CHAPITRE XII
Comment messire Boucicaut après le retour de Prusse alla avec le duc de Bourbon devant Taillebourg, et devant Vertueily qui Jurent pris , et autres chasteaux en Guyenne,
Au temps de lors les Anglois occupoient moult le royaume de France en plusieurs lieux, c'est à sçavoir maintes villes et chasteaux que ils tenoient par force , tant en Picardie, comme en Guyenne et autre part. Combien que Dieu merçy, par la vaillance des bons François ja en estoit le pays moult descombré, et tousjours alloit en amandant au profiict du roy de France, par les bons vaillans qui peine y mettoient. Entre lesquels bons et vaillans estoit le bon duc de Bourbon dessus nommé , qui aux dicts Anglois faisoit souvent maintes envahies, dont il yssoit à son honneur. Et pour ce , comme dict le proverbe commun , que chacun aime son semblable , pourtant qu'il estoit bon, aimoit-il moult chèrement Boucicaut, pour cause qu'il le voyoit hardy, et vaillant, et passer tous les jouvenceaux de son aage. Si le tenoit volontiers près de luy, et grand plaisir avoit que il feust en sa compaignée.
Si avint en la saison après que le dict Boucicaut fut retourné de Prusse, comme dict est , que le duc de Bourbon s'appresta pour aller en Guyenne, mettre le siège devant aucuns chas-
teaux , que les Anglois tçnoient. Si mena avec luy moult belle compaignée. C'est à sçavoir mille cinq cent hommes d'armes, et foison de traict. En celle compaignée ne s'oublia pas le bon Boucicaut, qui moult enuis eust demeuré derrière. Ains tout ainsi que les belles dames ont coustume de se resjoCiir d'aller à feste , ou les oiseaux de proye quand on les laisse voler après la proye, se resjoiiissoit celuy gracieux jouvencel d'aller en armée. Quand le duc de Bourbon fût en Guyenne, il meit le siège devant Taillebourg, qui moult estoit fort chastel, fut prins par force. Puis alla mettre le siège devant Vertueil, qui est une forteresse de grand force, et là trouvèrent moult grand defenee. Là feut faicte une mine dessoubs terre, laquelle feut si bien continuée, que elle perça le mur du chaste], tant que les ennemis la veindrent défendre, et là endroict à estriver. Contre les dicts ennemis feut des premiers Boucicaut, qui à pousser de lance et d'espée main à main vaillamment se combatit, et longuement y souffrit. En telle manière, que par luy et par ceulx qui le suivoient fût pris le dict chastel, où moult eut grand honneur Boucicaut, et moult l'en prisèrent ses bons amis.
Apres ces forteresses prises , le duc de Bourbon alla devant on autre fort chastel appelle Mauleon. Là feut livré fort assault , et au dernier feut pria par mine, et par eschelle où feurent faictes moult de belles armes. Le premier en eschdle feut Boucicaut , qui longuement . se combattit , et tant que nonobstant les pesans coups que on luy lançoit d'amont , tant que pierres, comme d'espées , nul le peut garder que il ne feust des premiers sur le mur : et là feit tant d'armes que plus faire nul n'en pourroit. Ces choses faictes, le duc de Bourbon alla devant un austre chastel appelle le Faon ; mais la prise des autres forts chasteaux espouvanta ceulx qui dedans cestuy estoient pource que ils voyoient que moult estot le capitaine, et sa compaignée vaillans. Si n'osèrent attendre Tassault, ains se rendirent à la volonté du bon capitaine , et et pareillement se rendit au duc de Bourbon un autre fort chastel appelé le bourg Charante.
Pour ce que tout ne se peut dire ensemble , convient parler des matières Tune après l'autre. Si est à sçavoir que tandis que le siège duroit devant Vertueil, veindrent nouvelles en l'ost que les Anglois s'estoient assemblez , pour aller combatre une forte église de Nostre Dame. Ces choses ouyes, s'assemblèrent une compaignée de chevaliers , et escuyers , désireux d'accroistre leur honneur , et renommée , et dirent que ilsleurseroientau devant. Boucicaut , qui autre
DU UAEESCHAL DE BOUCIGAUT.
chose ne queroit fors adyanture d'armes , voulut estre de la route, et tant qu'ils feurent par route trente chevaliers , et escuyers , tous de grande renommée. De ceste compaignée fut capitaine et conduiseur , pour ce que le pays sçavoit , et les destours , et les adresses , un chevalier , qui au dict siège estoit , que on nommoit messire Emery de Rochechouart. Si montèrent tantost à cheval les trente bons gentils-hommes, bien habillez de leurs hamois , et tant allèrent par destours que ils vindrent à rencontrer les Anglois , qui garde d'eulx ne se donnoient , et bien estoient en nombre soixante dix. Tantost s*entrecoururent sus , et forte et aspre feut la bataille , qui n'estoit mie pareille. Car plus du double les Anglois estoient : mais nonobstant ce tant s'y portèrent vaillamment les nostres , et tant feit bien chacun endroîct soy , que les Anglois furent à la parfin tous morts, et desr confits , excepté neuf qui s'enfuirent. Ce fait , le dict messire Emery de Rochechouart les mena advanturer devant un chastel bien gamy , appelle le Bourdrun ; lequel par leur vaillance ils combatirent trois fois en un jour : mais pour ce que trop peu de gens estoient ne le peurent prendre , si leur en conveint partir.
