CHAPITRE XX

Comment le Roy^ estant retourné en France y mit en oubly ceux qui estaient demeurez à Naples , et comment monseigneur le Dauphin mourut, dont le Roy et la Reyne menèrent grand deuil.

Mon retour à Lion fut l'an 1495, le douzième Jour de décembre , auquel lieu estoit arrivé le Roy avec son armée , et avoit esté dehors, audit voyage, un an et environ deux mois, et tenoient encores les chasteaux de Naples, comme J'ay dit peu plus avant , et estoient encores audit royaume de Naples monseigneur de Montpensier, lieutenant du Roy , et à Saleme, avec le prince du lieu, et monseigneur d'Aubigny , en Calabre (ou presque tousjours avoit esté malade, mais bien et grandement y avoit servy), et messire Gracien des Guerres estoit en l'Abruzze , dom Julian au Mont-Sainct-Ange , George de Suilly à Tarente ; mais le tout tant pauvre et tant abandonné, que nul ne le sauroit penser , sans avoir , à grande peine, une nouvelle ou lettre , et celles qu'ils avoient n'estolent que mensonges et promesses sans effect. Car (comme dit est) de soy le Roy ne faisoit rien ; et qui les eût fournis de sommes d'argent à heure, dont on a despendu six fois le double , Jamais n'eussent perdu le royaume. Finalement leur vinrent quarante mille ducats seulement, qui leur furent envoyez, quand tout fut perdu , pour partie de leur solde d'un an ; et y a plus, que s'ils fussent arrivez un mois plustost , les maux et hontes qui leur avinrent (comme entendez) ne leur fussent pas avenus, ne les divisions; et tout par faute que le malstre n'expédioit rien de luy , ny n'escoutoit les gens qui en venoient ; et ses serviteurs, qui s'en mesloient, estoient peu expérimentez et paressux, et croy que quelqu'un avoit intelligence avec le Pape, et sembloit que Dieu laissast de tous poincte à faire la grâce au Roy, qu'il luy avoit faite à laller.

Après que le Roy eut séjourné à Lion deux mois ou environ , luy vinrent nouvelles comme monsieur le Dauphin, son seul fils (1) , estoit en péril de mort, et trois jours après luy vinrent nouvelles qu'il estoit trespassé. Ledit seigneur en eut dueil, comme la raison le veut; mais peu

luy dura le daeil , et la reyne de France , dachesse de Bretagne, appellée Anne, mena le pins grand dueil qn'it est possible que femme peust faire, et longuement luy dura ce dueil : et croy qu'outre le dueil naturel que les mères ont accoustumé d'avoir de la perte de leurs enfans, le cœur luy jugeoit quelque grand dommage à venir; mais au Roy, son mary, dura peu ce dueil (comme dit est), et la voulut reconforter de faire dancer devant elle , et y vinrent aucuns jeunes seigneurs et gentils-hommes, que le Roy y fit venir en pourpoinct pour dancer , et entre les autres y estoit le duc d'Orléans , qui pouvoit bien avoir trente-quatre ans. Il luy sembloit bien qu'il avoit joye de ladite mort (à cause qu'il estoit le plus prochain de la couronne après le Roy ) , et ftirent long-temps après sans parler ensemble pour cette cause. Ledit Dauphin avoit environ trois ans , bel enfant et audacieux en parole, et ne craignoit point les choses que les antres enfans ont accoustumé de craindre ; et vous dis que pour ces raisons , le père en passa aisément son dueil , ayant desjà doute que tost cet enfant ne fust grand, et que continuant ses conditions, il ne luy diminuast l'authorité et puissance , car ledit Roy ne fut Jamais que petit homme de corps et peu entendu; mais estoit si bon , qu'il n'est point possible de voir meilleure créature. Or entendez quelles sont les misères des grands roys et princes qui ont peur de leurs propres enfans. Le roy Louys XI son père en avoit eu peur, qui fut si sage et vertueux , mais bien sagement y pourveut , et après en l'âge de quatorze ans il le laissa roy. Ledit roy Louys avoit fait peur à son père le roy Charles VU ; car il se trouva en armes et en assemblée contre luy , avec aucuns seigneurs et chevallei^ de ce royaume, en matière de broCiilUs de cour et de gouvernement (et le m'a malntesfois conté ledit roy Louys XI ) , ayant environ l'âge de treize ans ; mais cela ne dura point. Mais depuis qu'il fût homme, il eut grande division avec ledit Charles VU son père , et se retira au Dauphiné , et de là en Flmidres, laissant ledit pays du Dauphiné audit Roy son père ; et est parlé de ce propos au commencement de ces Mémoires , touchant le règne dudit roy Louys XL

Nulle créature n'est exempte de passion , et tous mangent leur pain en peine et en douleur , comme Nostre-Seigneur le promit dès qu'il fit l'homme , et loyaument l'a tenu à toutes gens. Mais les peines et labeurs sont différentes, celles du corps sont les moindres, et celles de l'entendement les plus grandes. Celles des sages sont d'une façon, et celles des fols d'une autre; mais trop plus de douleur et de passion porte le fol

mSMOlRES DB PHILIPPE DB COMINBS. [1495]

que le sage (combien qu'à plusieurs semble le contraire) , et si y a moins de reconfort. Les pauvres gens (qui travaillent et labourent pour nourrir eux et leurs enfans , et payent la taille et les subsides à leurs seigneurs ) devroient vivre en grand desconfort , si les grands princes et seigneurs n'avoient que tous plaisirs en ce monde , et eux travail et misère ; mais la chose va bien autrement , car ( si je me voulois mettre à escrire les passions que j'ay veu porter aux grands, tant hommes que femmes , depuis trente ans seulement), j'enferois un gros livre (je n'entends point de ceux qui sont des conditions de ceux qui sont nommez au livre de Bocace (l) ; mais j'entends de ceux et celles qu'on voit en toute richesse, santé et prospérité), et ceux qui ne lespratiquoient point de si près comme moy, les réputoieut estre bien-heureux , et si ay veu malntesfois leurs desplaisirs et douleurs estre fondez en si peu de raison , qu'à grande peine l'eussent voulu croire les gens qui ne les faantoient point , et la pluspart estoient fondez en soupçons et rapports ; qui est une maladie cachée (qui règne aux maisons des grands princes) dont maint mal advient, tant à leurs personnes qu'à leurs serviteurs et si^ets, et s'en abrège tant leur vie y qu'à grand peine s'est veu aucun roy en France, depuis Charlemagne, avoir passé soixante ans.

Pour cette suspidon, quand Louys XI vint et approcha du terme, estant malade, se jugeoit desjà mort. Son père Charles VU, qui tant avoit fait de belles dioses en France , estant malade^ se mit en fantaisie qu'on le vouloit empoisonner, parquoy il ne vouloit jamais manger. Autres suspicions eut le roy Charles VI qui devint fol , et le tout par rapport. Ce qui doit estre réputé a grande faute aux princes, quand ils ne les avèrent ou font avérer , si ce sont choses qui leur touchent, et encores que ne fussent de trop grande importance (car par ce moyen ils n'en auroient point si souvent) , et faudroit en demander aux personnes l'un devant l'autre, j'entens de l'accusateur et de l'accusé, et par ce moyen ne se feroit aucun rapport s'il n'estoit véritable. Mais 11 y en a de si bestes , qu'ils promettent et jurent n'en dire rien, et par ce moyen ils emportent aucunesfois ces angoises dont je parle , et si bayent le plus souvent les meilleurs et les plus loyaux serviteurs qu'ils ayent, et leur font des dommages à l'appétit et rapport de plusieurs mescbans , et par ce moyen font de grands torts et de grands griefs à leurs sujets.

<xx>

(1) Dqos soo livre Ues NohUi malheureux.

MBMOIBES DB PHILIPPE DB COMIMES. [1496]