CHAPITRE PREMIER

Cy commence la seconde partie de ce présent livre, laquelle parle du sens et prudence du mareschal de Boucicaut, et des vaillans et principaux biensfaicts que il feit depuis le temps que il/eut gouverneur de Gennes, fusques au retour de Syrie. Premièrement parte de l'ancienne coustume qui court en Italie des guelphes et des guibelim.

Comme il est notoire et assez sccu par toutes les contrées comment au pays et en la terre d'Italie court d'ancienneté la diabolique ancienne coustume semée entre eulx par l'ennemy d'enfer, comme mesraement plusieurs d'eulx tiennent ; laquelle chose, comme les vengeances de Dieu soyent merveilleuses , peut-estre que telle persécution leur consent Nostre Seigneur pour cause des horribles péchez qui peuvent estre en aucuns d'eulx , et ea certaines contrées. Car , comme tesmoîgne la Saincle Escripture , anlcunes fols pour le mesfalct d'un seul sont plusieurs punis. Geste perverse coustume, de laquelle nul ne sçait proprement la naissance et droict commencement , ne par quelle achoison \eint la semence , quoy que plusieurs en dient , est jusques à ccste heure par tout le dict pa^ s tant enracinée et nccreiie , que toutes les villes et généralement la terre en est empoisonnée et corrompue.

Ceste playe et maudisson est une générale destruction par efliision de sang , laquelle est entre eulx , et l'ont continuée depuis si long temps que du contraire n'est mémoire. Et est telle celle pestilence , que es citez principalement , dont mainte en y a de moult notables, riches et belles , aultant que en pays du monde , si en paix feussent, les hommes y sont divisez etennemis mortels les uns contre les autres par lignaiges , et s'appellent les uns guelphes et les autres gujhelins , lesquels sont chalenge de terre , d'acquérir seigneurie ne autre chose, ains seulement par dire : -Tu es du lignaige guelphe, et Je suisdu » gnlbelin ; nos devanciers se haïrent : aussi •> ferons nous. » Et pour celle cause seulement et

sans sçavoir autre raison, s'entreoccient et meshaigneut chascun jour comme chiens , les flls comme feirent leurs pères ; et ainsi d'hoir «i hoir continue la mesctunceté, ne il n'est Justice qui remédier y puisse. Car culx mesmes, qui scHistiennentccllecoustume, ne souffriraient nde que pour celle cause justice y feust faicte pour icelle mortelle haine.

Si comme les uns gaîgnent sur les autres , font es citez souvent seigneuries nouvelles. Et de ce sont venus les tyrans d'iceluy pays ; eslens à voix de peuple , à volonté , et sans raisons ne loy de droict. Car telle coustume ont commune* ment , que quund uiie des parties gaigne sur l'autre , et est la plus forte , adonc crient ceulx qui se voyenl au dessus ; » Vive tel I vive tel I . et meure tel I » Et lors ealisent l'un d'entre eulx, et occient, s'il ne s'enAiit , cil qui estoit devant. Et quand il advient que l'autre partie regaigne , et a à sa fois l'advantaige, autant leur en font ; et à fureur de peuple ( dont Dieu nous garde I ) tout est taillé en pièces.

Et par ceste manière se destruisent entre eulx cité contre cité , chastel contre autre , tout en un pays, et voisins contre voisins. Par ceste voye se defTont à présent aultant ou plus que oncques mais feirent. Et est dommage d'iceluy pays et grand pitié, qui est un des meIN leurs , plus gras et plus riches qui au monde soit, si paix estoit. Dont il advient souventesfois et est advenu que quand l'une des parties se sent si au bas que elle veoid bien que venger on soustenlr contre l'autre ne se pourroit , ils qulerent et demandent seigneuries estrangeres, et les procurent, et à Icelles se donnent, en espoir que ils soyent soustenus et portez. Mais qu'en advient-il 7 Icelles gens inconstans et variables en tels propos, pour bien petit d'acholson, ou quand ils s'ennuyentd'icelle seigneurie, leur face ores cil qui sera seigneur tant que 11 sçaura de bien , ou ceulx qui seront commis de par luy , si ne les liendra-il Ja en paix ; ainçois se rebelleront, et occlront luy et ses députez s'ils peuvent, et recrieront et esi iront un autre de nouvel.

LE LIVEE DES TkiCTS

Pour laquelle chose, veûe ceste générale eousr tanie du pays , sans faillir me semble trop izrand folle a cduy ou a eeulx qui prennent d*eulx la seigneurie , quqy qulls s'y donnent on baillent, tant sçaiebent promettre d'estre bons et knaux, d^en entreprendre le gouvernement, quelques grands seigneurs ou puissans qulls soyent , si tousjours entre euU ne se tiennent les plus forts, tant de gens d*armes comme de bastons. Car soyent certains que ils se rebelleront quand ils pourront , et ne s'y fie nul ; et qui anltrement le faict , en vain se travaille , et deceu s'en troove. Mais h traire à nostre propos , ainsi par la division d^entre eulx, comme devant est dlcC, souvent advient que iceulx malheureux sont eontrainets d'appeler dominations estrangeres pour les gouverner et seigneurier. Or notez vous qui ce oyez , quelle maudisson ; et si oncquet Jadis eut en Eg}Pteplus diverse playe.

oo<>