estoit monsieur de Duras, Le Bordet et luy, le capitaine Peyralongue, et un autre, du nom duquel ne me souvient. Ledict capitaine Peyralongue estoic leur maistre de camp de gens de pied; et à la cargue que le capitaine Bordet avoit faict, ils avoyent prinsun archer de la compagnie de monsieur de Randau , et le menèrent prisonnier tout auprès de cest arbre, et luy donnèrent deux pistollades de sang froid ; et, n'estant point encore mort, le capitaine Peyralongue

(2) Soyez persuadé , monsieur, que nous combattrons depuis le premier jusqu'au dernier, et tant que nous aurons une goutte de sang dans les veines. Il nous tarde de nous voir aux mains avec les Hérétiques.

COMMENTATHES DE lîLATSE DE MONTLIIC. [l562]

luy demanda qui estoit en nostre camp , et qui commaudoit : alors il luy dit que j'estois arrivé et que je commandois, se remettant monsieur de Burie sur moy, seachant bien qu'ils en seroicnt en frayeur. Il s'en alla à monsieur de Duras , qui estoit soubs cest arbre à dix pas de l'archer, lequel y vint, et luy demanda si j'estois à nostre camp : il luy dit qu'ouy, et que j'estois arrivé le soir devant , ayant prins Lectourc , dont ils furent esbahis. Alors ils tournèrent tout court à leur trouppe, qui n'alloit que le petit pas et n'estoit pas encor hors des prairies ; et cogneus qu'à leur arrivée leurs gens de pied commencèrent à doubler le pas, et dis à monsieur de Montferrand : « ^ oyez vous ces cinq chevaux qui estoient sous l'arbre? ils sont courus faire advancer de cheminer leurs gens. Voyez vous comme ils allongent le pas? » Et alors je tournay au galop à la trouppe où estoit monsieur d'Argence, et luy dis ces mots : « 0 monsieur d'Argence mon compagnon, voylà nos ennemis en peur : à peine de ma vie la victoire est nostre. o Et criay tout haut : « 0 gentils-hommes, ne pensons à autre chose qu'à tuer, car nos ennemis sont en peur, et ne nous feront d'aujourd'huy teste; allons seulement hardiment au combat, ils sont à nous : cent fois j'ay essayé le mesme, ils ne veulent que couler. » J'embrassay les capitaines , puis courus habilement au capitaine Masses, et luy en dis autant. Puis retournay au capitaine Arne, et aux gentils-hommes qui estoient sous ma cornette estans venus avccques ma compagnie, et commençasmes à marcher au grand pas et demy trot. Je courus encore vers les ennemis, estant tout en sueur, n'ayant que monsieur de Moutferrand ; et comme je fus près d'eux, je voyois la mine qu'ils tenoient, qui estoit d'avancer fort le pas , pensant gagner une petite montagne qu'il y avoit; et d'autre part je voyois venir les nostres en furie. Je voyois leurs cornettes de gens à cheval : les uns alloyent, les autres lournoyent. Je voyois trois ou quatre chevaux ]»army les gens de pied , et cognoissois bien à leur façon qu'ils faisoient haster leurs gens. Alors je tournay aux nostres, et leur commençay à crier : « Voylés là en peur! vovlés là en peur ! Prenons les au mot, mes compagnons, prenons les au mot, afin qu'ils ne s'en dédisent : ce sont des poltrons ; ils tremblent seulement de nous voir. » Je manday à monsieur de Burie qu'il laissast là l'artillerie , et qu'il s'advançast pour se jetter dans l'escadron de trois compagnies; et commençasmes à aller au grand trot droict à eux. Aucuns me crioient d'attendre les gens de pied; mais je rcspondois qu'il ne leur falloit pas laisser gaigner la montaigne , car là

ils nous feroyent teste , et combattroient à leur advantage. Il me souvenoit tousjours de Targon , où ils nous avoient faict teste sur la montagne, et fallut que nous les combattissions de bas en haut; que s'ils fussent descendus nous combattre, nous estions deffaicts. Nos gens de pied faisoient bien toute la diligence que gens de pied pouvoieut faire. Et comme ils virent qu'ils ne pouvoient gaigner la montaigne , ils r'allierent mil ou douze cens vieux soldats qu'ils avoient à leur artillerie : c'estoient ceux-là qu'ils avoient laissé à l'arriere-coin où monsieur de Burie avoit faict tirer; et alloient ainsi le grand trot toutes les trouppes coste à coste. Et comme nous fusmes à deux cens pas les uns des autres, je commeuçay à crier : « Cargue, cargue! » Je n'eus si tost faict ie cry, que nous voyla tout pesle-mesle dans leurs gens de pied et gens à cheval , sauf le capitaine Masses; car, comme il vit tous leurs gens renversez , il voyoit une grande trouppe bien près de la montée qui ne bougeoit, qu'estoient ceux que j'ay dit à l'artillerie , et ne chargea jusques à ce qu'il fust auprès d'eux , et alors il donna dedans. Monsieur de Fontenilles , qui r'allia quelques uns , s'y trouva; et là furent tous deffaicts, et l'artillerie priuse. Nous executasmes la victoire tout au long de la plaine et par les vignes. Il s'en jetta force dans un bois à main gauche , et moutoient sur les chastaigniers; les Espagnols et les Gascons leur tiroient comme ceux qui tirent aux oyseaux. Il me servit d'estre bien armé, car trois picquiers me tenoient enferré et bien eu peine ; mais le capitaine Baretnau le jeune, et deux autres, me désengagèrent; etj* eut ledict Baretnau son cheval tué, et le mien blecé au nez et à la teste de coups de picques, car mon cheval m'avoit porté dans leur bataillon , et n'avois coigneu jamais qu'il eust mauvaise bouche, que ce coupla, qu'il me cuida faire perdre. Les capitaines Arnc et Bourdillon y furent blesse;-, tout contre moy; cela fut cause que je ne me peus plus r'allier dans la cavalierie, car elle chassoit du costé de main gauche, et moy avccques quinze ou vingt chevaux qui s'estoient r'alliez, chassions à main droicte vers un village, là où il eu fut tué trente ou quarante; et là je fis un peu alte pour prendre aleine. Puis retournay à l'artillerie gaignée, et là trouvay monsieur de Burie, où nous attendismcs le retour de nos gens qui chassoient encores, et les r'alliasmcs. Nous trouvasmes qu'il y avoit de nos gens qui avoient chassé deux grands lieues; etretournasmeslogerà A^er, environ deux heures après midy, r'envoyant du bestail pour amener l'artillerie gaignée; et dcmeurasmes à Ver tout le lendemain. Il ne s'en fallut

que de bien peu que les fuyans ne rencontrassent monsieur de Moutpensier qui s'alioit mettre à Mucidan, se pensant joindre avec nous. Que si Dieu Teust voulu, tout estoit achevé, encores qu il n'eust gueres de forces avec luy ; car gens qui s'enfuyent ne tournent guère jamais visage, et tout leur fait peur : il leur semble que des buissons sont des escadrons. Ce qui se sauva , qui fut bien peu de gens de pied, se r'aliia avecques leurs gens de cheval , et cheminèrent tout le demeurant du jour et de la nuict, tirant vers la Sainctonge porter ceste triste nouvelle. De vingt trois enseignes qu'ils avoient de gens de pied, les dix-neuf nous demeurèrent, et de treize cornettes de gens de cheval, les cinq, lesquelles nous envoyasmes à monsieur de Montpensier, le recognoissant tous pour nostre chef. Les villageois en tuèrent encores plus que nous ; car la nuict ils se desroboyent pour se retirer en leurs maisons, et se cachoyent dans les bois; mais comme ils estoyent descouverts, hommes et femmes leur couroient sus , et ne seavoyent où se cacher. Il fut nombre sur le champ ou dans les vignes plus de deux mille hommes morts, outre ceux que les villageois depescherent.

Apres ceste victoire ( 1 ) nous marchasmes droit à Mucidan : monsieur de Burie se mit devant pour faire la révérence à monsieur de Montpensier, et laissasmes tout le camp à Grignoux , à deux ou trois grands villages qu'il y a entre Mauriac et Mucidan. Puis je m'en ailay faire la révérence audit sieur de Moutpensier à Mucidan , où je fus aussi bien receu que je seray jamais en compagnie que je sçaurois arriver; et croy que monsieur de Montpensier m'embrassa plus de dix fois, et demeuray trois ou quatre heures avec luy. C'estoit un bon prince, et vrayment homme de bien, aymant bien la religion et l'Estat. 11 fut d'avis que je m'en retournerois en Guyenne, par l'opinion de tous les seigneurs susnommez qui estoyent avecques luy : aussi en la compagnie du roy de Navarre et à la mienne n'y avoit pas trente chevaux qui ne fussent blessez , et qu'il emmeneroit monsieur de Burie et les trois compagnies et celle de monsieur le marcschal de Termes avecques luy, et les dix compagnies espagnoUes, pour les joindre avec les dix que Dom Johan de Carbajac menoit, qui dévoient arriver ce jour-là à Bergerac. Voyià le succès de la bataille de Ver; et pour- ce qu'aucuns voudront dire que je me loue entièrement d'avoir donné la bataille et estre cause de l'avoir gaignée, monsieur de Montpensier, messieurs de Candalle, Chavigny et de La Vauguyon, sont en-

(I) Elle fut remportée le 9 octobre 1562.

eore en vie; s'il leur plaist, ils porteront tesmoignage de ce qu'ils entendirent dire à tous ceux du camp, et mesmes aux gens propres de monsieur de Burie ; lequel seigneur de iîurie ne nioit pas qu'il ne m'eust laissé faire et conduire le tout, car il estoit vieux et n'avoit pas la disposition que j'avois pour commander et aller des uns aux autres, comme je fis, estant au partir de la bataille en eau, comme si on m'eust plongé dans la rivière. Ledict sieur de Burie ne peut aussi estre repris , car il vint bien à propos ; et, encor qu'il ne semeslast, si est-ce que ce gros qu'il menoit fit peur aux ennemis : ce qui fut cause que nous eusmes meilleur marché. Si ceste trouppe se fust peu joindre avec monsieur le prince de Condé , elle eust fait de l'eschet au camp du Roy, puis que sans ceux-là nos gens cuiderent perdre la bataille à Dreux, et si jamais les Espagnols ne se fussent oser acheminer vers la France, car , sans la bataille , monsieur de Montpensier ne se fust pas retiré en France. 1\ avoit esté envoyé pour deffendre et secourir la Guyenne, et, par le gain de la bataille, il en amena toutes les forces de Guyenne et de Sainctonge, qui estoient quatre compagnies de gensd'armes, et six qu'il avoit avec luy ou dans la Sainctonge , et monsieur de Sansac avec la sienne , vingt trois enseignes de Gascons ou d'Espagnols : qui ne fut pas petit secours qu'il mena au Roy, dont une bonne partie s'estoient trouvez au gain de la bataille. J'ay entendu que tous ceux qui allèrent de par de là firent très bien le jour de la bataille de Dreux : aussi n'y a-il pas de soldats en France qui surpassent les Gascons s'ils sont bien conduits, et mesmement les dix enseignes du capitaine Charry, lesquelles depuis le Roy honnora tant, qu'il les print de sa garde, et les retient encores à présent que monsieur de Strossi en a la charge après la mort meschante du capitaine Charry, assassiné à Paris. Et, encores qu'il ne faille point qu'un homme se loue , je diray à la vérité , et mettray par escrit que je fis alors de plus grands services à mon Roy et maistre, que gentil-homme fit jamais, et à son grand et extrême besoin et nécessité; et que la Royne m.ette la main sur sa conscience , je m'asseure quelle le confessera : elle sçavoit mieux que tout autre la nécessité où les affaires estoient , et combien cela incommoda les intelligences que monsieur le prince avoit en Guyenne, de laquelle ii fuisoit estât.

Or, seigneurs et mes compagnons qui lirez mon livre, prenez exemple à la diligence ethastive exécution que je fis depuis la prise de Lectoure; et ne vous attendez, lieutenans de Roy, je vous prie, à tout le moins si vous avez la dis-

position, au rapport qu'un autre vous fera de la reeoguoissance de vostreennemy, car il faut que vous mesmes le voyez ; et si vous le foictes, vous commanderez tousjours plus asseurcment que sur le rapport d'uu autre : vos yeux voyent plus clair que ceux d'autruy à ce qui est nécessaire. Vous pouvez prendre avec vous un ou deux des vieux capitaines; mais gardez vous sur tout que par quelque affection particulière que vous pourriez porter à quelque vieux capitaine , de le prendre avec vous quand vous irez recognoistre, car il est à craindre que ceste affection ne vous face prendre quehiue happelourde au lieu d'un bon capitaine, lequel, dés qu'il descouvrira l'ennemy, sentira quelque mutation de cœur, qui sera cause que , sur restimation ([ue vous avez de luy, et amitié que luy portez, il vous fera faire un si grand erreur, que vous ne regaignerez jamais ce qu'il vous aura faict perdre. Mais prenez tousjours quelque vieux capitaine, lequel par tout où 11 sera trouvé aura combattu et faict combattre; et encore qu'il aye quelquefois esté malheureux et battu , mais qu'il n'aye perdu à faute de cœur et de sens , n'arrestez pas pour cela de le prendre auprès de vous , car tout le monde n'est pas si heureux que .Montluc, qui n'a jamais esté deffaict. Prenez plustost celuy-là qu'un qui n'aura jamais perdu ni gaigné, et qui n'aura jamais servy en un camp que de tesmoing. Je ne vous escris point cecy sans expérience : j'ay appris ces leçons sous feu monsieur de Lautrec, estant un bon régent; car, s'il fut malheureux , ce fut plus pour le deffaut de son conseil, que de faute de cœur ny de bon jugement , car il avoit ces deux choses autant que lieutenant de Roy que j'aye jamais suivy. J'ay continué mon apprentissage sous messieurs les mareschauxde Strossi, de Brissac, et autres. J'ay veu faire assez d'erreurs à des lieutenaus de Roy, sur le rapport que leur faisoient ceux qu'ils envoyoient recognoistre. Et veux dire encore qu'un lieutenant de Roy, comme il a luy-mesme veu et recogneu les ennemis, il en est plus asseuré, et commande plus hardiment : car s'il avoit eu quelque peur [il n'y a homme au monde a qui n'en vienne quei([ue peu quand il void son ennemy qui luy fait te^te], il se r'asseurera, et ne !uy en souviendra plus. Combien de fois se maudit et despita monsieur d'Anguyen , la nuit de l'asques venant au lundy, de ce qu'il n'avoit creu son opinion et de ceux qui vouloient combattre, quand il eut veu les ennemis face à face, et qu'il n'avoit son camp avec luy. Asseurczvous, seigneurs lieutenans de Roy, que je ne mets point cecy par escrit sans grande raison. Mais vous me direz que c'est mettre la personne

du chef de l'armée au hazard : c'est chose qui se peut faire sans danger si apparent. Que ceux qui craignent tant le danger, qu'ils demeurent au lict. Allez y vous mesmes : il n'y a meilleur juge que vous, qui cognoistrez, si vous avez tant soit peu d'expérience, à la desmarche de vostre ennemy, ce qu'il a dans le ventre, et s'il a de la peur ou du cœur. Pardonnez moy si je suis coutrainct mettre moy-raesmes mes louanges : puis que j'escris ma vie, je la veux escrire au vray; aussi bien le dirois-je si j'avois esté battu : si je mens, mille gentils- hommes me peuvent desmentir.

Revenant à mon propos pour achever ceste guerre , monsieur de Montpensier s'en alla avec toutes ses trouppes attendre les Espagnols à Barbezieux , où monsieur de Sansac luy manda que monsieur de Duras s'estoit retiré et monsieur de La Rochefoucault , et qu'ils faisoient semblant de vouloir tourner vers luy. J'estois arrivé à Bergerac : monsieur de Montpensier me depescha deux courriers queue sur queue , me priant qu'en extrême diligence je tournasse à luy , et que messieurs de La Rochefoucault et Duras s'estoient r'alliez. et qu'on luy mandoit qu'ils tournoient visage à luy. Et comme je veux que Dieu m'ayde, en toute la noblesse de la compagnie du roy de ?>avarre et la mienne je ne trouvay pas trente chevaux qui peussent aller un pas que bien difficillement ; si me mis-je en chemin deux heures après minuit , et repeus un peu au chemin , et n'arrestay que je ue fusse à deux lieues de Barbezieux ; et reneontray deux fois par les chemins des ennemis qui estoient eschappez de la bataille , et les taillay en pièces. Je me logeay une heure de nuit à Sainct Privât : mon frère , monsieur de Lieux , estoit avec moy , qui ne s'estoit peu trouver à la bataille; et fusmes au lever de monsieur de Montpensier, lequel me sçeut fort bon gré de la diligence que j'avois faicte à le venir trouver; là où je trouvay monsieur de Sansac , qui me dict que ies ennemis avoient faict en un jour et une nuict ^dix-huict ou vingt lieues. Monsieur de Montpensier me !iceutia , et m'en retournay coucher à Sainct Privât près d'Aubeterre . et le lendemain à Bergerac ; et y trouvay dom Johan de Carbojac avec les dix compagnies d'Espagnols , qui avoient séjourné un jour , et fus cause qu'il partit le lendemain matin. Ainsi m'en revins, renvoyant tout le monde à leur maison , n'y ayant rien en toute la Guyenne qui bougeast, ny qui osast dire qu'il avoit jamais esté de ceste religion , car tout le monde alloit à la messe et aux processions , assistant au service divin ; et les ministres , trompettes de tout ce boute-feu , avoient

COMMENTATRES DE BLAISE DE MONTEUC. [1502]

vuitlé , car ils sçavoient bien qu'en quelque coing qu'ils fussent, je les attrapperois , et leur ferois bonne guerre.

Estant arrivé à Agen, je fus adverty que monsieur de Terride s'estoit ailé engager devant Montauban avec l'artillerie de Thoulouse et les deux compagnies deBazordan, que j'avois laissé pour prendre garde au pays, et sept ou huict autres que la ville de Thoulouse avoit faict, et ce fut incontinent après qu'il eut entendu le gain de uostre bataille. Et comme j'eus séjourné huict jours, monsieur le cardinal d'Armagnac, qui pour lors commandoit à Thoulouse , m'envoya prier, ensemble toute la cour de parlement, de vouloir aller à Montauban , leur semblant que les affaires alloient fort à la longue , et avoient presque perdu l'espérance. Je partis incontinent, et m'en ailay droit à Thoulouse ; j'y trouvay une lettre qu'un mien amy m'escrivoit, par laquelle il me mandoit que monsieur de Terride avoit escrit une lettre à monsieur le cardinal , et une autre à la coui- , et aux capitouls une autre, par laquelle leur mandoit qu'il avoit entendu qu'ils m'avoient envoyé quérir pour aller commander au siège de Montauban, et qu'en cela ils luy faisoient un grand tort, et le touchoient de son honneur , et qu'après qu'il avoit battu le buisson les autres prendroieutla proye. Voylàle contenu des lettres que le capitaine Bidonnet avoit apportées : estant à Thoulouse je fus fort pressé d'y aller; mais je respondis à monsieur le cardinal et autres que je ne voulois point faire ce tort à un mien compagnon ; car , selon le contenu de ses lettres , il se tenoit asseuré de prendre la place. Et comme ils virent que je n'en voulois point prendre la charge , ils me prièrent à tout le moins que j'allasse jusques là , veoir comme tout y passoit : ce que je fis. Monsieur de Terride me monstra tout ce qu'il avoit faict, et trouvay qu'en douze jours qu'il avoit demeuré devant il ne s'estoit pas faict œuvre de deux jours, et cogneus bien que le commencement n'avoit guieres esté bon, me doutant que la fin en seroit pire ; car je trouvay qu'il avoit abandonné le fauxbourg Sainct Anthoine , qui est sur la venue devers Caussade , par là où on entroit et sortoit dans la ville tout ce qu'on vouloit. Il avoit esté contraint de ce faire , pour ce que les soldats le laissoient tous depuis la mort du capitaine Bazordan qui luy avoit esté tué , et le servoit de maistre de camp : et ay bien opinion , comme ont beaucoup d'autres , que sans sa mort les choses fussent allées mieux , car ç'estoit une sage teste et homme de guerre. Il ne faut pas trouver estrange si monsieur de Terride n'entencbit guieres à assiéger places, car je veux