BU HABESCHAX DE B0UC1CAUT
pourroient cstre suffisamment représentées les grands bontez , tandis que l'empereur de Gonstantluople estoit en France devers le Roy, comme est deduict cy devant et que le dict maresclial estoit à séjour, adveint qne aulcunes complaintes veindrent devers le Roy, comment plusieurs dames et damoiselles, veufves et autres, estoyent oppressées et travaillées d'aucuns pui^ sans hommes, qui par leur force et puissance les vouloient déshériter de leurs terres, de leurs avoirs et de leurs honneurs, et avoyent les aucunes déshéritées de faiet. Ainsi maints grands torts recepvoient, sans ce que il y eust chevalier, ne escuyer, ne gentil-homme aulcun, ne quelconque personne qui comparust pour leur droict défendre, ne qui soustint ne debatist leurs justes causes et querelles. Si venoient au Roy comme à fontaine de justice, supplier que sur ce leur feust pourveu de remède raisonnable et convenable.
Ces piteuses clameurs et complaintes ou}1; le mareschal faire à maintes gentils-femmes par plusieurs fois, si comme il estoit en la présence du Roy. Desquelles choses eut moult grand pir tié, et de toute sa puissance estoit pour elles, et ramentevoit leurs causes au Roy et en son conseil, et lesportoitetsoustenoit en leur bon droict par moult grande charité, comme celuy qui en toutes choses estoit et est tel que noble homme doibt estre. Si va penser en son couraige que moult grand honte estoit à si noble royaume comme celuy de France, où est la fleur de la chevalerie et noblesse du monde, de souffrir que dame ny damoiselle, ne femme d'homieur quelconque eust cause de soy plaindre que on luy feist tort ne grief, et que elles n'eussent entre tant de chevaliers et escuyers nuls champions, ny défendeurs de leurs querelles : par quoy les mauvais et vilains de couraige estoyent plus hardis à leur courir sus par maints oultraiges leur faire, pource que femmes sont ibibles, et elles n'avoient qui les dépendit. Et avec ce disoit en soy mesme que moult estoit grand pitié, péché et deshonneur à ceulx qui mal leur faisoient, que femme d'honneur eust achoison de soy plaindre d'homme , lequel naturellement et de droict les doibt garder et deffendre de tout grief et tort, à son pouvoir, s'il est homme naturel, et tel qu'il doibt estre, c'est à sçavoir raisonnable. Mais pour ce que chascun ne veult pas user aux femmes de tel droict, que quand estoit de luy par sa bonne foy il vouloit mettre cœur, vie, et chevance de toute sa puissance, à soustenir leurs justes causes et querelles, contre qui que ce feust qui le voulust debatre, ue qui tort leur felst, au cas que son aide luy feust requis d'aucune.
Ainsi devisolt à part soy le bon mareschal, et quand sur ce eut assez pensé, adonc par sa trèsgrande gentilesse, libéralité et franchise de couraige, va mettre sus un moult notable et bel ordre, et tres-honnorable à chevalier, que il fonda et assist sur ceste cause. Et de ceste chose va dire sa pensée et sentence à aulcuns ses plus especiaulx compaignons et amis, le^uels moult Ten prisèrent, et luy requirent que ils feussent compaignons et frères dudict ordre, qui moult leur sembla estre juste, bel, honnorable et chevaleureux, laquelle chose il leur accepta de bonne volonté. Si feurent treize chevaliers, lesquels pour signe et demonstrance de Temprise que ils avoient faicte et jurée, debvoient porter chascun d'eulx liée autour du bras une targe d'or esmaillée de verd, à tout une dame blanche dedans. Et des convenances que ils feirent et jurèrent à l'entrer en l'ordre, voulut le mareschal, afin que la chose feust plus authentique, que bonne lettre en feust faicte , laquelle feust scellée des seaulx de tous treize ensemble, et que après feust publié en toutes parts du royaume de France, afin que toutes dames et damoiselles ei^ ouyssent parler , et que elles sceussent où se traire si besoing en avoient.
Si me tais de deviser des convenances du dict ordre, pour ce que tout au long on les peut veoir par la déclaration des propres lettres par eulx certifiées et escriptes, dont cy après s'ensuit la teneur. Et ne voulut le niareschal estre le premier nommé es dictes lettres, pour ce que monseigneur Charles d'AIbret qui est cousin germain du roy de France, voulut estre compaignon dudict ordre. Si n'en vouloit estre nommé chef par devant luy : et pour ce est mention faicte d'eulx tous ensemble, comme veoir
se peult.
OOO
