CHAPITRE XXVII

Comment les nouvelles vehidrent en France de la dure desconfiturc de nos gens.

Après ceste mortelle desconfiture, fut la grand pitié des Chrestiens françois et autres qui estoient là allez pour servir le comte de Nevers et les autres seigneurs, chevaliers et escuyers, si comme chappellains, clercs, varlets, paiges, et aultres gens qui ne s'armoient mie, et mesmement d'aulcuns gentils-hommes qui eschapperént d^ la bataille. Si n'estoit pas petit l'esbahissement de eulx trouver en tel parti sans chef, entre les mains des Sarrasins. Si estoient comme brebis esparses sans pasteur entre les loups. Adonc prist à fuir qui fuir peut hastivement au fleuve du Danube à refuge, comme si ce feust lieu de leur sauvement, comme gent esperduê, et que peur de mort chassoit de perih en aultre. Là se fichèrent es bateaux que ils trouvèrent, qui premier y peut venir ; mais tant les chargeoient que à peu n'enfondroient, et que tous ne perissoient ensemble. Les autres qui advenir n'y pouvoient, despoiiilloient leurs draps, et à nager se mettoient : mais la plus grand part en périt, pour ce que trop est ceste rivière large et courante. Si ne leur pouvoit durer haleine tant que ils feussent arrivez : et des noyez en y eut sans nombre.

De ceulx qui eschapperent en reveint en France aulcuns gentils-hommes et autres qui rapportèrent les douloureuses nouvelles. Et aussi les propres messaigers que le comte de Nevers envoya au duc de Bourgongne son père, et les aultres seigneurs aussi à leurs pères et parens.

Quand ces nouvelles furent sceiies et publiées, nul ne pourroit deviser le grand deuil qui ftit mené en France, tant du duc de Bourgongne qui de son fils se doubtoit que pour argent ne le peust r'avoir, et qu'on le feist mourir : comme des autres pères, mères, parens et parentes des autres seigneurs, chevaliers et escuyers qui morts y estoient. Et commencea le dueil grand par tout le royaume de France de ceulx à qui il touchoit, et mesmement généralement chascun plaignoit la noble chevalerie, qui estoit comme la fleur de France, qui perie y estoit. Le duc de Bourgongne avec le dueil qu'il menoit pour la doubte de son fils, moult plaignoit piteusement et regretoit ses bons nourris gentils-hommes qui morts estoient en la compaignée de son dict fils. Le duc de Bar grand deuil demenoit pour ses enfans, et faire le debvoit, car oncques puis ne les veid : les mcres en estoient comme hofs du

LB LITBI UES PAICTS

sens. Mails aux juteux regrets de leurs femmes nul autre ne se compare.

La comtesse de Nevers, la bonne preude femme, qui de grand amour aime son seigneur, à peu que le cœur ne luy partoit : mais aulcune espérance pouToit avoir du retour. N'eut pas moins de deuil la saige et vaillante dame la comtesse d'Eu, flile du duc de Berry, rien ne la pouvoit reconforter : car quoy que 6n luy dist, le cœur luy disoit que plus ne verroit smi seigneur ; laquelle chose advint, dont de deuil pensa mourir quand elle sceut son trespas. La belle et bonne baronesse de Coucy tant plora et plaignit la mort de son bon seigneur, que à peu que cœur et vie ne luy partoit, ne oncques puis qui que Tait requise, marier ne se voulut, ne celuy deuil de son cœur ne partit La fille au seigneur de Goucy qui perdu y avoit son père et son mary messire Henry de Bar, dont elle avoit deux beaux fils,, avoit cause de deuil avoir, et croy bien que elle n'y faillit mie, et tant d'autres dames et damoiselles du royaume de France, que grand pitié estoit d'oûir leurs plaintes et regrets, lesquels ne sont mie à plusieurs d'elles, quoy que il y ait Ja grand pièce, encore finis, ne à leur vie croy que Ils ne finiront. Car le cœur qui bien aime de léger pas n'oublie.

Si firent tous nosseigneurs faire le service solemnelement en leurs chappelles pour les bons seigneurs, chevaliers et escuyers, et tous les Chrestiensqui là estoient morts. Le Roy en feit fàjre le solemnel service à nostre Dame de Paris, où il fut, et tous nosseigneurs avec luy. Et estoit grand pitié à oùir les cloches sonner de par toutes les esglises de Paris, où l'on chantoit et faisoit prières pour eulx, et chascun à larmes et plaintes s'en alloit priant. Mais peult bien estre que mieulx eussions besoing que ils priassent pour nous, comme ceulx qui sont, si Dieu plaist, saincts en Paradis.

Le duc deBourgongne au plus tost qu'il peut envoya ses messaigers devers Bajazet à tout moult riches et beaux presens, et aussi feit le roy de France et les aultres seigneurs, en le priant de mettre à rançon tost et briefvement les prisonniers, et que ils n'eussent par luy mal ne grevance : mais comme le chemin soit long ne feurent pas les messaigers si tost arrivez, et moult ennuyé à qui attend. Mais à tant de ce me tairay, et retourneray aux dicts prisonniers.

oco