LIVRE INEUVIESME
Des préparatifs pour le renouvellement de la guerre d'entre le roy Philippes et le Roy. — Des sièges et prises de Sainct-Quentin , Han et le Castelet , et de la rencontre et routte des François , advenue le jour de Sainct-Laurent. — Ensemble de plusieurs choses depuis advenues et exécutées en ce temps, jusques au mois de janvier en cest an 1557.
[1557] Estant de nouveau la guerre criée et ouverte entre le roy de France et le roy Philippes en toutes les parties de l'Europe où leur puissance s'esteud , sur terre et sur mer, il ne fut pareillement question que de nouveau rechercher et inventer tous moyens pour recouvrer argent et amasser gens de guerre ; et en cela ne faut douter que tout le peuple en chacun Estât n'eust à grandement souffrir ; car, outre les imposts ordinaires où le populaire est contribuable, nouveaux subjects, taillons, emprunts particuliers , furent mis sus , avec une grande foule et surcharge. En quoy furent semblablement compris les ministres et beneficiers en l'Eglise, cottisezparampliation de décimes à Téquipollent du revenu de leursdits bénéfices. La noblesse et gendarmerie, retournant freschement de la guerre précédente, qui se promettoit avoir quelque peu de repos pour se remonter et mettre en équipage , et pour donner quelque ordre à leur mesnage et famille, fut derechef rappellée , tant pour comparoir aux rieresbans que pour se trouver es compagnies , esquelies plusieurs gentilshommes sont enrôliez. Commissions furent despeschées à plusieurs capitaines pour faire nouvelles levées de gens de pied, et pour remplir les vieilles bandes qui estoient es garnisons sur la frontière, combien qu'adouc toute la France estoit fort destituée de la pluspart des meilleurs et plus expérimentez soldats , pour avoir esté les compagnies d'eslite envoyées en ce voyage d'Italie, et le surplus avec grand nombre de la noble jeunesse l'avoir entrepris , tant pour l'espoir d'y voir diversité de choses que pour davantage s'exerciteraufaict des armes : ce qui retourna en après à nostre grande perte et dommage, comme depuis s'est veu. D'estrangers le Roy en feit peu venir de par deçà, seulement neuf ou dix mille Allemans, et huict cens ou mille pistolliers, que le Reingrave retira et amena. Le roy Philippes au contraire [comme j'ay quelque peu touché cy-devaut] avoit de longue main mis ordre et pourveu
à dresser ses forces autant belles et grosses qu'il luy estoit requis pour exécuter haute entreprise et esprouver sa première fortune pendant qu'elle luy en presentoit ample occasion , et sçachant bien la diminution de celles du Roy, à cause de ce voyage d'Italie ; mais ce fut si cautement , qu'avec longue difficulté et doute on n'en pouvoit estre adverty : et moins encore estoit sceu où il se vouloit adresser et qu'il oseroit attenter, d'autant que l'on presumoit qu'il seroit empesché à l'épondre de par-delà , où tous les efforts tendoient de toutes parts. Ainsi dès la fin du mois de janvier, ce qui estoit resté de gendarmerie eu France fut mandé [estant la plus prompte force que le Roy peult mettre soudainement aux champs] , et fut départie es endroits du royaume où l'on sentoit estre le besoing , et le long des frontières que l'on cognoissoit estre foibles , mesmement en Champagne , à cause que ce sont les advenues où le plus communément l'ennemy prend sa descente en France , aussi pour favoriser l'œuvre et fortification de la nouvelle ville de Rocroy que le Roy avoit fait commencer eu ce temps, pour servir de contrefort etappuy à Mariembourg et à Maubert-Fontaine , et pour de tant plus facilement mener des vivres de l'un à l'autre. Pareillement à toute diligence l'on faisoit remparer, fortifier et munir toutes les places de défense de ceste lisière , mesmement Mesieres , à faire relever la plate-forme et le pan de muraille derrière le chasteau, qui avoit prins coup et qui s'estoit avallé , rendant une entrée et ouverture facile , si de bonne heure n'y eust esté remédié. A quoy M. de Nevers, qui est en toute ceste province lieutenant gênerai pour le Roy, se rendoit tant vigilant et attentif , que , ne s'en voulant fier à tout autre , en vouloit estre luy mesme l'oculaire examinateur. M. deBordilloû , lieutenant aussi pour le Roy en l'absence de ce prince , n'y espargnoit rien de son accoustumée solicitude et prudente conduite ; de sorte 1 que depuis s'est veu comme l'ennemy, ayant co-
gnoissance du bon ordre qui y estoit , tourna son desseiog ailleurs , où il fut adverty que moins y avoit esté pourveu.
Tout le printemps et la pluspart de l'esté se passèrent sans qu'il y eust gros amas d'armée d'une part ny d'autre , et ne furent faites que courses et entreprises particulières les uns sur les autres, entre lesquelles je n'ay voulu oublier celle que les gouverneurs des forts de Philippeville et de Gharlemont, de Cimets et d'Avaoes, firent le jour de Pasqucsflories, quatrième jour d'avril , pour venir tailler en pièces les vastadours et manœuvres qui besougnoient à Rocroy , cuidans gaigner le vieil fort et ruiner ce qui estoit commencé de neuf, estant encor le rempart de deux à trois pieds hors de terre ; laquelle fut si secrette, que, sans que le fils du sieur de Chambry, qui en est gouverneur, en sceust aucunes nouvelles , se présentèrent en bien petite troupe assez près de ce fort; pourquoy les soldats de la garnison , pensans que ce fussent quelques coureurs seulement , sortirent à l'escarmouche , et tant expressément à la file , que peu en resta dedans ; si que la grosse troupe des ennemis , s'apercevant que ce que ce fort pouvoit contenir de soldats estoit hors, essaya de traverser et leur couper le chemin de leur retraite , ce que toutesfois ne peurent si tost faire , qu'estant cogncue leur délibération , les François y redoublèrent tellement leurs lorces , que , après avoir longuement combattu pesle mesle , rentrèrent et se retirèrent dedans à la barbe des ennemis, qui, par ce moyen , n'exécutèrent leur entreprise , et n'en remportèrent que force canonnades et harquebusades , et perte de beaucoup des leurs. Vray est qu'il y eut quelques pionniers des nostres tuez et blessez, et non en si grand nombre qu'ils en esperoîent faire carnage , à cause qu'il advint si bien que ce jour là ils faisoient leurs monstres et estoient empeschez à recevoir argent. Tant y a que ceste entreprise mal exécutée accreut encor la diligence à rendre ceste ville au plustost en défense ; de sorte que le prince le plus souvent n'en bougeoit, pour par sa présence solliciter chacun a la besongne : et quand les affaires l'appelloient ailleurs, il y commettoit personnes où il avoit grande fidélité et asseurance ; mesmement y envoya le sieur de Giry, lieutenant de sa compagnie, qui y fit assez long séjour, pendant qu'il donnoit ordre aux autres nécessitez de la frontière. Et pource que nous sommes encore sur cti propos, il m'a semblé estre bon de faire une brefve description de la situation et forme de ceste nouvelle ville , pour démonstrer que c'est un lieu bien propre pour y bastir une forteresse et place de guerre , autant belle , forte
et convenable que l'on en pourroit choisir. En premier lieu , l'assiette est stérile à plus de deux lieues au plus près , estant tous bois de hauUes futayes , marescageux et pleins de mortes ^ et aux lieux défrichez n'y croist que bruyères, ronces , genestes etmenuz tailliz , à cause que le terroir est argilleux et morveux es fondrières et plaines, comme en l'endroit où elle est située , et es autres lieux sont rochers durs et aspres , et maigres, où il n'y a aucune humidité, et n'y vient que du poUiot et de la mousse : ainsi il est impossible d'y pouvoir camper en gros nombre pour l'assiéger plus de vingt- quatre heures au plus, encor en y portant des vivres. Quant à la forme, elle est pentagone et à cinq fronts, couverte et défendue de quatre gros boule verts garnis de leurs flancs, cases-mattes et plates formes, et le vieil fort qui fait le cinquième, ayant chacun son nom particulier; àsçavoir : le Real, le Daulphiu , Montmorancy pour M. le connestable, Nevers et Bordillon. Etfault dire qu'ils sont si grands et spacieux , qu'aisément en chacun l'on pourroit loger au large plus de deux mille soldats et un grand nombre d'artillerie , chose bien requise en lieu de défense , pour la commodité que l'on a de se remparer et retrancher, et de n'estre pressé : au surplus les défenses y sont si seurement couvertes et hors de batterie , qu'il est impossible de les pouvoir oster, d'autant que les talons et espaules sont si grandes et larges et espesses, qu'elles couvrent mesmement grande partie des courtines. Et quant au rempart, le gazon et la terre est si argilleuse et gluante , comme j'ay dit , qu'à si peu d'eau qu'on luy fait boire elle se conroye et endurcit d'elle mesme. Or ceste ville a esté trouvée en toute chose si seure et commode à toutes les communes de ceste frontière , que dix fois autant de place qu'élitcontient n'eust peu suffire pour distribuer à la moitié de ceux qui demandoient lieu et permission d'y bastir; encor ceux à qui a esté permis s'y sont en si peu de temps accommodez et logez , qu'en brief l'on peult espérer d'y voir l'une des plus belles villes de ceste contrée; et croy, de ma part, que , estant parachevée selon son desseing et commencement, qu'il n'y aura point de comparaison , en toute sorte, de Mariembourg à elle.
Pendant le temps que ces deux princes preparoient leurs armées , et faisoient tout de\ oir de pardeçà de se pourvoir de deniers et tout équipage, l'un pour assaillir, et l'autre pour se défendre, le septième du mois de juin , la royne d'Angleterre , Marie , envoya par un herault d'armes signifier la guerre au Roy, et se déclairer son ennemie, luy estant à Reims avec toute sa Cour'
et grosse assemblée de princes et grands seigneurs. Auquel la Majesté mesmes , après lui avoir esté remonstré par M. le connestable de quelle douceur le Roy usoit envers luy, ayant mérité griefve punition d'avoir passé par son royaume sans sauf conduit, fit brefve et prompte réponse que , si sans occasion et cause , sa maistresse lui vouloit estre adversaire et ennemie, s' estant tousjours monstre aray et secourant aux Anglois en leurs adversitez et troubles, Dieu, juste examinateur de toutes choses , et équitable rétributeur, luy donueroit le moyen et pouvoir de se défendre d'elle, qui n'estoit qu'une femme, autant bien et heureusement que ses prédécesseurs avoient repoulsé et battu les siens, et avec autant d'avantage qu'il luy feroit la grâce d'en avoir sur elle. Puis le hérault ayant receu un honneste présent du Roy, et luy estant désigné certain temps pour se retirer, s'en retourna. Il est facile à croire que ce fut à la très-grande importunité et solicitation du roy Phiiippes que ceste déclaration et ouverture de guerre fut faite, d'autant que , peu de jours précédemment , et lors encor, l'on avoit sceu les partialitez et divisions qui estoient en Angleterre , pour la doute que la noblesse et toutes les communes de ce royaume avoientque leur nouveau roy, affoiblissant et diminuant leurs forces par les guerres, ne s'emparast tant plus facilement des forteresses , et parvint à la superintendance où il aspiroit, pour, en après, les chastier aigrement, et les matter et ranger à sa subjection volontaire. Toutefois ils n'ont sceu si constamment continuer en ceste sage et prudente opinion , comme nation variable , que , se laissans attirer et séduire avec vaines promesses et séductions, ont expérimenté l'arrogance et avaricieuse cupidité des Espagnols, et après resenti non moindre perte par les François , ainsi que cy-après sera dit. Dès ce temps venoient plus fréquentes nouvelles et advertissemens du grand amas que le roy Phiiippes dressoit, et du grand nombre d'hommes qui s'amassoit en tous les endroits de ses pays ; mesmement le bruit couroit par tout que l'Allemagne se remuoit fort , et qu'en diverses contrées se fciisoient diverses levées de gens de guerre, de cheval et de pied. De nostre costé pareillement les compagnies s'assembloient peu à peu aux lieux qui leur estoient nommez , et la fanterie semblablement estoit recueillie et retirée, mais non en si grand nombre, ny en tel équipage cju'ii s'est veu , pour beaucoup de causes. Davantage les Allemans, que le Reingrave avec grande difficulté tiroit d'Allemagne, se ramassoient à la file et en petites troupes en Lorraine ; et sembloit , pour en parler sans dissi-
mulation , veu le petit estât et assemblée que nous faisions , que nous fussions desjà tous asseurez de la puissance et délibération de nostre ennemy, et comme s'il ne fust question que de se garder et défendre , tant est oultrecuidée nostre nation, etcoustumiere de mespriser son ennemy, ce qui luy retourne bien souvent à grandhonte et perte irréparable. Peu de jours ensuivans , environ la my-juillet, l'on sceut que le prince de Piedmont, le duc d'Ascot, comtes de Mansfel, d'Aiguemont, de Maigne(l),de Rarlemont, estoient à Givetz pour y dresser camp , où desjà s'estoient jointes quelques compagnies d'Allemans, Namurrois , Liégeois et Walons, attendans là de brief le surplus du secours d'Allemagne, avec les ducs de Brunsvich et leurs reitres , et comme aussi la gendarmerie et cavallerie de la Franche-Comté, qui devoit venir par le duché de Luxembourg. Ce qui donna opinion qu'ils en vouloient et s'attaqueroient à quelque ville de ce costé-là, comme à Mariembourg, Mesieres ou Rocroy , que le rapport de quelques espions augmentèrent davantage, disans que certains regimens de gens de pied et de cavalerie , estoient passez jusques à Nimes , et que là ils charpentoient et bastissoient grande quantité d'eschelles et autres engins pour surprendre et emporter d'assault une place. Oultre plus , que contremont la rivière de Mense montoient des Pays-Bas innumerables quantitez de toutes sortes de provisions et munitions de guerre , tant vivres qu'artillerie , pouidres et boulets. Pour toutes lesquelles causes l'on tenoit pour certain que ce seroit ceste part où l'enuemy convertiroit sa furie, et surtout l'on craignoit Mesieres et Rocroy ; lesquelles prises , demeuroit Mariembourg enclose et fort difficile à estre secourue, et par ainsi aisée à estre reprise et remise en son premier estât. Il ne fault douter si adonc M. de Nevers avoit peu de repos en l'esprit, et moins de sa personne , comme celuy en qui redondoit tout l'honneur et vitupère, si, par mauvais Ordre , y fust advenu quelque danger; de sorte que ce gentil prince, vigilant autant qu'il est possible, et d'un travail incredible, sans intermission discouroitde lieu à autre, recognoissoit toutes choses trois et quatre fois, et, en toutes les manières que l'on pouvoit inventer , mettolt une si seure police par tout , que ce eust esté par un merveilleux désastre s'il en fust mal advenu. Et surtout renforça Rocroy de toutes munitions et artillerie , autant qu'il étoit besoing pour soustenir un long siège. Au surplus, encore que les rempars et fortifications fussent
(I) DeJIègue.
COMMENT.UREb DE FIUNÇOIS DE HABOTIN. [l657j
desjà si avancés qu'elles se monstrassent bastantes pour attendre la fouldre de l'artillerie, et que Ton y besognast en toute assiduité , si estce qu'il la rampara encor mieux de vaillans hommes, et qui estoicut armez d'un si grand et asseuré courage, qu'encor que la place eust été toute raze, il eust fallu que les ennemis les eussent tous taillez en pièces les uns après les autres, et leur passer sur le ventre , avant les faire démarcher et se rendre honteusement ; ordonnant chef là dedans le sieur de Fontaines, et la compagnie de gendarmerie de M. de Montpensier, dont il est lieutenant, et les chevaux légers du capitaine Gilles de Boviers et unze enseignes de gens de pied des capitaines Chambry, gouverneur, Soleil, Le Bois, Ogier, Jacques, Le Fresne, La Malaise, Pavaillon, Bahu , du seigneur de Savigny de Lorraine , et du capitaine Fontenilles , y estant pour sergent majeur le capitaine La Faye. Toutefois le Roy estant en mesme doute que si l'ennemy entreprenoit ceste nouvelle ville non encor esprouvée, et où les rampars et fortifications estoient encor fresches et non endurcies et surannées [ raesmement où il y avoit à présumer qu'il y employeroit le verd et le sec , pour par ce bon commencement acharner et encourager ses soldats à entreprendre davantage [il n'advint qu'en la cuidant sauver et défendre ] non seulement on en list perte avec honte , mais aussi de beaucoup de vaillans hommes, desquels l'on avoit bien affaire ailleurs , envoya expressément un gentilhomme, nommé Sainct-Herau , enseigne de M. le connestable, pour la revoir et visiter , et pour luy faire rapport de sa valeur et suffisance. Au rapport duquel , ne sçay pour quelle cause, il escrivit à M. de INevers qu'il avoit sceu que sa ville de Rocroy n'estoit si avancée et seure que l'on luy avoit fait entendre, comme par un mescontentement , et pourtant qu'il n'estoit point d'advis qu'attendant les efforts d'un si puissant ennemy, l'on fist perte de beaucoup de bons hommes et d'autres choses que luy serviroient bien autre part. A quoy ce prince, estant à Mesieres comme en lieu qu'il sentoil le plus foible, et qu'il reparoit en toutes les sortes qu'il luy cstoit possible, fit response qu'il savoit Rocroy , en Testât qu'elle estoit . si assurée et bonne, qu'il avoit délibéré , si tost qu'il seroit certain que l'ennemy ytourneroit, de s'y enfermer , pour se présenter le premier à la défendre, le suppliant remettre sur luy toute la crainte ([uil en pouvoit avoir. Kt est chose certaine que ce prince Tavoit ainsi résolu de s'enclorre en l'une de ses places . s'il fust advenu qu'à l'improviste et soudainementlenncmy kseust assicgécs.pour, par
sa présence accroistre aux moindres le courage et affection de faire comme luy, et l'ensuivre en valeur et hardiesse, et, aux bien asseurez , de n'oublier rien de leur devoir et honneur, combien que ce ne soit chose raisonnable, et qui ne doit estre permise, que tels et si grands princes qui emportent par leur perte de beaucoup à tout un royaume, soient exposez à tels dangers comme en prises et assaults de villes, où adviennent infinis inconveniens , ains doivent estre reservez à plus grand secours et besoing. Toutefois le Roy, bien adverti adonc des forces que l'ennemy avoit en campagne, manda àce prince se retirer en lieu propice pour y assembler son armée , et fut le bourg d'Attigny designé pour y dresser le camp ; auquel lieu toutes les compagnies de cheval et de pied furent mandées pour s'y trouver en toute diligence, estans desjà nos reitres et AUemans logez à l'entour. Ainsi, ayant laissé M. de Bordillon dedans Mesieres avec sa compagnie de cinquante hommes d'armes , et celle du comte de Sancerre, et le sieur de Troussebois , qui en est gouverneur, avec ses deux enseignes de fanterie , et quatre autres, se retira à Attigny. En ces entrefaites, les ennemis s' estant de beaucoup renforcez à Givetz et à Nimes, et se voyansen assez bon nombre pour exécuter quelque entreprise , après avoir donné plusieurs et diverses allarmes et algarades à la ville de Mari embourg , de laquelle estoit gouverneur le sieur de Losses, brave et vaillant chevalier, comme par manière de la vouloir recognoistre, en la plupart desquelles ils acquirent peu de profit et moins d'honneur, ayant une seule compagnie de gens de pied françois feit tourner visage à toute leur avant-garde , ils délibérèrent avec ce grand nombre d'eschelles et autres artifices aller surprendre Rocroy, en faisant si peu de cas qu'ils l'estimoient emporter en six heures. Suyvans ceste resolution , comme je présume, que si ceste délibération succédoit comme ils se le promettoientpromptement, poulser encor plus avant en. païs : si autrement, que , sans s'esloignerde leur traicte , ils suivroient où ils avoient desjà prévu leur rendez-vous, pour parachever et mettre afin leur dernier exploit. Doncques ayant leur armée prins ceste route, leurs coureurs se présentèrent, le vingt-cinquième de juillet, devant ceste ville de Rocroy, pour attaquer l'escarmouche et soliciterceux de dedans à sortir cependant que les esquadrons et leurs grosses troupes arriveroient, pour en après tout à un coup mettre toutes choses au dernier poinct. Mais , estans desjà les nostres advertis de leur venue, ne leur donnèrent la peine de les aller semondrc de plus près
COMMENTAIRES DE FUAINÇOIS DE UABLITIN. |1557]
ains, estans sortis ceux qui estoient ordonnez pour les soustenir, si tost qu'ils lesapperceurent, leur sonnèrent une salue avec telle tempeste et tintamarre , que les boulets y plouvoient aussi esjDessement que la gresle , et les venoient noz harquebusiers avec telle asseurance choisir de si près et en butte , que ceux sur lesquels ils couchoient sesentoientplustost morts ou blessez qu'ils n'y pensoient , de sorte qu'il ne leur fut jamais possible approcher le rampart de plus de quatre cens pas près ; car les grosses troupes estans arrivées , pensans s'approcher pour soustenir et favoriser l'escarmouche , estoient tellelement pressées de forces canonnades et de notre harquebuserie, qu'à tous coups estoient contraintes se retirer en arrière, s'ouvrir et rompre d'elles mesmes: surquoy noz gens ne failloient promptement à donner la cargue.
Ainsi , pour en parler au vray, en bref il y fut faite l'une des plus belles escarmouches qui se soit veuë depuis cent ans ençà, en laquelle firent fort bien leur devoir et donnèrent grand'preuve de leur valeur et hardiesse les capitaines Bois, Ogier et Jaques, avec leurs soldats braves et vaillans : aussi feit le capitaine Gilles de Bouviers. Enfin les ennemis se retirèrent avec leur courte honte , ayans seulement veu de loing Bocroy , encor à leur grand interest et perte de beaucoup de vaillans hommes des leurs , entre autres d'un fort brave capitaine espagnol , comme l'on dit , délaissans pour trophées et marques de leur venue forces charongnes et corps morts. Et en ceste façon allèrent camper au gué de Houssu , et de là se retirèrent et retournèrent camper en la vallée d'entre Nimes et un lieu appelle Haulte -Boche, auquel lieu, selon l'advertissement qu'en donna M. de BordiUon à M. de Nevers , les capitaines Saincte-Marie et La Lane les allèrent recognoistre , et l'assiette de leur camp, d'où ils ramenèrent quelques chevaux d'artillerie et prisonniers qui asseuroient eux n'avoir encor d'artillerie que quinze ou seize pièces, la pluspart canons ; mais qu'il en arrivoit de jour à autre de Maliaes , et ne pouvoient eslre adoac que de quarante à ciûquante enseignes de gens de pied ; que toute leur cavailerie n'étoit encor assemblée. Ils disoient aussi que l'on ne parloit point en leur camp d'assiéger Mariembourg , bien qu'on tenoit certain qu'estans leurs forces assemblées ils s'adresseroient à Bocroy, ce que toutefois ils ne firent ; ains, au partir de là. quittans du tout ceste frontière pourle peu d'avantagequ'ilss'yvoyoient avoir , tournèrent leur chemin devers la Picardie , prenans leur adresse devers Cimetz , où ils ne firent séjour, tenans le chemin de Glaion et Trelon, et de là à Montereul-aux-Damcs , pas-
sans près de La Capelle, et à Vervins, qu'ils saccagèrent et bruslerent, et de là tirèrent à Guise où ils campèrent, monstrans grandes apparences de le vouloir assiéger. Or en ce lieu se rendit toute leur armée complette , estimée de trente cinq à quarante mille hommes de pied , de douze à quinze mille chevaux , tant de leur gendarmerie que de reitres et pistolliers, qui estoit toute leur plus grande force, et n'attendoient plus que huict ou dix mille Anglois , qui descendoient à Calais et au comté d'Oye , et qui les dévoient venir trouver à Saint-Quentin , comme depuis s'est veu. Quant à nostre petite armée assemblée à Attigny, comme j'ai dit, montant de gensdepiedau nombre de dix-sept ou dix-huict mille hommes , allemans et francois, et de cinq à six mille chevaux de gendarmerie, cavailerie et reitres, si tost que l'on sceut les ennemis marcher en campagne , aussi fit elle , les costoyans tousjours de quatre à cinq lieues près , suivant le pays de Thirasse , et fut advisé de l'aller fermer et parquer à Pierrepont , lieu fort commode pour couvrir toute ceste frontière , et pour y départir le secours avec seureté et avantage pour nous, eu égard principalement à l'opinion qu'ils donnoienl de vouloir assiéger Guise, place adonc fort douteuse et non encore rendue en sa parfaite force , dedans laquelle estoit pour l'heure chef et lieutenant de roy le seigneur de Vassé, chevalier de l'ordre, et capitaine de cinquante hommes d'armes. Estans M. deNevers, le princedeCondé, le Beingrave, le baronde Curton et le sieur de La Boche du Maine , avec nostre armée , près Nostre-Dame de Liesse et d'une belle maison appellée Marchetz , qui fut au sieur de Longue val , M. le connestable , messieurs l'Admirai et mareschalde Saint André, qui estoient lors près de la personne du Roy, mandèrent à ce prince qu'ils se trouveroient à Pierrepont , où l'armée ailoit au partir de là , qui estoit le 28 de juillet, et que là ils adviseroient ensemble à ce qui estoit à faire pour remédier aux surprises de l'ennemy, que l'on cognoissoit adonc très fort, et que l'on prevoyoit ne se départir, ayant employé si grands fraiz à recueillir si gros nombre d'hommes de diverses contrées, sans exploiter quelque œuvre prémédité et projette d'asseurance. Toutefois il s'est dit que quelques-uns estoient encor si opiniastrcs , qu'il ne pouvoit tomber en leur entendement quelennemy osast entreprendre davantage que ce qu'il avoit fait, s'arrestaus à ce que , n'ayant peu assembler son armée si tost qu'il avoit projette , pour la distance des lieux et autres incommoditez , l'occasion luy seroit eschappée déplus attenter chose de grand effect ; mesmemeut qu'il estoit rebouté
COMMENTAIRES DE FRANÇOIS DE KABLTIN. [l557|
de la frontière de Champagne , où l'on estimoit estre son principal but , adjoustans à cela que nous estions desjà trop avant en la saison, pourtant que tous les semblans et mines qu'ils faisoient, n'estoient que pour prendre une honneste retraite. Mais autres, qui voyoient plus eler et de plus loing , selon peult-estre ou que leur bon esprit , ou que leur expérience les advertissoit , présupposoient tout le contraire, asseurans fermement que l'eunemy avoit un complot tout arresté, et un rendez-vous asseuré et preveu, où il devoittourner et employer toutes ses forces , comme a chose qu'il tenoit desjà à demy conquise pour luy , bien adverti du default qui y pouvoit estre. Mesmement M. l'Admirai advertit M. le eonnestable que , par les advis qu'il avoit eu des sieurs de Senarpont et Villebon, les ennemis menassoient et dévoient tourner leurs efforts eu Picardie, qui estoit adonc fort mal pourvue : et ce qui en donnoit la plus grande apparence, estoit que les bandes espagnoUes qui estoient dedans le nouveau Hedin , n'estoient pas deslogées, qui estoient les plus vieilles et meilleures bandes qu'ils eussent, et sur lesquelles ils faisoient plus de fondement. Or cependant que l'on estoit sur ces disputes et difficultez , estant nostre armée à Pierrepont , le prince de Piedmont , qui avoit campé deux ou trois jours devant Guise, tenant bonne mine , et demonstrant tous signes de s'y vouloir arrester , sans autre plus grand bruit envoya la pluspart de sa cavalerie légère enclorre la ville de Sainct Quentin ; et de mesme suite , faisant en extrême diligence marcher toute son armée, se trouva campé à Tentour avant qu'on l'eust cuidé à moitié chemin , mais si mal à poinct pour ceste pauvre ville , qu'adonc n'y avoit dedans que le sieur de Teligny, lieutenant de la compagnie de IM. le Dauphin , de cent hommes d'armes, et quelques gentilshommes de ladite compagnie qui estoient là en garnison [aussi y estoit le cnpitaine Brueil de Bretagne , qui en estoit gouverneur], et au surplus si mal pourvue de gens de guerre, qu'il n'y avoit ordre de recevoir toute ceste grosse armée , et moins encore d'y résister. Toutefois lesdits sieurs de Teligny et Le Brueil, et généralement tous ceux qui estoient là dedans, feireut tout devoir de mettre sus un premier appareil pour soustenir la première poincte, attendant le secours qui leur seroit envoyé. Ces nouvelles estans apportées à M, le eonnestable remplirent tout le camp de grande doute , et crainte de surprise de ceste ville par défaut d'hommes , redondant et retournant en partie la faute sur ceux de la ville, comme le bruit estoit que ne vouloient souffrir aucunes garnisons. Et aussi tost s'éleva
un grand murmure des causes pour lesquelles ou en pouvoit mal juger, et d'où et par qui elles provenoient : ainsi que l'on voit communément infinité d'opinions estre forgées et controuvées en une incertaine et tumultuaire commune. Enfin M. l'Admirai , à qui le cas touchoit , se délibéra mettre au dernier hazard de la secourir. Et pource que du faict de ce siège toutes les opinions sont trouvées différentes et contraires , et que de moy seul n'en pouvois sçavoir le plus certain , il m'a semblé le plus seur suivre un discours (1) que ledit seigneur Admirai, l'un des premiers de ce royaume, qui estoit chef là dedans, en a escrit luy mesme: lequel, selon le plus commun jugement, ne vouldroit pour chose de ce monde contrevenir à la vérité.
Iceluy seigneur Admirai doncques partit de Pierrepont ledeuxiesmejour d'aoust, aprèsavoir de rechef communiqué à M. le eonnestable tout ce qui appartenoit pour le remède de ceste nécessité, qui luy distpour la dernière fois qu'il se hastast de s'aller mettre dans Sainct Quentin ; et, à l'heure mesme, partit avec sa compagnie et celles des sieurs comte d'Arran , de Jarnac et de La Faiette, et les bandes de chevaux légers des capitaines Miraumontet Tenelles,françoises, et celle d'Achisson , escossoise, s' acheminant droit à La Fère pour ce qu'il ne pouvoit prendre autre chemin , à raison que les ennemis avecques toutes leurs forces estoient entre Sainct Quentin et luy, ainsi que il se descouvroit aisément par les feux qu'ils mettoient par les forts et villages: pour estre mieux asseuré du chemin qu'ils tenoient , il meit les chevaux légers , tant françois qu'escossois , de leur costé, et leur feit entendre le chemin qu'il tiendroit pour luy mander leurs nouvelles. Et pource que le capitaine Tenelles estoit du pais et qu'il le cognoissoit bien , il luy commanda donner plus avantque tous les autres.
Estant M. l'Admirai arrivé à La Fère,- vint bien tost après le sieur de Coucy , qui luy dist que M. le eonnestable luy redoubloit mandement qu'il fist toute diligence de s'aller mettre dans Sainct Quentin. Or n"avoit-il eu encor aucunes nouvelles de ses coureurs, et ne pouvoit penser où estoient doue les ennemis : qui fut cause qu'il envoya d'autres gens à cheval pour les recognoistre; et luy print résolution, avec ceux qui cognoissoient le pais seurement , de s'en aller droit à Han, pource que de là il luy estoit plus facile d'entrer à Sainct Quentin à raison qu'il estoit malaisé queueor que les ennemis se fussent voulu là arrester, qu'ils l'eussent sceu si estroitte-
(!) La relation de l'admirai fera partie de ccUc col- Icctiou.
COMMENTAIRES DE FKANCOIS 1>E RABUTIIN. [I557j
ment envelopper que par l'autre costé de l'eau il n'y fust entré ; et davantage il leur gagnoit le devant pour couvrir Peronne et tout le reste de la frontière. Il y avoit bien quelque apparence qu'ils ne se vouloient là arrester, car ils bruslolent villages et fourrages, ce qui n'est pas accoustumé à gens qui veulent conquérir et garder un pais.
11 y avoit cinq bandes de gens de pied dans La Fere des capitaines Caumont qui en avoit deux, Sainct André. Rambouillet et Loy, ausquels il commanda partir incontinent pour s'en aller droità Han, encorque celles desdicts Sainct André et Rambouillet fussent ordonnées pour aller au Castellet , et que pour cest effect fussent partis dès le soir, comme luy, à l'assiette de la garde ; mais ils n'y pouvoient plus entrer, pour estre empesché le chemin par les ennemis. Le sieur de Coucy fut présent à toutes les délibérations qu'il feit; parquoy il le pria de s'en retourner devers M. le connestable pour luy faire entendre le tout, mesmement qu'il ne laissoit dedans La Fere que le sieur de Ruallon avec sa bande , considérant que nostre camp venoit coucher à trois lieues de Pierrepont, et à demie lieuë de La Fere.
M. l'Admirai eut nouvelles par ses coureurs que les ennemis se logeoient devant Sainct Quentin , et avoient desjà veu quelques tentes dressées près la maladrerie du fauxbourg d'Isle; mais qu'il leur sembloit qu'une partie de leur armée coulast le long de l'eau, tirant à Han. Parquoy les gens de pied et le bagage, qui prenoient ce chemin, il les feit tournera main gauche par Gentil pour aller seurement; et luy alla le droit chemin , pour estre adverty [car le pais estoit assez advantageux pour prendre tel party qui luy eust semblé le meilleur] et se demesler aisément, ou charger à tel nombre d'hommes qu'il eust voulu ; enfin , sans aucun danger ny rencontre , il arriva à Han. A l'entrée il rencontra le sieur de Vaulpergue, avec une lettre de créance du capitaine Brueil, gouverneur de Sainct Quentin, qui luy feit entendre le grand estouueraent qui estoit dans ceste ville, et qu'il estoit besoiug la secourir promptement, ou elle estoit en grand danger Apres s' estre informé , et qu'il luy eust dit qu'il se faisoit bien fort de le mettre dedans ceste nuict, mais qu'après ce ne seroit sans grande difficulté , il se résolut d'y entrer ceste nuict mesmes. Et sans que personne se desarmast, il les feit tous advertir qu'ils fissent manger une mesure d'avoine à leurs chevaux , et qu'il vouloit partir dans demie heure. Les voulut aussi informer d'une chose : c'estoit qu'il prioit les capitaines et chefs se passer au moins de valets qu'ils
pourroient, et, quant aux gendarmes, qu'ils n'en menassent plus d'un chacun, et entre deux archers un ; qu'il s'en alloit à Sainct Quentin pour y entrer et attendre le siège, où il ne leur feroit bailler vivres pour davantage de personnes. Et pource qu'il desiroit y conduire ceste mesme nuict ces cinq enseignes de gens de pied qu'il avoit fait partir de La Fere, s' estant enquis s'elles estoient venues, il trouva qu'il n' estoit encor arrivé que celle du capitaine Loy, estans les soldats si lassez et harassez , venuz freschement de Gascongne , que quasi la moitié estoient demeurez par les chemins. D'autre part le capitaine Caumont estoit demeuré derrière à La Fere , pour faire délivrer les armes de ses soldats , qui estoient encores encassées sur les charrois : en sorte que, tout considéré, des cinq compagnies il ne se peut servir que des deux des capitaines Sainct André et Rambouillet; et encores qu'elles fussent fort loing derrière , il donna ordre , avant que partir, les faire marcher incontinent qu'elles seroient arrivées.
Ainsi qu'il advisoit à ordonner toutes choses avant son partement, les sieurs de Jarnac et de Luzarche l'allerent trouver pour luy dire qu'il ne leur sembloit pas bien raisonnable qu'il s'enfermast dans Sainct Quentin pource qu'il pouvoit faire plus de service dehors 5 mais que s'il vouloit qu'eux et tous les autres capitaines qui estoient là avec luy s'y en iroient, et que tous s'y accorderoient si bien, que le service du Roy n'en demeureroit point. H leur respondit en peu de paroles qu'il les remercioit du conseil qu'ils luy donnoient , mais qu'il estoit commandé d'y entrer, et qu'à ceste occasion estoit là venu ; qu'il aymeroit mieux avoir perdu tout ce qu'il avoit vaillant que d'y avoir failli ; pour le moins seroient-ils tesmoings qu'il feroit son devoir d'y entrer.
Apres que M. l'Admirai eut adverty M. le connestable de toute sa résolution par le sieur de Bouran, qui s'en retouruoit vers luy de Han, il monta à cheval environ demie heure avant soleil couchant, mettant son mareschal des logis devant luy avec cinquante bons chevaux et bonnes guides, auquel il commanda marcher cent pas devant luy seulement, et, quoy qu'il trouvast en chemin , qu'il chargeas sans le marchander : comme au semblable il advertit tous les capitaines de sa résolution et de ce qu'ils avoient à faire. H ne fut pas fort avant en païs qu'il trouva l'abbé de Sainct Pris , qui estoit sorti ce soir environ quatre heures de Sainct Quentin, lequel luy dist qu'il alloit trouver le Roy, et qu'il esperoit y estre le lendemain à son lever. Apres qu'il se fut enquis du logis des eu-
COMMENTAIRES 1)E FRANÇOIS J)E KABDTIN. [l557|
nemis et sommairement des autres ehoses, il le pria présenter ses très humbles recommandations à la bonne grâce du Roy, et luy dire qu'il Tavoit trouvé avec une bonne troupe , qui faisoit son compte, Dieu aydant, d'entrer ceste mesme nuict dans Sainct Quentin, où il esperoit luy faire un bon service. Ainsi y arriva une heure après miuuict , où il entra avec luy des quatre parts de la gendarmerie les trois pour le plus : les autres, ou pour s'estre perdus par les chemins à une allarme qu'ils avoient eue, ou par faute de bonne volonté, n'y entrèrent point. Quant aux chevaux légers françois et escossois qui estoient partis avec luy de Pierrepont, il n'y en avoit un seul arrivé quand il partit de Han, comme il l'avoit ordonné ; aussi n'entrerent-ils point dans Sainct Quentin. Des deux compagnies de gens de pied qui partirent de Han selon qu'il l'avoit enchargé, il en entra ceste mesme nuict environ six vingts, conduits par le lieutenant du capitaine Rambouillet, s'estant la mesme nuict esgaré le capitaine Sainct André avec autant d'autres ; lequel toutefois y entra le jour ensuyvant, environ quatre heures après midy. Tant y a que pour le plus desdites deux compagnies, il y en entra deux cent cinquante hommes.
Estant M. lAdmiral entré et arrrivé dans Sainct Quentin , ainsi qu'il a esté dict ey dessus, sitost que le poinct du jour se monstra, s'en alla au fauxfourg d'isie, où il trouva que noz gens avoient abandonné le boulevert qui avoit esté fait nouvellement , et s'estoieut retirez à la vieille muraille; s'excusans que pour n'y avoir point de parapects audit boulevert, et estre la terre de dehors pour le moins aussi haute que celle de dedans le boulevert; et d'autre part, que pour avoir esté gagnées par les Espagnols certaines maisons sur le bord du fossé , qui estoient à cavalier et de mesme liauteur , et enfin pour le peu d hommes qu'ils estoient à le défendre, avoient esté contraincts à ce faire. Or, sur cela faut-il savoir que la première entreprise que les ennemis feirent si tost qu'ils arrivèrent devant Sainct Quentin fut de gagner ce boulevert qui estoit commencé , à l'entrée et défense de ce fauxbourg et de la chaussée d'Isle , encor que ceux de la ville avec ce peu de gens qu'ils estoient, et avec force canonnades, eussent fait tout effort pour les en débouter. Ce neantmoins estans adonc les plus forts, en demeurèrent les raaistres, et s'y logèrent les seigneurs Julian Romerou et Carondelet, avec les vieilles bandes espagnoles.
Pour suivre nostre propos de l'ordre que M. l'Admirai establit lii dedans , s'estant cnquis quel nombre de gens de guerre y estoit, il
trouva que la compagnie de M. le Dauphin y estoit quasi complette. Quant à la compagnie de gens de pied du capitaine Brueil, il luy dit que la (leur de ses hommes estoit à Bohain , où il avoit une esquadre de ses meilleurs soldats harquebusiers ; cela estoit aisé à croire , car le demeurant estoit fort piètre. 11 estoit excusable pour une chose : c'estoit qu'il n'y avoit pas plus de huict ou dix jours qu'il estoit entré en ceste place, et estoit bien sceu que il avoit perdu beaucoup de gens au partir d'Abbeville.
Voyant de quelle importance estoit garder ce fauxbourg, M. l'Admirai prit l'opinion de tous les capitaines pour scavoir ce qu'on pourroit resouldre pour le plus expédient. 11 fut conclud que sur le soir on feroit faire une saillie pour mettre le feu dans les maisons qui empeschoient et portoient dommage , et qu'ayant osté les ennemis de là, l'on feroit faire une terrasse tout le long du boulevert, qui serviroit de parapect. Cependant , pour ne perdre temps , Ton feit besongner à deux flancs pour regarder la poincte dudit boulevert : ce qui estoit facile en faisant ouverture à la muraille , tant qu'il en falloit seulement pour l'embouchure d'une pièce d'artillerie. Et par mesme moyen l'on feit gratter et piocher terre à relever une trenchée où le rempart avoit esté osté devant, lorsque l'on estoit d'advis de retrencher ce fauxbourg , pour autant qu'en cest endroit l'on y pouvoit faire brèche en moins d'une heure , et telle qu'il n'y eust eu homme qui s'y fust osé présenter, pour estre le dehors beaucoup plus haut que le dedans , et le rempart du tout razé.
Ces choses ainsi ordonnées , M. l'Amiral s'en alla faire le tour de toute la haute ville , pour considérer et remarquer les plus foibles endroits où premièrement faudroit besongner, et pour adviser où l'on departiroit les quartiers, à ce que l'on commencast à y travailler de bonne heure sans attendre la nécessité. Cependant il manda à ceux de la ville qu'ils s'assemblassent à leur hostel commun , où ils appelleroient tous les principaux et plus notables de tous les estats pour entendre ce qu'il auroit à leur dire. Après que M. l'Admirai eut recognu et revisité tout le circuit et contour de la ville, et qu'il fut revenu au lieu où ils estoient jà assemblés, il leur meit en avant tous propos de consolation , et qui les pouvoient asseurer, comme pour lors ils en feirent grande démonstration , qui toutefois ne leur dura guiercs. Et oultre cela , il feit rédiger par mémoires ce à quoy lui sembloit bon de pour- \oir, et qui lequeroit proche diligence, entre autres de la recherche des honmies qu'ils avoient en leur ville, porlans et ayaus armes , et qui les
COMMENTAIRES DE FRANÇOIS DE RABITTN. [l5S7l
poiirroient porter , et pareillement besongner, tant hommes que femmes ; que pour cest elYect il estoit besoing rechercher et ramasser tous les outils , hottes et paniers , et le tout faire apporter en la maison de la ville , afin que plus facilement on les peust là trouver , quand on en auroit affaire. Et pource qu'en une si grande ville ne pouvoit estre autrement qu'il n'y eust grand nombre d'artisans et manœuvres qui en pourroient livrer et forger grande quantité, que ils les advertissent d'y besongner continuellement. Davantage , s'asseurant que là dedans y avoit grande quantité de bouches, et qu'il falloir sçavoir de quoy on les nourriroit , qu'ils feissent une description de tous les greniers , vins et bestail qu'ils avoient en leur ville; que tout ce que ils trouveroient par les maisons , ils le missent en garde es mains de ceux mesmes à qui le bien appartiendroit ; et, afin qu'il ne s'en feist point de degast, il feroit faire une défense à toute personne de n'y toucher sur la vie , attendant qu'il eust mis un ordre pour la distribution; aussi qu'ils luy sceussent à dire quelle quantité d'artillerie, pouldres et boulets ily avoit, et quelles gens pour les manier et pour en tirer. Et pource qu'en faisant la ronde par la ville , il avoit veu user grande munition sans propos, en avoit donné la superintendance au capitaine Langueîot. et soubs luy deux, gentils-hommes de chacune compagnie de gendarmes, qui estoient dix en tout , afin qu'il les peust départir par les quartiers pour le soulager : qu'à ceste cause ceux qui Y demeureroient eussent à luy obéir, et qu'il vouloit sçavoir tous les soirs quelle quantité de pouldre auroit esté despendue le jour ; semblableraent, qu'ils eussent à luy moustrer toutes les pouldres qu'ils avoient , et les lieux où ils les retiroient, pour scavoir si elles estoient en lieux dangereux. Adjoustant avec tout cela qu'il n'avoit point de cognoissance qu'en toute la ville il y eust plus de deux moulins, l'un à eaué, et l'autre à vent, cessans lesquels il desiroit sçavoir quels moyens ils avoient de mouldre et recouvrer farines. Voilà les principaux poincts de l'ordonnance que M. l'Admirai proposa à ceux de la ville de Sainct-Quentin pour le faict de la police et conservation de la ville; délaissant encores plusieurs autres menus articles, qu'il donna plus amplement escrits en un mémoire, concernans aucunes particularitez qui seroient trop prolixes à déduire.
En après, ayant esgard au faict de la fortification et défense d'icelle , se retira en son logis , où il feit appeller tous les capitaines, et là leur déclara tout l'ordre qu'il avoit mis en tous les endroits et nécessitez ci-dessus narrées. Par-
quoy ne luy sembloit pour lors chose plus requise que départir les quartiers et lieux de la ville ou il vouloit et entendoit que chacun fust logé et se retirast advenant l'affaire, et s'employast pareillement à travailler, remparer et se fortifier. Entre autres propositions, d'une principalement M. l'Admirai requit et somma tous les capitaines et soldats , qui estoit que là où quelqu'un sçauroit quelque chose bonne et utile à exécuter, qu'on lui feist entendre, et qu'il l'auroit fort agréable , et le recevroit de bonne part, d'autant qu'il ne doutoit point que là dedans parmi les compagnies il n'y eust beaucoup de gens de bien qui se seroient trouvez en bons lieux , où ils auroient veu et retenu diverses ruses et inventions incognues à autres. A l'instant mesmes, au sortir de son logis , allèrent départir les quartiers tout à l'entour de la ville, et aussitost feit commencer à besongner et remuer terre, pour remparer es lieux ou il veit estre de besoing, et ordonna aux capitaines, tant de cheval que de pied, qu'ils eussent à luy bailler un roolle du nombre de leurs hommes, tant pour voir ce qu'il avoit pour le combat que pour la distribution des vivres.
Se promenant M. l'Admirai , et tournoyant la ville , il veit un grand nombre de jardins qui s'estendoient jusques sur le bord des fossez, et pleins d'arbres , principalement du costé de la porte Sainct-Jean , à l'ombre desquels les ennemis pouvoient approcher à couvert jusques sur le bord desdits fossez : encore qu'il fust desjà tard , il envoya quérir tous les charpentiers qui se peurent trouver, et les feit conduire par deux archers de sa compagnie, afin d'employer le reste de la journée à coupper arbres pour faire fascines, et leur commanda qu'ils continuassent tous les jours : ce qui fut faict tant que l'on peust, mais non pas tant que ce qui demeura du costé de la porte de Remicourt ne leur ayt apporté à la fin grand dommage. Or, pource qu'il avoit esté conclud de faire une sortie pour brusler les maisons qui leur nuisoient, et pour essayer de regagner le boulevert d'Isle , il pria messieurs de Jarnac, de Teligny et de Luzarche , la dresser et ordonner ainsi , et jusques au lieu où il leur avoit monstre.
Cependant il monta au clocher de la grande église , pour recognoistre l'assiette du guet des ennemis , et voir par ou l'on feroit venir du secours , afin qu'il le mandast, et par mesme moyen le monstrast au sieur de Yaulpergue qu'il y vouloit envoyer exprès , d'autant que cela luy sembloit le plus nécessaire, etplus on attendroit et plus seroit difficile, a ce que s'il amenoit gens, il fust tout seur et informé de l'endroit ou il les
COMMENTAIRES DE FRANÇOIS DE RABUTIN. Il 557
feroit passer sans danger. Pendant qu'il estoit sur ce clocher , ceste sortie se va faire ; mais noz gens trouvèrent les ennemis si forts qu'ils ne peurent exécuter tout ce qu'ils vouloient; et encor qu'ils bruslassent quelques maisons, ce ne furent celles qui nuisoient le plus; et ainsi fallut que noz gens se retirassent, estans poursuivis des ennemis de si près , que quasi peslemesle ils entrèrent dans la ville. Toutefois ne sceurent-ils si bien faire , qu'avant partir de là noz gens ne bruslassent le tapecul par où l'entrée de ce boulevert leur estoit aisée ; car il ne restoit que une petite porte qu'on eust aisément rompue d'un coup de pied : et du boulevert pour entrer dans le fauxbourg, il n'y avoit qu'uile muraille d'environ sept ou buict pieds de haut , en laquelle y avoit encore deux grandes brèches, par où l'on portoit de la terre sur une plate forme, qui u'estoient bouchées que de claies et de quelques balles de laine. Parquoy toute lanuict, et en laplus grande diligence que se peustfaire, l'on y releva une trenchée afin d'amuser les ennemis le plus long-temps qu'on pourroit , pource que M. l'Admirai vouloit temporiser et attendre le plus tard qu'il luy seroit possible à rendre et abandonner ce fauxbourg, encore qu'il eust beaucoup d'opinions contraires et contre luy, entre lesquelles ii y en avoit deux principales contre lesquelles ne pouvoit contester : l'une , que par les marets l'on y pouvoit entrer en deux endroits, et prendre noz gens par derrière, en danger qu'en les voulant retirer ou secourir on perdist la ville avec le fauxbourg ; l'autre , qu'il avoit si peu d'hommes qu'il les devoit plustost conserver que bazarder, et mesmes qu'il avoit veu à ceste sortie s'y estre perdus ou fort blessez quinze ou seize des meilleurs soldats qu'il eust , du nombre desquels estoit le capitaine Sainct-André. Knfm , pour ne demeurer opiniastre en chose desraisounable, et contre l'advis de tous les capitaines, M. l'Admirai dit que quand il verroit plus évidente occasion il se retireroit, mais que cependant aussi il falloit faire bonne mine comme si on avoit délibéré de le défendre , et ne laisser pourtant à y tenir la main avecques bonne garde , surtout par les endroits où les ennemis pouvoient arriver par les marets , afin de n'estre point surpris , et que sur la vie cela ne fust décelé ny descouvert.
Le second jour que M. l'Admirai fut entré dans Sainct Quentin, il dit et remonstra en conseil aux capitaines , que combien que les ennemis eussent eu cognoissance de quelque secours qui y estoit entré, si estoit-il bien malaisé qu'ils fussent certains du nombre, et pourtant qu'il avoit envie de faire sortir quraante ou cinquante che-
vaux pour battre et descouvrir l'advenue de leurs logis qui estoient un peu plus avant que le village de Raincourt, et assez escartez des autres, et que, selon qu'ils se gouverneroieut, il adviseroit à dresser quelque entreprise; et pource qu'ils avoient desjà eu cognoissance de la compagnie de M. le Dauphin , il pria M. de Teligny donner ceste charge à quelque sage homme d'armes de sa compagnie , qui surtout se donnast garde de s'attaquer ny s'amuser à combattre ; que la sortie qu'il faisoit faire pour lors n'estoit que pour entreprendre en après quelque autre chose meilleure. Il le pria de s'en reposer sur luy , et qu'il y commettroit personnage si suffisant , et auquel il recorderoit si bien la leçon qu'il n'eu adviendroit aucune faute.
Or adonc M. l'Admirai se trou voit si mal d'une douleur de teste , que il fut contraint se mettre sur un lict au logis de M. de Jarnac , où il estoit lors ; et cependant M. de Teligny s'en alla faire monter ses gens à cheval , et les enseigner de tout leur faict. Mais avant que partir M. l'Admirai lui répliqua une douzaine de fois qu'il ne vouloit point que ce fust luy qui sortist, ce que ledit seigneur de Teligny luy asseura, lequel , au partir de là , feit une fort prompte diligence à faire sortir ses hommes. Car M. l'Admirai ne fut point demie-heure à se reposer, qu'il se leva pour aller veoir comme tout s'estoit porté à ceste sortie, et trouva messieurs de Jarnac et de Luzarche qui retournoient de la porte par où elle avoit esté faite, et lui comptèrent le grand desordre qu'il y avoit eu ; disans que les premiers coureurs avoient très-mal exécuté ce qui leur avoit esté enchargé , et que M. de Teligny cela voyant, et voulant reparer la faulte, encores qu'il ne fust point armé , sur un fort mauvais courtault y estoit voulu aller pour les faire retirer , laissant un sien gentilhomme avec cinquante ou soixante chevaux auprès du moulin qui est hors la porte Sainct Jean ; que quand il fut arrivé où estoient les coureurs, les ennemis leur avoient fait une cargue où il avoit esté enveloppé et porté par terre ; que l'on ne sçavoit s'il estoit mort ou vif , sinon qu'aucuns disoieut qu'il n'estoit encor mort , selon qu'ils l'avoient peu appercevoir , bien que les ennemis l'eussent despouillé , qu'il estoit demeuré sur la place près du moulin.
M. l'Admirai, voyant qu'il estoit si près des murailles , dit qu'il le vouloit avoir vif ou mort, et commanda aux autres chefs de la compagnie de M. le Daulphiu monter à cheval , comme il iit aussi aux autres qui se trouvèrent près de luy. En s'acheminant vers la porte, se présenta un soldat à pied qui luy dist, s'il lui plaisoit ,
qu'il essayeroit de l'aller quérir. Il luy promit un bon présent s'il le pouvoit rapporter ; ce qu'il fit fort bien, et le rapporta avec ses compagnons. Quand ce bon chevalier, ainsi blessé qu'il estoit , vit M. l'Admirai , de première parole il le pria luy pardonner , sçachant bien qu'il l'avoit offensé , et luy réitéra ce mesme langage par cinq ou six fois : lequel luy respondit qu'il n'estoit plus temps demander pardon aux hommes, mais bien à Dieu, car il estoit si navré et entamé sur plusieurs parties de sa personne, qu'on n'attendoit plus que luy veoir rendre l'esprit : ce neanlmoins survesquitencor une heure et demie après avoir esté rapporté , et ne fut petite perte de ce gentilhomme , estant hardy , bien advisé , et ^'employant volontiers pour son devoir et le service du Roy , comme depuis est apparu en ceste compagnie que le principal chef estoit mort. Ce que en cest accident fut depuis trouvé le plus mauvais , et , selon que beaucoup de gens de bien l'ont témoigné, estoit que, quand il fut blessé , les ennemis n'estoient point plus de dixhuict ou vingt à la cargue qu'ils firent ; les nostres estoient bien autant de coureurs , et ceiuy que Teligny y laissa n'estoit point à cent pas du lieu où il fut porté par terre ; et nonobstant il fut massacré et despouillé , sans aucunement estre secouru de nul des siens. Cestuy allègue pour son excuse qu'il avoit exprès commandement de M. de Teligny ne partir de ce lieu où il estoit , que luy mesme ne le vint quérir ; aussi qu'il ne pouvoit avoir cognoissance de ce que les coureurs faisoient à cause d'un petit hault qui estoit au devant de luy.
Après cela il se passa deux ou trois jours que les ennemis ne se rerauoient point fort et ne faisoient grandes choses ; seulement qu'ils pressoient et s'approchoieut le plus qu'ils pouvoient du costé du faulxbourg d'Isle , et creusèrent quelques tranchées au lieu des maisons qu'ils souloient tenir , où le feu avoit esté mis avec certains artifices , par l'invention d'un Escossois de la compagnie du comte d'Arran. Cependant neantmoins ne se perdoit temps dans la ville , car l'on y besongnoit à la plus grande diligence que l'on pouvoit en tous les endroits qu'il avoit esté advisé ; et dehors la ville l'on coupoit les arbres autant que la commodité le pouvoit permettre. Et de la part de M. l'Admirai, il sollicitoit ceux de la ville à toutes heures pour savoir quelle quantité de vivres ils trouvoient là dedans , et pour luy satisfaire sur les articles qu'il leur avoit donné par mémoires. Enfin ils luy bnillerent un estât des vivres , qui luy sembla bien petit; car, à- en despendre assez estroitement , à peine en pouvoient avoir pour trois sep-
maines : et pource qu'il se douta qu'en ceste recherche il y avoit eu de la fraude et de l'excuse, il donna charge à un homme d'armes de sa compagnie la reprendre et recommencer de nouveau, et n'exempter pas une seule maison , et qu'il print encore deux ou trois autres de sa compagnie avec luy, de sa cognoissance des plussuffisans pour ceste charge, afin d'y estre soulagé; d'autant que , oultre ceste commission, il lui estoit enjoint faire tuer et saller le bestail qui estoit là dedans en fort gros nombre , avec si peu de moyens de le pouvoir nourrir , qu'il fut force le départir par les compagnies tant de cheval que de pied , pour certains jours qui leur furent limitez. Aussi avoit-il en charge de faire départir le pain et le vin : en quoy il s'acquitta si bien , qu'au lieu que ceux de la ville n'avoient donné cognoissance à M. l'Admirai de vivres que pour trois sepmaines , il en fut trouvé pour plus de trois mois; et si se descouvroit tous les jours quelque chose de nouveau.
Pour revenir maintenant à ce que faisoient les ennemis, après qu'ils eurent parachevé ceste tranchée [dont dessus est parié] du costé du bourg d'Isle, une nuit ils approchèrent leurs pièces pour tirer en batterie. Et ainsi que M. l'Admirai retournoit de faire la ronde à l'entour de la haute ville , ceux qui estoient eu garde au bourg luy mandèrent que les ennemis estoient dans les fossez dudit bourg, qui sappoient, où il alla incontinent; et, après avoir longuement escouté, entendit aisément qu'ils ne sappoient point dans le fossé, ainsque c' estoient pièces qu'ils approchoient. Pourtant, suivant ce qu'avoit esté résolu par l'advis de tous les capitaines, il commença à faire retirer quelques pièces d'artillerie qui estoient là, et grande quantité de boulets de plusieurs calibres , pouldresà canon, balles de laine, picques, outils à pionniers , et plusieurs autres choses ; en sorte que les ennemis ne se pourroient vanter y avoir trouvé aucunes ustensiles dont ils se soient peu aider. Et quant aux maisons, estant vuides de tous meubles , on les avoit fait si bien appareiller, que , soudainement que le feu y seroit mis , ne fauldroient aussi tost à s'enflammer et embraser.
Il n'estoit pas demie heure de jour que la première voilée de canons fut tirée, lorsque M. l'Admirai commença à appeler les capitaines qui y estoient en garde , et leur dist qu'ils retirassent leurs gens le plus couvertement et celément qu'ils pourroient, afin que , pour attendre plus tard, ce peu d'hommes qui estoient là n'entrassent en eifroy, et que par ce moyen n'y survint quelque desordre et confusion, enchargeaut au surplus qu'on ne fist faulte à mettre le feu
COMMENTAIRES DE FRANÇOIS DE RABUTIN. [l557|
partout; ce qui fut foit bien exécuté diligemment, réservé en l'abbaye d'isie où le feu ne peut prendre , encor qu'on eust mis ^rand'peine à l'estaneonner et amorcer eu tous les endroits plus subtils et secz et prompts à s'allumer.
Après avoir retiré tous les ii;ens de guerre et tout ce qui estoit dans ce laulxbourgen la baulte ville, on commença à remparer la porte par où on y entroit de la haulte ville , pource que cest endroit se trouvoit fort foible et mauvais. Et environ une demie beure après que l'on commença à y besongner, un homme de la ville alla dire à M. l'Admirai qu'il seroit bon oster quelques pouldres à canon qui estoient dans deux tours joignantes ceste porte, dont il n'avoit esté parle aucunement , non pas seulement au capitaine Lanquetot à qui il avoit donné la charge de les visiter, et sur toute l'artillerie et telles munitions. Soudainement, à tel advertissement, M. l'Admirai lit lever les serrures des portes, pource que les clefs ne se trouvoient point ; où fut trouvé que les caques où estoient ces pouldres, si tost qu'on les touchoit, tomboient en pièces , tant estoient pourris , de façon qu'on ne les pouvoit ainsi transporter, et fallut avoir des linceuls pour les ensacher et mettre , à les oster hors de là.
Voyant M. l'Admirai que sa présence estoit plus requise ailleurs, et que ses gentilshommes qu'il y laisseroit pourroient faire continuer ce que ja avoit commencé, après y en avoir ordonne trois ou quatre, il s'en alla faire la ronde à l'entour de la ville, à fin que les habitans ne fussent estonnez pour avoir esté ce faulxbourg quitté et abandonné. Comme il eut quasi achevé tout ce tour, ainsi qu'il estoit pjés de la plate forme de la tour à l'eau , il veit le feu qui seprenoit aux pouldres estans en ceste porte , où il courut le plustost et vistement que ses jambes le peurent porter, et trouva que desjà la violence de ceste diabolique mixtion, et comme une fouldre , avoit ouvert une si large brèche , qu'il y pouvoit entrer vingt ou vingt-cinq hommes de front. A ceste improuveu et nouveau accident, il rallia promptement ce qu'il peut de gens auprès de luy pour la défense de ceste brèche , à cause que les ennemis avoieut desjà gaigné ce faulxbourg, et leur eut esté des ceste heure là aisé d'en faire autant de la ville, si i'esclair du feu et la fumée des maisons qui brusioient, ne leur en eussent osté la veue et cognoissance ; car M. l'Admirai fut une bonne demie heure et plus, ((u'il n'avoit que sept hommes avec luy pour défendre ceste brèche s'il y fust survenu affaire. Il ny a nulle occasion d'en imputer le tort aux gens de guerre , pour autant ((u'eux ayans veu
la porte fermée et remparée, chacun d'eux se retira en son logis pour repaistre et se rafreschir, et l'inconvénient qui survint estoit trop inespéré. Les uns pensoient que ce fassent les binettes des maisons qui brusioient; les autres disoient le feu s'y estre mis d'une pièce d'artillerie qui tira au dessus de la porte ; ainsi chacun trouvoit le cas fort estrange. Il s'y perdit trente cinq ou quarante personnes , entre autres cinq gentilshommes de ceux de M. l'Admirai , fort gens de bien et de service, qu'il y avoit délaissez pour diligenter les ouvrages, attendant qu'il fust de retour. Mais aussi tost que le bruit fut entendu de cest infortune , à la vérité chacun y accourut à toute haste ; tellement qu'en moins de rien la brèche fut bien bordée, et y fut employée telle promptitude à la reparer par hault et par bas , qu'elle se trouva aussi forte qu'auparavant.
Le jour mesme que ce faulxbourg fut abandonné , les ennemis continuèrent à s'approcher encor de plus près de la haulte ville : lesquels donnèrent aussi occasion à chacun de se parforcer et esvertuer davantage à rendre les ouvrages en perfection, fust à rehausser les rempars et terreplains, fust à applanir et à niveler les plates-formes; et n'y avoit adonc jusques aux moindres, tant des gens de guerre que de la ville, qui ne desployassent les bras, et qui volontairement ne courbassent les eschines pour porter la hotte et les fascines et la terre aux réparations.
De toutes ces choses, et généralement de tout ce qui se passoit dans la ville, M. l'Admirai advertissoit, au plustost qu'il en avoit le moyen, M. le connestable, à fin qu'il en fust hors de peine, et peustadviser de tous remèdes nécessaires. Pareillement, pour maintenir tousjours ceux de la ville en bonne volonté et asseurance, et les gratifier, il alloit ordinairement en leur hostel commun, où faisoit assembler les principaux, et là resolvoit les choses qu'il vouJoit bien qu'ils sceussent : entre tous lesquels citoyens et habitans M. l'Admirai s'est grandement contenté; et a loué et eu en singulière recommandation le maieur de la ville, nommé le sire Gibercourt, et l'a trouvé fort affectionné serviteur du Roy, tant au service de Sa Majesté que pour la conservation de la ville; mais il n'y en avoit point d'autre qui le secondast. Les ennemis adonc furent un jour ou deux qu'ils ne leur donnoient grands empeschcmens. Et cependant, puisque j'ai fait assez ample narration des principaux poincts de ce siège, etdesexploits et bon ordrequeM. l'Admirai avoit mis au dedans de la ville , je dway maintenant quelque chose du dehors, de ta solicitude de M. le connestable à y faire entrer se-
COMMENTAIRES DE FRANÇOIS DE RABIJTTN. \iîi^)7]
cours, mesmement de gens de pied , la jugeant assez suflisaranient garnie de cavallerie. Doncques est il à scavoir qu'estant nostre armée arrivée à La Fere , Ton avoit fait partir M. le mareschal de Sainct André avec trois ou quatre cens hommes d'armes , et le prince de Condé avec une partie de la cavallerie légère , de laquelle il estoit lors gênerai, et M. Dandelot avec huict ou dix enseignes de fanterie françoise, pour s'en aller à Han , tant pour tenir l'ennemy en doute, et luy retrancher le moyeu de s'eslargir et recognoistre le pays , que pour recouvrer tousjours occasions plus prochaines d'entreprendre sur luy, et finalement essayer de tous endroits à mettre gens dans Sainct Quentin. Sur cela ayant le sieur de Yaulpergue fait entendre à M. le counestabie les endroits que M. l'Admirai luy avoit monstre du grand clocher de la ville, comme j'ai dit cy dessus, par où il pourroit conduire le secours qu'il guideroit, fat ad visé que n'estant le costé devers Han fort pressé et couvert des ennemis , à cause que ce quartier avoit esté réservé pour les Anglois , M. Dandelot, avec deux mille hommes de pied, pourroit par ceste advenue plus seurement de nuict se jetter et entrer dans la ville, pendant que nostre gendarmerie et cavallerie de toutes parts tiendroit les camps des ennemis en allarmes. Laquelle entreprise eust succédé heureusement, si elle n'eust esté descouverte, comme l'on a sceu, par quelques chevaux légers anglois desnostres, qui avoient été pris des ennemis, lesquels, pour se sauver d'estre penduz, promirent donner tel advertissement qu'il seroit cause de leur faire en brief recouvrer la ville de Sainct Quentin, et sur cela leur declairerent tout le faict. Parquoy es lieux où ils sceurent que noz gens dévoient passer, firent fossoyer force traverses et tranchées, qu'ils remplirent de leurs meilleurs harquebusiers, et, sans faire aucun bruit , ny se descouvrir, attendirent noz gens de si près , qu'ils les pouvoient tirer en butte. En faisant ainsi tomber et mourir une partie des premiers , le reste fut rompu et tourné en routte : les uns se sauvèrent avec M. Dandelot, et les autres furent tuez ou prisonniers. Sur ce propos je ne veux oublier à dire ce que M. l'Admirai mesme a escrit au discours de ce siège, que ledit sieur de Vaulpergue ne retint et n'imprima pas bien en sa mémoire les adresses et accès qui luy avoient esté monstrez et enseignez : car, au lieu qu'il donna à la teste d'un corps de garde de gens de pied, et en lieu fort désavantageux pour ceux qui vouloient entrer, il eust passé entre deux corpsde garde, l'un de gens de pied, et l'autre de cheval^ où ils n'eussent trouvé que sentinelles; et avant que
