CHAPITRE X

Digressions sur quelques vices et vertus du roy Louis onziesme.

Je me suis rais en ce propos, par ce que j'ay veu beaucoup de tromperies en ce monde , et de beaucoup de serviteurs envers leurs roaistres, et plus souvent tromper les princes et seigneurs orgueilleux,qui peu veulent ouyr parler les gens, que les humbles qui volontiers les escoutent. Et entre tous ceux que j'ay jamais connus, le plus sage pour soy tirer d'un mauvais pas , en temps d'adversité, c'estoit le roy Louis XI nostre maistre, le plus humble en paroles et en habits, et qui plus travailloit à gagner un homme qui le pouvoit servir, ou qui luy pouvoit nuire. Et ne s'ennuyoit point d'estre refusé une fois d'un homme qu'il prétendoit gagner , mais y continuoit , en lui promettant largement, et donnant par effet argent et estats qu'il connoissoit qui luy plaisoient. Et ceux qu'il avoit chassez et déboutez en temps de paix et de prospérité , il les rachetoit bien cher, quand il en avoit besoin , et s'en servoit , et ne les avoit en nulle haine pour les choses passées. Il estoit naturellement ami des gens de moyen estât , et ennemy de tous grands qui se pouvoient passer de luy. Nul homme ne presta jamais tant l'oreille aux gens , ny ne s'enquist de tant de choses , comme il faisoit, ne qui voulust jamais connoistre tant de gens : car aussi véritablement il connoissoit toutes gens d'authorité et de valeur , qui estoient en Angleterre , en Espagne , en Portugal , en Italie , et es seigneuries du duc de Bourgogne , et en Bretagne ; comme il fhisoit ses sujets. Et ces termes et façons qu'il tenoit , dont j'ai parlé cydessus, luy ont sauvé la couronne, veu les ennemis qu'il s'estoit luy-mesme acquis à son advènement au royaume. Mais sur tout luy a servi sa grande largesse : car ainsi comme sagement il condoisoit l'adversité , à l'opposite dès

MÉMOIRES DB PHILIPPE DE COMINES. [l465]

ce qu'il cuidoit estre asseur, ou seulement en une trêve, se mettoit à mescontenter les gens , par petits moyens , qui peu luy servoient , et à grand'pelne pouvoit endurer paix. Il estoit léger à parler des gens , et aussi tosten leur présence qu'en leur absence, sauf de ceux qu'il craignoit, qui estoit beaucoup : car il estoit assez craintif de sa propre nature. Et quand pour parler il avoit receu quelque dommage , ou en avoit suspicion , et le vouloit réparer, il usoit de cette parole au personnage propre ; «Je sçay bien que » ma langue m'a porté grand dommage , aussi » m'a-elle fait quelquefois du plaisir beaucoup: » toutes-fois c'est raison que je répare l'amende. » Et n'usoit point de ces privées paroles, qu'il ne flst quelque bien au personnage à qui il parloit, et n'en faisoit nuls petits.

Encore fait Dieu grand'grâce à un prince quand il sçait le bien et le mal, et par espéeial quand le bien procède (l),conMne au Roy nostre maistre dessusdiu Mais à mon advis , que le travail qu'il eut en sa jeunesse , quand il fui fugitif de son père, et fuit sous le duc Philippe dcL Bourgogne, où il fut six ans, luy valut beaucoup : car il fut contraint de complaire à ceux dont il avoit besoin : et ce bien , qui n'est pas petit, lui apprit adversité. Comme il se trouva grand et roi couronné, d'entrée ne pensa qu'aux vengeances, mais tost luy en vint le dommage , et quand et quand la repentance. Et répara cette folie et cette erreur, en regagnant ceux ausquels il faisoit tort, comme vous entendrez cy-après. Et s'il n'eust eu la nourriture autre que les seigneurs que j'ay veu nourrir en ce. royaume , je ne croy pas que jamais se fust ressours : car il ne les nourrissent seulement qu'à faire les fols en habillemens et en paroles. De nulles lettres ils n'ont connoissance. Un seul sage homme on ne leur met à l'entour. Ils ont des gouverneurs à qui on parle de leurs affaires, à eux rien , et ceux-là disposent de leurs affaires ; et tels seigneurs y a qui n'ont que treize livres de rente en argent, qui se glorîûent de dire : Parlez à mes gens : cuidans par cette parole contrefaire les très-grands seigneurs. Aussi ay-je bien veu souvent leurs serviteurs faire leur profit d'eux , et leur donner à connoistre qu'ils estoient bestes. Et si d'aventure quelqu'un s'en revient, et veut connoistre ce qui luy appartient , c'est si tard qu'il ne luy sert plus de guères : car il faut noter que tous les hommes, qui jamais ont esté grands et fait grandes choses, ont commencé fort jeunes. Et celagist à la nourriture, ou vient de la grâce de Dieu.

(1) L'emporte.