COMMENTAIRES DE FRAN

nonces, commissaires, capitaines des places, et tous autres officiers , excepté ceux qui seraient par cy après dereclief nommez par Sa Saincteté. Voulut que sesdits trois neveux, avec tous leurs serviteurs et famille, eussent à sortir et s'esloigner de la ville de Rome dans le terme de douze jours, enjoignant expressément au gouverneur et vicegerent qu'ils eussent à donner ordre que iceux ses neveux partissent , et que son intention fust, sans répliques et excuses, mise à exécution. Et après, se tournant vers lesdits secrétaires , leur commanda qu'ils notassent bien en mémoire tout ce qu'il avoit dit, déterminé et prononcé touchant lesdites privations, et tout le demourantils le rédigeassent par cscrit, afin d'en laisser une perpétuelle mémoire , pource qu'il vouloit dès le soir mesme le voir couché par escrit. Geste sentence ouye , chacun demeura comme estonné et muet, et n'y eut personne qui osast y répliquer, considéré le courroux avec lequel il l'avoit prononcée. En après il continua son discours fort gravement et élégamment, touchant le reiglement des ministres et administration ecclésiastique, et le bien et utilité que c estoit d'ainsi user d'un tel chastiment nécessaire des erreurs qui s'y commettoient. Que pour ceste cause vouloit luy-mesme le premier commencer aux siens, afin que Dieu n'y mistia main pour les punir en après plus aigrement : alléguant pour exemple Pierre Loys Farneze, et , addressant sa parolle au cardinal de Sainct Ange là présent , luy dit que si le pape Paul troisième l'eust chastié, faisant sans respect severe démonstration de ses abutz et enormitez, Dieu n'en eust pas fait un si horrible et manifeste chastiment. Et quant a l'administration en général , bien tost, Dieu aidant, il y pourvoiroit en sorte que , commençant à soy mesme le premier, il seroit exemplaire aux autres. Et de ceste heure là ordonna au seigneur Camille Orsin de prendre la charge de toutes choses appartenantes au faict de la guerre , et qu'il advisast en quoy il se pourroit aider du marquis de Montesarche et du seigneur Ferrand de Sanguine. Le lendemain fut audience publique, que Sa Saincteté tient une fois le mois , et qu'elle mesme a instituée : en laquelle , avant que commencer autre chose , elle appella les susdits Camille, marquis, et Ferrand, (lisant qu'elle avoit ordonné cette audience afin qu'un chacun peust venir à Sa Saincteté, et luy dire librement son affaire, et avoir satisfaction d'estrc ouy de son prince; parquoy ils advisassent que toute personne , de quelque condition qu'elle fust, n'eustàestre empeschée de se trouver et offrir en sa présence ; que s'il y en avoit quelqu'un si osé d'empescher le moindre pauvre ,

COIS DE RABIITIN. [iSSS]

rœ illl , malédiction à luy, qu'il luy donneroit telle punition , que ce seroit une exemple à tout jamais.

Après s'adressa à messire Marc Anthonio Borguese, advocat des pauvres , luy disant hault et clair qu'il ne pouvoit luy faire plus grand plaisir, ne service plus agréable à Dieu , puisqu'il estoit advocat des pauvres , que de faire cest office entièrement , prenant garde que nul de ceux qui alloient luy porter des requestcs ne demourast excluz et débouté , pour autant que son intention estoit que ceste audience servist de syndicat pour tous ses ministres , et que chacun d'eux cognoissant que tout pauvre qui se sentiroit grevé de quelque injure , se pourroit aller plaindre à Sa Saincteté, par ainsi, si jusques à Iheure il n'y avoit eu bon ordre , qu'elle vouloit qu'il y fust à l'advenir, dont toutefois elle avoit grand regret et repentance que de meilleure heure la faute n'estoit venue à sa cognoissance. En ceste sorte , ce bon père commença à procéder à la réformation des abuz des ministres de l'Eglise romaine, et ce que je n'ay voulu faillir de réitérer et remémorer icy , encore qu'il soit desjà imprimé et publié partout, mais comme un exemple autant notable qu'il en peult estre veu ny leu , et, à la mienne volonté , que plustost les pasteurs et conducteurs de ce troupeau ecclésiastique eussent ouvert les yeux pour se recognoistro , et adviser les lourdes et si évidentes fautes qu'eux et leurs collatéraux et substituts ministres ont commises en leurs charges, qu'elles ont esté un thème et argument, en reprenant icelles,de causer et formaliser divers scismes et sectes en nostre religion. Depuis, ce bon pasteur, pour donner moyen , autant aux petits qu'aux grands, de luy faire entendre et scavoir leurs doléances, fit mettre un tronc dans l'église Sainct Pierre , duquel luy seul tient la clef, où chacun pourra mettre par escrit en billets et requestes ce qu'il aura à requérir et remonstrer à Sa Saincteté , et ce qu'ils n'oseroient exposer en public. Le Seigneur Dieu luy doint la grâce de continuer et parachever ce bon commencement, à ce que, par l'aveuglement des ministres, et confusion des abuz , le pauvre populaire ne soit plus séduit et mené en la fosse des ténèbres , ains que la lumière soit eslevée sur le tonneau . illuminante et esclairante à tout le monde.

Maintenant , après avoir quelque peu parlé des mutations qui regnoient et estoient advenues en l'Europe, je retournerai à ceste dernière resolution de la paix entre les princes, tant désirée et attendue par tout le monde , que tous les peuples chrestiens incessamment tendoient les mains au ciel pour la requérir à celuy qui est la

paix luy mesme. Et croy que tous les autres empereurs et rois, tant chrestieus qu'infidèles, estoient escoutans et attendans l'issue , seachans certainement que ces deux grands rois , unis et alliez , feroient trembler et ranger tout le reste de cest hémisphère soubs eux. Or, sur la my février seulement , se trouvèrent au Chasteau Cambrezis les mesmes députez de ces deux princes que j'ay desjù nommez cy dessus , comme aussi fit madame la douairière de Lorraine , et où alla aussi M. de Lorraine , lequel depuis alla trouver madame Claude sa nouvelle espouse , pour le singulier désir que madame sa mère avoit de la voir : laquelle encore passa plus avant, jusques à Mons en Henault , où estoit le roy Philippes , duquel elle fut magnifiquement et dignement honorée et estrenée de très riches et rares presens. Pour la royne d'Angleterre , se trouvèrent à ceste assemblée l'evesque Thavart (l),millordet grand chambellan de ladite Royne , l'evesque Dory, (2) et le doyen de Cantorbie. Du commencement et entrée , à ce que l'on a dit et sceu , les députez du roy Philippes se demonstrerent aussi froids et nouveaux comme si c'eust esté chose nouvelle, et dont jamais ils n'eussent ouy parler. Qui donna au semblable au députez du Roy occasion de faire aussi bonne mine et contenance qu'eux , et leur donner à entendre que l'extrême nécessité ne contraignoit point le Roy de chercher et importuner le roy Philippes d'avoir la paix avecques luy, ainsplustost une pure et entière affection d'avoir son alliance, pour reunir et rassembler ces deux grandes maisons, desjointes et séparées pour petites causes. Et avec ce l'incitoit la pitié et commisération universelle , tant de la religion chrestienne, qui s'en alloit, sans une paix, dépérie et comme esteinte, que des pauvres peuples ruinez et destruits; à quoy l'on devoit avoir plus d'esgard que à toutes autres particulières et privées affections. L'on a jugé que ce qui, au commencement , tenoit les députés du roy Philippes si roides , estoit pour raison que leurs affaires alloient bien du costé d'Italie, et estoient les plus forts en Piedmont , ayans conquis de nouveau quelques places sur le Roy. Enfin estans ces deux princes rangez en une mesme volonté, comme inspirez d'une mesme grâce de Dieu, et y estans davantage sollicitez et induicts par ceste vertueuse princesse de Lorraine, les députez de chacun party rentrèrent plus que auparavant à la détermination et conclusion d'une bonne et stable paix. Et pource que , comme l'on a veu cy dessus , le roy Philippes estoit de nouveau

(1 ) Rabutiu se trompe ; Thomas Howard, dont il s'agit , n'étoit pas évéque.

I» c. D. M, T. vn.

fiOîi

veuf, et que, pour plus estroite et ferme alliance, le mariage de luy et de madame Elisabeth, fille aisnée du Roy estoit plus traitable et de plus grande authorité que du fils , les députez adviserent aux moyens pour le contracter , ce que heureusement parfirent , pareillement celuy de M. de Savoy e avec madame Marguerite, sœur unique du Roy, qui esteient les deux principaux poincts où consistoit tout le but et effect de ceste paix. Mais quand ce vint à diffinir en après de plusieurs autres particularitez, comme de la reddition des villes, réparation des torts, restitution des dommages et intérestsde plusieurs princes et autres qui avoient esté destruicts, ou fort endommagez en ces guerres, pour la restitution des forussis(3) et exilez, pour la tuition et protection d'aucuns qui avoient esté en ces guerres ennemis de l'une des parties, il s'y trouva tans d'espines et difficultez, qu'à tous coups l'on disoit que tout estoit rompu , et que la paix ne se feroit pas ; de sorte que quelquefois les députez se sont trouvez prests à se départir sans aucun effect. Mesmement le duc de Savoye, tout le bien duquel estoit occupé de ces deux princes, insistoit fort, et à bonne cause, à ce que avec toute seureté et l'un et l'autre luy en feissent restitution , et avec tel accord et consentement unanime, ratifié par tous deux à ceste fois , que par cy après ils ne eussent plus à y rien quereller et demander, voulant demeurer neutre, parent et amy à tous deux. Ainsi et en ce seul faict y pouvoit avoir beaucoup de disputes et altercats, esquels se passa tout le mois de mars que l'on u'attendoit la paix qu'en doute. Sur la fin de ce mois toutes difficultez s'en alloient appoinctées et finies, réservé un seul article, de la jouissance de quelques villes en Piedmont, pour certain teras que chacun de ces princes vouloit ; sur lequel article se trouva tant grande contrariété d'opinions, et si mal accordantes, que l'on veit l'heure que l'assemblée se départoit aussi mauvais amis qu'auparavant. Mais le Seigneur Dieu, qui guidoit, à mon advis, ce sainct œuvre , voulant raoustrer aux hommes, quelques grands esprits et sçavans qu'ils soient, que sans son vouloir leur science n'est que folie, ayant entendu de son throsne celeste les clameurs de tant de misérables peuples attendans ceste paix, enfin les rassembla et leur suggéra et enseigna les moyens pour pacilier toutes choses ; de manière que le troisiesme d'avril, en l'an mil cinq cens cinquante neuf, en ce lieu de Chasteau Cambresis, en cette belle niaide l'evesque de Cambray, messieurs les députez

(2) L'évcque d'Ely.

(5) De l'italien fnonisciti, gens hors dp leur pays.

(ilO

COMMENTAIRES DE FRANÇOIS DE KABUTIN. [l55S]

susdits, pourveus et garnis de tous pouvoirs de leurs princes et maistres, conclurent une alliance et amitié perpétuelle entre eux, avec une paix et communion entre leurs peuples et sub jects , pour aller, venir, négocier et traficquer, comme amis et sans aucun danger, pour converser ensemble et exercer tous commerces et marchandises par terre , mer , rivières et toutes eauës douces ; ensemble appoinctereut et transigèrent de plusieurs autres leurs différents et discords, ainsi que Ton pourra veoir par les articles qui sur tout ce faict ont esté passez et rédigez par escrit.

Quatre jours après, le Roy eu advertit la ville de Paris, pour en louer et en rendre tres-dignes et tres-devotes grâces à Dieu, afin aussi de s'en resjouir et célébrer les feux de joie, ainsi qu'il en fut fait , et là et par tout le royaume de France, estant ceste tant heureuse et tant désirée paix autant bien venue et receuë avec actions de

grâces à celuy de qui elle vient, et avec autant de joye et allegrese extérieure, que pour toute autre félicité qui pourroit advenir , ne doutant point qu'au semblable n'en soit fait autant des estrangers. La tres-haulte et céleste Trinité, de qui elle est fille , la nous veuille avoir envoyée, non point faite des hommes, ou selon le monde, mais d'en hault et selon son vouloir, et nous la veuille continuer si longuement, que noz cueurs, convertis à malice et iniquité, puissent estre lleschis et frappez d'amendement, en recognoissant celuy qui nous invite et appelle avec toute bonté et douceur, et finalement soit occasion, et donne pouvoir aux princes chrestiens , de relever l'Eglise de Dieu chancelante et vacillante , et d'extirper et reformer tant de hérésies et scismes qui y régnent ; et, en augmentant la foy de Dieu par tout le monde , puisse maintenir eux et leurs peuples en tranquillité et heureux repos ! Amen.