C, D. M. T. VIT
les corps de garde eussent pensé à ce qu'ils avoient à faire, ceux qui eussent voulu entrer pouvoient gaigner une colline le long des vignes, par où le capitaine Sainct André estoit en plein jour entré, comme ils pouvoient faire en despit de tout le monde, d'autant qu'estant la nuict obscure, il eust esté malaisé qu'un corps de garde se fust desplacé pour les venir chercher, pour le moins qu'ils n'eussent esté en lieu de sûreté, pource que c'estoit fort près de la ville. Avant aussi que passer plus oultre, je ne veux faillir à declairer que ce secoursd' Anglois , que la royne Marie envoya au roy Philippes son mary, et qui arriva en ces jours au siège de Sainct Quentin, estoit estimé au nombre de neuf à dix mille hommes de pied , et quinze cens ou deux mille chevaux , soubs la charge des milords Pambrotz (1), Clinthon et Grey, lesquels passans près d'Ardres firent quelque semblant de s'y vouloir attacquer ; mais M. deSansac,qui estoit dedans, estant la place bien pourveuë et garnie , leur fit assez cognoistre et veoir qu'il ne les craignoit pas . et ainsi se rendirent au lieu où ils estoient attenduz. Or, pour maintenant retourner à la suitte du siège de Sainct Quentin , ayant le secours qu'amenoit M. Dandelot failly à y entrer, ceux de la ville commencèrent à s'estouner. Mais M. l'Admirai fit tant pour ceste fois, qu'il les remit, leur remonstrant qu'il n'estoit point lu venu pour se perdre , et qu'il avoit amené tant de gens de bien, que, quand il n'y en entreroit point d'autres, ils estoient suffisans pour se de fendre contre toute la puissance des ennemis ; mais qu'il les asseuroit davantage que M. le counestabie tenteroit tous moyens du monde pour les secourir. M. l'Admirai fut lors adverti qu'entre ceux qui s'estoient retirez dans ceste ville de l'ai larme qu' avoient donné les ennemis marchaos en pais, il y avoit plusieurs bons hommes de la frontière qui avoient accoustumé de faire la guerre en des petits forts où ils se tenoient; parquoy, pour se servir de tout ce qu'il pouvoit, il donna charge à deux gentilshommes du pais, l'un nommé Colincourt, et l'autre Avernal, d'arborer chacun une enseigne, et, comme ceux qui les cognoissoient mieux qu'autres, ils eussent à retirer soubs eux la plus grande quantité et les meilleurs hommes qu'ils pourroient, et les mieux armez; qu'après les avoir enrôliez ils les fissent assembler en la grande place, auquel lieu luimesme iroit faire leurs monstres, et leur feroit bailler à chacun un escu : ce qu'ils firent fort promptement, et ce mesme jour lui monstrerent tous deux deux cent vingt hommes assez bien
(I) Penihrock.
'COMMENTAIBES DE FRANÇOIS DE BABUTIN. [1557]
armez et en bon équipage pour le lieu ; lesquels il fit payer comme il avoit promis, et puis loger en un quartier comme les autres compagnies.
Ainsi que M. l'Admirai discouroit et se promenoit par la ville pour tousjours considérer et entendre les affaires où il falloit remédier, il advisa plusieurs pauvres personnes qui s'y estoient sauvez et retirez des villages, lesquels, pour quelque commandement qu'on leur fist, ne vouloient travailler ny s'employer aux fortifications. Pourtant fit publier une ordonnance que toutes personnes qui s'y seroient retirez des villages, eussent à aller besougner aux remparts , sur peine d'estre fouettez par les carrefours pour la première fois qu'on les trouveroit défaillans , et pour la seconde , d'estre penduz et estranglez; sinon, qu'une heure devant la nuict ils se tinssent près de la porte de Han, qu'on leur feroit ouvrir pour les mettre dehors. Il en sortit de sept à huict cens ou environ. Ce fut autant de descharge, d'autant qu'il falloit les nourrir ou les laisser mourir de faim ; qui eust peu apporter une peste et infection d'air avec plusieurs autres maladies contagieuses. Il fut pareillement de besoing que de rechef il donnast ordre à repartir et égaler les quartiers de la ville , où il y avoit grande confusion ; car, encor qu'il y eust seize hommes de la ville déléguez pour ceste charge, ils y faisoient si mal leur devoir, que c'estoit temps perdu de leur en commander quelque chose. A ceste cause il renchargea à seize gentilshommes de ceux qui estoient residens ordinairement eu la ville , de retenir cest esgard sur les quartiers, tant de leurs hommes que des armes qu'ils avoient en leurs logis. Quand M. l'Admirai veit que le premier secours n'estoit pas entré , la chose où il prenoit plus garde tous les soirs et matins , estoit à l'assiette des guetz qu'ordonuoient et asseoient les ennemis, pour veoir s'il y auroit moyen d'y en faire entrer d'autres, et pour en advertir M. le connestablc. Et après avoir d'un bout à autre tout considéré, il luy sembla faisable et possible, comme aussi le jugeoient tous ceux à qui il en communiquoit, principalement pour n'avoir pas encore ledits ennemis saisi et pris le logis qui plus pouvoit incommoder et reserrer les assiégez en ce faict. Pour ceste cause il depescha trois archers de sa compagnie, qui estoient de ce pais , et leur fit bien au long entendre sa conception, leur monstrant trois endroits par l'un desquels ils ne pouvoient faillir d'entrer à trois signais qu'il leur fit voir, afin que par iceux ils peussent coguoistre le plus aisé, et l'endroit où ils pourroient plus seurement venir.
Cela faisoit-il à raison que les ennemis pouvoient changer de logis, ou asseoir un nouveau guet : dequoy il ne pourroit si promptement advertir ceux qui viendroient.
Le premier soir que ces trois archers Guidèrent sortir, ils ne peurentpour avoir esté descouverts des ennemis; mais le lendemain les ennemis deslogerent , et se vindrent mettre et camper es lieux que l'on craignoit le plus, dont lesdits archers peurent avoir cognoissance. Ce nonobstant, ils furent si hardis et asseurés , que ils passèrent et traversèrent une partie de l'armée qui raarchoit. Toutefois M. l'Admirai ne se voulant du tout fier à cela, par un autre moyen à l'instant mesme advertit M. le connestablc qu'il ne le pouvoit plus secourir par les endroits qu'il lui avoit mandé par ses archers. Dès ceste heure là les ennemis commencèrent leurs tranchées, et approcher de plus près la ville du costé de la porte de Remicourt : ce qui leur estoit facile à cause de la grande quantité de bayes et arbres qu'il y avoit jusques sur le bord des fossez, où lion n'avoit pu faire besongner pource que les ouvriers avoient esté employez en autres endroits plus douteux et à craindre que celuy-là des le commencement.
M. l'Admirai apperceut que les pionniers jettoient grande quantité de terre en un mesme lieu ; et pource qu'il estoit aisé à juger que c'estoit plutost une mine qu'une tranchée , pour en avoir meilleure cognoissance il monta au grand clocher, et y mena avecques luy Lanfort, anglois, lequel aussi estoit mineur, qui fut bien d'opinion que c'estoit l'ouverture d'une mine. Mais comme , de bonne fortune, il y avoit desjà deux ou trois jours qu'il avoit commencé de contreminer en lieu si à propos , qu'après avoir tout bien veu et considéré il luy dist qu'il ne se donnast la peine de ce qu'ils faisoient , qu'il gaigneroit le devant, et pourtant qu'il pourveust au reste.
Cependant les ennemis travailloient fort à remuer terre en leurs tranchées, et commencèrent defort près approcher les fossez ; àquoy M. l'Admirai ne pouvoit remédier , car il n'avoit pas cinquante harquebusiers dont il peust faire estât, n'estant encore entré dans la ville que ce qu'a esté ditcy-devantdes compagnies des capitaines Sainct André et Rambouillet; de arquebuses à croc , quand il entra dans la ville , il n'en trouva que vingt et une, que bonnes que mauvaises; sur cela l'on penlt juger combien il en pouvoit mettre ensemble. Il n'y avoit une seule plateforme qui eust cognoissance du lieu où ils besongnoient; parquoy d'artillerie il ne s'en pouvoit ayder en aucune sorte. Quant à faire sortir gens, il n'estoit pas non plus raisonnable , veu le petit nom-
bre qu'il avoit ; aussi qu'il eustesté besoing mettre une bonne troupe d'harquebusiers, pour soustenir ceux qui sortiroient et qui feroieut l'exécution, et dedans et dehors: tellement que, pour en parler briefvement, M. l'Admirai ne leur pouvoit donner grande fatigue et empesehement, dont il estoit fort marry , estant sa principale occasion de faire remparer les lieux qui en avoientbesoing. Mais encore en estoit-il grandement diverti par des pièces d'artillerie que les ennemis avoient logées sur la plateforme du faulxbourg d'isie , qui voyoient et commandoient tout au long de la courtine, où estoit la principale et plus nécessaire besongne. Pour laquelle cause ou ue pouvoit plus recouvrer ouvriers, si ce n'estoit à coups de baston. Et pource que tous ceux qui y avoient besongne auparavant , c'estoit de leur volonté et librement, M. l'Admirai fut lors contraiuct de faire faire un rolle des pionniers auxquels il promettoit les nourrir et , outre cela , leur bailler argent chacun jour, à raison que les vivres commençoient à estre fort courts. Et pour la friandise d'un petit d'argent , cela fut cause qu'il s'en enroUa environ trois cens qui servirent assez bien pour quelque temps : toutefois on ne laissoit pas , outre ceux là , d'y amener et contraindre ceux de la ville, tant hommes que femmes : tous lesquels encor ne pouvoient satisfaire en divers lieux qui se presentoient et se retrouvoient de nouveau avoir de besoing d'y mettre la main, et d'estre reparez et fortifiez. Ainsi passoient les affaires de ce siège au dedans de la ville.
Or, l'une des choses en quoy M. l'Admirai avoit plus de pensement et l'esprit tendu, comme aussi celle qui estoit la plus nécessaire, estoit de trouver un moyen par lequel il peust estre secouru : enfin il n'en trouva point de plus certain que par un marest où il y avoit aucuns petits passages creux qu'il falloit réparer et racoustrer, pource que l'eau y estoit profonde, comme il feit. Et après qu'il fut asseuré qu'on pouvoit faire entrer gens par là, il en advertit incontinent M. le connestable, et du jour que il avoit eu cognoissance de sa cavallerie, qui estoit approchée bien près de luy. M. le connestable luy manda qu'il l'approcheroit encore de plus près dans le jour qu'il l'avoit adverty ; que cependant il se pourveust de ce qui avoit donné moyen au capitaine Sainte-Roman d'y entrer, luy donnant assez à entendre que c'estoit de bateaux , desquels il ne pouvoit fmer ny en recouvrer en aucune sorte, seulement avoit deux ou trois petites nacelles où il ne pouvoit tenir que deux ou trois hommes à la fois, encore à grande difficulté. D'autre part, il est facile à pré-
sumer que M. le connestable n'estoit en moindre sollicitude et travail d'entendement à rechercher et imaginer toutes ruses pour secourir ceste ville, et remédier qu'elle ne fust perdue à nostre veue, et par un seul défaut, qui estoit d'hommes, sçachant mesmement de combien elle importoit à toute l'ouverture et estonnement de toute la France. Parquoy, après avoir longuement débatu et consulté de tout ce faict , la résolution fut d'y faire entrer gens par les endroits et passages de ce marets, qu'on luy avoit dit seurs et reparez pour cest effect : et , pour traverser le courant de ce ruisseau qui y coule et abreuve ce marets , il feroit porter six ou sept bateaux dans lesquels passeroient les soldats , pendant qu'on donneroit l'allarme à tout le camp de l'ennemy ; estant ceste entreprise l'une des plus grandes et louables qui soit mémoire des hommes avoir esté practiquée , si les bateaux eussent peu aborder à rive , comme il ne fut possible à cause de la vase et de l'espesseur de la bourbe limoneuse, et que l'issue en eust esté heureuse et respondante à la délibération. En quoy l'on peult de plus en plus esprouver les incogneus jugements du Seigneur Dieu omnipotent , la disposition duquel prévient le plus souvent les pensées et propositions des hommes, et sans lequel inutilement et en vain travaille celuy qui entreprend la garde et défense des villes. Ce que dire et narrer je m'excuserois volontiers [ comme d'un récit odieux et mal plaisant pour nous] , si la suite et continuation de mon propos ne m'y contraignoit ; lequel palliant, et n'y recitant autant l'infortune que la prospérité [selon que les Romains l'ont observé en leurs histoires], je me prouverois moy mesme menteur : en quoy, tant qu'il me sera possible ., ne veux tomber de ma propre volonté et mouvement ; combien qu'en cela je désire grandement et supplie un chacun m'excuser si je ne puis parler sinon de ce que puis avoir sceu certainement, et qui me touchoit de plus près ; estant du surplus les opinions et rapports si differens et confus, comme de chose aussi advenue et passée confusément et au despourveu , qu'il n'y eut homme de nostre costé qui ne pensast plus à se défendre ou demesler et retirer, qu'à considérer et remarquer les choses à l'œil. Ainsi ce que j'en déduiray brief\ement sera une attente et ouverture de continuation que je prépare à quelqu'un qui aura veu et sceu davantage que moy, d'y adjouter ce qu'il sçaura pour le mieux : ou bien celuy qui escrit doctement nostre histoire françoise en latin (l) , selon
(I) Il est probable que Rabuliii parle de l'ouvrage de Pierre Pasclial, dont il a fait l'éloge daus son epîtredédicatoire.
COMMENTAIRES DE FRANÇOIS DE R\BIITIN. [iri;")?]
qu'il est parfaitement instrulct de la vérité, eu esclaircira toute doute et difficulté , pour la publier par toutes les nations de ce monde : protestant que ce que j'en ay escrit a esté, tant pour dire mon advis promptement sur plusieurs et variables doutes qui sont sur ce faict glosez et controuvez, que pour respondre à certains escrits que les ennemis ont divul<;ués et publiés , aussi pour eu laisser une mémoire à noz successeurs. Doncques, pour retourner à mon propos, M. le connestable , pour donner commencement à son entreprise, des le dimanche huictiesme de ce mois d'aoust, partit de La Fere et voulut luy mesme aller recoguoistre les chemins et passages qu'il devoit tenir, et par où ce secours devoit estre conduict et entrer, prenant avecques luy la pluspart des princes et grands seigneurs qui estoient en son armée , et autres capitaines expérimentez et de conseil , avecques environ quinze cens ou deux mille chevaux , et de trois à quatre mil hommes de pied francois et allemans , y estant le capitaine Enard maistre de camp, et quatre pièces de campagne. Arrivant avec tout cela près d'un village appelle le grand Essigny, feit là demeurer en bataille toutes les troupes tant de cheval que de pied, et luy, ayant choisi messieurs de jSevers, prince de Condé, les comtes de Yillars et de Sancerre , les sieurs de Montmorancy et Dandeiot, et autres qui luy estoient propres et de jugement en cest affaire , passa oultre, approchant le plus près de la ville qu'il peut sans estre descouvert , jusques sur la descente du marets , n'apparoissaus adonc nuls ennemis. De là fut commandé au sieur de Fumet, qui avoit esté esleu pour ceste charge, d'aller et approcher encore plus près, afin de recoguoistre seurement L'armée plus prochaine, campée entre la ville et le marets, qui estoit celle du prince de Piedmont , et bien contempler et mesurer en sou esprit la distance depuis la ville jusques aux plus proches de ladite armée, qui estoient les Espagnols, et par mesme moyen la distance de deçà, au bout de delà du marets, et quelle largeur le ruisseau qui passoit au milieu pouvoit avoir. Avec luy furent envoyez deux gentilshommes, l'un de la maison de M. de Nevers, appelle le sieur de Montiou, et l'autre qui estoit au comte de Sancerre, que l'on disoit estre son parent. Le tout recogneu et parfaitement considéré et remarqué par le sieur de Fumet, ayant tiré et sceu l'opinion de ces gentilshommes sur la distance de ces lieux , et autres particularités concernantes sa commission , se retirèrent sans aucun empest'hement la part où estoit M. le conuestable, nonobstant qu'il y eust deux enseignes d'Espagnols eu garde dans le moulin deçà le
marets, et qu'ils trouvassent plusieurs AUemans sans croix blanches ny rouges, ne pouvans scavoir d'eux desquels ils estoient, pource qu'ils ne parloient que leur langage et n'avoient point de truchement. Ils trouvèrent M. le connestable qui s'estoit assemblé avec sa cavalerie, ses gens de pied et artillerie , auquel iceluy sieur de Fumet feit son rapport de tout ce qui luy avoit esté commandé , appellant à tesmoings les gentilshommes qui avoient esté envoyés avecques luy : lesquels respoudans et alléguans raisons à M. le connestable de la distance de ces lieux , iceluy sieur de Fumet asseura qu'il ne la pensoit du camp de l'ennemy à la ville , et de la traverse du marets, si longue que la jugeoient ces gentilshommes , mais que ce pouvoit estre environ cela. Après lequel rapport , M. le connestable avecques ses forces se retira à La Fere , pour ad viser et conclure du surplus.
Dès le soir ensuivant, 9 de ce mois, il fut advisé de faire acheminer et passer les gens de pied, tant francois qu'aîlemans, sur un petit pont qui fut basty au dessoubs de La Fere expressément, et pareillement quinze pièces d'artillerie, à sçavoir : six canons, quatre longues coulevrines, deux bastardes et deux moyennes. Et dès le matin, au poinct du jour du 10, teste de sainct Laurent, se trouvèrent iceux gens de pied en bataille à La Justice, estans au nombre de seize enseignes francoises et vingt deux d'AIlemans, ausquelss'allajoindre et assembler toute la cavallerie et gendarmerie à la mesme heure, laquelle toute la nuict avoit passé par dedans La Fere, pour y arriver à poinct nommé. De ce lieu toute l'armée tenant ordre de bataille s'ache- mina droit à Sainct Quentin : auquel lieu arri- I vaut environ huit ou neuf heures du matin, s'arresta et rangea en ordonnance, au dessus et à l'endroit de ce fauxbourg d'Isle , et au costé mesmes où estoient logées les quatorze enseignes espagnolles, qui l'avoient gagné dès le commencement. Du mesme costé, par-delà l'eau et le marets, estoit campée l'armée du prince de Piedmont, faisant grande monstre et estant de longue estendue, et pour sentinelles estoient mises en un moulin qui estoit de nostre costé, ces deux enseignes espagnolles d'harquebusiers , dont j'ay desjà parlé ci-dessus, qui gardoient une petite chaussée par laquelle l'on pouvoit passer d'autre part. A l'arrivée , ces Espagnols cuiderent faire quelque résistance ; mais , eu moins de rien , les nostres les rembarrèrent et chassèrent de là, les menans battans à coups d'harquebuses et coups de nuiin, jusques oultre la chaussée. Au mesme instant fut affustée et bracquée nostre artillerie , (|ui tiroit si impétueusement dans ce camp dir
COMMENTAIRES \)E fllAlNÇOlS l>Ji IIABUTIN. [lôo7j
prince de Piedmont, ({ue l'on y voyoit tout le monde fuïr et s'esparpiller de tous endroits ; mesmeraent dounoit de telle sorte dans les tentes et le pavillon où couchoit ce prince, qui avoit esté monstre par un archer de ses gardes pris ce matin par noz coureurs, que l'on a sceu depuis ne luy avoir esté le loisir d'y prendre et endosser ses armes, estant contrainct abandonner tentes et toutes autres choses , et avec son armée prendre un tour bien long au dessoubs de la ville, pour s'aller joindre à celle du comte d'Aiguem.ont. qui estoit campée celle part, mais Je dis au plus grand desordre que l'on veit oncques. Chose qui donnoit si grand plaisir à regarder à tous ceux qui le voyoient, que le vouloir et !e courage de combattre par mesme affection eu redoubloient. Il y avoit un passage fort â douter et dangereux pour nous, distant de ce fauxbourg d'isle, où nous estions, environ une lieuë. Pour lequel recognoistre et sçavoir si aucun y passoit, fut envoyé M. d'Eschenets avec un guide, lequel rapporta qu'il n'y avoit veu encore personne passer ny prendre le chemin pour y venir ; mais qu'il seroit besoing y envoyer cent harquebusiers à pied. Toutefois, il fut trouvé le meilleur que ce fust plusto.st une cornette de pistolliersduReingrave, là présent, afin d'avoir par eux plustost nouvelles s'ils estoient forcez , que de gens de pied , qui seroient plustost perdus que secourus, aussi qu'ils se pourroient plus aisément retirer. C'estoit adonc que M. le connestable estoit au plus fort de la diligence, 4pi'il redoubloitet repartoiten toute sorte, pour avancer et faire entrer ce secours ; mais n'y pouvans les bateaux approcher rive , tant pour l'abondance des soldats qui s'y eutassoient et y entroient à la foule , dont ils estoient si chargez, que , pour la bourbe et le limon où ils estoient enfoncez, il n'estoit possible d'y en conduire et passer grand nombre ; encore au sortir des bateaux, à cause de la presse, les soldats nepouvoient suivre les addresses et sentes qui leur estoient appareillées ; de façon qu'ils s'escartoient et se jettoientà costé dans les creux des miarets, d'où ils ne pouvoient sortir, et demeuroient là embourbez et noyez. Cependant les ennemis, à ceste furieuse alarme , se retiroient tous à la file au camp du comte d'Âiguemout , où ils consultoient de ce qu'ils avoient à faire. Se faisaut ce gros et tumultuaire amas d'hommes entendre et voir, tant par le bruit des armes et chevaux , que par les cris et diverses voix qui remplissoient l'air jusques à noz oreilles , demonstroit quelque présage de sanguinaire entreprise. Ce qu'estant apperceude M. de Nevers, et craignant sur tout ce passage suspect dont nous avons
parlé , dit à M. le connestable qu'il voyoit terre couverte d'hommes, tant de pied que de cheval, en l'armée du comte d'Aiguemout , à laquelle s'estoit allé joindre le duc de Savoye avec la sienne ; qu'il estoit à douter qu'ils forçassent ce passage où avoit esté envoyé M. d'Eschenets ; pourtant qu'il estoit d'advis d'y aller luy-mesme avecques plus grandes forces : ce qui fut trouvé bon , et dont le pria bien fort M. le connestable. S'estaut acheminé ce prince avec son régiment de gendarmerie , à sçavoir de sa compagnie et celles des seigneurs de Curton et d'Aubigny, accompagné de M. de Vassé , ne fut pas si tost arrivé en ce lieu , qu'il trouva quinze cens ou deux mille chevaux desjà passez deçà le passage, et une si grande multitude qui passoit et vouloit passer, qu'il n'estoit possible la nombrer estant tous les gens de pied derrière eux en bataille. Et lors , quelques uns furent d'advis [et comme il estoit facile à juger] de charger ce qui estoit desjà passé, et le renforcer sur ce qui passoit, avant qu'ils fussent plus forts. Surquoy fut remonstré par aucuns capitaines estans là n'estre chose raisonnable, ains que plus tost l'on se devoit retirer que s'advancer davantage, pour la furieuse contenance qu'ils demonstroient , et que M. le connestable n'estoit point la venu en intention de bazarder les forces de France , qui estoient de nombre beaucoup plus petites et foibles que celles des ennemis , si une grande contrainte ne l'y forçoit ; et encore que les affections et courages fussent aussi grands et forts , si ne falloit-il précipiter et soubsmettre à l'adventure un affaire de si grande importance , sans plus advantageuse occasion. Parquoy, sur cet advis se retirant, M. de Nevers s'alla joindre à M. le prince de Condé, que M. le connestable avoit fait demeurer a un moulin à vent avec la cavallerie légère ; et eux ensemble , tenans la main gauche , feirent si bien , que , sans aucune perte, se r'allierent à l'armée de M. le connestable, qui gaignoit tousjours pays de sa retraitte. Les ennemis cependant se renforcans , s'advanooient et advantageoient sur nous , se presentans beaucoup plus forts qu'auparavant , en huict gros bataillons de cavallerie et reitres , et tant s'approchèrent et recogneurent de si près à loisir nostre petite armée , qui ne montoit qu'une poignée d'hommes près de la leur, n'estant que de neuf cens hommes d'armes mal complets et quelques chevaux légers, qu'après avoir quelque peu parlementé , le comte d'Aiguemont, selon que les ennemis mesmes en ont escrit , avec deux mille chevaux chargea dans un flanc, et les comtes Henry et Ernest de Brunsvich. avec chacun mille reitres, sousteuus par le comlc de Horu
COMMENTAIRES DE FRAJNÇOIS DE RABL'TIN. [l557|
avec mille hommes d'armes donnèrent dans l'autre. En mesme instant les comtes Mansfel , de Yuillen, d'Ostiat et de Gheidres, avec autres trois mille chevaux , vindrcnt enfoncer et se mesler au milieu , le tout avec une si esmerveillable furie , qu'ayans renversé les premiers rancs et ceux qui soustindrent ce premier choc, tout le surplus de soy-mesme tourna en routte et fuite , en si grand desordre et si incredible confusion, que l'on y pouvoit juger et cognoistre ime évidente punition divine , et un renversement de l'air qui jusqu'alors avolt suivy le Roy et les siens en toutes ses entreprises , plustost que la faute de ceux qui en avoient la conduite , lesquels on ne peut accuser d'indevoir ou négligence quelconque. Le comte de Schevalzbourg avoit esté commandé pour garder le passage avec son régiment de reitres , dont il fut après mal content pour n'avoir eu part au butin. Il est trèsdifficile declairer où et par qui commença ce désordre , pour estre advenu tout à un coup ; aussi qu'il n'y a homme maintenant à qui ou le regret , ou la peur et crainte , n'en ayent effacé la mémoire et souvenance. Il est vray le commun bruit estre te! , que la plus grande occasion qui esmeut les ennemis , et qui leur donna hardiesse bazarder leur charge sipromptemeut, fut quand un grand nombre d'hommes inutiles pour le combat , comme thresoriers et marchands , et autres telles gens qui suivent une armée, ou pour leur plaisir ou pour le profit, voyans les ennemis de si près, d'eux mêmes prindrent la fuite pour se sauver de bonne heure , et leurs deniers et marchandises , et semblablemeut les vallets que l'on feit retirer trop tard ; tous lesquels , se retiraus confusément au grand galop et avec grandes crieries, feirent penser à l'ennemy que nostre armée s'esbranloit desjà et estoit heure depoulser leur fortune et charger. Le desastre fut encore si général et commun , que M. de Nevers , lequel en retournant tenoit la main gauche , lors que la première charge commença , de malheur se trouva en un vallon et chemin fort creux entre luy et l'armée de M. le connestable, où voulant tourner son régiment pour présenter teste et soustenir l'ennemy, fut choequé et renversé, et ses compagnies ouvertes et rompues de la presse et de la foule, laquelle s'y trouva si confuse et meslée des ennemis et des François, qu'il ne fut plus question de tenir ordonnance, et garder son raiiii pour combattre; ains chai'un pensoit à se sauver et détraquer des rencontres de l'ennemy, cédant la moindre partie vaincue à la plus grosse et plus forte du valncueur. Le sieur de Oivry, lieutenant de la compagnie de M. de Nevers , y fut fait prisonnier adonc , et aussi tost
rencontré. Le sieur d'Espeuilles , enseigne de cette compagnie, y fut abbatu et jugé pour mort (lès l'heure; toutefois Dieu luy conserva si bien renteudement , que, sentant son cheval fort blessé , et se voyant hors d'espoir de se sauver sans estre tué ou demeurer prisonnier, donna son drapeau au sieur de Ghazellesson cousin, homme d'armes de cette compagnie , pour essayer de le rendre , et qui le rendit en sauveté , et luy demeura prisonnier. Le sieur de Sainct Simon, qui en est guidon, fut aussi abbatu, et son cheval renversé sur luy ; mais un gentilhomme de la compagnie, qui a accoustumé de le suivre, nommé le sieur Daverly, le vint trouver et cognoistre, et le releva et sauva, ayant tué d'un coup de pistolet celuy qui le vouloit emmener prisonnier. Quanta la personne de M. de Nevers, après divers heurs et chocquemens, après luy avoir esté tirées maintes pistolades , dont la bonne trempe de son harnois le garentit , après avoir esté abbatu , et aussi tost remonté , après , à bref dire, avoir traversé infinis dangers, le Seigneur Dieu, le tenant soubs sa protection, luy feit grâce de se pouvoir retirer et r' allier en un lieu où il trouva , et fut suivy de ses meilleurs amis et serviteurs, lesquels , voyans toutes ces choses réduittes en extrême danger irrémédiable, luy conseillèrent, et le conduisirent jusques à La Fere, pour subvenir au plus grand besoing de l'avenir. Je parle de ces choses plus asseurement et clairement , pour en avoir plustost sceu la vérité que les autres , et aussi que celles-cy me touchoient et appartenoient de plus près. Toutefois, pour dire un mot de ce qui poin-roit avoir esté fait et seroit advenu es autres endroits de nostre armée, il n'y a aucune doute que beaucoup de gens de bien et vaillans hommes de nostre costé , ne s'y soient employez jusques aux derniers souspirsde leurs vies , comme l'ont tesmoigué, ou leur mort, ou la prison. Ce neantmoins leur nombre estoit trop petit, foible et mince pour soustenir le trop gros et trop puissant des ennemis , dont seroit advenue la victoire aux ennemis, laquelle ils doivent justement et à bonne cause attribuer à Dieu , ne l'ayans acquise par leurs armes et leurs forces. En ce jour, dy-je, il y eut beaucoup de gens de bien et vaillans hommes de nostre party, tuez , blessez et prisonniers , les noms de tous lesquels h la mienne volonté que je peusse sçavoir pour leur laisser en cest endroit le tesmoignage qui leur est deu , de perpétuelle mémoire de leur vertu , ne voulant estre larron et receleur de leur honneur et mérite. Maispource qu'il ne peuU estre parfaitement sceu de moy , je nommeray lesprincipaux , et ceux qui sont venus à ma cognois-
COMMENTAmES DB FKÂSNÇOIS DE RABOTIN. |1557|
sance. Entre autres hommes de renom, y fut tué ce tant estimé prince , et tant plainct pour les vertus qui reluisoient eu luy, Jan de Bourbon , duc d'Anghien, lequel après s'estre rallié et r'assemblé avecques quelques troupes françolses, combattit tant et si longuement , qu'il fut rué par terre, avec un coup de pistolet à travers le corps , et depuis relevé et emporté au camp des ennemis , où il survesquit peu de temps ensuyvant , et après fut renvoyé à La Fere , pour y estre ensepulturé près de ses prédécesseurs , par le prince de Piedmont, avec tant dhonneurque luy peut faire adonc , estant bien fort regretté de luy et de tous les ennemis mesmes. Aussi y fut tué ce vaillant et brave jeune seigneur, le vicomte de Tliuraine (1), après avoir autant bien fait et combattu que les forces humaines le pouvoient comporter. Le comte dé "Villars y fut fort blessé et long-temps tenu en doute de mort. Le fils du sieur de La Roche du Maine, les sieurs de Chandenier, enseignes de M. de Montpensier, de Guron , enseigne du prince de La Roche-sur- Yon, de Goulaines, enseigne de iVI. de La Roche du Maine , de Pleuvot , guidon de M. de Bordillon, de Saiuct-Gelaiz, guidon de M. le mareschal Strossy, tous ceux là y sont morts avec gloire et loz immortel, les âmes desquels le Seigneur Dieu aura receu en béatitude éternelle. Quant aux prisonniers, M. le connestable . après avoir offert à sacrifier sa vie pour penser remédier à ce désordre , estant fort blessé en la hanche, fut enveloppé et emmené prisonnier, comme il en advint au duc de Montpensier, qui , après avoir rompu lances et jusques à un guidon qu'il recouvra, et s'estre exposé à tous dangers de sa vie, enfin le Tout-Puissant permit seulement qu'il restast prisonnier. Je croy qu'au semblable n'y espargnerent rien de leur force et vertu tous ceux que je nommeray cy après qui y demeurèrent prisonniers, à sçavoir : M. le mareschal de Sainct- André , seigneur d'autant bonne couduitte et digne de louange qu'il en soit de ce règne; le duc de Longueville , le seigneur Ludovic, prince de Mantoue; les seigneurs de Vassé , le baron de Curton , de La Roche du Maine, et le Reingrave, colonel des Allemans, tous chevaliers de l'ordre de France; le comte de La Rochefoucault, le sieur d'Aubigny, les sieurs de Rocheforten Brie, de Montbrung (2), fils de M. le connestable ; de Biron,de La Chappelle Riron ; de Saint-Heran , enseigne de M. le connestable ; de jXeufvy , enseigne de M. de Bor-
(I) François de La Tour d'Auvergne, vicomte de Turenne.
^2; Montberon.
dillon ; de Bussay, lieutenant de M. le prince de La Roche-sur-Yon -, de Montereul , soubs lieutenant de ladite compagnie ; de Marçay, guidon de M. de La Roche du Maine ; le capitaine l'Advernade , enseigne de M. d'Anghien ; le baron de Tho'jarçay, de la maison du Bellay; les sieurs de Mouy, de MoHnOnt , de Funaet ,' de Rezé et de Montsalez. Et plusieurs autres y furent tuez, blessez et prisonniers : les noms desquels, certainement s'ils pouvoient estre sceuz , mériteroient estre escrits en lettres d'or, et estre mis en lieux apparens, pour estre veuz et leuz de chacun, et pour servir d'exemple et de mémoire à la postérité. Quant à noz pauvres soldats , tant françois qu'ailemans , si tost qu'ils veirent la nuée arriver, comme gens de guerre se serrèrent tous en bataillons quarrez, et bien joints pour attendre le choc : estans enfoncez et rompuz en tous endroits, fut en après fort facile à l'ennemy d'en faire un cruel carnage et boucherie , et le surplus furent emmenez prisonniers à troupeaux comme moutons, lesquels, à la venue du roy Philippes au siège de Sainct-Quentin , luy furent présentez en triomphe, avec force enseignes, tant de cheval que de pied. Chose pleine de pitié, et grandement à pleindre par nous, pour estre icelles compagnies de fautèrie, en ce peu qu'elles se comportoient, autant belles, bien complettes et bien armées, que l'on en avoit veu en France il y avoit long-temps. Le lieu du grand massacre et plus furieuse tuerie fut , comme chacun le tesmoigne , entre le grand Essigny et une maison de gentilhomme, appellée RizeroUes, en un grand chemin appelle Blanc-Fossé, où chacun tlroit pour se sauver, et là estoient attenduz pour y payer le dernier tribut de leurs vies. Ce piteux spectacle et très-cruel sacrifice dura pour le moins quatre ou cinq heures que le vespre commençoit, quand les ennemis poursuivirent leur victoire jusques à La Justice, distant une lieuë de La Fere, et là s'arresterent et ne passèrent oultre , selon qu'il leur estoit très-facile , et comme la loy de la guerre leur ordonnoit et permettoit, pour entièrement user de leur victoire, où ils eussent trouvé soudainement tout ce qui s'esîoit sauvé, tantestonné et effroyé, qu'au seul bruit de leur veuë et venue ils demeuroient maistres partout ou ils eussent passé sans trouver contredit. Mais il semble que le supresme dominateur dieu des victoires les arresta là tout court , et leur planta en cest endroit une barrière pour n'entreprendre oultre ce que sa volonté l'avoit permis et le vouloit. Et en cela et ce que depuis est ensuivy, on a peu clairement cognoistre ses estranges et incogneuz jugements. Quant à l'artillerie, l'on estime qu'elle fut toute per-
COMMENTAIRES DE EKANÇOIS DE KAlîUTIiN. [15Ô7]
due et emmenée des ennemis, réservé deux ou trois pièces qui furent chassées et emmenées jusques à ceste Justice de La Fere , que M. de Bordillou retourna depuis quérir.
En ce lieu de La Fere se sauvèrent et retirèrent M. de INevers , le prince de Condé, le comte de Sancerre, M. de Bordillon et quelques autres seigneurs, capitaines et soldats, tant de gendarmerie que des gens de pied. M. de Montmorency et aucuns autres prindrcnt autre adresse et retraite, estans tous ces princes et seigneurs si harrassez et atténuez . qu'il leur eust esté impossible de souffrir le moindre choc du monde, tant ils avoient eu de mal pour avoir soustenu l'effort du combat si long temps, et pour veoir la desfaite des leurs , et la prise des premiers de l'armée , et le desespoir de pouvoir avitailler Sainct- Quentin. Cependant on arrivoittousjours à la file, tant de ceux qui s'estoient escartez et cachez dans les bois ou autres endroits , que d'autres qui s'estoient sauvez et eschappez des mains des ennemis , les aucuns tous sanglans et couverts de playes, les autres tant blessez qu'aussitost estre arrivez expiroient et rendoient l'ame. En ceste tumultuaire et effroyable assemblée , s'esleva un bruit qui parvint jusques aux oreilles de ces princes , que M. le connestable n'estoit encore pris et qu'il avoit rallié beaucoup des nostres , et combattoit. A ces nouvelles s'esleverent tellement leurs esprits et courages, qu'ils recoururent incontinent aux armes , et n'oy oit-on plus partout que demander harnois etchevaux, et trompettes sonner à cheval , ayant chacun j'ecouvert ses forces et sentimens pour venger la honte précédente ; toutefois ce murmure se trouva nul , et demeura assoupi en peu d'heure. En après peu à peu chacun commença à s'asseurer quand l'on veit que les ennemis ne faisoient plus grandes poursuites , et lesquels l'on rapporta se retirer et reprendre le chemin devers Sainct- Quentin, combien que la doute fust ambiguë et suspecte qu'ils changeassent d'advis, et ne se remuassent de ce siège , comme de chose qu'ils tenoieut desjà toute acquise, pour se saisir de plus grande estendue que la fortune par ce bon commencement leur promettoit. Et craignoit-oii que, partans leur armée en deux, ils ne feissent marcher l'une des parties devers Comprenne , ou estoit le Roy et toute la cour, et de là à Paris , pour saccager et esbranler le cueur et fons de ce royaume , et qu'avec l'autre partie ils ne vinssent assiéger La Fere . qu'ils sçavoient n'estrc forte , et où ils pouvoient estre advertis s'estrc relire le surplus des forces de France, pour en parachever la totale extermination; et nous osier toute ressource et espérance de nous
remettre sus. Laquelle délibération s'ils eussent suivy , je crois que , sans l'aide du Seigneur Dieu, on eust peu veoir de grandes mutations et divers maux et malheurs advenir ; pour à quoy remédier, je pense que la grâce divine inspira M.de Xevers,et leshommesde conseil qui estoient auprès de luy, de faire deux choses promptement : l'une, qu'il envoya en extresme diligence le sieur Descars devers le Roy , pour l'advertir de ceste infortune, afin d'y adviser en pourveoir comme il estoit temps 5 et l'autre, qu'il depescha aussi-tost son trompette devers le , prince de Piedmont , avec lettres escrites de sa 1 main, par lesquelles il luy mandoit qu'encore qu'il eust pieu à Dieu luy donner la victoire, si ne pouvoit-elle estre si grande , qu'à cause du désordre qu'il pouvoit sçavoir y estre advenu , la meilleure part des forces du Roy ne se fust retirée et ralliée au lieu de La Fere , où aussi il avoit pieu au Tout-Puissant le retirer et sauver; que davantage elle ne luy estoit succédée si entière , que de son costé il n'en fust beaucoup morts ou restez prisonniers ; pourtant qu'il luy envoyoit son trompette expressément pour le prier de très-bon cueur l'advertir des hommes de réputation qu'il scauroit estre morts ou prisonniers de sa part , et qu'au semblable il en feroit faire recherche par son armée et l'en advertiroit. Cependant M. de devers , avec tous les chefs et capitaines qui se retrouvoient riere luy, advisoitdefouruiretasseurerles places douteuses et suspectées, lesquelles l'ennemy , eu ceste soudaine terreur, eust peu surprendre, et quant à luy, se resolvoit renfermer à La Fere. Toutefois , eu esgard à la grandeur et authorité de ce prince , et lequel il sembloit que Dieu eust réservé pour commander en ceste nécessité , il ne s'en trouva un seul de cest advis , et qui ne le dissuadast de ceste opinion. Le comte de Sancerre volontairement s'en alla à Guise, et emmena avec luy sa compagnie et celle du prince de La Roche-sur -Yon, et les deux compagnies de gens de pied de M. d'Estrée, et une du capitaine Pisieux. M. de Bordillon demeura à La Fere avec sa compagnie , celles de M. de Lorraine, du comte de Mllars , et les compagnies du capitaine Enard , maistre de camp , et cinq ou six autres. Au Castellet estoit le baron de Solignac , qui en estoit gouverneur , avec sa compagnie de gens de pied et celle du baron de Clerac. A Peronne estoit M. de Humieres , gouverneur, avec sa nouvelle compagnie de cinquante hommes d'armes , et celles de M. le mareschal Strossy et du sieur de Langey. avec cinq ou six compagnies de gens de pied, nereclicf M. de JNevers y renvoya les quatre du sieur de
Grammont. A Corbie estoit M. de Chaune, qui en estoit gouverneur , avec sa compagnie et celles des sieurs de Villebon et Vassé , et celles de gens de pied du jeune Bellefouriere, et les deux de Blamecourt. Depuis , le Roy y renvoya le sieur de Crevecueur. A Han estoit le seigneur de Sepois , qui en estoit gouverneur , avec sa compagnie et trois ou quatre autres de gens de pied , et depuis y fut envoyée , comme on m'a dit , la compagnie de jNI. le mareschal de Sainct André. A Montdidier fut envoyé le sieur de Bussy d' Amboise avec la compagnie de M. de La Roche du Maine , et une ou deux de gens de pied. A Coussy estoit adonc M. de Bouchavanes, avec une compagnie de gens de pied du capitaine des Hayes, et depuis y en furent renvoyées deux autres du capitaine Porcheux. A Chauny fut envoyé le sieur de Montigny, avec la compagnie de gendarmerie de M. de Montpensier, et deux autres de gens de pied.
En ceste sorte fut soudainement et en diligence pourveu à ces places circonvoisines de Sainct- Quentin , pour oster toute occasion à Tennemy de s'en prévaloir et les soustraire d'emblée. Oultre cela , ce prince envoya gens par tous les passages et endroits des environs , à douze , quinze et vingt lieues loing, pour advertir tous ceux qui s'estoient sauvez et retirez que ils eussent à se rendre à Laon , où il se trouveroit , pour là rassembler ^es forces du Roy, promettant et asseurant, pour donner à chacun meilleure volonté de retourner, qu'en ce lieu il feroit faire une reveue et monstres générales avec argent; car adonc plusieurs compagnies , tant de la gendarmerie et cavallerie que des gens de pied , n'avoient fait aucunes monstres, et n'avoient de longtemps receu leur solde. Ces choses ainsi ordonnées à la haste et selon la nécessité, le lendemain de ceste desfaite , M. de INevers, à l'importunité et gênerai advis de tous les capitaines, se retira à Laon, et avec luy le prince de Gondé et quelques autres seigneurs et capitaines , accompagnez et suyviz d'environ cinq ou six cens chevaux au plus de toute l'armée françoise. Or maintenant reviendray-je aux responses qu'eut ce prince , tant du Roy que du prince de Piedmont. Le Roy luy renvoya le sieur Descars , et par luy rescrivit qu'ayant esté adverti de ces piteuses et tristes nouvelles, ce luy estoit une autant grande infortune qu'il luy eust sceu advenir pour l'heure ; toutefois , qu'il avoit si grande espérance en Dieu , qu'il ne délaisseroit et le secourroit au besoing ; et que de sa part il avoit telle fiance en luy, qu'il luy feroit cognoistre le fruiet de la nourriture qu'il eu avoit fait, le priant mettre toute la peine qu'il pourroit à rassembler
ce qui seroit sauvé de son armée, et le plus de gens qu'il luy seroit possible, laissant dans La Fere le sieur de Bordillon le mieux accompagné qu'il pourroit; et quant à Guise, qu'il n'eust sceu mieux faire que d'y envoyer le comte de Sancerre ; mais qu'il falloit aussi le secourir de ce qu'il verroit estre requis , et qu'il eu auroit le moyen ; qu'il envoyoit le seigneur de Pot dans Han , pource qu'il avoit sceu n'y estre point de chef. Pareillement qu'il seroit besoing y envoyer gens davantage que ce qu'on disoit y avoir; mais que si d'aventure se trouvoit riere iuy quelque chevalier de son Ordre, il entendoit qu'il y fust chef et y commaudast. Au surplus , qu'il envoyoit le seigneur de Lorges à Noyon, pour y assembler les gentilshommes de sa maison et les archers de ses gardes , et pour pourvoir en ces quartiers là à ce qu'il estimeroit devoir estre exécuté, selon les affaires de la guerre. Qu'il envoyoit d'autre part le sieur de Noaiiles à Goussy, et donnoit ordre le plus prompt qu'il estoit en sa puissance à toutes autres choses , comme !uy diroit ledit seigneur Descars , suy vaut la charge qu'il luy en avoit donnée. L'advertissoit que le plus aggréable service qu'il luy pourroit faire , seroit l' advertir d'heure à autre de ses nouvelles et de celles qu'il pourroit entendre des ennemis, pour selon icelles se conduire ; et que s'asseurant que luy et ses cousins le prince de Gondé , de Montmorency et comte de Villars, et autres gens de bien qu'il avoit près de luy, ne luy faudroient à faire tout ce qu'il leur seroit possible pour le bien de son service, il ne luy en feroit plus longue lettre, et s'en remettoit du surplus sur le discours que luy en feroit ledit sieur Descars. Le Roy, à cest advertissement, avec toute sa cour se retira de Gompienne devers Sainct-Germainen-Laye et à Paris, tant pour adviser à recouvrer et redresser nouvelles forces pour prévenir l'ennemy en ce qu'il pouvoit adonc exécuter , que pour asseurer et remettre en bonne espérance la meilleure part de ses pays , mesmement ceste grande et très-opulente ville de Paris , alors si troublée et eu crainte , que chacun ne pensoit qu'à fuir et se sauver aux extremitez de ce royaume. Mais l'admirable constance et grandeur de courage de ce grand Roy , qui ne peut oncques fléchir et varier pour aucune adversité, les retint et asseura , leur envoyant pour les consoler la Roy ne son espouse, pendant qu'il s'employoit ailleurs à donner ordre aux affaires, et leur faisant proposer , par la voix et organe de Jean de Bertrandy , cardinal et archevcsque de Sens , son garde des sceaux , telles remoustrances , comme le Seigneur Dieu , l'ayant esleu et constitué leur roy, par mesme moyen luy avoit
créé et laissé le cueur et raffection de les régir, conserver et défendre , jusques à y exposer sa propre vie , pourtant qu'ils fussent certains qu'il ne les delaisseroit et abandonneroit non plus qu'il avoit ceste ferme crédence, que la grâce divine ne l'oubliroit et ne luy defauldroit; à laquelle, s'il avoit pieu luy envoyer ceste infortune et adversité , c'estoit une admonition pour recognoistre le Tout-Puissant , qui départ toutes choses à son bon plaisir , autant aux grands qu'aux infimes: ou bien qu'il la recevoit comme punition et chastimcnt de ses fautes, ou peultestre de son peuple ; neantmoins que le danger n'estoit si grand et inévitable, qu'il n'eust moyen d'y remédier, moyennant le recours que tout chacun de voit requérir et espérer du dieu des victoires, et que d'eux-mesmes se voulussent aider, et luy aussi , mesmemeut en ceste nécessité inespérée. Sur quoy ils avoient à considérer que tant que les deniers de son revenu s'estoient peu estendre pour le soustenement de ses guerres, il ne les avoit importuné ne surchargé de demandes et redoublemens de tailles et autres contributions , ains que plustost avoit voulu vendre et engager son domaine, et s'hypothéquer et emprunter d'ailleurs , que les escorcher et molester ; mais que maintenant il n'y pouvoit plus satisfaire , pour les affaires qui luy redoubloient tous les jours , et comme ils le pouvoient veoir et cognoistre à leurs yeux; et pourtant qu'il les prioit tous le vouloir secourir de deniers seulement, et que du surplus ils se remissent sur luy ; que de sa part il ne leur manqueroit de volonté et bonne affection , ny de force et puissance pour les secourir, ne de toutes autres choses qui appartiennent à authorité et estât d'un bon roy envers ses subjects. Ceux de Paris, recognoissans le bon zèle et parfaite volonté de Sa Majesté, luy accordèrent volontairement trois cens mille francs , comme je croy que toutes les autres principales villes de ce royaume se cottiserent et taillèrent d'elles-raesmes, pour luy fournir argent selon leur puissance et faculté. Ainsi, en ceste partie , s'estant le Roy acquitté du devoir d'un bon naturel de vray prince , à remettre ses subjects estonnez et espouvantez en bon espoir et asseurance, et s'estant pourveu et renforcé de deniers , comme de chose la plus requise et nécessaire pour le faict de la guerre, employa en après toute diligence à lever et reserrer gens, envoyant vers les Suisses, ses anciens confederez et alliez , pour leur demander secours; ce qu'ils luy octroyèrent franchement et de bon cueur, et fut faite le\ée en leurs cantons, d'un costé de six mille, soubs la charge du colonel Luc Reitrc , de Basic , et d'autre costé de huict
mille, soubs la conduite de Clariz , de Huriz (l). Pareillement autant en manda à ses amis et alliez d'Allemagne , où fut envoyé le colonel Reichroch (2) , afin de lever et amener gens le plustost que se pourroit faire , combien que le pays estoit alors si vuide et despourveu de bons soldats , ayans esté desjà les meilleurs levez et emmenez du roy Philippes , aussi que le baron de Polleville dès-lors y faisoit une autre levée nouvelle de vingt enseignes et quelques reitres; tellement qu'il fut fort difficile à recueillir hommes si tost qu'on eust bien voulu et eust esté nécessaire.
Oultre plus, le Roy advertit M. de Guise d'appointer toutes choses en Italie, le plus advantageusement et prudemment qu'il s'asseuroit de luy le pouvoir faire , et qu'il se retirast avec les forces qu'il avoit avec luy au plustost de par deçà, où il en avoit plus de besoing. Finalement le Roy fit crier et publier par tous ses pays que tous soldats , gentilshommes ou autres , qui avoient suivi les armes ou les pourroient suivre et porter, eussent à se retirer à Laon , où estoit M. de Nevers , son lieutenant gênerai , où là ils seroient mis et receus es roolies et soubs les charges des capitaines qui leur seroient députez, pour estre employez pour sou service et pour la tuition de leur patrie , famille et biens ; et que ceux qui voudroient aller à la guerre pour leur plaisir , se retirassent la part que seroit sa cornette , où là leur seroit dit et déclairé ce qu'ils auroient à suivre et à faire , et ce à peine d'estre declairez rebelles et mal affectionnez à Sa Majesté, avec autres punitions , tant corporelles qu'abolissement de noblesse. Voilà , au plus près de la vérité que j'ay peu sçavoir, l'ordre que le Roy très chestien mit partout le royaume, promptement après ceste infortunée journée et desfaite. Reste maintenant à dire que le prince de Piedmont ne vouloit adjouster foy ny à la lettre que M. de Nevers luy escrivoit , ny à ce que le trompette juroit et affermoit qu'il se fust sauvé; opiniastrant et ne luy pouvant tomber en l'entendement qu'il ne fust mort ou prisonnier , pource qu'adonc le tumulte n'estoit pas encore appaisé, et n'estoit autre bruit parmy leur camp , sinon que la noblesse de France estoit desfaite et toute ruinée , et tous les plus grands de ce royaume ou morts ou prisonniers. De sorte que le prince Mansfel envoya chercher le sieur de Rezé , que l'on lui avoit dit estre de la maison de M. de Nevers, pour sçavoir de luy, et comme luy voulant soustenir de force qu'il sçavoit bien qu'il estoit
(1) Du canton d'Uri.
(2) Reckrod.
mort ou prisonnier , toutefois que le dit sieur de Eezé luy maintint et asseura toujours le contraire. Ce nonobstai\t , le prince de Piedmont , ne se fiant et ne se contentant de tout cela , le feit chercher parmy tous les morts , et feit crier par toute l'armée que tous soldats eussent à représenter leurs prisonniers, sans les desguiser et receler, à peine de la vie ; tous lesquels prisonniers l'on dit qu'il feit passer entre deux picques, et regardera la taille et au visage , pour voir si ce prince y seroit recogneu. Enfin voyant la vérité que luy avoit affermé le trompette , après s'estre enquis de luy s'il y avoit beaucoup de gens morts denostre costé, et s'il s'en estoit beaucoup sauvé, et que le trompette lui eust asseuré que les deux parts de l'armée s'estoient sauvez à La Fere et ailleurs ; que tous les jours à la file y eu arrivoit, tant de ceux que l'on pensoit estre morts ou prisonniers, que d'autres nouveaux, et de plusieurs autres choses dont il l'interrogeoit pour le surprendre , le renvoya. Et depuis, les ennemis, sans attenter autre nouvelleté et changer d'advis , se remirent à la continuation du siège de Saint Quentin.
L'on a voulu dire et juger, et comme il est facile à croire , que le prince de Piedmont , présumant les forces du Roy n'estre du tout desfaites, s'estant sauvé M. de Nevers, seroient bientost rassemblées, ausquelles le Roy et luy, soudainement et en une nuict, en feroient joindre d'autres des garnisons des villes de la frontière qui estoit derrière eux ; avec cela que le lieu de La Fere et le camp , qui y estoit assis desjà , estoit fort , tant de nature comme de rivières et marescages , que d'artifice , comm.e fossoyé et enclos de trenchées; par ainsi que, délaissant ses premières entreprises pour aller chercher et combattre l'ennemi désespéré en lieu desavantageux, ce seroit trop légèrement bazarder la prospérité de la bonne et favorable fortune , de laquelle pour l'heure se contenter estoit assez et beaucoup; parquoy les ennemis se résolurent de poursuivre le siège de Sainct Quentin et de l'emporter à vive force , afin d'avoir en après le chemin plus ouvert et asseuré , pour enjamber et empiéter plus avant. Un jour ou deux après que M. de Nevers fut arrivé à Laon, il fit une reveuë générale , tant de la gendarmerie , cavallerie et reitres , que des gens de pied, françois et allemans, qui estoient restez , et s'estoient sauvez et retirez là ; où trouva que de neufcens à millehommes d'armes, et de près de mille chevaux légers et harquebusiers à cheval, il n'eu eust sceu alors mettre ensemble au plus douze ou quinze cens chevaux. De sept ou buict cens reitres [desquels estoit pour l'heure gêne-
rai le comte de Barbize] ne s'en trouvoit pas deux ou trois cens ; lesquels pouvoit-on à peine retenir qu'ils ne s'en voulussent retourner en leur pays ; et ceux qui avoient esté faits prisonniers, et qui s'en revenoient sur leurfoy, disoient que l'ennemy leur avoit fait faire serment de ne servir le roy de France de six mois. Quant aux gens de pied , de quinze ou seize enseignes françoises , il n'en fut trouvé adonc que quatre au plus, encore si desarmées, et les pauvres soldats , ou tant bleSsez et dévalisez , qu'il ne pouvoit estimer s'en pouvoir servir et aider. De vingtdeux enseignes d' Allemans, faisanslenombre de dix à douze mille hommes , il s'en sauva de trois à quatre mille, que le capitaine Sterne, lieutenant du Reingrave , homme de bien et bon serviteur du Roy , r'allia et rassembla ; lesquels ce prince fit loger en une petite ville nommée Bruere , à une petite lieuë près Laon. Par là on peult voir de quelles forces estoit en ce temps M. de Nevers accompagné pour faire front à l'ennemy , s'il le fust venu chercher , ou pour s'opposer s'il eust voulu entrer en pays : en cela l'on peult aussi évidemment appercevoir les miracles de Dieu , lequel tenoit la bride aux entreprises de ces grands princes. La compagnie de M. de Nevers et les autres de gendarmerie qui estoient là , furent logées à Vaulx soubs Laon, à Sainct-Marcel et aux faulxbourg au dessoubs de cette montagne , la cavallerie es villages devers Cressy , et les reitres à Noyon et es villages d'alentour, oùils faisoient des maux presqueautant que les ennemis mesmes. Sur ce propos je pourrois faire un fort ample discours , si je voulois particulariser et déduire bien au long les bienfaits , largesses et distributions charitables que ce prince vertueux et débonnaire feit à l'endroit des pauvres soldats, gentilshommes et autres, qui estoient retournez de ceste misérable journée , blessez et desnucz de moyens de se pouvoir guérir et resouldre d'eux mesmes , oultre ce qu'ils n'avoient point esté payez de leur solde.
Mais, pour ne sem.bler trop affectionné et partial , j'en remettray la preuve et tesmoiguage à la voix et confession publique, et au ressentiment de l'obligation dont , aujourd'huy et de leur vie , seront tenus tous ceux qui l'ont expérimenté , et qui ne peuvent ou le doivent celer : pour le moins quand les hommes seront si malins que le vouloir taire, le Seigneur Dieu, scrutateur des cueurs . permettra que la vérité sorte en lumière , et luy en fera condigue retrilmtiou selon sa grâce. Seulement veux-je dire ce que chacun sçait, que sa bourse ne leur a esté jamais fermée, ny les viandes de sa cuisine , uy
oâ6
COMMENTAIRES DE FBAINCOiS DE KABUTIN. [15571
mesme celles appareillées pour sa propre personne, espargnées ne refusées , surtout aux malades, ny le travail et solicitude de ses médecins , chirurgiens et apothicaires pour les visiter, guérir, panser et soulager. En quoy Ton peult juger l'heur avoir esté d'autant plus grand pour nous après ceste infortune , qu'un tel et si grand prince, et tant libéral, se soit trouvé pour adouleir l'aigreur du mal , et survenir à ceste nécessité commune. Or maintenant je retourneray au siège de Sainct Quentin , et diray ce que j'ay peu sçavoir avoir esté exploittc dedans et dehors jusques à l'entière prise et saceagement d'icelle. Sur quoy faut-il sçavoir en premier lieu que, la uuict précédente l'entreprise de M. le conuestable, et à l'advertissement que M. l'Admirai avoit de luy, il avoit fait tenir les passages, qu'il lui avoit mandé, prêts et appareillez jusques au point du jour, à laquelle heure il lesfeit rompre alin que les ennemis n'en eussent cognoissance ; car , autant que le jour duroit, ils ne bougeoient de se pourmener par les marets avec les nacelles. Et à ceste charge avoit commis le capitaine Saincte-Roman , et quelques soldats avec luy, pour recueillir et conduire ceux qui luy eussent esté envoyez. Lequel Saincte-Roman lui dit à son retour que les passages qu'il luy avoit donné en charge, estoientsi scurement habillez et reparez , qu'il eust pensé mettre en la ville dix mille hommes avant qu'il eust esté jour : aussi à la vérité ils se trouvèrent si bous, que nonobstant tous les empeschemcns que j'ay dict cy-devant, M. Dandelot y entra par là, et avec luy une trouppe de quatre cens cinquante à cinq cens soldats, fort bonshommes, et cinquante ou soixante capitaines suffisans. 11 y entra aussi quelques gentilhommes pour leur plaisir, mais bien peu , comme le vicomte du Mont- JNostre-Dame , les sieurs de La Curée et de Nattas : aussi y entra le seigneur de Sainct-Remy , gentilhomme fort expérimenté en faict de mines, et lequel s'estoit auparavant trouvé en sept ou huict places assiégées. Aussi y entra un commissaire de l'artillerie et trois cannoniers, dont ils avoient affaire là dedans, car ils n'enavoient un seul auparavant, sinon de ceux de la ville, tels quels. Et combien que toute la troupe qui estoit déléguée pour mettre dans la ville, n'y peust entrer pour les fatigues de Tennemy, et autres causes précédentes, si peult-on croire que ce fut l'un des plus grands plaisirs et contentemrns qu'eust sceu souhaiter M. l'Admirai , d'avoir M. Dandelot son frère auprès de luy, pour y avoir un second soy-mesme, et sur leque il se pouvoitdu tout reposer et remettre. Après que M. Dauddol se fut seiche et réchauffe,
pource qu'il avoit esté bien fort mouillé , et qu'il eutrecogneut tout le circuit de la ville , M. l'Admirai et luy derechef repartirent les quartiers avec les gens qu'il avoit amenez. Et après que le sieur de Sainct-Remy eut bien tout veu et mesuré la contremine que Lanfort , Anglois , faisoit, il monstra à M. l'Admirai des lieux où il luy sembloitque il falloit contremiuer, et pourtant dès l'heure il y meit des gens en besogne. D'autre part il renvoya quérir le capitaine Lanquetot, pour remettre la charge de l'artillerie entre les mains du commissaire qui estoit entré, dont M. l'Admirai se repentit puis après; car elle estoit beaucoup mieux conduite et gouvernée par ledit Lanquetot.
Deux jours se passèrent avant que M. l'Addmiral sceust la route de M. le connestable, et le sceut par quelques soldats qui s'estoient eschappez des ennemis, et qui se vindrent jetter dans les fossez , qui luy comptèrent comme le tout estoit passé. Aussi furent veues peu après quelques enseignes des nostres , que les ennemis meirent en parade sur la teste de leurs tranchées , pour en estre plus apparent tesraoignage, et pour Intimider les assiégez. Et n'y a doute que ces nouvelles si fort descouragerent , nonseulement le peuple, mais, si j'ose dire, une bonne partie des gens de guerre, que M. l'Admirai avoit bien fort affaire à les asseurer et remettre, mais surtout les ouvriers; car deslors ils se cachoient dans les caves et greniers, de façon qu'il les falloit arracher et tirer à force de là dedans pour les amener aux ouvrages ; mesmement qu'aux plus importans lieux l'on n'y pouvoit besongner que de nuict, à cause du grand dommage que faisoit l'artillerie ; quand les ouvriers estoient mis en besongne , et encore que l'on eust mis des guets de tous costez , si ne pouvoit l'on faire eu sorte qu'en moins d'une heure tous se desroboient. Entre toutes les plus grandes nécessitez que les assiégez eussent , c'esloit detraverses, pource que la courtine où les ennemis adressoient leur artillerie , estoit si veuë par Jlanc des pièces que ils avoient logées sur la plate forme d'Isle, qu'il y avoit bien peu d'endroits où l'on ne fust descouvert depuis les pieds jusques à la teste, à quoy toutefois l'on remedioit le mieux qu'il estoit possible. Et ne se doit sur ce propos obmettre une invention de ÎNL Dandelot, de lever une traverse , qui estoit de grand advautage et commodité : ce fut qu'il se servit de vieux bateaux qui avoient esté autrefois faicts pour passer les rivières quand une armée mar- Iche, lesquels il arrangea les uns sur les autres à force de bras, et les faisoit remplir de terre, tellcmcul qu'eu un jour il feit ce que tous les
COMMENTAIRES DE FRANÇOIS DE RABllTIN. [irjr>7]
ouvriers ne eussent pu faire en un mois. Non en cela seulement, mais en toutes autres choses il s'employoit et laisoit mettre la main , comme personne de jugement et comme clievalier sage et expérimenté en toutes louables et vertueuses entreprises : et se peult dire que sans luy M. l'Admirai à la longue n'eust peu satisfaire, et fust demeuré soubs le faix , au travail qu'il luy falloit supporter ea ce siège. En ceste sorte passoient les affaires là dedans. Maintenant puis-je dire quelque chose de ce qui se faisoit au dehors : c'est que, peu de jours après ceste malheureuse route et desfaite , le roy Philippes arriva en son camp , et avec Sa Majesté plusieurs princes et grands seigneurs, à l'arrivée duquel furent faites par toute son armée maintes allégresses et salves , en signe d'aise et resjouissance , tant de sa venue que pour le triomphe de sa victoire , estant offert à Sa Majesté grand nomi>re de prisonniers et plusieurs enseignes, et autres despouilles de guerre. Ce qu'il eut grand contentement et plaisir , et deslors redoubla tous efforts pour en bref se faire rendre et obtenir ceste ville de Sainct-Quentin , renforçant la batterie d'autre plus gros nombre d'artillerie et munitions qu'il feit amener de Cambray , et faisant eu toute diligence continuer et poursuivre les mines commencées , et en entamer autres nouvelles. Bref il ne s'y perdoit aucun temps qu'on ne l'employast pour advancer la prise de ceste ville , afin qu'il y eust moyen d'attenter et entreprendre autre chose avantque l'armée duRoy liist rassemblée et assez forte pour l'en divertir. Cependant M. de Nevers estoit tousjours à Laon , donnant ordre d'amasser gens pour munir les villes à l'entour, depeschant nouvelles commissions à divers capitaines pour lever soldats , car alors le Koy luy en avoit donné toute puissance; mesmement envoya M. de Jours pour lever la légion de Champagne , dont auparavant il avoit esté colonel; feit venir de Metz quatre ou cinq enseignes de la garnison , et au semblable de toutes les autres villes de la frontière en tira quelque nombre des vieilles compagnies , et au lieu d'icelles en feit entrer d'autres nouvelles, pour s'en aider où l'affaire et la nécessité le pressoit plus fort. D'autre part , le plus souvent et d'heure en heure envoyoit gens en pays pour reeognoistre l'ennemy , et descouvrir ses entreprises , et pour y remédier : et faut dire qu'encore que les compagnies qui estoient à l'entour de luy, fussent desjà des précédons voyages fort harassées et desfaites , si ne leur donnoit il guères de respit et loisir pour se repos'er : mesmement le prince de Condé , avec la cavallerie légère, estoit ordinairement achevai, et jour
et nuict à la suite des ennemis , pour leur rompre les vivres , et les travailler d'infinité de fatigues, Dequoy ils estoient si irritez et faschez , que tous les jours M. de Nevers n'oyoit autres nouvelles , sinon que partie de l'armée , bien advertis du peu de gens qu'il avoit avecques luy , le venoient desfaire. Et est chose véritable que les espions luy rapportèrent comme trois ou quatre mille chevaux s'estoient desbandez, sans sçavoir pour quelle cause ; et depuis l'on sceut qu'ils estoient venuz sonder les passages des rivières qui estoient entre Sainct Quentin , La Fere et Laon. Sur lequel advertissement ce prince envoya cinquante ou soixante chevaux de sa compagnie , conduicts par un homme d'armes d'icelle, nommé La Brosse , auquel il commanda donner le plus avant qu'il pourroit , jusques à se faire prendre , pour luy en rapporter certain advis. Et d'un autre costé estoit allé M. le prince de Condé , pour les tenir de près , et pour en apprendre quelque chose.
Cependant l'on advertit chacun de se tenir prest et sur ses gardes en armes , et meit l'on bous guets sur toutes les advenues. Toutefois il n'advint rien de toute ceste doute , et fut trouvé qu'après s'estre approchez jusques sur le bord de la rivière d'Oyse , ils s'en estoient retournez. 11 fut dit depuis qu'une compagnie de chevaux légers anglois , des nostres , qui s' estoit révoltée devers les ennemis , et qui avoit saccagé et emmené les chevaux et meilleures bardes de leur capitaine, nommé Crey, avoient esté autheurs et cause que les ennemis avoient attenté ceste délibération. A la vérité, et pour en faire une brefve conclusion , ce prince , estant là , s'exposoit à divers dangers, en si petite compagnie qu'il se retrouvoit pour lors , si l'ennemy le fust venu trouver : mais il ne fut jamais mal dit que celuy est bien gardé que le Seigneur Dieit tient soubs sa main. Le comte de Saucerre et M. de Bordillon , en leur endroit , faisoient ordinairement sorties sur le camp de l'ennemy, et le plus souvent destroussoient leurs vivreset charrois, et tailloient en pièces leurs lourrageurs, ramenaus chevaux et prisonniers, desquels ilsapprenoient toujours quelque chose de nouveau , combien que ce n'estoient advertissemens fort certains , et ne parloient la pluspart, sinon qu'ils vouloient aller prendre Paris : ce néantmoins en donnoient advis à M. de Nevers, qui le mandoit au Roy , lequel , de son costé , n'espargneroit rien de sa diligence et sollicitude pour avancer le secours qu'il attendoit avoir de ses alliez et amis, n'y à mettre sus celuy que de nouveau faisoit lever en ses pays. Mais les moyens les plus requis estoient adonc si courts , et les affaires se
COMMENTAIRES DE FRANÇOIS DE RABUTIN. [l557j
présentoient en tant d'endroits, mesmement que ce baron de Polleville , avec une grosse armée , marchoitet eutroit déjà es limites de ce royaume, sans cognoistre où il se vouloit addresser , que Sa Majesté se trouvoit quelquefois fort attediée et en doute , auxquelles le plus promptement devoit entendre.
Maintenant je pourrai retourner au siège de Sainet Quentin, pour dire que M. l'Admirai ayant eu cognoissance de ce nouveau appareil que les ennemis redressoient et de ce grand train d'artillerie qui, de renfort, estoit arrivé, et qu'ils redoubloient leurs trenchées, et rebatissoient gabionnades et terreplains , il advisa et contrepensa plus que jamais au moyen qu'il pourroit avoir de faire entrer gens de guerre là dedans , principalement de harquebusiers. Tant y a que, par Tadvertissement de quelques pescheurs , il sceut qu'il y avoit un endroit dans le marets qui n'estoit gueres plus creux que jusques à la ceinture d'un homme ; et, pour en estre plus certain, il l'envoya recognoistre par des soldats , qui luy rapportèrent ainsi estre : parquoy ayant scen qu'il se devoit addresser en ses nécessitez à M. de Nevers et au seigneur de Bordiilon , il feit en sorte qu'il en advertit M. de Bordiilon , pour le faire sçavoir à M. de Nevers, leur mandant la facilité de le secourir , le besoing qu'il en avoit , et que s'ils luy envoyoieut gens, le moyen qu'ils avoient à tenir avec les guides qui le couduiroieut. De cas fortuit , M. de Nevers se trouva à La Fere quand M. de Bordiilon receut ses lettres , lequel mesmes luy feit response et luy manda qu'il luy euvoyeroit trois cens harquebusiers , qui estoit tout ce qu'il pouvoit faire , l'advertissant du jour qu'il les luy envoyeroit , qui estoit, ce me semble, le vingt-deuxiesme ou vingt-troisiesme du mois d'aoust. Pour cest effect, en estant le Roy adverty, incontinent après ce prince assembla à Grecy en Valois le prince de Coudé , messieurs de Moutmorancy et de Bordiilon , et autres chevaliers de l'Ordre, et capitaines , pour exécuter ceste entreprise et essayer d'y faire entrer ces trois cens harquebusiers; et furent ordonnez pour leur faire escorte et les soustenir , si d'adventure ils estoient forcez et chargez , ducostéde Mouy, le seigneur de Sainet Simon, avec la compagnie de M. de Nevers dont il est guidon; et, du costé devers La Fere ^ le seigneur de Chasteluz, avec la compagnie de M. de Bordiilon, de laquelle il est lieutenant. Lesquels harquebusiers furent bien et seurement conduicts jusques sur le bord et entrée des passages qui avoient esté mandez, où ceux qui leur avoient esté donnez pour escorte attendirent tant longuement qu'ils peurent juger iceux pouvoir
estre entrez ; car de le voir ils ne pouvoient , à cause de la nuict et de l'allarme qui estoit par tout le camp des ennemis : toutefois depuis M. l'Admirai a dit et escritque luy, les attendant au lieu par lequel ils dévoient entrer, pour leur faire donner le signal qu'il avoit mandé quand il seroit temps , environ une heure après minuict, il ouyt l'allarme qui se donna au guet des ennemis, par où il falloit qu'ils passassent , et que sans poinct de faute messieurs Dandelot , de Jarnac et luy , qui estoient ensemble , ouyrent clairement le nombre des ennemis estre petit et avec effroy ; mais après s'estre recogneus, et voyans qu'il n'y avoit personne des nommez qui les chargeassent , donnèrent sur eux , et les massacrèrent de telle façon , que de trois cens harquebusiers qui estoient ordonnez il n'y en entra que six vingts, encore tous désarmés et gens nouveaux , qui ne luy apportoieut pas grande faveur. Quant au chef qui les conduisoit , il n'y entra point, mais un sergent seulement , ne Guidant pas qu'ils deusseut venir si mal accompagnez ; à cela alléguant davantage, qu'ayant veu asseoir les guets des ennemis deux ou trois fois ensuivans , il avoit entre autres choses mandé audit sieur de Bordiilon, par l'advis des capitaines qui estoient avecques luy , qu'il falloit envoyer des gens de cheval avecques des gens de pied, qui eussent donné aux ennemis à gauche et à droite du passage cependant que ceux qui dévoient entrer passeroient : ce qui se pouvoit faire sans danger , car il n'y avoit point trente chevaux desdits ennemis au guet, et environ soixante ou quatre vingts hommes de pied ; et si ne falloit point craindre qu'il leur vint renfort d'ennemis sur les bras > pource qu'il n'y avoit que les enseignes qui estoient logées au fauxbourg d'Isle , qui estoient six ou sept, bien loing du passage ; tout le reste estoit passé l'armée : et n'eussent passé de nuict si tost les destroicts des chaussées, que noz gens de cheval se fussent retirez ; et cependant s'il y eust eu moyen d'envoyer encore plus grandes forces , tant plus aisément fussent entrez , ne trouvans aucuns empeschemens. Toutefois sur tout ce propos il ne faut douter que M. de Nevers et M. de Bordiilon n'en ayeut faict leur plein devoir , et n'y oublièrent rien qui peust donner bonne issue à ceste conduicte; mais en cela et en la faute qui en advint est plustost à accuser et reprendre la délaillance de cueur et couardise d'aucuns de ces soldats, qui aymerent mieux se perdre et noyer que d'entrer , et les autres se cachèrent et absentèrent à l'obscurité de la nuict, comrame gens de mauvaise volonté. Depuis ceste heure là M. l'Admirai ne peut recouvrer à faire savoir de ses nou-
velles à M. de Nevers , encore qu'il Teust essayé en plusieurs sortes et par diverses personnes ; mais le guet et les gardes des ennemis estoient si fortes et espesses , que nul ne pouvoit passer.
Entre les autres il y eut un gentilhomme pris, qui estoit lieutenant du capitaine Lestang, nommé Brion , homme bien asseuré et résolu , lequel lui promit , avant que partir , qu'il passeroit oultre ou qu'il seroit pris, comme il fut. Par ainsi M. l'Admirai n'avoit plus à espérer qu'en l'aide de Dieu et eu sa vertu , et à se bien défendre , sans plus attendre de secours. Pourtant employa toute la peine qu'il pouvoit à faire besongner et remédier aux lieux où il estoit plus de besoing, et entre autres aux contremines, lesquelles luy servoient à deux effects : l'un . pour gagner le devant des ennemis ; l'autre, que par icelles il falioit essayer de trouver l'entrée d'un moineau qui estoit dans le fossé , lequel leur pouvoit beaucoup servir , et par mesme moyen l'entrée des tours , pource qu'il n'y avoit point de flancs que par le hault, lesquels estans battus , les ennemis en demeureroient plustost maistres que les assiégez; ainsi par ce moyen il ne demeuroit point de défenses , et dont après ils s'apperceurent mieux. Lacontremine la plus advancée qu'ils eussent estoit celle de Lanfort , Anglois , qui estoit aussi celle de la plus grande importance ; mais il sembloit qu'il ne s"y feist plus telle diligence comme auparavant; et cognoissoit pareillement M. l'Admirai que ledit Lanfort commençoit à s'estonner : dequoy toutefois il ne luy demonstroit aucun semblant, ains au contraire luy disoit que de son costé il s'asseuroit qu'il luy tiendroit promesse de gaigner tousjours le devant des ennemis. Il commença à se plaindre de la grande peine qu'il supportoit, et luy demanda quelqu'un pour le soulager; dont M. l'Admirai fut fort aise, car il ne lui en osoit bailler auparavant, craignant qu'il pensast qu'il eust quelque défiance de luy. Oultre plus , il desiroit bien luy donner quelqu'un pour apprendre et retenir quelque chose de son industrie et science, encor qu'il ne se passast jour qu'il ne l'allast voir une fois pour le moins.
Le sieur de Saint-Remy travailloit de son costé, et faisoit extresme diligence, mais il besongnoit en cinq ou six endroits : aussi estoit-il secouru des compagnies de gendarmes, au quartier desquelles il besongnoit ayant ordinairement hommes auprès de luy qui solicitoient les ouvriers; mais le pis estoit que tant plus la nécessité et l'affaire de ce siège alloit e i .avant ,. et moins M. l'Admirai estoit secouru de ceux de la ville, principalement pour avoir gens pour rem-
parer ; et afin de leur donner crainte de refuser , et par mesme moyen affection de s'y employer, M. l'Admirai feit faire une reveue de ceux qui ne besongnoieut point, et feit sortir à ceste fois cinq ou six cens personnes; lesquels , au veu de ceux de la ville , estoient assez mal traittés des ennemis , les asseurant qu'il en feroit autant de tous les autres qu'il cognoistroit ne vouloir besongner. Mais , quand il en eust fait escarteler et mourir en divers tourmeos, aussi peu en eussent-ils fait, tant estoient defailliz de cueur , ou mal affectionnez à se fortifier et défendre.
Les ennemis arrivèrent devant Sainct-Quentin le second jour d'aoust; et depuis ce jour là jusqu'au vingt et uniesme ils ne brassèrent autres œuvres que grotter et creuser trenchées, tant pour la seureté de leur artillerie que pour approcher et gaigner les fossez. Les assiégez cependant ne leur pouvoieht donner grands empeschemens eu faisant sorties sur eux , comme dict est, à raison du petit nombre d'hommes qui estoit là dedans; et toutes les sorties que M. l'Admirai faisoit faire estoient seulement pour prendre langue , et afin d'estre advertis de ce qu'entreprenoient les ennemis , d'autant qu'il doutoit qu'ils n'entamassent quelques mines nouvelles desquelles il ne peust avoir cognoissance. Ce jour , dès que la lueur commença à poindre, ils saluèrent la ville en toute batterie; car ce qu'ils avoient tiré auparavant estoit de la plateforme du faubourg d'Isle , où ils voy oient besongner et contreminer; et continuèrent tout le jour à canonner et recharger, non pas en un seul lieu , ne se passant gueres nuicts qu'ils ne remuassent leurs pièces de lieu à autre pour faire nouvelle batterie. Il est à présumer que l'occasion qui les feit tant différer, estoit pour attendre que les entrées et mines qu'ils fouiiloient et creusoient soubs terre pour gagner les fossez fussent parachevées, car dès le premier ou deuxiesme jour, l'on eut cognoissance qu'ils commençoient à pescher et retirer la terre du fossé de leur costé, et bientost après ils y affusterent et assirent des mantelets par dessoubs lesquels ils traversoient et entroient dans les fossez sans qu'on leur peust mal faire , pource qu'il n'y avoit aucuns flancs pour commander au fossé , et par où on les peust battre et recognoistrer et toutes les pierres qu'on leur jettoit ne les pouvoient endommager à cause de ces mantelets sur lesquels elles couloient , et qui les arrestoient.
Ils commencèrent leur batterie à l'endroit du " moulin à vent qui estoit près la porte Sainct- Jean; et entreprindrent depuis cest endroit jus-
âGO
Commentaires de François de rabutin. [iGSTl
ques à la tour à l'eau avec une telle furie , qu'il ne demeura une seule tour qui ne fust fracassée et razée , et la meilleure partie de la courtine , ayant en batterie en divers endroits de quarante à cinquante pièces.
Tous ceux qui estoieut là dedans furent deceuz et trompez en une chose : c'est qu'ils pensoieut la massonnerie des tours et des courtines beaucoup plus forte, et de meilleur ciment qu'elle n'estoit , estant le parement de grez , et l'espesseur des murailles fort large; mais les matières estoient si mauvaises qu'aussitost que le dessus fut escartelé et entamé , tout le reste tomboit de luy mesme à gros monceaux et quartiers, dont il y eut beaucoup de gens tuez et blessez des mattons et esclats de parapects.
Sur le trois ou quatrième jour de leur batterie, ils passèrent dix ou douze pièces du costé du bourg d'Isle , et les logèrent dans l'abbaye , dont ils battoient la porte où le feu s'estoit mis aux pouldres, ainsi qu'on a veu cy -devant. Jusques à ce que les ennemis se fussent rendus maistres des fossez , le seigneur de Sainct-Remy persévéra en bonne espérance de faire quelque chose de bon ; mais quand il les vit logez là dedans, il dit à M. l'Admirai qu'il ne leur pouvoit plus mal faire , d'autant que ils avoient gaigné le dessus de luy ; reitérant plusieurs fois qu'il u'avoit jamais mis le pied en si mauvaise place, et qu'il y avoit long temps que il en avoit adverty le feu roy ; non que pour cela ce gentil seigneur fust estonné , et qu'il en parlast de pusUauimité, ains estoit plustost fasché et marry qu'il n'y trouvoit aucun remède, et tel qu'il l'eust souhaité, estant au surplus homme résolu et sage.
Depuis le premier jour de la batterie jusques à la lin, messieurs l'Admirai et Dandelot et le seigneur de Sainct-Remy alloient tous les soirs recognoistre les dommages et ouvertures que l'artillerie avoit faict; et le jour resolvoient avec les capitaines au quartier desquels l'affaire touchoit, de ce qu'ils avoient à exécuter.
Après que la batterie eut continué trois ou quatre jours, il advint et s'engendra un certain effroy entre ceux de la ville et les gens de guerre mesmes, dont M. l'Admirai eut cognoissance, se pourraenant de nuict que l'on ne le voyoit point, qu'il contrefaisoit le sourd et l'aveugle. Et, pour y remédier, il tint un langage commun et gênerai à tous, en un lieu ou estoient quasi tous les capitaines et plusieurs soldats : c'estoit que fermement avoit arresté et résolu en son esprit et vouloir de garder ceste place avec les hommes ([u'il avoit, et que si on le voyoit varier ou tenir propos de composition , il leur permettoit qu'ils
le jettassent comme lasche dans les fossez ; qu'au cas semblable s'il s'en trouvoit aucun d'eux qui luy en parlast autrement il ne luy en feroit pas j moins. Et, pour ceste occasion ne se passoit jour ' que deux ou trois fois ne se pourmenast par les quartiers, et qu'en y passant ne demandast les 1 opinions aux capitaines , leur conférant et com- | muniquant ce qui se faisoit es autres endroits. D'autre part la première harangue qu'il leur avoit fait dès le premier jour qu'il entra dans la ville, estoit que chacun eust à l'advertir de ce qu'on jugeroit pouvoir servir à la conservation de la place.
La batterie des ennemis contina jusqu'au sixième jour , environ deux heures après midy, qu'ils se présentèrent aussi en plusieurs endroits dans les fossez jusques aux parapets, à la longueur des piques. A ceste heure là , le guet qui estoit dans le clocher delà grande église, advertit M. l'Admirai que de toutes parts il voyoit l'armée de l'ennemy se mettre en armes , et que plusieurs gens de pied s'acheminoient aux tranchées : ce qu'il fit savoir en tous les endroits et quartiers de la ville , à fin que chacun eust à se tenir sur ses gardes, estimant que ce mesme jour ils voulussent donner l'assault ; et luy mesme alla à trois ou quatre des brèches les plus proches de luy pour voir l'ordre qui y estoit tenu ; où il trouva chacun monstrant semblant de vouloir faire son devoir et se bien défendre. Le semblable entendit-il de tous les autres endroits où il avoit envoyé des gentilshommes : quifutcause qu'il s'en retourna fort content à la brèche qu'il gardoit , qui estoit celle où il estimoit les ennemis adresser et tourner leur principal effort, pource qu'ils s'estoient fort opiniatrez à battre cest endroit , et à n'y laisser aucune chose qui eust pu servir de flânez , mesmement que c'estoit viz à viz de l'entrée qu'ils avoient faite au fossé.
Comme ils estoient tous attendans l'assault, les ennemis mirent le feu en trois mines, toutes lesquelles estoient soubs le rempart , dont les principales se trouvèrent aux quartiers de la compagnie de M. le Daulphin. Mais le dommage ne fut pas si grand comme ils l'esperoient; et croy, à mon ad vis, que cela fut cause qu'ils ne donnèrent point l'assault ce jour là : aussi en après ne s'eschaufferent trop aigrement , ains se contentèrent de venir recognoistre les bresches du costé de M. l'Admirai , et de venir descendre dans le fossé que gardoit M. Dandelot. M
Apres que les ennemis se furent retirez, m M. l'Admirai alla visiter lesdommagesqu'avoient fait ces mines, et trouva que par ceste ouverture ne pouvoient recevoir, n'encourir grand danger,
COMMENTAIRES DE FRANÇOIS DE RABIITIN. Il;
toutefois qu'il yfalloit besongner : ce qu'il remit à quand il seroit iiuict , pource qu'on n'y osoit toucher et s'y monstrer de jour, à cause de la veue qu'en avoit l'artillerie des ennemis.
Sur cela ne fault oublier que le feu s'estoit mis en des maisonnettes couvertes de chaulme , derrière les Jacopins , et , en moins de demie heure , il y eu avoit vingt ou trente bruslées ; encor, de mauvaise fortune, le vent estoit fort grand ce jour là, et qui cbassoit le feu et la flamme droict au cueur de la ville. A la clameur et au bruit de cest accident, M. l'Admirai y accourut avec un ou deux gentilshommes seulement, n'ayant voulu souffrir que davantage d'hommes le suivissent : mesmement, les gens de guerre qu'il rencontroit en son chemin, il les renvoyoit en leurs quartiers , craignant que , soubs ceste occasion, les ennemis ne voulussent entreprendre de faire quelque effort, combien que pour l'heure il n'y en eustpas grande apparence. Sa présence ne servit pas de peu pour remédier à ce feu, pource que tous estoient tant estonnez qu'il ne sçavoient que faire, ny à quel bout s'y prendre. M. l'Admirai fit rompre deux ou trois maisons au devant, et fit en sorte que ce feu fut esteint et arresté.
Sur la minuict il s'en alla , comme de coustume, pour veoir ce qu'on pouvoit exploicter en chacun endroit des brèches et de l'ouverture des mines, yen estant trois principales au quartier de M. le Dauphin, sans celles que M. Dandelot son frère gardoit, et celle de la porte d'Isle, où l'on travailloit fort toutes les nuicts. Il trouva que M. de Cusieux y avoit fort bien besongné eeste nuict, car la compagnie de M. le Dauphin estoit départie en deux , et le plus grand dommage qu'eussent fait les mines estoit advenu en cest endroit, où estoit ledit seigneur de Cusieux.
Un peu après le poinct du jour levé, le seigneur de Sainct Remy alla trouver M. l'Admirai pour luy dire que. retournant de la porte d'Isle, il n'avoit trouvé qu'on y eust fort travaillé ; oultre plus , qu'il luy sembloit que les gens de guerre serefroidissoientde la besongné, et qu'ils trouvoient difficile tout ce qu'on leur proposoit ; enfin que leur contenance ne luy plaisoit point, luy conseillant d'aller jusques là : ce qu'il fit incontinent , et le mena avecques luy. En y allant il luy commença ce propos : qu'il le plaignoit fort de la peine qu'il prenoit jour et nuict, voire si grande et insupportable, qu'il ne luy sembloit qu'après on creust qu'il eust esté de si grande diligence, eu esgard à là débilité de la place, et pour le default principal qui estoit d'hommes; le voulant advertir en oultre que de
