CHAPITRE XX
De la gratU pitié du martyre que im faisait des Chrestiens devant Bajaset, et comment le mareschal fk respité de mort.
Le lendemain de la douloureuse bataille, de rechef feut la très-grande pitié. Car Bajazet séant en un pavillon emmy les champs, feit amener devant soy le comte de Nevers et ceulx de son lignaige, avec tous les autres barons fran^is, et les chevaliers et escuyers, qui estoient demeurez de Foccision de la bataille. Là estoit grant pitié à venir ces nobles seigneurs, jeunes jouvenceaux, de si hault sang comme de la noble lignée royale de France, amener liez de cordes estroitement, tous desarmez en leurs petits pourpoints par ces chiens Sarrasins , laids et horribles, qui les tenoient durement devant ce tyran ennemi de la fbi qui là seoit.
Si sceut par bons truchemens et par certaine information que le comte de Nevers estoit fils de fils de roy de France et cousin germain , et que son père catoH doc de grande puissance et richesse , et que les enfuis de Bar , le comte d'Eu et le eonte de la Marche estoyent d'iceluy mesme sang, et parens prochains du roy de France. Si se pensa bien que pour les garder auroitd'eulx grand trésor et finance : et pource délibéra que iceulx et aucuns autres des plus grands barons il ne feroit pas mourir : mais il les faisoit là tenir assis à terre devant luy.
Helas ! tantost après feit commencer le dur sacrifice. Car devant luy faisoit amener les nobles barons, chevaliers et escuyers chrestiens tous nuds, et puis tout ainsi que l'on peint par les parois le roy Herode assis en chaire, et les Innocens que Ton destranche devant luy , estoient là destranchez nos fcaulx Chrestiens à tous grands gisarmes par ces mastiiis Sarrasins, en la présence du comte de Nevers, à ses yeux voyans. Si pouvez sçavoir vous qui ce oyez si grand douleur avoit au cœur, luy qui est un tres-hon et bénin seigneur, et si grand mal luy ftljjpoijt d'ainsi veoir martirer ses bons et loyaulx edmpaignons , et ses gens, qui tant luy avoient esté feaulx, et qui si preux par excellence estoient. Certes je croy que tant luy en douloit le cœur que il voulust à celle mort estre de leur compaignée.
Et ainsi Tun après Tautre on les menoit an martyre , ainsi comme jadis on faisoit les he-
DU lUASSCUAL DE BOUCICÀUT.
noisls martyrs, et là on les frappoit horriblement de grands cousteaux par testes , par poitrines , et par espaules , que on leur abatoit jus sans nulle pitié. Si peult-on sçavoir à quels piteux visai ges estoient menez à celle piteuse procession. Car tout ainsi que le boucher traisne Taigneau au lieu de sa mort, estoyent là menez sans nul mot sonner pour occire devant le tyran les bons Chrestiens. Mais nonobstant que ceste mort feust moult dure, et le cas tres-piteux , toutesfois tout bon Chrestien doibt tenir que tres-heureux feurent et de bonne heure nez de telle mort recevoir. Car une fois leur convenoit mourir, et Dieu leur donna la grâce que ils moururent de la plus saincte et digne mort que Chrestien puisse mourir , selon que nous tenons en nostre foy, qui est pour Texaussement de la foy chrestienne, et estre accompaignez avec les benoists martyrs, qui sont les plus heureux de tous les ordres des autres saincts de Paradis. Si n'est mie doubteque s'ils le receurent en bon gré, que ils sont saincts en Paradis.
A icelle piteuse procession feut mené le mareschal de France Boucicaut tout nud, fors de ses petits draps. Mais Dieu qui voulut garder son servant pour le bien qu'il debvoit faire le temps à venir, tant en vengeant sur Sarrasins la mort de celle glorieuse compaignée, comme des autres grans biens qui par son bon sens et à cause de luy debvoient advenir, feit que le comte de Nevers sur le poinct que on vouloit férir sur luy, le va regarder moult piteusement, et le marescnal luy. Adonc prist merveilleusement à douloir le cœur au dict comte de la mort de si vaillant horarae, et luy souvint du grand bien, de la proiJesse, loyauté et vaillance qui estoît en luy. Si Tadvisa Dieu tout soubdainement de joindre les deux doigts ensemble de ses deux mains en regardant Bajazet, et feit signe qu'il luy estoit comme son propre frère, et qu'il le repitast : lequel signe Bajazet entendit tantost , et le feit laisser.
Quand celle dure exécution feut parfaicte, et que tout le champ estoit jonché des corps des benoists martyrs , tant de François comme d'autres gens de diverses contrées, le maudit Bajazet se leva de là, et ordonna que le mareschal qui de mort a voit esté respité feust mené en prison en une grande bonne ville de Turquie appellée Burse. Si feut faict son commandement, et là fut tenu jusques à la venue du dict Bajazet.
<XX
