CHAPITRE XL

Comment les Bourguignons estans près de Paris^ attendans la bataille ^ cuidèrentdes chardons qu'ils virent, que ce fussent lances debout.

Or ay-je long-temps tenu ce propos ; mais il est tel que n'en sors pas bien quand je veut : et pour revenir à la guerre, vous avez ouy comme ceux que le Roy avoit logez en cette tranchée , au long de cette rivière de Seine, se deslogèrent à l'heure que l'on les devoit assaillir. La trêve ne durcit jamais guères qu'un jour ou deux. Aux autres jours se faisoit la guerre tant aspre qu'il estoit possible , et continuoient les escarmouches depuis le matin jusques au soir. Grosses bandes ne sailloient point de Paris : toutesfois souvent nous remettoient nostre guet , et puis on le renforçoit. Je ne vis jamais une seule journée qu'il n'y eust escarmouche, quelque petite que ce ftist, et croy bien que si le Roy eust voulu, qu'elles y eussent esté bien plus grosses : mais il estoit en grand soupçon, et de beaucoup, qui estoit sans cause. Il m'a autrefois dit qu'il trouva une nuict la Bastille Sainct-Antoine ouverte, par la porte des champs, de nuit. Ce qui hi donna grand'suspicion de messire Charles de Meleun pour ce que son père tenoit la place. Je ne dis autre chose dudit messire Charles, que ce que j'en ay dit, mais meilleur serviteur n'eut point le Roy pour cette année-là.

Un jour fut entrepris à Paris de nous venir combattre : et croy que le Roy n'en délibéra rien, mais les capitaines , et de nous assaillir de trois costez. Les uns devers Paris , qui devoit estre la grand*compagnie. Une autre bande devers le Pont-de-Charenton ; et ceux-là n'eussent guères kceu nuire : et deux cens hommes-d'armes, qui dévoient venir par devers le Bois-de-Yincennes. De cette conclusion fut adverty l'ost, environ la minuit^ par un page, qui vint crier de l'autre part de la rivière, que aucuns bons amis des seigneurs les advertissoient de l'entreprise ( qu'avez ouy) et en nomma aucuns , et incontiîient s'en alla.

Sur la fine pointe du jour vint messire Poucet de Rivière, devant ledit Pont-de-Charenton, et monseigneur du Lau (1) d'autre part, devers le Bois-de-Yincennes , jusques à nostre artille-

(1) Antoine de CbAteauDeuf, grand -bouteiller de Praneep sénéchal de Guyenne , grand-cliambellan du roi Losif XI, et son favori.

(î) C'eslrè-dire, baston à feu, arme à feu.

rie, et tuèrent un canonnier. L'alarme fut fort grande, culdant que ce fust ce dont le page avoit adverty la nuit. Tost fut armé monseigneur de Charolois : mais encore plustost Jean duc de Calabre : car à tous alarmes c'estoit le premier homme armé, et de toutes pièces, et son cheval tousjours bardé. Il portoit un habillement que ces conducteurs portent en Italie , et sembloit bien prince et chef de guerre, et tiroit tousjours droit aux barrières de nostre ost, pour garder les gens de saillir; et y avoit d'obéissance autant que monseigneur de Charolois, et luy obéissoit tout l'ost de meilleur cœur : car à la vérité il estoit digne d'être honoré.

En un moment tout l'ost ftit en armes et à pied, au long des chariots par le dedans , sauf quelques deux cens chevaux , qui estoient dehors au guet : ( et excepté ce jour ) je ne connus jamais que l'on eust espérance de combattre : mais cette fois chacun s'y attendoit. Et sur ce bruit arrivèrent les ducs de Berry et de Bretagne, que jamais je ne vis armés que ce jour Le duc de Berry estoit armé de toutes pièces. Us avoient peu de gens : ainsi ils passèrent par le camp, et se mirent un peu au dehors pour trouver messeigneurs de Charolois et de Calabre : et là parloient ensemble. Les chevaucheurs , qui estoient renforcez, allèrent plus près de Paris , et veirent plusieurs chevaucheurs qui venoient pour sçavoir ce bruit en l'ost. Nostre artillerie avoit fort tiré, quand ceux de monseigneur du Lau s'en estoient approchés si près. Le Roy avoit bonne artillerie sur la muraille de Paris, qui tira plusieurs coups jusques à nostre ost, qui est grand'cbose (car il y a deux lieues), mais je croy bien que l'on avoit levé le nez bien haut aux bastons (2). Ce bruit d'artillerie faisoit croire de tous les deux costez quelque grande entreprise. Le temps estoit fort obscur et trouble , et nos chevaucheurs, qui s'estoient approchez de Paris, voyoient plusieurs chevaucheurs, et bien loin outre devant eux voyoient grande quantité de lances debout, ce leur sembloit : et jugeoient que c'estoient toutes les batailles du Roy qui estoient aux champs, et tout le peuple de Paris : et cette imagination leur donnoit rol)scurité du temps.

Us se reculèrent droit derrière ces seigneurs, qui estoient hors de nostre camp, et leur signifièrent ces nouvelles, et les asseurèrent de la bataille. Les chevaucheurs saillis de Paris s'approchoient tousjours : pour ce qu'ils voyoient reculer les nostres, qui encores les faisoit mieux croire. Lors vint le duc de Calabre là où estoit Testendart du comte de Charolois, et la pluspart des gens de bien de sa maison, pour l'accompagner, et sa bannière preste à desployer , et le

guidoD de ses armes, qui estoit Tusance de cette maison : et Jà nous dit à tous ledit duc Jean : « Or ça nous sommes à ce que nous avons tous » désiré : voilà le Boy et tout ce peuple sailly » de la ville, et marchent , comme disent nos » chevauclieurs : et pour ce, que cliacun ait bon - vouloir et cœur. Tout ainsi qq'ils sailiçnt de » Paris nous les aunerons à Taulne de |a yille , » qui est la grande aulne (1). » Ainsi alla réconfortant la compagnie. Nos chcvauclieurs avoient un petit repris de cœur, voyans que les autres chevaucheurs estoient foibles , se raprocbèrent de la ville, et trouvèrent encore ces batailles au lieu où ils les avoient laissées : qui leur donna nouveau pensement. Ils s'en approchèrent le plus qu*lls peurent : mais estant le jour un peu haussé et esclaircy, ils trouvèrent que c'estoient grands chardons. Ils furent Jusques au près des portes, et ne trouvèrent rien dehors : incontinent le mandèrent à ces seigneurs, qui s'en allèrent ouyr messe et disner : et en furent honteux ceux qui avoient dit ces nouvelles : mais le temps les excusa, avec ce que le page avoit dit la nuit de devant.

OOO