I. C. D. M. T. VIT

([ue je ne vous puis servir de conducteur , et aller tous ensemble offrir nos vies à Sa Majesté, Je veux que Dieu ne m'aide jamais si je ue le désire plus que je ne fis jamais chose en ce monde ; mais vous voyez que c'est chose qui ne se peut faire sans mettre en hazard tout le pays , lequel j'espère conserver, en despit de toutes les praticques des ennemis, avec les forces qui me restent. Il ne reste donc, messieurs, si ce n'est que vous faciez la diligence requise. Souvenez vous de ce que vous m'avez veu faire et dire , que c'est la meilleure pièce qu'un capitaine sçauroit avoir. Vous ne sçavez les affaires du Roy, ny s'il est pressé de secours; parce ne séjournez pas, je vous prie. Je sçay bien qu'il y en a parmy vous plusieurs dignes , non pas de mener une trouppe, mais de conduire une armée ; par ainsi je vous supplie trouver bonne l'eslection que je fais pour conduire celle-cy , de la personne de monsieur de Terride, lequel monsieur de Gondriu assistera. Il est le plus ancien et expérimenté ; je m'asseure qu'il s'en acquittera dignement ; aussi asseurez vous qu'en vostre absence il me ressouviendra de conserver vos maisons, et faites moy ce plaisir de vous ressouvenir de moy. Et si vous vous trouvez en mesme, faictes paroistre que vous estes gentils-hommes et gascons , et qu'il n'y a nation pour les armes pareille à la nostre. J'ay pratiqué toutes celles du monde , mais je n'en ai point veu de pareille, et en tous les faits d'armes petits et grands que j'ay veu faire, tousjoursles Gascons y ont eu la meilleure part. Conservez , je vous supplie, ceste réputation. Jamais pareille commodité ne s'offrira pour faire paroistre ce que vous sçavez faire, et le zèle et affection que vous portez à vostre Roy et naturel seigneur. »

Tous me remercièrent, et me donnèrent asseurance qu'ils ne sejourneroient que pour repaistre , qu'ils ne fussent auprès du Roy. Monsieur de Terride me remercia de l'honneur que je luy faisois. Il fut disputé du chemin , et chacun en opina; car en matière de conseils j'ay tousjours eu ceste coustumede faire opiner tout le monde, et m'en suis bien trouvé. Et après plusieurs disputes il fut résolu que l'on prendroit le chemin droict à Moulins. Monsieur deMonsallez (i) me cuida un peu mettre en colère , car il vouloit s'en aller devant , comme s'il eust eu plus de desir et affection que les autres : je luy dis que cela n'estoit pas bon d'abandonner la trouppe, etoogneut bien qu'il m'avoit fasché. Je luy donnay la charge de conduire l' avant-garde , et à monsieur de Sainctorens les gens de pied. Avant nos-

(i) Jacques de Baloguier, seigneur de Monsalès.

tre départ de Limoges je les vis tous partir. Je neveux rien escrire de cesteentreprinse de Sainct Michel (l); elle est trop vilaine et indigne d'un François, pire que celle d'Amboise ; et vis bien que c'estoitdeseffects de la ligue ou contre-ligue dont j'avois senty le vent au Mont de Marsan. Je ne scay comme l'on s'aida du secours que J'envoyay ; mais j'oserois bien dire que jamais lieutenant de roy ne tira hors du pays tant de noblesse ny de gens de pied tout à un coup, comme je fis, ny si grande quantité d'hommes signalez. J'avois telle opinion d'icelle , que si j'eusse rencontré monsieur le prince de Condé sans les reistres , je n'eusse pas quitté nostre victoire pour la sienne : et encore en m'en retournant je reucontray plusieurs trouppes qui venoyent pour estre de la partie. Je ne veux poinct me mesler d'escrire comme ce secours se porta aux affaires qui se présentèrent , car Monsieur y estoit , et tous les princes et grands capitaines de France , qui se rendirent bien tost auprès de mondict seigneur.

Or , comme je pensois que l'on me sentist bon gré de la diligence que j'avais faicte, et que j'esperois en recevoir un bon remerciement de Leurs Majestez en contr'eschange de ce , on me présenta la patente qu'un dragon, commis du receveur de Guyenne, apporta, laquelle le Roy envoyoità monsieur de Candalle (2), parla où Sa Majesté faisoitledict sieur de Candalie son lieutenant gênerai dans la ville de Bordeaux et au Bordelois, y commandant comme si j'y estois. Je fus fort èsbahy de cela , et cogneus bien que l'on m' a voit donné une traverse à la Cour , et que le lloy et la Royne ne m'eussent jamais faict ce tour-là sans quelques presteurs de charitez; car, grâces à Dieu, auprès des roys de France en y a tousjours de telles gens à revendre, et qui ne s'attaquent jamais qu'aux meilleurs et plus affectionnez serviteurs que les roys ont : qui est cause que je n'ai pas trouvé estrange celle que l'on m'a prestée ceste dernière fois , car ce n'est pas la première. Monsieur de Malassise , qui est aujourd'huy, m'en presta une en la Romaine, à l'endroit de monsieur de Guyse, et me vouloit, par ce moyen , faire oster le gouvernement de la Toscane . pour y mettre monsieur de La Molle , et luy fit à croire que j'avois dit beaucoup de mal de luy, et ledit sieur l'en creut, et m'en voulut grand mal un temps. Depuis, en présence de monsieur d'AumalIc , monsieur de Montpesat , messieurs de Gipierre et de Randan [les deux sont morts, et les autres deux envie],

(1) A cette épociuc Condé et l'Amiral Iciilcrcnt tlo s'emparer de la personne du Koi.

(2) Henri de Foix de Candale.

à Macherate je m'en demeslay ; mais si ne sceusje encor si bien luy oster l'opinion qu'il en avoit conceué , qu'il ne m'en gardast quelque racine; de sorte que jusques à ïhionville il ne changea d'opinion. A mon retour à Montalsin il tint à peu que je ne coupasse la gorge à celuy qui en estoit cause. 11 ne faut trouver estrange s'il m'en veut tant comme il faict : je ne veux point dire icy les raisons, pour beaucoup de considérations; je le laisseray faire tousjours comme il a fait jusques icy, maniant la Royne. J'espère qu'avec le temps Sa Majesté changera d'opinion, comme fit monsieur de Guyse.

On m'en presta une autre quand le roy Henry m'envoya en Piedmont , après le retour de Siene, à la prinse de Vulpiau, pour ce que je me tenois près de monsieur d'Aumalle", n'y espargnantma vie non plus que le moindre soldat du camp. Et croy qu'on n'eust pas voulu que le sieur d'Aumalle eust eu cet honneur de prendre Vulpian ne autres places qu'il print. Et me fut apporté une lettre de monsieur le connestable , par laquelle ledit sieur me mandoit que le Roy luy avoit commandé m' escrire que je me retirasse à ma maison jusques à ce qu'il me manderoit , me chargeant que j'avois dictque je n'obeyrois pas à monsieur de Termes, comme si je n'avois jamais accoustumé de luy obeyr ; car toute ma vie je l'î^y préféré en toutes choses à moy : aussi il le meritoit. Auparavant l'on eu avoit bien preste uue autre audict sieur de Termes , luy mettant sus que , pour l'alliance qu'il avoit faicte par son mariage en Piedmont , et pour l'amitié que les Riragues et luy avoient ensemble , i! se pourroit bien emparer du Piedmont, comme si les uns ou les autres y avoient jamais pensé. Quoy que ce soit, on le tira du Piedmont : il estoit trop homme de bien , ce n'estoitpas le récompenser de tant de services. L'on le presta bien aussi à monsieur d'Aumalle, disant que les princes ne luy vouloieut pas obeyr , et qu'il falloit envoyer moiisieur deTermespour les commander, comme si monsieur d'Aumalle n'estoit de meilleure maison que monsieur de Termes, et que les princes dévoient plustos^,obeyràun pauvre gentil-homme qu'à un (iui est prince, encor que ce ne soit pas du sang royal. Je puis dire, pour l'avoir veu, et n'y a homme qui en puisse mieux tesmoigner que moy, que lesdits sieurs princes ne s'espîigncrent non plus que les moindres gentils-, hommes de l'armée, et firent acte digne du lieu d'où ils sorloient; car ils furent à l'assaut, et montèrent sur la brèche à Vulpian, grimpans avec des picques et quelques eschelles de cordes, car elle n'estoitpas raisonnable, commej'ay escrit cv dessus.

Et puis que je me suis mis à eserire des charitez que l'on preste aux gens à la Cour, j'en veux eucor eserire d'autres que j'ay veuës en mon temps , et de celles que j'ay leu aux histoires romaines. Premièrement je \is donner celle qui cuida cousîer si cher à monsieur de Lautrec. L'on luy retint cent mil escus, que le Roy avoit commandé à Sainct Blanzay de les luy envoyer pour le payement des Suisses. Que si cet argent fust venu , les Suisses ne s'en fussent retournez en leur pais, car ils ne s'en retournèrent que par faute de payement, et la duché de Milan s'en perdit. Ce pauvre seigneur de Lautrec ne fut bon à grand peine pour les chiens tout un temps, et ne pouvoit avoir audience pour dire ses raisons. A la fm le Roy l'escouta, et en fit pendre Sainct Blanzay , encore que le tort ne vinst de luy, mais le pauvre homme en portalapenitence. Je sçay bien qui en fut cause , mais je n'ay affaire de l'escrire. 0 qu'il y a de peine à servir les grands , et de danger quant et quant ; mais il faut passer par là : Dieu les a faits naistre pour commander , et nous pous obeyr. D'autres nous obeyssent à nous, et touteslbis nous sommes tous d'un père et d'une mère; mais il y a trop long temps pour alléguer nos titres.

Je vis le trait qu'on fit à monsieur de Bourbon. L'on le mit en tel desespoir , qu'il fut contraint de faire beaucoup de choses indignes d'un prince, car l'on luy vouloit oster son bien , et le remettre à la légitime du bien qu'il avoit eu de la maison de Bourbon , de laquelle il estoit puisné. Au camp deMesieres, et au voyage de Valenciennes on lui en fit avaller deux ; si monsieur de Bonnivet , qui estoit admirai , en estoit cause , je n'en sçay rien , mais ou le disoit. Quelqu'un tousjours porte la marote : je pense que si le Roy n'eust voulu , ny luy ny madame sa mère n'eussent mis ce brave prince au desespoir. Ceste traverse fut cause d'un grand malheur en la France , et le Roy s'en repentit plus de trois fois depuis. Le prince d'Orange, qui commanda le camp de l'Empereur à Rome après la mort dudit seigneur de Bourbon , avoit aussi peu avant quitté le service du Roy , pour avoir Sa Majesté commandé au mareschal des logis de le desloger pour loger un ambassadeur du roy de Pologne. Ceste occasion est bien légère, mais si elle est véritable : un bon cœur se fasche quand on le méprise.

L'on en prestaun autre aussi à André Dorie (l), qui commandoit les galleres du Roy au temps

(1) André Doria. Voy. Mémoires de du BeUuij.

(2) Montluc se trompe; il ne fut fait aucune menace à François P'.

que nous tenions le royaume de Naples tout asseuré : et ce fut pour faire bailler les galleres à monsieur de Barbesieux , car par faute qu'il eust fait il ne se peut dire ; car le comte Philippin Dorie , son nepveu , avoit gaigné la bataille auprès de Naples , comme j'ay escrit , contre le viceroy dom Hugues de Moncalde, où il mourut, et le marquis de Guast , et plusieurs grands seigneurs prisonniers. Ledit comte estoit si vigilant et soigneux, qu'il ne pouvoit entrer un chat dans la ville de Naples : ceux de dedans estoient à l'extrémité , le viceroy mort , les grands seigneurs prisonniers , et les autres révoltez du costé du Roy. Il faut donc confesser que le royaume estoit au Roy en despit de tout le monde ; et le juste despit dudit André Dorie le luy fit perdre. Quand le Roy fut pris prisonnier à la bataille de Pavie , et que l'on le menoit par mer en Espagne, André Dorie s'en alla au devant des galleres qui le portoient, pour les combattre et leur oster le Roy : ce qu'il eust faict, et eust mis tout enhazart; mais le Roy l'envoya prier de ne le faire point , car s'il le faisoit il estoit mort ; et desja l'on luy avoit annoncé de le faire mourir , si André Dorie se presentoit pour les combattre (2); qui fut cause que ledit André Dorie tourna à Gennes , laquelle pour lors estoit au Pvoy. Voy là un autre grand mal-heur et une malheureuse traverse qui porta autant de dommage que celle de monsieur de Bourbon; car non seulement pour ceste occasion se perdit tout ce que nous avions gaigné du royaume de Naples, mais encore se perdit Gennes; car toutes les pertes , tant du royaume de Naples que de Gennes , vindreut pour la révolte dudict André Dorie, laquelle il fit, offencé du tort et deshonneur que l'on luy avoit fait de luy avoir osté la charge de commander les galleres pour la bailler à un autre , sans avoir aucunement malfaict, ny avoir reçeu une seule escorne en sa charge , et aussi luy vouloir faire rendre les prisonniers de guerre sans aucune recompense. Or tenoifc ledit André Dorie en si grand crainte la mer, que le Roy n'osa jamais passer en Italie jusques à ce que ledit André Dorie fust à son service. L'Empereur , ayant entendu le traict qu'on luy avoit faict, luy envoya la carte blanche , et qu'il couchast là dedans tout ce qu'il voudroit de luy, et qu'il vinst à son service. Et manda après ledit André Dorie au comte Philippin , son nepveu , se retirer de devant Naples , et qu'il abandonnast le service du Roy, le venant trouver à Gayette ; ce qu'il fit : et avant partir, il fit mettre tant de vivres qu'il peut promptement dans Naples, afin qu'elle ne se perdist : et ainsi cekiy qui leur avoit faict le mal leur fit le bien , car

COMMENTAIRES DE BLATSE DE MONTLllC. [l567]

autrement clans Imict jours il falloit qu'ils entrassent en capitulation. 0 que cest homme devoit estre reclierché ! je croy que luy seul a ruiné les affaires du roy François. Les roys ny les princes ne doivent ainsi traictcr les estrangers , ny leurs subjects aussi , quand ils les cognoissent gens de service. Et si nostre maistrc fut mal conseillé, l'Empereur fiittrcs-bienadvisé de se haster de bonne heure pour tirer ledict Dorie à son party , afin que le Roy n'eust le loisir de faire son appointement , et se rendre cest homme son serviteur. Les princes doivent icy prendre un bon exemple, et pour se faire sages aux despens des autres ils se doivent garder d'offencer un grand cœur , et un homme de service , mesraement quand vous ne le tenez pas obligé, comme celuy qui a sa femme, ses enfans et son bien à vostre mercy. Le Roy n'avoit rien de tout cela sur André Dorie. Ce fut une des plus grandes incongruitez que j'aye veu faire en mon aage , plus importante encor que celle de monsieur de Bourbon.

Puis j'en ay veu donner une autre au prieur de Capue , qui estoit un des vaillans hommes que cent ans a aye monté sur mer , et autant des Turcs et des Chrestiens, et luy voulut-on faire accroire qu'il avoit mangé le lard. Il fut contrainct s'en aller avec ses deux galleres se rendre à Malte à sa religion. 0 le grand tort que le Roy se fit là de croire si légèrement! le doramage en fut à luy, et la perte à la France , car ce seigneur estoit homme de service, et qui sçavoit bien le mestier duquel il se mesloit.

J'en ay veu donner une autre aussi à monsieur le mareschal de Biez. J'oseray gager mon ame que ce seigneur-là ne pensa jamais à faire acte meschant contre le Roy ; toutes-fois on le calomnia fort un peu après la mort du roy François le Grand , luy mettant sus qu'il estoit cause que monsieur de Vervin son gendre avoit rendu Bologne; et luy bailla-on pour faire son procès un Cortel , le plus renommé mauvais juge qui fut jamais en France. Qui vid jamais ny ouy dire qu'on punist quelqu'un pour la laseheté d'un autre ? Quand on luy faisoit son procès , on luy mit à front trois grands pendars (l), lesquels luy soustindrcnt que le jour du grand rencontre qu'il eut avec les Anglois il monta sur un grand cheval portant un panache blanc pour se faire remaniuer, a(in que les Anglois ne donnassent à Un ; comme si c'estoit chose

(1) NomnK^sM'^dard Trcliii, Bocqnct, et Jean cIcBoiirienno; ils fiirciil tons trois pendus si\ansa|)r('s, comme faux témoins dans une antre ulliiirc.

(2) Il était octo{,'énaire.

bien aisée à faire : quand ou est meslé en Une bataille , la poussière, la fumée et les cris empeschent bien ce jugement. C'est aussi l'ordinaire des braves hommes de se remarquer pour se faire cognoistre un jour de combat, mesmementaux guerres estrangeres qui se font comme pour honneur , et non pour haine ; car aux civiles monsieur de Guyse s'en fust mal trouvé à la bataille de Dreux. Voilà comme on calomnioit ce pauvre seigneur , lequel ce jour là deffit huict cens Anglois. Je croy que si le Roy eust envoyé un tel commissaire, et qu'il eust voulu ouïr les Huguenots , il eust trouvé prou de tesmoins que j'avois promis la Guyenne au roy d'Espagne. Je n'aymay jamais ceste nation, ny les aimeray, car je suis trop bon françois. Et pour retourner audit sieur mareschal, comme ceux-là qui luy avoient baillé ceste traverse virent qu'ils ne le pouvoient attraper par nul moyen, et qu'il s'en alloit relaxé au grand deshonneur de ceux qui l'avoient mis en ceste peine, l'on luy mit sus qu'il avoit faict passer des passevolans en sa compagnie d'hommes d'armes, pour gaigner les payes; ce qui se trouva véritable, comme Ton m'a dit , mais c'estoit pour donner à des gens qu'il tenoit en Flandres pour le tenir ad vert y de ce qui se passoitau paysdel'ennemy ; car quelquefois nous sommes contraints de nous ayder du nostre raesme pour servir le Roy. Je laisse penser à un chacun si cela meritoit de le faire venir sur un eschaffaut et estre desgradé de noblesse, des armes et de la mareschaucée , condamné d'avoir la teste tranchée. Mais comme l'on le vouloit exécuter, le roy Henry, se ressouvenant qu'il l'avoit faict chevalier, luy envoya sa grâce, et mourut, tant de vieillesse (1) que de regret qu'il eut, cinq ou six mois après; car qui eust voulu vivre après une telle injure et honte ? La justice de France n'est pas sans Cortels , car il en y a prou que si le Roy leur bailloit entre les mains le plus homme de bien de son royaume, ils y trouveroient assez dcprinse, comme Cortel disoit que si l'on luy bailloit le plus juste lieutenant du Roy du royaume de France, pourveu qu'il eust exercé la charge un an ou deux , qu'il ne craignoit pas qu'il ne trouvast matière pour le faire mourir. Ce pauvre seigneur avoit faict un acte belliqueux, si jamais homme en fit , auprès du fort de Montreau. Quand les Anglois sortirent de Bologne pour luy venir donner la bataille, il avoit avec luy le régiment du comte Ringrave, et croy que luymesmes y estoit , celuy des François que monsieur de Tais comiuandoit, et sept enseignes d'Italiens. Et comme les ennemis chargèrent nostre cavallerie, elle se mit en routte; et voyant

COJiDIENTÂlRES DE ELAISE DE MONTLUC. [1567]

ledict sieur le desordre des gens de cheval, 11 s'en courut au bataillon des gens de pied , et leur dict : « 0 mes amis , ce n'est pas avec la cavallerie que j'esperois gaigner la bataille , car c'est avec vous ; » et mit pied à terre , et prenant une picque d'un soldat auquel il bailla sou cheval , se fit oster les espérons, et commença sa retraicte tirant à Ardellot. Les ennemis, après avoir chassé longuement nostre cavallerie , retournèrent à luy , lequel demeura quatre heures ou plus eu sa retraicte , ayant les gens de cheval l'une fois devant, une autre au costé, et leurs gens de pied sur la queue ; mais ils ne l'osèrent jamais enfoncer. Et m'a esté dit par des capitaines qui y estoient, que jamais il ne fit cinquante pas qu'il ne fist teste aux ennemis. Geste retraicte se peut dire une des braves retraictes qui se soit faicte il y a cent ans : je serois bien aise qu'on m'en nommast une pareille , ayant gens de pied et de cheval dessus; et sa cavallerie eu fuitte. Voy-là ce que ce seigneur fit pour sa dernière main , estant en l'aage de plus de soixante dix ans ; et neantmoins il fut traicté de ceste sorte. Que l'on demande à monsieur le cardinal de Lorraine qui estoit celuy-là qui luy bailla ceste traverse ; car à Poissi , lors de l'assemblée que le Roy fit des chevaliers de l'Ordre devant le roy François second , il le luy reprocha , et vindrent fort avant en paroUes. Je suis trop petit compagnon pour le nommer ; encor que j'y fusse ; aussi il y a des dames meslées.

Un an après je vis aussi faire une autre escorne à monsieur de Tais , le chargeant qu'il avoit dit mal d'une dame de la Cour. Ce malheur est en France qu'elles se meslent de trop de choses, et ont trop de crédit. Et luy fut ostée la charge de l'artillerie , et depuis ne rentra en crédit. Le roy de Navarre pria le Roy ne trouver mauvais s'il se servoit de luy à la prise de Hedin , ce qu'il luy accorda ; et fut tué aux tranchées dudit Hedin , faisant service à celuy qui ne l'avoit aggreable , qui est un grand crevecœur et un grand regret de mourir, faisant service à son prince auquel on n'est aggreable : en quoy nostre condition est misérable. Toutesfois je croy que le Roy s'en fust en fin servy, car à vérité il estoit homme de service. Et croy que le Roy eut regret de l'avoir chassé de la Cour ; mais bien souvent ceux ou celles qui gouvernent les roys leur font faire des choses contre leur naturel et volonté, et après ils en sont marris : mais il n'est pas temps de se repentir quand les traverses ont porté tel dommage au prince, qu'il est irréparable; et ceux qui les veulent après excuser taschent de se couvrir envers le Roy d'un sac mouilléj mettant de nouveaux faicts en

avant. Je ne veux parler de celle de monsieur le connestable, qui le fit esloigner de la Cour, et tout dit-on pour les femmes , ny aussi de feu monsieur de Guyse : on les a veu tantost dehors , tantost dedans. Le Roy devroit cîorre la bouche aux dames qui se meslent de parler en sa Cour : de là viennent tous les rapports , toutes les calomnies. Une babillarde causa la mort de monsieur de La Ghastaigneraye. S'il m'eust voulu croire et cinq ou six de ses amis , il eust demeslé sa fusée contre monsieur de Jarnac d'autre sorte; car il combattit contre sa conscience, et perdit l'honneur et la vie. Le Roy leur devroit commander de se mesler de leurs affaires. J'excepte celles que je dois. Leur langue a cousté beaucoup , et après , il n'est pas temps, comme j'ay dict. Ce sont les traverses et charitez qu'en mon temps j'ay vues prester à grands personnages et à de pauvres gentilshommes comme moy ; aussi tout cela provient des envies que les uns et les autres se portent, et qui sont près des roys. Cependant que j'ay esté à la Cour, j'en ay veu plusieurs qui se faisoient faux-feu, et se fussent entre-mangez s'ils eussent peu, qui toutesfois se faisoient bonne mine, s' embrassant et caressant comme s'ils estoient les meilleurs amis du monde. Je n'ay sçeu jamais faire ce mestier : j'ay porté au front ce que j'ay dedans le cœur.

Par là on peut juger que le mal-heur auquel ce royaume est tombé n'est pas arrivé par faute de hardiesse ny de scavoir qui ait esté en nos roys, ny à faute d'avoir des vaillans capitaines et soldats, car jamais roys de France n'en eurent tant à pied qu'à cheval que les roys François Henri et Charles. Que si on les eust voulu employer aux conquestes estrangeres , ils eussent mis la guerre loin d'eux. C'a esté un grand mal-heur pour eux et pour toute la France ; et si ne faut pas dire qu'il tint à l'Eglise ny au tiers estât ; car tout ce que les roys leur ont demandé leur a esté accordé. Les enfans pourront donc juger à qui il a tenu et quelle a esté la source des guerres civilles; j'entends des grands, car ils n'ont pas de cousturae de se faire brusler pour la parole de Dieu. Si la Rojne et monsieur l'admirai estoient en un cabinet, et que feu monsieur le prince de Condé et monsieur de Guyse y fussent aussi, je leur ferois confesser qu'autre chose que la religion les a meus à faire entretuer trois cens mil hommes; et je ne sçay pas si nous sommes au bout, car j'ay ouy dire qu'il y a une prophétie, je ne sçay pas si c'est de Nostradamus, qui dit que les enfans monstreront à leurs mères par merveille quand ils verront un homme, tant peu il y en aura, s'cstans

tous entretuez. Mais n'en parlons plus, le cœur m'en crevé à nioy-mesmes qui y ay le moiiulre intcrcst, et qui m'en iray bien tost en l'autre monde.

Je n'aurois jamais fait si je voulois escrirc toutes les traverses et charitez que j'ay leu dans les livres des Romains, qu'autresfois j'ay prins plaisir de voir, eu m'estonnant pourquoy et à quoy il tient que nous ne soyons si vaillans qu'eux. J'en conteray seulement un ou deux , et commenceray par ce que j'ay leu je ne sçay en quel livre, de Camille , grand capitaine romain, qui gaigna plusieurs batailles et eslargit l'empire romain de grand estenduc de pays, et à la lin fut appelé en jugement, pource qu'il avoit donné la despoùille des conquestes pour édifier des temples et sacrifier à leurs Dieux , de laquelle despoùille la moitié appartenoit aux gens de guerre ; mais afin que les Dieux l'assistassent en leurs batailles et conquestes , il leur fit don , disant que les gens de guerre avoient autant de besoin que les Dieux leur aidassent comme luy mesmes. Et comme il fut retourné à Rome, l'on luy fit son procès en récompense des grands services qu'il avoit fait au peuple, et des grandes batailles qu'il avoit gaignées. Toutes-fois ils ne le firent: mourir, mais l'envoyèrent en exil en une ville du nom de laquelle il ne me souvient, parce qu'il y a long temps que je n'ay leu Tite Livc, non pas en latin; car je ne sçay pas plus de ma patenostre , mais en francois. Et comme il eust demeuré quekjue temps en ceste ville, ■\indrent trois ou quatre roys gaulois avec grand armée, et prindrcnt Rome, et tuèrent presque tous les citoyens, réservé quelques uns qui se retirèrent au Capitollc et là tindrcnt bon quelque temps. Tite Livc racompte qu'une nuict ceux qui s'cstoient ainsi retirez au CapitoUe s'estoient endormis, et les ennemis avoient desja gaigné un endroit au Capitolle , et qu'une oie commença à crier, qui esveilla les gardes, et entrèrent en combat contre les ennemis, et les repoussèrent. Or ledit Camille se mit en campagne et assembla tant de gens qu'il peut. Et parce que les ennemis ne trouvoient plus à desrober, ne de vivre à leurs plaisirs dans Rome , ils s'espandireut par la campagne , à dix ou douze mil de Rome. Ledict Camille fit une grande cavalcade , et en tua au travers des campagnes sept ou buict mil. I Quand je fus à Rome, au temps du pape Marcel . je me faisois monstrer ces lieux-là , prenant grand plaisir de voir les endroits où tant de beaux combats s'estoient faits; et me sembloit que je voyois les choses devant les yeux que j'avoisouy raconipter ou lire, mais je n'y vis rien pourtant qui resscmblast ny rapporlast à Ca-

mille]. Le bruit de ceste desconfiture ayant couru par toutes les villes prochaines, fit que beaucoup de bons hommes se rendirent au camp de Camille , lequel , se voyant assez fort , s'en alla à Rome occupé d'un grand nombre de Gaulois, lesr{uels il défit, et sauva une grande somme d'argent que ceux qui s'estoient retirez au Capitolle avoient promis de donner ; et depuis fut appelé le second fondateur de Rome. Les historiens rendront meilleur compte de ceste histoire que moy, qui peut estre me mesconte, pour-ce qu'il y a plus de trente ans que je n'ay leu livre , ny moins en ose lire de présent à cause de ma veuë et de ma blessure.

En Espagne, les deux Scipions furent desfaicts à trente lieues l'un de l'autre, et en trente jours, à sçavoir, P. Scipion le premier, et son frerc Cornélius Scipion par Asdrubal. Et de l'un camp et de l'autre se sauvèrent quelques-uns, et se rendirent tous aux cloisons où ils avoient hyverné. Et comme ils furent là , trouvèrent que tous leurs colonels estoient morts, et furent contrainets d'en eslire un qu'ils appelèrent le Nouveau capitaine. Asdrubal scachant que ce Nouveau capitaine avoit rassemblé les soldats romains quis'estoyent sauvez des deux deffaites, s'en alla soudain les assaillir ; mais il fut virilement repoussé , et contrainct de se retirer en un lieu auquel ce vaillant capitaine le vint combattre de nuict , et desfit non seulement l'armée qu'il avoit, mais une autre qui estoit en un lieu près de là, tellement que par sa vaillance il sauva , non seulement ce peu de Romains qui s'estoient sauvez des deux batailles perdues, mais les Espagnesau peuple romain ; car sans luy tout y estoit perdu pour les Romains. Or le sénat demeura long temps sans avoir nouvelles des Scipions ny de leurs affaires , et après furent advertis de la perte qu' avoient fait les deux Scipions, et des victoires du Nouveau capitaine. Il ne me souvient comme il s'appeloit auparavant qu'il fust créé et appelé Nouveau capitaine; il en souviendra mieux aux historiens qu'à moy, qui n'ay veu il y a si long temps livre. Et comme le sénat fut adverty du tout , ils euA oyerent Scipion le jeune pour commander : je croy qu'il estoit fils du premier Scipion , qui avoit esté tué ; et mandèrent au Nouveau capitaine qu'il vinst à Rome. Et comme il fust à Rome, au lieu de le récompenser, ils le mirent en jugement, luy mettant sus qu'il avoit prins l'esleclion et commandement des soldats et non du sénat. Et croy qu'ils le firent mourir, à tout le moins je n'ay point veu en Tite Live qu'il se pariast plus de luy.

0 combien d'autres grands capitaines ont esté

COMMENTAIRES DE BtAlSE DE MONTLUC. [1567]

payez de telles recompenses du temps des Romains! les histoires en sont toutes pleines. Et puis que la justice de France est régie et gouvernée par les lois des Romains (l), c'est bien raison que les roys de France se gouvernent par leurs cousturaes. Que pleust à Dieu que le Roy voulust faire parler de luy pour jamais, et laisser mémoire de sa prudence , qui seroit à jamais loiiée ! c'est qu'il fist brusler tous les livres des loix suivant lesquelles sa justice juge, et faire une justice toute nouvelle, juste et saincte [car j'oserois dire qu'il n'y a monarque eu la chrestienté qui s'aide de ces loix , que les roys de France ; tous les autres ont des loix faites par eux pour abréger tous procez, ouy mesmes Bearn et Lorraine , qui sont aux deux coings du Royaume] , et que les procez ne puissent durer plus de deux ans. Si le Roy faisoit cela, il se pourroit vanter d'avoir un monde de soldats qui seroyent forcez de prendre les armes , puis qu'ils n'auroyent que faire au palais; car ostez ceste vacation , à quoy voulez vous qu'un bon cœur, noble et généreux, s'adonne sinon aux armes? Qui accroistia puissance et l'estenduë du Grand Seigneur ? rien que cela : il ne songe qu'aux armes. 0 combien de braves capitaines sortiroyent de ce royaume ! Je croy que les deux tiers s'amusent en ces palais et plaidoyeries ; et cependant, encor qu'ils ayent naturellement bon cœur, avec le temps s'apoltronissent. Ce royaume seroit formidable aux estrangers. Combien seroit-il riche et opulent ! car toute la ruine de la noblesse ne vient que des mauvais conseils que les advocats donnent aux parties. Il me souvient avoir leu en une fenestre d'une maison à Thoulouse , qu'un advocat des plus fameux de la cour, qui se nommoit Mainery, avoit fait mettre unescriteau où il y avoit tels mots gravez :

Faux conseils et mauvaises testes M'ont fait bastir ces fenestres.

Et puisqu'eux-mesmesie mettent par escrit, jele puis bien dire. Nous sommes bien fols de nous destruire les uns les autres pour les enrichir. La ruyne vient aussi bien à celuy qui gaigne qu'à celuy qui pert , car ils tirent les procez en si grande longueur, que quand celuy qui a gaigné conte l'argent qu'il a despendu, il trouve avoir plus mis que gaigné, outre le temps qu'il a' perdu. Et si le Roy faisoit cela , peut estre que les coustumes des traverses et charitez que l'on donne se perdroieut comme les loix , et tous les bons serviteurs du Roy qui ne pensent à- autre chose

(I) Dans les pays de droit écrit seulement.

qu'aie servir fidellement et loyallement , demeureroient près de Leurs Majestez, ou seroient employez pour son service.

Or, puis que je fais compagnie à tant de grands personnages du temps passé et de ceux que j'ay veu de mon temps , je me resjouiray à la retraite que j'ay fait en ma maison , me tenant heureux de tenir compagnie à si grands hommes, estant asseuré de deux choses, c'est de la loyauté, laquelle l'on ne me peut oster en aucune manière ; et l'autre , que j'ay affaire à un bon Roy, qui cognoistra avecques le temps le service que je luy ay fait et à sa couronne. Que si je suis retiré en ma maison , ce n'est pas à regret , car c'est tout ce que de long temps je desirois, pourveu que ce fust en la bonne grâce du Roy et de la Royne , laquelle justement ne me peuvent oster. Dequoy j'en loue Dieu , qui m'a si bien conduict en toutes, mes charges , que je ne leur ay jamais donné occasion de m'en priver; et suis plus heureux et plus content que ceux-là qui m'ont baillé ces traverses , car je me ris de la peine en laquelle ils sont de se garder les uns des autres et s'en donner: je croy que les âmes de purgatoire n'ont point tant de peine. Et je suis icy en repos avec ma famille et mes parens et amis , prenant plaisir à faire escrire sous moy ce que j'ay veu. Je pourrois dire que , sans ceste grande arquebuzade qui me perce le visage , et laquelle il faut que je laisse ouverte , je serois tres-content et heureux ; car en la perte de mes enfans , je me console qu'ils sont tous morts en gens de bien , l'espée en la main , pour le service de mon Roy. Et pour le reste , je serois un homme sans sens ny entendement , si je ne jugeois que ce sont des tours qui se jouent au monde , et quant et quant que c'est un grand bien pour moy, qui n'ay pas occasion de faire malàpersonne, dequoy je neme pourrois exempter continuant une telle et si grande charge comme estoit celle que j'avois.

Je laisseray ce propos qui m'a mis eu colère , pour retourner à ce que je devins après avoir dit à Dieu à tous ces seigneurs et capitaines qui alloient en France. Je repassay par Perigueux et baillay commission au seneschal de Perigord pour faire teste à tout ce qui se remueroit par de-là. Et comme je fus à Agen, j'envoyay une patente à monsieur de Bellegarde à Thoulouse , pour commander en mon absence au pays de Cominge , Bigorre et jusques aux frontières de Bearn ; une autre à monsieur de Negrepelice, pour commander aux jugeries de Verdun et rivière; j'en envoyay une autreà monsieur de Cornusson le vieux, pour commander en Roaërgue; puislaissay encores quatorze ou quinze enseignes

COAlMENTAmES DE ELAlSE DE MONTLUC. [lô68]

de gens de pied, lesquelles je tenois partie en Quercy, pour faire teste aux Mcontes, qui ne bougeoient du pays et remuoient tousjours (luelques besongnes , et le demeurant vers Bordelois. Et au bout de quelque temps le Tioy me manda que j'allasse assiéger La Rochelle, et qu'il m'en- Yoyoit commission pour recouvrer de l'argent pour faire les frais de la guerre.

[iô(j8] Premièrement il vouloit que ceux de Thoulouse me baillassent vingt mil francs de l'argent qui estoit provenu des meubles des Huguenots , pour payer les gens de pied ; et pour les fraiz de l'artillerie ; que je prendrois quinze mil francs sur quelques droicts que le Roy a en Sainctonge, et Sa Majesté n'en tire que neuf mil ; que Sadite Majesté manderoit au gouverneur de rsantes qu'il m'envoyast quatre canons et quelque coulevrine. Voy-là mes assignations bien asseurées et propres pour une telle besoigne. H sembloit plutost que c'estoit une mocquerie et une farce qu'autrement , et qu'on me vouloit envoyer devant La Rochelle pour me faire perdre ou pour y recevoir une escorne. Si est-ce que je vouluz tenter tout ce qui s'en pourroit tirer. Et manday incontinent au parlement et capitouls ce que le Roy leur escrivoit. Ils me firent responce qu'il y avoit long temps que ce peu de meubles qui s'estoient trouvez des Huguenots en leur ville avoient esté venduz et despeuduz pour les frais qu'il leur avoit convenu faire aux affaires qui s'estoient présentez. Et ayant entendu ceste responce, je m'en allay à Bordeaux veoir si je pourrois convertir la cour de parlement et les jurats, qu'ils aidassent de quelque argent à l'entreprise; et ne sceuz jamais tant faire avec eux, qu'ils y voulussent fournir un seul denier, disant qu'ils vouloient garder ce qu'ils avoient pour l'employer à la del'feuse de leur ville si l'occasion s'en presentoit, et non pour La Rochelle qui n' estoit de leur ressort. Je depeschay vers Leurs Majestez, leur faisant scavoir leurs responces , et que pour cela je ne m'arresterois de m'acheminer en Sainctonge, les suppliant m'envoyer autres assignations plus seures; autrement je ne me pouvois aller engager devant La Rochelle sans perdre leur réputation et la mienne , et peut estre tout le camp ; car assiégeant une place de telle importance sans que les soldats fussent payez pour les tenir subjects aux tranchées , ils seroient contraints s'en aller au pillage ; et cependant l'artillerie me demeureroit engagée : aussi je sçavois bien ce que valloit l'aune de tels affaires. J'escrivis aussi à Sa Majesté qu'il commandast au gouverneur de Nantes qu'il m'envoyast l'artillerie eu diligence, et qu'il la fist porter en Brouage, espérant bien

tost avoir gaigné les Isles. Et comme j'eus mandé à Leurs Majestez ceste depesche, je m'en revins en Agenois pour faire marcher douze ou treize enseignes que j'y avois, et aussi pour amener la noblesse du pays. Et estant à Sainct- Macaire , j'y trouvay monsieur de Lauzuu et les commissaires qui faisoient la monstre de sa compagnie. Je priay ledit seigneur qu'incontinent la monstre faicte il list acheminer monsieur de Madaillan , qui portoit son enseigne , droict à Sainctes , et baillay audict sieur de Madaillan une cornette d'argoulets qui estoit au sieur de Verduzan , seneschal de Bazadois, mien parent, et luy baillay les compagnies de Mabrun , Thodias et La Mothe Mongauzy, et leur ordonnay de faire extrême diligence , sans arrester qu'ils ne fusssnt à Sainctes, et que si les Marenneaux estoient à Saiucl Severin, que dés qu'ils auroient repeu ils les allassent combattre, et que s'ils avoient la victoire, ils menassent bien les mains, car ce n' estoit que communes , et dés que les autres entendroient la deffaicte de leurs compagnons , ils se mettroient en telle crainte qu'ils ne feroient jamais plus teste, et que la peur iroit jusques à La Rochelle ; mais qu'il falloit sur tout faire grand tuerie pour donner l'espouvante. J'escrivis à monsieur de Pons toute l'entreprise, et qu'il envoyast des forces à Sainctes, pour que tous à un coup allassent faire ceste exécution. J'avois desja mandé aux enseignes qu'ils se rendissent vers Agenois , et à la noblesse pareillement. Ledict seneschal de Bazadois print la charge d'estre nostre mareschal de camp. Jen'avois de gensdarmes que la compagnie de monsieur de Lauzun, la mienne et celle de monsieur de Merville, grand seneschal de Guyenne : de celle de monsieur de Jarnac, que le Roy avoit commandé se rendre près de moy, ne s'en trouva pas la quarte part, car les autres estoient avec monsieur le prince de Condé. Et n'arrestay que trois jours à Agen , et m'en retournay droit en Bordelois avec ce peu de forces que j'avois peu assembler. Et baillay la charge des gens de pied à commander à mon nepveu le sieur deLeberon. Et comme je fus à la seconde journée d'Agen , je receus lettres de monsieur de Madaillan , par lesquelles m'advertissoit comme ils avoient faict si grande diligence qu'ils estoient arrivez la troisiesmenuict après que je les eus laissez à Sainctes , et qu'ayant entendu qu'il y avoit trois enseignes de gens de pied à Sainct Severin, qui s'y estoient parquez et fortifiez, ils les avoient chargez et de faict emporté trois drapeaux. J'arrivay cinq ou six jours après à Marennes , où je trouvay monsieur de i'ons , à qui Sa Majesté avoit escrit , et à monsieur de Jarnac aussi , de se ren-

dre auprès de moy au siège de La Rochelle. Peu après je receus une lettre du gouverneur de Nautes , par laquelle il me mandoit qu'il ne se falloit point attendre à son artillerie, car il n'avoit qu'un canon monté sur vieux rouages , et que le demeurant estoit tout par terre , sans qu'il peusl estre prest d'un mois. A'oy-là comme les villes de frontière et d'importance estoient pourveùes et munies : La Piochelle u'estoient pas ainsi. Je me mis à temporiser aux environs de Sainct Jean et de Salnctes, en attendant la responce de Leurs Majestez , et l'argent pour faire partir l'artillerie de Bordeaux , bien marry de m'estre advancé si avant. De jour à autre je leur faisois des depesches, mais je n'en pouvois avoir responce. Le dernier que j'y envoyay, ce fut Dagron , qui s'estoit retiré auprès de monsieur de Pons. Et cependant monsieur de Lude (i) s'approcha de Sainct Jean , et parlasmes ensemble à la maison d'un gentil-homme. Il me monstra des lettres que le Pioy luy avoit escrites, par lesquelles il luy commandoit de se rendre à l'entreprise de La Rochelle avec moy , et me dict qu'il m'obeiroit d'aussi bonne volonté qu'à la propre personne du Roy, pour estre le plus vieux capitaine de France , et qu'il m'ameneroit six ou sept enseignes de gens de pied et trois ou quatre cens chevaux. Doncques il ne tint à moy ny aux seigneurs à qui le Roy avoit commandé m'y assister, ny à force gens de pied ny de cheval, sinon à faute de moyens pour mener l'artillerie et un peu d'argent pour les gens de pied , que ce siège de La Rochelle ne reussist. Je ne veux pas dire que je l'eusse emporté , mais je leur eusse faict peur, et peut estre du mal.

Pendant ce temps monsieur de Pons avoit réduit les isles d'Oleron et d'Alvert , car elles sont presque à luy, et le capitaine La Gombaudiere estoit dedans , y ayant sa maison , et commandoit tant en Alvert qu'Oleron. Il ne restoit plus que l'isle de Ré, où on avoit fait un fort auprès d'une église, et plusieurs autres aux descentes. Je fis eslire cinq cents arquebusiers de toutes nos trouppes , et tous les capitaiaes , enseignes et lieutenans , sauf la moitié de la compagnie de Mongauzy le vieux , qui demeura à terre pour commander ce qui restoit ; et fis embarquer mon nepveu de Leberon avec ladicte trouppe au havre du Boiiage. Guillet , récepteur pour !e Roy en ces quartiers là, print grand peine d'avitaiiler et préparer les navires. La royne de Navarre l'a faict mourir depuis en ces derniers troubles , et n'ay jamais peu entendre pourquoy. Je l'avois tousjours cogoeu bon serviteur de Roy , et croy

(I) Guj d'Aillou, comte du Lude.

que la diligence qu'il fit en cest enibarquement luy a porté plus de dommage que de profnt, et peut estre a esté cause de sa mort, car la royne de Navarre n'aimoit pas ces gens-là. La tourmente garda un jour et une nuict, que mondit nepveu ne peust faire descente ; aussi les ennemis deffendoient la descente des forts qu'ils avoieiit faicts. A la fin il s'advisa la nuict d'envoyer tous les petits batteaux qu'il avoit amené avec luy chargez de soldats, faire descente par les rochers , derrière l'isle , où les ennemis ne se prenoient garde. Et comme il y en eut une partie en terre , les ennemis s'en apperceurent et coururent là et combattirent; mais les nostres demeurèrent maistres. Mondit nepveu , qui estoit au combat, envoya devers les capitaines et soldats qui estoieut demeurez aux navires^ pour les faire venir; ce que promptement fut faict. Et comme tous furent à terre , ils marchèrent droit au grand fort de l'église , qui estoit à une grand lieuë et demye de là , et l'assaillirent par deux ou trois costez : de sorte qu'ils l'emportèrent et tuèrent tout ce qui se trouva dedans, car ceux qui gardoient les descentes se mirent dans de petits batteaux et se sauvèrent devers La Rochelle. Monsieur de Pons et moy estions sur le bord de la mer, et voyons les batteaux qui fuyoient devers La Rochelle. Nous jugeasmes que c'estoient des gens de lisîe qui se sauvoient , et que nos gens avoient eu la victoire. Et deux jours rpres mondit nepveu me manda comme le tout s'estoit passé, car plustost il ne peust, à cause que le vent estoit si contraire qu'il n'y avoit ordre de venir à Marennes , où ledict sieur et moy estions. Puis laissay dans l'isle deux compagnies de gens de pied , et fismes revenir mondit nepveu. Je laissay monsieur de Pons à Marennes, et m'en allay à Sainct Jean, où monsieur de Jarnac se rendit pour pourveoir à tout ce qui seroit nécessaire au siège. Je fis faire grands provisions de vivres ; le mareschal des logis de feu monsieur de Burie m'aida fort, car il est de ces quarti3rs-là.

Or j'attendois tousjours des nouvelles du Roy, mais je n'en euz jamais aucunes, ny aucun messager ne revenoit ; et à la vérité il y avoit du péril par les chemins , car les ennemis tenoient tous les grands chemins par lesquels on revenoit en Saincionge. Et le premier qui arriva, ce fut Dagron , qui porta nouvelles que la paix estoit presque arrestée , et que bien tost le Roy me devoit mander ce que j"aurois à faire. Je croy qu'ayant veu monsieur le prince et monsieur l'admirai avec leurs forces aux portes de Paris pour donner une bataille , et puis se promener par la France , ils songeoicut plus à cela qu'aux

COMMENTAIRES DE 15LAISE J)E MONTLUC. [l568|

affaires de la Guyenne. Voy-là le succès de mon voyage de Sainctonge. Et pource qu'on m'a reproché qu'il y avoit trois ans que je n'avois rien faict qui vaille , je voudrois de bon cœur que ceux qui proposent au Roy les entreprises fussent aussi prompts à faire estât de ce qui est nécessaire , comme ils sont prompts à donner des assitïnations et remèdes qui ne vallent rien du tout, comme celles que l'on m'envoya, et ainsi nous ferions quelque chose de bon ; mais de la sorte que l'on en use , il faudroit estre Dieu pour faire miracles. 0 que les gens sont bien-heureux qui demeurent près du Roy , ne s'approchant pas des combats , et taillent force besongne et à bon marché aux autres, afin que le Roy les estime sages et bien advisez : ils n'ont garde de dire au Roy que si Moutluc ou autre n'y veut aller à ce pris , qu'ils s'offrent d'y aller. Il suffît de sçavoir bien parler ; et peut estre tel en parle , qui seroit bien ayse qu'on ne fist rien qui vaille, et ne sont le plus souvent que dissimulations, feintises et jalousies; c'est en bon françois trahir son maistre. Je m'asseure, à la bonne volonté des seigneurs qui estoient avec moy: et à l'cstonnement en quoy ce peuple se mettoit , que si j'eusse esté secouru de moyens ; j'eusse essayé d'emporter ceste ville, qui sest depuis rendue tres-forte. Que si le Roy leur laisse prendre pius grand pied, il est à craindre qu'ils ne se tirent de sou ojjeyssance. Je fus donc si mal assisté, et le Roy si mal servi, que je ne peuz faire autre chose.

Quelque jour après , le Roy m'envoya la paix pour la faire publier à Bordeaux , et m.e manda que je fisse retirer en leurs maisons tous les gens de pied : ce que je fis , et l'envoyay à la cour de parlement et aux jurats , pour la faire publier. Je ne m'y voulus trouver, cognoissant bien que c'estoit une paix pour prendre haleine et temps pour se pourvoir d'autres choses nécessaires pour la guerre, et non pour la faire durer ; car le Roy , qui avoit esté prins au despourveu , n'endureroit jamais le traict qu'on luy avoit voulu faire : encore qu'il fust bien jeune , si estoit-il prince de grand cœur , et qui portoit impatiemment ceste audacieuse entreprise, à ce que j'ay ouy conter à ceux qui y estoient. Il monstra son courage généreux et vraycmeut digne d'un roy , se mettant à la teste des Suisses pour se sauver à Paris. Et pensez vous , messieurs, qui avez conduit ces trouppes, qu'il oublie ceste injure ? malaisément l'endureriez vous de vostre pareil ; voyez que vous feriez de vostre valet. Je n'ay jamais veu chose si estrange , ny leu : ce qui me faisoit tousjours penser que le Roy s'en ressentiroit. Monsieur le prince et monsieur l'admirai firent eu ceste paix un pas de

clerc , car ils avoient l'advautage des jeuz et croy qu'ils eussent emporté Chartres. Ceux qui moyennerent lors la paix, firent un bon service au Roy et h la France.

\'oy-là la fin de ce que j'ay faict aux seconds troubles. Et me semble que ce n'est pas faire peu de service au Roy, de luy envoyer de secours unze ou douze cens chevaux , trente enseignes de gens de pied , et luy garder le pays de la Guyenne, luy conquérir les Isles, et ne tenir point à moy que je n'allasse tenter la fortune a La Rochelle , et luy envoyer tout l'argent qui se levoit par deçà : mais je pourrois faire miracles; ceux qui sont auprès de Sa Majesté m'en ont tousjours preste quelqu'une ; et croy que si le Roy les veut escouter encore àcest'heurequcjc n'ay nulle charge , ils trouveroient quehiue chose encore à redire , car il ne faut pas perdre les coustumes de la Cour, qui sont rapports et traverses à ceux qui ont envie de bien faire. Si j'estoispres d'eux, je sçaurois bien leur respondre; mais il y a trop de Gascogne à Paris; et puis j'ay perdu mes enfans , et en vieille beste il n'y a point de ressource.

Ceste paix des seconds troubles, qui fut faicle à Chartres (1), ne dura que huict ou neuf mois au plus; ainsi on l'appela la petilc paix. Pendant ce temps je me transportay à Bordeaux au commencement de may, pour veoir comme toutes choses se passoient; et, selon les nouvelles qui ordinairement venoientde la Cour par ceux qui en partoient , je cognoissois bien par discours que ceste paix ne dureroit gueres ; car aucunes fois l'on me disoit que monsieur le prince de Condé et monsieur l'admirai estoient contens en leurs maisons, et le plus souvent on m'asseuroit le contraire , et aussi que le Roy n'avoit fait aucun commandement qu'on laissast les armes , comme il avoit fait à la paix des premiers troubles , et que ceux de la nouvelle religion alloieut et venoient d'un lieu à un autre, et tenoient souvent consistoires. On disoit que La Rochelle ne se rendoit poinct , ny Montauban . Castres , Millau, et autres places, et qu'il sembloit que ce fust plustost une trefve qu'une paix. D'autre part j'estois entré en deffiance du capitaine de Blaye , nommé Des-Rois. ,1'allay à Blaye , et menay le procureur gênerai du parlement, nommé Labet, avec moy. Lequel Des-Rois me commença à tenir beaucoup de propos de la cour de parlement et des jurats de Bordeaux , me disant qu'ils le soupçonnoient, et craignoit d'aller à Bordeaux. Je luy respondis que cela ne venoit

(I) A Longjumcau le 23 mars liiCH, et publiée daus le camp devant Chartres.

poinct du parlement, ne desjiirats prineipallemeut, mais que luy-mesmes estoit cause de se faire soupçonner , pource que tous ceux de la garde de la place estoient huguenots , lesquels il favorisoit dans la ville , hors laquelle , en sa présence, ils avoient rompu une église, mais que s'il vouloit que personne n'eust soupçon ny parlast de luy, qu'il mist la pluspart de ceux de la garde de la place catholiques. Il me respondit qu'il y en avoit beaucoup de catholiques : toutesfois je sçavois bien le contraire. Et luy fis une remonstrance comme d'amy à amy , qu'il se souvinst de quel père il estoit sorty , et que , pour les bons services qu'il avoit faict aux rois François et Henry , ils luy avoient donné la charge de ceste place , et depuis continuée à luy ; et plusieurs autres remonstrances qui me sembloient estre à propos pour luy oster une mauvaise opinion , si desja il l'avoit mise en son entendement. Auparavant je l'avois tousjours soustenu , pour l'avoir tousjours cogneu fort affectionné au service du Roy, comme il me sembloit; et avois escrit à Sa Majesté que si je devois respondre d'un homme , je respondrois de celuy-là : voj'ez comme on se trompe quelquefois à juger les hommes à la parolle. Mais comme je fus de retour à Bordeaux, et veu des apparences qui ne me plaisoient gueres , je n'eu eu pas l'opinion que j'en avois eu , et en escrivis à Leurs Majestez , mais ce fut sept ou huit jours après que j'en fus party. Je sceu depuis que, quelques jours après mon despart, il s'estoit rendu à Estauliers , pour parler avec monsieur de Mirambeau (1) et le baron de Pardaillan, où ils avoient demeuré ensemble cinq ou six heures enfermez dans une chambre. Trois jours après lisse rassemblèrent encores. Je fus aussi adverty qu'il avoit résolu d'aller à la Cour se présenter au Roy, et luy donner encor plus grande asseurance de sa fidélité. Je depeschay devers le Roy, luy donnant advis de tout ce que j'en avois entendu, et que cy-devant je luy avois donné asseurance dudit Des-Rois, mais qu'à présent je ne l'en asseurois plus , révoquant ma parole, veu les pariemens qu'il avoit faict à Estauliers, et que, si Sa Majesté me vouloit croire , il l'osteroit de là, y mettant un qui fust de la religion de Sadicte Majesté; et que, s'il trouvoit mon conseil bon , il devoit retenir là ledict Des^Roys jusques à ce que j'y eusse mis celuy qu'il voudroit en sa place, et que j'eusse changé la garnison. Par mes lettresje suppliay tres-humb!ement Sa Majesté vouloir croire le conseil que je luy

(I) Jacques de Poiis , baron de Mirambeau et de Plassac.

donnois , autrement qu'il s'en repentiroit le premier. Des-Roys ne faillit pas de partir au jour mesme , qui estoit un lundy, que j'avois donné advis au Roy. Et à ce qu'il me fut dit, il s'addressa à monsieur de Lansac , et croy bien qu'il lui fit ses doléances , et mit en opinion ledit sieur de Lansac que tous ces soupçons ne procedoient, sinon de ce que j'avois eu quelque envie de faire bailler la charge de ceste place à quelque gentilhomme qui fust à ma dévotion. Et croy bien que , tant pour le voisinage qu'il avoit avec ledict sieur de Lansac, que pour la famé et bonne i-enommée du père desdicts Des- Roys et des siens , ledict sieur de Lansac le soustenoit , et en parla au Roy, dont il en fut le premier trompé et en peine. On ne peut faire jugement d'un homme qui n'a encores jamais faict faute , mais plustost bien que mal, comme celuy-là. Les hommes ne se cognoissent pas au veoir comme de faux testons : Dieu seul peut lire dans leur cœur. Il s'en revint fort content du Roy, et encore, afin qu'il eust tousjours meilleure affection au service du Roy, il luy fit donner rail escus. Sa Majesté ne considéra pas qu'il estoit de mauvais poil , duquel il n'en sort gueres de bonnes gens. Mais , quoy que ce soit, un autre y fust esté aussi bien trompé que luy, car il parloit d'or, et sçavoit bien desguiser la mauvaisetié de son cœur.

Voyez combien un prince doit prendre garde etobserver les particularitez deceparlementavec les Huguenots , et en ce doute prendre plustost un parti que l'autre. Il y a moyen de contenter celuy de qui on se craint , sans se désespérer , au lieu qu'on court fortune luy laissant la place en main, comme on fit à Des-Roys, et une bonne place, laquelle servit de beaucoup aux Huguenots. Depuis qu'une femme escoute, à Dieu vous dis; aussi depuis qu'un gouverneur d'une place parle ainsi en secret, il 3' a quelque anguille soubs roche. Il faut que le Roy ou le prince soit lors aussi jaloux que le mary qui sçait sa femme prester l'oreille ; si par mesme moyen , celuy qui se trouve à ces pourparlers n'en advertit sous main son maistre ou le lieutenant du Roy, encore y a il du danger, et il est mal-aisé se garder d'un traistre.

Avant que partir de Bordeaux, le matin J'assemblay le procureur gênerai, le gênerai de/our- ^ gués , le capitaine Verre ; le sieur de Leberon , mon nepveu y estoit aussi; et voulus discourir avec eux ce que j'avois pensé en moy-mesme sur les nouvelles qui venoient journellement de la Cour, de la deffiance et mal-contentement en quoy estoit monsieur le prince de Condé , et ce que je fcrois si j'estois en sa place. Ils se ressou-

COMMENTAIRES DE BLAISE DE MONTLUC. [l568]

viendront que je leur disois que , si monsieur le prince pouvoit passer, il s'en viendroit en Sainctonge, ayant La llochelle à sa dévotion, et presque tout le pays , et que les Isles seroient bieutost révoltées quand ils verroient force dans la Saiuctonge et à La Rochelle, et monsieur de La Rochefoucaud près d'eux; que résolument ledict sieur prince et les Huguenots tourneroieot tous leurs desseins du costé de deçà; car dans la France ils n'avoient plus Roiien pour eux, et n'avoient plus aucun port de mer à leur dévotion , et qu'ils seroient fort mal conseillez de recommencer une tierce guerre sans avoir un port de mer en leur pouvoir. Or ils n'en pouvoient choisir un plus a leur advantage que celui de La Rochelle, duquel dépend celuy de Rroùage, qui est le plus beau port de mer de la France; car, estant là , ils auroient secours d'Allemagne , de Flandres, d'Angleterre, d'Escosse, de Bretaigne et de Normandie , tous pays farcis de leur religion. Et à la vérité, si le Roy leur bailloit à choisir pour se cantonner au royaume de France, ils n'en eussent sceu choisir un plus à leur commodité et advantage que celuy-là. Ils trouvèrent mon discours approchant de la vérité , lequel j'avois faict la nuit mesme , resvassant après nos affaires , car c'a esté mon entretien : celapresageoit presque autant d'infortune et de malheur comme les songes que j'avois fait du roy Henry et du roy Charles. Les ayant ainsi entretenus , je leur dis qu'il falloit trouver des remèdes avant que le malheur advinst, et que je pensois bien que, donnant cestadvisà Leurs Majestez, si l'on ne leur proposoit des moyens pour rompre leurs desseins, ils n'adjouteroient poinct de foy etmespriseroient monadvis. Nouscommençasmes à discourir que , pour couper chemin à tous ces malheurs qui nous menassoient , il n'y avoit autre moyen que de se faire forts sur la mer , et se saisir de bonne heure des ports , et qu'avec quatre navires et quatre chaluppes que l'on tlendroit à Chedebois, à la Palisse et à l'embouchure de Broiiage , il suffiroit ; et que , si les ports estoient une fois nostres, ny Anglois, uy homme qui les peust favoriser , n'y pourroit venir , sçaihant qu'il faudroit aborder es lieux où d'heure à autre la tourmente est fascheuse ; que gens de marine ne partent jamais pour venir en un lieu, s'ils n'y ont port pour aborder ; et d'autre part, que, nos navires sejouruans aux environs des Isles, les habitans ne s'oseroient jamais révolter, et que nos navires tiendroient La Rochelle comme assiégée , de sorte qu'ils seroient bien tost contraincts de se mettre à la dévotion du Roy, ou se conteuh" sans remuer. Je leur lis tout ce discours , et tous ensemble conclusmcs | (i) Manière de calculer, qui fut longtemps en usage.

que j'en devois donner advls au Roy et à la Roy ne.

Or il falloit discourir où se prendroit argent pour dresser l'équipage , et qu'il faudroit pour les vaisseaux et pour payer les gens ; et advisasmes qu'avec dix mil francs nous les mettrions en mer, avec deux mil sacs de bled que je baillerois du mien pour faire des biscuits. Le gênerai de Gourgues s'offrit qu'il en feroit venir du haut pays , et du bestail des Landes sur son crédit , et le tout sur la liauce que nous avions qu'avec le temps Sa Majesté nous rembourseroit. Le procureur gênerai se fit fort avec ledit sieur de Gourgues de convertir toute la jurade, qu'ils ayderoient tous les mois de quelque chose , et aussi qu'on leveroit la coustume que le maistre de la monnoye qui estoit lors avoit gaigné au conseil privé et au profit du Roy : ce que n'avoit esté encores exécuté , pource que le comptable de Bordeaux s'estoit mis à la traverse, disant que cela devoit estre comprins en son afferme ; et pour despit le maistre de la monnoye n'avoit voulu faire exécuter l'arrest , et que , quand la jurade verroit que c'estoit pour un grand bien , non seulement pour le Roy , mais pour la ville de Bordeaux , que tout le monde y aideroit , et qu'avec cela et l'advance que j'ay mis cy devant, ne cousteroit plus rien au Roy. Le procureur gênerai et ledict sieur de Gourgues avec le capitaine Verre en firent le calcul avec le jetton (i) devant moy; et conclusmes que le sieur de Leberon iroit remonstrer tout cecy à la Royne , et que Sa Majesté comprendroit mieux cest affaire que personne de son conseil. Et ainsi je depeschay ledit sieur de Leberon en poste à la Cour.

La Royne escouta toutes les remonstrances que mondict neveu luy fit. Sa Majesté luy dict qu'elle en vouloit parler au conseil : et au bout de trois jours la Royne luy dict que le conseil du Roy ne l'avoit pas trouvé bon ; et croy que ce fut plus pource qu'aucuns mirent en avant que je faisois cela plus pour courir au long de la coste que pour raison qu'il y eust que cela dcust advenir. Il me souvient que je donnay charge à mondict nepveu de dire à la Royne que j'estois si malheureux aux conseils que je luy donnois, qu'elle n'y avoit jamais voulu adjouster foy, cncoresqu'elle^oyoit qu'ils se trouvoicnt tousjours véritables ; et que je la suppliois de me vouloir croire une fois en sa vie seulement, et que si elle ne le faisoit, elle s'en repentiroit; qu'il ne seroit pas temps d'y remédier quand le malheur seroit advenu. Mais toutes ces remonstrances ne ser-

COMMENTAIRES DE BLAISE DE MONTLUC. [l568]

virent de rien, et me r'envoya mondict nepveu sans autre depesche, sinon que le conseil du Roy ne l'avoit pas trouvé bon : ce qui a porté un trèsgrand dommage, car je pense que les affaires des Huguenots ne ser oient aujourd'hui tant à leur advantage comme ils sont ; mais Dieu fait comme il lui plaist. Je sais bien , encores que tous les jours je fisse miracles, qu'on ne croiroit jamais à la Cour que je fusse devenu sainct, à tout le moins ceux qui sont auprès du Roy, car ils seroient bien marris que leurs Majestez pensassent qu'il y eust gens en tout le royaume de France qui fussent si vigilans ne attentifs aux affaires du royaume qu'eux, ny qui fussent si sages. J'ay tousjours ouy dire que ceux qui présument tant d'eux sont le plus souvent les moindres.

0 qu'un roy sage et prudent doit veiller pour descouvrir ces piperies! j'estois trop eslongné pour le leur faire toucher au doigt , et les lettres n'ont poinct de réplique ; aussi dans le conseil du Roy un ennemy peut faire plus de mal que trente amis ne peuvent faire de bien : je n'en ay que trop senty les effects ; et cependant tout va au rebours , sans qu'on puisse espérer qu'on s'amende, quoy qu'on sçache dire. Je puis bien icy faire le conte de MarcdeRresse. C'estoit un Italien , lequel avoit faict quelques services à la seigneurie de Venise ; il avoit poursuivy et sollicité sarecompence, mais il n'avoit eu que du vent. La fortune porta que le duc mourut ; ce qu'ayant entendu, lesegnorMarc dressa une requestepar laquelle il supplioit la Seigneurie de le vouloir eslire duc pour recompense de ses services. Toute la Seigneurie fut fort esbahie de la hardie demande de cest homme ; et furent quelques uns députez pour luy faire une réprimande et remonstrance. Il leur dict , les ayant ouys : Perclonate mi , voi havetifatlo tante coionerie, che io pensato chefarette anchora qiiesta ; ma basta son contenta. Ainsi pouvons nous dire à ces messieurs qui gouvernent tout, qu'il ne se faut estonner de ce qu'ils font , ny espérer mieux : à la longue le royaume s'en trouvera bien : il ne se faut estonner de rien qu'il faceut. Je reviens à mon propos.

Or je m'en retournay devers le pays d'A génois : à mon arrivée à Agen je m'offencay une jambe , ce qui me tint trois mois au lit ; et en outre , comme je pensois estre guery, un caterre me surprit (l), qui me cuida coupper la gorae, et , sans ce qu'il prit son cours par une oreille , les médecins disoient que j'estois mort. Gomme je fus un peu relevé, je m'en vins à Gassaigne pour changer d'air , qui fut environ la fm de juil-

(I) Caleri'e : csitarrhe.

let. Je fus adverty du costé de Bearn , que la Royne de Navarre estoit partie de Pau pour s'en aller en Foix faire tenir ses estats. Soudain après j'eus advis qu'elle s'estoit arrestée à VicBigorre ; et incontinent après j'eus un autre advertissement , qu'un mercredy au soir luy estoit arrivé un gentil-homme de monsieur de La Rochefoucaut, qui avoit demeuré plus de quatre heures enfermé avec elle dans son cabinet. Quelque paix qu'il y eust, j'estois tousjours aux escoutes, et avois des gens apostez pour observer ce qui se faisoit en Bearn, car je sçavois bien qu'il se forgeoit là quelque chose qui ne valoit gueres. J'eus advis que le jeudy elle estoit partie en grand haste , et prenoit le chemin de Nerac , comme il fut vray, car elle y arriva le dimanche matin. Sa venue donna à penser à beaucoup de gens beaucoup de besongnes , et que la paix ne dureroit gueres. Je l'envoyay le lendemain visiter par mon nepveu de Leberon , la suppliant tres-humblement que sa venue nous apportas! quelque profit pour Tentretenement de la paix, l'asseurant sur mon honneur que de mon costé je prendrois tel soin , que par les Catholiques la guerre ne se commenceroit point. Elle me manda qu'elle n'estoit venue à Nerac que pour ceste occasion , et pour abbattre les opinions qu'aucuns de sa religion pourroient prendre, sçachant bien que d'une religion et d'autre il y en avoit qui ne desiroient que la guerre; et puis que j'estois en ceste volonté de faire entretenir la paix, que bien tost je cognoistrois que sa volonté et intention n'estoit autre ; et que je l'advertisse seulement de tout ce que j'entendrois , car elle donneroit ordre à tout ce qui dependroit de ceux de sa religion. Deux choses me coramandoient de la croire , encores qu a la Cour on m'en aye voulu reprendre : la première , que jamais le Roy ne luy avoit donné occasion de rien faire contre luy , et me souvenant que le Roy l'avoit soustenue contre le Pape (2), et de nouveau contre ses subjects de Bearn; et l'autre , des grandes promesses qu'ordinairement par lettres et par messagers exprès elle faisoit au Roy de ne luy estre jamais contraire : je croy que Sa Majesté en a une centaine de lettres. Toutes ces choses considérées, et la parentelle prochaine qu'elle a avec le Roy, qui seroit celuy-là qui eust osé entreprendre de luy monstrer que l'on avoit soupçon d'elle? si je l'eusse fait, elle eust dit etm'eust chargé estre cause de luy avoir faict changer la bonne volonté qu'elle avoit tousjours porté au service du Roy , et n'eust pas ladicte dame eu faute de soustien à la Cour contre moy , pour

(2) Loi'sque Pie IV l'excommunia en sepierabre 1567,

me charger le bast plustost que la selle. J'aime beaucoup mieux qu'elle ait fait ce qu'elle a fait sans occasion, que de l'avoir fait avec l'occasiou qu'elle eust peu mettre en avant : tousjours le plus petit a le tort. Si le Roy ou la Royue avoient envie que je le fisse, pourquoy est-ce que l'on ne me le mandoit; je n'eusse rien craint alors : on veut que je sois prophète, .le prcnois bien garde à ce qui se faisoit en iiearn , parce que ce pays est fort gasté de ccste religion qu'elle y a semée ; je ne sçay pas qui l'ostera. II y avoit plusieurs ministres , lesquels avec leur douce mine ne chantoient que la guerre; mais quanta elle, je n'eusse jamais pensé qu'elle eust fait une telle faute, qu'elle eust jamais voulu hasarder son Estât comme elle fit , lequel le Roy lui avoit conservé. Je croy que ces bons ministres, sous prétexte de laparolle de Dieu, la tirèrent à leur party , car pour cet effect ils n'oublient rien , et disent merveilles à qui les veut escouter. Elle partit de Neracuu dimanche matin; ma femme luy alloit faire lareverence ce mesme jour, monsieur de Sainctorens et mes enfans avec elle , pour courir la bague et donner passetemps à monsieur le prince , ayant faict estât de n'en bouger de huict ou dix jours. J'y envoyois ma femme expressément pour l'entretenir tousjours en asseurauce de moy et des Catholiques , que nous ne prendrions point les armes. Ce mesme dimanche, à la pointe du jour, arriva un contreroolleur des siens, par lequel elle me mandoit qu'il ne falloit pas que ma femme y allast, car elle s'en alloit à Castelgeloux, pour quelques nouvelles qu'elle avoit entendues, qu'aucuns broiiillons de sa religion avoient envie de remuer quelque chose, et quelle les eu garderoit bien. Je cogneus alors que c'estoit autre besongne que d'y donner ordre, car elle l'eust bien peu faire de Nerac en hors , sans aller à Castelgeloux : toutesfois je ne pouvois bien entendre le fons de son dessein. Le lendemain matin je m'en allay à Agen , et depcochay devers monsieur de Madaillan , afin que secrettement il assemblast tous ceux de ma compagnie de delà la rivière de Garonne à La Sauvetat, où est sa maison, et au chevalier mon fils , qui estoit colonnel en Guyenne, qu'il advertist tous ses capitaines, afin que jour et nuict ils s'acheminassent en diligence au port Saincte Marie avec quinze ou vingt arquebusiers à cheval chacun, et qu'ils n'attendissent point d'en avoir d'advantage. Je manday aussi à monsieur de Fonteuilles, qui estoit en garnison à Moissac, qu'il en fist de mesmes, et qu'il mandast à ceux de sa compagnie qui n'estoienten sa garnison, qu'ils le suivissent en diligence.

La royne de Navarre ne demeura que deux jours à Castelgeloux, et print son chemin droict à ThonensetAymet. Son parlement fut si bref, qu'il s'en fallut quatre heures que le chevalier mon fils ne se peust joindre avec monsieur de Madaillan, à cause du passage de la rivière d'Aiguillon , où il n'y avoit que deux petits batteaux ; et comme nos gens arrivèrent à Aymet, il n'y avoit que trois ou quatre heures qu'elle estoit partie en haste droict à Bregerac. Le sieur de Piles luy estoit venu au devant avec soixante ou quatre vingts chevaux, et ainsi elle passa la Dordogne. Je prins tant de peine à faire mesdespesches jour et nuict, pour advertir tous les capitaines et sieurs du pays de prendre les armes , n'estant encores bien guery de mon caterre, que je tombay de nouveau en une extrême maladie : tout le monde cuidoit que je n'en eschapperois jamais; je n'enpensois pas moins, car je fis mon testament, ce que je n'avois jamais faict pour maladie ne blesseure que j'eusse eue : en tant de maladies et blesseuresquej'ay eu, je n'avois soing que de mes armes et chevaux ; mais lors, pensant mourir, je songeois à tout ; ce qui plus me tourmeutoit, estoit de laisser le pays en tel estât, et mon Roy. Pendant ma maladie je fis dresser trente enseignes de gens de pied au chevalier mon fils. La levée fut si prompte que les capitaines ne peurent recouvrer soldats, pour la tierce partie de leurs compagnies, et d'autre part presque tous ceux que monsieur de Sainctorens en amena aux troubles seconds estoient demeurez en France parmy les regimens, et une partie des capitaines.

Estant encores en l'extrémité de ma maladie , monsieur de Joyeuse (l), qui estoit vers Montpellier , m'advertit que les Provençaux avoient passé le Rosne, et que monsieur d'Acier {-2) les estoit allé recueillir vers Usez; qu'ils n'estoient que cinq ou six mille belistres [c'estoit le mot de sa lettre] conduisans femmes et enfans avec eux, et que facilement je leur empescherois le passnge, s'en allant rendre en Sainctonge à mousieur le prince de Gondé et à monsieur l'admirai, lesquels desja y estoient arrivez : aussi la royne de Navarre avoit prins ce chemin, comme en lieu de seureté et où ils avoient beaucoup de moyens, et le pays à leur dévotion. Il me fut mandé de la Cour que le Roy avoit depesché monsieur de Montpensier pour venir recueillir les forces de la Guyenne et de Poictou ; dequoy j'estois bien ayse, m'asseurant bien que si nous

(1) Guillaume, vicomte de Joyeuse, inaréclial de Fi-ance.

(2) Jacques de Crussol , baron d'Acier.

COMMENTAIRES DE BLATSE DE MONTLliC. 10(58

estions avec luy nous combattrions. Le jour propre que je sortis du lit, relevé de ma grande maladie, je m'acheminay droit à Caliors menant un médecin et une lictiere après moy : j'avois plus besoin de cela que d'un cheval d'Espagne; et ainsi me trainay jusques h Casteluau de Monrattier cinq lieues près de Cahors,pour nous assembler tous là. Il y arriva messieurs de Gondrin , de La Valette (i), de Salncte Colombe, qui amenoit vingt cinq hommes d'armes ou archers de la compagnie de Monsieur, qui cstoit de ce pays; le lieutenant et enseigne de monsieur de Monpesat, qui en avoit quelques uns de monsieur le marquis de Villars; monsieur du Massez , avec sa compagnie, et la mienne, qui pour lors estoit de soixante hommes d'armes. Je demeuray quatre ou cinq jours à Castelnau, où je commençay un peu à me remettre, et là je receus lettres de monsieur Descars, qu'il se venoit joindre à moy avec sa compagnie et une compagnie de chevaux légers qu'il avoit fait, et le vicomte de Limeuil (2) avec sa compagnie, et une compagnie de chevaux légers, et quelque noblesse qu'il avait avec luy de Limosin et Perigord : j'en avois aussi quelques uns entre la trouppe de monsieur Descars et la nostre. Nous jugeasmes au rapport de nostre marcschal de camp, qui estoit monsieur de La Chappelle Losières , lieutenant de monsieur de Biron , que nous pouvions estre au plus quatre cens sallades; et quant au gens de pied , en toutes les trente enseignes il n'y pouvoit avoir que dix -huit cens hommes pour combattre, bons ou mauvais. Et passant le pont à Cahors, le chevallier (3) fit la reveuë de ses gens, et en cassa trois ou quatre cens qui ne servoient que de piller le pays, et ne luy eu demeura que dix-huict cens. Il luy en venoit tousjours quelqu'un, car les capitaines avoient laissé derrière leurs Heutenans, qui en assembloient tousjours. Nous marchasmes droit à Cahors , là où je demeuray douze jours , et le camp aux environs. Je receus lettres encores de monsieur Descars, qui m'attendoit vers Souillac, et aussi de monsieur de Joj^euse, m'advertissantpar icelles que les ennemis s'acheminoient tousjours au long de la montaigne vers Rodés. Et ainsi partismes, et en deux jours nous en vinsmes à Souillac.

Là je receuz lettres de monsieur l'evesque de Rodés , de messieurs de l'Estang , fils aisné de monsieur de Cornusson, et deSaiact Benssa, toutes d'une mesme teneur, qu'estoit qu'ils les avoient recogneus, et qu'ils n'estoient que cinq

(1) Jean de Nogaret , baron de La Vallette.

(2) Galeot de La Tour, vicomte de Linieuil.

OU six mil coquins, ayans leurs femmes et enfans avec eux, tout de mesme sorte que monsieur de Joyeuse nous avoit mandé. Et poui ce que tant de gens de bien nous donnoient cest advertissement , mesmement monsieur de Joyeuse , qui me mandoit les avoir faict recoguoistre par gens de bien, et les autres par eux mesmes les avoir recogneuz, nous pensions tous que cela fust ainsi. Voy-là que c'est que de faire recoguoistre ou recoguoistre soy- mesmes bien à la vérité; car ces advertissemens nous cuidereut faire perdre, et fusmes plustost conservez par œuvre de Dieu que par œuvre d'homme , combien que nous estions tous en un pensement, qu'estoit que malaisément pouvions nous imprimer dans nostre teste que messieurs le comte de Tande, de Cordes, de Maugiron et de Suze (4), ayans toutes les forces de Dauphiné et de Provence, eussent laissé passer le Hosue à si peu de gens en si mauvais équipage, sans les combattre [car ils estoient tous ensemble, ainsi que m'avoit mandé monsieur de Joyeuse], nyledict sieur de Joyeuse mesmes , qui avoit prou de force en Languedoc pour leur empescher de son costé le passage de la rivière ; car il en estoit à deux ou trois journées. Je ne poùvois aussi imaginer comment ceste poignée de gens estoit si hardie d'oser traverser ainsi la France ; je disois tousjours : « Voy-là de bien hardis et braves behstres ; il les faut voir : si ainsi est, nous eu aurons bon marché. I) L'envie que nous avions de les combattre nous faisoit de l'autre costé croire que ce qu'on nous mandoit estoit vray, car souvent on se persuade ce qu'on désire. En ceste résolution nous faisions estât de les aller combattre incontinent qu'ils s'approcheroient de la rivière de Dordogne. Estant à Gourdon arriva monsieur de Monsaiés, qui m'apporta lettres du Boy, et à monsieur Descars aussi , par lesquelles Sa Majesté nous mandoit de nous rendre auprès de monsieur de Monlpensier, qui estoit vers Poitou, pour combattre monsieur le prince de Coudé et monsieur l'admirai. Il vint fort eschauffé, pour nous faire partir incontinent. Nous entrasmes tous au conseil, là où nous estions messieurs Descars et des Bories, de Sainct Génies le vieux, deux ou trois autres chevaliers de l'Ordre qui estoient venus avec monsieur Descars : et de nostre costé estoient messieurs de Gondrin, de La Valette, du Masses, de Eoatenilles, de Giversac, de Saincte Colombe et Cuncon, de Brassac, de La Chappelle Losières, de Cassaneul, et quelques autres chevaUers de l'Ordre. J'avois

(ô) Le chevalier de Moulluc.

('t) François de La Baume, conile de Suze.

r' envoyé monsieur de Sainetorens vers Moissae, pour-ce qu'on m'avoit mandé que les vicomtes ((") s'assembloient pour s'aller joindre avec monsieur d'Acier et les Provençaux, afin de me tenir tousjours adverty; et faisois estât de combattre ces gens là avec ce que nous estions ensemble, puis qu'ils n'estoient que cinq ou six mil belistres, comme l'on nous mandoit. Il n'y eut un seul capitaine ny cbcvalicr de l'Ordre qui fust au conseil , qui n'opinast d'une mesme voix, qui fut que monsieur le prince de Condé et monsieur l'admirai n'estoient point si novices aux armes, ny si jeunes capitaines , qu'ils ne se sçeussent bien garder de combattre , sinon quand il leur plairoit, veu qu'ils avoient desja une rivière en leur faveur, qu'estoit la Charente, et qu'ils avoient les ponts de Sainctes et de Cougnac pour eux ; et d'autre part, qu'ils ne se hasarderoient pas de combattre qu'ils n'eussent des gens de pied, ce qu'ils n'avoient point, s'en estant venus desnuez avec trente ou quarante chevaux ; et qu'ils attendroient, avant que se mettre en campagne pour combattre, les Provençaux que monsieur d'Acier mcnoit ; et que puis qu'ils nous venoient sur les bras, il nous valoit beaucoup mieux les combattre nous-mesmes, que non de nous aller joindre avec monsieur de Montpensier, qui estoit loiug de nous, et laisser les Provençaux derrière , en liberté de prendre en toute seureté le chemin qu'ils voudroient au long de la Dordogne droit à Cougnac; qu'il n'y demeuroit point de forces en Guyenne pour les en garder. Ainsi résolurent tous qu'il les falloit combattre avant que s'acheminer ailleurs, espérant en Dieu que la victoire nous en demeureroit, puis qu'ils cstoient si peu de gens. Il fut aussi proposé que lesdicts Provençaux , comme ils se verroient au large, prendroient le chemin vers les vicomtes, car toutes les rivières estoient gayables, et que monsieur le prince et monsieur l'admirai se viendroient joindre avec eux vers Libourne et Fronsac. car à Bordeaux n'y auroit personne pour les empescher. D'autres disoient que comme nous penserions deffendre les villes de Sainctonge, nous perdrions les nostres ; baste qu'il n'y eut capitaine ne chevalier de l'Ordre qui tinst autre opinion, sinon monsieur de Monsalcs, qui estoit demy désespéré, voyant qu'il ne pouvoit mener le secours, comme il s'estoit promis qu'il l'eroit. Et comme il vid nostre resolution, il se départit de nous; je ne sçaurois diie où il alla : une chose sçay-je bien, qu'il estoit

(I) Les vicomtes de Bourniquol, «IcMontilar, de Paulin, de AIoiitaifTii , de Cauniont,'dc Serignaii ou Scrignac, et de llapin.

COTMiyrRNTATBES DE BLAISE DE MONTtUC. [15GS]

fort en colère. Il depescha promptement devers le Roy son frère , et , à ce que j'ay esté adverty depuis , il me chaussa bien les espérons envers Leurs Majestez, disant que j'avoisconverty tous les capitaines à faire ceste responce. A la vérité ceste responce luy estoit bien à contre-cœur ; car il eust bien voulu monstrer au Roy et à la Royne qu'il avoit grand crédit en Guyenne d'avoir mené ce secours là où il y avoit tant de braves capitaines, pour tousjours avoir plus de crédit et de faveur auprès de Leurs Majestez, aux fins d'obtenir ses demandes, qui estoient si espaisses que jamais le Roy ne luy fit bien en l'une main qu'il n'ouvrist l'autre pour en demander tousjours d'advantage ; et diray cela, que jamais les roys de France ne firent tant de bien à gentilhomme de la Guyenne comme le nostre avoit fait à luy ; car ils luy donnèrent pour un coup deux eveschez, deux abbayes, et d'argent plus de cent mil francs : et ce neantmoins il ne demeura jamais content. Et si diray une autre chose, que, quand bien tous les capitaines se fussent résolus d'aller trouver monsieur de Montpensier, il n'en y avoit un seul qui eust voulu y ailer avec luy : ils le monstrerent bien après, car personne ne le voulut suivre lors qu'il fut près de Monsieur, ouy bien monsieur de La Valette, qu'il n'estoit pas la moitié si favorisé qu'il estoit, mais il sçavoit mieux que c'estoit du fait de la guerre. Je ne dis pas que le sieur de Monsalés ne fust brave gentil -homme de sa personne, mais il se faut mesurer et avoir fort sué sous les haruois avant faire le grand capitaine et le gouverne-tout.

Apres ce conseil, tenu à Gordon, s'estant ledit sieur de Monsalés departy de nous, arrivèrent nouvelles de l'evesque de Cahors, son oncle, qui nous mandoit que le camp des Provençaux estoit arrivé à trois et à quatre lieues de Cahors, et qu'il nous prioit pour l'honneur de Dieu que nous allissions secourir la ville , car ils attendoient les ennemis le lendemain matin. Et avant que nous partissions de Souillac , il passa un que je ne veux nommer icy, pour crainte que s'il estoit en vie il fust tué , et portoit une lettre de la Royne à monsieur Descars, luy mandant que le plus secrettement qu'il pourroit il fist pai^ser cest homme, lequel elle envoyoit au camp des Provençaux pour descouvrir le nombre qu'ils estoient. M. Descars le me vint dire , et me mena à son logis , dans un cabinet où il l'avoit cache. Et comme je fus là, il me dit la charge qu'il avoit de la part de la Royne, et arresta avec moy que , si je luy voulois bailler un homme en qui j'eusse fiance , et qui sceust bien nombrcr les gens, qu'il luy feroit monstrer tout leur

COMMENTAIRES TiT. BL4ÏSE DE MOXTLUC. [I50S]

camp ; non pas qu'il s'amusast à les compter , car il fallojt qu'il joûast uu autre personnage, mais qu'il luy feroit voir tout à son aise leur armée. Je luy en baiUay un en qui je me fiois , et falloit qu'il coutrefist le Huguenot : et ainsi s'en alla les trouver. Pour revenir à l'aclvertissement de monsieur de Cahors, nous tournasmes tous vers Cahors pour les aller combattre. Monsieur de La Valette se mit devant avec sa compagnie, et amena avecques luy monsieur deFontenilles, qui pour lors estoit mon lieutenant, avecques la raoytié de la mienne. J'attendois la responce du Roy sur une prière que je luy avois faicte de donner la moytié de ma compagnie audit sieur de Fontenilles, et l'autre moytié au chevalier mon fils, pensant de ne vivre guère, pour la longue maladie quej'avois eue, d'où je n'estois point encores dehors, m'efforçant tousjours de faire plus que je ne pouvois.

Monsieur de La Valette fit une si grande traitte pour aller descouvrir ces gens, que de deux jours nous ne peusmes nous r'assembler, car leurs chevaux s'estoient tous defferrez : c'estoit un chef bien diligent autant que j'en cognus jamais. Il fallut qu'ils demeurassent un jour à Cahors pour les ferrer , car tout le chemin qu'ils avoient fait est tout pays pierreux. Et ayant entendu monsieur Descars qu'ils prenoient le chemin et la routte de Limosin, il voulut aller deffendre son gouvernement ; mais il ne demeura gueres à s'en repentir, car les ennemis s'acheminèrent vers Acier et Gramat : ce qu'entendant ledit sieur Descars , et par ainsi qu'ils estoicnt au devant, il tourna à nous; et nous r'alliasmes à Gordon, qui est à monsieur de Sainct Supplice (1). Je manday promptement au chevalier, qui estoit desja fort avancé vers Calîors, que tout incontinent il tournast visage à nous, et raandaj^ à monsieur de La Valette qu'il s'avançast, et qu'il se rendist à Gramat le iendem-un . afin de les combattre ce jour-là ou bien le lendemain matin. Monsieur Descars et moy, monsieur de Gondrin, messieurs le vicomte de Limeuil et du Massez, partismes incontinent après avoir repeu, et raarchasmes droit à Gramat, et envoyay monsieur du Massez et le vicomte de Limeuil, et la compagnie de chevaux légers devant avec le mareschal de camp , droit à Gramat. Et comme nous fosmes aux justices de Gramat, à trois ou quatre arquebuzadesde la ville, nous fismes aife, attendant monsieur de La Valette et sa trouppe qu'il avoit avec luy, où monsieur de Saincte Colombe, et tous ces autres que j'ay nommez, l'avoyent suivy, etnosgens de pied. J'aVoisdeparty

(I) Jean d'Ebiard, baron de Saiat-Sulpice. I. n. D. M. T, VII.

eu trois regimens nos trente enseignes ; encores que le chevalier commandast tout, monsieur de Leberon en commandoit dix , et le capitaine Sendat les autres dix ; et pour-ce que ce pays est stérile, furent contraiiicts loger un peu séparément: qui fut cause, tant pour le long chemin qu'ils avoient fait, de retourner en arrière, aussi que les logis des trente enseignes estoient séparez, et que monsieur de La Valette ne se peust rendre à Gramat ce jour- là que nous y attendismes jusqu'à ce qu'il fust si tard que le soleil se vouloit coucher; et d'heure en autre monsieur du Massez nous mandoit que les ennemis marchoient, qu'ils prenoient le chemin vers la Dordoigne ; et qu'il envoyoit camper en des villages qu'il y avoit entre Gramat et la Dordoigne.

Monsieur d'Acier scavoit bien là où nous estions , et fut mis en délibération de nous venir attaquer; et sçavoit on presque les forces que nous avions,jusques à cinquante hommes. Tous ses capitaines le vouloient; mais il monstroit une lettre de monsieur le prince de Condé , par laquelle il luy mandoit de ne s'engager aucunement à combattre, sinon que ce fust par grande contraincte, et que de luy et de ses forces sortoit son bien et son mal. Or attendant nos gens arriva à Gramat le capitaine Pierre Moreau, qui estoit leur mareschal de camp, pour voir les logis, ne pensant pas que nous fussions si près, et là fut prins par trois ou quatre de ceux du vicomte de Limeuil et du capitaine des chevaux; légers, et nous l'amenèrent aux Justices, où nous estions. Et pource que je cognoissois ledit capitaine Pierre Moreau, et que d'autre-fois il avoit esté de ma compagnie en Piedmont, nous le tirasmes à part, monsieur Desears et moy, et luy demanday qu'il me dist la vérité, à peine de s'a vie, combien de gens ils estoient : « Vous sçavez , capitaine Moreau , qu'il ne me faut pas mentir. » Il me respondit qu'il obligeoit sa vie à moy s'il ne disoit la vérité. Nous cognoissions qu'il avoit une grand peur, car il me pria de prime face nie souvenir qu'il avoit esté de ma compagnie, et qu'il m'avoit servy en beaucoup de bons lieux , et que je l'avois tousjours veu friire en homme de bien : je l'asseuray de sa vie. Il nous dit qu'ils estoient de seize à dix-huit mil hommes de pied, et de cinq à six cens chevaux, dans la trouppe desquels il y pouvoit avoir trois cens sallades bien miontez et armez , et les autres deux ou trois cens, arquebuziers à cheval et argoulets, dont il ne faisoil pas grand cas ; et quant aux gens de pied, qu'il y avoit six mil arquebuziers, tous vieux soldats, et qu'il n'en avoit jamais vcu si grand nombre en camp de

COMMENTAIRES DE BLATSE DE MONTUIC. [15C8]

roy, et en avoient autres six mil dont ils ne faisoient pas si grand cas comme des six premiers ; toutes-fois, qu'il y avoit de bons hommes, et qu'il pensoit qu'à la faveur des six mil premiers qu'ils combattroient, et que le demeurant, jusques à dix-sept ou dix-huit mil , la plus-part estoient encore arquebuziers, et le reste hallebardiers, et quelques picquiers. Monsieur Descars et moy, nous regardasmes l'un et l'autre, bien estonnez pour les advertissemens qu'on nous avoit donné. Il luy dit ces mots : « Capitaine Moreau, au lieu de sauver vostre vie vous la voulez perdre , car vous vous estes obligé à dire la vérité à peine d'estre pendu. Monsieur de Montluc est bien adverty que vous n'estes que cinq ou six mil , encore la meilleure partie sont femmes, enfants et valets, » Alors il répondit ; <( Monsieur, nous sçavonsbien que l'on vous fait entendre cela ; mais à peine de ma vie si je vous ments de cinquante hommes. » Et alors je luy dis : « Nous sommes advertis par monsieur de Joyeuse , qui vous a fait recognoistre jusques à un homme, que vous n'estes que cinq ou six mil, et par des gentils-hommes gens de bien, qui vous ont recogneuz auprès de Rhodes. — Nous sçavons bien , dit-il , que monsieur de Joyeuse , l'evesque de Rhodes et autres , vous ont donné cest advertissement ; mais puis que nous estions si peu, pourquoi ne se mettoit-ou au devant pour nous garder de passer le Rosne? Je veux estre pendu si jamais l'on a donné une alarme : et regardez comment ils nous peuvent avoir recogneus. Monsieur, ma vie y est obligée, je neveux point mentir, car puis qu'il vous plaist la me sauver disant la vérité, je ne la veux perdre disant le mensonge. Et pour vous en porter meilleur tesmoignage, tenez, voy-la les roolles de tout nostre camp , régiment pour régiment, car moy indigne ils m'ont faict mareschal de camp. » Alors monsieur Descars print les roolles, et les leut devant moy. Et pourceque le soleil se vouloit coucher, nous fusmes d'opinion de ne loger point à G ramat, ains reculer de là où nous estions partis le matin, et là recueillir monsieur de La Valette et tous nos gens de pied, pour délibérer sur ce que nous avions à faire : ce que fismes, et priay monsieur de Cassanveil d'aller faire retirer monsieur du Massés et nostre mareschal de camp ; car de Gramat, là où les ennemis se campoient, au plus loin, il n'y avoit pas un quart de lieue. Va alla bien pour le sieur du Massés ; car, comme il s'amusoit à regarder loger leur camp, voir s'il po\u-roit nombrer les ennemis, et estant descendu de cheval lui troisiesrae, les regardant retirer contre le soleil qui se couchoit, Icdict sieur de Cassanveil apperceut toute leur caval-

Icric, qui venoit tout au long pour leur coupper chemin, et courut les advertir, lesquels s'en vindrent en haste devers nous ; et ainsi nous nous retirasmes vers Gordon. Et comme nous eusmes cheminé demy lieuë, arriva l'espion de la Royne , qui ne sçavoit rien de la priuse du capitaine Moreau, et nous tirasmes à part monsieur Descars, monsieur de Gondrin et moy; et nous dit le soldat que ledit espion luy avoit donné moyen de voir et nombrer tout le camp eu la plaine de Figeac, là où ils s'estoient mis tous eu bataille pour y donner l'assaut, mais que les gens de la ville avoient fait un présent à monsieur d'Acier, qui les garda. Il nous dit qu'il avoit compté cent cinquante deux enseignes de gens de pied ; etpource que les gens de cheval estoient un peu à l'escart, ne les avoit nombrez de si près que les gens de pied , mais qu'il pensoit qu'ils fussent de six à sept cens chevaux, et qu'il avoit nombre les gens de pied de vingt-trois à vingtquatre mil hommes. Apres monsieur Descars et moy tirasmes à part l'espion , qui nous dit tout ainsi qu'avoit fuit le soldat. L'espion avoit grand peur que le capitaine Moreau l'eust recogneu , car incontinent qu'il l'apperceut il se tira à part de la trouppe. Et avant que nous fussions chacun en son quartier la minuit fut passée.

Le lendemain nous fusmes tous assemblez, et tous les capitaines se trouvèrent à mon logis à Gordon, pour délibérer ce que nous devions faire , ayant trouvé que nous avions affaire à autres gens qu'à cinq ou six mil bellistres, femmes ou enfans. Le soir ledit capitaine Pierre Moreau me dit à part que si nous les allions combattre là où ils estoient campez, que, quand nous serions bien quatre fois autant de gens de cheval et de pied, nous serions deffaits, pourceque monsieur d'Acier, qui estoit de ce pays, avoit choisi ce lieu pour n'en bouger de huict ou dix jours, et pour attendre le messager qu'ils avoient envoyé devers monsieur le Prince et monsieur l'admirai, pour leur dire qu'ils ne vouloient point passer plus outre, et qu'ils prioient monsieur le Prince venir faire la guerre en Guyenne, et qu'ils estoient bien asseurez qu'ils en emporteroient la Guyenne avant que le Roy eust assemblé assez de forces pour les combattre ; qu'à ces fins ils marcheroient au devant de luy vers Libourne, et qu'ils s'essayeroient d'en emporter Bordeaux, ne craignant que nostre cavallerie, et pour cela se campoit en ces quartiers-là, qui est un pays tout plein de pierre qui tranche comme cousteaux , de sorte qu'il n'y a cheval qui s'y puisse tenir, ny qui ose courir dessus ; et en outre tous les champs et chemins sont environnez de murailles de pierre sèche de la hauteur d'un

homme, d'autres jusques à la cciutare; et par ce moyen ils faisoient estât d'enfermer toute leur arquebuzerie dans ces murailles , et les gens de cheval à leur queue, de façon que ne les pourrions alier combattre sans nous mettre à la mercy de leur arquebuzerie.

Toutes ces choses, tant l'assiette du lieu que le nombre des gens -, nous fît penser ce que par la raison nous devions croire ; et arrestasmes que monsieur Descars enverroit un gendarme des siens sonder les passages sur la Dordoigne , tirant à Figeac; et si nous trouvions le passage asseuré; nous nous camperions là, et ferions apporter des vivres de Figeac en hors ; et que là nous serions hors des pierres là où la cavallerie ne pouvoit combattre, et que, trouvant les guez comme nous pensions, nous pourrions passer pour combattre les premiers qui passeroient ou bien les derniers qui seroient à passer , car nous ne serions qu'à une petite lieuë les uns des autres. Et ainsi depeschasmes ledit gendarme pour aller sonder les guez , et les commissaires pour aller préparer les vivres; et conclusmes de partir le jour après , pource que nous voulions donner temps aux commissaires d'avoir trouvé des vivres, et au gentil-homme loisir de sonder les guez. Le lendemain , sur les dix heures du malin, voicy arriver le frère de monsieur de jNIonsaiés, nommé monsieur de Vallaguie (1), qui n'avoit demeuré que six ou sept jours au plus à aller et revenir de la Cour, et nous apporta lettre du Roy, que, combattu ou à combattre, incontinent que nous aurions receu ses lettres , laissant toutes choses en ordre ou en desordre pour les affaires où nous estions, que l'on marchast trouver monsieur de Montpensier. Nous cogneusmes bien que ces lettres avoient esté forgées par monsieur de Monsalés , pource qu'il nous avoit dit , quand il estoit venu nous quérir , que le Roy et la Royne ne se soucioient point que la Guyenne se perdist, pourveu que l'on allast combattre monsieur le prince de Coudé; car, pourveu qu'il fust défait , tout le reste se pourroit recouvrer. Et en y eut qui luy reprochèrent devant moy qu'il parloit bien à son aise ; car quand sa maison iuy seroit bruslée, qu'il estoit asseuré que le Roy et la Royne luy donneroient trois fois plus qu'il ne pourroit perdre, et jusques icy on n'avoit point entendu que le Roy eust fait tant de biens à tous les capitaines de la Guyenne comme à luy seul. Voy-là qui nous fit penser qu'il avoit envoyé la lettre toute faite au Roy, afin qu'elle nous fust escrite de ceste sorte ; car aux -cabinets des Roys , ces traits "se font bien , et ces passe-

(I) Balaguicr.

droits , encores plus aisément qu'aux nostres. Messieurs les capitaines sus nommez tesmoigneront quelle dispute il y eut avant marcher, pource que nous voyions la perte et ruyne du pays si monsieur le Prince venoit faire la guerre en Guyenne , comme nous pensions fermement qu'il feroit voyant que ses gens ne vouloient passer outre ; et aussi que nous sçavions que monsieur d'Acier estoit de ceste opinion , et que la royne de Navarre , estant auprès de monsieur le Prince , le soliciteroit de ce faire , ne fust que pour secourir son bien ; car , ayant la Guyenne à sa dévotion, elle asseuroit bien l'Estat de son fils, et pourroit prétendre plus avant.

Apres toutes ses disputes , j'appelle tous les capitaines en tesmoignage si je ne proposay de suyvre la volonté du Roy , et marcher où monsieur de Montpensier se trouveroit; et que, voyant ma mauvaise disposition , je ne me pouvois engager à l'entrée d'un hyver fascheux , pour ne pouvoir servir de rien en une armée ; et qu'ils allassent hardiment , sans craindre que leurs maisons fussent bruslées, car avec les gentils-hommes qui demeuroient au pays et les communes, j'esperois de les conserver, ou, pour le moins , leur donner tant d'affaires, que je leur vendrois bien cher nostre marchandise. Il fut question de faire marcher les gens de pied : tous les capitaines dirent que c'estoit les envoyer à la boucherie , car ils n'estoient pas assez forts pour respondre aux gens de pied des ennemis ; et furent tous d'opinion que je les devois mettre en garnison vers Saincte Foy, Libourne et Rregerac , au long de la Dordoigne, et que cependant l'on verroit quel chemin les ennemis prendroient; et que si les ennemis alloient en Sainctonge, le chevalier s'en pourroit après aller par le Limosin se joindre au camp du Roy. Ainsi je m'en retournay à Cahors et à Castelnau de i^lourraîier, en attendant nouvelles quel chemin les ennemis prendroient. Et audit Castelnau une dissenterie me surprint : mon médecin cuida perdre là sa leçon, et moy les bottes. Et pource ^ qu'il y a aucuns qui m'ont voulu prester une charité , disant que si j'eusse voulu j'eusse combattu les ennemis, autres ont dit que puis que je ne les voulois combattre , je devois envoyer promptement les forces à monsieur de Montpensier , j'ay esci it icy la vérité du faict bien au long , jusques à une parolle, le tout tesmoigné par les capitaines qui y estoient , sauf ceux qui sont morts ; et croy qu'il n'en y a de moits que monsieur du Massés : et s'il y a du tort en aucune chose , il s'en faudroit prendre aux autres gouverneurs , qui premièrement les ont laissez assembler en leur gouvernement , passer les ri-

COMMENTAIRKS DK Bl-AîSl- DE lVJO^TLUC. | J.',68j

viercs, et ne les ont pas combattus ; et croy que s'il y a aucuns qui les veulent charger qu'ils n'ayent bien faict , ils ne demeureront sans raison. Mais il faut qu'on se prenne toujours à celuy qui n'a jamais voulu despeudre que du Roy et de la Royne , pource que je n'ay point didole auprès d'eux qu'idolâtre [je ne le fis jamais et ne le feray] pour rabattre les charitez qu'on me preste, .le n'ay point accousturaé de fuyr les combats ; j'y ay esté trop aecoustumé dés mon enfance. Je ne me trouvay jamais en lieu là où nous fussions près des ennemis, que je n'aye toujours e^lé d'opinion de combattre: et si j'ay esté chef, je les ay combattus plustost foible que fort. Et si l'on m'eust laissé faire à ceste heure-là, j'en eusse emporté poil ou plume, ou de la queue ou de la teste , et eussions donné temps à monsieur de Montpensier de s'approcher de nous; mais les lettres forgées de l'invention de ^lonsallés eurent plus d'authorité que non ce que nous voyons à l'œil qu'il falloit faire. A ouyr parler ceux qui m'accusent, vous diriez qu'avec les ongles je devois tuer tout, et avec les dents prendre La Rochelle et Montauban. Je ne suis pas si fol de cracher contre le ciel, et en pays desadvantageux , avec trois mil hommes en combattre vingt mille , et par ma perte tirer la ruyne du pays après moy. Je laisseray ce propos , ne voulant point entrer en excuses, car je n'ay en rien failly, et ne veux apprendre mon mesiier de ces coutreroolleurs qui en parlent sous la cheminée , loin des coups , et cependant font donner de mauvais conseils au Roy près duquel s ils sont. Mais c'est à faire à un lieutenant de Roy de prendre son par ty, car il n'est pas besoin tousjours de faire ce que le Roy commande : il est loin et se repose sur vous; c'est donc à vous , si vous avez tant soit peu de prudence, de juger le bien d'avec le mal. ÏI|n'y a nul qui ose nier que si j'eusse combattu , que je ne misse la Guyenne en proye , car c'estoit donner un assaut à dix contre un , et si j'eusse faict ce que le Roy me mnndoit par l'importunité du sieur de Monsallés, je laissay tout le pays à la dévotion de l'ennemy. J'en faisjuge tout homme sans passion.

Je reprins mon chemin à Agen , là où je recouvray un peu de santé, et tout incontinent me mis en opinion d'aller trouver monsieur de Montpensier , et manday à monsieur de Terride et à monsieur de Gondrin , lequel s'en estoit retourné de Gordon à cause d'une maladie i\w'\ l'avoit saisi, et y eut assez affaire de l'en faire retourner, car, tout malade comme il estoit, il vouloit passer avec sa compagnie, s'ils vouloient venir avec mov. et nous assignasmes à \illpneufvc d'Age-

nois. Je menois dix enseignes de gens de pied que le chevalier mon fils conduisoit, et laissay les deux sieurs cy-dessus nommez pour commander province pour province. Et comme nous fusmes tous ensemble prests à marcher , je receus une lettre de monsieur de Montpensier , par laquelle il me mandoit que, tous affidres laissez, je m'en courusse jetter dans Rordeaux, si desja je n'estois dedans; car il estoit adverty que les ennemis avoient une entreprise dessus, et qu'il craignoit que je n'y pourrois pas arriver à bonne heure. Et à mesme heure m'arriva un huissier de la cour de parlement de Rordeaux, par lequel la cour me mandoit les aller secourir , et qu'ils teuoient la ville pour perdue, si promptement je ne m'en allois mettre dedans. Je fus fort esbahy d'où pouvoient venir ces entreprises, et fus contraint de mander à messieurs de Terride et de Gondrin à Castillon assembler lesdictes compagnies de gens de pied et la cavallerie qui venoient avec nous , et qu'ils m'attendissent là, car j'esperois bien tost y avoir remédié. Et prins seulement quinze ou vingt gentils-hommes, et m'en allay en grand diligence, faisant venir nos armes et grands chevaux après : et comme je fus entre Marmande et La Reolle, je trouvay monsieur de Lignerolles (l) qui venoit d'Espagne , et monsieur de Lansac le jeune, lesquels me prièrent de m'achemiuer en toute diligence, et qu'ils se doutoientque le lendemain, qui estoit un rnercredy, la ville seroit prise , laquelle ils avoient laissée en telle division , que les uns ne se fioient des autres. Ledict sieur de Lansac avoit receu deux lettres par lesquelles on pouvoit cognoistre qu'il y avoit quelque entreprise dans la ville. Je n'eus pas loisir à grand peine de les embrasser , et m'en allay coucher à Langon , et le lendemain à midy je fus à Rordeaux (2) : et premièrement depeschay l'huissier en poste pour donner advis à la cour de parlement que j'arrivois, afin que , si l'entreprise estoit véritable, que cela fist tenir les gens en cervelle, et fus contraint d'y mettre six jours. J'entray en la cour le lendemain, et leur fis une remonstrance le mieux que je peus pour les asseurer et pour les mettre hors de tout doute. Ceste compagnie monstra avoir beaucoup de contentement de moy, et me remercia. Puis après disner je m'en allay à la maison de ville, où j'en fis aux jurats et à tous ceux delà jurade une autre. Puis leur ordonnay de faire mettre le lendemain en armes tous ceux de la ville ; ce (jui fut faict, et trouvay qu'il y avoit deux mil et quatre ou cinq

Jean Le Voyer, seigneur de Lignerolles.