CHAPITRE XXVI

Comment le sainct homme , frère Hiéronyme^ fut bruslé à Florence , par envie qu'on eut sur luy , tant du eosté du Pape , que de plusieurs autres Florentins et Vénitiens,

J'ay dit en quelque endroit de cette matière d'Italie , comme il y avoit un frère Prescheur ,

MBM0IBB8 DB PHtLlPPB DE GOMINES. [ 1 4»8]

OU Jacobin, ayant demeuré à Florence, par l'espace de quinze ans, renommé de fort saincte vie (lequel Je vis et parlayà luy en Tan 1495 ), appelé frère Hiéronyme , qui a dit beaucoup de choses avant qu'elles fussent advenues, comme j'ay desjà dit cy-dessus, ettousjours avoit soustenu que le Roy passeroit les monts, et le prescha publiquement , disant l'avoir par révélation de Dieu, tant cela qu'autres choses dont il parloit, et disoit que le Roy estoit esleu de Dieu pour réformer TËglise par force , et chastier les tyrans : et à cause de ce qu'il disoit sçavoir les choses par révélation , murmuroient plusieurs contre luy, et acquit la haine du Pape et de plusieurs de la ville de Florence. Sa vie estoit la plus belle du monde ainsi qu'il se pouvoit voir, et ses sermons preschant contre les vices , et a réduit en icelle cité maintes gens à bien vivre, comme j'ay dit.

En ce ter|ps, ] 498, que le roy Charles est trespttwé , est finy aussi frère Hiéronyme , à quatre ou cinq jours l'un de l'autre^ et vousdiray pourquoy je fais ce conte. Il a tousjours presché publiquement que le Roy retourneroit derechef en Italie , pour accomplir cette commission que Dieu luy avoit donnée , qui estoit de réformer l'Eglise par l'espée, et chasser les tyrans d'Italie, et que , au cas qu'il ne le fist , Dieu le puniroit cruellement ; et tous ses sermons premiers, et ceux de présent, il les a fait imprimer et se vendent. Cette menace qu'il faisoit au Roy , de dire que Dieu le puniroit cruellement , s'il ne retournoit, luy a plusieurs fois escrite ledit Hiéronyme , peu de temps avant son trespas, et ainsi le me dit de bouche ledit Hiéronyme , quand je parlay à luy (qui fut au retour d'Italie), en me disant que la sentence estoit donnée contre le Roy , au ciel , au cas qu'il n'accomplist ce que Dieu luy avoit ordonné, et qu'il ne gardast ses gens de piller.

Or environ ledit trespas du Roy , estoient Florentins en grand différend en la cité. Les uns attendoient encores la venue du Roy , et la désii*oient sur l'espérance que ledit frère Hiéronyme leur donnoit , et se cousommoient , et devenoient pauvres à merveilles, à cause de la dispense qu'ils soustenoient, pour cuider recouvrer Pise , et les autres places qu'ils avoient baillées au Roy , dont les Vénitiens tenoient Pise. Plusieurs de la cité vouloientque l'on prist le parly de la ligue, qu'on abandonnast de tous poincts le Roy , disans que ce n'estoient qu'abusions et folies de s'y attendre, et que ledit frère Hiéronyme n'estoit qu'un hérétique et un paillard, et qu'on le devoit jetter en un sac en la rivière : il estoit tant soustenu en la ville , que nul né l'osoit faire. Le Pape et le duc de Milan escri-

voient souvent contre ledit frère , asseurans les Florentins de leur faire rendre la cité de Pise, et autres places , en délaissant l'amitié du Roy , et qu'ils prissent ledit frère Hiéronyme, et qu'ils en fissent punition ; et par cas d adventure, se fit à l'heure une seigneurie à Florence, où il y avoit beaucoup de ses ennemis; car ladite seigneurie se change et se mue de deux mois en deux mois : se trouva un Cordelier forgé , ou de luy-mesme prit débat audit frère Hiéronyme, Tappellant hérétique et abuseur du peuple , de dire qu'il eust révélation , ne chose semblable , et s'offrit de le prouver jusques au feu , et estoient ces paroles devant ladite seigneurie. Ledit frère Hiéronyme ne se voulut point présenter au feu ; mais un sien compagnon dit qu'il s'y mettroit pour luy, contre ledit Cordelier; et alors un compagnon Cordelier se présenta de l'autre costé, et fut pris jour qu'ils dévoient entrer dedans le feu , et tous deux se présentèrent, accompagnez de leurs religieux an jour nommé; mais le Jacobin apporta le Corpus Domini en sa main, et les Cordeliers et aussi la seigneurie vouloient qu'il Tostast, ce qu'il ne voulut point faire. Ainsi s'en retournèrent à leur couvent, et le peuple esmeu par les ennemis dudit frère, par commission de cette seigneurie, l'allèrent prendre audit couvent, luy troisième, et d'entrée le gesnèrent à merveilles. Le peuple tua le principal homme de la ville , amy dudit frère, appelle Francisque Yatory. Le Pape leur envoya pouvoir et commission pour faire le procès. Et fin de compte ils les brusièrent tous trois. Les charges n'estoient sinon qu'il mettoit discord en la ville, et que ce qu'il disoit de prophétie, il le sçavoit par ses amis qui estoient du conseil. Je ne les veux point accuser ni excuser. Je ne sçay s'ils ont fait bien ou mal de l'avoir fait mourir; mais il a dit maintes choses vrayes, que ceux de Florence n'eussent seeu luy avoir dites. Et touchant le Roy, et les maux qu'il dit luy devoir advenir, luy est advenu ; ce que vous voyez , qui sceut premier la mort de son fils, puis la sienne, et ay des lettres qu'il escrivoit audit seigneur.

ooo