I. C. D. M., T. IV

et estoit bien vraye la prof^étie du vénérable frère Hiéronyme, qui disoit que Dieu le eonduisoit par la main. Son arrière-garde estoit à la nudn dextre, de luy un peu reculée, et la plus prochaine compagnie de luy ; de ce costé, estoit Robinet de Frainezelles, qui menoit les gens du duc d'Orléans, envh*on quatre-vingts lances , et le sire de la Trémoùille, qui en avoit environ quarante lances, et les cent archers escossois y estoient aussi, qui se mirent en la presse comme hommes-d'armes. Je me trouvay du costé gauche , où estoient les gentils-hommes des vingt escus, et les autres de la maison du Roy , et les pensionnaires. Je laisse à nommer les capitaines, pour briefveté , mais le comte de Foix estoit chef de cette arrière-garde.

Gomme J'ay dit, un quart d'heure après que Je fus arrivé, le Roy estant ainsi près d'eux,les ennemis Jettèrent les lances en l'arrest, et se mirent un peu au galop ; et en deux compagnies donnèrent nos deux compagnies , de la main d'eux dextre; et les archers escossois choquèrent presque aussi-tost l'un comme l'autre, et le Roy comme eux. Le costé gauche, là où j'estois, leur donna sur le costé , qui fut avantage grande ; et n'est possible au monde de plus hardiment donner que l'on donna des deux costez. Leurs estradiots, qui estoient à la queue , virent fuir mulets et coffres vers nostre iivant-garde, et que leurs compagnons gagnoient tout Us allèrent celle part , sans suivre leurs hommes-d'armes, qui ne se trouvèrent point accompagnez , mais sans doute, six mille cinq cens chevaux-légers se fussent meslez parmy nous, avec leurs cimeterres au poing (qui sont terribles espées),veu le petit nombre que nous estions, nous estions desconfits sans remède. Dieu nous donna cette aide, et tout aussi-tost comme les coups de lances furent passez , les Italiens se mirent tous à la fuite ; et leurs gens-de^ied se jettèrent au costé, ou lapluspart. A cette propre instance, qu'ils donnèrent sur nous , donna le comte de G^|azze sur l'avant-garde ; mais ils ne Joignirent point si près, car quand vint l'heure de coucher les lances , ils eurent peur , et se rompirent d'euxmesmes, quinze ou vingt en prirent là 1^ Allemans, par les bandes qu'ils tuèrent ; le reste toi mal chassé , car le mareschal de Clé mettoit grande peine à tenir sa compagnie assez près de luy; toutesfois quelques-unes en chassèrent; et partie de ces fùyars venoient le cliemin où nous avions combatu, le long de la grève, les espées au poing, car les lances estoient Jettées.

Or vous faut sçavoir que ceux qui assaillirent le Roy se mirent incontinent à la fuite , et furent merveilleusement et vivement chassez; car

tout alla après , les uns prirent le chemin du village, dont nous estions partis , les autres prenoient le plus court en leur ost , et tout chassa , excepté le Roy qui demeura avec peu de gens , et se mit en grand péril pour ne venir quand et nous. L'un des premiers hommes qui fut tué , ce fut le seigneur Rodolphe de Mantoûe , oncle dudit marquis, qui devolt mander à ce messire Antoine d'Urbin quand il seroit temps qu'il marchast , et cuidoient que la chose deust durer comme font leurs faicts d'armes d'Italie : et de cela s'est excusé ledit messire Antoine ; mais je croy qu'il ne vit nuls signes pour le faire venir. Nous avions grande séquelle de valets et de serviteurs , qui tous estoient à l'environ de ces hommes- d'armes Italiens , et en tuèrent la pluspart. Presque tous avoient des haches à couper bols, en la main, dequoy ils faisolent nos logis, dont ils rompirent les visières des armets, et leur en donnoient de grands coups sur les testes ; car bien mal-aisez estoient à tuer, tant estoient fortement armez ; et ne vis tuer nul , où il n'y eust trois ou quatre hommes à l'environ , et aussi les longues épées,qu'avoient nos archers et serviteurs, firent un grand exploîct. Le Roy demeura un peu au lieu où l'on l'avoit assailly , disant ne vouloir point chasser , ny aussi tirer à l'avant-garde , qui sembloit estre reculée. Il avoit ordonné sept ou huict gentils-hommes , jeunes, pour estre près de luy. Il estoit bien eschapé au premier choc , veu qu'il estoit des premiers, car ce bastard de Bourbon fut pris^ à moins de vingt pas de luy, et emmené en l'ost des ennemis.

ooo