COMMENTA IKES DE FRAN

assez fort et facile a fortifier, et oultreplus environué de campagnes descouvertes de longue estendue, où l'on peult ranger et ordonner une armée en bataille : avec ce, de ce lieu l'on peult esiire telle adresse que Ton veult pour y départir secours, soit en Champagne ou en Picardie.

Kn ce lieu de Pierrepont, sur la fin de ce mois, le duc Guillaume de Saxe, second fils de Jehan Frederich, électeur et duc de Saxe, duquel j'ay déjà parlé ey-dessus, se vint joindre à l'armée du Roy, au service duquel il amena avec luy sept cornettes de reitres, montans au nombre de deux mille cent chevaux , à trois cens chevaux pour cornette , fort bien en poinct , et se representans hommes hardis et furieux , la pluspart Prussiens. Avec luy vint aussi Jacob de Ausbourg, vieil soldat expérimenté aux armes , ayant esté lieutenant du marquis Albert de Brandebourg en toutes ses guerres, fort estimé de luy, qui amena pareillement au service du Roy un régiment de dix enseignes de gens de pied allemans , bons soldats et aguerris, comme ils le demonstroient en leurs apparences. Le septiesme du mois d'aoust, jour de dimanche , ce prince allemant alla à Marchetz trouver le Roy et luy faire la révérence, accompagné de cent gentilshommes de sa nation, de ses plus favorisez et cognuz. Le Roy luy fit fort bon et honorable recueil, le remerciant de sa bonne volonté et affection, avec promesse et asseurance de le recognoistre toutes les fois qu'il en seroit requis , et que le moyen se presenteroit. Le Roy s'estoit approché de ce lieu de Pierrepont pour veoir son armée en ordonnance et rangée en bataille , y estant le lieu fort propre, comme je l'ay dit, pour autant qu'on avoit fait entendre à Sa Majesté, et comme il estoit vray, qu'il se trouveroit avoir et verroit assemblée l'une des plus belles et des mieux complettes armées que roy de France meit oncques aux champs ; n'estant mémoire qu'en toute autre précédente s'y soient veuz tant d'estrangers allemans, mcsraement de cavallerie, montant au nombre de près de huict mille chevaux. Parquoy, le huictiesme de ce mois d'aoust, après que M. de Guise luy eust donné à disner et à tous les princes qui accompagnoient Sa Majesté audit Pierrepont, une heure après midy alla trouver et vcoir son armée mise en ordonnance en une belle campagne rase , au-dessus de ce lieu, de laquelle ordonnance j'ay bien voulu faire icy ample description , ayant esté de moy diligemmentet songûeusement voue et considérée comme de chose rare et digne de marque et mémoire, et servant d'advertissement à ceux qui suivent les armes. En premier lieu, sa l'orme esloil eu

(:01S DE JiABLTlN. [lôoSj

demy cercle ou comme un croissant , ayant les deux cornes de l'avant-garde et arriere-garde estendues comme les deux aisles, et au milieu estant comme le corps et principale force et la bataille. A la corne senestre, devers Laon et sur le chemin deCressy, à la pointe de l'avant-garde, estoient leS compagnies d'harquebusiers à cheval des capitaines FaveroUes etTrichasteau, chacune de cent chevaux, et celles de chevaux- légers des capitaines Pieries, Laigny, La Valette, Rotigotty et Rueil , chacune de cent chevaux, joignant et suivant lesquelles estoient les quatre cornettes de reitres du duc de Lunebourg , qui suivoient autres compagnies de cavallerie légère des capitaines comte de Roissy, Lombay, Truchepot, Thomas et comte d'Eu, chacune de cent chevaux , réservé celle du comte d'Eu, qui estoit de deux cens, et celle de gendarmerie de cinquante hommes d'armes de M. de Nemours, qui y estoit en personne comme général sur toute la cavallerie légère. Tout auprès d'un moulin à vent qui estoit là commençoit la bataille, où estoient de premier front les compagnies de gendarmerie de messieurs de Curton, prince de La Rochesur-Yon, de Randan , de La Rochefoucault, de La Vauguyon, de Janlis, de La Roche-du-Maine et de Montmorency, chacune de cinquante hommes d'armes, entre lesquelles et les autres compagnies qui joignoient, estoient quatre cornettes de reitres du colonel Scheneveux ; puis s'estendoient de front les compagnies de gendarmerie de messieurs de Beauvais, Tavannes et de Bordillon, chacune de cinquante hommes d'armes , et celles de messieurs les ducz de Lorraine et de Guise, lequel estoit là en personne comme lieutenant-general pour le Roy, et commandant en la bataille, duquel la cornette estoit au-devant de sa compagnie, et sa garde de cent reitres soubs la charge du capitaine Baudopré encore plus avant, comme aussi estoient cent harquebusiers à cheval soubs la charge du capitaine Ventou. Au-dessoubs de ce prince estoit le duc de Saxe avec ses sept cornettes de reitres , et tout après estoient rangez en bataillon quarré les deux regimens de gens de pied allemans des colonels Reifberg, de dix enseignes, et de ^\aIdebourg, de quatre, qui liancquoient ; d'autre costé quatre cornettes de reitres du colonel Henry Stoup ; en après s'entresuivoient en file les compagnies de gendarmerie du comte de Charny et prince de Salerne , chacune de cinquante hommes d'armes, et celle de cent de M. le connestable. Au bout de cette file estoient en bataille les dix enseignes d'Allemans du régiment du comte de R()C(juendolph, et six de Suisses soubs la charge du colonel Willes Frelich. L'artillerie estoit

COMMENTAIRES DE tlUNÇOlS DE RABUTIN. [l558]

après attelée et traînée la bouche devant, preste à jouer, montant au nombre de quarante canons douze coulevrines bastardes et une moyenne, au costé de laquelle estoient arrangez seize enseignes de vastadours et pionniers, et tout audevant estoient advancées quatre compagnies d'enfans perduz : de l'autre flanc de ceste artillerie , à la main droite, estoient pareillement en bataille huict enseignes d'infanterie françoise , joignant lesquelles estoit aussi en bataille le régiment du comte Reichroch, de neuf enseignes. A leur costé droit estoient quatre cornettes de reitres du fils de lansgraf de Hesse ; puis s'estendoient en front les compagnies de gensdarmes du roy Daulphin et des ducz d'Aumalle et de Bouillon , chacune de cent hommes d'armes, au-dessoubs desquelles compagnies s'estoient mis en bataille les deux regimens d'Allemans des colonels Luxebourg et de Jacob d'Ausbourg , chacun de dix enseignes. En cest endroit convenoit l'autre corne^, ou, si ouveult, l'aisle droite tirant devers Marie, et là estoit la compagnie de M. de Aevers, de cent hommes d'armes, où ce prince se trouva en personne comme commandant pour lors en l'arriere-garde, encore qu'il se trouvast mal, toutefois que depuis, pour mieux recouvrer sa santé , le Koy luy permist se retirer à Laon; et en son lieu fut ordonné M. d'Aumalle. Tout joignant ceste compagnie estoient celle de M. d'Eschenetz, de cinquante hommes d'armes, et celle de M. le mareschal de Sainct-André, de cent, et au-dessus d'eux quatre cornettes de reitres du colonel Grombau. Encore plus hault qu'eux s'estendoient en file les compagnies de gendarmerie de messieurs le marquis d'Albeuf et duc de Montpensier. Ainsi estoit rangée ceste belle et furieuse armée, que le Roy, accompagné de plusieurs grands princes de son royaume, visita et voulut veoir d'un bout à autre. En quoy il ne fault doubler que Sa Majesté print un singulier plaisir et contentement, voyant tant de princes, grands seigneurs, capitaines, gentilshommes, et generallement tant d'hommes là assemblez , se presentans pour sacrifier leurs vies pour son service et pour soustenir sa querelle. Mais ce qui donna encore plus grande admiration, et là où l'on peult cogaoistre les estranges et horribles puissances et inventions de ce furieux et sanglant dieu Mars , ce fut à ouyr tonner et bruire ceste artillerie, et là veoir descharger iiarquebusiers et les pistolades de ces reitres : on eust dit proprement que le ciel et la terre s'esclattoient eu infinis tonnerres, ou que le Tout-Puissant vouloit à ce coup fouldroyer toute ceste machine ronde. Après ceste reveùe generalle , se retirant ce soir mesme le Roy à Marchetz, chacune compagnie

retourna en son quartier, se trouvant, a mon advis, chacun soldat bien las et travaillé d'avoir demeuré depuis le matin six ou sept heures en bataille jusques à quatre ou cinq du soir, chargez d'armes, et peult estre mal repeuz, et davantage altérez pour la grande chaleur qu'il fit ce jour, la poussière qui y fut remuée et esmeue , qui sont les exercices ordinaires que pauvres soldats sont coustumiers avoir.

En cest endroit , et pendant le séjour de Pierrepont, je ferai une briefve digression, pour dire comme une armée de mer de six ou sept vingts vaisseaux tlamens et auglois, ayans costoyé et tasté les endroits foibles de la coste de Bretagne , finablement le vingt-neufiesme du mois de juillet précédent en cest an, àla pointe du jour, comparut devant un havre, nommé le Conquest , où est située l'abbaye de Sainct- Mahé, que l'on dit estre in Jiiiibus terrœ , lesquels d'abordée sembloient estre plus de quatre cens ; mais s'estans arrestez et les voilles baissées pour commencer leur descente, fut cognu qu'ils ne pouvoient estre plus de six ou sept vingts, partie de bien grands , comme vaisseaux sarragosses et autres du port de mille ou douze cens tonneaux : s'approchans du port environ les huit heures du matin , ils trouvèrent six ou sept vingts hommes et quelque peu d'artillerie qui leur résistèrent et tirèrent parmi eux , combien que c estoit bien peu envers eux, et n'en firent grand cas. A leur première arrivée ils sonnèrent une fanfare avec leurs trompettes, laquelle finie ils deschargereut toute leur artillerie en façon d'une salve , puis après jetterent quinze bateaux à plat fond , portans chacun cinq cens hommes , tous lesquels arrivans en terre faisoient bien le nombre de six ou sept mille hommes , qui donnèrent si grand tremeur et frayeur de plein sault à tout le peuple , qu'on leur abandonna tout soudainement. Parquoy, se voyans supérieurs et maistres, commencèrent à piller et saccager le village de Conquest , où en après ils meirent le feu, mesmement aux temples et églises, où davantage ils perpétrèrent infinité d'insolences scandaleuses et infâmes. Quatre enseignes de Flamens se jetterent à la campagne pour butiner, lesquelles estaus rencontrées de M. de Kersimon , qui en dix ou douze heures avoit amassé des gentilshommes et des communes jusques au nombre de cinq ou six mille hommes , tant de cheval que de pied , les desfit et en massacra plus de cinq à six cens ; avec ce plus de six ou sept vingts des principaux restèrent prisonniers, l'un desquels prisonniers , qui estoit holiandois, confessa que trente navires estoient venues de Hollande par le commandement du

roy Philippes à l'isle de Huye (l) trouver rarmée d'Angleterre, qui estoit au nombre d'environ cent ou six-vingts vaisseaux , où ils pouvoient avoir quinze ou seize chevaux légers , et que le desseing de toute ceste armée estoit de prendre Brest avant que s'en retourner : ayans commission ainsi le faire a peine d'estre penduz à leur retour, les Anglois qui estoient descendus avec les Flamens , quand ils veirent ceux qui s'estoient advancez des premiers , si mal menez et si bien estrillez , à toute haste retournèrent en arrière pour cuider regaigner leurs vaisseaux, où ils ne laissèrent pourtant à estre poursuivis et sentir leur part des coups , et où surtout ils beurent plus que leur saoul d'eauë sallée : depuis se tindrent tousjours embarquez devant ledit Conquest. Cependant les communes de l'evesché de Léon et de Cornouailles à la conduite des gentilshommes s'assemblèrent et se présentèrent à eux , au nombre de trente mille hommes.

Deux ou trois jours après arriva aux ennemis renfort de trente grands navires, et néantmoins tous firent voile et se retirèrent douze ou quinze lieues en mer, tirans vers l'isle de Bast (2), où ils s'arresterent vis à vis du Rosou (3), qui est un havre au mesme evesché , et n'est de distance du Conquest que de huit ou dix lieues pour le plus. Les communes par terre les costoyerent tousjours à veuë d'œil , afin qu'ils ne prinsent terre en quelque lieu au despourveu. M. d'Estampes, qui est lieutenant pour le Roy au duché de Bretaigne , en ayant eu advertissement en toute diligence , meit ensemble sept ou huit mille chevaux, et douze ou quinze mille hommes de pied pour leur faire teste et les soustenir s'ils se fussent addressez en quelque endroit pour entrer en pays, ayant au demeurant pourveu et muny les places fortes , comme Brest, Sainct Malo, et toutes les autres le long de la coste , toutefois qu'ils n'entrepriudrent rien au pardessus de ce qu'a esté dit , et s'en retournèrent et evanouyrcut ainsi qu'ils estoient venus , ayans seulement fait leurs monstres. Ce que j'ai bien voulu adjouster ici, pour faire paroistre en combien d'endroits , tant sur terre que sur mer, la guerre se demenoit pour la querelle de ces deux princes, et combien aussi de diverses estranges maux advienuent au pauvre peuple ; par le moyen et occasion d'icelles guerres; maintenant j'iiay retrouver l'armée du Roy.

Trois ou quatre jours après ceste revue générale , nostre armée décampa de Pierrepont tirant

(1) DeWight.

(2) De Bas.

(3) Roscoff.

le chemin devers Cressy et La Fere , mesmement pour avoir esté sceu que l'armée de l'ennemy fort engrossie marchoit en pays, suivant la traicte devers Peronne. Et nonobstant que le bruit fust grand et publié par tout que la paix se traitoit à bon escient , et que , soubs ceste intention , plusieurs allées et venues se fissent d'une part et d'autre, pour adviser et déterminer du lieu propre où se trouveroient les députez pour cest effect, si est-ce que l'on estoit tousjours en doute que , soubs ce prétexte et dissimulation, il n'advint quelque surprise , ainsi que d'autres fois se trouve avoir esté fait. Parquoy, si tost que nouvelles vindrent que l'ennemy s'acheminoit ceste part, estant M. deHumieres adverty, qui en est gouverneur, on lui envoya de renfort les compagnies de cavallerie légère des capitaines Pieunes , La Vallette, Tuty, La Ferté, des barons de Banna et Trichasteaux , de Laigny et de Faverolles, avec quatre enseignes de gens de pied françoises. Toutefois l'ennemy, sans faire semblant de s'y vouloir arrester, coulant seulement le long de ceste rivière de Somme, reprint le chemin plus à main droite devers Miraulmont , approchant de Corbie , pour de là tirer vers Authie , à deux ou trois lieues près de Dourlan , qu'ils menassoient fort, selon que les rapports en venoient tous les jours. INostre armée ayant fait peu de séjour à La Fere , et passant près de Chauny, vers Nesle et près Corbie , finalement vint camper auprès d'Amiens , le long de ceste rivière de Somme, où elle arriva sur la fin de ce mois d'aoust. Et pour remédier à ce que ceste place de Dourlan , où estoient chefs adonc messieurs de Bouchavanes et de Crevecueur, ne fust surprise et assaillie au despourveu , à cause des advertissemens qui venoient comme les ennemis bastissoient force gabions et dressoieut autres préparatifs pour un siège , M. de Guise , dès le dix huitième de ce mois d'aoust , avoit commis le capitaine La Ferté pour y conduire trois ou quatre cens harquebusiers à pied , soubs la charge du capitaine Drenelle, ouUre les compagnies de cheval et de pied qui y estoient desjà. Et incontinent que ces deux grandes armées eurent choisy leurs stances et lieux pour camper, celle du roy Philippes s'estendant le long de la rivière d'Authie, et celle du Roy le long de la rivière de Somme , au dessoubs d'Amiens , se fermèrent et remparerent encore de trenchées flancquées et armées d'artillerie, comme s'ils eussent attendu d'estre assiégez l'un de l'autre , et comme s'ils se fussent desjà tout résoluz d"y faire un long séjour pour se matter et vaincre l'un l'autre par la longueur du temps.

Pendant ce séjour et voisinage de ces deux

armées , et que les propositions de paix estoient en termes , le plus souvent neantmoins se faisoient courses , entreprises et escarmouches, les les uns sur les autres , mesmement la cavallerie légère , laquelle , estant logée le plus près des ennemis , journellement estoit sur leurs bras et à leurs talions, de façon qu'ils empeschoient bien que leurs fourrageurs ne s'escartassent et ne vinssent charger vivres du costé de deçà, approchant l'armée du Roy. Toutefois que de les racompter toutes les unes après les autres il me seroit presque impossible , d'autant qu'elles se dressoient en divers endroits et en divers temps, tellement qu'il n'en venoit à nous que le bruit , mais bien entre autres je diray que , dès le quatrième de septembre , M. de Nemours , gênerai sur toute la cavallerie légère, accompagné de M. le comte d'Eu , fils aisné de M. de Nevers, et des capitaines le comte de Rossillon, LePelou, dePiennes, La Yallette, La Ferté, Laigny, Tuty , Puygaillard et le baron deBanna, et autres capitaines avec leurs compagnies de cavallerie légère , partit ce soir pour aller donner une strette et camisade aux ennemis. En quoy il usa de si bonne conduitte , selon qu'il est prince de gentil esprit, prompt et vaillant, et luy fut la fortune si heureuse , qu'ayans esté les sentinelles trouvées endormies ou estonnées, et depeschées sur le champ , entrèrent bien avant dans le camp de leur cavallerie et des gens de pied de leur avantgarde ; mais je dis avec une telle allarme et effroy à toute ceste armée , que tout fuyoit devant eux, et leur fut loisible de donner jusques aux tentes , et en coupper les cordages , voire jusques à Tartillerie , qu'ils eurent en leur pouvoir abandonnée près de demie heure. Enfin voyans que les grosses trouppes commençoient à se remuer , et qu'ils seroient en danger si on leur couppoit cliemin , ou s'ils estoient enveloppez , se retirèrent de bonne heure sans aucune perte. Il ne faut pas aussi que j 'oublie l'e itreprise du baron de Bueil , pour estre si brave et hazardeuse, que d'avoir, avec sa compagnie, brusié un soir partie des faulxbourgs d'Arras , se feignans Bourguignons , et demandans à repaistre et loger.

Je pourray pareillement icy adjouster comme , en ce mois de septembre, M. le vidasme de Chartres, lors gouverneur de Calais, estant M. de Thermes prisonnier, fit une entreprise d'aller surprendre Sainct-Omer, par le moyen de quelques intelligences que les François prisonniers là dedans avoient avec aucuns habitans d'icelle ville, qu'ils avoient attirez à leurs factions, pour laquelle entreprise mieux couvrir et dissimuler, iceluy sieur vidasme vint à Ardres , soubs cou-

leur de vouloir pourvoir et munir ceste place , y temporisant pour ceste cause certains jours; où là estant se dévoient trouver à Devre M. de Sipierre avec la compagnie de M. de Lorraine, dont il est lieutenant , et celles des capitaines Laigny , chevaux légers , et Thomas Albanois , et une de harquebusiers à cheval , comme aussi le seigneur de Mailly, gouverneur de Montereuil, et douze compagnies de gens de pied. Toutefois, de malheur un soldat espagnol de la compagnie du capitaine La Lane , ayant esté adverty de toute ceste menée, en diligence en advertit ceux de Sainct-Omer , soubs espérance d'en recouvrer toute bonne rétribution et récompense. A l'arrivée à Devre, M. de Sipierre , avec la compagnie de M. de Lorraine et les autres, desfeit vingt ou vingt-cinq chevaux de la garnison de Ranty, qui estoient là venus pour voiler la vache et piller le pauvre paisant , selon qu'ils ont accoustumé par toute ceste frontière. Estans ceux de Sainct Orner advertis , sans faire bruit , meirent gardes et guets par tout, et donnèrent tout bon ordre pour n'estre surpris. Ce nonobstant, les prisonniers françois, non sachansque tout leur fait fust descouvert , ne laissèrent a poursuivre et exécuter leur délibération , et d'abordée tuèrent deux ou trois corps de gardes ; cela fait, se retirèrent et gaignerent le chasteau , où ils se renfermèrent. Ceux de la ville , pour les avoir et pour enfoncer les portes , qu'ils savoient n'estre remparées, menèrent deux canons, desquels ayans tiré cinq ou six voilées, et estant faite ouverture , taillèrent en pièces, à l'arrivée, la plupart de ceux qu'ils y trouvèrent. Et ainsi n'eut bon effect ceste entreprise , combien que M. le vidasme , encore qu'il sceust toutes ces choses, ne laissa de s'y aller présenter ; et, au partir de là , bien fasché et ennuyé de si mauvais exploit, s'en retourna à Calais, et toutes les autres compagnies au camp.

Depuis le partement de l'armée françoise de Pierrepout , et pendant qu'elle s'acheminoit et séjournoit près d'Amiens , elle s'augmenta et engrossit de beaucoup plus qu'elle n'estoit à la reveue generalle, car il s'y joignit autres dix enseignes de Suisses , oultre les six qui y estoient. D'autre part, M. de Jours s'y vint assembler avec huit ou dix enseignes françoises de la légion de Champagne, lequel depuis fut envoyé à Calais. Semblablement y arrivèrent dix ou douze enseignes vieilles, retournans de Ferrare, que l'on nommoit le tiersd'Italie, soubs la charge du colonel La Molle, que j'ay bien voulu icy nommer, pour avoir este ces compagnies trouvées fort belles, remplies de vieils soldats aguerris . à scavoir : celles des capitaines de Monestier , du

COMMENTAIRES DE FKANr

Daulphiné , du baron de Dorade , gascon , Bourdet . Berthelemy , Colincourt , Jauluay , Mazey , Vallefenieres , La Chapelle , qui fut tué près de Ferrare, et celle de Béguin, qui fut depuis cassé. Oultre cela , y vindrent encore les compagnies de gendarmerie qui s'cstoient trouvées à la desfaite de M. de Thermes, lesquelles, estant quelque peu séjournéeset refaites, y furent mandées. Je ne feray point ici de nombre de plusieurs grands seigneurs et gentils-hommes qui s'y trouvèrent pour leur plaisir, comme aussi toute la maison du Roy et ses gardes , qui donnoient grand accroissement à ceste armée. L'on disoit aussi que Tarmée du roy Phiiippes s'estoit de beaucoup renforcée, et qu'y estolent arrivez beaucoup de regimens de gens de pied d'AUemaus et force reitres. Pour conclusion , il sembloit que ces deux grands roys deussent assembler en ces lieux toutes leurs forces , pour , à ceste dernière fois, départir toutes leurs querelles avec une très cruelle et sanglante bataille , y estans là en personne, ou se contraindre l'un l'autre d'accepter les conditions de paix. Mais le Seigneur Dieu , dominateur et tout puissant , lequel void de son siège céleste jusques au bas , voire le dedans des cueurs des hommes, et sans le vouloir duquel toutes choses sont impossibles aux humains , voyant desjà son pauvre peuple affligé de tant d'autres calamitez , adoucit et re- Irena lire et fureur de ces princes , et ne voulut permettre que la vie et le sang de tant de milliers d'hommes terminast leur courroux , ou les irritast davantage , ains , toutes armes déposées, et cessant toute hostilité, divinement inspirez , se rengerent unanimement de recevoir une amiable paix et uaion entre eux , usant d'une réciproque équité, se faisant juste restitution, par le moyen de laquelle cesseroieut et seroient assoupies toutes vieilles querelles , pour estre de là en après unis, et pour donner repos à leur peuple presque desjà examiné.

Pour donner commencement et procéder à ce sainct œuvre , fut approuvé et designé le lieu et abbaye de Cercamp, limitrophe et comme située en la séparation d'Arlhois et Picardie ; et là se trouvèrent députez pour le Roy , environ la myoctobre, M. le cardinal de Lorraine, archevesque de Reims et premier pair de France; Anne de Montmorency , aussi pair et connestable de France ; Jacques d'Albon , seigneur de Sainct- André et mareschal de France; messire Jean de Morvilliers, evesque d'Orléans, conseiller au conseil privé du Roy, et Claude de l'Aubespinc, chevalier, seigneur de Haulterme, conseiller aussi du conseil privé et secrétaire d'estat des linances du Roy. Et de la part du roy Phiiippes , dom

OIS DE BABUTIN. [lo58j

Fernando Alvarez de Toledo , duc d'AIve , que nous disons en France d'Albe, grand-maistre de son hostel ; Guillaume de Nassou , prince d'Oranges, chevalier de l'ordre de la Toison; Bigornez ( I ) de Silva , comte de Melito, eschanson de Sa ALijesté ; messire Antoine Perrenot , evesque d'Arras , et messire Vigilius de Zubicher , chevalier et président du conseil privé du roy Phiiippes ; estans sur toute ceste assemblée tenus et receus de chacun de ces deux princes la duchesse doairiere de Lorraine , et le duc de Lorraine son fils , comme neutres et vrais médiateurs de tous leurs différens. Et ne veux oublier à dire sur ce propos, qu'avant que ceste assemblée se fermast, M. le cardinal de Lorraine avoit fait un voyage devers le roy Phiiippes , comme pour adoulcir et régler les plus grandes difficultez amiablement entre eux, avant entrer plus avant en parlement. Depuis encore , M. le connestable ayant composé de sa rençon, estant remis en pleine liberté , estoit venu trouver le Roy en ce lieu d'Amiens pour conférer avec Sa Majesté , et, comme l'on disoit, pour quasi conclure et resouldre de sa dernière intention sur chacun des principaux articles. Lequel , après avoir esté bien receu et caressé de son maistre , selon que le mérite un tel bon et iidele serviteur , un jour ou deux après , estant seurement informé de la volonté du Roy, s'en retourna pour entrer en ce parlement , délaissant à chacun une très-grande espérance que la départie ne se feroit qu'avec une ferme et longue paix. Et ce qui en donna encore plus grande confirmation , fut que , presque en ce mesme temps , les deux armées s'esloignerent et départirent , par l'advis et opinion , ainsi que le bruit couroit , des députez , à ce qu'estans ces deux armées proches et voisines , par le moyen de quelques courses ou telles autres entreprises, les choses ne vinssent à s'aigrir et changer.

L'armée du roy Phifippes, au partir d'Authie, coula le long de la rivière devers Abbeville, puis tout à coup se retourna devers Sainct Omer , et s'alla rompre eu Artois; parquoy, afin d'éviter toute suspicion , et afin de luy oster toute occasion d'entreprendre au despourveu , l'on la feit tousjours costoyer, de ville en ville , de dix-huit enseignes françoises , jusques à ce qu'elle fust du tout rompue. Nostre armée semblablement fut séparée et escartée en divers endroits; car la gendarmerie la pluspart fut renvoyée se rafreschir et reposer en leurs maisons, et non sans cause, estant autant mal menée et travaillée qu'elle eust peu estre , non pas des corvées et autres fatigues militaires, mais de l'indisposition

(I) Kuj-Gonicz.

COMMENTAIRES DE FRANÇOIS DE RAEUTTN. flS/iS]

et rigueur du temps , de la cherté et faute de vivres , mesmement pour les chevaux, et, à bref dire, pour tant d'autres nécessitez, que, sans le repos de la paix , il estoit à douter qu'elle ne succorabast soubs la pesanteur du faiz . Quelques compagnies d'icelle gendarmerie, des plus loinglaines ou travaillées , furent logées es plus prochaines garnisons pour se rafreschir attendant îes monstres ; et les gens de pied françois furent aussi departiz et mis en garnison es villes et places fortes , et le long de la frontière. Quant aux estrangers , les Allemans , tant reitres que lansquenets, demandèrent M. de Nevers, pource qu'il est prince de l'une des plus anciennes maisons de la Germanie , pour les mettre hors des limites de France, et pour leur estre seureté d'une «;rande partie de leur solde, qui leur estoit deuë : ce que ce prince débonnaire accepta volontairement , pour d'autant plus demonstrer sa parfaite affection au service du Roy et de France , ■et en quoy il s'acquitta si bien , que , nonobstant ?a rigueur qu'ils tindrent de vouloir estre payez en or, il moyenna et reigla si prudemment tout ce fait , et plusieurs autres occasions de mutinemens quils cherchoient, qu'enfin, contents et paisibles , il les convia et licencia hors des pays (du Roy, dont toutefois son comté de Rhetelois supporta les principaux frais. Les Suisses furent plus gracieux , car, soubs commissaires qui leur furent ordonnez , vivans paisiblement par estappes , qui leur furent establies et dressées à journées raisonnables , se retirèrent en leur pays. Sur le rompement de ceste armée , je ne veux iîaisserauboutde la plume comme ce jeune comte ■de Lunebourg , que l'on a veu ci-dessus avoir amené des reitres au service du Roy, fut au camp près d'Amiens arresté et saisy prisonnier, et depuis amené en la Bastille à Paris , pour avoir mis la main aux armes contre M. de Guise , lors lieutenant général pour le Roy , et représentant Sa Majesté , n'eu pouvant dire autre plus certaine cause.

Pour retourner à l'assemblée des députez , le principal effect de la paix estoit assis sur un si bon fondement , qui estoit sur les mariages de dom Carlo , seul fils du roy Philippes et prince d'Espagne, avec madame Elisabet , fille aisnée du Roy, et de M. de Savoye avec madame Marguerite , sœur unique du Roy, que , par telles et si estroittes alliances, chacun proposoit voir toutes ces grandes maisons réunies et rassemblées. Et quant au surplus , les courages de ces deux princes sembloient estre si conformes et divinement inspirez en toutes restitutions' réciproques et amiables, que, pour conclusion, toute la chrestienté se promettoit obtenir une paix universelle,

quand, sur le poinct que Ton n'attendoit plus que la ratification et promesse de toutes ces choses , la royne Marie d'Angleterre et les Anglois envoyèrent de nouveau brouiller les cartes et pervertir tout ce bon commencement , pour le fait de Calais, demeurans opiniastres à la ravoir, alleguans sur cela infinité de vieilles querelles qui seroienticy trop longues et ennuyeuses à déchiffrer, et lesquelles aussi je ne pourrois certainement déduire , pour n'avoir leu n'entendu tous ces droicts , et n'estant curieux et studieux de telles matières. Tant y a que ces nouvelles propositions, accompagnées de plusieurs autres difficultez que ceste Royne meit en avant à son mary , remeirent toutes ces conclusions en première doute et à recommencer, et d'autant plus esloignées des premiers termes, qu'elles sembloient estre proches d'avoir bonne issue. Pendant toutefois que chacun des députez de sou costé songeoit à inventer quelques expédients pour transiger et appointer de cest article de Calais , pource que le Pvoy n'estoit rien moins que résolu de le garder et ne le point rendre , que la royne d'Angleterre et les Anglois estoient importuns et pertinaces à le demander, réelle princesse passe de ce siècle transitoire en l'autre des bienheureux sur la fin du mois de novembre ; laquelle, peu de jours après, suivit ce bon cardinal Pol , delamaisond'Yorckjduquelj'ay tantdefois parlé en mes livres précédens. La mort desquels suscita nouveaux troubles en Angleterre, de sorte que les institutions de l'ancienne religion ecclésiastique , que de nouveau ladite Royne et ce vertueux cardinal avoient à grande difficulté remis sus , furent de rechef abolies et dépravées , pour r'introduire et adhérer à la nouvelle doctrine qu'ils ont appellée evangelique.

La princessse Ysabelle (l), fille du roy Henry dernier de ce nom , roy d'Angleterre , et d'Anne de Bouian , une simple damoiselle qu'il espousa pour son plaisir, etqu'fi feit en après décapiter, laquelle auparavant avoit esté tousjours captive, fut appellée de tous les Estatsdu pays , et esleué pour royne, et couronnée le 15 du mois de janvier ensuyvant. Ces soudaines et inespérées mutations furent cause de faire séparer ceste assemblée sans aucune résolution, d'autant que le décès de ceste royne, femme du roy Philippes, luy importoit de beaucoup , et où il y avoit beaucoup de choses à demesler, qui requeroient tems et séjour ; parquoy delaissans tous traittez au mesme estât où ils se retrouvoientpour lors, les députez se départirent sur le commencement de décembre , remettans la partie à se rassem-

(M Elisabeth.

Lier au Chasteau Cambresis , pour parachever et conclure du surplus, au mois de janvier ensuyvant , après qu'on auroit veu en quels succès se termineroieut beaucoup de varietez et changemens qui se préparoieut et se demonstroient desjà en l'Kurope. INlesmement le bruit s'eslevoit fort quelesAllemagoessedisposoientàconvoquerune assemblée géneralle, qu'ils ont nommé diée(l), en laquelle se devoit trouver et comparoir l'Empereur et la pluspart des électeurs, et généralement beaucoup des principaux princes et plus grands seigneurs de toute la Germanie , laquelle assemblée se devoit faire en la ville d'Ausbourg, autrement dite Auguste.

Peu de jours après le département de ceste assemblée, nouvelles vindrent de pardecà , que la nouvelle royne d'Angleterre Ysabel avoit envoyé un millord devers le roy Philippes, poursesoubmettre (2), et son royaume en sa protection ; qui ne fut sans faire penser à plusieurs personnes , et comme la publique renommée le publioit par tout , et faisoit croire , que le mariage se pourroit redresser entre luy etelle, pour de tant plus stabiliter les premières alliances, et rendre ce royaume de plus en plus fortifié et mieux appuyé du support de ce grand roy, combien que le faict semblast fort difficile et estrange , d'espouser les deux sœurs. Il fut dit pareillement que icelle royne envoya devers l'Empereur et les électeurs, pour se soubmettre et ses pais en leur protection , à quoy elle fut receuë , et que depuis l'Empereur envoya devers elle le comte Laderonpour entamer les propos du mariage de l'archiduc Ferdinand son fils et d'elle. Toutefois le bruit estoit tel , qu'à sa réception et couronnement elle avoit promis et juré ne prendre à mary aucun.prince estranger, ains un qui fust de ses pais et origine. Les causes , à mon advis, pourquoy elle s'asseuroit ainsi de bonne heure des princes ses voisins , et principallement qu'elle avoit plus à craindre, estoit à raison de la mort du vieil loy de Dannemarc, qui estoit décédé environ ce temps, ayant délaissé un fils remuant et martial , lequel elle doutoitiuy appareiller à son advenement quelques nouveaux attentats, prétendant le royaume d'Yrlande; ou bien auroit ce fait pour assentir et apprendre quelque secretde la volonté de ces princes , se doutant bien que ce changement et réception de nouvelle religion estoit odieuse à beaucoup d'eux, et à d'autres estoit agréable.

Pendant le délay et remise de la résolution de

(1) Dièle.

(2) Rabutin se trompe dans ses conjectures; tiisal)eth se conduisit avec autant d'indépendance que de circonspection.

la paix , chacun de ces princes en droit soy ne delaissoit pourtant à prévoir aux objects que le temps par occasion leur distribuoit, et, selon que les événemens succédoient, se parforçoient d'accommoder les remèdes; et d'ailleurs, durant ce loisir, mettoient à fin et accomplissoient leurs plus privez et particuliers affaires, afin que quand encore toutes choses changeroient eu pis, pour le moins fussent deschargez d'autant de temps bien employé et d'expédition de négoces.

Entre autres œuvres mémorables que le roy Philippes accomplit en ce mois de décembre, furent les obsèques de l'Empereur Charles son père , lequel estoit mort en Espagne au mois de septembre auparavant, comme l'on m'a dit, qu'il célébra à Bruxelles le vingt-neufvieme de ce mois , avec fort religieuses et dévotes cérémonies , faisant ample démonstration d'une singulière et très -parfaite amitié du fils au père , magnifiées et extoUées aussi de très-opulentes et riches pompes funèbres , pour déclairer et remémorer universellement la haultesse et gestes d'éternelle récordation de ce grand empereur. A toutes lesquelles choses icy particulariser il me faudroit recommencer un livre à part, lequel toutefois, sans en rebastir d'autres, se vend et publie desjà par tout ; mais, pour faire un brief extrait des principales singularitez qui en sont escrites, cette navire me semble plus à louer, que l'on eust dit estre tirée sur mer par deux monstres marins, conduits par une jeune pucelle tenant en main une ancre d'argent, paroissant et démonstrant une face joyeuse, comme voulant prendre port, ayant la pouppe enrichied'excellentes et ingénieuses graveures et peintures, avec les arbres et tous équippages de noir, et plusieurs enseignes et flammes de diverses couleurs pendues au timon. Tout le dedans de laquelle navire estoit rempli de riches quarreaux sur lesquels estoient posez les escussons et armoiries des royaumes et pais que possédoit Sa Majesté ; et au devant du grand maz , aux pieds d'un riche siège impérial qui estoit vuide , sur une pierre quarrée où estoit escrit Chn'stus, estoit la Foy, vestue d'un drap blanc , tenant la croix rouge en sa main. Derrière , sur la pouppe, estoit la Charité , qui tenoit en main le gouvernail de ceste navire , comme le voulant addresser à main droite. Tout cela signifiant , comme je conjecture , que toute l'intention et les labeurs de ce grand empereur ne tendoient qu'à l'augmentation et accroissement de la foy de Jésus- Christ , y estant conduit par une singulière charité et amour qu'il luy portoit , et aux peuples que Dieu luy avoit soubmis pour commander. Aux deux costez de ceste navire estoient peintes les victoires qu'avoit en sa vie obtenu cest empe-

reur , tant contre les voisins que contre les barbares infidèles et estrangers , avec les [dictons et trophées mis et apposez ingénieusement dans des compartimens et tables d'attente bien rapportées et inventées. Beaucoup d'autres singularitez y furent vues et remarquées comme elles leméritoient, que j'adjousterois icy si elles n'estoient desjà escrites , et si communes , qu'elles ne serviroient que de redites. Avant aussi le retour de ceste assemblée , le Roy voulut estre accompli et parfait le mariage de Charles duc de Lorraine , et de madame Claude sa seconde filie. Et furent ces mémorables et solennelles nopces célébrées en la royale ville de Paris, et capitale de France, avec toutes largesses et festins remplis de délices. Les cérémonies et solennitez furent parachevées dans ce beau et riche temple de Nostre Dame , en la présence du Roy et de la Royne, et de plusieurs prélats et princes, comme de messieurs les cardinaux de Lorraine, de Bourbon et de Guise , de Chastillon et de Sens ; des ducs de Guise, d'Aumalle , comte de Vaudemont , marquis d'Albeuf, et grand prieur de France, les plus proches parens de l'espoux , et d'autres princes, comme des ducs de Montpensier, de INevers , de Nemours , princes de Condé , de Ferrare et de La Roche-sur-Yon, le duc de Longueville, le comte d'Eu etautres ; ensemble plusieurs grands seigneurs qui tiendroient icy un grand roolle à tous nommer. Près de sept ou huict jours durèrent ces jours feriaux, èsquels n'estoient veuz et démonstrez que tous plaisirs et toutes sortes de jeux et passetemps, tant au Palais Royal qu'en ceux de messieurs de ceste maison de Lorraine , èsquels se tenoit maison ouverte , et se faisoient convives et distributions profuses, et à qui en vouloit. Mesmement devant le palais de M. de Guise , fut fait un tournoy ouvert à tous chevaliers , pour s'esprouver en lice à la lance et au combat de toutes sortes d'armes. Beaucoup d'autres choses exquises et de marque y furent érigées et faites , ou que je ne puis pas avoir veuës , ou dont je n'ay pas souvenance , que je délaisseray à descrire à quelqu'un qui les aura ou mieux considérées ou mieux retenues que moy. Quelques jours auparavant ces festins, le Roy avoit fait partir M. de BordillonetM. de Marillac, archevesque de Vienne, l'un des plus doctes et dignes prélats du royaume, pour se trouver de sa part à ceste diée qui se devoit faire à Ausbourg , dont nous avons parlé cy-dessus , et où jà estoit attendant l'Empereur dès la fin du mois de décembre ; où pareillement le roy Philippes avoit envoyé le comte d'Aremberg , dit Brabanson , pour autant que la commune renommée estoit ceste convocation et as-

semblée estre faite pour beaucoup de poincts qui importoient toute la chrestienté et les princes chrestiens , spécialement pour le faict de la religion, que l'on voyoit presque du tout exterminée, et d'autre part pour adviser à trouver remèdes et moyens de résister au Turc , lequel , ne se contentant d'avoir usurpé la Hongrie et la meilleure part de la Transylvanie , tasuboit d'empiéter en Autriche , et se fortifier pour ceste occasion à l'entour de Vienne, et où jà estoit allé le roy de Bohême avec certaines forces pour le divertiretinterrompreune fortification qu'il s'efforcoit rebastir sur ses frontières , que les chrestiens lui avoient desjà une autre fols abbattue et démolie , et laquelle, s'il avoit relevée, porteroit grand dommage à Vienne. Pour ces causes et autres très-nécessaires, et appartenans au bien universel , y estoient mandez les électeurs, princes et potentats des Allemagnes , comme aussi en avoient esté advertis , pour y assister ou y envoyer, tous les autres princes chrestiens. En ce mesme mois de janvier, le 27, le pape Pau! fit un consistoire qu'il ne voulut du tout fermer, ains comme liuys à demy ouverts, et en particulier fit appeller le seigneur Camille Orsin, le marquis de Montesarche, le seigneur Ferrand de Sanguine, le gouverneur de Rome, le vicegerent de la chambre apostolique, le dataire , l'evesque de Bergamo, le berengo, le fior de belle et trois secrétaires. Et estant assis en sa chaize commença son propos par la mauvaise administration qu'il voyoit estre faite des estats de l'Eglise, qui requeroient une sévère et bien reiglée reformatiou , se plaignant sur tous , en termes généraux , de ses neveux , toutefois sans nuls nommer. Lesquels il declaira avoir privez de toutes authoritez qu'il leur avoit commises et données, à sçavoir ; le seigneur dom Joanni Caraffe, qui est le duc de Palliane, de Testât général de l'Eglise , et de toutes pensions et appointemens qu'il avoit du Sainct Siège apostolique , et davantage delà charge des galleres de l'Eglise; et que, quant à celles des Sforces qui étoient en différent, il evocquoit icelle cause à sa personne pour la terminer ; plus dom Antonio Caraffe, qui est le marquis de Montebel, de Testât qu'il avoit, tant de gouverneur des soldats que de celuy de la garde de sa personne, et de toutes pensions et appointemens qui luy pouvoient appartenir, en quelque manière que ce fust. Eu oultre privoit le cardinal Carafl'e de toute administration , de tous pouvoirs , de motu proprio, concessions, privilèges, et authoritez qu'il pouvoit en sa personne avoir et tenir du Sainct Siège apostolique, ensemble de la légation de Bologne, et révoqua et cassa tous gouverneurs.