I. C. D. M. T. VII
Sieur de Madaillan vit venir au galop les trois cornettes , il se retira à moy; mais elles ne le suyvirent pas beaucoup : et ainsi nous retirasmes dans la ville.
Or Viard fut bien tost de retour de la Cour , car il avoit passe-port du Roy et de messieurs les princes , et s'en alla trouver monsieur le mareschal. Monsieur de Fontenilles arriva le lendemain que nous eusmes prins ces chevaux, et par ainsi j'eus deux compagnies de gens-d'armes dans la ville, et trois de gens de pied. J'avois mis, dés que j'arrivay là, monsieur de Laugnac (2) à Peymirol avec deux compagnies de gens de pied , qui estoient celles de la garde du port Sainte Marie et Malves, qui firent de belles escarmouches. Et encore que monsieur de Laugnac fust malade de la maladie qui l'a si long temps tenu , neantmoins si tenoit-il les soldats nuict et jour dehors , et faisoient tousjours quelque prinse sur les ennemis. Nos gens de cheval sortoient bien souvent, mais ils trouvoient tousjours ces reistres si serrez dans les villages et enfermez avec des barrières, qu'on ne pouvoit rien gaigner sur eux que des coups , et tout incontinent estoient à cheval. A la vérité ces genslà campent en vrays gens de guerre, il est malaisé de les surprendre ; ils en sont plus soigneux que nous, et encores plus de leurs armes et chevaux. D'avantage ils sont plus espouventables à la guerre , car on ne void rien que feu et fer , et n'y a valet d'estable en leurs trouppes qui ne se dresse pour le combat , et ainsi avec le temps se fout gens de guerre. Je ne pouvois secourir nostre cavallerie de gens de pied, à cause des grandes boues, et aussi que je craignois une perte , ayant si peu de gens comme j'avois dans la ville, laquelle, peut estre, eust mis une telle espouvante dedans que la perte s'en fust cnsuyvie. Je n'estois que sur la deffensive , et toutes-fois je les tenois en cervelle , leur monstrant que je ne les craignois gueres. Messieurs les princes et l'Admirai demeurèrent cinq semaines ou plus campez là où j'ay dit, monsieur de Mongommcry trois et plus à Coadom, où il fit tous les diables, ruynant et saccageant les églises, et pillant tout, et tenoit son camp jusques à La Plume des Bruilles. Ny de leur costé ny du mien nous ne faisions rien , à cause que je n'avois point de gens. Ils mangeoient leur saoul et faisoient grand chère , car ils avoient tant paty depuis la perte de Moncontour , qu'il n'estoit possible de plus. Je croy qu'ils avoient plus d'envie de se reposer que de m' attaquer. Quant à moy , je m'attendois nuict
(2) Alain de Montpezat , seigneur de Loignac.
COMMENTAIBES DE lîLAlSE DE MONTLUC. [l569l
et jour à me fortifier. Estant en ces termes, arriva une nuict monsieur de La Valette , qui vcnoit du camp de Monsieur, et par fortune se trouva à Villeneufve à 1 heure que messieurs les princes envoyoient un trompette à monsieur de Cassaneuil , qu'il leur rendist la ville. Ledit sieur de La Valette ordonna luy-mesme la responce, qui fut que la ville estoit au Roy et non pas à eux , et que s'il y avoit trompette ny tabourin qui retournast plus, l'on les tueroit, et qu'il y avoit trop de gens de bien là dedans pour la rendre. La nuict ledict sieur de La Valette se hasarda de passer avec beaucoup de danger, et me vint trouver environ les neuf heures. Il me trouva au lict, car j'estois fort secouru de messieurs de Fontenillcs, de Madaillan , de Leberon et des autres capitaines ; par ainsi je dormois à mon aise, allant tout d'un grand ordre , aussi bien la nuict que le jour : il faut pardonner à la vieillesse. Ledit sieur de La Valette me dit que j'envoyasse un chef pour commander à tous ceux qui estoient dans Villeneufve, car autrement la ville s'en alloit perdue ; et jamais ne me voulut dire la raison , mais seulement me hastoit d'y envoyer promptement un chef, et me disoit tousjours que si je ne me hastois j'en serois le premier marry , car c'est une ville d'importance et belle ville de guerre : qui fut cause que je me levay du lict , ne voulant mespriser l'advis d'une si bonne teste que la sienne, et depeschay promptement deux hommes au chevalier mon fils à Lectoure , que tout incontinent ma lettre veuë il montast à cheval , et qu'il me vinst trouver pour s'aller jetter dans Villeneufve , et qu'à la diligence qu'il feroit je cognoistrois s'il estoit mon fils. Je manday au chevalier de Romegas que je le priois qu'il fist tout seul ce qu'ils faisoient eux deux ensemble. 11 fut jour avant que les deux messagers fussent à Lectoure. Le chevalier mon fils print promptement congé de tous ces seigneurs qui estoient là , et arriva à Agen sur les trois heures après midy. Quatre ou cinq jours devant , monsieur de Mongommery , avec tout son camp à pied et à cheval , vint donner une camisade au capitaine Cadreils , lieutenant de la compagnie de chevaux légers du capitaine Fabian mon fils , que j'avois mis dans Moyrax avec vingt cinq sallades et vingt cinq arquebusiers. Or Moyrax est un petit village fermé de murailles : à la plus haute on y monteroil avec une cschelle de douze degrez , sans aucun liane. Et y arriva demy-heure avant jour ; on m'en vint advertir à Agen , ayant prins un clistere , lequel j'avois encoies dans le corps. Sans autre attente, je m'armay et montay à cheval, et
allay passer la rivière. Les gentils-hommes de ma compagnie passoient les uns après les autres tant qu'ils pouvoient après moy. Monsieur de Fontenilles n'arriva que le lendemain. Je me trouvay seul avec quatre chevaux deçà la rivière devers Gascogne , là où Moyrax est assis, et près d'KstiUac, qui est à moy; et avec ces quatre chevaux je donnay à toute bride droit à Moyrax , là où il y a une lieuë. Et à la vérité si monsieur de Mongommery eust envoyé seulement dix ou douze chevaux sur le chemin d'Agen à Moyrax, j'estois prins ou mort; mais il faut par fois tenter la fortune et faire le soldat ; l'ennemy ne sçait pas ce que vous faites. Et ainsi arrivay à Moyrax , et trouvay que ledit Mongommery s'eu estoit party il y avoit environ demy heure , et laissa les eschelles au pied de la muraille : ayant demeuré deux heures là, ils n'eurent jamais la hardiesse d'en dresser une. Et enoores qu'auparavant je n'estimasse gueres leurs gens de pied, cela confirma encores mon opinion de les estimer moins : et ainsi m'en l'etournay à Agen. Les médecins furent contraints me donner un autre clistere pour me jetter celuy-là du corps , parce que le travail avoit arresté son opération. Je demeuray deux jours sans bouger du lict ; et comme mon fils le chevalier fut arrivé , je manday soudain quérir le capitaine Cadreils , et envoiay vingt cinq arquebusiers en sa placé, afin qu'il allast avec mondit fils à Villeneufve. Monsieur de Sainct Giron, frère de monsieur de la Guyche , colonnel des vingt deux enseignes de monsieur le mareschal, s'estoit fait apporter à Agen , malade , pour-ce qu'il avoit esté blessé à l'assaut de jMazeres eu une jambe , ou eu une cuisse que je ne mente, lequel se vouloit retirer à sa maison pour se faire guérir : et à une heure de nuict je les tiray dehors, et leur baillay deux bonnes guides, qui les rendirent le lendemain au point du jour à Villeneufve. Tout le monde fut fort joyeux de la venue de mon fils le chevalier, et croy que leur dispute estoit qu'ils ne se vouloient pas obeyr les uns aux autres. J'y eusse envoyé le capitaine Fabian mon jeune fils , mais nous le tenions à la mort depuis son retour du camp , et pour lors n'avions autre espérance de luy que la mort.
Or d'heure en autre j'estois adverty comment monsieur l'Admirai dressoit un pont de batteaux au port Saincte Marie , et avoit recueil ly tous les batteaux de Lot et de Garonne jusques à Marmande; j'estois aussi adverty d'heure à autre comment les ennemis avoient envoyé quérir de la grosse artillerie en Rearn : toutes ces nouvelles me faisoient haster les tranchées et for-
tifications que je faisois à Agen, pensant, comme il y avoit de la raison , qu'ils me voulussent attaquer , car ce n'estoit petite prinse , tant pour les richesses que pour deffaire la noblesse qui s'estoit enfermée là dedans pour l'amour de moy. Je tins un conseil dans mon logis , et dans un petit cabinet , là où nous n'estions que huit ou neuf, et disputasmes quel moyeu il y avoit de rompre ce pont. Un maistre masson qui est de Thoulouse, qui faisoit les moulins de monsieur le marquis de Villars à Aguillou , parlant à quel-qu un , mit eu avant que si nous destachions un moulin d'eauë, de ceux qui estoient attachez devant la ville, il romproit le pont , car la rivière de Garonne estoit grande et desbordée , et tousjours croissoit à cause qu'il pleuvoit presque tousjours. Il ne se trouva homme de son opinion qu'il fust possible qu'un moulin rompist le pont, car l'on nous asseuroit que monsieur l'Admirai avoit fait faire à Thoneus de grands cables comme la jambe d'un homme , et en avoit fait apporter de Montauban pareillement, et de grosses chaisnes, comme il estoit vrai ; car , outre les grands cables, le pont estoit enchaisué d'autre part. En fin de compte , il n'y eut nul de nous qui fust de l'opinion du masson , sauf le capitaine Thodias, nostre ingénieur, qui disoit que si l'on le pouvoit charger de grosses pierres, qu'il pensoit que l'entreprinse reiïssiroit , mais non sans estre chargé ; et par ainsi ne prismes aucune resolution. Et deux jours après l'on me manda de Thoulouse que monsievn- le mareschal Banville faisoit armer trois batteaux , et que le capitaine Sainct Projet (1) les devoit conduire avec soixante soldats dedans, et que dedans huict jours ils dévoient estre prests, et que ledit Sainct Projet passeroit de nuict dans ce terme. Nous avions discouru que nous ne pouvions charger le moulin que monsieur l'Admirai n'en fust adverty par ceux de leur religion qui estoient dedans Agen soubs la protection du mal-heureux edict : ainsi nous le pouvons appeller, et l'appelleray toujours ; et en une sorte ou autre , nous demeurasmes confus , sans espérance d'autre remède que de nous bien deffendre.
Pendant ce , le commissaire Viard estoit revenu , et incontinent une autre-fois depesché par monsieur le mareschal devers le Roy, et arriva avec un trompette du dit sieur mareschal , un mecredy, entre neuf ou dix heures , et me dit en secret l'entreprinse de monsieur le mareschal pour rompre le pont , mais qu'il se doub-
(I) Le nouveau traducteur de de Thou le noiuiue Paget.
toit que monsieur l'Admirai en fust adverty, et que pour ceste occasion il amenoit l'un des trompettes de monsieur le mareschal avec luy jusques au port Saincte Marie , et que , s'il entendoit, quand il seroit audit port, que les ennemis en fussent advertis , il me renvoyeroit le trompette pour m'en advertir, afin que je gardasse que ledit capitaine Sainct Projet ne passast outre , et qu'il falloit que je tinsse garde sur la rivière jour et nuict ; et ainsi se départit de moy, et fut sur les deux heures après midy au port Saincte Marie , et vit passer trois cornettes de reistres par dessus le pont , venant loger vers la Gascogne. Le trompette eut fort bon moyen de veoir tout le pont comme il estoit bien attaché , et se peut-on asseurer que ceux de Gleyrac et de Thonens n'y avoient rien espargné , car ces bonnes gens n'ont rien eu de cher pour faire mal à leurs voisins et contre le service du Roy. Le trompette arriva estant neuf heures du soir, par lequel Viard me mandoit que je gardasse que le capitaine Sainct Projet ne passast outre pour aller exécuter son entreprinse , car les ennemis en estoient advertis, et qu'ils avoient mis sept ou huict petites pièces d'artillerie au bout du pont vers la Gascogne , et que mil ou douze cens arquebuziers gardoient le bout du pont ; bref, qu'il n'y falloit point aller, car il n'en eschapperoit pas un de ceux qui iroient. Et comme le trompette eut parlé à moy, il se retira à son logis; et sans faire autre bruit , j'envoiay secrettement quérir trois personnages de la ville àqui j'avois desja descouvert mon intention, qui estoit d'envoyer à bas la rivière le moulin du président Sevin, pource qu'iceluy président avoit abandonné la ville. Je ne veux point icy nommer les trois, car il les mettroit en procès, et les commissaires qui sont à présent par deçà facilement luy feroient raison à sa volonté, comme ils font bien à d'autres contre les Catholiques. Et comme nous eusmes parlé ensemble, nous arrestasmes qu'ils iroient faire sortir six soldats mariniers , et qu'ils iroient destacher le moulin, faignaut d'aller faire la garde sur le bord de la rivière pour garder que le capitaine Sainct Projet ne passast outre. Et ainsi tous trois se départirent de moy, et ne furent pas paresseux à mettre les soldats dehors , ny lesdits soldats à destacher le moulin , desquels s'en noya un en destachant la chaisne, qui tomba du petit batteau ainsi que le pal où estoit attachée la chaisne se défit. Il pouvoit estre unze heures de nuict, et, ainsi que j'ay entendu depuis par les ennemis , le moulin arriva au pont vers une heure ; lesquels avoient mis des sentinelles une grand demie lieuë contre-mont la rivière , afin de don-
COMMENTAIRES DE BLAISE DE MONTLUC. [ir)G9|
ner l'alarme quand le capitaine Sainct Projet passeroit. Et comme ils commencèrent à ouyr le bruit du moulin, donnèrent l'alarme, laquelle incontinent fut au port, et tout le monde se jetta au deux bouts du pont, et commencèrent à tirer force arquebuzades au pauvre moulin , lequel ne disoit mot; mais il donna un tel choc, qu'il emporta tout le pont , cables , chaisnes et batteaux, de sorte qu'il n'en y demeura qu'un qui estoit attaché à la muraille du logis de monsieur le prince de Navarre. 11 alla des batteaux jusques à Sainct ^Macaire , et en y a qui m'ont dit qu'il en estoit allé jusques auprès de Bordeaux. Ce brave moulin du président alla encores rompre un autre moulin huguenot au dessous de Thonens, et en fin s'arresta aux isles vers Marmande. Les premiers par qui nous sceusmes la ruptiu-e du pont , ce fut par des pauvres gens qui alloient achepter du sel au bout dudit pont , des soldats huguenots qui en avoient prins sept ou huit battellées chargées. Les ennemis avoient tué plusieurs de ces pauvres gens , leur chargeant qu'ils estoient cause de la rupture du pont. Quelques uns de leurs soldats, qui s' estoient jettez sur le pont, s'en allèrent à vau-l'eau. Mais il n'estoitqu'entre l'aube du jour elle soleil levant, que les gardes me mandèrent qu'il estoit arrivé sept ou huit de ces pauvres gens qui portoient le sel , lesquels disoieut le pont estre rompu. Je m'en allay tout incontinent sur le gravier, et du costé de deçà la rivière devers Gascogne ; et du passage enhors l'on me fit passer deux ou trois de ces pauvres gens qui estoient arrivez audict passage, et qui estoient au bout du pont avec ceux que les ennemis avoient tué , et s'estoient sauvez par la campagne la nuict , qui me contèrent le tout , de mesmes que ies autres qui estoient venus par le costé du port, et tousjours quelqu'un en venoit qui nous confirmoit mesmes nouvelles. Je fis passer dix ou douze sallades du costé de Gascogne, qui allèrent jusques au dessous de Serignac , et prindrcnt deux prisonniers qui le me contèrent encorcs mieux que ces bonnes gens. Cependant secrotteraent je fis accoustrer un petit batteau avec sept ou huict rames, et donnay au marinier vingt-cinq escus pour aller porter les nouvelles à Bordeaux , et eserivis une lettre à messieurs de Lansac , baron de La Garde , et evesque de Valence mon frère , là où je leur discourois comme tout s'cstoit passé, les priant en donner advis à la cour de parlement et aux jurats , afin que tous eussent part de ceste bonne nouvelle ; car cela rompit fort le dessein des ennemis , lesquels nous eussions fort incommodez si monsieur le mareschal eust voulu oublier
sa colère , les prenant ainsi séparez. Le trompette dudict sieur, avant qu'il partist , entendit la joye que toute la ville avoit de la rupture du pont, et s'en alla en diligence porter les nouvelles à son maistre. Ceste exécution fut faite le mercredy vers la minuict, et le jeudy (1), à l'entrée de la nuict , les mariniers partirent ; et comme ils furent au port Saincte Marie , et près de là où estoit le pont, ils laissèrent couler le batteau à la discrétion de la rivière, estans eux tous couchez dans le batteau. Les ennemis commencèrent à crier, mais personne ne respondoit , et ils eurent opinion que ce fust un batteau qui se fust destaché de luy-mesme. Et comme ils furent un ject d'arbaleste au dessous, tous se levèrent, et chacun print sa rame, et leur commencèrent à dire des injures ; et firent si grande diligence qu'ils furent le lendemain matin , qu'estoit le vendredy, au soleil levant , à Bordeaux , et en fut la joye fort grande. Je croy que jamais marinier venant des Terres Neufves n'apporta telles nouvelles où il y eust si grande presse. Presque tous ces seigneurs y faisoient doute ; tout le monde alloit au logis de messieurs de Lansac , baron de La Garde et de Valence, pour en entendre la vérité. Monsieur de Valence depescha incontinent son secrétaire, nommé Ghauny, vers leurs Majestez , pour leur rapporter les nouvelles au contraire de ce que le commissaire Viard leur apportoit. Ledit Viard , à ce qu'on m'a dict , arriva le matin , qui donna de la fascherie grande à leurs Majestez et à Monsieur , du parachèvement du pont , de sa structure et force , y pouvant passer grosse artillerie par dessus à plaisir, et que les gens de cheval y passoient trois à trois de rang , comme il estoit bien vray, et ne mentoit de rien. Il y avoit raison de s'en fascher , car la commodité de ce pont leur eust donné le loisir de prendre tout, et faire passer tout leur canon à l'aise. Chauny arriva le soir, qui apporta la rupture , et que si l'un avoit porté la fascherie , l'autre apporta la joye. Et pour quelques jours je fus le meilleur homme du monde et grand guerrier; mais ceste opinion ne duraguieres, car mes ennemis que j'avois à la Cour desguisoient au Roy, qui estoit lors à Sainct Jean (2), toutes choses ; et en fin , quelque chose qu'il y eust , je ne faisois ni n'avois jamais rien faict qui vaille ; et le Boy le croyoit , ou à tout le moins je croy qu'il faisoit semblant de le croire pour les contenter. Et voy-là l'histoire de la rupture du pont , et à la vérité.
Maintenant il faut dire quel profit a porté la
(1) f.*) décembre 1509.
(2) Au camp de Landes, près de Saint-Jean-d'Angély.
rupture de ce pont, et la délibération qu'avoit faicte monsieur l'Admirai si ledict pont fust demeuré en pied. Il fut arresté et conclu en leur conseil que l'on passeroit l'hy ver et jusques à la récolte en ces lieux , où estoit leur camp , et qu'ils se feroient venir de la grosse artillerie de Navarreins, pour prendre toutes les villes qui estoient au long de la rivière de Garonne jusques aux portes de Bordeaux , et qu'ils attaqueroient Agen , mais que ce seroit la dernière , pource qu'ils vouloient prendre Castel-Geloux , Bazas , et tout ce qui estoit deçà et delà la Garonne , jusques aux portes de Bordeaux ; et que par le moyen de ce pont, l'un et l'autre pays, qui sont des plus riches de France , leur seroit à commodité. Ils faisoient estât d'avoir prins tout cela en moins de quinze jours, comme il eust été vray, car ils estoient lors maistres de la campagne. Ils esperoient attaquer Libourne , s'asseurans qu'en toutes ces villes ils trouveroient grande quantité de vivres , et que par ce moyen rien ne descendroit dans Bordeaux ny au long de la Garonne , ny moins du costé des Landes, faisant leur compte que dans trois mois la ville de Bordeaux seroit reduicte à toute extrémité ; et croy qu'il n'eust pas tant duré , car desja le bled y estoit à dix livres le sac, et par mer, à cause de Blaye , il n'y eust peu rien entrer. Geste ville est bonne et riche , et une bonne ville de guerre , mais elle est en un pays stérile, de sorte que qui luy osteroit la Garonne et la Dordogne , elle seroit bien tost reduicte à la faim : elle ne vid que du jour à la journée.
Ils avoient desaigné faire venir leurs navires en rivière et à Blaye , laquelle ils tenoient pour garder que les galleres ne peussent sortir ne rentrer. Les vicomtes avoient promis à monsieur l'Admirai de luy faire venir soixante mil sacs de bled au long de la rivière de Garonne , prenant lesdits bleds en Commenge et en Lomaigne, qu'est le pays de la Guyenne là où il en y a le plus ; car pour le moins il y acinqcensmarchans et autant de gentils-hommes qui font estât de les garder trois ou quatre ans , attendant que la vente des bleds soit grande ; par ainsi , facilement et ay sèment ils eussent tenu promesse à monsieur l'Admirai ; et par là ils se tenoient certains de faire venir le Roy à telle composition qu'il leur eust pieu. Je ne sçay, s'ils eussent eu Bordeaux , s'ils l'eussent rendu aussi peu que La Rochelle ; pour le moins ils se pouvoient bien \anter, ayant eu Bordeaux et tenant La Rochelle , qu'ils avoient le meilleur coing et le plus fort du royaume de France, tant par mer que par terre , dominant cinq rivières navigables , y comprenant la Charente. Depuis qu'ils eussent
esté entre les rivières de l'Isle, Dordogne, Lot et Garonne, il failoit au Roy pour le moins quatre camps pour les contraindre à combattre. Et veux dire qu'ils tenoient le meilleur pays et les deux meilleurs et plus grands havres du royaume de France , qu'est celuy de Brouage et celuy de Bordeaux.
Je m'estonne comme il y a des gens si mal habilles qui donnent entendre au Roy qu'il faut enccigner les Huguenots dans la Guyenne : c'est une mauvaise pièce : si le Roy l'avoit perdue , il la recouvreroit bien tard ; mais ces bons conseillers le font pour leur commodité et pour jetter la guerre loing d'eux : si la leur vendrons nous bien cher avant qu'ils l'ayent. Certes le Roy en devroit faire plus d'estat et empescher ses ennemis d'y prendre pied , et ne laisser ce pays à l'abandon , permettant qu'on se rie de nos misères jusques à demander si nous couchons encores dedans le lict. Je ne puis croire que ceste paroUe soit sortie de la bouche de la Royne , car elle y a tousjours trouvé et y a encores de bons serviteurs. Ces messieurs de France , qui se mocquent de nous , en pourront avoir à leur tour : tousjours le mal n'est pas à une porte. Or voyia la conclusion de leur conseil, qui estoit très bon. Monsieur de Valence mon frère tesmoignera qu'un qui assistoit au conseil quand bon luy sembloit nous a dict ladicte délibération , qui estoit grande. Et croy que , quand ils eussent voulu chasser tous Its Catholiques et retirer tous les Huguenots du royaume de France dans ce pays qu'ils eussent tenu, ils possedoient prou pour les faire tous riches , ou bien tous ceux de la noblesse du pays de deçà eussent esté contraincts se faire huguenots et prendre les armes pour eux. Ainsi , mal-aysément après le Roy en eust esté maistre ; car de les faire retourner de rechef à nostre religion, il y eust eu bien affaire , parce que depuis qu'on est accoustumé à quelque chose , soit bonne ou mauvaise , il est fort fascheux de la quitter. Mais Dieu n'a point voulu un si grand mal pour le Roy ny pour nous qui sommes catholiques.
Voy-là de quoy a servy la rupture du pont , au jugement des amis et ennemis. Et veux dire que de tous les services que j'ay jamais faicts à la Guyenne, celuy-cy est des plus remarquables, qui n'est procédé d'autre chose , sinon de la délibération que je prins à m'aller jetter dans Agen, car autrement la ville estoit abandonnée , et monsieur l'Admirai s'en venoit droict là et non au port Saiacte Marie , ny à Aguillon , comme il fut contrainct de faire; car à Lauserte le conseil fut tenu qu'au partir de là on s'en venoit loger à Castel-Sagrat, Monjoy, Sainct Mauriu et
COMMENTAinES DE BLAISE DE MONTLUC. 1 15691
Ferussac, et le lendemain à Agen, tenant pour certain qu'ils n'y trouveroicnt aucune résistance. Si cela fust advenu , il eust bien eu les coudées franches , et dans deux grosses rivières eust non seulement rafi-eschy son armée, mais aussi asseuré le pays pour luy. Jesçay bien qu'il fut respoudu à monsieur r Admirai par deux ou trois, que s'il estoit vray que j'y fusse dedans, ils ne m'en tireroient qu'en pièces , et que j'avois bien faict en ma vie de plus grandes folies que cellelà : et en y eut qui dirent qu'ils m'avoient veu engager en trois ou quatre places , la plus forte desquelles ne valoit pas la moitié d'Agen , et que j'en estois sorty à mon honneur. Ceux-là qui respondoient cela lepouvoientbientesmoignerà la vérité , car ils s'estoient trouvez avec moy en ces lieux au besoin. Monsieur l'Admirai sonstenoit tousjours qu'il estoit bien asseuré que je n'estois pas à Agen pour y demeurer, et que dés que j'entendrois qu'il y viendroit, que ma délibération estoit de passer la Garonne et me jetter dans Lectoure, disant: « 11 est trop vieux routier pour s'engager en une si mauvaise place, » Les autres asseuroient tousjours que je n'en bougerois point , à peine de leur vie : qui fut cause que monsieur l'Admirai adhéra à leur opinion , et changea le chemin droict à Aguillon , s'estendaut jusques au port Saincte Marie , et s'ils voyoient que j'abandonnasse la ville et que jeme retirasse vers Lectoure, comme il pensoit que je fisse, ils s'en viendroient à Agen. Il a trouvé à la fin que ceux qui soustenoient que je n'eu bougerois point me coguoissoient mieux que luy, et que ceux qui l'avoient adverty que je me voulois retirer à Lectoure estoient fort mal informez. Et pource que l'on m'a reproché qu'il y avoit trois ans que jen'avois rienfaict quivaille, l'on cognoistra aux œuvres que j'ay faictes pendant les trois ans , sans argent ne gens à pied ny à cheval , que si j'eusse esté secouru d'argent seulement pour soldoyer des hommes, et que le J\oy m'eust donné les compagnies et gens d'armes que je demandois, j'eusse bien gardé à monsieur l'Admirai de faire boire ses chevaux en la Garonne, et les reistres de venir boire nostrevin, car le comte de Mongommery n'eust jamais eu le loisirdeles appeler, et en eusse eu bon marché. Le pont rompu, monsieur l'Admirai demeura quatre ou cinq jours ne sçachant de quel bois faire flesches, et logé chez Guillot le Songeur, car il avoit, outre le camp du comte de Mongommery, trois cornettes de reistres engagées deçà la rivière vers Gascogne, et c'estoient ceux qui avoient passé la rivière estant logez à Labardac , et ne pouvoit trouver moyen de les retirer, à cause que le ruisseau qui passe au Para-
vis , monastère des religieuses , estoit si grand , qu'il n'y avoit honnne qui l'osast passer à pied ne à cheval. Le comte Mongommery estoit encores à Condom et vers Nerac et Bruch. Monsieur l'Admirai fit faire un petit pont sur deux batteaux ou iispouvoient passer seulement cinq ou six chevaux au coup , et avec une corde tiroient les batteaux , à la mode d'Italie. Et comme le ruisseau commença à diminuer, les reistres le commencèrent ji passer à un pont de pierre qu'il y a , et s'approchèrent du passage du port , et commencèrent à passer ce pont de batteaux six à six ou sept à sept au plus. Et quelque grand diligence que les passagers pouvoicnt faire, si arrestoit-il près d'une heure et demie avant que le batteau fust allé et revenu ; et en ceste peine passèrent ces trois cornettes , qui demeurèrent deux jours à passer. Monsieur le comte de Candalle et monsieur de La Vallette estoient à Staffort avec huict ou dix cornettes de gens de cheval; et comme le comte de Mongommery abandonna Condom pour s'approcher de la rivière, j'escrivis une lettre audit sieur comte de Candalle, que si sa délibération estoit de combattre Mongommery sur le passage, que je me trouverois au combat avec les deux compagnies de gensdarmes que j'avois et cinq cens arquebusiers, non pour commander, mais pour luy obeyr comme le moindre soldat de la trouppe. Il me remercia fort , et me fit responce que , quand cela seroit, luy et toute la trouppe qu'il commaudoit m'obeyroit ; et toutesfois il ne se parloit point que je passasse pour me joindre avec eux : et cogneus bien par la lettre que tous eussent esté bien ayses que j'eusseesté auprès d'eux; mais La Croizette , qui estoit là , servoit de dominus fac totum. Encoresleur manday-je que, s'ils ne vouloient que je m'y trouvasse , je ferois passer les deux compagnies et les cinq cens arquebusiers se joindre avec eux. Et par là chacun peut bien cognoistreque je n'estois pas party de monsieur le mareschal pour ne luy vouloir obeyr, puis ([ue j'offrois d'obeyr au comte et à monsieur de La Valette, et au capitaine La Croizette mesmes , qui estoit plus grand qu'eux en leur trouppe.
Je ne veux poinct escrire comme ils firent , pour-ce que je n'y estois pas , et ne m'en suis pas informé , sauf qu'on me dict qu'ils avoient faict une charge à quelques uns qu'ils trouvèrent hors de Bruch , et les rembarrèrent dedans ; et m'a on dict depuis que le comte de Mongommery estoit dans la ville : je ne sçay s'il est vray, et pense fort bien qu'ils firent tout ce qu'on y pouvoit faire , car ils sont trop cogneus et estimez. Le comte de Mongommery passa prcmic-
COMMENTAIRES DE BLAISE DE MONTLUC. [l570j
rcraent les gens de cheval , puis ses gens de pied les uns après les autres. Je fis passer la rivière à soixante sallades de ma compagnie et de monsieur de Fontenilles, avee trois cens arquebusiers pour les retirer , et allèrent jusques à un petit village qui est auprès du passage appeîlé la Rozie , où ils tuèrent quinze ou seize hommes , et y gaignerent douze ou treize chevaux , leur donnant une alarme bien chaude. Et m'a-on dit depuis que si nos gens de cheval eussent poussé outre jusques sur le passage , ils en eussent fait noyer deux ou trois cens , car de ceste alarme il s'en noya quatre ou cinq à la haste qu'ils avoient , et du costé de monsieur l'Admirai ne les pouvoient secourir , car ils ne pouvoient repasser que six ou sept chevaux sur le pont à batteaux , parquoy ils demeurèrent cinq ou six jours à passer. Et voyla la peine en laquelle se trouva monsieur l'Admirai à pouvoir retirer à luy le comte de Mongommery et les trois cornettes de reistres.
Monsieur de La Chapelle , viceseneschal , et monsieur du Bouzet , m' avoient mandé que si je voulois donner passeport à un Huguenot à qui j'avois donné , à leur requeste , asseurauce de demeurer en sa maison, il s'offroit d'aller au port Sainte Marie pour entendre et descouvrir le chemin que monsieur l'Admirai vouloit prendre après que le comte de Mongommery seroit passé , ou bien s'ils voudroient redresser un autre pont. Je leur envoyay le passeport qu'ils me demandoient pour luy ; et le jour mesmes que le comte eut achevé dépasser, ce personnage fut de retour à leur maison , et leur dict et asseura qu'au partir du port Saincte Marie , qui seroit dans deux ou trois jours après que tout seroit achevé de passer , ils prenoient leur chemin vers Thoulouse , et iroient passer à Montauban , estans délibérez de brusier toutes les maisons qui seroient à quatre lieues aux environs de Thoulouse , et sur tout celles des presidens et conseillers ; et disoit encores qu'il avoit appris d'un capitaine de gens de cheval qu'on luy avoit donné pour sa part une maison près de Thoulouse , nommée fEspinette , afm de la brusier : ce personnage luy respondit que c'estoit une des plus belles maisons qui fussent autour de Thoulouse; et le capitaine luy dict que si le maistre de la maison n'en avoit d'autres que celle-là|, qu'il estoit sans maison. Ledict sieur du Bouzet mesmes me rapporta tout ce que ce personnage là leur avoit dict. Et tout incontinent j'en advertis monsieur le premier président , car d'en advertir monsieur le mareschal , j'estois bien certain qu'il n'cust pas bien prius mes lettres, et qu'il eust creu tout au contraire de l'advertissemeut
que je luy en eusse donné : qui fut cause que j'en advertis ledict sieur président , et luy maudois qu'il devoit retirer monsieur de La Valette, qui desja s'en estoit retourné vers Thoulouse , et messieurs de Negrepelisse et Sarlarbous , et qu'ils ne pouvoient avoir trop de gens de bien dans la ville, car les ennemis tenoient des propos qui ne valloient rien, lesquels je ne voulois escrire, pour ce que ce n'estoit que le vulgaire de leur camp, àquoy on ne devoit adjouster aucune foy. [1.570] Voyla tout le contenu de ma lettre : je m'asseure que ledict sieur président ne l'a pas perdue. Et ainsi s'en allèrent toutes les forces du port Saincte Marie, et passèrent tous à laveuë du chasteau de Bajaumont , où estoit monsieur de Durfort , frère du sieur de Bajaumont qui est à ceste heure. Je sortis avec les deux compagnies de gens d'armes , et les vis tous passer à à une arquebuzade de moy, et plus près encores, n'ayant moy que huit ou dix chevaux , ayant laissé la cavallerie un peu derrière ; mais je ne l'avois peu mettre si bien à couvert que les ennemis ne la peussent voir. Jamais homme ne se desbanda pour me venir recognoistre , et campèrent ceste nuit-là vers le pont du Casse , et tirant vers Sainct Maurin, puis se mirent vers ledict Sainct Maurin et autres villages là autour ; et là demeurèrent deux ou trois jours. Et pource que ledict sieur de Durfort avoit veu passer tout à son aise tout leur camp , gens de pied et gens de cheval , et les avoit peu nombrer à son ayse , je le priay de prendre la poste et aller advertir Sa Majesté du nombre de ce camp ; et me dict , entre autres choses , qu'il avoit descouvert une troupe de cinq ou six cens chevaux qui passoient un peu plus loing que les autres, dont la pluspart n'avoient point de bottes , et que c'estoient valets et laquais qu'ils avoient fait monter à cheval pour faire nombre. Je ne faisois rien que je ne le communiquasse à l'evesque d'Agen , me fiant lors autant ou plus en luy qu'à mon frère propre , et le tenois pour un des meilleurs amis et d'aussi bonne conscience que prélat qu'il y eust en toute la France : il est sorty de la maison des Fregoses de Gènes. Je bailiay instruction audict sieur de Durfort, et une lettre de créance qui contenoit cecy : Que je luy envoyais le sieur de Durfort , lequel avoit peu nombrer tout à son ayse Vannée de messieurs les princes , pour luy dire tout ce cj^u'il en avoit veu et nombre. Puis luy donnois advis du chemin qu'ils tenoient , et de leur délibération de mettre tout à feu vers Thoulouse , et en avois donné advis à monsieur le premier président , pour le dire aux gens qui avoient aux environs de la ville des maisons , afin qu'ils retirassent les meubles ^
COMMEKTAIBES DE DLAlbE DE MOMTLUC. [lôîOj
et qu'ils feroient bien de retirer monsieur de Negrcpelisse , si dcsja il n'y estoit, et messieurs de La Valette et Sarlabous; puis en un autre article , que le personnage , que je ne nomme point icy , de leur religion qui estoit allé à leur camp, avoit porté nouvelles aux !^ieurs de La Chappelle et du Rouzet , que le capitaine des gens de cheval à qui il avoit parlé avoit dit qu'ils avoient entreprise sur Montpellier, et le pont Sainct Esprit toute asscurée , et que je eognoissois bien le gouverneur de Montpellier, qui estoit monsieur de Castelnau , pour lequel je respondrois de ma vie, mais que je ne eognoissois pas celuy du pont Sainct Esprit ; qu'il pleust à Sa Majesté en advertir lesdicts gouverneurs , afin qu'ils fussent soigneux de tenir l'œil sur leurs places , et que cela leur seroit un coup d'esperon pour leur faire prendre garde à la seureté d'icelles. Et en un autre article , que l'evesque d'Ageu , lequel estoit arrivé de l'abbaye qu'il a en Languedoc près Narbonne, m'avoit dict que tout le bas Languedoc, depuis Montpellier vers Avignon , estoient en grand peine , n'ayant aucun chef en ces quartiers, et qu'ils avoient envoyé prier monsieur le mareschal de leur vouloir envoyer monsieur de Joyeuse, car, pourveu qu'ils eussent un chef, ils seroient prou gens pour deffendre le pays ; et que s'il scmbloit bon à Sa Majesté, qu'elle devoit mandera monsieur le mareschal qu'il laissast aller monsieur de Joyeuse au bas Languedoc, il avoit prou d'autres grands capitaines près de luy, parce que ledit sieur de Joyeuse y serviroit de beaucoup , à ce que m'avoit dict ledit cvesque. Et en un autre article, que s'il plaisoit à sadicte Majesté de faire marcher Monsieur avec la moitié seulement de son armée , que nous estions assez forts pour combattre des forces plus grandes que celles de messieurs les princes , et qu'il m'estimast pour l'un des plus meschans hommes qui porta jamais armes, si Monsieur marchoit avec la moitié de l'armée , mais qu'il amenast les reistres, s'il ne desfaisoit les princes , et mcttroit fin à la guerre; et si Sa Majesté ne trouvoit bon que Monsieur y \inst, qu'il commandast à monsieur le prince Dauphin (l) qu'il marchast avec le camp vers le pays de Roùergue, avec lequel je me joindrois , et que nous trouverions bien moyen que monsieur le mareschal Banville s'y joindroit aussi, et
(1) Le fils du duc de Montpeusier.
(2) François de la Jugic, baron de Rieiix. (.î) Voici ceUe lettre :
«-Sire, la fidélité acquise en notre maison, |)ar les lonps services de feu monsieur le connétable , (|ui nous l'a laissée .1 toute notre postérité pour perpétuel héritage, fera que les impostures que MuutliM m'a >ouLu
qu'autour de Thoulouse et au chemin qu'ils feroicîit nous les combattrions à nostreadvantage. \'oylà tous les articles de mes instructions. Et à dire le vray , il ne s'en fust jamais retourné un en France , ou ils se fussent cachez dans les villes, et eussions gardé le pays. Que s'ils fussent esté rompus ou séparez, malaisément se fussentils jamais r'alliez. Ce bon evesque d'Agen m'avoil dict qu'il tenoit Narbonne pour perdue, et que monsieur de Rieux (2), qui en estoit gouverneur, estoit huguenot, et qu'il avoit chassé un des principaux Catholiques de la ville auquel tous les Catholiques s'addressoient, et que la ville en estoit à demy désespérée , mesmes que les Catholiques avoient mandé à monsieur le maleschal , pour le supplier de vouloir escrire à monsieur de Rieux de le laisser r'entrer dans la ville, lequel sieur de Rieux luy avoit renvoyé force excuses qu'il ne le pouvoit faire. Et voyant que monsieur le mareschal ne prenoit pas trop les choses à cœur pour le faire r'entrer, les Catholiques s'estoient retirez au parlement , lequel l'avoit remonstré à monsieur le mareschal , et que de nouveau il en avoit escrit audict sieur de Rieux , qui n'en avoit voulu rien faire , et que tout le peuple se tenoit entièrement pour perdu. Je lecontay audict sieur de Durfort, non qu'il fust escritauxarticles, ne moins luy donnay-je charge d'en parler au Roy , car peut estre cela n'estoit pas vray ; mais, pour en estre certain , il le devoit demander audict evesque, et s'il vouloit que de par luy il le dist au Roy. Ledict evesque luy dict tout en la mesme sorte qu'il m'avoit conté, et de plus que luy mesmes le vouloit escrire au Roy , ce qu'il fist. Ledict sieur de Durfort ne voulut prendre la lettre qu'il ne vid ce qui estoit couché dedans , comme il fit; et alors ledict sieur de Durfort priut la lettre, et me dict qu'il avoit veu ce que ledict evesque escrivoit au Roy , et que c'estoit en la mesme forme qu'il le m'avoit dit. Voila le contenu de mes instructions , car de créance ledict Durfort n'en apporta que ce qui estoit contenu dans icelles instructions, et me dict franchement qu'il n'apporteroit jamais créance sans instruction signée. Voyla surquoy monsieur le mareschal Danville s'est fondé d'escrire une lettre diffamatoire (3) contre moy. Que si n'eust esté le respect de ceux ausqucls il appartient , et Testât qu'il tient du
mettre sus , le rendront tout autant menteur que les effets feront foy du contraire. Je dis ceci , Sire, pour autant que j'ai ('te fidèlement averti que ces jours passés le vénérable seipneur a «nvoyé devers Votre Majesté le protonotaire de sainct Crai)as , autrement appelle dOxlort , pour vous faire entendre, avec une infinité d'autres lutjulerics qu'il a semées par votre Cour, que les eune.
Roy, je me fusse essayé de luy apprendre comme il doit doniier desmauties saus bien estre ad^ erty de la vérité. Je les luy pouvois bien donner, d'autant que le tesmoignage du Roy et les instructions eussent déclaré la vérité ; mais il me suffit que le Roy et la Royne sçavent le contraire de ce qu'il a couché dans sa lettre , et que ma conscience en est du tout exempte. Nous verrons de luy ou de moy qui mieux servira son maistre : il a deux advantages sur moy , il est grandseigneuretjeune, et moy pauvre et vieux ; si suis-je gentil-homme et chevalier qui n'ay jamais soufi'ert injure, et suis moins taillé que jamais de l'endurer, tant que pourray porter espée. J'oserois croire que pour lors le susdict evcsque n'avoit encores rien entendu de l'entreprinse que l'on a voulu exécuter contre moy; mais son meschant frère vint demeurer quatre ou cinq jours avec luy , lequel pendant ce temps le convertit d'entendre à ceste belle exécution, de laquelle je n'escriray rien d'advautage , car Dieu a commencé faire paroistre ses miracles pour me venger : j'espère tant en luy, qu'il ne s'arrestera pas là. Or les princes s'en allèrent par le mesme chemin que j'avois mandé à monsieur le président, et flrent l'exécution du bruslement entreprins. Je voudrois de bon cœur que mon advertissement ne se fust pas trouvé véritable, car j'ay apprins de beaucoup de gens de bien de Thoulouse que l'armée des princes leur apporta dommage de plus d'un mi lion de francs. Je ne me veux mesler de mettre icy ce qu'ils firent parle Languedoc, car je ne me mesle point d'escrire ce que les autres ont fait , ou le devoir auquel se mit ledit sieur raareschal, et retourneray à une lettre que le Roy m'escrivit pour aller en Bearn.
rais (le Totre couronne avoieut intelligence, par mon moyen , dans deux villes de mon gouvernement , à sçavoir, Toulouse et Tsarbonne; et qu'à cette cause, ceux de cette ville avoient grand' défiauce et soupçon de moi, qui avois toujours retenu monsieur de Joyeuse icy , pour donner plus de commodité aux ennemis d'exécuter l'entreprise qu'ils avoient sur TS'arbonne ; et parce que cela est autant éloigné de la vérité comme sont les autres inventions avec lesquelles il veut couvrir son intidélité , il n'a semblé , vu les déraisonnables débordemens de ce téméraire imposteur, que je ne devois plus différer que avec l'argument d'une telle conséquence , réservant toujours l'honneur, respect et obéissance que je dois a Votre Majesté , lui promettre et assurer qu'en cet endroit et tout autre que ledit >Iontluc a médit de moy r.u préjudice de mon honneur, il a menti et ment, ainsi que j'espère faire connoître à Votre Majesté et à tout le monde, avec l'intégrité de ma conscience , et particulièrement à lui , quoiqu'il me faille abaisser pour contcndre avec un sien semblable , non avec paroles , dont il fait si grandes largesses , mais de sa personne à la mienne , sur quoy je me réserveray à procéder par les voies qui sont permi-
Sa Majesté me mandoit que j'assemblasse tant de gens que je pcurroiset le plus promptcment, et que je prinsse de l'artillerie à Thoulouse, à Rayonne et Bordeaux , et là où j'en trouverois, et que j'allasse attaquer le pays de Rearn. Et escri voit à messieurs les capiîoulsde Thoulouse de me b.iil'er de l'artillerie et munitions : d'argent, il no s'en parloit point pour les frais ou pour payer les gens de pied et l'équipage du canon; et Dieu sçait si en telles entreprises il faut que rien manque. Une armée ressemble un orloge ; si rien deffaut , tout va mal à propos. Je luy envoyay Espalanques, gentil-homme bearnois, avec ample instruction de ce qu'il me falloit et qui estoit nécessaire pour marcher; et fus contrain-t de ce faire, pource que les lettres que Sa Majesté m'avoit escrites pour l'entreprise estoicnt si maigres, qu'il sembloit que celuy qui les avoit devisées n'avoit point grand envie que j'y allasse ou bien que j'y lisse rien qui vallust, si ce n'est qu'il fust du tout ignorant. Mais je ne luy en manday autre chose, sinon d'escrire une lettre bien pressante aux capitouls, pour me prester deux canons et une coulevrine avec des munitions, et dont je leur respondrois, car l'artillerie et munitions sont à eux. Desja ils m'avoient fait responce n'avoir point d'artillerie preste , ny moins de munition , à cause que monsieur de Bellegarde leur avoit despendu la plus part d'icelle au Caria et à Puylaurens , et que monsieur le mareschal Danville leur avoit despendu le reste à Mazeres. J'escrivois aussi à Sa Majtsté qu'il luy pleust commander à monsieur de Valence qu'il me fist délivrer un peu d'argent pour faire une monstre , où à tout le moins une demy monstre aux gens de pied, pour acheter de la poudre , car en deux ans que ceste
ses. Cependant je me veux promettre que le temps, qui découvre toutes choses , rendra à un chacun ce qui lui appartient; mais, d'autant. Sire , qu'il s'y agit de mou honneur et de votre service, je vous supplie très-hurablenient édaircir ce qui vous touche , car, quant au mien, je lui feray bien sentir que je le prise et estime tout autant comme il n'a guéres tenu coiupte du sien. Commandez-nous donc que chacun vous aille rendre compte de sa charge , et vous trouverez à tout le moins que je n'ay point rançonné votre pauvre peuple, je n'ay point violé leurs filles et leurs femmes , je n'ai point touché à vos finances ; bref, je n'ay fait chose qui ne soit digne d'un homme de mo.i e\ raction et bon serviteur de Vetre Majesté, et nous verrons lors si sa tcte tient aussi bien que la mienne. Espérant ce bien de vous, je supplie le Créateur, Sire, qu'il conserve Votre Majesté en sauté trèsheureuse et longue vie.
» Votre très-humble , etc.
»IIE^RY DE MoMMOHEiSCY.
« De Toulouse, ce 27 février 1370. >
COMMENTAIRES DE lîLAlSE DE MONTLUG. [1570|
guerre a duré , tous les gens de pied que j'ay levez de par deçà n'ont fait que deux monstres, et la pluspart qu'une; et aussi qu'il mandast à monsieur de Valence qu'il fist venir avec moy un thrcsorier pour faire les frais de l'artillerie, et qu'attendant le retour d'Espalanqucs, je donnerois si bon et prompt ordre à toutes choses nécessaires, qu'il me trouveroit à son arrivée prest à marcher.
Voy-là toutes les demandes que je faisois au Roy. Sa responce fut qu'il trouvoit fort estrange que je misse ce voyage en telle longueur, et qu'il pensoit que je fusse desja dans le pays , et que si je ne voulois faire autrement que j'avois faict jusques iey, qu'il y pourvoyroit aussi autrement, et qu'il y avoit trois ans que je n'avois rien faict qui vaille. Ces lettres me mirent en tel desespoir et colère, qu'une fois je fus résolu de n'y aller point et d'escrire au Roy qu'il y envoyast un autre qui y eust fait cy-devant mieux que moy, et qui achevast labesongne comme monsieur de Terride avoit faict. Toutesfois h la fin je me résolus de ne le faire , cognoissant bien que ces lettres ne venoicnt pas du naturel du Roy , de la Royne, ny de Monsieur, car il y en avoit de tous trois, aussi picquantes l'une que l'autre. Je cognoissois bien que cecy venoit du conseil de mes ennemis que j'ay près leurs Majestez , car le Roy , la Royne uy Monsieur n'escrivirent jamais lettre au plus grand ennemy qu'ils ayent eu si picquantes que celles là, et ne les monstray qu'à monsieur de Valence mou frère, de crainte que tout le monde ne perdist le cœur, à mon exemple, de faire jamais service au Roy; car tous généralement , de quelque vacation qu'ils fussent, scavoient bien le contraire, et que j'avois fort bien faict avec le peu de moyens qu'on m'avoit laissé. Et lors je co^neusbiea qu'on me vouloit jetter toutes les fautes qui estoient advenues par deçà sur mes espaules , n'ayant personne à la Cour pour me deffendre. Je cognois à présent, que la plus grande faute que j'ay faict en ma vie , c'a esté de n'avoir voulu despendre, depuis que les vieux sont morts, que du Roy et de la Royne , et qu'un homme qui a charge est plus asseuré de despendre d'un monsieur ou d'une madame , ou d'un cardinal ou d'un mareschal, que non du Roy, de la Royne ny de Monsieur ; car ils desguiseront tousjours à leurs Majestez les affaires comme bon leur semblera , et en seront creuz de tous trois, car ils n'y voyent que par les yeux d'autruy, et n'y oyent que par les oreilles des autres. Cela est mauvais, mais il est impossible d'y mettre ordre, et celuy qui aura bien faict, demeurera en arrière. Par ainsi, si ie pouvois retourner à mon commencement
d'aage , je ne me soucierois jamais de dépendre du Roy ny de la Royne, sinon de ceux qui ont crédit près de leurs Majestez ; car , encore que je fisse le plus mal qu'homme sçauroit faire , ils me couvriroient mes fautes, voyant que je ne despendrois que d'eux ; et leur bien et honneur est d'avoir des serviteurs qu'ils appellent créatures. Si le Roy ne faisoit du bien que de luymesraes , il leur rongneroit les ongles. Mais qui veut avoir recompence , qui veut estre cogneu , il faut se donner à monsieur ou à madame , car le Roy donne tout à eux , et ne cognoit les autres que par leur rapport. Je suis bien marry que je ne puis retourner à mon jeune aai^e, car je me seau rois bien mieux gouverner que je n'ay fait jusques iey, et ne me fonderois pas tant en l'espérance des roys que des autres qui seroient près d'eux. Mais je suis à présent vieux et ne puis retourner jeune; parquoy il faut que je suive la complexion que j'ay tout jamais eue, car je ne sçaurois par quel bout commencer pour en prendre un autre : il n'est pas temps, cela peut estre servira pour ceux que je délaisse. Mais si le Roy les veut tromper , qu'il soit véritablement roy , et ne donne rien que de luymesmes : 0 qu'il y en aura qui seront trompez ! Encores ay-je fait une autre faute , c'est de n'avoir tenu quelqu'un de mes enfcins près du Roy; ilsestoientassez bienuezpour se faireaymer de leurs Majestez. Mais Dieu m'osta mon Marc Antoine trop tost , et depuis, le capitaine Montluc , qui fut tué à Madères ; l'un ou l'autre eust fait taire ceux qui voudroicnt controoUer et calomnier mes actions. Leurs desmentis de si loing ne me pouvoient faire mal : si nous estions à une picque les uns des autres , je leur ferois , tout vieux que je suis, trembler le cœur au ventre. Je ne les tenois pas près de moy pour estre oisifs, mais pour apprendre mou mestier ; car le premier a suyvy les armes, et s'y est fait remarquer , et m'a suyvy en mes voyages ; le second avoit acquis tel crédit eu Guyenne , que j'estois bien aise, pendant la guerre, qu'il n'en bougeast; le troisième depuis son retour de Malthe m'a suyvy en ces guerres, et le dernier aussi. Mais je laisse ce propos , qui me met en colère , pour retourner à l'entreprinse. Monsieur de Valence s'en courut h Bordeaux , voir s'il y avoit moyen de trouver argent aux finances , et me manda n'en y avoir trouvé un seul liard ; toutes-fois , qu'il avoit tant fait que l'on avoit emprunté quatorze mil francs , lesquels il avoit fait bailler à un commis pour faire tenir près de moy , et que dans dix jours il m'en feroit tenir autant; mais qu'il ne falloit nullement espérer d'en avoir d'avantage, cl que le receveur avoit encores cm-
primté cela. Monsieur de Fontenilles s'en alla à Thoulouse avec procuration mienne , pour nous obliger tous deux de rendre et payer les munitions , si le Roy ne le faisoit ; et en ceste condition ils me presterent un canon et une coulevrine, avec quelque peu de munitions. Je fis partir messieurs de IMontespan et de Madaillan , avec cent chevaux choisis en la compagnie de monsieur de Gondrin et la mienne , droit à Bayonne , pour tenir escorte à l'artillerie que monsieur le vicomte d'Orthe (1) me devoit envoyer. Et envoyay monsieur de Gondrin à Nogarol , pour commencer à dresser l'armée , et monsieur de Sainctorensavecluy, à qui j'avois baillé la charge de mareschal de camp; et moy je demeuray quatre ou cinq jours, pour faire advancer les gens de pied et de cheval , et donner temps ausdits commissaires de vivres d'aller par les provinces exécuter les mandemens que j'avois baillé pour faire advancer les vivres. Et ne demeuray que six jours à temporiser , puis m'en allay en deux jours à Nogarol. Là nous entrasmes iûcontinent en conseil , pour délibérer par quel moyen devions commencer. Les uns dirent que je devois commencer par Sainct Sever , d'autres disoient que je devois aller droit à Pau. Mon opinion fut que je devois aller commencer à Rabastens , pour-ce que , commençant par là, je mettrois derrière moy tout le meilleur pays de Gascoigne pour les vivres; et d'autre part , que Rabastens estoit un chasteau le plus fort que fust en la puissance de la roy ne de Navarre , et que si je le prenois par force , comme je voyois qu'il falloit qu'il se prinst ainsi , car l'on estoit bien asseuré qu'ils ne se rendroient pas légèrement , je voulois faire mettre tout au fil de l'espée, m'asseurant que cela donneroit une si grand peur atout le demeurant du pays de Bearu , qu'il n'y auroit aucune place qui osast attendre le siège , si ce n'estoit .Navarreius : et d'autre part , que ceux de Thoulouse , entendant ce hou commencement, ils n'espargneroient rien à me fournir, voyant que les choses me succederoient à bien. Et au contraire , si je commencois à Sainct Sever, je me jettois sur les landes là où il n'y a que sable , où mes gens mourroient de faim , et n'auroient aucun secours de Bourdeaux, encores que je prinsse bien Sainct Sever; par ainsi, qu'il valoit mieux aller commencer par le plus fort, et y employer promptement mes forces, que non à la plus foible, allant de jour à autre perdant le temps. Voy-là ma proposition , laquelle à la fin fut trouvée bonne, et suivie de tous; mais sur tout je leur dis que , pour mettre les
(I) D'Aspremont , vicomte d'Orthez."
ennemis en peur , il falloit tuer tout ce qui se presenteroit et qui feroit teste , et que cela occasionncroit messieurs de Thoulouse à nous accommoder de ce qui nous seroit nécessaire, voyant que c'estoit bon jeu bon argent.
Ce conseil se tint à mon arrivée; et le matin devant le jour je prins vingt cinq ou trente chevaux , et m'en allay en diligence à Dacqs. Monsieur de Gondrin me monstra une lettre que monsieur de Montespan , son fils , luy avoit escrit de Bayonne , que l'artiHerie n'estoit pas si preste comme nous pensions , mais bien que monsieur le vicomte d'Orthe y faisoit toute la diligence qu'il pouvoit ; et dés que je fus à Dacqs, je luy depeschay deux gentils-hommes , queue sur queue , pour la faire haster. Or mandois-je à monsieur le vicomte que je le priois de s'advancer un jour ou deux devant , et qu'il regardast s'il pourroit amener avec luy messieurs de Luxe et de Damezan, afin de prendre conseil d'eux de ce que nous aurions affaire ; ce qu'il fit, et amena ledit sieur de Damezan avec luy, et ne peut si tost recouvrer monsieur de Luxe. A Dacqs , je iuy remonstray le conseil que nous avions tenu à Nogarol , et mon opinion , laquelle fut trouvée bonne par tous, et mesmement par monsieur de Damezan , qui me dit que si nous venionsdroità Sainct Sever, ils n'auroient moyen de tirer un Basque du pays, par-ce qu'il falloit qu'ils passassent les eauës par le pays des ennemis; mais que si j'allois commencer par-là où j'avois proposé , dés que je serois à Nay, tout le pays des Basques et la vallée du Sault et Daspe, se joindroient à moy. Je fus fort aise de ce que je les trouvay de mon opinion. Je fus contraint de demeurer trois jours à Dacqs avant que l'artillerie fust arrivée. Je laissay deux canons à monsieur le vicomte d'Orthe, avec des munitions , lequel devoit marcher droit à Pau incontinent qu'il auroit entendu que j'aurois prins Rabastens , et en mesme temps que je marcherois , je luy devois envoyer deux compagnies de gens d'armes pour luy aller au devant , et deux de gens de pied qui estoient au Mont de Marsan, et mil hommes qu'il avoit auprès de luy, de ses terres ou bien de Labour. Et luy laissay monsieur d'Amou pour le soulager , et quelques autres gentils-hommes du pays voisin de Dacqs, et commençay à marcher avec l'artillerie jour et nuict. Monsieur de Montamat , lieutenant de la royne de Navarre en ce pays-là , ne pouvoit deviner quel chemin je voulois prendre , ou si j'irois droit à Pau ou à Rabastens , car dés Sainct Sever il cognent bien à ma desmarche que je ne prenois pas ce chemin-là , mais s'altendoit que j'irois droit audict Rabastens ou à Pau. Jcdiligen-
COMMENTAIRES DE BLAISE DE MONTLliC
tay tant, que je fus en deux jours et deux nuicts avec quatre canons , une grande coulevrine et deux bastardes, auprès de >'ogarol ; messieurs de Gondrin et de Sainctorens se joignirent à moy, et ainsi marchasmes droit à llabastens , et en tiois jours nous y fusmes devant avec la plus grand part de la cavallerie et de l'infanterie. Il pleuvoit tousjours , de sorte que les ruisseaux venoicnt grands : qui fut cause que l'artillerie ne fust pas si tost devant Rabastens comme l'armée. Incontinent que j'arrivay, je prins le commissaire Fredeville et le sieur de Leberon, lesquels avoient desja recogneu le matin devant le jour^ comme aussi avoient fait le capitaine Saincte Colombe , monsieur de Basillac, et autres gentils-hommes voisins de-là , et les trouvay en dispute : les uns disoient qu'il falloit prendre premièrement la ville , par dedans laquelle il falloit battre le chasteau ; les autres , et mesmes tous ceux de Bearn, que je devois attaquer le chasteau par le dehors , comme Fredeville estoit mesmes de leur opinion. Je voulus voir la dispute à l'œil, car en ces choses je ne me suis jamais fié à personne , et un bon assiegeur de places en doit faire ainsi 5 et ameuay les susdits de Fredeville et de Leberon seuls avec moy ; et encores qu'ils tirassent fort , si ne me garderentils point de recognoistre à ma volonté 5 et me retiray près du chasteau , dans une petite loge couverte de paille, et là je fis confesser audit de Fredeville que c'estoit la ville que nous devions attacquer la première , et par dedans icelle le chasteau. Et ainsi nous tirasmes l'un après l'autre courant , car il ne faisoit guère bon s'y arrester , et allasmes conclure avec messieurs de Gondrin, de Basillac, dcSevignac, de Sainctorens , de Montespan , de Madaillan , et du capitaine Paucillac , colonnel de l'infanterie, qu'il nous falloit attaquer la ville. J'emploiay tout le demeurant du jour à faire faire des gabions et fassines, et au point dujour j'euz l'artillerie en batterie devant la ville : dans peu de voilées le canon fit brèche. Leur délibération n'estoit pas de tenir la ville , car ils avoient remply toutes les maisons de paille et fagots ; et comme ils virent que nos gens al'oient à l'assaut , tout à coup ils mirent le feu à la ville, et coururent se jetter dans le chasteau, hommes, femmes et enfans. Nos gens firent ce qu'ils purent pour garentir la ville afin qu'elle ne se brulast , mais ils liroient tant du chasteau , qu'il n'y eut ordre de garder qu'il ne s'en brulast la pluspart. Et la nuict après je mis l'arlillerie dedans , et commençay de battre un corps de maison qui tiroit à main gauche, l'i où il y avoit un tourrion au bout qui couvroit le pont levis et la porte du chasteau ;
et sur le soir ledit corps de logis fut tout ouvert , et le tourrion par terre. Et le matin au point du jour nous commençasmes abattre leur grand tour où estoit l'orloge , et en mesme temps que la batterie se faisoit, nos soldats gaignerent la porte de la ville qui estoit tout auprès de celle du chasteau , à dix pas au plus, et qui pouvoit voir un peu des fausses brayes ; toutes-fois il y avoit un grand terrain de la hauteur d'une picque , et d'autant d'espesseur , fait de fassines en manière de rampart, qui couvroit leur pont levis , qu'estoit cause que nos gens ne leur pouvoient pas porter grand dommage , si faisoient bien eux aux nostres ; mais nous y mismes quelques barriques et tables qui tenoient un peu en seureté nos gens qui estoient sur ledit portail. Tout le jour nostre artillerie battit le visage de la tour, et à la fin ladicte tour fut ouverte, puis fis tirer de l'autre qui tiroit dans le chasteau , et jusques au lendemain qui fut le troisième jour jusques midy nous n'en peusmes venir la fin. Monsieur de Fontenilles et le capitaine Moret arrivèrent avec le canon et une grand coulevrine de Thoulouse qui ne servit de rien , car elle se mit en cinquante pièces , et le canon fut esventé.
Je fis remuer deux canons à main gauche, tout auprès de la muraille de la ville qui voyoit l'autre visage de main gauche : mon intention estoit que si je pouvois faire tomber la tour devers nous, elle combleroit tout le fossé qu'estoit plein d'eauë , et rempliroit les fauces brayes de cest endroit là, et que nous pourrions aller à l'assaut par dessus la ruyne qui m'auroit comblé le fossé, car la tour estoit fort haute. Tout le quatriesme jour avec ces deux canons je battis ce visage de la tour, et à la fin j'en fus maistre, et ne demeura que le costé de main droite et les coins. Alors je fis tirer au premier canton qui faisoit visage à l'artillerie première du costé de main gauche , et des deux pièces que j'avois remuées la nuict à l'autre canton qui tiroit vers la ville; et en dix ou douze coups, les cantons furent rompus et la tour tombée devers nous, et là où je la demandois ; mais, quelque hauteur et grosseur qu'elle eust, elle ne sceut du tout remplir le fossé, dans lequel il falloit descendre bien profond : il estvray que la ruyne de la tour avoit beu l'eau, et avoit remply une partie du fossé, mais non pas tellement qu'il ne fallust encore descendre bien bas. La nuict du cinquiesme jour, les sieurs de Basillac et baron de Sainct Lary m'amenèrent cinquante ou soixante pionniers, car tous ceux que j'avois s'en estoient fuis et desrobez ; et ils les prenoient en leurs terres voisines de-Ià. Je les baillav à monsieur de Le-
COMMENTAIRES DE BLAtSE DE MONTLIIC. [iStOj
beron et au capitaine Montant sou beau frère , et trente ou quarante soldats que les capitaines l'Artigue et Soles faisoient travailler : les capitaines mesmes leur aidoient ; c'estoit pour oster le terrain, afin que l'artillerie peust voir le pont levis et battre le costé d'iceluy, afin que la balle passast par flanc au long , et en courtine au long de la bresche par dedans; et aussi ils avoient fait une barriquade sur des chambres, de sorte qu'on ne pouvoit aucunement voir par un des deux costez. Je baillay la charge au vicomte d'Usa de remuer les deux canons à l'endroit où monsieur de Leberon faisoit tirer le terre-plain , et m'en allay un peu reposer, car c'estoit la cinquiesme nuict que je n'avois pas eu une heure entière de repos. Et à la pointe du jour j'ouys tirer les deux canons; et ne pensois point qu'il fust possible que de toute ceste nuict le terrain peust estre osté , à tout le moins tout ce qui nous faisoit empeschement. Nostre artillerie commença à faire des siennes tout au long de ce flanc ; et nous cousta beaucoup de rompre ceste barriquade qui nous portoit un grandissime dommage, car ils tiroient désespérément à nos deux canons. Je fis aller reposer le vicomte d'Usa, monsieur de Leberon et le capitaine Montant, et laissay monsieur de Basillac pour secourir l'artillerie. Nous fismes faire un trou à la muraille de la ville, tout à l'endroit de nostre artillerie, afin d'y venir en seureté par le dehors, car par le dedans il n'y avoit ordre sans estre tué ou blessé. J'avois baillé au capitaine Bahus la charge de faire faire des gabions ce quatriesme jour, qui avoit fait grand diligence ; mais il les fit faire trop petits, car le vent de nostre artillerie les eust bien tost mis en pièces, qui est une chose à laquelle il faut prendre garde. Toute nostre cavallerie estoit en des villages à une lieue et demie de nous, là où il avoit commodité de faire vivre les chevaux, et avoient commandement d' estre toute la nuict en campagne, pour garder que secours ne vinst. Nous avions prins un grand pacquet de lettres le jour propre que nousarrivasmes àHabastens, que monsieur de Montamat envoyoit au vicomte de Caumon, monsieur de Dandaux, et plusieurs autres, jusques au nombre de trente ou quarante lettres, par lesquelles il les prioit de venir secourir le pays de Bearn, s'ils desiroient faire service à la royne de Navarre et à monsieur le prince, et qu'ils n'estoient pas assez forts pour deffendre le pays s'ils ne le venoient secourir; que desja il leur en avoit escrit par deux ou trois fois ; et qu'ils luy mandassent quand ils Seroient prests, car dans une nuict ils feroient si grand cavalcade qu'ils se joindroient à eux , pour incontinent
se retirer tous ensemble dans le pays de Bearn; ou autrement qu'il seroit contrainct d'abandonner le plat pays, n'ayant assez de forces pour y résister ; qu'il voyoit bien qu'il n'avoit pas affaire à monsieur de Terride : ce que nous fut cause de prendre la resolution qui s'ensuit.
Premièrement, de mander au baron de Larbous (1), qui venoit avec la compagnie de monsieur de Gramont du haut de Comeuge, pour se venir joindre avec nous, qu'il fist alte es environs de là où il falloit que le secours passast, et que jour et nuict il tiust gens de cheval sur les passages, afin de nous tenir advertis, et qu'il n'empeschast point le passage, mais seulement se mist sur la queue. Puis despechay le capitaine Mausan, qui estoit de ma compagnie, pour s'en aller aux vallées, par là où il falloit que les ennemis passassent ; et commanday qu'avec le bat-sain (2) ils fissent lever toutes les communes des vallées et villages, et se joignissent avec le baron de Larbous pour se jetter à leur queue. Puis de nostre costé une partie de nostre cavallerie estoit toutes les nuicts à cheval, et tenions des sentinelles jusques auprès de Nay, car il falloit que monsieur de Montamat passast au pont dudit Nay pour venir au devant de son secours ; et que monsieur de Gondrin demeureroit avec vingt sallades et quatre enseignes de gens de pied à Tartillerie, si nous n'avions prins le chasteau avant que ledit Montamat et son secours s'assemblassent, et que je marcherois avec le reste du camp jour et nuict, quand l'adverlissement nous viendroit pour les aller combattre. Voy-là l'ordre que nous tenions si le secours leur fust venu, et faisions estât que s'ils deffaisoient cela, tout le pays de Bearn estoit perdu. Je vous dis et escris cecy, afin que ceux qui se trouveront en semblables besongnes y prennent exemple : je dis les jeunes capitaines , car les vieux routiers sçavent bien qu'il en faut faire auisi. Ma délibération estoit aussi, le chasteau estans prins, de depescher un gentil -homme vers Sa Majesté, qui courroit jour et nuict pour l'advertir de la prinse, afin qu'il envoyast dire par quelque gentil-homme à monsieur le mareschal Danville, qui estoit vers Montpellier après les ennemis [je ne sçay pas s'il leur fit grand mal], qu'il mandast àThoulouse que l'on me fist venir huict canons des douze de Narbonne qui estoieut encores audict Thoulouse ; qu'il envoyast à la cour de parlement et capitouls des lettres pour les esmouvoir à promptement faire les frais pour m'amener lesdits huict canons ; et cependant nous
(i) Savary d'Aure , baron de Larbous.
(2) C'est-à-dire le tocsin.
COMMENTAIRES DE BLAISE DE MONTLUC. [l570]
irions attaquer un autre chasteau à deux petites lieues de llabastens, qui n'estoit pas beaucoup fort ; et de là devions aller passer le Gave au dessous de Nay, à un gué que les gentils - hommes bearnois qui estoieuL avec nous soavoient, et prendre INav pour là dresser le magasin de nos vivres, et là recevoir messieurs de Luxe, de Damezan, vicomte de Chaux, et Dalmalbarix avec les Basques qu'ils dévoient mener pour marcher devant Pau, où le vicomte d'Orthe se devoit rendre avec les doux canons et la coulevrine qui estoit demeurée entre ses mains à Dacqs : et estions bien asseurez que tout le pays se rendroit incontinent à nous, les uns par amour, les autres par crainte de leurs vies et biens. Et ayant prins Pau et les huict canons venus, nous voulions marcher devant ÏNavarreins : et qui m'eust mis à jurer si je le prendrois ou non, j'eusse plubtost juré ouy que non, car nous avions des gentils-hommes de Bearn et Bigorre avec nous, et principallement monsieur de Bazillac, qui eomraaiidoit l'artillerie au siège de Navarreins pour monsieur de Terride, qui disoit, et a dit depuis, que si oneust assailly Navarreins comme nous avions fait Rabastens, plus facilement l'eussions emporté que Rabastens : et estimoient tous ceux qui cognoissoient l'une place et l'autre, que Rabastens estoit plus fort que Navarreins. Mais comme les hommes proposent , Dieu en dispose à sa volonté, et fit tourner la chause bien au rebours, car le cinquiesme jour du siège et le vingt troisiesme jour de juillet 1,370, un jour de dimanche, environ les deux heures après midy, je me deliberay de donner l'assaut : et fut l'ordre tel , que monsieur de Sainctorens, mareschal de camp , ameneroit les trouppes à la bresche les unes après les autres ; j'ordonnay que l'on mettroit toutes les compagnies de quatre en quatre borsla ville, lesquelles ne bougeroicnt point de leurs lieux que monsieur de Sainctorens ne les allast quérir, lequel devoit demeurer trois quarts d'heure entre deux , et faire marcher les trouppes l'une après l'autre ; et fut ordonné que les deux capitaines qui estoient de la garde auprès de la brèche , donneroient des premiers, qui estoient Lartigue et Salles de Bearn, Et en achevant nostre ordre on me vint dire que nos deux canons qui battoient par flanc, lesquels la nuict l'on a\oit remuez , estoient abandonnez , et qu'il n'y avoit homme qui s'y osast monstrcr, car nostre artillerie mesmcs avoit ruiné tous les gabions. Je laissay entre les mains de messieurs de Gondrin et de Sainctorens de parachever l'ordre du combat, c'est à sçavoir quelles compagnies iroient une après l'autre , et le mettroient par escrit; et
m'en courus par dehors au trou de la muraille , et n'y trouvay que dix ou douze pionniers le ventre à terre, car Tibauville , commissaire d'artillerie, qui tiroit de ces deux canons, avoit esté contraint de les abandonner, et monsieur de Basillac mesmcs. Et comme à mon arrivée je vis ce desordre , promptement me souvint d'une quanlité de fassines que j'avois faict apporter le jour devant dans la ville , et dis aux gentilshommes ces paroi les : « Gentils-hommes mes compagnons, j'ay tousjours veu et ouy dire qu'il n'y a travail ny faction que de noblesse : suyvez-moy tous , je vous prie , et faites comme moy. » lis ne se firent pas prier , et allasmes à grand pas droict aux fassines qui estoient dans la ville , et au milieu d'une rué où il n'y avoit hom.me qui osast demeurer, et prins une fassine sur le col , et toute ceste noblesse en print chacun la sienne , eî y en avoit prou qui en portoieut deux , et tournasmes sortir hors la ville, par là où nous estions entrez ; et ainsi marchay le premier jusques au trou. Et en nous en allant j'avois commandé que l'on me fist venir quatre ou cinq hallebardiers, lesquels je trouvay arrivez au trou, et les fis entrer : nous leur jettions les fassines dans le trou , et eux avec la poincte des hallebardes les prenoient et les couroient jetter sur les gabions pour les hausser. J'oserois affermer, et à la vérité , que nous ne demeurasmes point un quart d'heure à faire ceste diligence. Et incontinent que l'artillerie fut couverte , Tibauville r'entra et les canonuiers , et commença à tirer plus furieusement qu'ils n'avoient faict tous les autres jours, car il sembloit qu'un coup n'attendoit pas l'autre , et tout le monde le secouroit d'une fort grande volonté. Capitaines , si vous faictes ainsi , et que vous mettiez la main à la besongne , vous y ferez aller tout le monde : la honte mesmes les y pousse et les y force. Quand il faict chaud en quelque lieu , si le chef n'y va, ou pour le moins quelque homme signalé , le reste ne va que d'une fesse et gronde qu'on les envoyé à la mort. Puis que vous desirez de l'honneur, il faut prendre le hasard souvent autant que le moindre soldat.
Je ne veux poinct desrober l'honneur de personne , car je pense avoir assisté en autant de batteries qu'homme qui soit aujourd'huy en vie, et veux dire n'avoir jamais veu commissaires d'artillerie plus diligens ny hasardeux quel'rcdeville et Tibauville se monstrerent durant les cinq jours que la batterie dura ; et eux-raesmes braquoicnt et pointoient , cncores qu'ils eussent d'aussi bons canonnicrs que j'en vis à ma vie ; et oscrois dire que de mille coups de canon, il ne s'en perdit pas dix qui fussent mal employés.
COMMENTAIRES DE BLAISE DE MONTLUC. [lo70|
Le matin fcnvoyay q\ierir monsieur de Gohas , qui estoit à Vic-Bigorre, et les capitaines qui tenoient le guet sur Montamat et sur le secours , luy escrivant qu'il s'en vinst pour se trouver à l'assaut avec moy, à cause que le capitaine Paulliac, colonel de l'infanterie, avoit esté blessé tellement, que nous n'avions poinct d'espérance en sa vie. Son coup luy fut donné quand j'allois mener messieurs de I.eberoa et de Montant , le soir avant , pour couper ceste grande contrescarpe : il avoit le coup tout au travers du corps. Mon fils Fabian fut aussi blessé d'une arquebusade au menton tout auprès de moy, et deux soldats tuez. Je fis là une grande erreur, car j'y allay la nuict n'estant pas encores bien fermée : et croy qu'ils s'estoient apperceus que nous voulions coupper la contrescarpe, car toute leur arquebuserie s'estoit jettée en cest endroit. La raison qui me fit faire cest erreur, ce fut que je mis en considération combien d'beures duroit la nuict , et trouvay qu'elle ne pouvoit durer plus de sept heures ou environ ; et voyois d'autre part qu'en demy heure je perdois tout ce que j'avois faict , si la contre-escarpe n'estoit abbatue au point du jour, et que si je ne donnois l'assaut ce jour-là , ils se seroient si fort remparez et fortifiez , qu'avec autant de coups de canon que j'y avois tiré il seroit bien difficile d'y entrer. Voyla pourquoy je me hastay tant d'aller commencer, pour au poinct du jour avoir achevé. Je fis toucher au doigt à messieurs de Leberon et de Montaut , et aux capitaines qui estoient de garde , qu'en leur diligence consistoit toute nostre victoire : ils nedormoient pas, car, comme j'ay desja dict, à la poincte du jour l'artillerie commença à tirer, et la contre-escarpe fut rasée.
0 mes compagnons qui irez assiéger des places, iey et en beaucoup d'autres endroits, vous confesserez que mes victoires m'ont plus réussi pour la grand vigilance, diligence et prompte exécution, que non pour ma hardiesse, et je confesseray d'autre part, qu'au camp y avoit de plus hardis hommes que moy; mais il n'y a nul qui puisse avoir couardise s'il a ces trois choses, car d'icelles trois sortent tous les combats et victoires , et tous les vaillans hommes suivent les capitaines garnis de ces choses. Et au contraire, il n'y peut avoir hardiesse, encores que l'homme en soit tout plein , s'il est lent , tardif et long à exécuter; car, avant qu'il ayeprins sa délibération, il y met un si long temps, que l'ennemy est adverty de ce qu'il veut faire, et remédiera au tout ; et s'il est hastif , il le surprendra à luymesmes. Par ainsi il ne faut jamais avoir grand espérance en chef , qu'il ne soit garni de ces
parties. Que l'on regarde tous les grands guerriers qui ont jamais esté , on verra qu'ils ont tous eu ces qualitez. En vain ne portoit pas Alexandre le Grand la devise que j'ay dit cy devant, llegardez les Commentaires de César, et de tous ceux qui ont escrit de luy, vous trouverez qu'il donna en sa vie cinquante deux batailles, sans en perdre jamais que celle de Dirache ; et trente jours après il eut bien sa revenche contre Pompée, car il gaigna une grand bataille où il le deffit. '\^ous ne trouverez point qu'en ces cinquante deux batailles il aye combattu de ses mains trois fois, et par là vous cognoistrez doncques que toutes ses victoires luy sont advenues pour estre diligent, vigilant et prompt exécuteur. Ces parties ne se trouvent gueres , et croy que nous , qui sommes gascons , en sommes mieux pourveus qu'autre nation de France ny peut estre de l'Europe : aussi en est-il sorty de bous et braves capitaines depuis cinquante ans. Je ne me veux comparer à eiix, mais si veux-je dire cela de moy mesmes , puis qu'il est vray que jamais ma paresse et ma longueur ne me fit perdre rien ny à mon maistre; l'ennemy me pensoit a une lieuë de luy, que je luy allois porter la cliemise blanche. Et si diligence est requise en la guerre, elle l'est plus en un siège, car il ne faut que peu de chose pour rompre vostre dessein; si vous pressez vostre ennemy, vous luy redoublez la peur, il ne sçait où il en est et n'a loisir de se raviser. Veilkz lors que les autres dorment, et ne laissez jamais vostre ennemy sans luy donner quelque chose à faire.
Or je retourneray à l'assaut : nostre ordre estant dressé, je me mis auprès de la porte de la ville, et près la brèche où nous estions entrez avec toute la noblesse. Il y pouvoit avoir six ou sept vingts gentils-hommes et tousjours en arrivoit d'autres, car monsieur de La Chapelle Louzieres, qui venoit de Quercy, en amenoit une grand troupe. Je diray ceci de mon présage , que jamais on ne me peut oster de la fantasie que je deusse estre tué par la teste ou blessé. Je m'estois mis en opinion pour ceste occasion que n'irois point à l'assaut, songeant bien que ma mort troubleroit fort le pays ; et le matin je dis à monsieur de Los, advocat du Roy à Agen , lequel estoit de nostre conseil, et qui estoit venu avccques moy, ces paroles : « Monsieur l'advocat , il y a des gens qui ont crié et crient que je suis fort riche; vous savez l'argent que j ay, jusques à un escu, car par mon testament où vous estiez appelle, vous lesçavez; etpource qu'on ne sçauroit oster l'opinion aux gens que je n'aye beaucoup d'argent , et , si par fortune je mourois en cest assaut , l'on demanderoit à ma
femme quatre fois plus que je n'eu ny : voilà le roolle de tout l'argent que j'ay aujourd'huy en ce monde, tant aux interests que ce qui est entre les mains de ma femme. Barate, mon maistre d'hostel , a escrit le bourdereau , le voyia signé de ma main. Vous m'estes amy , je vous prie que si je meurs, que vous et le conseiller de INort vous monstriez amis de ma femme et de mes deux filles, et sur tout de Charlotte Catherine, qui a cest honneur d'avoir esté tenue sur les fonts par le Roy et la Roync. » Et luy dclivray ledit roolle entre ses mains, et cogneus bien qu'il eut plus d'envie de pleurer que de rire. Et par là on peut juger si le mal-heur qui m'adviutne m'alloit devant les yeux : je n'ay point d'esprit familier, mais il ne m'est guère arrivé mal-heur que mon esprit ne l'aye prédit ; je taschois tousjours à mel'oster de la fantasie, remettant tout à Dieu, qui dispose de nous comme il luy plaist. Je n'eu fis jamais autrement, quoy que les Huguenots mes ennemis ayent dit et escrit contre moy . Comme les deux heures furent venues, je fis apporter huict ou dix flascons de vin que madame de Panjas m'avoit envoyé , et le delivray aux gentils-hommes, et leur dis : « Beuvons, mes compagnons, car bien tost se verra qui a tetté de bon laict; Dieu veuille que nous puissions quelque jour boire ensemble : si nos jours derniers sont venus , il n'est en uostre pouvoir de rompre les destinées. » Et comme tous eurent prins du vin , s'enoouragerent les uns les autres, après que je leur eus fait une petite remoustrance en trois mots , leur disant : « Mes amis et compagnons, nous voicy prests à jouer des mains; il faut que chacun monstre ce qu'il sçalt faire. Ceux qui sont dans ceste place sont de ceux qui , avec le comte de Mongommery, ont ruiné vos églises et pillé vos maisons ; il faut leur faire rendre gorge. Si nous les emportons et mettons au cousteau , vous aurez bon marché du reste de Bearn ; croyez-moy, rien ne vous fera teste : or allez , je vous suivray bien tost. » Lors je fis sonner l'assaut : les deux capitaines y allèrent , et quelques uns de leurs soldats , et les enseignes ne firent pas fort bien. Et comme je vis que ceux-là n'y entreroient pas , monsieur de Sainctorens marcha avec quatre enseignes, et les mena jusques auprès de la brèche, qui ne firent pas mieux que les autres , car ils estoient encores demeurez loing quatre ou cinq pas de la contre-escarpe, laquelle n'cmpescha pas que uostre artillerie ne fist ce qu'elle vouloit faire , et tous se mirent les genoux à terre derrière. Soudain je cogneus bien qu'il falloit que d'autres y missent la main que nos gens de pied. Tout à un coup je perdis la souvenance de l'opinion que
COMMENTAIRES DK BT.AISE DE MOATLUC. |1570)
j'avois d'y devoir estretuéou blessé , et ne m'en souvins plus; et dis à la noblesse : « Gentilshommes mes amis, il n'y a combat que de noblesse : il faut que nous espérions que la victoire doit venir par nous autres qui sommes gentilshommes ; allons , je vous monstreray le chemin , et vous feray cognoistre que jamais bon cheval ne devint rosse. Suyvez hardiment, et sans vous estonner donnez , car nous ne sçaurions choisir mort plus honnorable : c'est trop marchandé, allons. » Je prins lors monsieur de Goas par la main , et luy dis : « Monsieur de Goas , je veux que vous et moy combattions ensemble. Je vous prie , ne nous abandonnons point ; et si je suis tué ou blessé , ne vous en souciez point et me laissez là , et poussez seulement outre , et faictes que la victoire en demeure au Roy. » Et ainsi marchasmes tous d'aussi bonne volonté qu'à ma vie je vis gens aller à l'assaut; et regarday deux fois en arrière, je vis que tous se touchoient les uns les autres. Il y avoit une grande plaine qui duroit cent cinquante pas ou plus , toute descouverte , par là où nous marchions droit à la brèche : les ennemis tiroient là sur nous , et me furent blessez six gentils-hommes près de moy ; le sieur de Besoles en estoit un : son coup fut au bras et fort grand, aussi il cuida mourir; le vicomte de Labatut (I) à une jambe; je ne sçaurois dire les nom de autres , parce que je ne les coguoissois pas tous. INIonsieur de Goas en avoit amené sept ou huict avecques luy, et entre autres un capitaine Savaillan l'aisné; et luy en fut tué Ih trois , et ledit capitaine Savaillan blessé d'une arquebusade au travers du visage. Il y avoit un capitaine du Plex (2), un autre capitaine La Bastide, mien parent, d'auprès de yille-'Seufve,qui tousjours avoit suivy monsieur le comte de Brissac ; un capitaine Ilantoy, qui est de Damasan ; le capitaine Sales , de Bearn , qui desja avoit esté blessé d'un coup depicque à l'œil. Il y avoitdeux petites chambresqui estoient de la hauteur d'une longue picque et d'avantage : les ennemis deffendoientces chambres de bas en haut , de sorte qu'homme desnostres ne pouvoit monstrer la teste qu'il ne fust veu. Et commencèrent nos gens à tirer à grands coups de pierre là dedans, et eux aussi en tiroient contre nous, mais l'advantage estoit aux nostres, qui tiroient contre-bas. J'avois fait porter trois ou quatre eschelles au bord du fossé, et comme je me retournny en arrière pour commander que l'on apportast deux eschelles , l'arquebusade me fut donnée par le visage du coing d'une barricade
(1) Kiviore, \iconite deTAbalut.
(2) Guy Dupleix, père de l'historien.
COMîtfENTAlRES DE BLAISE DE MONTLUC. j 1 ,J70 )
qui toiichoit à la tour : je eroy qu'il n'y avoit pas là quatre arquebusiers , car tout le reste de la barricade avoit esté mis par terre des deux canons qui tiroient en flanc. Tout à un coup je fus tout en sang , car je le jettois par la bouche , par le nez et par les yeux. Monsieur de Goas me voulut prendre , cuidantque je tombasse; je luy dis : (( Laissez moy, je ne tomberay point : suivez vostre pointe. » Alors presque tous les soldats et presque aussi tous les gentils-hommes commencèrent à s'estonner et voulurent reculer; mais je leur criay, encores que je ne pouvois presque parler, à cause du grand sang que je jettois par la bouche et par le nez : « Où voulezvous aller? où voulez vous aller? vous voulez vous espouvanter pour moy? Ne vous bougez ny n'abandonnez point le combat , car je n'ay point de mal , et que chacun retourne en son lieu , » couvrant cependant le sang le mieux que je pouvois; et dis à monsieur de Goas : « Monsieur de Goas, gardez , je vous prie , que personne ne s'espouvante , et suyvezle combat. »> Je ne pouvois plus demeurer-là, car je commençois à perdre la force , et dis aux gentils-hommes : « Je m'en vois me faire panser, et que personne ne me suive , et veugez-moy si vous m'aymez. » Je prins un gentil-homme par la main , je ne le sçaurois nommer, car je n'y voyois presque point, et m'en retournay par le mesme chemin que j'y estois allé ; et trouvay un petit cheval d'un soldat, sur lequel je montay comme je peus , aydé de ce gentil-homme ; et ainsi fus conduict à mon logis , là où je trouvay un chirurgien du régiment de monsieur de Goas , nommé maistre Simon , qui me pansa , et m'arracha les os des deux joués avec les doigts, si grands estoient les trous, et me coupa force chair du visage, qui estoit tout froissé.
Monsieur de Gramond estoit sur une petite montagnolle tout auprès de là , bien à son ayse, qui voyoit le tout ; et parce qu'il est de ceste belle religion nouvelle , encore qu'il n'aye porté les armes contre le Roy , 11 craignoit se mesler parmy nous autres ; et se doubtant qu'il y eust des ennemis , il vid que comme je fus blessé tous les soldats s'effrayèrent , et dit à ceux qu'il avoit près de luy : « Voyià quelque grand personnage mort. Voyez -vous comme les soldats se sont effrayez. Je me doubte que ce soit monsieur de Montluc; » et dit à un sien gentil-homme, nommé monsieur de Sart : « Courez voir si c'est luy, et s'il l'est , et qu'il ne soit mort , dictes luy que je le prie qu'il permette que je l'aille voir. » Ledit sieur de Sart est catholique , il y vint : à l'entrée de la ville on luy dict que c'estoit moy. Il vint à mon logis et trouva que l'on me pleù-
