CHAPITRE X

Disposition des deux armées pour la journée de Fomoùe.

Le lundy matin, environ sept heures, sixième jour de juillet , l'an 1495 , monta le noble Roy à cheval, et me fit appeller par plusieurs fois. Je vins à luy, et le trouvay armé de toutes pièces, et monté sur le plus beau cheval que j'aye veu de mon temps , appelle Savoye ; plusieurs disoient qu'il estoit cheval de Rresse , le duc de Savoye le luy avoit donné, et estoit noir, et n'avoit qu'un œil, et estoit moyen cheval, de bonne grandeur pour celuy qui estoit monté des* sus. Etsembloitquece jeune homme f^st tout autre que sa nature ne portoit , ne sa taille, ne sa oomplexion; car il estoit fort craintif à parler, et est encores aujourd'huy. Aussi avoit-il esté nourry en grande crainte, et avec petites personnes ; et ce cheval le monstroit grand , et avoit le visage bon, et de bonne couleur, et la parole audacieuse, et sembioit bien (et m'en souvient) que frère Hiéronyme m'avoit dit vray , quand il me dit que Dieu le conduisoit par la main, et qu'il auroit bien affaire au chemin , mais que l'honneur luy en demeureroit. Et me dit le Roy , que si ces gens vouloient parlementer , que je parlasse ; et parce que le cardinal estoit présent, le nomma, et le mareschal de Gié , qui estoit mal paisible, et estoit cause d'un différend qui avoit esté entre le comte deNarbonne et de Guise, qui quelquefois avoit mené des bandes, et chacun disoit qu'à luy appartenoit de mener l'avantgarde. Je luy dis : Sire , je leferay volontiers ; mais je ne vis jamais deux si grosses compagnies, si près rune de P autre, guise départissent sans combattre.

Toute l'armée saillit en cette grève, et en bataille, et près l'un de l'autre, comme le jour de

devant; mais à voir la puissance , me sembloit trop petite , auprès de celle que j'avois veuë à Charles de Bourgogne , et au Roy son père, et sur ladite grève nous tirasmes à part ledit cardinal et moy, et nommasmes une lettre aux deux provéditeurs dessusdits, qu'escrivoit monseigneur Robertet , un secrétaire que le Roy y avoit, de qui il se floit, disant le cardinal qu'à son office et estât appartenoit de procurer paix, et à moy aussi , comme celuy qui de nouveau venois de Venise ambassadeur ; et que je pouvais encore estre médiateur; leur signifiant, le Roy ne vouloit que passer son chemin , et qu'il ne vouloit faire dommage à nul; et par ce, s'ils vouloient venir à parlementer, comme il avoit esté entrepris le jour de devant , que nous estions contens, et nous employerions en tout bien. Jà estoient escarmouches de tous costez ; et comme nous tirions pas à pas nostre chemin à passer devant eux la rivière entre deux , comme j'ay dit , y pouvoit avoir un quart de lleuë de nous à eux , qui tous estoient en ordre en leur ost; car c^est leur coustume qu'ils font tousjours leur camp si grand , que tous y peuvent estre en bataille et en ordre.

Ils envoyèrent une partie de leurs cstradiots, et arbalestriers à cheval , et aucuns hommesd'armes, qui vinrent du long du chemin , assez couverts, entrèrent au village , dont nous partions , et là passèrent cette petite rivière, pour venir assaillir nostre charriage, qui estoit assez grand, et crois qu'il passoit six mille sommiers, que mulets, que chevaux, que asnes, et avoient ordonné leur bataille si très-bien que mieux on ne sçauroit dire , et plusieurs jours devant , et en façon qu'ils se fioient à leur grand nombre. Ils assailloient le Roy et son armée, tout à l'environ , et en manière qu'un seul homme n'en eust sceu eschapper, si nous eussions esté rompus, veu le pays où nous estions; car ceux que j'ay nommez, vinrent sur nostre bagage; à costé gauche vint le marquis de Mantotie, et son oncle le seigneur Rodolphe, le comte Bernardin de YaUnonton , et toute la fleur de leur ost, en nombre de six cens hommes-d'armes , comme ils me contèrent depuis; et vinrent se jetter en la grève, droict à nostre queue ; tous les hommes* d'armes, bardez, bien empanachez, belles bourdonnasses, bien accompagnez d'arbalestriers à cheval, et d'estradiots, et de gens de pied. Visà-vis du mareschal de Gié, et de nostre avantgarde, se vint mettre le comte de Gajazze, avec environ quatre cens hommes-d'armes, accompagnez comme dessus , et grand nombre de gensde-pled. Avec luy estoit une autre compagnie de quelques deux cens hommes-d'armes , que

MEMOIRES DE PHILIPPE DE COUINES. [l495j

oonduisoit le fils de messire Jehan de Bentivoille de Boulogne, hommes jeunes , qui n'avoient jamais rien veu ( et avoient aussi bon besoin de chefs que nous), et cestuy-là devoit donner sur l'avant-garde , après ledit comte de Ga-

jazze ; et semblablement y avoit une pareille compagnie après le marquis de Mantoiie (et pour semblable occasion) que menoit un appelle messire Antoine d'Urbin , bastard du feu duc d'Urbin, et en leur ost demeurèrent deux grosses compagnies. Gecy j*ay sceu par euxmesmes; car dès le lendemain, ils m'en parlèrent, et le visa l'œil; et ne voulurent point les Vénitiens estrader tout à un coup , ne dégarnir leur ost; toutcsfois il leur eust mieux valu mettre tout aux champs, puis qu'ils commençoient.

Je laisse un peu ce propos pour dire que devint nostre lettre, qu'avions envoyée le cardinal et moy par un trompette. Elle fut receuë par les provéditeurs, et comme ils l'eurent leuë, commença à tirer le premier coup de canon de nostre artillerie, qui encores n'avoit tiré , et incontinent tira la leur qui n estoit point si bonne. Lesdits provéditeurs renvoyèrent incontinent nostre trompette, et le marquis une des siennes, et mandèrent qu'ils estoient contens de parlementer, mais qu'on fist cesser l'artillerie, et aussi qu'ils feroient cesser la lair. JVstois pour lors loin du Roy, qui alloit et venoit, et renvoya les deux trompettes , dire qu'il feroit tout cesser, et manda au maistre de l'artillerie ne tirer plus , et tout cessa des deux costez un peu; et puis soudainement eux tirèrent un coup , et la nostre recommença plus que devant , en approchant trois pièces d'artillerie, et quand nos deux trompettes leur arrivèrent, ils prirent la nostre, et l'envoyèrent en la tente du marquis, et délibérèrent de combattre. Et dit le comte de Gajazze (ce me dirent les présens) qu'il n'estoit point temps de parler , et que jà estions deroy vaincus; et l'un des proviseurs s'y accorda (qui le m'a conté) et l'autre non ; et le marquis s'y accorda; et son oncle , qui estoit bon et sage , y contredit de toute sa puissance (lequel nous aimoit , et à regret estoit contre nous), et à la fin tout s'accorda.

<XX

GHAPITRE XI.

Pourparlers tentés inutilement , et commencement de bataille de Fomoûe.

Or faut entendre que le Roy avoit mis tout son effort en son avant-garde, où pouvoit avoir trois cens cinquante hommes-d'armes, et trois

MEMOIRES DE PHILIPPE DE COMIRSS. [l496]

rniHeSaisses (qui estoit Tespérance de l'ost) et ûi le Roy mettre à pied, avec eux trois cens archers de sa garde (qui luy fut grande perte) et aucuns arbalestriers à cheval, des deux cens qu'il avoit de sa garde; d'autres gens-de-pied y avoit peu, mais ce qui y estoit y fut mis ; et y estoient à pied avec les Allemans, Engilbert, monseigneur de Glèves, frère du duc de Clèves,Lomay et lebaillif de Dijon , chef des Allemans , et devant eux rartillerie. Icy faisoient bien besoin ceux qu'on avoit laissez aux terres des Florentins, et envoyez à Gennes , contre l'opinion de tous. Cette avantgarde avoit Jà marché aussi avant que leur ost, et cuidoit-on qu'ils deussent commencer; et nos deux autres batailles n'estoient point si près, ne si bien pour s'aider , comme ils estoient le Jour devant. Et parce que le marquis s'estoit Jà Jette sur la grève^ et passé la rivière de nostre costé, et Justement estoit à nostre dos, quelqu'un quart de lieuë derrière l'arrière-garde , et venoient le petit pas , bien serrez, tant qu'à merveilles les faisoit beau voir ; le Roy fut contraint de tourner le dos à son avant-garde, et le visage vers ses ennemis, et s'approcher de son arrièregarde , et reculer de l'avant-garde. J'estois lors avec monseigneur le cardinal, attendant response, et luy dis que Je voyois bien qu'il n'estoit plus temps de s'y amuser , et m'en allay là où estoit le Roy; et partis d'auprès des Suisses, et perdis en allant un page, qui estoit mon cousin germain , et un valet-de-cbambre et un laquais, qui me suivoient d'un petit loin , et ne les vis point tuer.

Je n'eus point fait cent pas, que le bruit commença de là où Je venois, au moins un peu derrière. G'estoient les estradiots, qui estoient parroy le bagage , et au logis du Roy, où y avoit trois ou quatre maisons , et y tuèrent ou blessèrent quatre ou cinq hommes, le reste eschapa. Ils tuèrent bien cent valets-de-sommiers , et mirent le chariage en grand désordre. Gomme J'arrivois là où estoit le Roy , je le trouvay où il faisoit des chevaliers; et les ennemis estoient Jà fort près de luy , et le flt-on cesser. Et oûys le bastard de Bourbon Mathieu (à qui le Roy donna du crédit) et un appelle Philippe du Moulin, simple gentilhomme, mais homme de bien, qui appellèrent le Roy, disant : Passez^ Sire^ passez; et le firent venir devant sa bataille et devant son enseigne ; et ne voyois nuls hommes plus près des ennemis que luy, excepté ce bastard de Bourbon, et n'y avoit point un quart d'heure que J'estois arrivé , et estoient les ennemis à cent pas du Roy, qui estoit aussi mal gardé et conduit que fût prince ne grand seigneur ; mais au fort, il est bien gardé que Dieu garde ;