OIS DE RABUTIN

ses; de laquelle aussi tous les fonde mens sont faits, et le dessus de bricque. Au dessoubs est environné de belles et spacieuses galeries et promenoirs; dessus y a plusieurs grandes salles propres et merveilleusement bien accommodées de chambres et d'une triomphante chapelle, qui prend la clarté devers la ville. Au dehors vers septentrion, tcnoient ces deux tours rondes, qui furent à coups d'artillerie démolieset ruinées jusques aux fondemens, et au bas y avoit unecourtine ou faulse braye , flanquée de torrions , qui fut presque toute sapée et abbatue . A la racine de ce gros rocher, le long de la rivière , est la ville bien bastie et ornée d'édifices, d'assiette propre pour y amener toute sorte de marchandises , mesmement cuivre, airain, et toute fonte de rosette. De l'autre part de la rivière, l'espace, d'environ deux cens pas, est la ville de Bovines, quin'estde beaucoup moindre que Disnan , de la comté de Namur, et se trouve qu'anciennement ces deux villes se faisoient la guerre guerroyable ; celle de Disnan tenant le party de La Marche , qui estoit pour France , et celle de Bovines celuy de Bourgongne.

Je ne me puis tenir de dire et plaindre le tort que ceste ville de Disnan , neutre avec tout le pays de Lièges, s'est fait délaissant sa neutralité pour, à l'appétit et instigation de leur evesque, oncle de l'Empereur, s'assujettir à un particulier, qui, ainsi qu'on dit, par violence et par tyrannie, a usurpé l'evesché de Lièges à l'abbé de Beaulieu, auquel son oncle susdit l'avoit resigné. Et peult-on veoir combien grande fut l'humanité et douceur du Roy, qui ne voulut ({u'on destruisist et bruslast la ville de Disnan comme Bovines, eu esgard à la subjection en laquelle le chasteau de la ville mesme la tenoit, qui encore luy commandoit, dont au plus beau et fort endroit fut par sa faulte sapé et abbatu, pour à jamais estre exemple que les terres neutres, spécialement de l'Eglise, ue doivent estre partiales, et adhérer plus à l'un qu'à l'autre.

Cependant que ces deux armées estoient arrestées à l'entour de Bovines et Disnan, celle du prince de La Roche- sur- Yon , faisant merveilleusement au pays d'Artois , fut par quelques jours ca vallée (1) par un nombre de Flamens qui la costoyoieut et suivoient pour tousjours interrompre son dessein. De quoy ce prince adverty, et des brisées qu'ils tcnoient entre Arras et Bapaume , leur dressa une partie si à poinct, que, les ayant enveloppez sur le chemin, les chargea de telle sorte qu'il y en demeura plus de deux cens des leurs ; et furent amenez pri-

(Ij loquictée par uu corps de cavalerie.

sonniers de leurs priacipaux chefs , le seigneur de Fama, gouverneur de la citadelle de Cambray, et son lieutenant, et un grand seigneur de la chambre de l'Empereur, nommé le seigneur de Varluset, capitaine de chevaux légers. Et dit-on que, sans un bon cheval sur lequel estoit monté le sieur de Haulslmont, gouverneur de Bapaulme, il estoit en danger d"y demeurer avec eux, et leur tenir compagnie. Deux cornettes de leur cavalerie y furent desfaittes et prises : lesquelles mondit seigneur envoya au Roy en ce lieu , pour plus l'asseurer de l'avantage qu'il avoit eu sur les ennemis.

Le quinzième de ce mois de juillet, plusieurs marchans françois , qui avoient , par la rivière , amené vivres en nostre camp, après les avoir venduz, remontans à Mesieres avec leurs bateaux chargez de butins et d'aucuns soldats et capitaines Sarragosse, Gourdes et la Molle, blessez es assaulfs desdites villes, furent rencontrez par les Bourguignons assez près des ports de Givets; et, lesayans contraints de venir à bord, partie tuèrent et partie emmenèrent prisonniers, entre lesquels estoient ces trois capitaiues, ausquels feirent bonne guerre et gracieux traittement, et les renvoyèrent sur leur foy. Au partir de là, advertiz qu'à Givets estoient quelques compagnies de noz Anglois et Escossois, à l'improuveu les allèrent surprendre et contraignirent se retirer eu une maison assez tenable , dont emmenèrent quatre -vingt et six de leurs chevaux.

L'Empereur, qui estoit à Bruxelles, assez près de nous , adverty de toutes ces choses , et que le commun bruit de nostre camp estoit au partir de Disnan d'aller assiéger Namur, feit premier loger dedans la ville tant de soldats qu'il veit y estre de besoing, la sçachant autrement peu fortifiée d'autres fortifications artificielles, et qu'à telles grandes villes, comme il faut grand nombre d'hommes pour les assaillir, aussi y est requise une grande et soigneuse diligence pour leur défense. Voyant aussi toutes les communes du plat pais esmeuës et esperduës , de sorte que tout estoit abandonné , envoya d'autre part le duc de Savoy e, son nepveu et lieutenant gênerai, avec tant de soldats qu'il peust recouvrer, pour promptement se parquer à costé de ceste ville, en un lieu appelle Givelou, entre les deux rivières de Meuse et Sambre, et feit serrer et amasser son armée en extrême diligence, ayant mandé soldats luy estre amenez de tous endroits de ses pais. Sitost que ce prince se fut fortifié en ce lieu, il escarta sa . cavallerie sur le chemin , d'où pensoieut que vivres nous pouvoient venir, tant pour nous affoi-

blir et donner occasion de nous retirer, que pour prendre langue et savoir nostre délibération ; faisant semer un bruit qui nous estoit rapporté par noz espions et prisonniers , que si nous adventurions de poulser plus oultre ou de passer la rivière de Sambre pour entrer dedans le pais de Hennault, sans faillir l'aurions en teste, délibéré de nous donner bataille : mais, ainsi que depuis a esté veu , le Roy n'estoit point entré si avant dedans les terres de son ennemy, pour s'en retourner sans passer plus oultre ; et , laissant le chemin de Namur, conclud de passer la rivière de Sambre et de brusler et destruire le pais de Hennault, où desiroit grandement trouver son ennemy, et venir si, en luy défendant le passage de la rivière, le combattroit, comme de long-temps l'avoit menasse. Donc estans de retour ceux qui estoient allez recognoistre les lieux et chemin que l'armée devoit suivre ; après avoir renvoyé le sieur de Bordillon avec sa compagnie pour retourner devers Mesieres faire retirer aucuns Bourguignons qui brusloient quelques villages là autour, le Roy leva son armée de ce lieu le lundy, seizième de juillet, pour continuer sa susdite délibération. Sçachant toutefois la difficulté de pouvoir recouvrer vivres , et que les ennemis mesmes les avoient retirez dedans les vilies fortes, et rompu et ruiné tous les fours et moulins, advisa d'advertir toutes les compagnies faire provision de tant de vivres que leur seroit possible ; et en feit -on tant qu'on peust charger les chariots de munitions : estant demeuré M. de Nevers sur le bord de Meuse, tant pour faire distribuer le surplus des munilions, que pour attendre la démolition duchasteau de Disnan, et de tous les autres petits forts de l'environ; d'où partit le mercredy dixhuictieme dudit mois, et alla retrouver le Roy en un village appelle Storne, auquel y avoit une assez belle maison d'un gentilhomme, qui y fut par nostre cavallerie légère surpris, voulant disner. Le lendemain, au desloger, le feu y fut mis, et par tous les villages circonvoisins ; et devions ce jour trouver le duc de Savoye sur la rive de Sambre, qu'on disoit avoir délibéré nous empescher de passer ceste rivière : et jà estoient les capitaines et soldats advertiz de ce qu'ils dévoient faire, se préparant un chacun d'employer toute sa force à se faire chemin, nous estant osté tout espoir et moyen de fuir, pour estre enclos entre deux rivières. Donc toute l'armée marcha en bataille droit à ceste rivière ; et noz coureurs ayans donnéjMsques sur le bord, ne trouvèrent un seul homme qui leur feist résistance, et passèrent librement oultre ; que toute la cavallerie légère peu après suyvit, puis la fanterie et gen-

COMMENTAIRES DE FRAISnOlS DE KVBUTIIN. [1554]

darmei-ie, saus perte d'un vallet, si ce ne fut par autre accident : et sceusmes nous depuis que les ennemis se contonoient lors bien serrez dedans leur fort, et au lieu de nous venir chercher s'y estoient en diligence renfermez et fortifiez avec grandes tranchées. Toutefois ce soir furent descouvertes aucunes troupes de leur cavallerie, qui tost seremeirent dedans les bois, ajans apcrceu certaines compagnies des nostres qui les vouloient accoster. Ainsi demeura abusé le pauvre populaire de l'autre part de la rivière de Sambre, se confiant que leur armée ne nous permettroit la traverser sans estre combattuz : et fut une grande partie surpris dans les maisons, avec gros nombre de bestail et divers meubles, non sans grande pitié, estant tout ce plat pays mis en feu et proye, mesmement une petite ville appellée Forces , au comte d'Assebaiz. Ce soir nouscampasmes au-deçà de ceste rivière, en un tailliz, où estoit l'armée bien serrée et unie; car n'estions lors qu'à une lieuë et demie de noz ennemiz.

Le lendemain, vingtième de ce mois, l'armée françoise commença faiie son entrée dedans le pays de Hennault , si furieusement , qu'estant ruinée et mise à perdition toute la contrée, brusloit et destruisoit tous les bourgs , chasteaux et villages, et sans qu'il y en eust un seul qui osast faire résistance, fuyant tout le populaire la rencontre de ceste horrible furie, qui fut continuée jusques au vespre , que nous campasmes en un village appelle Jumets; auquel y avoit deux chasteaux, et fut dit dedans l'un avoir longuement séjourné un capitaine de l'Empereur, le quel s'y estoit logé avec quelque cavallerie pour rompre nos vivres ; mais, avoir sceu nostre venue , à bonne heure en estoit deslogé. Ces chasteaux furent es plus forts endroits demoliz et ruinez.

En ce lieu le Roy feit un acte d'un vertueux et très-chrestien prince; car, luy estant rapporté par le guidon de la compngnie de M. de ISevers qu'une pau^re femme, son hôtesse, avoit accouché d'un beau fils, luy-mesme voulut estre le parrain, et le porter surles fons de baptesme, le nommant de son nom HKxnv. et fut baptisé par M. le reverendissime cardinal de Lorraine. Je ne puis asseurer du présent que Sa Majesté luy feit, seulement je sçny et vey qu'à la porte du logis fut escrit que c'cstoit la maison où le Roy avoit chrestienné l'enfant à ce qu'elle ne fust destruite et ruinée. Ceste nuict, le comte Rocdolphc avec ses pistoliiers , son régiment d'AIIemans, la compagnie de M. le duc de bouillon, et deux moyennes pièces d'arlillerie de campagne, entreprit d'aller surprendre la petite

ville de Nivelle, première ville de Braban : toutefois, la trouvant mieux munie de gens de guerre que ne pensoit, retourna saus faire autre chose que brusier les faulxbourgs et villages de l'environ, dont amena un grand butin.

Au desloger de ce lieu , continuasmes le chemin droit à Bains, l'une des principalles villes de Hennault , laissant tousjours après nous, pour noz brisées , feux , flammes, fumées et toute calamité ; lesquelles suyvoit le duc deSavoye avec l'armée impériale de logis en logis, dressant sur nostre queue toutes les alarmes qu'il pouvoit pour nous ennuyer et afi'oiblir ; estant , comme je croy , luy-mesme assez ennuyé d'ouyr et veoir les plaintes de ce misérable populaire ainsi destruit et ruiné, auquel ne pouvoit donner autre consolation , sinon de leur dire que nous fuions devant luy, et qu'il nous suyvoit pour les venger ; mais ce mesme jour nous feismes apertement cognoistre le contraire ; car ce soir toute nostre armée alla camper à l'entour de Bains, et là furent allumez des feux encore plus grands que les premiers, pour y estre enflammez et embrasez des plus beaux chasteaux et maisons des gentilhommes qu'on pourroit bastir n'édifier. Entre autres fut mis le feu en la magnifique maison de Marimont, construitte curieusement pour le singulier plaisir et délectation de la reyne Marie, appropriée de tant de singularitez qu'il est possible de penser, tfn autre excellent chasteau, appelle Trageny, fut bruslé, et la pluspart ruiné, où furent trouvez divers meubles et riches accoustremens , tant d'hommes que de femmes. Ainsi fut fait de plusieurs autres , lesquels nommer ne seroit que remplissage de papier , et ennuy à ceux qui le liroient ; et n'eu puis escrire qu'avec grand regret et compassion, voyant ainsi ruer jus et exterminer tant de beaux édifices.

Le jour ensuyvant, vingt-deuxième de juillet, festede saincte Magdaleine,la villede Bains, après avoir esté sommée, et ne s'estans voulu rendre , commença d' estre canonné fort furieusement , et d'autre sorte que lors que le sieur d'Allègre y perdit la vie; laquelle, après avoir enduré cinq ou six voilées de canon, se rendit à la mercy et miséricorde du Roy, qui, toutefois, commanda la destruire et brusier, se resentant encore de son cbasteau de Foulembray et villes de Picardie, que la reyne Marie avoit fait auparavant mettre à feu et ruine pendant qu'il estoit en Allemagne. Autant en feit on de un trcs-beau et magnifl(|ue chasteau qu'elle y avoit fait nouvellement cslever, remply etaorné de toutes choses exquises, comme de plusieurs variétez de marbres, tableaux, peinctures plates et eslevées, statues, colonnes de toutes sortes, desquelles tou-

COMMENTAIRES DE FRANÇOIS DE RABliTIA. [l554]

tefois fut fait en peu de heures grand degast et destruction ; et le sieur de Blesse , qui en estoit gouverneur , fut amené prisonnier avec des plus apparens qui furent trouvez là-dedans et en la ville : usant le Roy de son accoustumée doulceur envers les femmes , jeunes filles et petits enfans, qu'il feit conduire et mettre en sauveté par un herauld et un trompette. Puis, ce matin mesme, fut envoyé le sieur de Giry , lieutenant de la compagnie de M. de Nevers, avec quatre autres compagnies de gendarmerie , pour tenir escorte à ceux qui meirent le feu par tout le chasteau du Reux, que le feu seigneur avoit fait rebastir et mieux maçonner que n'estoit quand la première fois fut bruslé , estant voulté depuis le bas jusques en haut : neantmoins qu'il fut beaucoup endommagé du feu qu'on y mit , et à tous les édifices circonvoisins; et furent ces choses parachevées en si peu de temps , que le jour mesme nostre armée passa une lieue plus avant, et campa ce soir en un village appelle Bains-soubs- Bains , où y avoit un grand nombre de pauvres captifs et prisonniers , tant de ceux qui y furent trouvez , que d'autres que les soldats amenèrent des autres lieux; desquels les despouilles furent après vendues à vil et petit prix, pour avoir et acheter vivres qui estoient fort chers : qui fut cause de diligenter nostre armée pour la mettre hors de ce pays.

Le lendemain , au partir de là , continuasmes tousjours legastdepisenpis, tenans le chemin devers une petite ville, maintenant appelléeBavets (1) fort antique, édifiée premièrement des Troyeiis,qui passèrent delà la forest de Mormault, la nommans du nom de leur prince Bavo (2), ores peu habitée , à laquelle, pour davantage la ruiner, fut mis le feu en divers endroits. L'armée impériale nous suy voit a donc de fort près, s' estant renforcée tant du secours des Allemans que le duc de Brunsvic avoit amenés avec deux mille reistres, qu'on appelle en françois pistoUiers, que pour y estre retirées toutes les garnisons que l'Empereur avoit departy es villes que nous laissions derrière nous. Parquoy estoit bien nécessaire que nostre armée tint un grand ordre et marchast en telle ordonnance, quelle fust tous- Jours preste pour combattre de lieu en auti-e , pour la doute qu'on avoit quel'ennemy vigilant, subtil et courageux où il sentiroit adyantage pour nous assaillir, ne laisseroit eschapper l'occasion. A quoyadvisant sagement M. le connestable , pour soustenir les charges et entreprises que les ennemis eussent peu dresser sur nostre

(i) Bavay.

(2) Origine fabuleuse dont personne n'est plus dupe.

queue , demeuroit ordinairement avec l'avantgarde , et deslogeoit tousjours le dernier. Ce soir nous campasmes entre ceste petite ville de Bavets et le Quesnoy , en un village appelle le Villey , où ne fusmes si tost descenduz des chevaux, que nous fallut remonter, encore que fussions grandement tourmentez de vents et grande abondance de pluyes , nous estans de tous costez données alarmes : dequoy ne se faut esmerveiller , veu que lors estions au milieu de cinq ou six villes des ennemis, grandes et fortes, et pleines de gens de guerre , savoir : Mons en Henaut , Avanes, Landrecy , Le Quesnoy , Valenciennes et Cambray , et l'armée impériale qui nous tallonnoit , et eust assailly , comme par un desespoir , ne fust la bonne et vigilante conduite de noz chefs et gouverneurs , s'estans desjà les ennemis adventurezjusques à vouloir en plein jour forcer nostre guet , ayans surpris une des sentinelles de la compagnie de M. de Tavanes. Toutefois n'osèrent enfoncer plus avant , et furent deslors que les apperceusmes, rembarrez accortement jusques dedans Le Quesnoy , ou ce soir mesme nostre cavallerie légère escarmoucha longuement de grande hardiesse et dextérité , qui fut cause de les faire contenir et nous donner quelque peu de repos le surplus de ceste nuict. Nous campasmes le lendemain deçà Le Quesnoy en un fort beau et gros village appelle Souleine, et, au partir de là, y mismes le feu, comme aussi par toute ceste contrée. Entre autres y fut bruslé et destruit le beau bourg et chasteau de Goumigny.

Le lendemain vingt-quatriesme de ce mois, les ennemis , comme désespérez pour nous veoir à leur présence destruire et fouidroyer leur pays sans doute de leur suyte ne crainte d' estre affamez , proposèrent nous appareiller une charge à la faveur du temps pluvieux et couvert de brouillarts, cognoissans aussi qu'avions à passer deux assez fascheux ruisseaux , qui s'estoient ceste nuict enflez , où esperoient nous retarder et mettre en tel desordre, qu'ils auroientbon marché de nous. Ainsi toutes les compagnies et garnisons de leurs grosses villes , qu'avions laissé derrière nous , reunies ensemble , feirent partir en deux troupes environ quatre mille chevaux de leur cavallerie la plus dispose que peurent choisir , et embusquèrent partie dedans quelques bois sur le chemin , partie dedans certains villages prochains , selon la commodité qu'ils avoient pour le soustenement des uns et des autres , demeurant le duc de Savoye plus en arrière avec quatre ou cinq mille autres chevaux et quelque nombre de gens de pied , et avoit laissé à la campagne près de quatre ou cinq cens cou-

leurs pour attirer noz chevaux légers , par lesquels ayans esté premièrement descouverts , par M. d'Aumale en fut donné advis à M. le mareschal de Saint-André , qui estoit demeuré sur la queue avec deux régiments de gendarmerie, pour sçavoir s'il seroit bon de les charger ; lequel luy renvoya qu'il n'estoit de ceste opinion, se doutant de plus grande suitte. Parquoy furent envoyez les sieurs Paule Baptiste et le capitaine Lancque pour les recognoistre de plus près, qui feirent rapport , chacun de son costé, avoir descouvert deux autres troupes , chacune de deux mille chevaux ; lesquels peu après que le temps se fat mieux esdarcy, d'eux-mesmcs se descouvrirent pleinement et de si près, qu'ils attaquèrent l'escarmouche avec nostre cavallerie légère assez près de nostre camp , sans toutefois oser aborder à bon escient les autres rangs de nostre cavallerie , ne de la gendarmerie , qui leur feirent assez longuement teste . et à leur veuëse retirèrent et passèrent ce dernier ruisseau , dont s'en retournèrent les ennemis, sans reporter l'honneur d'avoir eu aucun advantage sur nous. Le régiment de M. de Nevers adonc avoit esté en^"oyé dautre costé où furent desfaits quelquesuns de leurs coureurs qui emmeuoient grand nombre de bagages, lesquels furent en partie recouverts. Nous campasmes ce soir eu un village qui, l'année précédente, avoit esté bruslé, appelle Vielly , le pire logis que nous ayons fait tout le long du voyage, s'estant lapluye renforcée , qui dura toute ceste nuict, et nous contraignit de laisser et abandonner par les chemins, chariots, chevaux et tous autres bagages.

Ce jour mesme , un trompette que M. de Nevers avoit envoyé au camp de l'Empereur pour seavoir nouvelles d'un homme d'armes de sa compagnie , nommé le seigneur de Ghellé, en retourna presque tout nud, et devallisé par aucuns soldats ennemis, téméraires et peu expérimentez au faii de la guerre. Mais à l'instant fut renvoyé en ce mesme estât, avec un trompette deBourgongne, qui avoit charge du Roy de dire au duc de Savoye, lieutenant-genrral de l'Empereur, que si doresnavant vouloit user d'une telle façon, et que toutes les libertez de la guerre fussent abolies, il feroit le semblable aux siens. Ce qu'entendu par ce généreux prince , en fut grandement fasché , et soudain feit diligemment chercher par tout son camp ceux qui avoient commis un si lascheet poltron acte , pour en faire punition exemplaire, et après avoir recouvert les bardes et cheval de ce trompette , et l'avoir récompensé des autres choses qui luy avoient esté ostées, le feitseurement reconduire par le sien. Ce soir aussi sesleva un grand murmure, qu'un

trompette bourguignon, venant chercher de leurs prisonniers en nostre camp, avoit dit à M. le connestable qu'au leur on tenoit asseuré que nous fuyons devant eux , et se vantoit leur gênerai que, si le voulions attendre vingt-quatre heures seulement , qu'il nous donneroit la bataille. Auquel fut faite response qu'ils u'avoient cause d'estre si presumptueux , et d'usurper si légèrement telle gloire , leur ayant esté présentée assez de fois l'occasion de combattre s'ils en eussent eu envie ; nonobstant que, si leur prince en avoit si grand désir, demandant si peu de temps , il l'asseuroit de la part du Roy qu'on l'attendroit vingt-quatre heures entières, et non plus longuement, pouree que nostre armée estoit jà foi t harassée, et avoit faute de vivres, ou s'il vouloit le venir trouver près de Cambray , qu'il s'asseurast qu'on luy attendroit huict jours entiers où ne luy seroit refusée la bataille.

Et pensois-je qu'on doutast que telle fust la délibération de l'ennemy pour le séjour que nous feismes en ce mesme lieu tout le lendemain, nonobstant la nécessité qu'avions de vivres ; aussi qu'on alla visiter et recognoistre les lieux les plus commodes pour y loger les bataillons avec toute la gendarmerie ; mais nous cogneusmes puis après que les Impériaux u'estoient en telle volonté qu'ils nous faisoient meuasser , s'estans retirez en leur premier logis près de Bavets. Et nous, au partir de là, vinsmes d'une traittejusques à Crevecueur près de Cambray, où les ennemis avoient délibéré de fortifier et remparer le chasteau, et commencé desjà à faire quelques tranchées , et conduits pour esgouster l'eau afin d'y asseoir les fondemens , que ce jour mesme , le vingt-sixième de juillet, noz vastadours commencèrent à demollir , et fut renouvellée la première playe des misérables Cambresiens, qui avoient desjà reddressé et rebasty aucunes petites logettes pour se mettre seulement à couvert , estimans que de long temps ne leur adviendroit une si grande ruine et infortune , et avoient resemé selon leur petite puissance une partie de leurs champs , pour avoir dequoy se nourrir et alimenter , et éviter la famine ; et ne croy que les plus riches et opulents \ bien qu'ils se fussent avec leurs meilleurs meubles retirez dedans les villes fortes] ayent esté exempts de toutes ces pertes et adversitez ; car. quand le subject est pauvre et affligé , le seigneur n'améliore ny enricbist en rien. Or cependant qu'en ce plat pays on faisoit le degast des bleds ja meurs et prests àc^tremoissonnez, journellement estoicnt faites plusieurs braves sorties et escarmouches de ceux de Cambray et des nostres , faisant la citadelle troubler et obscurcir l'air des coups de ca-

non qu'elle tiroit sur les François , sans toutefois faire meurtre de personnederenom,etsefaisoient tant seulemeut pour , par tous moyens à eux possibles, empescher de consommer et mettre à perdition leurs fruicts et vivres. Nonobstant, le plus souvent estoient repoulsez et rembarrez jusques dedans les portes de leur ville ; et continuèrent ces entremeslées l'espace de huict jours que nous y demeurasmes campez.

L'armée impériale , au lieu de nous aborder et combattre , s'estoit lors parquée et fortifiée en un lieu appelle Arcon, entre Carabray, Le Quesnoy et Yalenciennes , sur la petite rivière du Moutet , qui vient devers Chasteau-Cambresis , et s'assemble plus bas à celle de Lescau ; et faisoit tous les jours maintes courses pour empescher les chemins et coupper noz vivres. A quoy advisant, M. le prince de La Roche-Suryon se vint en ce lieu avec sou armée joindre à la nostre , amenant grand secours de soldats et grande quantité de vivres, desquels avions aussi grande nécessité.

Le dix-neufiesme de juillet , en une spacieuse campagne, entre Crevecueur et Cambray , fut faite la monstre generalle de toute la gendarmerie et cavallerie françoise , et la voulut le Roy adviser assez long-temps, recevant un incredible plaisir et contentement pour se veoir suivy et défendu par une si grande et courageuse noblesse, soubs laquelle sembloit que toute la terre tremblast et s'humiliast ; et croy que ceux de Cambray estoient en doute de veoir toute ceste campagne couverte d'une si grande et furieuse armée , et pensoient , ainsi que nous a esté rapporté, que nous deslogions et estions là attendaus que nos gens de pied et cariages eussent gagné advantage et passé la rivière, car, estans aucunes compagnies de nostre cavallerie légère à la garde et descouverte , renvoyèrent faire rapport qu'ils avoient descouvert près de quatre à cinq mille chevaux, et grand nombre de gens de pied, et leur sembloit que tout le camp de l'Empereur marchoit , tenant le chemin pour venir devers Cambray. Dont aussi tost que fusmes au logis , et eusmes posé les armes , de main en main on nous advertit de nous tenir prests, et mettre en devoir de recevoir la bataille , qui ce jour asseurément nous seroit donnée. Et estoit tout le conseil d'opinion que les devions plustost combattre à la campaigne , que leur permettre et donner loisir de se venir fortifier si près de nous , avec l'ayde et secours de ceste grosse ville, et qu'autant de mal nous en pourroit advenir comme aux Protestans de toute la Germanie devant Inghlistat (1). Pourtant M. d'Aumalle soudain remonta

{\) Tngoltadt,

à cheval avec la cavallerie légère à ce qu'il s'asseurast mieux de la vérité, et trouva que l'armée impériale s'estoit remuée en délibération de venir camper auprès de Cambray , mais que l'Empereur, ayant sceu que bougions de là, craignant d'estre mis en contrainte de combattre à sou grand desavantage , se logea en un autre lieu, prochain du premier , appelle La Neuville, qu'il feit soudainement renforcer de tranchées du costé qu'il n'estoit flanqué de la rivière. Ceste nuict, par diverses fois , furent envoyées quelques compagnies de cavallerie légère , et celle de gendarmes de M. l'Admirai , pour les tenir dedans leur fort en continuelles allarmes jusques au poinct du jour du lendemain , que M. le connestable , avec la pluspart de la gendarmerie de Tadvantgarde, et deux régimens de fanterie françoise , alla de près recognoistre et veoir s'il y auroit moyen de les forcer dedans leur fort, ou de les attirer et donner occasion de sortir ; mais il trouva cela fort difficile pour estre ce lieu de deux eostez encloz de la rivière, et aux autres bien fortifié et relevé de tranchées. Vray est qu'en s'en retournant s'apperceutde quelques vieilles tours, où aucuns des ennemis s'estoient logez deçà leur camp , tant pour faire guet que pour endommager nos fourrageurs; dont fut arresté ce jour mesme d'y mener le canon et les battre , et, par ce moyen , inciter l'Empereur de sortir pour les garder et défendre; et depuis fut rapporté qu'ils les avoient quittées , et s'estoient retirez dedans leur fort. Dont ce fut la troisième fois que nous pensions en ce voyage avoir la bataille; et croy que, si l'Empereur eust été eu aussi grande volonté de la recevoh* que le Roy estoit de la luy donner , nous ne fussions passez plus oultre. Toutefois, pour luy présenter toutes les occasions desquelles se pouvoit adviser, aussi qu'on doutoit la descente des Anglois au pays de Boulonnois , estant jà parfait le mariage du roy d'Espagne et de leur royne , le Roy délibéra faire acheminer son armée cette part, ou, selon que la commodité se presenteroit , assiegeroit une des places de son eanemy . à ce que , s'il se mettoit en campagne , et faisoit effort pour la vouloir secourir, l'Empereur fust contraint de le combattre.

Ayans donc séjourné quelques jours à Crevecueur, près de Cambray , le deuxième d'aoust en partismes , et , ce jour mesme , vinsmes camper à Ondrecourt près Le Castelet ; de quoy l' Empereur adverty, leva aussi son armée de La Neuville, et prenant le chemin vers Arras, s'alla parquer en un lieu appelle Marteau; puis, le jour ensuyvant , allasmes à Mornencourt , à deux lieues près de Peronne , et le lendemain

COMMENTAIRES DE FRANÇOIS DE R A BUTIN. [ir)54j

passasmes devant Bapaulme , où fusmes saluez d'infinis coups de canon : toutefois oostre armée n'y séjourna longuement, pour l'incommodité que nous avions d'y pouvoir recouvrer eauë , et escarnioucherent seulement noz chevaux légers quelque temps devant cette place , pendant que loute l'armée devalloit pour camper ce soir le long de ceste petite rivière , au dessoubs de Miraumont, d'où partismes le lendemain, tenans le chemin à main droite, le long de la lisière de la comté d'Artois , où peusmes veoir à l'œil le merveilleux degast que l'armée du prince de La Roche-sur-^'on y avoit fait , plusieurs beaux chasteaux et villages encore fumans , les bleds et fruicts de la terre abandonnez et mis à perdition; qui sont les misères et calamitez que les guerres et dissensions entre les grands princes apportent au pauvre peuple. Ce soir, cinquième d'aoust, campasmes à Paz en Artois , où quelque cavallerie de la garnison d'Arras , suyvant le pays couvert, et les bois qui sont entre deux, entreprint de voiler quelques butins sur nostre queue ; laquelle , rencontrée par nostre cavallerie augloise et escossoise , fut desfaite , et la pluspart de leurs soldats mis à pied , et autres amenez prisonniers , dont fut recompensée la perte de Givetz. Le degast fut poursuivy et continué jusques auprès de l'abbaye de Cercamp , où commence la comté de Sainct Paul. Là sejournasmes deux jours pour beaucoup de raisons , principalement pource qu'on avoit délibéré et résolu d'assiéger le chasteau de Rantj^ M. de Vandosme partit de ce lieu avec gendarmerie , cavallerie et bon nombre de gens de pied, avec quelque artillerie, pour aller devant le sommer , aussi pour scavoir s'il y auroit gensdedans celuy de Foquemberge , qu'il déliberoit forcer avec tous les autres petits forts de l'environ , pour cause aussi de faire amener plus grand nombre d'artillerie , estant là nostre partie esventée et démontée, et beaucoup de pouidres et munitions consumées devant les villes et chasteaux qu'on avoit prins.

Le huictieme d'aoust, au départir de Fervan, près ceste abbaye de Cercamp , traversasmes toute la comté de Sainct Paul , laissans Dorlau et Hedin à main gauche , et Teroenne à la droite ; et , le jour ensuyvant , vinsmes camper à Fruges, où , dès ce soir, fut de rechef sommé le chasteau de Ranty , et response faite par le chef qui estoit leans qu'il ne le rendroit jamais , s'asseurant du secours qu'en bref l'Empereur luy ameneroit. Lequel estant asseuré de la venue du Roy en ce lieu, et du voulou* qu'il avoit de luy donner un merveilleux assault , tant pource que ce fort est grandement préjudiciable au

comté de Coulonnois, que pour essayer s'il sehazarderoit de le combattre et chasser hors de son pays, estoit parti d'Arras, où avoit fait la reveuë et monstre de toutes ses forces , avec lesquelles s'estoit approché de nous jusques à Teroenne le vendredy au soir. Mais le Roy , cognoissant sa délibération estre d'aller occuper l'autre costé de la rivière , lieu fort , à raison de la longueur et largeur des bois quis'estendent bien avant dedans ces pays , desquels luy pourroit venir tout secours , tant de vivres , soldats . que toutes autres munitions , et que , s'estant là fortifié à nostre présence, pourroit ordinairement secourir etrenforcer ce chasteau de gens et de vivres, et de tous costez coupper etempescher les nostres, ad visa, pour le plus seur , que M. le connestable avec favantgarde passeroit cette part , et se fortifieroit de tranchées , afin d'obvier et prévenir à toutes surprises , et pour coupper le chemin au secours qui pourroit estre envoyé pour se jetter là-dedans ; et furent faits ponts de batteaux sur ce petit ruisseau , à ce que plus facilement les deux camps se peussent secourir l'un l'autre, et estoit toute la cavallerie legerecampée à Foquemberge ; dont estoit tellement ce chasteau enveloppé , qu'un seul homme n'y eust sceu entrer sans estre descouvert. Ce neantmoins, pour mieux acertener l'Empereur de ce siège , on fit affûter sur le hault de la montagne , du costé de Montereul, quatre coulevrines pour commencer à battre les défenses, pendant qu'on faisoit avancer la grosse artillerie prinse et amenée des villes de dessus la rivière de Somme , qu'on amena un peu tard , et l'eusmes nous seulement le snmedy au soir, auquel à toute diligence et solicitude furent faites les approches pour la mettre le lendemain en batterie , non sans y estre tirées infinies harquebusades , dont y fut blessé le capitaine Vauguedemars, lun des plus anciens et expérimentez capitaines des vieilles enseignes.

Il est vraysemblable que l'Empereur lors estoit en grand doute et pensement, pour se veoir hors de tout moyen et espoir de pouvoir faire entrer un seul homme dedans ce chasteau, aussi qu'il cognoissoit avoir affaire à un roy très-puissant et magnanime , qui n'avoit entrepris telle besongne sans estre certain et bien asseuré de ses forces; mais à la fin le regret et honte qu'il avoit de laisser ainsi destruire et ruiner son pais, et devant ses yeux prendre et forcer ceste place, se meslerent tellement ensemble, que, se faisant ennemy de sa peur, résolut tenter fortune, et faire tousses efforts , quoy qu'il en peust advenir , pour la secourir et garder. Pourtant ce jour mesme vint camper une lieue près de nous, neantmoins que pour cela nostre artillerie ne

COMMENTAIRES DE FRANÇOIS BE BABUTIN. [i',ril\

cessa de battre ce chasteau furieusement par deux endroits , sçavoir ; celuy de M. !e connestable , et celuy du Roy , jusques sur le bord du fossé , qui battoit un boulevert à main gauche, et une tour ronde dedans le donjon à la droite : on tiroit aussi du bault de la montagne , un peu au dessoubs du camp des Suisses, avec quatre coulevrines , pour rompre les défenses ; et ne fault douter que ce chasteau ne fust en peu de temps autant impétueusement battu et canonné que fut jamais place ; qui molestoit et animoit tellement l'Empereur, qu'il délibéra, pour nous lever de là , s'approcher encore plus près , et se vint loger sur le hault eu la plaine d'une montagne , entre un petit village appelle Marque, et celuy de Foquemberge , où y avoit un grand vallon , large d'environ cent cinquante pas , et pour le moins creux d'autant, qui faisoit séparation des deux armées , et la vallée d'un autre costé , où decourt le ruisseau qui fait un maretz, et abreuve ['environ de ce chasteau à main droite , et un bois à la gauche , entre eux et nous , au dessus de Foquemberge, appelle [ comme on m'a dit] le bois Guillaume , que l'Empereur délibéroit occuper pour puis nous empêcher de donner l'assault à ce chasteau, et nous contraindre à coups de canon , qu'il feroit tirer dans nostre camp , de desloger et abandonner la place.

M. de Guise , qui commandoit en la battaille, avoit toute cette nuict veillé, commeaussi avoient fait le prince de Ferrare, le duc de devers, l'Admirai et le mareschal de Sainct-André ; et s'asseurant que les ennemis ne faudroient de venir recognoistre ce bois pour s'y loger , y avoit mis environ trois cens harquebusiers qu'il avoit embusquez dedans aucuns petits cavins , et quelques corselets qui estoient à plain descouverts , afin que les ennemis , s'adressans premièrement à eux , se trouvassent enfermez et mieux à propos pour estre battus et tirez de noz harquebusiers , comme il advint ; car, peu après , approchant le poinct du jour , eut advertissement des sentinelles qu'ils avoient entendu grand bruit, et avoient descouvert quelques mèches d'harquebusiers ; que luy-mesme , ayant puis après entendu et apperceu , admonesta les nostres qu'ils ne se descouvrissent pour cela, jusques à ce qu'ils verroient leur portée bien asseurée, et sur cela se retira au corps de guet , qui estoit plus reculé en la plaine devers nostre camp. Bout tousjours s'acheminans les ennemis, et, avec criz, tiraus de loing harquebusades , entrèrent dedans ce bois, qu'ils suy voient, selon le rappportque leurs descouvreurs leur faisoient , tant avant , qu'ils furent enserrez dedans nostre ambusquade, que n'avoient encore descouvert : parquoy soudain