CHAPITRE VIL

Comment la grosse artillerie du Roy passa les monts Appenins à l'aide des Allemans , et du danger où fut le mareschal de Gié avec son avant-garde.

J'ay laissé à parler du Roy comme il fut en cette vallée deçà Pontrème , par cinq jours en grande famine , sans nul besoin. Un tour honorable firent nos Allemans. Ceux qui avoiept fait cette grande faute audit Pontrème, et avoient peur que le Roy les en haist à jamais, se vinrent d'eux-mesme offrir à passer l'artillerie en ce merveilleux chemin des montagnes (ainsi le puis-je appeler, pour estre hautes et droites , et où il n'y a point de chemin , et ay veu toutes les principales montagnes d'Italie et d'Espagne , mais trop aisées eussent esté au prix de ces monts )9 et firent cet offre par condition que le Roy leur pardonnast, ce qu'il fit. Il y avoit quatorze pièces de grosse et puissante artillerie^ et au partir de ladite vallée commençoit-l'on à monter par un chemin fort droict , et je vis des mulets y passer à très-grande peine. Ces Allemans se eouploient deux à deux , de bonnes cordes , et s'y mettoient cent ou deux cens à la fois , et quand ceux-là estoient las , il s'y en mettoit d'autres. Nonobstant cela, y estoient aussi les chevaux de l'artillerie , et toutes gens qui avoient train de la maison du Roy prestoient chacun un cheval , pour cuider passer plustot , mais si n'eussent esté les Allemans , les chevaux ne l'eussent jamais passée. Et à dire la vérité , ils ne passèrent point l'artillerie seulement, mais s'ils n'y fussent, la compagnie n'eût ame passé. Aussi furent-ils bien aidez; car ils avoient aussi bon besoin , et aussi grand vouloir de passer que les autres. Ils firent beaucoup de choses mal faictes , mais le bien passoit le mal. Le plus fort n'estoit point de monter , éwt incontinent

(1) Provéditcur.

MÉMOIEES DE PHILIPPE DE COMINES. [l49ô]

après on trouvoit une vallée, car le chemin est tel que la nature l'a fait , et n'y a rien adoubé, etfailoit mettre les chevaux à tirer contremont, et aussi les hommes, et estoit de phis grande peine, sans comparaison, que le monter; et à toute heure y falloit les charpentiers ou les mareschaux, et tomboit quelque pièce qu'on avoit grand peine à redresser. Plusieurs eussent esté d'advis de rompre toute la grosse artillerie, pour passer plustot , mais le Roy pour rien ne le vouloit consentir.

Le mareschal de Gié, qui estoit à trente milles de nous , pressoit le Roy de se baster , et mismes trois jours à le joindre ; et si avoient les ennemis logez devant luy , en beau camp, au moins à demie lieue près; qui en eussent eu bon marché, s'ils l'eussent ûssailly , et après il fut logé à Fornoûe (qui vaut à dire un trou nouveau) qui est le pied de la montagne, et l'entrée de la plaine , bon village , pour garder qu'ils ne nous vinssent assaillir en la montagne, mais nous avions meilleure garde que luy. Car Dieu mit autre pensée au cœur de nos ennemis, tellement que leur avarice fut si grande , qu'ils nous vouloient attendre au plain pays, afin que rien n'eschappast ; car il leur semblolt que des montagnes en hors on eût pu fuir vers Pise , et en ces places des Florentins; mais ils erroient, car nous estions trop loin. Et aussi quand on les eût attendus jusques au joindre, ils eussent bien autant chassé qu'on eût sceu fuir; et si sçavoient mieux les chemins que nous.

Encores jusques icy n'est point.commencée la guerre de nostre costé ; mais le mareschal de Gié manda au Roy , comme il avoit passé ces montagnes, et comme il envoya quarante chevaux courir devant l'ost des ennemis , pour sçavoir des nouvelles, lesquels furent bien recueillis des estradiots, et tuèrent un gentil-homme appelle Le Reuf, et luy coupèrent la teste, qu'ils pendirent à la bannerole d'une lance , et la portèrent à leur providadeur (i), pour en avoir un ducat.

Estradiots sont gens comme génétaires, vestus à pied et à cheval comme les Turcs , sauf la teste où ils ne portent cette toile , qu'ils appellent ToUiban (2), et sont dures gens , et couchent dehors tout l'an, et leurs chevaux. Ils estoient tous Grecs , venus des places que les Vénitiens y ont , les uns de Naples de Romanie en la Morée , autres d'Albanie, devers Duras, et sont leurs chevaux bons, et tous chevaux turcs. Les Vénitiens s'en servent fort , et s'y

(-2) Turlmn.

MÉMOtBES DE PHILIPPE DE COMINES. [ r495]

fient. Je les avois tous veus descendre à Venise, et faire leurs monstres en une isie où est l'abbaye de Sainct-Nicolas; et estoient bien quinze cens , et sont vaillans hommes , et qui fort travaillent un ost , quand ils s'y mettent.

Les estradiots chassèrent , comme J'ay dit , jnsques au logis dndit mareschal , où estoient logez les Allemans, et en tuèrent trois ou quatre, et emportèrent les testes, et telle estoit leur coustume; car ayans Vénitiens ^erre contre le Turc, père de cettuy-cy , appelle Mahomet Otthoman, il ne Yonloit point que ses gens prissent nuls prisonniers, et leur donnoit un ducat par teste, et les Vénitiens faisoient le 8eroblid>le, et crois bien qu'ils vouloient espouventer la compagnie , comme ils firent; mais lesdits estradiots se trouvèrent bien espouventez aussi de l'artillerie. Car un faulcon tira un coup qui tua un de leurs chevaux , qui incontinent les fit retirer; car ils ne l'avoient point accoustumé , et en se retirant , prirent un capitaine de nos Allemans , qui estoit monté à cheval pour voir s'ils se retiroient , et eut uircoup de lance au travers du corps , car il estoit désarmé. Il estoit sage, et fût mené devant le marquis de Mantoue , qui estoit capitaine général des Vénitiens, et y estoit son oncle, le seigneur Rodolphe de Mantoue , et le comte de Q^azze , qui estoit chef pour le duc de Milan , et coguolssoit bien ledit capitaine. Et faut entendre que tout leur ost estoit aux champs , au moins tout ce qui estoit ensemble, (car tout n'estoit point encores venu ) , et y avoit huict Jours qu'ils estoient là faisans leur assemblée ; et eust eu le Roy beau se retirer en France sans péril ^ si ce n'eussent esté ses longs séjours sans propos , dont vous avez ouy parler; mais Nostre- Seigneur en avoit autrement ordonné.

<XX