CHRONOLOGIE NO YEN AIRE DE PALM A CAYET

osté le cœur aux desseins de ce duc en se remettant au service du Roy avec la place que ledit duc luy avoit baillé en garde. Au commencement de Tan 1597, ledit Disimieu, estant venu à Paris, le jour mesrae qu'il y arriva on luy dressa une querelle d'Alleman : un chevalier de Malte qui avoit esté audit feu duc renvoya appeller à un duel, luy mandant qu'il se trouvast en un clos de murailles près le Pré aux Clercs : il y alla seul , le pensant aussi trouver seul ; mais le sieur d'Arbigny y estoit avec luy. Aucuns de ses amis, entendans qu'il s'alloit battre, montèrent incontinent à cheval ; mais ils le trouvèrent estendu sur la place, ayant un grand coup d'espéesur la teste et un coup de poignard dans les reims. Pensans qu'il fust mort, ils le firent enlever : toutesfois , revenu à soy, et depuis bien pense de ses playes, il en guérit. C'est assez traicté touchant la mort du duc de Nemours.

Quant au sieur de Bois-daufin , l'edict pour sa réunion fut donné à Lyon. Ce seigneur tenoit Chasteau-Gonthier en Anjou, et Sablé au Ma y ne, qu'il avoit fait surprendre, ainsi que nous avons dit , et du depuis il avoit acheté ceste ville de M. de Mayenne à qui elle appartenoit : il tenoit encor quelques autres chasteaux sur les marches de ces provinces là. En se remettant au service du Roy, par edict Sa Majesté esteignit, supprima et abolit tout ce que ledit sieur de Bois-daufin et tous ceux qui î'avoient assisté en la prise des armes avoient faict, eu quelque sorte que ce soit , durant les présents troubles, les déclara ses bons et loyaux subjects, cassa toutes les procédures faictes et à faire eontr'eux en conséquence desdits troubles, les restablit en leurs dignitez, bénéfices, estats et offices, donna à Martin Ourceau un estât de maistre des requestes , et à François du Breil la reserve d'un estât de conseiller au parlement de Bretagne , pour la peine qu'ils avoient prise à faire ceste réunion. Mais , comme après les troubles du règne de Charles VII , ceux qui avoient' esté créez mareschaux de France du party des Bourguignons, en faisant leur reconciliation avec ce Roy-là, prirent nouvelles provisions de luy de leur estât de mareschal , aussi le Roy sçachant l'expérience militaire dudit sieur de Bois-daufin, bien que par son edict de réunion il ne Teust qualifié mareschal , il lui en fit toutefois depuis expédier les lettres, suivant lesquelles il fit le serment dudit estât entre les mains du Roy.

Ainsi Sa Majesté, désirant de pacifier son royaume et d'en oster les guerres civiles, donnoit libéralement à tous ceux qui luy ramenoient, ou qui s'employoicut à luy faire ramener quel-

ques places en son obeyssance, et en advança beaucoup ses affaires par ce moyen-là. D'autre eosté , pour les occasions que nous dirons cy après, il avoit envoyé M. du Perron à l'evesché d'Evreux , vers Sa Saincteté à Rome pour obtenir son absolution , affin d'oster du tout le prétexte dont se couvroient encor le duc de Mayenne et quelques autres grands du party de l'union , de ne vouloir le recognoistre que premièrement le Pape, ne l'eust recogno. Pendant le séjour que Sa Majesté ut à Lyon , il vint advis certain que le Pape s'estoit résolu de l'absoudre. Sur cest advis , le duc de Mayenne, qui s'estoit retiré à Chaalons sur Saosne , ainsi que nous avons dit, prenant encor qualité de chef de party , envoya vers le Roy à Lyon le rechercher d'une trefve générale et surceance d'armes, en attendant que l'on traictast do la paix. Le Roy, qui voyoit bien que Ton ne lui demandoit ceste trefve que pour le besoin que Ton en avoir, jugea qu'il estoit meilleur de retenir en France par ce moyen là ceux qui luy avoient faict la guerre , que non pas , après les avoir chassé du cœur de son royaume jusques sur les frontières , de les forcer encor d%en sortir , comme il estoit en sa puissance , et de se retirer du tout avec l'Espagnol. Il n'y a que trop d'exemples dans Froissard et autres historiens du mal qu'ont apporté plusieurs grands seigneurs françois estans contraints par la force de nos roys de se retirer en Angleterre pour leurs rebellions , où depuis ils suscitoient toujours les Anglois de venir faire la guerre en France, et donnoient l'advis où on devoit faire les descentes des armées, et de ce qu'il falloit faire; ce qui a esté la cause des victoires que les Anglois ont obtenues quelquesfois sur les François. Le Roy , se servant en cest endroict des exemples du passé , accorda sous promesse de paix ladite trefve générale au duc de Mayenne, laquelle fut publiée en ces termes :

Le Roy, estant recherché d'accorder une trefve et cessation d'armes générale par tout son royaume, sur l'asseurance qui luy a esté donnée par M. le duc de Mayenne de la pou voir'faire recevoir et observer par tous ceux qui font encores la guerre en iceluy , tant sous son authorité que sous le nom du party de l'union , voulant Sa Majesté soulager ses subjets de l'oppression de la guerre , a accordé les articles qui ensuivent :

I. Qu'il y aura bonne et louable trefve et cessation d'armes par tout le royaume , pays , ter* res et seigneuries d'iceluy et de la protection di la couronne de France , pour le temps et < de trois mois , a commencer , à sçavoir gouvernements de Lyonnois , Forest et Béai lois, où est de présent Sa Majesté, et du d