CHAPITRE XVII

Comment le duc éTOrléans et sa compagnie furent délivrez y par appointements de la dure calamité de Novarre, où ils estoient assiégez y et de la descente des Suisses, pour secourir le Roy et monseigneur ctOrléans.

Le mareschal de Gié alla à ladite place, avec d'autres du duc de Milan , et fit partir ledit duc d'Orléans seulement , à petite compagnie , qui à grande Joye en saillit. Ceux de ladite place estaient tant pressez de faim et de maladie, qu'il fallut que ledit mareschal laissast son neveu , appelle monsieur de Romefort en ostage , promettant à ceux de dedans qu'ils partiroient tous dedans trois Jours. Vous avez bien entendu comme paravant le bailly de B^on avoit esté envoyé devers les Suisses , par tous leurs cantons , pour en assembler Jusques à cinq mille , qui à l'heure du partement du duc d'Orléans , de la place de Novarre, n'estoient encores venus -, car s'ils eussent esté venus, sans nulle doute , à mon advis , on eût combattu ; et combien que Ton fût bien seur qu'il en vcnoit plus largement que le nombre qu'on demandoit , si n'estoit-il possible d'attendre , pour l'extrême famine qui estoit en ladite place , où il mourut bien deux mille hommes , que de faim , que de maladie , et le reste estoit si maigre qu'ils sembloient mieux morts que vife ; et croy que Jamais hommes n'endurèrent plus de faim (je n'y voudrois alléguer le siège de Hiérusalem) et si Dieu les eût faicts si sages que de vouloir mettre les bleds dedans, qui estoient environ ladite ville , quand au premier ils la prirent, ils ne fussent

Jamais venus en cet Inconvénient, et se fussent leurs ennemis levez à leur grande honte.

Trois Jours ou quatre après le partement dudit duc d'Orléans , dudit Novarre, fut accordé des deux costez , que tous les gens de guerre pourroient saillir , et furent ordonnez le marquis de Mantoûe et messire Galeas de Sainct- Severin , chef de l'armée tant des Vénitiens que du duc de Milan, pour les conduire en seureté, ce qu'ils firent ; et demeura la place entre les mains de ceux de la ville, qui firent serment de n'y mettre ny François , ny Italiens , Jusques à ce que le tout fût conclu , et demeurèrent trente hommes au chasteau ,' à qui le duc de Milan laissoit avoir des vivres pour leur argent, ce qui leur en falloit pour chacun Jour seulement ; et ne croyroit-on Jamais, sans l'avoir veuê, la pauvreté des personnes qui en sailloient. Bien peu de chevaux en saillit, car tout estoit mangé , et n'y avoit point six cens hommes qui se fussent peu deffendre, combien qu'il en saillit bien cinq mille cinq cens. Largement en demeuroit par les chemins, à qui les ennemis propres faisoient de l'aide. Je sçay bien que J'en sauvay bien cinquante pour un escn , auprès du petit chasteau que les ennemis tenoient, appelle Camarian, qui estoient couchez en un Jardin , et à qui on donna de la soupe , et n'en mourut qu'un ; sur le chemin en mourut environ quatre, caril yavoit dix milles de Novarre à Verceil , où ils alloient. Le Roy usa de quelque charité envers ceux qui . arrivèrent audit Verceil , et ordonna huict cens francs pour les départir en aumosnes , et aussi des payemens de leurs gages , et furent payez les morts et le vifs, et aussi les Suisses, dont il estoit bien mort quatre cents ; mais quelque bien qu'on leur sceust faire, il mourut bien trois cens hommes audit Verceil, les uns par trop manger, les autres par maladie, et largement sur les fumiers de la ville.

Environ ce temps que tout fut dehors, exceptez trente hommes , qu'onavoit laissez au chasteau, dont chacun Jour en sailloit quelqu'un, arrivèrent les Suisses, en nombre de huict ou dix mille hommes en nostre ost, où y en avoit quelques deux milles qui avoient servy au voyage de Naples. Tous les autres demeurèrent auprès de Verceil , environ à dix mille, et ne fut point conseillé le Roy de laisser Joindre ces deux bandes , où estoient bien vingt-deux mille ; et croy que Jamais ne se trouvèrent tant de gens de leur pays ensemble; et selon l'opinion des gens qui lescognoissoient, il demeura peu de gens cornbattans (l) en leur pays, et vinrent la pluspart,

(1) En eut de combattre.

malgré qu'on en eût ; et fallut deffendre rentrée du pays de Piémont, pour n'en laisser plus passer , ou bien les femmes et les enfans y fussent venus. On pourroit demander si cette venue procédoitdo grand amour, veu que le feu roy Louys leur avoit fait beaucoup de bien , et les avoit aidez à eux mettre en la gloire du monde, et en réputation. Vray est qu'aucuns vieux avoient amour au roy Louys XI, et y vint beaucoup de capitaines qui avoient soixante et douze ans passez , qui avoient esté capitaines contre le duc Charles de Bourgogne, mais la principale cause estoit avarice, et leurs grandes pauvretez, car, à la vérité, tout ce qu'ils avoient de. gens combattans y vinrent ; tant de beaux hommes y avoit, que je ne vis jamais si belle compagnie, et me sembloit impossible de les avoir sceu desconfire , qui ne les eût pris par faim , par froid , ou par autre nécessité.

Or faut venir au principal poinctde ce traicté. Le duc d'Orléans , qui jà avoit esté huict à dix jours à son aise , et qui estoit accompagné de toutes sortes de gens, et à qui il sembloitbien qu'aucuns avoient parlé de ce quêtant de gens, comme il avoit dedans Novarre avec luy, s'estoient laissez mener à cette nécessité , parloit fort de la bataille , et un ou deux avec luy , monseigneur de Ligny , et l'archevêque de Roiien qt^i se mesloit de ses besognes , et deux ou trois menus personnages; et forgèrent aucuns Suisses, qui venoient s'offrir à combattre, et n'alléguoient aucune raison , car aussi le duc d'Orléans n'avoit plus en la place que trente hommes au chasteau ; et ainsi n'y avoit plus d'occasion de combattre , car le Roy ne prétendoit aucune querelle , et ne vouloit combattre que pour sauver la personne du duc et de ses serviteurs. Les ennemis estoient bien forts , et estoit impossible de les prendre dedans leur ost , tant estoient bien fermez de fossez pleins d'eau , et l'assiette propre , et n'avoient à se deffendre que de nous, car de ceux de la ville ils n'avoient plus de crainte. Ils estoient bien deux mille huict cens hommes d'armes-bardez, et cinq mille chevauxlégers, onze mille cinq cens Allemans , menez par bons chefs ( comme ce messire Georges de Piètre-Plane, messire Fédéric Capelare, et messire Hance) et autre grand nombre de gens-depied, et sembloit bien parler par volonté, dédire qu'on les deust prendre léans, ne qu'ils deussent ftiir. Un autre plus grand doute y avoit : c'estoit que si tous les Suisses se trouvoient ensemble , ils ne prissent le Roy, et tous les hommes riches de sa compagnie , qui estoit bien foible, au prix

(1) Ce traité fui sigoé è Vercell le 10 octobre li05.

UBMOIBES DE PHILIPPE OB COUINES. [l495]

d'eux , et qu'ils ne les menassent en leur pays , et quelque apparence s'en vit , comme verrez par la conclusion de la paix.