CHAPITRE VI

Comment le duc d^ Orléans se portoii dans la cité de Novarre.

Or faut parler du duc d'Orléans. Quand il

(1) Dans quelques anciennes éditions on lit : la hon(é,

(2) Ville de Touralne, <$nlre Chlnon et Saumur. (S) Trecane dans Guauo.

eut pris le chasteau de -Novarre , il perdit du temps aucuns jours, et puis tira vers Yigesve. Deux petites villes qui sont auprès ^voyèrent vers luy pour le mettre dedans ; mais il fut sagement conseillé de non les recueillir. Ceux de Pavie y envoyèrent par deux fois. Là devoit«il attendre. Il se trouva en bataille devant ladite ville de Vigesve, où estoit l'armée du duc de Milan toute, et la conduisoient les enfans de Sainct-Severin, que tant de fois j'ay nommez. La ville ne vaut point Sainct-Martin-de-Cande (2), qui n'est rien , et y fust peu de temps après que le duc de Milan y estoit , et tous les chefs qui y estoient; et me montrèrent les lieux où tous deux estoient en bataille, rasibus de la ville, et dedans; si le duc d'Orléans eût marché cent pas, ils passoient outre la rivière du Thésin, où ils avoient fait un grand pont sur batteaux , et estoient sur le bord ; et veis défaire un boulevert de terre , qu'ils avoient fait de l'autre part de la rivière , pour deffendre le passage ; et vouloient abandonner ladite ville et chasteau, qui leur eût esté grande perte. C'est le lieu du monde où le duc de Milan se tient le plus , et la plus belle demeure, pour chasses et voleries, en toutes choses, que je sçache en nul lieu.

Il sembla par aventure à monsieur d'Orléans qu'ils estoient en lieu fort , et qu'il avoit assez fait; et se retira en un lieu appelle Trécas (3), dont le seigneur du lieu parla peu de jours après à moy , qui avoit charge du duc de Milan. Audit Trécas envoyèrent vers ledit duc d'Orléans des principaux de Milan , pour le mettre dedans , et offrirent leurs enfans en ostage , et l'eussent fait aisément , comme j'ay sceu par des hommes de grande authorité, qui estoient léans , qui sçavoient cecy et le m'ont conté , disans que le duc de Milan n'eût sceu trouver assez de gens pour se laisser assiéger dedans le chasteau de Milan, et que nobles et. peuple vouloient la destruction de cette maison de Sforce. Aussi m'a conté le duc d'Orléans et ses. gens , les pratiques dont j'ay parlé ; mais ne s'y fioient point bien , et avoient faute d'hommes, qui les entendit mieux qu'eux , et puis ses capitaines n'estoient point unis.

A l'ost du duc de Milan se joignoit quelquesdeux mille Allemans que le roy des Romains envoyoit , et bien mille hommes à cheval , allemans, qu'amenoit messire Fédéric Capelare, natif de la comté de Ferrette ; ce qui fit croistre le cœur à messire Galéas et aux autres, et al* lèrent auprès de Trécas présenter la bataille au duc d'Orléans ; et ne luy fut point conseillé de combattre, combien que sa bande valût mieux que l'autre ; et peut estre que les capitaines ne

vouloient hazarder cette compagnie , craignans que s'ils la perdoient , que ce fast la perdition du Roy , dont ils ne sçavolent nouvelles ; car les chemins estoient gardez. Ainsi se retira toute cette compagnie dedans Novarre y donnant trèsmauvais ordre au faict de leurs vivres, tant à garder ceux qu'ils avoient , qu'à en mettre dedans la ville, dont assez pouvoient recevoir à l'entour sans argent , et dont depuis ils eurent grande faute , et se logèrent leurs^ ennemis à demie lieue d'eux.

' <xx>