I. C, D, ]\I. T. vu

roit, et quej'eslois à la renverse sur un lict en terre , et me dit que monsieur de Gramond me prioit qu'il me veid, et si je prendrois plaisir qu'il y vinst. Je luy dis que je n'avois poinct d'inimitié avec monsieur de Gramond , et que quand il viendroit , qu'il cognoistroit qu'il avoit autant d'amis en nostre camp , et par advanture d'avantage , qu'à celuy de leur religion. Il ne fut si tost party de moy, que voicy monsieur de Madaillan, mon lieutenant , lequel estoit à mou costé quand j'allay à l'assaut, et monsieur de Goas à l'autre, qui venoit voir si j'estois mort et médit : « Monsieur, resjouissez vous, prenez courage, nous sommes dedans. » Voyla les soldats aux mains qui tuent tout, et asseurez vous que nous vengerons vostre blessure. » Alors je luy dis : « Je loué Dieu de ce que je vois la victoire nostre avant mourir. A présent je ne me soucie point de la mort. Je vous prie vous en retourner et monstrez moy tous l'amitié que m'avez portée , et gardez qu'il n'en eschappe un seul qui ne soit tué. » Et quant et quant s'en retourna , et tous mes serviteurs mesmes y allèrent, de sorte qu'il ne demeura auprès de moy que deux pages, l'advocat de Las, et le chirurgien. L'on voulut sauver le ministre et le capitaine de là dedans nommé Ladon , pour les faire pendre devant mon logis ; mais les soldats les osterent à ceux qui lestenoient. et les cuiderent tuer eux mesmes , et les mirent en mille pièces. Les soldats en firent sauter cinquante ou soixante du haut de la grande tour qui s'estoient retirez là dedans, dans le fossé, lesquels se nojerent. Il ne se trouve que l'on en sauvast que deux qui s'estoient cachez. Il y avoil tel prisonnier qui vouloit donner quatre mil escus; mais jamais homme ne voulut entendre à aucune rançon et la pluspart des femmes furent tuées , lesquelles aussi faisoient de grands maux avec les pierres. Il s'y trouva un Espagnol marchand , qu'ils tenoieut prisonniers là dedans, et un autre marchand catholique aussi qui furent sauvez. Vovlà tout ce qui demeura en vie des hommes qui se trouvèrent là dedans, qui furent les deux que quelqu'un desroba, et ces deux marchans qui estoient catholiques. Ne pensez pas, vous qui lirez ce livre, que je fisse faire ceste exécution , tant pour venger ma blesseure que pour donner espouvante à tout le pays , afin qu'on n'eust le cœur de faire teste à nostre armée : et me semble que tout homme de guerre au commencement d'une conqueste en doit faire ainsi contre celuy qui oseroit attendre son canon ; il faut qu'il ferme l'oreille à toute composition et capitulation, s'il ne void de grandes difficultez à son entreprise, et si son ennemy ne l'a mis en peine

de faire brèche. Et comme il faut de la rigueur [appeliez la cruauté si vous voulez], aussi faut il de l'autre costé de la douceur, si vous voyez qu'on se reude de bonne heure à vostrc raercy. Monsieur de Gramond arriva à moy , et me trouvaen fort mauvais estât, car je ne luy pouvois à grand pcyne respondre, à cause du grand sang que je jettois par la bouche. Monsieur de Goas revint du combat pour me voir, et trouva monsieur de Gramond auprès de moy , et me dict : « Reconfortez vous, monsieur, et prenez courage , car asscurez vous que nous vous avons bien vengé," car il n'y est demeuré une seule personne en vie. » Alors il recogneut monsieur de Gramond, et s'embrassèrent. Monsieur de Gramond le pria de l'amener au chasteau, ce qu'il lit; et trouva bien estrange la prinse, et dit qu'il n'avoit jamais creu que ceste place fust si forte , et que si j'eusse atlaqué Navarreins , plus facilement je l'eusse emporté. Il voulut voir tout le remuement de l'artillerie que j'avois faict , et disoit qu'il n'avoit pas esté besoin que nous eussions rien oublié à la batterie. Il retourna une heure après, et m'offrit une maison qu'il avoit près de là, et tout ce qui estoit en sa puissance; et m'a dict depuis qu'il ne pensoit pas à l'heure qu'il me vid que je fusse en vie le lendemain , et qu'il me pensoit avoir dict à Dieu pour tout jamais. Tout ce jour-la et toute Ja nuict je ne fis que saigner. Le lendemain matin j'envoyay prier tous les capitaines de venir devers moy, ce qu'ils firent, et leur fis la harangue qui s'ensuit , ayant repris cœur et un peu de paroi le.

« Mes compagnons et amis , je ne porte pas tant de regret de mon malheur pour le mal que je souffre , que je fais pour voir les affaires du Roy descousués, et moy contrainct de vous abandonner. Je ne vous ay poinct caché la délibération que j'avois prinse de ceste exécution , car tous l'avez entendue ; je vous prie que pour moy vous n'arrestiez poinct d'exécuter vostre victoire et marcher en avant, car ceste exécution mettra en peur tout le pais de Bearn : je m'asseurc que vous ne trouverez résistance qu'à Kavarreins. Ne laissez point perdre ceste occasion , puis que Dieu la vous a donnée ; car si vous le faictes, tout le monde dira que vostre hardiesse dcpendoit de la mienne, et que sans moy vous ne pouviez rien ; et encor que ce fust une grande louange pour moy , si ne voudrois-je pas que cela advinst , pour Ihonneur et amitié que je vous porte , estant aussi jaioux du vostre Cfue du mien. Ne faictes doncques estât de moy , non plus ([uc si j'estois desja mort. » Sur quoy je vis la pluspart de la compagnie ayant les lar- I

COMMENTAIRKS DE BIAISE DE MONTLUC. [ITiTO]

mes aux yeux ; et ayant un peu reprins haleine , je suivis mon propos. « Vous estes icy beaucoup de capitaines aussi suffisans que moy pour commander ; vous avez de bons et vaillans hommes , qui auront à présent double courage pour vanger leur chef. Je m'asseure qu'il n'y a nul de vous qui ne cède à monsieur de Gondrin que voyla; car outre qu'il est de la meilleure maison , c'est aussi le plus vieux capitaine de tous vous autres. Et parce qu'il n'est pas beaucoup sain , je vous prie , monsieur de Sainctorens , et vous messieurs de Goas et de Madaillan, vous tenir près de luy , afin que ceste conduicte passe par vos testes , car il est vieux , comme vous voyez; et faudra que vous trois , qui estes jeunes, portiez toute la peine. Soyez bien d'accord, je vous prie , puis que vous avez tous bonne volonté; ma blesseure sera cause , si vous faictes quelque chose de bon , que vous acquerrez de l'honneur. Pour Dieu, mes compagnons, ne laissez au bon du coup ceste entreprinse et à soft commencement. Suyvez sur cet estonnement, et monstrez que ce n'est pas moy seulement , mais vous autres aussi qui avez bonne part à la victoire. Ne le voulez vous pas ainsi , et accepter pour chef monsieur de Gondrin? » Ils me dirent qu'ouy , et que c'estoit raison qu'il commandast. Alors je les priay de ne me voir plus, afin de n'empirer ma fiebvre , et se retirer tous à luy. Ainsi ils se départirent de moy bien tristes et ennuyez.

Je puis dire cela, lieutenans de Roy, je le puis dire sans mentir et sans braverie, qu'homme jamais tenant le lieu que j'ay eu n'a esté plus aymé de la noblesse que moy; et encores que je fusse de naturel fascheux et collere, si est-ce qu'ils portoient mes imperfections , sçachant bien que je ne fesois rien de malice. 0 la bonne partie que c'est à celuy qui a telle charge! Croyez que, quelque grand seigneur que vous soyez, que si vous ne vous faictes aymer à la noblesse , aux capitaines et aux soldats , que vous ne ferez rien bien à propos ; et si par fois la collere vos faict faire ou dire quelque chose, car nous sommes hommes , il faut reparer cela. 0 que je voudrois voir ces messieurs de France qui contreroollent nos actions, au gouvernement de la noblesse de Gascogne, pour voir s'ils la sçauroient manier à leur aise et à toutes mains, comme ils disent! Il y a une autre chose laquelle m'a tousjours entretenu l'amitié , non seulement des gentilshommes, mais de tous ceux qui portoient les arm.es soubs moy , c'est que je n'ay eu jamais rien de cher pour les soldais et capitaines. Maintcsfois ay-je donné estant capitaine et mes armes et mes habits, voyant

quelqu'un qui en avoit besoing. Pour une picque , une liallebarde , un eliappeau gris avec le panache , je gaignois le cœur de tel qui se fust mis au feu pour moy. Ma bourse n'estoit non plus serrée à la nécessité des compagnons ; et toutes-fois on dit que je suis avare : celuy qui me juge tel me cognoist mal, c'est le vice duquel j'ay tousjours esté le moins entaché. Je puis dire qu'en ceste dernière guerre seulement j'ay donné aux seigneurs et gentils-hommes de ma suitte onze chevaux d'Espagne et deux coursiers ; et afin qu'on ne pense point que ce soit mensonge, je nommeray ceux à qui je les ay donnez , non pas pour reproche , car ils m'ont fait honneur en les acceptant.

Premièrement , j'ay donné un coursier à monsieur de Brassac , qui m'a suivy toutes ces guerres à ses despens , gentil-homme de dix mil livres de rente : les ennemis luy ont tousjours tenu tout le bien qu'il a en Sainctonge et en Chalosse : il ne donneroit ce coursier encor aujourd'huy pour quatre cens escus. J'ay donné un autre coursier au capitaine Cossel , qui a vingt ans porté les armes avec moy , et qui estoit lieutenant du capitaine Charry , lequel au commencement eut mon enseigne. J'ay donné au sieur de Madaillan et à son frère , qui est mon lieutenant, un cheval d'Espagne qu'il ne laisseroit pour quatre cens escus , ny son frère son coursier pour cinq cens. Le chevalier de Romegas a eu de moy un cheval d'Espagne en don, qui me coustoit deux cens soixante quinze escus. Je donnay aussi deux cens escus à iNIonguieral , sieur de Gazelles , pour s'achepter un cheval , par-ce que les siens luy avoient esté bruslez à Saincte Foy : il est pauvre gentilhomme , mais fort vaillant, comme tesmoignera monsieur de Sansac , qui est un des plus vieux, vaillans et sages capitaines de ce royaume; et parce qu'encore un cheval par mal-heur luy mourut, je luy donnay un cheval d'Espagne fort et puissant, pour porter bardes, duquel après la paix il eut seize cens francs. Le capitaine La Bastide eut de moy un autre cheval d'Espagne, et un autre aussi le jeune Beauville mon beau-frere , parce que le sien luy avoit esté tué en une sortie qu'il fit sur les ennemis. J'en donnay un autre au capitaine Mauzan , qui est de ma compagnie , parce qu'à un rencontre qu'il eut près de Roquefor le sien luy fut tué entre les jambes, luy, son frère et son beaufrere blessez. J'en donnay aussi un autre au capitaine Romain, homme d'armes de ma compagnie, pauvre gentil-homme et fort courageux. J'en donnay un autre au capitaine Fabien , ayant perdu son cheval au retour de la Cour ,

duquel j'avois souvent refusé cinq cens escus; un autre encor au capitaine Mons, mon guidon, qui avoit demeuré prisonnier un an à' Montauban , lequel est pauvre gentilhomme; il m'avoit cousté trois cens quarante cinq escus. Estant au Met bien malade, renvoyant mon nepveu de Balagny , qui ne fera pas honte, comme j'espère, à la maison d'où il est sorty , je luy donnay le cheval d'Espagne que j'avois tousjours gardé pour moy. Plusieurs autres en ay-je perdus et en ceste dernière guerre trois, mesme un que j'avois desdié au Roy , comme je dis au sieur de Roche, premier escuier à Riron, lequel gressé fondit sous moy allant secourir le Mont de Marsan , pensant que Montamat l'allast assiéger. Si je pouvois conter tout ce que j'ay donné en ma vie , je croy qu'il excederoit mon bien Si vous faictes ainsi , seigneurs lieutenans de Roy, vous serez tousjours bien suivis , car le soldat ne hait rien tant qu'un capitaine avare.

Pour retourner à mou propos, toute ceste brave noblesse print congé de moy , et le lendemain matin, qui fat le troisiesme jour de ma blesseure , mon nepveu de Leberon me fit porter à Marsiac, qui est à deux grandes lieues de Rabastens. L'on cognent bien soudain l'amitié que tous les gens de guerre me portoieat, car toute la noblesse qui estoit pour son plaisir en l'armée se retira, et la pluspart des gens de pied, dequoy je fus bien marry , et voudrois certes de bon cœur qu'ils ne se fussent point souvenus de moy. Quel tort fltes vous là, mes compagnons, à vostre honneur , à vostre Roy et à vostre patrie! si vous vous fussiez uuis, comme vous m'aviez dit, et bien entendus, tout le Bearn estoit en proye. C'est grand cas que la jalousie de commander. Le jour mesme que je fis la remonstrance à la noblesse , ils depescherent le capitaine Montant vers le Roy. Je luy dis qu'il baisast les mains de ma part à Sa Majesté , et que je la suppliois de pourvoir au gouvernement ou pour la mort ou pour la vie , et qu'il ne falloit pas qu'il esperast tirer service de moy ; que c'estoit assez fait et qu'il falloit faire place aux autres , et que je voulois meshuy (1) cercher ce que j'avois tousjours fuy , qui estoit le repos. Il trouva à son arrivée à la Cour que le Roy y avoit pourveu il y avoit plus d'un mois , ce que jamais roy de France n'avoit fait ; mais je ne m'en devois prendre à luy. Oyant ceste nouvelle , je ne m'en donnay pas grand peine , bien marry toutesfois qu'on m'eust fait ceste honte, car , quand bien je n'eusse esté blessé , je n'eusse jamais exercé la charge. Et croy que celuy qui

(I) Vieux mot qui signifie h l'avenir.

COMMENTAIRES DE BLAtSE DE MONTLUC. [tô'Oj

l'a, qui est monsieur le marquis de Villars (l) , ne se soucieroit pas fort d'en estrc deschargé non plus que moy ; car ce n'est benelice sans cure d'avoir affaire à la royne de Navarre , et à monsieur le prince son fils , qui est desja grand, et le principal gouverneur contraire à nostre religion , lequel , estant ce qu'il est , ne peut avoir faute de cœur , de crédit , ny de moyens , non seulement en la Guyenne, mais dans le cabinet du Roy. Long temps avant j'eusse quitté le gouvernement pour ceste considération, n'eust esté que je ne voulois pas que le Roy me peust reprocher que je l'avois abandonné durant les guerres, et à sa nécessité.

Voyez, vous qui estes généraux des armées et lieutenans de Roy , afin que je retourne à ma blesseure, de laquelle il ne me souvient que trop , combien il importe de conserver vostre personne , et ne la mettre au hazard comme je fis, faisant le pionnier et le soldat. Geste mal -heureuse blesseure fit devenir nostre armée à néant. Ce n'est pas pour vous dire que vous deviez estre couards et vous cacher derrière les gabions lors que les autres sont aux arquebusades, mais seulement pour vous faire sages à mes despens, et que vous y alliez prudemment ; car de vostre perte dépend le reste , comme vous sçavez qu'il advint à ce brave Gaston de Foix en la journée de Raveue. Je sçay bien qu'un bon cœur qui voit ses gens mal faire ne se peut contenir de leur monstrer le chemin , et s'exposer au danger, comme je fis voyant mes gens de pied faire si mai ; ce qui me fit appeller la noblesse, car j'ay tousjours cogneu par expérience que cinquante gentils-hommes feront plus d'effect que deux cens soldats : nous retenons quel([ue chose de l'honneur que nos pères nous ont acquis y ayant gaigné ce beau tiltre de noble.

Par tout le discours de ma vie jusques icy , vous avez peu juger si le Roy avoit occasion de me mal traitter, vcu que je n'ay espargné ma propre vie, qui est ce que nous devons avoir de plus cher en ce monde après l'honneur , et non seulement la mienne, mais celle de mes cnfans : de quatre que j'ay eu , j'en ay veu mourir les trois au combat pour son service ; le quatriesme reste encores, qui est le chevalier , et combien que je l'aye desliiié à l'Kglise et à l'evcsché de Condom, si est-ce que je luy ay tousjours commandé de faire paroistre qu'il porte le nom de Montlue , et qu'il a eu cest honneur d'avoir esté nommé chevalier par le feu roy Henry mon bon maistre , qui l'envoya à Malthe, ou il a fiiict son apprentissage aux armes sous le chevalier Romegas.

(I) Moiiorat ilc Savoie , maniuis dr Villars.

Le seigneur grand maistre m'escrîvit que soudain après son arrivée il l'avoit faict mettre à l'espreuve pour savoir s'il estoit de ma race. Il s'est trouvé au siège que le Grand-Seigneur a mis devant (2) Malthe , qui a esté le plus beau qui soit advenu depuis que l'artillerie a esté fondue. Ne vous désespérez pas pour cela, vous qui faictes service au Roy , car cela ne vient pas de luy. Vous serez peut estre plus heureux et n'aurez pas tant d'ennemis que moy, qui, pour n'avoir voulu estre créature de personne , n'ay pas eu de patron, et d'ailleurs ay parlé peut estre trop librement et dict ce qui m'en sembloit. Il faict mauvais dire la vérité, et je ne sceus jamais mentir. Si ne veux-je pas estre si meschant que je ne me confesse très- redevable aux roys mes maistres des biens et honneurs qu'ils m'ont faict, car d'un pauvre gentil-homme lis m'ont eslevéaux premières charges de ce royaume; mais aussi peux-je dire que je lay gaigné au pris de mon sang. Or, ayant recouvré un peu de santé, j'escivis au Roy une lettre , laquelle j'ay voulu insérer en ce lieu.

« Sire , j'ay tant tardé à vous faire mes doléances pour ma grande indisposition , et aussi qu'on m'a celé que vous m'avez osté le gouvernement de Guyenne, que s'il eust pieu à vostre Majesté attendre seulement deux mois, vous eussiez trouvé qu'après avoir estably la paix j'estois résolu d'envoyer tres-humblement vous supplier d'y pourvoir , à cause de ma vieillesse et grande blesseure , et alors , sans me diffamer , vous aviez légitime argument d'y pourveoir ; mais à la façon que vostre Majesté en a usé , elle a monstre évidemment à tout le monde que vous m'en privez pour avoir forfaict, ou bien pour les armes, ou pour quelque mau\ aise versation que j'ai faict sur vos finances ; et par ce moyen mon honneur est en danger d'estre mis en dispute par tout ce royaume , ce que je ne pense avoir mérité. Et si suis bien empesché , comme seront plusieurs autres , à deviner d'où peut procéder le grand mescontentement que vous monstrez avoir contre moy, si ce n'est pour vous avoir souventes-fois supplié d'y pourvoir d'un autre , pour le peu d'espérance que j'avois pour lors devons y faire service; mais vous m'avez depuis commandé de le reprendre. Ce n'est pas aussi pour avoir pensé que j'aye touché à vos finances , car vous ne voudriez pas m'avoir puny pour un crime duquel vous ne pouvez pas estre asseuré encores. Et si veux tant espérer en vostre boulé el prudence, que vous n'aurez facilement preste l'aureille à tels rapports si esloi-

2; Kn i:iC5.

COMMENTAIRES DE BLAISE DE MONTLLC. [l570J

gnez du vray-semblable , car pendant que j'ay esté ici vostre lieutenant, il y a eu plusieurs commis de l'extraordinaire, il y a eu de vos recepveurs généraux et autres officiers de vos finances, qui ont: rendu leurs comptes; et si j'eusse esté trouvé dans leurs papiers , Ton n'eust pas failly à rayer les parties qui auroient esté mal couchées. Or jusques icy je n'ay point esté en peine de les faire valider , comme aussi , Sire , ne se trouvera -il point que je me sois jamais tant advancé que de toucher à vos deniers , non seulement en vostre province , mais aussi à Sienne et en Toscane, où j'avois plus de commodité d'en prendre que je ne pouvois avoir par deçà. Et mesmcs il vous pourra souvenir que m'ayant fait cest honneur depuis trois ans d'ordonner que la pension que je fais à monsieur le cardinal de Guyse de six mille livres seroit prinse sur l'espargne , je ne me suis onques voulu aider de ladite depesche , tant s'en faut que j'y voulusse mettre la main sans vostre congé. Et de tout cela pourrez vous estre esclaircy au retour des commissaires que vous envoyez depar-deça, lesquels, je m'asseure, ne rapporteront point mon nom couché dans leurs papiers. Et quoy qu'il en soit, il n'y avoit rien de vérifié contre moy , et n'est pas à croire que votre mal-contentement soit procédé de cela. Mais si c'est par opinion que j'aye commis quelque faute au fait des armes , ceste opinion seroit bien contraire à celle que vous aviez quand vous m'escrivites par trois ou quatre fois que j'avois reconquis et conservé la Guyenne. Et m'asseure que vous n'avez pas oublié les causes pourquoy vous me voulustes honnorer d'untiltre si digne et si honnorable ; car il vous souviendra , comme j'espère , que ce fut par-ce qu'aux premiers troubles Thoulouse, qui avoit esté combatué par trois jours , et galgnée par les deux parts , à ma venue fut délivrée; et ceux qui l'avoient combatué, pour seulement m'avoir veu, furent mis en routte, plusieurs prins et punis comme ils avoient mérité, de sorte qu'encores aujourd'huy ladite ville me tient pour conservateur de leurs vies, biens et honneur de leurs femmes. De mesme diligence et bon-heur fut par moy incontinent secourue la ville de Bordeaux , où je me rendis , au partir de Thoulouse , dans deux jours et deux nuicts ; et combattis et mis en routte en chemin lestrouppes qui s'esîoient eslevéespour empeschei' le passage. Et ayant délivré Bordeaux du mesme danger que Thoulouse , sans séjourner que deux jours, je passay la rivière avec six vingts chevaux , estimant que monsieur de Bnrie me viendroit trouver , comme il fit , mais ce fut quatre heures après le combat; et trouva que j'avois

deffait six enseignes de gens de pied , et sept cornettes de gens de cheval, conduittes par monsieur de Duras. Et après ceste victoire, ledict sieur de Burie et moy alasmes assiéger Monsegur , qui fut battu et gaigné d'assaut, comme aussi fut Penne d'Agenois. Depuisjepris Lectoure en deux jours, parce que le feu capitaine Montluc avoit surprins quatre cens hommes delà garnison de ladicte ville, qu'il avoit tous taillez en pièces. Et incontinent, sans m'arrester jour ne nuit, je suivis monsieur de Duras de si près, que je le contraignis de venir au combat avant que nos gens de pied peussent arriver; etàpeinedonnayje loisir à monsieur de Burie d'y venir à temps pour s'y trouver; et succéda si heureusement, qu'une poignée de gens deffirent vingt et trois enseignes de gens de pied et unze cornettes de cavallerie. Et au partir delà, je vous envoyay dix compagnies de gens de pied espagnols, qui ne nous avoient de rienservy, mais bien servirent ils à la bataille de Dreux, comme aussi firent dix compagnies de Gascons que je vous envoyay par le capitaine Charry. Et vostre pays de Guyenne demeura repurgé de tous troubles, et n'y avoit homme qui osast lever la teste, sinon pour vostre service ; de sorte qu'avec bonne et juste cause me donnastes vous ce tiltre d'avoir reconquis et conservé vostre pays de Guyenne. Et quant aux seconds troubles, j'avois assez adverty longtemps avant vostre Majesté et celle de la Royne de ce que depuis vous vistes advenir ; et bien que par vostre commandement me fust escrit par deux ou trois fois que j'estois fort mal informé , si ne laissay-je pas de me pourvoir pour me garder d'estre surprins. Et le mesme jour que les troubles survindrent à Paris, sans que j'en fusse autrement adverty, et la propre veille de la Sainct Michel , je me jettay dans Lectoure, ville la plus importante de la Gascogne , si bien à propos, que je rompis l'entreprise de six cens hommes qui y dévoient entrer par la fauce porte. Et après avoir conservé la ville en vostre obcyssance, sçachant que vous auriez besoin de secours, comme vous me mandastes après, je fis telle diligence d'assembler des hommes, qu'en vingt et neuf jours après, ledit jour de Sainct Michel , je vous envoyay douze cens chevaux et trente enseignes de gens de pied, qui furent conduits par moy jusques à Limoges, et de là par les sieurs de Terride, de Gondrin et de Monsalés ; et combien qu'il semblast à beaucoup de gens que la Guyenne demeureroit en proye aux vicomtes, qui avoient beaucoup de forces, toutesfois mon retour leur donna si bien à penser , qu'ils ne gaignerent rien sur moy ny sur vostre pays. Et avec si peu que jepeuz r'a-

COllMEiNTAmES DE 13LA1SE DE MOJNTLUC. (1570]

masser, j'allay depuis eu Sainctonj:;e , et à mon arrivée ceux qui s'estoicut eslevez à Marenues furent deffaits par Madaillan et le seneschal de Bazadois , lesquels se r'allicrent avec monsieur de Pons, et prindrent Marenncs, les isics d'Olcron et d'Alvert. Et de raesme diligence fut reconquise l'isle de Ré par mon nepveu de Leberou, que j'y avois envoyé ; et s'il vous eust pieu me faire bailler ce que vous m'aviez mandé, tant d'argent, d'artillerie, que d'autres munitions , j'eusse pris peine de vous regaigner La lloehelle devant la paix que vous fistes en ce temps là. Et quant aux derniers troubles, il est vray qu'il survindrent au temps que j'estois malade et sortois de danger de mort ; mais je ne laissay pas pourtant de me mettre aux champs et d'assembler le plus de gens que je peus, à pied et à cheval ; et ayant esté adverty que les trouppes de Languedoc, de Provence et Dauphiné s'approchoient de ce pays, j'allay au devant pour les combattre, accompagné de monsieur de La Valette, de monsieur Descars , et de plusieurs autres capitaines de vos ordonnances ; et les approchay de si près, que si le maistre de camp de leurs trouppes, appelle le capitaine Moreau, n'eust esté prius, nous estions tous deffaits, car, outre que le rencontre estoit en }ieu où les chevaux ne se pouvoient aucunement soustenir, ils nous eussent combattu dix contre un , d'autant que nous ne pouvions pas estre plus de deux mil cinq cens hommes : ils estoient plus de vingt mil hommes. Et de tout cecy peuvent tesmoigner lesdits sieurs de La Valette, Lescars, et autres capitaines, qui tous furent d'advis que le mieux que nous pouvions faire estoit de nous retirer. Et comme nous estions tous d'advis de costoyer les ennemis, pour les tenir en bride , et pour essayer de prendre quelque advantage sur eux , le jeune Monsallés apporta lettre de vostre jMajesté à tous les capitaines de marcher devers monsieur de Montpensier, et moy de m'en retourner ; ce que je fis, tant pour ma maladie que pour conserver le pays, comme j'ay fait tant que les forces ont esté entre mes mains. Apres, estant à Cahors, où j'estois allé pour combattre les vicomtes, je fus adverty que Pilles estoit vers Agcnois avec un grand nombre de cavallcrie; et cuidant le surprendre, je marchay jour et nuict pour le combattre, ce qui fust advenu, n'eust esté que le seigneur de Fontcnilles et le capitaine Montluc, avec quelques sallades, rencontrcrcut cinq ou six cornettes dudit Pilles, et les chargèrent de telle roideur, qu'ils les mirent en roulte : qui fut cause que ledit Pilles passa la mesme nuict la rivière de Dordolgnc, et se retira vers leur armée. Quant à la venue du comte de Mongommcry, l'on sçait

qu'au partir du Mont de Marsan, que j'avois assiégé, assailly et pris en deux heures, monsieur Banville, pour les entrepriuses qu'il avoit en Languedoc, en emmena toutes les forces , et ne me laissa que ma compagnie, celles du seigneur de Fontenilles et de monsieur de Gondrin, ensemble cinq enseignes de gens de pied, desquelles je me servis pour la deffence de Lectoure, Florance, Agen, Villeneufve. Et bien que ledit sieur mareschal eust r'appellé depuis lesdites deux compagnies , et que je fusse demeuré seul avec la mienne, je ne laissay pourtant de m'aller jetter dans Agen, quand le camp des princes en approcha , sans que je fusse secouru que dudit sieur de Fontenilles, lequel amena sa compagnie. Duquel lieu ledit camp des princes fut souvent endommagé : et d'autant que lesdits sieurs avoient fait faire un pont sur la Garonne, pensant y passer en ce pays, et faire du pays de Condommois et d'Ageuois comme d'une ville , je leur rompis leur pont, et le mis si bien en pièces, qu'ils n'eu sceurent jamais recouvrer que deux batteaux, avec lesquels ils repassèrent la rivière, mais ce fut avec tel loisir que, s'il eust pieu à vostre Majesté m' envoyer tant soit peu de forces, on les eust bien gardé de s'assembler. Et pour autant que pendant que lesdits princes estoient par deçà l'on s'estoit saisi de quelques chasteaux du pays d'Agenois, je les reprins et remis tous sous vostre obeyssance. Et depuis il vous pleut me commander d'aller faire la guerre au pajs de Bearn, et bien qu'il fust mal-aysé de recouvrer des gens, par-ce qu'on tenoit la paix pour faite, si est-ce qu'en moins de quinze jours je mis aux champs quarante et cinq enseignes de gens de pied et bien six cens sallades, et résolus d'aller en Bearn , et contraindre Montamat de venir au combat, ou laisser prendre les villes les unes après les autres , comme l'on peut bien juger qu'il fust advenu ; car , ayant commencé à Rabastens, comme il estoit nécessaire, pour les raisons que je vous ay cy devant escrites , bien que ce fust des plus fortes places de la Guyenne, je l'emportay en huit jours, où je servis de pionnier, de canonnier, de soldat et de capitaine. Et faisant les approches, j'y pensay perdre mon jeune fils, qui fut blessé tout auprès de moy, comme aussi fut le capitaine Paullac. Et quand se vint au jour de l'assaut, voyant que les deux premières trouppes n'alloicnt pas à l'assaut comme j'eusse peu désirer, je marchay moy-mesme à la bresche, accompagné des seigneurs de Goas et du vicomte d'Usa, et suivy d'environ cent ou six vingts gentils-hommes, desquels en y eut quarante deux blessez, et je fus du nombre, estant blessé en tel lieu, que j'en portcray toute ma vie la marque.

Et encores que ce fait d'armes , rapporté avec plusieurs semblables que j'ay fait durant le règne des roys vostre père et grand père , ne m'eust rien fait espérer d'avantage de ce que j'avois accoustumé d'eu désirer, qu'estoit un bon gré et un bon remerciement desdits sieurs roys mes maistres , toutes-fois j'avois occasion de penser que vostre Majesté en tiendroit quelque peu de compte. D'avantage , je representois devant vos yeux un vieux soldat de soixante dix ans, vostre lieutenant général par deçà, et lequel commandant aux autres sans s'approcher du combat, pouvoit satisfaire au devoir de sa charge : toutesfois, pour le désir qu'il avoit de vous rendre victorieux en toutes vos entreprinses, il s'estoit mis au rang des moindres fantassins , et en danger de mort; et plusieurs gentils-hommes avoient couru mesme péril, s'estimant heureux de suy vre l'un des plus anciens soldats de France, je ne diray pas capitaine. Je pensois aussi que vous pourriez considérer que, comme aux premiers troubles les premières victoires vindrent de mamain, aussi en ces derniers troubles je vous avois faict victorieux au dernier fait d'armes qui avoit esté fait en ce royaume. Mais comme j'attendois au moins une lettre telle que vous aviez accoustumé escrire au moindre capitaine de ce royaume, la longue attente ne m'a apporté autre chose, sinon que j'ay entendu que vous m'aviez osté le gouvernement, et, qui pis est, sans m'en avoir fait escrire une seule parole; de sorte que plus tost ay-je veu venir celuy qui me doit succéder, que d'avoir esté adverty qu'on m'avoit despouillé. Et au temps que par une loy universelle par tout vostre royaume vous aviez remis en leurs estats et charges ceux qui en avoient esté privez, je puis dire que par une loy particulière, faite pour moy seul , je suis desmis de la charge que j'avois soustenue avec les armes en main. Mais quand bien l'on m'auroit mis en pourpoint, si demeureray-je tousjours vestu d'une robe honnorable, qui est telle que j'ay porté les armes depuis mon enfance pour le service de vostre couronne, avecques toute la fidélité que les roys mes maistres eussent sceu désirer. L'on m'accordera tousjours que je me suis trouvé eu autant de combats , batailles , rencontres , entreprinses de nuict et de jour, assauts, prinses et deffences de villes, qu'homme qui soit aujourd'huy en toute l'Europe ; et pour tel suis-je cogneu par tous les estrangers. Je puis dire avec la vérité, et la gloire en soit à Dieu et aux roys qui m'ont employé , que , soit pour mon bonheur, soit pour autres occasions, que je ne fus oncques deffait en lieu où j'ay commandé , et n'attaquay jamais les ennemis que je ne les aye

COMMENTAmES DE BLAISE DE MOiNTLUC. [l570] 360

battus. Plusieurs gens de bien tcsmoigneront

aussi du devoir que je fis aux batailles de Pavie, de La Bicoque et de Serizolles, où je menois toute l'arquebuzerie ; tcsmoigneront aussi en quelle réputation le feu sieur de Lautrec me tenoit, pour m'avoir veu en sa présence combattre entre Bayonue et Fontarabie, et depuis pour l'avoir suivy, avec charge de gens de pied, au voyage qu'il fit en Lombardie et royaume de Naples, où je fus blessé de quatre arquebuzades. Il y a encore des gens de bien qui sont vivans, et sont records du devoir que je fis quand la terre d'Oye fut prinse , estant maistre de camp de toutes les bandes françoises : autres tcsmoigneront en quel rang me tenoit le prince de Melphe et feu monsieur le mareschal de Brissac, pour m'avoir veu en Piedmont, à toutes heures et à toutes occasions, et de jour et de nuict , bazarder ma vie pour le service de ceste Couronne; comme aussi plusieurs pourront tesmoigner que le jour qu'advint la disgrâce de nos gens en la basse Bolongne, je demeuray seul avec bien petit nombre au combat ; et alors que feu vostre père, mon bon maistre , de recommandable mémoire , pensoit que tout fust perdu , je sortis en despit des Anglois, et rapportay vingt deux drappeaux des nostres, qui avoient esté prins, et n'en fut perdu qu'un. Si monsieur de Guyse estoit en vie, il ne celeroit pas ce qu'il me vit faire à la prinse de Thiomville , comme aussi ne fera pas monsieur le mareschal de Vieilleville , et pourra tesmoigner si ce ne fut pas moy qui prins la tour par laquelle s'ensuivit la perte de la ville. Tous les capitaines estrangers d'Italie, d'Espagne et d'Allemagne, m'honnoreront tousjours du devoir que je fis au siège de Sienne, où j'estois lieutenant du feu roy vostre père, et depuis en Toscane, où je ne perdis rien et fus victorieux sur les ennemis : et en fus tellement recognu par le feu roy vostre père , qu'outre qu'au retour de Sienne il me donna l'Ordre, qui estoit lors un enseigne de grand et notable service , il me donna la comté de Gaure, pour en jouyr toute ma vie, laquelle depuis, et après la mort dudit sieur roy, me fut ostée à la réduction de vostre domaine , et si ne fis onc semblant de m'en douloir.

» Tout cecy vous ai-je voulu represenfer. Sire, parce que peut estre vous ne l'avez pas entendu, et qu'en parlant de moy devant vostre Majesté l'on m'a tenu en autre rang que je n'avois mérité. Par fois l'on a parlé de moy comme si je fusse esté un larron ; par fois, et le plus souvent, disoit on (pie je n'avois rien faict qui vallust , depuis trois ans : en cela vous faisoit on plus de tort qu'à moy. Sire, car tous les langages du monde ne me sçauroieut ester l'honneur que j'ay

COMMENTAIRES DE BLAISE DE MONTLUC. [l570j

acquis, et à vous, Sire, l'oii vous a par importunitô induit à faire chose que, je crains, pourra servir d'un mauvais exemple aux gens de monmestier, d'autant que ceux qui ont esté appeliez aux charges depuis quelque temps, et qui désirent parvenir par l'exercice des armes, craindront , à mon exemple, que les services de longues années et la gloire et la vertu acquise par tout le monde , ne pourra tant leur ayder que pourroient leur nuire les langues do ceux qui voudront quelque jour les reculler. Il me reste. Sire, par la fin de ma longue et prolixe lettre, vous supplier tres-humbiement m'excuser, si, recevant un tel coup de fortune, j'ay esté contrainct me plaindre et me douloir à vous et non à autre, et ay estécontrainct de ce faire, tant pour me faire cognoistre à vostre JNIajesté mieux que je n'ay esté parle passé, qu'aussi pour vous supplier tres-humbleraent que doresnavant , quand on vous importunera de traicter mal ou moy ou autres de vos bons serviteurs, vous veuillez tousjours reserver une aureille pour celuy qui sera accusé , avant vous résoudre à faire chose qui puisse l'intéresser. Quant à. moy, pour le désir que j'ay de tousjours vous veoir prospérer, jesuis tres-ayse si en ces derniers troubles vous avez esté si bien et si heureusement servy en tous les endroits de vostre royaume par tous ceux que vous avez employez, qu'ayant par deçà conservé les villes et le pays, ayant battu les ennemis quand j'ay eu le moyen de les combattre . et ayant pris les villes d'assaut avec grand danger de ma vie , encores que l'on die que je n'ay rien faict qui vaille, si vous supplieray-je tres-humblement de croire qu'il n'y a homme qui m'aye passé de bonne volonté; et , puis qu'ainsi vous plaist, je me retire , n'ayant autre marque de mes peines et services, depuis tant d'années, que le regret de la perte de mes enfants morts pour vostre Couronne, et sept arqucbusades qui serviront h me ramentevoir tous les jours l'humble et affectionnée dévotion que j'aye eue à faire tres-hunible service à vos prédécesseurs, comme aussi l'auray-je toute ma vie semblable à l'endroit de vostre Majesté, à laquelle je prie Dieu donner tout bju-heur, prospérité et santé. »

Voylà quelle fut ma lettre , sur laquelle ces messieurs, qui gouvernoient lors tout à la Cour, eurent plus de peine à philosopher que je n'avois eu à la dicter ; elle fut imprimée (i) à mon desceu, et veué partout. Mes amis, et ceux qui sçavoicnt le devoir que j'avois faict à la conser-

(I) lui l")7l. T.n l)il)lii)lh('(|ii(' royale en |)().,,sn(lc un excmi)lairc on \\m tnunc (|nciiinc,s variantes sans iiniioitancc.

vation de la Guyenne , estoient autant ou plus offencez que moy. Et veux bien qu'on sçache que lors et depuis , si j'eusse eu le cœur aussi desloyal qu'avoient ceux-là qui me representoient , après les premiers troubles , à la Cour , pour espagnol à la Royne, que j'avois encore assez de moyen et de crédit pour faire beaucoup de mal : mais je ne suis ny ne seray jamais que bon françois et serviteur de la Couronne : aussi sçavois-je bien que tout cela ne venoit pas du Roy, qui ne m'esloigna jamais de sa bonne grâce ; mais un jeune prince qui est enveloppé parmy tant d'affaires est bien empesché de contenter tout le monde , joinct que plusieurs , qui ne me pouvoient faire mal que de leur langue , possedoientfort. non pas Sa Majesté, qui n'aima jamais les Huguenots, quelque mine qu'il fist, mais son conseil.

0 que les roys et les princes doivent bien songer à ne faire souffrir une honte à celuy qui a tousjours porté la iidelité qu'il doit à leur service et qui a du cœur ! A tel, peutestre, le feraon qui mettra leurs affaires en mauvais estât, comme depuis cinquante ans nous en avons veu de beaux exemples , au dommage du Roy et de la France, comme j'ay dit cy dessus, lorsque j'ay parlé des traverses et charitez qu'on a preste à de grands capitaines. Combien en y at-il qui eussent non seulement quitté tout, mais peut estre faict pis? car celuy qui fait son devoir, et se voit indignement traitté, sent cela jusques au cœur. J'ay ouy dire que le roy François ou Louys , je ne sçay lequel c'est, demandant un jour à un gentil-homme qui estoit gascon comme je suis , quelle chose est-ce qui le pourroit distraire de son service; « rien, Sire, respondit l'autre, si ce n'est un despit : » aussi dit-on que pour despit on se feroit turc. Tout cela pourtant ne me scauroit faire ny espagnol ny huguenot : j'ay trop aymé mon honneur, je me veux ensevelir avec ceste belle robbe blanche, sans mettre une vilaine tache au nom de Montluc ; et tout homme qui aymera le sien en doit faire de mesmes. Si son maistre, si son roy ne se veut servir de luy, il peut demeurer chez soy et considérer les autres; s'il a de la valleur, la fortune qui l'aura rabaissé le relèvera, car elle n'est pas tousjours en collere. Combien de grands seigneurs et grands capitaines avons nous veu qui estoient chez eux à faire leurs jardins, lesquels le Roy estoit contrainct de rappcller à son service, estant raarry de les avoir esloignez!

J'en ay veu prou de mon temps du costé du Roy etdu costé de l'Kmpereur, qui ont tourné leur robbe , et quelques uns bien légèrement et sans grande occasion ; mais ils ne se sont pas fort re-

COMMENTAIRES DE BLAISE DE MOiSTLliC. [1570j

montez pour cela, etestantparmy nous ils estoient regardez de mauvais œil. Je croy que nos ennemis en faisoient de mesrae : on ayme bien leur marchandise , mais non pas le marchand. Quand ce brave prince Charles de Bourbon fut contraitict prendre le party de l'Empereur, et se donner au diable, puisque Dieu ne le vouloit [car certes il y fut forcé et contrainct] , nous entendions dire que les Espagnols mesmes le regardoient de travers; et le pauvre prince, après nous avoir faict beaucoup de mal, y perditla vie. Apres qu'il fut tué à Rome, on disputoitqui en estoit plus ayse, ou le Pape, ou le Roy, ou l'Empereur : le premier, parce qu'il le tenoit assiégé; le Roy, pour se voir délivré d'un grand enuemy ; et l'Empereur , pour estre deschargé d'un prince banny et nécessiteux, qu'il portoit sur ses espaules, ne l'ayant enrichy que de promesses et non d'autre chose. Ces despits vont trop avant ; les miens ne me firent ny ne me feront janiais faire chose contre mon devoir et mon honneur. Si j'estois jeune, et qu'on ne se voulust servir de moy, la terre est assez grande, je chercherois fortune ailleurs , mais non pas aux despens de mon prince et de mon honneur. Le Roy, ayant receu ma lettre, m'envoya plusieurs belles parolies pour responce , car cela ne leur couste rien. L'yssuë monstrera si le pays sera mieux gouverné et Sa Majesté mieux servie, et biceux qui sont venus après moy, encore qu'ils soyent et grands seigneurs et grands capitaines, ont mieux faict et feront cy après.

Or, pour retourner de là où j'estois sorty , ma femme me vint prendre à Marsiac , et me lit porter dans sa lictiere jusques à Cassaigne près de Condom , là où la colicque , pour me rafraischir, metinttiois sepmaineset me cuida emporter. Monsieur de Valence mou frère ne m'abandonna jamais jusques à ce qu'il me vid hors de danger de mort ; plusieurs seigneurs catholiques et huguenots aussi me visitèrent. Avant que le capitaine Montant fustarrivéà la Cour, laRoyne depescha monsieur de Beaumont, mareschal des logis de monsieur le prince de Navarre, par lequel elle me mandoit que si j'estois dedans les terres de ladicte dame . que je m'en retirasse , et que je misse mes gens en garnison. Voyez quels changemens soudains. Je luy demanday si nous avions la paix ; il me respondit que non, mais qu'on esperoit bien tost de l'avoir. « Pourquoy donc veut le Roy , dis-je , qu'on mette en garnison l'armée? le pays n'est-il pas assez ruiné et destruict? Que si je fais cela , quand la paix viendra et qu'il faudia donner congé aux gens do pied et de cheval , il n'y en aura pas un qui ne pille sou hoste pour sa dernière main, voyant

qu'il se faut retirer sans argent ; et, puis qu'il faut qu'ils se retirent aux garnisons , je les fe* ray du tout retirer en leurs maisons. » Je priay monsieur de Valence de faire escrire la lettre et la signer, parce que je n'eusse sceu, à monsieur de Gondrin, afin qu'il licentiast tant les gens de pied que de cheval , et que tout le monde fust dans quatre jours retiré chez soy : ce qui fut faict; monsieur de Beaumont mesmes porta la lettre à monsieur de Gondrin. Cinq semaines après , la Royne me manda que je fisse du tout retirer l'armée : en usant comme je fis, j'espargiiay plus de cinq cens mil francs au peuple , comme le pays tesmoignera. J'avois conservé les chetifs quatre mil francs que j'avois eu du Roy, sans qu'il en eust esté touché que cent escus pour bailler au capitaine Montant pour le voyage de la Cour ; et voyia comme j'ay desrobé ses finances et comme j'ay pillé le peuple : ceux qui favorisent les Huguenots près de Sa Majesté n'ont garde de faillir de me charger de calomnies.

Mais je veux qu'on sçache, et veux insérer dans ce livre, que pendant tant d'années que j'ay commandé, et aux grandes charges que j'ay eu, je n'ay peu acquérir pour vingt mil francs de bien ; et si on dict que j'ay pillé trois cens mil escus : je voudrois qu'il fust vray pourveu que ce fust sur les Huguenots nos ennemis : Dieu soit loué du tout. Ces calomniateurs n'auront pas cet advantage de me faire baisser la teste, car je la porteray haute comme un homme de bien. Les trésoriers et receveurs sont en vie : que le Roy s'en informe, qu'il voye leurs comptes, et s'il se trouve un seul liard tourné à mon proffit, si Sa Majesté ne méfait faire mon procès, elle ne fera pas bien. Il ne faut pas s'estonner s'il est mal servy, comme l'on dict qu'il est, veu qu'il n'en faict aucun exemple , il faut donc qu'il s'en prenne à luy-mesme et non à ceux qui le font. Et quant aux impositions et exactions sur le peuple pour m'enrichir, encore en doit faire le Roy plus grande punition, car il y a plus de pitié au peuple qu'au Roy, car si Sa Majesté n'en a poinct, elle en sçait bien faire trouver à son peuple : ce sont les privilèges de nos roys depuis qu'ils se mirent hors de page, comme on disoit du roy Loys onziesme. Et par là je conclus que le iloy doit faire plus grande punition de ceux qui escorchent son peuple, que non pas s'ils desrohent l'argent de son espargne propre. Les commissaires ont faict rendre compte à toute manière de gens qui ont levé deniers : qu'ils regardent s'ils me trouveront en leurs papiers, et s'il est rien entre en ma bource. Je confesse que jay donné des biens des Huguenots

•iG-2

COMMENTAmES DE BLAISE DE MONTLUC. [I570j

qui faisoieat mine de demeurer en leur maison ; mais ils estoient pis que les autres ; il n'cstoit pas raisonnable qu'ils fussent traictez plus doucement que les pauvres Catholiques, qui estoient mangez jusques aux os. Si je n'eusse l'aict cela, la noblesse se despitoit, et le soldat se fust révolté, car où il n'y a rien à gaiguer que des coups, volontiers il n'y va pas ; et cependant on eust dict que je m'entendois avec les Huguenots, et n'eusse trouvé personne qui m'eust voulu suy vre : j'eusse mieux aymé mourir qu'acquérir telle réputation. Si les officiers du Roy les eussent saisis, il s'en fust tiré un million de francs; mais ce n'estoit qu'intelligence entre les uns et les autres : j'en ay eu ma part, mais c'a esté de bonne guerre, de ceux qui favorisoient et portoient des vivres et marchandises aux ennemis ; encor croy-je que tout cela ne se monte trois mil cscus. Pleust à Dieu que tous les chefs de la France fussent allez aussi rondement au service du Roy et du public que moy, et qu'ils eussent désiré avoir la paix par la force ! il n'y a homme en ce royaume qui s'osast dire huguenot. Mais je laisse ces propos fascheux.

Peu de temps après la paix fut publiée (1), fort advantageuse pour nos ennemis ; nous les avions battus et rebattus, mais, ce nonobstant, ils avoient si bon crédit au conseil du Roy, que les edicts estoient tousjours à leur advantage ; nous gaignions par les armes, mais ils gaignoient par ces diables d'escritures. Ha, pauvre prince, que vous estes mal servy, que vous estes mal conseillé ! si vous n'y prenez garde, vostre royaume s'en va le plus misérable qui fut jamais, au lieu qu'il souloit estre le plus florissant. Encore que du temps de vostre ayeul et père il eust esté assailly de diverses guerres, esquelles je les ay tousjours lidellementservis, si est-ce qu'on voyoit toutes choses aller par ordre, et les charges n'estre prophanées. Je laisse le tort que vous vous faites défaire ces beaux edicts, et donner tant d'advantage à vos ennemis ; je laisse le desordre de vostre justice et de vos finances, et veux seulement, avec vostre permission, dire quelque chose qui concerne la charge des armes ; car si je m'enfonçois plus avant sur ce qui a causé la ruyne de vostre royaume, je parlerois trop, et non pas des petits.

Je sçay bien . Sire, que vostre Majesté ne me fera pas cest honneur de vouloir entendre la lecture de mon livre; vous avez d'autres occupations , et le temps trop cher pour l'employer ii lire la vie d'un soldat; mais peut esire quelfu'un qui l'aura Icu, vous entretenant, en pourra l'.tire

(l)Le II août 1570.

quelque récit à vostre Majesté. Cela est cause que j'ay pris la hardiesse de vous faire ce petit discours, lequel je vous supplie vouloir ouyr, d'autant qu'en iceluy consistent les causes et mal-heurs que j'ay veu advenir en vostre royaume depuis cinquante deux ans que j'ay commencé à porter les armes, régnant vostre grand père le roy François, durant le règne duquel commença une couslume qui me semble n'estre guère bonne pour vostre Estât ; vostre Majesté la pourra changer, ce que pourra apporter un grand bien à vostre royaume pour l'exercice des armes. Un jeune prince comme vous, et bien né, le plus grand et premier de la chrestienté, doit tousjours apprendre des vieux capitaines. Vous estes naturellement martial, et avez le cœur généreux, voyia pourquoy vous ne trouverez mauvais d'ouyr le discours d'un vieux gendarme, vostre sujet et serviteur. H me souvient que vous preniez plaisir de m'eiitreteuir seul lorsque vous fistes le voyage de Rayonne (2), et vis bien que vos discours excedoieut la portée de vostre aage, de sorte que j'oserois dire que si on vous eust laissé faire, tout fust mieux allé ; car quand vous n'auriez faict autre chose que vous monstrer et faire veoir à vostre peuple, estre en personne en vos armées, au moins quelquesfois, vous eussiez gaigué le cœur de plusieurs et estonné les autres : et sans doute eussiez esté mieux servy, je dis depuis que l'aage vous l'a peu permettre. Je croy que c'est une des plus grandes fautes qu'on vous aye fait faire [car vous n'estes pas cause d'avoir esté si renfermé] lors que vos armées marchoient : le peuple de vostre royaume est bon, et se rejouit de voir son roy, de sorte que plusieurs eussent esté plus sages, raesmes en nostre Guyenne. Mais je viens à mon discours. Sire, quand vostre Majesté baille un office de président, ou conseiller, lieutenant gênerai, ou quelque autre office de judicature, vous vous reservez qu'ils ne pourront exercer la charge qu'ils ne soient examinez par vos parlemens, pleins d'hommes fort sçavans ; et bien souvent vous ordonnez que vostre chancelier les examinera avant que les parlemens les voyent, afin qu'ils jugent s'ils sont capables, et qu'ils ne puissent errer au jugement des procès de vos sujets, et que le droit soit rendu à qui il appartiendra. C'est une chose bonne et juste, Sire, car vous nous devez la justice droicte, et au pois de la balance; c'est la première chose que vous nous devez : voyla pourquoy c'est bien faict à vous de mettre tant de rigueurs aux examens qu'on faict es chambres assemblées de vos parlemens;

;2) tu IjGS.

COMaiENTAlRES DE BLAISE DE MOINTLIIC. [l570]

ne pouvez vous faire que tout aille bien droict.

Sire, vous devriez faire ainsi en toutes autres charges que vous donnez en vostre royaume ; toutesfois je voy que le premier qui vous demande un gouvernement de quelque place, une compagnie de gens-d'armes ou de gens de pied, un estât de maistre de camp, sans considérer quelle perte et quel dommage peut advenir à vostre royaume et à vostre personne propre, facillement vous l'accordez, voire mesme à la requeste de la première dame qui vous en prie et qui vous aura peut-estre entretenu le soir au bal ; car, quelques affaires qu'il y ait, il faut que ce bal trotte. Sire, elles n'ont que trop de crédit en vostre Cour. 0 combien de mal-heurs sont advenus et adviennent tous les jours pour avoir légèrement donné ces charges ! Et encor que vostre ordonnance soit juste et saiucte de faire examiner les gens tenans offices de judicature, elle n'importe pas tant à vostre Estât; car quelle perte pourrez vous faire, encore qu'ils soient ignoraus? elle ne tombe pas sur vous, car celuy qui gaigue, encore qu'il soit sans droict , vous paye le mesme devoir que celuy qui pert vous faisoit. Par ainsi il n'y a rien de perte en vostre particulier , tout demeure en vostre royaume , et ne vous importe que Jean ou Pierre soit seigneur de tel ou tel lieu. Nous sommes tous vos sujets, mais la faute et ignorance des gouverneurs et capitaines, à qui facillement vous accordez les gouvernemens pour le premier qui le vous demande , porte grand et grand préjudice à vostre royaume. Les grands capitaines et gens de bien qui ayment vostre service m'accorderont ce que j'en escris.

Si vous baillez le gouvernement d'une place à homme qui n'aye expérience ny ne se soit jamais trouvé en telles charges , voy-cy ce que vous en adviendra. Premièrement, les anciens disent que quand l'œil void ce qu'il n'a jamais veu. le cœur pense ce qu'il n'a jamais pensé. Or si un siège luy vient sur les bras, comment voulez vous qu'il le sçache demesler, comment pourra-il entendre et descouvrir les desseins des ennemis, et par où ils le peuvent ou veulent assaillir? car sans espion il y a moyen de le descouvrir, comme on le pourra apprendre parce que je fis à Sienne. Comment sçaura- il dresser ses fortifications et se couvrir; bref, faire mil et mille choses qui sont nécessaires, puis que jamais il ne s'est trouvé en tels affaires? ceux-là qui s'y sont trouvez dix fois y sont bien empeschez, bien souvent ils ne sçavent où ils en sont. Or, comme vous entendrez que vostre place s'en va assiégée, vous voudrez lever une armée pour la secourir, parce que la raison le veut, ne vous osant reposer sur

le peu d'expérience de ce jeune gouverneur ; peut estre que vous serez forcé d'y aller bien souvent à la haste, ou un de messeigneurs vos frères. Il ftiut ou que la ville se perde, ou que vous bazardiez une bataille, là où vostre personne propre se peut perdre, ou un de messeigneurs vos frères, qui conduira l'armée, et plusieurs princes de votre sang, et de grands capitaines. Or considérez donc la perte et grand mal-heur qui dépend de donner facillement une charge à un homme sans sçavoir ce qu'il porte ; car, s'il est expérimenté et qu'il aye monstre par tout où il s'est trouvé sous de bous capitaines, qu'il aye le cœur et l'entendement bon, dés qu'il entrera en la place, soudain il regardera à la force et à la foiblesse d'icelle, luy souvenant de ce qui aura esté faict là où il se sera trouvé sous quelque autre, et ce qu'il a veu faire à tel et tel capitaine ; et promptement il donnera ordre à la foiblesse, et commencera à se fortifier, vous envoyera demander un ingénieur, vous advertira des munitions, tant de vivres, d'arquebuserie que d'artillerie qu'il y aura trouvé, et ne cessera de vous en solliciter que vous ne l'ayez pourveu, cognoissaut bien, par la perte de sa place, quel grand malbeur elle vous pourroit porter. Et comme vous luy aurez envoyé ce qu'il vous aura demandé, et remédié à la foiblesse de la place, par sa providence il aura dequoy résoudre, et vous aussi, sans se précipiter; car j'ay tousjours cogneu qu'en la guerre cela est fort dangereux, si ce n'est que l'affaire requière une extrême célérité.

Deux choses se présentent en cecy : la première est que, comme vostre ennemy aura entendu la valeur de ce gouverneur, l'expérience grande, la pourvoyance et diligence qu'il employé à remédier aux deffauf s qui estoieut en sa place, le bon ordre qu'il y tient, voulez vous croire que l'eunemy aille attaquer un tel homme garny de toutes ces vertus que j'ay escrites? je croy qu'il n'y a assaillant aumonde qui n'y pense deux fois ; et s'il le met au conseil, il ne trouvera à peine un seul vieux capitaine qui luy conseille d'y aller pour recevoir perte. Et si le chef est si sage et bien expérimenté, le conseil des jeunes n'emportera celuy des vieux, car ceux icy ont cognoissance des affaires de ce monde plus que les autres, et se faschent de bazarder l'honneur qu'ils ont acquis, parce qu'on regarde tousjours les derniers sans se ressouvenir guère des passez. Voyla pour l'une. L'autre bien que vous en recevrez, est que vostre Majesté, se souvenant de la valeur du personnage de son ordre, et son expérience, en demeurera en repos , sçachant bien qu'un si homme de bien ne s'embarquera pas

COMMENTAIRES DE BLAISE DE JMOKTLLC. [l570]

mal à propos et ne voudra perdre son honneur ; et lors dresserez voslre armée à loysir, et viendrez camper en lieu fort. Que si l'enncmy vous y vient assaillir, il y sera defaict; d'autre part , s'il veut donner assaut à la ville, vous kiy estes de si prcs à la ((ueué, que. quand bien la brèche seroit granric, il n'oseroit avoir donné l'assaut; car, ou qu'il la Raigne, ou qu'il la perde, il est del'aict. \ ous le surprendrez en desordre, parquoy il se gardera bien d'entrer en ceste perte, et sera contrainct de lever et prendre autre party, ou vous venir attaquer dans vostre fort; ce qu'il se gardera bien de faire , comme lit l'empereur Charles au camp de Provence, lors que voslre ayeul estoit fortifié en campagne raze, et que son ennemy faisoit mine de vouloir attaquer Marseille. Il se faut tousjours garder de faire des fautes à l'entrée d'une guerre, car depuis que vos affaires entrent eu deffaveur en leur commencement, vostre Majesté se peut asseurer que les soldats perdent le cœur, etchacun regarde à se pouvoir retirer, de sorte qu'il ne faut espérer que vostre armée face plus rien qui vaille. Je ^ ous mcttray icy des exemples, et combien importe un bon chef dans une place. Le premier sera du duc Charles de Bourgoigne, qui venoit de perdre deux batailles contre les Suisses a Morat : il vint là dessus avec ce camp desfavorisé assiéger îVancy. lequel il cuida surprendre, ne pensant jamais le roy René de Ceciile, et duc de Lorraine, qu'il \inst assiéger sa place. Par ainsi elle se trouva despourveuë de vivres, de munitions et de gens. Le roy René avoit cinq ou six gentils-hommes gascons avec luy [tousjours ces princes lorrains ont ayménostre nation], le capitaine (îratian Daguerre, un pauvre gentil-homme de ce pays nommé Pons, un autre nommé Gajan, un autre nommé Rocquepine; les autres moururent au siège. Et firent si vaillamment ces braves Gascons, ([u'avec quelque peu de gens ramassez du pays, ((ui se jctterent dedans, et quelques gentils- hommes dudit pays, ils deffendircnt la ville et endurèrent la faim jusques à l'extrémité, et donnèrent loysir au roy René d'aller luy mesme en Sui.sse cerchcr son secours. Le roy Loys onziesme ne le vouloit secourir à la découverte, a cause qu'il avoit paix avec ledit duc; mais, comme vous autres princes faictes ordinairement, soubs main il lefavorisoit, et cassa quatre cens hommes d'armes qui vindrent jusques au pont de Sainct Vincent, deux lieues de Nancy. Et comme le duc vid arriver les Suisses et ceste gendarmerie, il se voulut lever et là perdit la bataille, et y mourut. Si le roy Jean d'Albret, voyant venir les forces de Ferdinand sur luy, eust mis un ou deux bons capitaines dans la

ville de Pampelonue, il n'eust pauvrement perdu son royaume comme il fit, car il ne falloit qu'un homme pour arrester les Espagnols : la place estoit bonne. Or il l'a perdue et le royaume, et pour luy et pour sa postérité, car elle est en trop bonne main pour la r'avoir. Yoylù les exemples de l'ancienneté que j'ay ouy racompter aux vieux capitaines de cet aage là. J'en ay ouy racompter cent autres, lesquels je pourrois bien mettre par escrit; mais je laisse cela pour les. historiens, qui le sçavent mieux que moy : j'en escriray maintenant de celles de mon temps.

Le roy François vostre grand père assiégea Pavie, où j'estois. Il trouva dedans ce vieux et vaillant Anthoine de Levé, Espagnol expérimenté de longue main autant qu'autre ait esté il y a cent ans. Il n'avoit que trois enseignes d'Italiens et trois mil Allemans ; Sa Majesté le tint assiégé environ sept mois, où il fit donner plusieurs assauts, encores que la place ne fust gueres forte : mais au moyen de ce grand capitaine, et par son industrie, il la deffendit. et donna loysir à monsieur de Bourbon d'aller en Allemagne cercher secours, et revint pour donner la bataille au Roy, qu'il gaigna, et print le Roy. Que si ledit sieur de Bourbon victorieux eust tourné la teste vers la France, je ne sçay comme toutes choses fussent allées. Toute ceste bonne fortune vint à l'Empereur pour avoir fait choix de ce vieux guerrier, qui arresta le bon-heur de nostre Roy. De fraische mémoire, ce vaillant duc de Guyse à Metz fit souffrir une honte à l'empereur Charles, qui fut contrainct lever honteusement son siège, de sorte que ceste grande armée s'esvanouit par la seule vertu de ce chef, qui s'y opposa. Et encores à ces derniers troubles, son fils, qui est duc de Guyse, a conservé Poictiers, qui est une grande villasse sans forteresse. Que si monsieur l'admirai l'eust prinse, il eust dominé tout le Poictou, la Sainctonge et jusques aux portes de Bordeaux. La vertu de ce jeune prince radouba fort vos affaires et de toute la France, comme aussi vostre victoire de Moncontour fut arrestée par le choix que vos ennemis firent du capitaine Pilles laissé dans Sainct Jean ; et la valeur de ce chef, qui sceut bien deffendre la place, mit sus les affaires des Huguenots, qui gaignerent pays et nous vindrent ruyner. On m'a dit qu'il fut bien assisté d'un capitaine brave soldat , nommé La Mothe Pujols. Si on m'eust laissé faire à la bataille de Ver, je l'eusse bien gardé de vous faire la guerre, car je luy tenois l'espée à la gorge, lors qu'il me l'usl osté par je ne sçay qui, pour le sauver. Si monsieur l'Admirai est ouy en confession, il ne niera pas que ma seule personne l'empescha d'attaquer Agen ,

COMMENTAIRES DE BLAISE DE MONTLUC. [lo70]

qui ne vaut rien. Ne faites doul)te, Sire, que la valeur d'un seul homme arreste tout.

Vostre royaume est le mieux peuplé que royaume du monde ; vous estes riche en bons et grands capitaines, si vous les voulez entretenir sans advancer ceux qui sont indignes. L'empereur Charles, comme j'ay souvent ouy dire, se vantoit qu'il en avoit de meilleurs que le feu roy François : il en avoit de bon, mais les nostres ne leur devoyent rien. Vous avez donc le choix, Sire , de mettre des bons hommes dans vos places de frontière. Voyez que couste la perte de Fontarabie, pour le peu d'expérience du capitaine Franget, et combien a cousté au roy vostre père le peu d'expérience du sieur de Vervins laissé à Boulongne. Souvenez -vous, aussi, s'il vous plaist, Sire, car vous l'avez ouy dire, quel honneur et profit apporta le choix que vostre père, mon bon maistre, lit de ce vieux chevalier, monsieur de Sansac, qui soustint si longuement le siège de La Mirande. L'eslection qu'il fit de moy pour la deffence de Siene futhonuorable aunomfrançois. La seureté d'une place. Sire, despend du chef, qui fera tout combattre jusques aux enfans, et sera cause que l'assaillant mal-aisément l'attaquera. Voyez doncques, Sire, combien il importe pour vostre Estât, pour vostre peuple et pour vostre réputation, car on dira tousjours et se trouvera par escri t, que c'est le roy Charles neufiesme qui a perdu une telle et telle place, dont Dieu vous vueille garder : les escritures en parleront à jamais, car tout le bien et le mal qui vous advient est mis par escrit, et plustost le mal que le bien. Advisez y donc, Sire , et songez y trois fois avant donner la charge de deffendre une place à quelqu'un : ne vous fiez pas qu'il est vaillant ; il faut qu'il soit expérimenté.

Quant aux capitaines de gens-darraes, vous les créés aussi facilement pour l'amour de celuy qui le vous aura nommé, comme vous feriez un sergent du chastellet de Paris ; et celuy-là se trouvant en une bataille, vous luy baillerez quelque coin à deffendre, et ce pauvre homme, qui ne cognoistra son advantage, soit pour faute de cœur ou d'expérience, vous fera perdre ce coin, et donnera courage aux ennemis de sauver leur victoire , et sera cause que les vostres perdront cœur, car quatre coyons prenans la fuitte sont suffisans pour attirer le reste , mesm^ment les chefs. Et eucores qu'ils soient vaillans de leurs personnes et qu'ils veulent faire teste, si est-ce que s'ils ne sçavent se resoudie et prendre leur party, tout ira en desordre ; car lors cela despend de luy , et non du gênerai, qui ne peut avoir l'œil par tout, et parmy la grande confu-

3 fia

sion qui est aux batailles, il ne peut pourvoir à toutes choses. Celuy donc qui a charge ou d'un coin , ou d'une aisle , s'il n'a l'expérience pour s'estre trouvé en tels affaires , comment conduira-il son faict ou sa trouppe? Et voy-là une bataille perdue, et vostre personne, si vous y estes , prise ou morte [car je n'ay pas ouy dire que les roys de France ayent jamais fuy ]. Il n'en faut espérer moius aux autres entreprises que l'on luy baillera à exécuter. Prenez donc garde. Sire, à qui vous donnerez des compagnies de gens-darmes à conduire. ]| faut que les jeunes demeurent apprentifs et obéissent aux vieux. Je sçay bien que les princes doivent estre exceptez , lesquels ont ordinairement de braves lieutenans qui sont les chefs, car lesdits seigneurs princes ne s'y trouvent point.

Vous avez aussi les estais de mareschaux de camp et de maistres de camp, soit pour la cavallerie ou pour l'infanterie, qui sont deux estais de grand importance , car il faut qu'ils descouvrent toutes choses. Et si les armées sont près l'une de l'autre, il faut que tous deux recognoissent ensemble, car l'un ne peut rien faire sans l'autre, et vous rapporteront ensemble ce que touche le combat de la cavallerie et des gens de pied, après avoir recogneu l'assiette des lieux où il faut que les gens de cheval soient pour leur advantage, et les gens de pied aussi; et s'estant accordez, ils vous en feront le rapport, sur lequel vous conclurez avec vostre conseil ce que vous aurez affaire. Il faut nécessairement faire fondement sur leur advis. Que si ce sont gens peu expérimentez, ô Sire, combien d'erreurs vous feront ils faire ? Or il faut que les personnes qui exercent ces charges ayent trois choses , la première desquelles est la longue expérience. Que s'ils sont de longue main expérimentez, et qu'ils ayent veu quelque desordre aux armées là où ils se seront trouvez, pourveu qu'ils ayent retenu, cela les fera garder de tomber dans le fossé des autres. La seconde, il faut qu'ils soient hardis et courageux, car si vos mareschaux et maistres de camp ne doivent estre couards , ou , pour le moins s'ils ne sont plus vaillans que le commun [car je ne désire pas qu'ils soient des Rolands], pour le moins il faut qu'ils ne craignent point les coups. Que s'ils sont craintifs, il ne faut pas espérer que vostre armée face rien qui vaille , car ils logeront tousjours vostre armée en crainte et en peur, et camperont à leur desadvantage. Que si le chef des ennemis est accord et pratie en tels affaires, il cognoistra aisément que vostre armée est en peur : ce que j'ay jugé souvent faisant ceste charge, voyant seulement camper l'ennemy, et

3fi6

ne me suis de gueres trompé. C'est la chose du monde la plus périlleuse, car il n'y a rien qui tant donne de courage aux chefs et à l'armée que quand il cognoist que son ennemy marche ou campe en peur. La dernière partie qu'il leur faut est qu'ils doivent estre vjgilans et diligens ; et ainsi ils seront bons maistres tout à fait, il ne faut pas que ce soient gens qui aiment à dormir à la francoise, ny songeards, ou longs à prendre resolution : il faut qu'ils ayent le pied, la main et l'esprit prompt, et tousjours l'œil au guet, car de leur providence dépend le salut de l'armée.

Il faut encores qu'en l'eslection que vostre Majesté ou vostre lieutenant fera de telles personnes, qu'il regarde de bien près qu'ils n'aient point d'inimitié ensemble, ny quelque dent de laict, car là où il y a de l'inimitié, il y a tousjours de l'envie, et depuis qu'elle est parm}' eux, jamais l'un ne trouvera bon ce que l'autre fera; ce ne seront que disputes dont ne peut sortir que tout mal-heur. 11 n'y a mestier si jaloux que le nostre , ny si plein de tromperie. Entre gens qui ne s'aiment pas , ce ne sont que contradictions; et au contraire, s'ils sont bons amis, l'un suppléera tousjours le deffaut de l'autre, et disputeront de ce qu'ils auront affaire sans se presler des charitez les uns aux autres; car il faut qu'ils soient à loger l'armée ou à recognoistre l'ennemy tousjours ensemble, et que devant le lieutenant du Roy ils disputent pour prendre leur logis et discourent la raison pour quoy on loge en ce lieu là, et qu'ils sçachent où se retirera la cavallerie si elle estoit chargée à l'advangarde ou à la bataille : mais elle se doit plustost retirer à l'advangarde, pource que la cavallerie est un membre qui despend d'icelle. Il faut aussi qu'ils jugent bien les advenues de l'ennemy , où se mettra l'artillerie, où se campera la bataille, où le chef de l'armée prendra place ; si l'alarme survient , où il faut dresser la garde et poser les sentinelles. I5ref tout passe par leur teste.

Quand ceux-là avec celuy qui commande en l'armée sçavent tout cela et le font bien à propos, elle ne pourra estre surprise, car ils auront si bien discouru ce qui sera nécessaire, qu'il n'y aura nul de toute l'armée qui ne içache ce qu'il faut faiic. Que si chacun le sçait, on confessera que l'armée ne peut tomber en desordre, car les pertes qu'on fait ne procèdent que d'iceluy. Ce bel ordre se doit tousjours tenir, loing ou près de l'ennemy, ou en marchant ; car si cela se faict, le camp ne trouvera jamais aucune nouveauté qui le puisse mettre en desordre quand il sera près des ennemis. Que s'ils attendent de le faire à la nécessité, ils ne trouveront les soldats si

bien disposez ; d'ailleurs telles fois ils penseront avoir les ennemis bien loing, qu'ils se lèveront plus matin qu'eux, et leur porteront la chemise blanche. Encores doivent-ils avoir une union ensemble plus qu'au marcher, et lors faut que le maistre de l'artillerie soit joinct avec eux. Ainsi de ces trois personnes, après le chef de l'armée, sort le gain ou la perte des batailles. Siie, jugez si ces charges se doivent facillement bailler, puis que la perte et ruyne des armées procède d'eux. Quand vostre Majesté ou vos lieutenans font choix de telles personnes , le cœur vous doit trembler de peur de faire mauvaise eslection ; vous y devez penser plus de quatre fois.

Vous avez après, Sire, les capitaines de gens de pied à qui vous donnez les charges à l'appétit d'un monsieur ou d'une madame, parce qu'ils voudront advancertousjoursquelqu'un des leurs, ou en obliger d'autres. De ces charges peuvent advenir autant de mal-heurs presque que des autres, soit à la deffence d'une bresche, ou bien à mener une trouppe d'arquebusiers à une bataille, ou à quelque entreprise qui vous sera de grande importance; car si celuy qui prend telle charge n'est tel qu'il faut, il sera deffaict par son défaut, et tous ceux qui sont avec luy perdus : vous en aurez de la desfaveur ; la hardiesse et le courage de vos ennemis croistra tous les jours. Vous en avez veu et voyez les expériences. Du temps que je commençay à porter les armes, le filtre de capitaine estoit filtre d'honneur, et des gentils-hommes de bonne maison ne se desdaigiioient de le porter. Je n'ay pas appelle d'autre filtre mes eofans. A présent le moindre picquebœuf se fait appeller ainsi s'il a eu quelque commandement. Vous direz , Sire , que nous qui sommes vos lieutenans faisons ces fautes , mais pardonnez-nous s'il vous plaist, elles viennent premièrement de vous, qui avez commencé les donner à gens de peu, et après les genti Is-hommes n'en veulent plus. Du temps de vostre ayeul, les compagnies estoient de mil hommes, qui estoit une très belle chose et qui espar gnoit beaucoup à vos finances, pour n'estre besoin de tant de membres , comme j'ay dict en quelque lieu de ce livre ; à présent c'est un grand desordre. Vous y devez apporter quelque nouveau remède, afin que tant de capitaineaux retournent soldats : c'est la mesme confusion qu'on void aujourd'huy parmy les chevaliers de vostre Ordre, qui est un desordre très-grand.

Or, Sire, que veut dire cecy, que pour juger les procès vous faictes examiner tous ceux qui prennent de vous office de judicature, el vous ne pouvez rien perdre, de quel costé que le ju-

COMMBIN-TAIBES DE BLÂISE DE MONTLUC. [1570]

gement tourne ; et là où il y va de vostre vie et de celle de messieurs vos frères, et de tous les princes et grands capitaines qui seront en vostre camp, et par conséquent de vostre Estât, facilement vous baillez les charges à qui les vous demande, sans aucune considération? Or il y a en escrit :

Si le fol un conseil te donne , N'en fais refus pour sa personne.

Je dis cecy pour le conseil que je vous veux donner, et vous le devez prendre en bonne part de moy, qui suis aujourd'huy le plus vieux capitaine de vostre royaume, et qui, aux choses que j'ay veu, dois avoir quelque expérience. Le conseil que je vous donne, Sire, est que vous preniez exemple à l'examen que l'on faict en vos parlemens. I! faut qu'ils se présentent à vostre chancelier, à vos presidens et conseillers, pour estre examinez sur leur suffisance ; et s'ils ne les trouvent capables, ils les r'envoyent estudier jusques à ce qu'ils sçachent d'avantage, et se soient rendus dignes des charges qu'ils poursuyvent.

Doncques, Sire, avaut donner aucune charge dont et desquelles despendent tant de mal-heurs, à Tappetit d'homme du monde, ne la donnez jamais que, premièrement vous n'ayez mis la personne à l'examen, la renvoyant par devant vos docteurs, qui sont les vieux capitaines qui de longue main sont expérimentez aux armes. Vous en pourriez bien avoir de vieux qui ne seront gueres partis de leurs maisons : je ne preus pas cela pour vieux capitaines, mais pires que ceux que monsieur le chancelier r'envoye estudier; car on dit , Sire, qu'eu vieille beste n'y a point de ressource. J'entends que vous appelliez pour assister à l'examen ceux qui ont tousjours suivy les guerres et qui ont force paragraffes, c'est à dire arquebusades ou coups d'espée, sur leurs corps ; c'est ^igne qu'ils n'ont pas tousjours eroupy sur les cendres. Or il vous faut un chancelier : il est bien raisonnable, Sire, que ce soit Monsieur vostre frère, encores qu'il soit bien jeune, car en trois ou quatre ans qu'il a porté les armes il a gaigné deux batailles ; de sorte qu'avec le bon entendement et jugement qu'il a, et estant de si bonne maison, il est impossible qu'il n'ait beaucoup retenu, car il a ouy de grands docteurs disputer devant luy ; il ne faut donc que vous ayez autre chancelier des armes que luv. Vous serez par dessus. Sire, car personne ne vous peut oster ce rang : c'est vous qui le donnez aux autres. Puis que Dieu vous a faict naistre prince pour commander à tant de milliers d'hommes,

3GT

il vous a donné aussi quelque chose de plus particulier qu'aux autres : ainsi, quand on vous demandera quelques charges de celles que j'ay escrit, vostre Majesté doit assembler ses docteurs et vostre chancelier; et si vous y estes, vous mesmes devez prendre la peine de les interroger s'ils cognoissent le personnage dont est question, où est ce qui! a fait son apprentissage, sous qui, car bien souvent tel le maistre tel le valet, quel acte d'homme d'honneur il a fait. Je ne croy pas que ces vieux chevaliers ne vous en disent franchement la vérité , cognoissant bien de quelle importance est un capitaine ignorant ou couard et peu expérimenté; et, selon leur rapport et opinion, vous luy pourrez bailler la charge qu'il vous demande, car celuy-là sera passé par l'examen. Et afin de vous délivrer des importunitez, faictes. Sire, comme je fis une fois en Piedmond, à Albe : tous les jours mes chevaux estoient à l'emprunt, car nous avions quelque peu de trefves; cela mefaschoit, et ne sçavois comment m'endepescher. Je commanday à mon trompette d'aller publier par toute la ville, de par monsieur le gouverneur, qui estoit moy, que j'avois fait un grand serment de ne prester jamais plus mes chevaux, et que personne n'en eust plus à prétendre cause d'ignorance : depuis ce temps je ne fus plus importuné ; faictes ainsi , Sire. Un jour que vous ferez quelque grande assemblée, dites, devant tous lesseigneurset dames de vostre Cour, que vous avez fait un grand serment de ne donner jamais charge ny gouvernement que par l'advis des vieux ciievaliers et capitaines ; cela courra par tout, car ce que vous autres roys et princes faites et dites, court soudain d'une merveilleuse vitesse. Cela apportera un autre fruit, c'est que les apprentifs au fait des armes, sçachant qu'ils ne peuvent entrer par la fenestre , s'estudieront à se faire remarquer et cognoistre à ceux qui leur doivent ouvrir la porte , et ainsi tous tascheront à faire à qui mieux mieux.

0 que si vous faictes cecy, combien de braves capitaines aurez-vous en peu de temps; vous en aurez plus de vaillans qu'il n'y en aura en tous les autres royaumes de l'Europe. Il sortira de cecy deux choses très bonnes, que vous devez plus désirer qu'autres qui soient en l'art militaire : la première est que, comme ce capitaine et gouverneur sera créé par le rapport de vos vieux chevaliers devant vostre Majesté ou Monsieur vostre frère , il se tiendra si honnoré , qu'il fera resolution en soy-mesme, s'il a tant soit peu de cœur, de mourir cent fois plustost que de faire une couyonnade ou une faute, car il pensera tousjours, s'il la faisoit, qu'il fera tort à

COMMENTAIRES DE BLAJSE DE AfONTLlIC. [l570]

ceux qui l'ont nomnii', et que vostrc mnjcsté pourroit justement reprocher la faute ([u'ils ont faic't en ceste nomination. Ainsi il taschera à faire le mieux qu'il pourra , afin d'acquérir de l'honneur, et que vous luy bailliez plus ^^rand charge, scachant qu'il doit encore passer par i'eslection pour y parvenir , et par l'examen des vieux capitaines, et que, s'il a mal faict, ils tesmoigueront tousjours ce qui en est, et auront honte de vous donner advis de créer maistre de camp ou maresehal de camp celuy qu'ils auront veu mal faire estant simple capitaine.

La seconde utilité qui sortira de cecy , sera que vous fermerez la bouche à ces importuns et importunes (|ui si légèrement vous demandent les charges desquelles despendent tant de malheurs, estans certains que vous ne les leur oetroyerez sans estre examinez de vos docteurs et de vostre chancelier, et que vous les refuserez, comme vous feriez celuy qui vous demanderoit un estât déconseiller au parlement de Paris sans estre examnié , car la cour n'en feroit rien. J'ay ouy dire qu'autre-fois le roy vostre père, scachant qu'ils en avoient refusé un , lequel estoit recommandé par quelque dame , leur dit que parmy tant de chevaux d'Espagne un asne pouvoit bien passer; mais ils se gardèrent bien de le croire. Sire, mettez à l'essay ceux dont vostre Majesté désire se servir. J'ay veu autre-fois un gentil-homme, il me semble qu'il estoit provençal , lequel avoit ceste coustume, que quand un vallet se presentoit à luy pour se mettre à son service, soudain il le mettoit à l'espreuve, et luy mettant une cspée en la main , lui commandoit de se deffendre, sans qu'il fust pourtant loisible de se tirer des estocquades ; et. s'il le trouvoit homme résolu et ferme, il leretenoit, sinon il luy disoit qu'il n'estoit pas pour luy : ainsi il avoit tousjours de braves et résolus hommes auprès de luy, car on sçavoit sa coustume, et nul ne se presentoit qui ne fust bien ferré, car il estoit un rude joueur. Voy-là l'examen que faisoit vostre subjet, et la loy qu'il avoit mis chez luy . car chacun est roy en sa maison, comme respondit le charbonnier a vostre ayeul. Establissant doncques ce beau examen , bien tost toute l'Europe le sçaura , et tant d'importuns demandeurs se trouveront bien estonnez d'une telle loy , et ne sonneront qu'à Ihonncur et à apprendre , au lieu de courtiser monsieur ou madame , et vous serez depestré de ces fascheuses, que vous pourrez renvoyer faire leur resul (l).

(1) l\c eau, ouvnipp de feniriie.

(2) F.n host , en ordre prutotid; en haie, en ordre simple.

Il VOUS en reviendra une autre commodité, Sire , qui n'est pas petite , c'est que ceux que vous eslirez et que vous honorerez de ces charges les tiendront de vous ou de vos docteurs, et non des dames ou de quelqu'un de vos courtisans, qui entendent mieux à monter une monstre qu'à affûter ou pointer un canon , ou mesme tirer une arquebuzade; et cependant, à ^coi^ la mine qu'ils font et leur desmarche , vous diriez que tout doit trembler sous eux. J'enay ouy une fois en ma vie un, lequel, à l'ouyr parler, avoit presque seul emporté l'honneur de la bataille de Moncoutour ; monsieur de Biron ny monsieur de ïavannes n"avoient rien fait au pris de luy, non pas mesmes Monsieur vostre frère. Or , comme je dis, ces gentils-hommes qui auront cet honneur de tenir leurs charges de vous en ceste sorte , s'en sentiront beaucoup plus honnorez. Sire, vous devez plus désirer d'accomplir ces choses et y tenir Toeil , qu'à tout le reste qui dépend de l'art militaire ; car tout ce qui consiste en la guerre , soit le bien ou le mal , dépend du choix que vous faites de ceux qui ont le commandement.

.Te ne parleray point icy des généraux de la cavalerie ny des colonels de l'infanterie, par-ce que ce sont deux estats qui se doivent donner aux princes ou grands seigneurs, et encores qu'ils soient jeunes et peu expérimentez, cela n'importe, pourveu que le maistre de camp soit bien expérimenté. Faisant cela , vous verrez en peu de temps la confusion qui est parmy vos gens de guerre perdue , et l'ancienne splendeur et beauté de vos compagnies de gens d'armes remise. Une chose voy-je, que nous perdons fort l'usage de nos lances , soit à faute de bons chevaux , dont il semble que la race se perde , ou pour n'y estre pas si propres que nos prédécesseurs ; et voy bien que nous les laissons pour prendre lespistolles des Allemans: aussiavecces armes peut on mieux combattre en host (2) qu'avec les lances, car si on ne combat en baye, les lanciers s'embarrassentplus, et le combat en baye n'est pas si asseuré qu'en host.

Pour retourner à mon discours, vous cognoistrez , Sire , que tous ceux qui désirent s'advancer par les armes s'estudierontd'estre mis sur le bureau de l'examen . et me semble que ce seroit bien et sagement faict à vostre Majesté de mettre en roolle. selon vos provinces, les gens de valleur dont vous entendez parler , et leurs qualitez, afin qu'advenant vacation de quelque charge , vous y puissiez pourvoir et vous ressouvenir d'eux. Ceux qui sçauront ((u'ils seront dans vostre roolle prendront cœur et s'esvertucront pour vous faire quelque service , et les

OOMMENTAII'.ES liK HLAISE l)K MOATLIC. [lôTOJ

autres qui n\v seront pas s'exposeront à mil dangers pour y estremis. Vous devez appcller ce livre le livre d'honneur. Et quandvous entendrez parler de quelqu'un, après vous en estre bien informé, vous devez dire tout haut qu'il faut qu'il soit rais dans vostre roolle. Ainsi ay-je ouy dire en ma jeunesse avoir fait le feu roy Louys douziesme, mesmes des gens de justice. Vacant l'estat de juge mage d'Agenois, qui est une belle charge et honnorable , il se ressouvint qu'un bon clerc luy avoit fait une belle harangue à Orléans, le nom duquel il avoit mis en son rollet, et luy envoya ledit estât en pur don : il faisoit le mesme en toutes autres charges. J'ay veu praticquer le mesme à ce grand Odet de Foix, sous lequel j'ay fait mon apprentissage ; il sçavoit le nom de tous les capitaines et personnes remarquables, et quand quelqu'un avoit fait quelque acte signalé, ilescrivoit son nom.

Mais , Sire , vous devez souvent fueilleter ce livre , et aussi ne vous contenter pas de les y avoir mis , ains les employer et leur faire du bien selon leur degré et mérite , les accourager par quelque gracieuse parolle , ou si c'est quelque pauvre gentil-homme, luy donner de l'argent. Si vous le faites de vostre main, cinq cens escus seront prins de meilleure part que deux rail par vos thresoriers , car quelque chose leur demeure tousjours dans les pattes. Une fois le roy Henry vostre père , mon bon maistre, que Dieu pardoint , m' avoit donné deux mil escus; eeluy qui me les devoit bailler n'eut pas de honte de m'en retenir cinq cens , mais il trouva un Gascon qui n'avoit pas accoustumé ce tour de baston ; il sceutque je m'en voulois plaindre au Roy ; il eut plus de joye de me les faire prendre que je n'eus de les recevoir. Si vous donnez de ^'ostre main , toutes ces pilloteries ne se feront pas. Du temps du Roy vostre ayeul on disoit que son prédécesseur en faisoit ainsi , et avoit dans son coffre force bourses dans lesquelles il avoit des escus, en l'une plus, en l'autre moins , et les distribuoit selon la qualité de ceux qui luy faisoient service. Je scay bien que l'on vous dira que cela n'est pas digne d'un roy ; ne le croyez pas : ce sont des gens qui veulent avoir toute la paste entre leurs mains. Une chose vous veuxje dire. Sire, que vous ne devez pas tout donner à un ou à peu de gens ; vostre Majesté me pardonnera : elle a donné à un gentilhomme de la Guyenne (l) ce dequoy elle eust peut contenter cinquante : je ne veux pas dire qu'il ne fust brave et vaillant, mais il en y avoit qui le me-

(I) Jacques de Balaguier , baron de Monsalès. ^2) Hem-i IIL , alors duc d'Anjou.