CHAPITRE XX

Comment le seigneur d' Argentan fut adverty que le Roy avoit gaigné NapleSy et les places d'envnvny dont les Vénitiens estaient desplaisans.

Voyans les Vénitiens tout cela abandonné, et advert|s que le Roy estoit dans la ville de Naples , ils m'envoyèrent quérir et me dirent ces nouvelles, monstrans en estre joyeux ; toutesfois Us disoient que ledit chasteau estoit bien fort gamy , et voyois bien qu'ils avoient bonne et seure espérance qu'il tint; et consentirent que l'ambassadeur de Naples levast gens-d'arroes à Venise, pour envoyer à Brandis; et estoientsur la conclusion de leur ligue , quand leurs ambassadeurs leur escrivirent que le chasteau estoit rendu. Lors ils m'envoyèrent quérir derechef à un matin , et les trouvay en grand nombre , comme de cinquante ou de soixante en la chambre du prince , qui estoit malade de la colique ; et il me conta ces nouvelles, de visage Joyeux; mais nul en la compagnie ne se sçavoit feindre aussi bien comme luy . Les uns estoient assis sur un marchepied des bancs, et avoient la teste appuyée entre leurs mains. Les autres d'une autre sorte, tous démonstrant avoir grande tristesse au coïur , et croy que quand les nouvelles vinrent à Rome de la bataille perdue à Cannes , contre Hannibal , les sénateurs qui estoient demeurez , n'estoient pas plus esbahis , ne plus espouventez qu'ils estoient , car un seul ne fit semblant de me regarder, ny ne me dit un mot, que luy , et les regardois à grande merveille. Le duc me demanda si le Roy leur tiendroit ce que tousjours leur avoit mandé , et que je leur avois dit. Je les asseuray fort que ouy , et ouvris les voyes pour demeurer en bonne paix, et m'offrois fort de la faire tenir , espérant les oster de soupçon ; et puis me départis.

Leur ligue n'estoit encore ne faite ne rompue, et vouloient partir les Allemans mal-contens. Le duc de Milan se faisoit encores prier de je ne sçay quel article, toutesfois il manda à ses gens qu'Us passassent tost; et en effect conclurent la ligue. Et durant que cecy se démeooit , j'avois saas cesse adverty le Roy du tout, le pressant de conclure oo de demeurer au royaume, et se pourvoir de plus de gens-de-pied et d'argent, ou de bonne heure se mettre en chemin pour se retirer, et laisser les principales places bien gardées avant qu'ils fussent tous assemblez. Aussi j'advertissois monseigneur d'Orléans, qui estoit en Ast avec les gens de sa maisonseulement (car sa compagnie estoit avec le Roy ) ,

d'y mettre des gens, l'asseurant qu'incontinent iroient luy courre sus, et escrivois à monseigneur de Bourbon, qui estoit demeuré lieutenant pour le Roy, en France , d'envoyer des gens en Ast, pour le garder, et que si cette place estoit perdue , nul secours ne pou voit venir au roy de France ; et advertissois aussi la marquise de Montferrat , qui estoit bonne françoise et ennemie du duc de Milan , afin qu'elle aidast à monseigneur d'Orléans de gais, s'il en avoit affaire ; car Ast perdu , les marquisats de Montferrat et Saluées estoient perdus.

La ligue fut conclue un soir bien tard. Le matin me demanda la seigneurie, plus matin qu'ils n'avoieot de coutume. Comme je fus arrivé et assis, me dit le duc qu'en l'honneur de la Saincte Trinité ils avoient conclu ligue avec Nostre Sainct Père le Pape , les roys des Romains et de Castiile, eux et le duc de Milan , à trois fins : la première pour deffendre la chrestienté contre le Turc; la seconde pour la deffense d'Italie; la tierce à la préservation de leurs Estats : et que le fisse sçavoir au Roy ; et estoient assemblez en grand nombre, comme de cent ou plus^ et avoient les testes hautes, faisoient bonne chère, et n'avoient point contenances semblables à celles qu'ils avoient le jour qu'ils me dirent la prise du chasteau de Naples. Me dit aussi qu'ils avoient escrità leurs ambassadeurs , qui estoient devers le Roy, qu'ils s'en vinssent, et qu'ils prissent congé. L'un avoit nom messire Dominique Loredan, et l'autre messire Dominique Trévisan. J'avois le conir serré , et estois en grand doute de la personne du Roy et de toute sa compagnie , et cuidois leur cas plus prest qu'il n'estoit, et aussi faisoieut-ils eux , et doutois qu'ils eussent des Allemans prests; et si cela y eût esté, jamais le Roy ne fût sailly d'Italie. Je me délibéray ne dire point ti*op de paroles en ce courroux ; toutesfois ils me tirèrent un peu aux champs. Je leur fis response que dès le soir avant je l'avois escrit au Roy et plusieurs fois , et que luy aussi m'en avoit escrit qu'il en estoit adverty de Rome et de Milan. Il me fit tout estrange visage de ce que je disoLs l'avoir escrit , le soir, au 9oy ; car il n'est nulles gens au monde si soupçonneux , ne qui tiennent leurs conseils si secrets , et par soupçon seulement confinent souvent les gens; et à cette cause le leur disois-je : outre ce Je leur dis l'avoir aussi à monseigneur d'Orléans et à monseigneur de Bourbon , afin qu'ils pourveusseot Ast; et le disois , espérant que cela donneroit quelque délay d'aller devant Ast ; car s'ils eussent esté aussi préts^ comme ils se vantoient et cuidoient , ils l'eussent pris sans remède , car

il estoit et fut mal pourveu de long -temps après.

Ils se prirent à me dire qu'il n'y avolt rien contre le Roy, mais pour se garder de luy, et qu'ils ne vouloient point qu'il abusât ainsi le monde de paroles , de dire qu'il ne vouloit que le royaume, et puis aller contre le Turc; et qu'il monstroit tout le contraire, et vouloit destniire le duc de Milan et Florence , et tenir les terres de l'Eglise. A quoy je respondis que les roys de France avoient augmenté l'Eglise , et accreue et deffendue, et que cettui-cy feroit plustost le semblable que de rien leur oster; mais que toutes ces raisons n'estoient point celles qui les mouvoient, mais qu'ils avoient envie de troubler l'Italie et faire leur profit; et que Je eroyois qu'aussi feroient-ils : ce qu'ils prirent un peu à mal , ce me dit-i'on : mais il se voit, parce qu'ils ont en Poûille en gage du roy Ferrand , pour luy aider contre nous, que je disois vray. Sur ce poinct je me vouiois lever pour me retirer; ils me firent rasseoir; et me demanda le duc si je ne vouiois faire nulle ouverture de paix ; parce que le jour de devant j'en avois parlé ; mais c'estoit par condition qu'ils voulussent attendre à conclure la ligue, de quinze Jours, afin d'envoyer devers le Roy et avoir response.

Après ces choses dites , je me retiray à mon logis; et ils mandèrent les ambassadeurs l'un après l'autre; et au saillir de leur conseil, je rencontray celuy de Naples , qui avoit une belle robbe neufve, et faisoit bonne dière, et en avoit cause ; car c'estoit grandes nouvelles pour luy. A l'après-dinée tous les ambassadeurs de la ligue se trouvèrent ensemble en barque (qui est l*esbat de Venise , où chacun va , selon les gens qu'il a, et aux despens de la seigneurie) , et pouvoientestre quarante barques, qui toutes avoient pendeaux aux armes de leurs maistres ; et vis toute cette compagnie passer devant mes feoestres , et y avoit force ménestriers ; et ceux de Milan , au moins l'un d'iceux , qui m'avoit tenu compagnie beaucoup de fois , faisoit bien contenance de ne me cognoistre plus; et fus trois jours sans aller par la ville , ne mes gens, combien que Jamais ne me fût dit , en la ville , ny à homme , que j'eusse une seule mal gracieuse parole. Le soir firent une merveilleuse feste de feux , sur les clochers , force fallots allumez sur les maisons de ces ambassadeurs , et artillerie qui tiroit ; et Ais sur la barque couverte, au long des rives pour voir la feste , environ dix heures de nuiet, et par espécial devant les maisons des

(1) Le jour de la fête du Saint-Sacrement.

ambassadeurs où se faisoient banquets et grande chère.

Ce jour-là n'estoit point encore la publication ne la grande feste , car le Pape avx)it mandé qu'il vouloit qu'on attendist encore aucuns jours pour la faire à Pasques flories , qu'ils appellent le dimanche de l'olive ; et vouloit que chacun prince, où elle seroit publiée, et les ambassadeurs qui y seroient , portassent un rameau d'olivier en la main , et le dissent signe de paix et alliance y et qu'à ce jour elle fût publiée en Espagne et en Allemagne. A Venise firent un chemin de bois , haut de terre , comme ils font le jour du sacre (l) , bien tendu , qui prenolt du palais jusques au bout de la place Sainct-Marc ; et après la messe, que chanta l'ambassadeur du Pape , qui à tout homme donna absolution de peine et de coulpe , qui seroit à la publication , ils allèrent en procession par ledit chemin , la seigneurie et ambassadeurs tous bien vestus ; et plusieurs avoient robes de veloux cramoisy que la seigneurie avoit données, au moins aux Ailemans, et à tous leurs serviteurs robes neufves; mais elles estoient bien courtes. Au retour de la procession se monstrèrent grand nombre de mystères et de personnages , et premièrement Italie, et après, tous ces roys et princes^ et la reyne d'Espagne ; et au retour, à une pierre de porfire où on fait les publications, firent publier ladite ligue ; et y avoit un ambassadeur du Turc présent, à une fenestre, caché, et estoit dépesché , sauf qu'ils vouloient qu'il vist ladite feste ; et la nuict vint parler à moy par le nK>yen d*un Grec f et fut bien quatre heures en ma chambre; et avoit grande envie que son maistre fût nostre amy . Je fus invité à cette feste par deux fois , mais Je m'excusay, et demeuray en la ville environ un mois depuis, aussi bien traité que devant ; et puis m'en partis , mandé du Roy, et de leur congé conduit en bonne seureté, à leurs despens , Jusques à Ferrare. Le duc me vint au devant, et deux jours me fit bonne chère, et deffraya, et autant messire Jehan de Bentivole (2) à Boulogne ; et de là m'envoyèrent les Florentins quérir, et allay à Florence pour attendre le Roy, duquel je retourneray à parler.

(2) Bentivoglio.

UBMOIBES DE PHILIPPE DB CQHiNES. [l49ô]