CHAPITRE PREMIER

De Vordre et provision que le Roy mit au royaume de Naples , voulant retourner en France.

Pour mieux continuer m^ Mémoires et irous informer, me faut retourner à parler du Roy, qui , depuis qu'il entra à Naples Jusques à ce qu'il en partit , ne pensa qu'à passer temps et d'autres à prendre et à profiter; mais son âge Texcusoit ; et nul ne sçauroit excuser les autres de leur faute, car le Roy les croyoit de toutes choses ; et s'ils luy eussent sceu dire qu'il eût bien pourveu trois ou quatre chasteaux audit païs, comme celuy de Cajette ou seulement celuy de Naples dont il avoit donné les vivres, comme J'ay dit , il tiendroit encores le royaume; car en gardant celuy de Naples , Jamais la ville ne se fût révoltée. Il tira tous les gens-d'armes à l'entour de luy, depuis la conclusion de la ligue , et ordonna cinq cens hommes -d'armes françois et deux mille cinq cens Suisses et quelque peu de gens -de -pied françois pour la garde du royaume ; et avec le reste , il délibéra de s'en retourner en France par le chemin qu'il estoit venu ; et la ligue se préparoit à l'en garder. Le roy d'Espagne avoit envoyé et envoyolt quelques caravelles (1) en Cécile, mais peu de gens dessus ; toutesfois avant que le Roy partist , ils avoient jà garny Rège en Calabre , qui est près de Cécile ; et plusieurs fois J'avois escrit au Roy qu'ils dévoient là descendre , car l'ambassadeur de Naples le m'avoit dit , cuidant que jà y fussent ^ et si le Roy y eût envoyé d'heure, il eust pris le chasteau, car le peuple de la ville tenoit pour luy. Aussi vindrent gens de Cécile à la Mantia et à la Turpia par faute d'envoyer; et ceux d'Otrante, en Poûille, qui avoient levé les bannières du Roy, veuô la ligue , et qu'ils estoient situez près de Rrandis et Galipoli , et qu'ils ne pouvolent finer de gens, levèrent les bannières d'Arragon , et dom Fédéric , qui estoit à Rrandis , la fournit ; et par tout le royaume , commencèrent à muer leur pensée , et se prit à changer la fortune, qui deux mois devant avoit esté au contraire, tant pour voir cette ligue que pour le parlement du Roy, et la pauvre provi-

(1) Pellls naf ires qui vont à yoUe et à rames, et dont on fait usage sur la mer méridionale.

(3) Il était de la maison des Siaurt.

sion qu'on laissoit , plus en chef qu'en nombre de soldats.

Pour chef y demeura monseigneur de Montpensier, de la maison de Rourbon , bon chevalier et hardy, mais peu sage; il ne se levoit qu'il ne fût midi. En Calabre laissa monseigneur d'Aubigny (2) , de la nation d'Ecosse , bon chevalier et sage, bon et honorable, qui fut grand connestable du royaume ; et luy donna le Roy ( comme j'ay dit) la comté d'Acri et le marquisat de Squillazo. Il laissa an commencement le séneschal de Reaucaire , appelle Estienne de Vers , capitaine de Cajette, fait duc de Noie et d'autres seigneuries , grand chambelan, et passoient tous les deniers du royaume par sa main ; et avoit icelny plus de faix qu'il ne pouvoit et n'eût sceu porter, mais affectionné estoit à la garde dudit royaume. Il laissa monseigneur d<m Julian, lorrain , le faisant duc en la ville de Sainct- Angelo , où il a fait merveilles de se bien gouverner. A Manfredonia laissa messire Gabriel de Montfaucon , homme que le Roy estimoit fort ; et à tous donna grosses terres ; celny-là s'y con* duisit très-mal , et la bailla au bout de quatre jours , par faute de vivres , et il l'avoit trouvée bien garnie, et estoit en Heu abondant de bleds. Plusieurs vendirent tout ce qu'ils trouvèrent aux chasteaux ; et dit-l'on que cettuy pour garde, laissa là Guillaume de Yilleneufve , que ses valets vendirent à dom Fédéric, qui long-temps le tint en galée. A Tarente laissa George de Snilly, qui s'y gouverna très-bien et y mourut de la peste ; et a tenu cette cité là pour le Roy jusques à ce que la famine l'ait fait tourner. En l'Aquiia demeura le baillif de Vitry, qui bien s'y conduisit; et messire Graclen des Guerres, qui fort bien s'est conduit en l'Abruzze.

Tout demeura mal fourni d'argent , et les assignoit-l'on sur le royaume , et tous les deniers failloient. Le Roy laissa bien appointez les princes de Salernes et de Risignan (qui l'ont bien servy tant qu'ils ont peu), et aussi les Colonnois de tout ce qu'ils sçeurent demander : et leur laissa plus de trente places pour eux et les leurs. S'ils les eussent voulu tenir pour luy, comme ils dévoient, et qu'ils avoient juré, ils luy eussent fait grand service, et à eux honneur et profit ; car je croy qu'ils ne furent , cent ans y a , en si grands honneurs ; mais avant son parlement, ils conmiencèrent à pratiquer ; et aussi ils estoient ses serviteurs à cause de Milan ; car naturellement ils estoient du party gibelin ; mais cela ne leur devoit point faire fausser ïeurfoy, estant si grandement traitez. Encores fit le Roy plus pour eux ; car il amena, sous garde d'amy , prisonniers, le seigneur Virgile Ursln et le comte de

MBMOIBES DE PUILIPPB DS COMINES. [l496]

Pétillane, aussi des Ursins , lears ennemis. Ce qu'il fit contre raison, car combien qu'ils eussent esté priS) si sçavoit bien le Roy, et ainsi i'entendoit qu'il y avoit sauf conduict ; et le monstroit bien , car il ne les vouloit mener sinon Jusques en Ast et puis les renvoyer; et le faisoit à la requeste des Colonnois; et avant qu'il y fût, lesdits Colonnois furent tournez contre luy, et les premiers sans alléguer nulle cause.

ooo