UBMOIBBS DB PHILIPPE DB C0MIRE

veoë aux choses ecclésiastiques , qui ont leurs églises mieux parées et accoustrées; et en cela je les tiens assez égaux aux Romains, et croy que la grandeur de la seigneurie vient de-là, qui est digne d'augmenter plus que d'appetisser. Pflur conclusion de mon affaire J'attendis quinze jours avant qu'avoir response, qui fut de refus de toutes mes demandes , disans n'avoir aucune guerre avec le Roy, et que ce qu'ils avoient fait, estoit pour aider à leur allié le duc de Milan, que le Roy vouloit destruire , si firent parler à part avec moy le duc , qui m'offroit bon appointemeut, qui fut que le roy Ferrand feroit hommage au Roy du royaume de Naples, et du consentement du Pape , et qu'il payeroit cinquante mille ducats l'an de cens , et quelque somme comptant , et qu'ils la presteroient , et entendoient , moyennant ce prest, avoir entre leurs mains les places qu'ils ont en la Poûille , comme Brandis, Otrante, Trani et autres, et aussi bailleroit ledit dom Ferrand, ou laisseroit au Roy, quelque place au quartier de la Poiiille, pour seureté , et vouloient dire Tarente , que le Roy tenoit encores, et en eût baillé une ou deux davantage ; et s'offroient de les bailler de ce costé-là , parce que c'estoit le plus loin de nous ; mais ils se couvroient en ce que c'estoit en lieu pour servir contre le Turc , dont le Roy avoij fort parlé quand il entra en Italie , disant qu'à cette fin il faisoit cette entreprise , et pour en estre plus près , qui fut une très-meschante invention , car c'estoit mensonge , et l'on ne sçauroit celer à Dieu les pensées. Outre , m'offroit ledit duc de Venise , que si ledit Roy vouloit entreprendre contre le Turc, qu'il auroit assez des places que je dis, et toute l'Italie y contribueroit , et que le roy des Romains feroit la guerre de son costé aussi ; et que le Roy et eux tiendroient toute l'Italie ; et que nul ne contrediroit à ce qu'ils en ordonneroient , et que pour leur part , serviroient le Roy avec cent galées à leurs despens, et de cinq mille chevaux par terre.

Je pris congé dudit duc et seigneurie, disant que j'en ferois le rapport au Roy. Je revins à Milan , et trouvay le duc de Milan à Vigesve, où estoit un maistre-d'hostel du Roy, appelle Riganlt Doreilles, ambassadeur pour le Roy. Ledit duc vint au-devant de moy , feignant chasser ; car ils sont ainsi honorables aux ambassadeurs. Il me fit loger en son chasteau^ en trèsgrand honneur. Je le suppliay de pouvoir parler à luy à part. Il me dit qu'il le feroit , mais il monstroit signe de ne le chercher point. Je le voulois presser de ses navires , qu'il nous avoit promis par ce traicté de Ycrceil , qui estolent en

estât de partir (et encor tenoit ledit cbasteau de Naples), et il feignoit de les bailler, et estoit à Gennes pour le Roy, Peron de Basche, son maistre-d'hostel , et Estienne de Névers, qui soudainement m'escri virent , dès qu'ils sceurent ma venue là , se doulans de la tromperie du duc de Milan, qui feignoit de leur bailler les navires, et au contraire en avoit envoyé deux contre nous. L'un jour respondit le gouverneur de Gènes, qu'il ne souffriroit point que lesdites Navires dissent armées des François , et qu'en chacun n'en mettroit que vingt-cinq , avec maintes autres excuses de cette sorte ^ dissimulant et attendant les nouvelles que ledit cbasteau de Naples fût rendu , où ledit duc sçavoit bien qu'il n'y avoit vivres que pour un mois ou environ , et l'armée qui se faisoit en Provence, qui n'estoit pohit suffisante pour faire ledit secours, sans lesdites deux navires , car les ennemis avoient devant ledit cbasteau grosse armée de mer, tant d'eux que des Vénitiens et du roy d'Espagne.

Trois jours je fus avec ledit duc. L'un jour il se mit en conseil avec moy, se courrouçant que je ne trouvois pas bonne la response qu'il faisoit touchant lesdites navires , et disoit que par le traicté de Verceil , il avoit bien promis de servir avec deux navires, mais qu'il n'avoit point promis de laisser monter aucuns François dessus. A quoy je respondis que cette excuse me sembloit bien maigre, et si d'adventure il me prestoit une bonne mule pour passer les monts ^ que feroit- il pour moy, de ine la faire mener en main, et que je n'en eusse que la veuë, sans pouvoir monter dessus ? Après long débats, il me retira en une galerie à part , et là je luy monstray la peine que d'autres et moy avions prise, pour ce traicté de Verceil, et le péril en quoi il nous mettoit d'aller ainsi au contraire , et faire ainsi perdre au Roy ses cbasteaux , qui estoient la totale perdition du royaume de Naples, et qui seroit haine perpétuelle entre le Roy et luy , et lui offris la principauté de Tarente , avec la duché de Bari , car jà il la tenoit. Je luy dlsois le péril en quoy il se mettoit, et toute l'Italie, de vouloir cotisentir que les Vénitiens eussent ces places en la Poûille. Il confessoit que je disois de tout vérité , et par espécial des Vénitiens, mais pour toute conclusion, il me dit qu'il ne pouvoit trouver avec le Roy aucune seureté ni fiance.

Après ces devises je pris congé dudit duc de Milan , lequel me conduisit une licuë: et au partir advisa une plus belle mensonge (si on doit ainsi parler des princes ) que devant , luy semblant bien que je m'en allois fort mélancolique. Ce fut qu'il me dit soudainement (comme un

homme qui change de propos) quil me von toit monstrer un tour d'amy, afin que le Roy eût occasion de me faire bonne chère , et que le lendemain il feroit partir messire Galéas (qui estoit le tout , quand il me nommoit cestuy-là) pour aller faire partir lesdites navires , et les joindre avec nostre armée, et qu'il vouloit faire ce service au Roy, que de luy sauver son chasteau de Naples; qu'en ce faisant il luy sauveroit le royaume de Naples (il disoit vray s'il Teust feit) , et que quand elles seroient parties, il m'escriroit de sa main , afin que par moy le Roy en seeust des nouvelles le premier, et qu'il vit que Je luy aurois fait ce service , et que le courrier me joindroit avant que Je fusse à Lion ; et en cette bonne espérance je partis , et me mis à passer les monts, et n'oûis venir poste derrière moy, que je ne cuidasse que ce fût celuy qui me devolt apporter les lettres dessus-dites ( combien que J'en faisols quelque doute , c(^noissant l'homme ) , et veins Jusques à Ghambéry , où Je trouvay monseigneur de Savoye , qui me fit bonne chère et me retint un Jour , et puis Je vins à Lion (sans que mon courrier vinst) du tout faire mon rapport au Roy qui lors estoit entendant à fiiire l)onne chère et à jouster , et de nulle autre chose ne luy chaloit.

Ceux qui avoient esté courroucez de la paix de Verceil , furent fort joyeux de la tromperie que nous avoit faite le duc de Milan , et en accreut leur authorité; et me lavèrent bien la teste, comme on a accoustumé de faire aux cours des princes, en semblable cas. J'estois bien iré et marry. Je contay au Roy , et raonstray par escrit , l'offre que les Vénitiens luy faisoient, qu'avez entendu devant, dont il ne fit aucune estime^ moins encore le cardinal de Sainct-Malo, qui estoit celuy qui conduisoit tout. Toutesfois j'en parlay une autre fois , et me sembloit qu'il eût mieux valu accepter cet offre que de perdre tout , et aussi Je ne voyols point gens pour conduire une telle entreprise , et n'appelloient aucun qui leur pût aider , ou le moins souvent qu'ils pouvoient. Le Roy l'eût bien voulu ; mais il estoit craintif de dcsplaire à ceux à qui il donnoit le crédit , et par espécial à ceux qui manioient ses finances , comme ledit cardinal ^ ses frères et parens. Qui est bel exemple pour les princes; car il faut qu'ils prennent la peine de conduire eux-mesmes leurs affaires pour le moins , et quelquefois en appeler d'autres, selon les matières^ et les tenir presque égaux : car s'il y en a un si grand que les autres le craignent (comme fit le roy Charles VIII et a

(i) Charles OrkiDd.