PAR JEAN JUVENAL DES UHSINS. [1S

Cependant y eut merveilleuses tempestes sur mer de vents et tonnerre , et tellement que les aucuns vouloient, comme que ce ftist, retourner en France. Et pur aucun temps après, le temps s*appaisa , et cessèrent les tempestes , et fut le temps bien clair et net. Et en une belle grève sur la mer descendirent les François pour eux nisier. Et la plus grande partie de la compagnée de ceux qui là estoient, estoient d*opinion et volonté de retourner en France. Mais ledit admirai , qui estoit un vaillant chevalier et courageux, commença à parler à eux si gratieusement et doucement, et tellement que les principaux , <(ui estoient d*opinion de retourner, délibérèrent d'aller eu Escosse avec ledit admirai. Les gens (reglise cognoissans la vaillance dudit admirai , et son entreprise, et aussi le peuple , faisoient l)elles processions et bien dévotes, en priant Dieu pour luy , et sa compagnée. Ils allèrent tant par mer, que ils vindrent en Escosse, et arrivèrent à Edimbourg. Et allèrent ledit admirai et aucuns de sa compagnée vers le roy d*Escosse, et luy firent la révérence et Thonneur qui luy appartenoit, en luy exposant qu'ils estoient là venus pour faire guerre aux Anglois en sa compagnée, et pour l'aider à les combatre , en le priant et requérant que le plustost qu'il pouri^oit , i I li vrast bataille aux Angloil^, et ils estoient prests et disposez d'y employer leurs personnes. Et sembloit par ses manières qu'il n'estoit pas joyeux de leur venue. Toutesfois il respondit <iu'il falloit bien trois semaines avant qu'il peust avoir mandé et assemblé ses gens , et qu'il en feroit diligence. Et fit crier que aux François on baillast vivres en les très-bien payant, et non autrement. Et seulement le roy d'Escosse bailla trois mille combatans aux François, lesquels délibérèrent à ladite compagnée passer outre , et sç^ivoir s'ils trouveroient les Anglois, et se partirent ensemble , et passèrent par merveilleux déserts, et tant cheminèrent qu'ils arrivèrent en Angleterre, en un pays aucunement peuplé, et où avoit aucunes forteresses , et firent tout ce que ennemis ont accoustumé de faire, en boutant feux, et prenant tout tant qu'ils pouvoient et trou voient, et tuoient ceux qui resistoient. Et tindrent par huict jours les champs , sans qu'ils trouvassent empeschement , ne gens qui les voulussent combatre. Et vindrent devant un chasteau nommé Drouart, que les Anglois et Escossois tenoient comme imprenable. Et advisa l'admirai ladite place, et luy sembla que par un endroit elle estoit prenable d'assaut, et en parla a ses compagnons, lesquels furent tous d opinion qu'on rassaillist. Les Escossois au contraire disoient que ce seroit folie, et qu'ils