SECONDE PARTIE

Le septiesme jour du mois d*avril , l'an 1475, fût publiée à Paris l'alliance d'entre l'Empereur et le Roy, et de l'ordonnance du Roy fut envoyé publier devant le logis de monseigneur du Mayne , duc de.Galabre et l'ambassade de Bretaigne, qui estoit en ladicte ville , et après les carrefours d'icelle ville. Audit mois d'avril, vint par devers le Roy deux ambassades, l'une de Fleurance et l'autre de l'empereur d'Aiemaigne, qui furent moult honorablement receuz et festiez, tant du Roy que des aultres seigneurs d'autour de luy. Audit mois d'avril, le Roy se partit de Paris pour aler à Vernon-sur-Seine , auquel lieu l'attendoient monseigneur l'admirai et les aultres capitaines, pour conclure de la guerre , et ce qui estoit à faire pour la trêve qui fallloit le dernier jour dudit mois d'avril , et puis s'en retourna à Paris, où il arriva le vendredy quatorziesme jour dudit mois. Et le lundy vingt-cinquiesme jour dudit mois d'avril s'en partit le Roy pour aler à Pons-Saincte-Malxanee, pour illec préparer de son armée , et emmena pour le conduire et estre autour de luy avecques les gentils-hommes , sa garde et officiers de son hostel , huit cens (1) lances fournies, et y fut menée et conduicte grant quantité d'artillerie, grosse et menue, entre lesquelles y avoit cinq bombardes, dont les quatre avoient nom , c'est assavoir: l'une Londres, l'autres Brébant, la tierce Bourg-en-Bresse , et la quarte Sainct-Omer. Et

(1) ManascrU : sept cens.

oultre-et par dessus la compalgnie desdits de la garde escossoise et françoise et aultres gentilshommes et officiers de l'ostel , y fut et y ala grande compalgnie des nobles et francs-archiers de France et Normendie, et pour ravitaillement de l'ost y furent envoyez vivres de toutes parts. Et le lundy premier jour de may le Roy se partit de l'abbaye de la Victoire où il estoit , pour aller audit Pons-Saincte-Maixance pour faire ses approuch(*s , et ordonner de la guerre en ce qui estoit affaire sur lés Bourguignons , et fut envoyé devant le Tronquoy et Mondidier. Et le mardy deuxiesme de may, vint et arriva à Paris monseigneur de Lyon qui venoit de devers le Roy, lequel fut estably lieutenant du Roy au conseil de Paris. Et le mercredy troisiesme jour dudit mois, feste de saincte Croix, fut faicte une moult belle procession générale audit lieu de Paris de toutes les églises. En laquelle faisant furent tous les petits enfans de Paris, chascun tenant ung cierge, et fut aie quérir le sainct Innocent et porté à Nostre-Dame. Et en ladicte procession estoient monseigneur de Lyon , monseigneur le chancellier de costé luy, et après aloient monseigneur de Gaucourt , lieutenant du Roy à Paris, les prévost des marchans et eschevins de ladicte ville , les présidens et conseilliers de parlement , chambre des comptes, et aultres officiers d'icelle ville. Et après le populaire aloient en grant et merveilleux nombre, que on estimoit à cent mil personnes et mieux , et fut porté ledit sainct Innocent en ladicte procession par monseigneur le premier président , et par Nanterre, président en ladicte court de parlement, et le président des comptes de Ladriesche, et le prévost des marchans. Et pour conduire et mettre ordre en ladicte procession, y estoient les archiers de la ville et aultres gens ordonnez pour garder de faire bruit et noise en icelle procession. Et le mardy , second jour de may, audit an, le Roy qui avoit envoyé sommer les Bourguignons tenans ledit Tronquoy, furent par iceulx Bourguignons, tuez ceulx qui estoient alez faire ladite sommation. Et pour ceste cause, fit tirer son artillerie contre ledit lieu du Tronquoy, tellement que ledit jour à cinq heures après-midy y fut livré Tassault fort et'aspre, et fut emportée ladicte place d'assault , et furent tuez et pendus tous ceux qui furent trouvez dedens , sauf et réservé ung nommé Mothi de Gaulers, que le roy fist sauver, et si le fist esleu de Paris extraordinaire. Mais avant qu'ils fussent prins firent grant résistence iceulx Bourguignons contre les gens du Roy, et tuèrent audit assault le capitaine de Pontholse, qu'on disoit estre vaillant homme , et aultres gens do

u:s chuomiqUes db j£an de tboies. [N7S]

guerre et francs-archiers , et puis fut ledit lieu abatu et démoly. Et ledit Jour de saincte Croix s'en ala Tarroée du Roy mettre le siège devant Mondidler, pour ce qu'ils furent reffusans d'eulx rendre au Roy. Et le vendredy, cinquiesme jour dudit mois d'avril audit an , fut mise et réduite en la main du Roy ladicte ville de Montdidier, et s'en alèrent ceulx de dedens leurs vies saulves, et laissèrent tous leurs biens , et puis fut toute ladite ville abatuë.

Le samedy ensuivant, sixiesme jour de may, fut pareillement rendue la ville de Roye et s'en alèrent les Bourguignons de dedens, vies et bagues saul ves , et puis fut aussi rendu le chasteau de Moreul pareillement que ceux de Roye. Et en faisant telles exécutions que dit est sur ledit de Bourgongne et son pays par l'armée du Roy qui estoit si noble, telle et si belle compagnie et artillerie , que là où elle eust esté menée y avoit gens assez pour en brief temps prendre et mettre en la main du Roy toutes les villes et places dudit de Bourgongne, tant Flandres, Picardie que aultres lieux, car tout fuyoit devant iceulx. Et pour rompre icelle armée, fut le Roy adverty par aucuns , et mesmement de par monseigneur le connestabie , qtie besoing ïuy estoit de garder sa duchié de Normendie , pour les Anglois que on luy disoit qui y dévoient descendre : et si luy fut dit par mondit seigneur le connestabie, au moins fut mandé ou escript qu'il flst hardiment ledit voyage en Normendie, et qu'il ne se souciast point d'AbbevIlle et Péronne, et que cependant qu'il yroit, les feroit réduire en sa main. Et le Roy, croyant ces choses, s'en ala audit paîs de Normendie, et là mena avecques luy monseigneur l'Admirai et cinq cens lances , avec les nobles et francsarchiers de Normandie, et à ceste cause , se départit Tarmée et s'en ala chascun en son logis. Et puis quant le Roy fut en Normendie, trouva qu'il n'estoit nulles nouvelles desdits Anglois, et ala à Harfleu , Dieppe , Caudebec et autres places. Et cependant ne se fist riens à l'avantage du Roy ; mais au contraire, au moyen de ladite alée en Normendie, firent lesdits Bourguignons de grans maulx aux sujecls et païs du Roy, qui y eurent de grans pertes, et puis s'en vint le Roy à Nostre-Dame-Descouys, en un hostel près d'illec , nommé Gaillart-Bois , lors appartenant à Colon 9 lieutenant de monseigneur l'admirai, où il se tint par aucun temps , durant lequel eut nouvelles de monseigneur le connestabie, de la venue et descendue que faisoicnt lesdits Anglois à Calais. Et aussi que monseigneur de Bourgongne s'estoit levé de devant Nux , dont il disoit qu'il avoit la possession, et fait son appointe-

ment avecques l'empereur. Lequel empereur, avec ledit de Bourgongne s'en venoit faire guerre au Roy, desquelles choses n'estoit rien, et fust trouvé tout le contraire estre vray.

Durant ces choses fut prins ung hérault d'Angleterre nommé Scales , qui avoit plusieurs lettres qu'on escripvoit de par le Roy Edouart à diverses personnes , lesquelles lettres le Roy vist, et dict et certifia au Roy ledit Scales, que les Anglois estoient descendus à Calais, et que ledit roy Edouart y devoit estre le vingt-deuxiesme jour de ce prient mois de Juhig, à tout douze ou treize mil combatans. Et si luy certifia oultre que ledit de Bourgongne avoit fait son accord avec ledict empereur, et estoit retourné à Brucelles , dont de tout il n'estoit rien. Audit lieu Descouys fut aussi le Roy adverty que mondit seigneur le connestabie av«it envoyé à monseigneur de Bourbon son séellé , pour suborner et tant faire , que mondit seigneur de Bourbon , voulsist devenir et estre contre le Roy, et de soy aller avecques ledit duc de Bourgongne, de toutes lesquelles choses le Roy fut moult merveille. Et incontinant par plusieurs et divers messaiges , fut mandé par le Roy mondit seigneur de Bourbon venir à luy, et enfin, l'envoya quérir par monseigneur l'évesque de Mande, par lequel ledit seigneur de Bourbon avoit envoyé au Roy le séellé dudit monseigneur le connestabie, des choses devant dictes.

Audit temps , le roy eut nouvelles de mondit seigneur de Bourbon comment les gentils-hommes de ses pays, francs-archiers et aultres que mondit seigneur avoit envoyez faire guerre pour le Roy à la duchié de Bourgongne , par laquelle guerre le Roy avoit commis mondit seigneur à son lieutenant-général qu'ils avoieut trouvé lesdicts Bourguignons à Guy près de Chasteauchinon , et illec chargèrent sur iceux , lesquels ils desconfirent et y en eut de prins , de mors et qui s'en fiiyrent grant quantité, entre lesquels Bourguignons y fut deffalt deux cens lances de Lombardie, dont la pluspart y moururent , et si y mourut le seigneur de Couches et aultres seigneurs. Et y furent prins le comte Roussi , mareschal de Bourgongne, le sire de Longy, le bailly d'Auxerre (1) , le sire de Lisie, l'enseigne du seigneur de Beauchamp , le fils du comte de Sainct->Martin , messire Louys de Montmartin , messire Jehan de Digoigne , le seigneur de Rugny, le seigneur de Chaligny, les deux fils de monseigneur 4e Vitaulx, dont l'un estoit conte de Joigny, et aultres , et fut ladicte destrousse ainsi faite le mardy vingtiesme jour de juing..

(t) Le manuscrit : d'Auiois.

LrS CBAOiMQUES DE JEAN BE TOOYES. [N7â]

Uô

Audit mois de juiog , nonobstant les lettres ainsi envoyées par mondit seigneur le connestable au Roy , le Roy eut nouvelles de l'Empereur qu'il avoit fait rafrescbir ceulx de ladiete ville de Nue , et d'icelle avoit mis hors tous les navrez et malades^ et les avoit avitaillez pour un an entier , et mis gens tous nouveaulx , et partant mist ledit de Bourgon^e à sa croix de pardieu, et que aveeques ce avoit gaignée grant quantité de son artillerie , sa vaisselle d'argent et aultres bagues. Audit temps de Juing le mardy vingt-septiesme, monseigneur l'admirai et eeulx de sa compaignie qui avoient esté ordonnez de par le Roy à faire le gast «n Picardie et Flandres, et de mettre à feu et à sang tout ce qu'ils trouveroient esdits pays, vint ledit jour mettre ses embusehes près de la ville d'Arras. £t iceiles mises envoya environ quarante lances courir devant ladite ville d'Arras, lesquels d'Arras cuidans desconfire lesdictes lances, firent sur eulx grans saillis qui vindrent asprement courir sus ausdlctes quarante lances , lesquelles se vindrent rendre esdictes embusehes. Et après eulx lesdicts de Arras, tous lesquels lurent enclos par ceulx desdictes embuscij^es, qui sur eulx chargèrent et les mirent en fuite, et en fuyant y en eut de tue^ de quatorze à quinze oens hommes , et y fut tué le cheval du sire de Romont fils de Savoye et frère de la Royne, mais il se sauva. Le gouverneur d'Arras; nommé Jacques de Sainet<Pol , et plusieurs aultres seigneurs et gens de nom y furent prins, que mondit seigneur l'admirai mena devant Icelle ville pour lés sommer de eulx rendre es mains du Roy leur souverain seigneur, ou auitrement qu'il feroit coupper les cols ausdits seigneurs prisonniers. Audit mois de Juing le Roy qui avoit à son prisonnier le prince d'Orenge seigneur de Harlay , et qui estoit a trente mil escus de finance, le délivra et donna sadicte finance , et en ce faisant devint homme lige du Roy , et luy fist hommaige de iadicte principauté d'Orenge. Et partant le Roy le renvoya à ses despens en ses pays, et luy donna et octroya telle prééminence qui se peust nommer par la grâce de Dieu, puissance de faire monnoye d'or et d'argent de bon aloy , aussi bon que la monnoye du Dauphiné , donner aussi toutes grâces , rémissions et pardons, réservé de hérésie et de crime de lèze-majesté. Et si donna le Roy dix mil escus contens au seigneur qui avoit prins ledit prinoe»

Audit mois de juing le Roy envoya ses lettres patentes à Paris, par lesquelles il fist publier que les Anglois estoient descendus à Calais , et que pour y résister il mandoit au prévost

de Paris de contraindre tous les nobles et mm nobles , tenans fief ou arrière-fief, pour estre prests le lundy troisiesme jour de juillet , entre Paris et le bois de Vinciennes, pour d'illec partir et aler où ordonné leur sei-oit , et nmiob*' stant le privilège et pour cette fois seulement. En ensuivant lequel cry, fiirent envoyez par ceulx de Paris plusieurs gens en armes, montez et habillez par devers mondit sei^eur le prévost de Paris au pays de Soixonnois. Au mois de juillet ensuivant le Roy qui séjourna en Normendie par aucun temps, s'en revint à Nostre- Dame-Descouys et à Gaillart-Bols près d'illec, où aussi il séjourna une pièce, et puis s'en partit pour aler à Nostre-Dame-de-la-Victoire, où il fut aussi une autre espace de temps , et puis s'en aia à Beauvais.

Audit mois ledit duc de Bourgongnequi avoit esté devant la ville de Nox par l'espace de douze mois, s'en partit et s'en ala de nuict et honteusement de devant icelle ville sans l'avoir peu conquérir,qui luy vint à moult grant blasme et perte de gens et biens. Et puis s'en revint à ses pays, où il trouva sou frère le roy Ëdoôart d'Angleterre qu'il y avoit fait descendre, pour en continuant son mal et malice de rechief faire • guerre au Roy et à ses pays et subjects.

Audit temps se fist de grandes batteries et destructions de pays et teiTcs dudit duc de Bourgongne , et y eut plusieurs villes , bourgs et villaiges ars et destruits.

Et audit temps fut mandé par le Roy venir a luy monseigneur le duc de Bourbon , qui avant qu'il y vinst eut plusieurs lettres et messaige8,et puis vint pardevers le Roy, luy estant à Nostre- Dame^e^la-Victoire , et arriva en la ville de Paris mondit seigneur de Bourbon au mois d'aoust , à moult belle et honnest compaignie de nobles hommes , et bien fort triomphans , et avoit bien aveeques luy de sa compaignie cinq cens chevaulx. Et s'en paitit ledit duc de Bour^ bon de ladiete ville de Paris pour aler par devers le Roy, le lundy quatorzième jour d'aoust, et fut ung peu d'espace de temps aveeques le Roy, et puis s'en partit de Seuils pour aler è( Cleremont.

Audit mois d'aoust le Roy eut ambassades de par le roy d'Angleterre, qu'il s'estoit venu logei> à Lihons en Sanlers, qui communiquèrent aveeques le Roy d'aucunes matières , après lequel pourparlé le Roy envoya à Paris monseigneur^ le chancelier, messeigneurs les gens des finan» ces et aultres, pour avoir prest d'argent de ceulx de ladiete ville , ausquels fut fait promesse et obligation de leur restituer leur prest dedens le jour de Toussaiucts. Kt fut preste de ladiete

ville soixante et quinze mil escas d'or , qui furent baillez ausdits Anglois au moyen de certain traieté fait avecques eulx. Et si fut envoyé au Roy grant quantité de gens en armes de par ladicte ville , montez et habillez aux gaige^ et despens des officiers et aultres habitans de 1^« dicte ville. .

Audit mois d'aoust, le mardy viugt-neufiesme jour dudit mois, le Roy se partit d'Amiens, et aussi messeigneurs de Bourbon , de Lyon , et autres nobles hommes, capitaines, gens-d'armes et de traict, officiers et aultres gens , en moult grant et merveilleux nombre, que bien on estimoit estre cent mil chevaulx , pour tous aler à Piquigny. Auquel lieu le roy EdoCiart d'Angleterre vint parler au Roy, et en amena avecques luy son avant-garde et arrière-garde , et demoura en bataille près dudit Piquigny. Et dessus le pont dudit Piquigny , le Roy avoit fait dresser deux appentis de bois , Tung devant l'autre , dont Tung estoit fait pour le Roy et l'autre pour le roy d'Angleterre. Et entre lesdits deux appentis y avoit une cloison de bois, dont la moitié par le hault estoit treillissée, tellement que chascun des deux rois pouvoient mettre leur bras par dedens ledit treillis. Et en l'un desdits appentis vint et arriva le Roy tout le premier, et incontinent qu'il y fut arrivé s'en partit ung baron d'Angleterre iliec attendant le venue du Roy, qui ala dire au roy d'Angleterre que le Roy estoit ainsi arrivé : lequel roy d'Angleterre qui estoit en son parc loing d'une bonne lieuë dudit Piquigny, accompaigné de vingt mil Anglois , bien artillez dedens sondit parc, s'en vint incontinent audit lieu de Piquigny, ajidit appentis qui lui estoit appareillé. Et amena seulement avecques luy pour l'attendre au Joignant d'icelluy appentis, vingt des lances desadicte compaignie , qui illec furent et demourèrent dedens l'eauë à costé dudit pont, par tout le temps que le Roy et ledit roy d'Angleterre furent et demourèrent en icelluy appentis. Durant lequel temps vint une moult grande et merveilleuse pluye , qui fist moult de mal et perte aux seigneurs et gentils-hommes du Roy , à cause des belles houssures et nobles habillemens qu'ils avoient préparez pour la venue dudit roy Edouart d'Angleterre. Et lequel roy d'Angleterre quant il vit et apperceut le Roy il se getta à un genoil à terre, et depuis par deux fois se y getta avent que arriver au Roy, lequel le receut bien bénignement , et le fist lever , et parler bien ung quart d'eure ensemble es présences de mesdits seigneurs de Bourbon , de

(I) Dans louteB les autres édltioas on lit: avenues.

Lyon et aultres seigneurs et gens des finances, que le Roy avoit faict Illec venir Jusques au nombre de cent. Et puis après ce qu'ils eurent parlé ensemble en général , le Roy fist tout reçu lier , et parlèrent à privé ensemble , où aussi ils ftirent et demourèrent une espace de temps^

Et au département fut publié que l'appolnctement estoit fait entre eulx tel qu'il s'ensuit: c'est assavoir, que trêves estoient accordées entre eulx pour le temps de sept ans, qui com^ mencèrent ledit vingt-neufiesme jour d'aoust, l'an 1475, et finiroient à pareil et semblable jour qui seroît 1482. Laquelle trêve seroit marchande , et pourroient aler et venir lesdits Anglois par tout le royaulme armez et non armez, pourveu qu'ils ne seroient en »rmes en une compaignie plus que de cent hommes. Et fut publiée ladicte trêve à Paris, Amiens (1), et aultres lieux du royaulme de France. Et puis fut baillé audit roy d'Angleterre soixante-quinze mil escus d'or , et si fist le Roy d'aultres dons particuliers à aucuns seigneurs d'autour dudit Edouart, et aux héraulx et trompettes de ladicte compaignie, qui en firent grant feste et bruit , en criant à haulte vois , largesse au très-noble et puissant roy de France , largesse^ largesse.

Et si promist encores audit roy Edouart luy payer et donner par chascunes desdites sept années cinquante mil escus. Et si festoya bien fort le duc de Clairance frère dudit roy d'Angleterre, et luy donna de beaulx dons. Et puis le roy Edouart retira tous ses Anglois qu'il avoit, tant de son ost que aultres qu'il avoit envoyez à Abbeville, Péronne et ailleurs , et fist trousser et baguer (2) tout son bagage , et s'en retourna à Calais pour passer la mer et s'en aler en son royaulme d'Angleterre. Et le convoya jusques audit lieu de Calais maistre Jehan Hesberges évesque d'Evreux,-et si laissa ledit Edouart au Roy deux barons d'Angleterre, l'un nommé le seigneur de Havart, et l'autre le grant escuyer d'Angleterre, jusques à ce que le Roy eust en aucune chose que ledit Edouart luy devolt envoyer du royaulme d'Angleterre , et lesquels seigneur de Havart et grant escuyer estoient fort amis et en la grâce dudit Edouart, et qui a f oient esté moyen de faire ladicte paix, trêves, et autres traitiez entre iceulx Rois. Et furent iceulx Havart et grant escuyer fort festiez à Paris, et puis le Roy, mesdits seigneurs de Bourbon, de Lyon et aultres seigneurs qui estoient à Amiens, s'en retournèrent à Senlis, où ils furent une espace de temps.

Et ordonna le Roy gens de sa maison pour mener et conduire lesdits de Havart et escuyer

' (2) Emballer.

LES CHfiONIQUES DE JEAN DE TROYES. [l475]

parmy la vil|e de Paris et aaltres lieux , et entre aaltres y ordonna et en bailla la charge à sire Dems Hesselin^ son maistre d*hostel et esien de Paris , qnl en flst bien son debvoir , a Tonneur et louange du Roy, et demeurèrent en ladicte \iile par l'espace de huict jours entiers , où ils lurent bien fort festiez et menez jouer au bois de Yinciennes et ailleurs. Et entre aultres choses furent bien fort festiez aux Tournelles, en Tostel du Roy, et pour, ce faire leur fut envoyé pour les honnestement entretenir , plusieurs dames , damoiselles et bourgoises, et puis s*en retournèrent lesdits de Havart et escuyer par deters le Roy, qui lors estoit à la Victoire près Senlis, Et audit mois de septembre le Roy, qui estoit audit lieu de la Victoire , s'en ala vers le pais de Soîxonnois et à Nostre-Dame-de4.ièce. Et en ce voyage print et réduisit en ses mains la ville de Sainct-Quentin que monseigneur le connestable avoit prinse et usurpée sur luy , et bouté hors ceulx à qui le Roy en avoit baillé la charge , ainsi que dit est devant. Et auparavant ledict connestable s'en estoit aie, et avoit habandonné ses villes et places pour aller avec et en Tobéys* sance dudit de Bourgongne. Et qui pis estoit avoit escrit et mandé au roy Edouart d'Angleterre après le traicté par luy fait ayecques le Roy, et qu'il estoit retourné à Calais pour passer la mer, et retourner en Angleterre, qu'il estoit ung lasche deshonnouré et povre Roy d'avoir fait ledict traictié avecques le Roy soubs umbre des promesses que le Roy luy avoit faictes, dont H ne luy tiendrolt rien, et qu'en fin s'en trouveroit deceu. Lesquelles lettres ainsi audit roy Edouart escriptes par ledit connestable, il envoya dudit lieu de Calais au Roy, lequel apperceut que ledict connestable n'estolt point féal comme estre devoit. Et puis Ait doniié congié par le Roy auxdits de Havart et grant escuyer d'eux en retourner audit royaulme d'Angleterre, et leyr fut donné de bcaulx d<nis, tant en or qu'en vaisseUe d'or et d'argent, et si flst le Roy publier à Paris qu'on leur laissast prendre des vins au pays de France, tant que bon leur sembleroit pour mener en Angleterre, en les payant.

Audit mois d'octobre, le Roy qui estoit aie à Verdun et aultres places environ la duché de Lorraine , retoqrna à Senlis et à la Victoire. Et y vindreut les ambassadeurs de Bretaigne qui firent la paix eiitre le Roy et ledit duc de Bretaigne, qui renonça à toutes alliances et séelez qu'il avoit fait et baillé contre le Roy. Et pareillement ledit monseigneur de Bourgongne print et accepta trêves marchandes avecques le Roy, pareillement que la trêve des Anglois.

Et le lundy, seiziesme jour dudit mois d'oc^ tabre audit an 1475, fut publiée solempnellement au son de deux trompettes , et par les carrefours de ladicte ville de Paris ladicte trêve marchande d'entre le Roy et mondit seigneur de Bourgongne, pour le temps et terme de neuf ans, commençans le quatorziesme jour de septembre audit an , et flnissans à semblable jour l'an 1484. Par laquelle toute marchandise devoit avoir cours par tout le royaulme de France, et ce temps durant chascun povoit retourner en ses possessions immeubles.

Et puis le Roy s'en retourna à Sainct-Denis , et puis à Savigny près de Montlehéry,'et de là au bois de Malesherl>es , et en après à Orléans, à Tours et à Amboise. Et le lundy vingtiesme jour de novembre audit an 1475, fut mené escarteller aux lialles de Paris par arrest de la court de parlement , un gentil-homme natif dé Poictou, nommé Regnault de Veloux, serviteur et fort familier de monseigneur du Maine, pour occasion de ce que ledit Regnault avoit fait plusieurs voyages par dev^s divers seigneurs de ce royaulme, et conseillé de faire plusieurs traie» tiez, et porté plusieurs séellez contre et au préjudice du Roy, dudit royaulme et de la chose publioque. Et fût ledit Regnault , par l'ordonnance de ladicte court, fort secouru pour le fait de son asme et conscience ; car il luy fut baillé le curé de la Magdeleine, pénancier de Paris , et moult notable clerc , docteur en théologie , et deux grans clercs de l'ordre des Cordeliers , et furent pendus ses membres aux quatre portes de Paris , et le corps d'icelluy au gibet de Paris.

Et pour ce que par le Roy nostre sire d'une part et ses ambassadeurs pour luy, et les ambassadeurs de monseigneur de Bourgongne, au mois d'octobre qui estoit passé dernier, en faisant par eulx la trêve de neuf ans entre eulx deux, dont est faicte mention devant, avoit esté promis dejpàv ledit duc de Bourgongne de mettre et livrer es mains de gens et ambassadeurs du Roy ledit connestable de France, nommé messire Loys de Luxeml)ourg. Fut par ledit duc de Bourgogne baillé et livré ledit connestable es mains de monseigneur l'admirai bastard de Bourbon , de monseigneur de Sainct- Pierre, de monseigneur du Bouchaige, de maistre Guillaume de Cerisay, et aultres plusieurs. Et par tous les dessus nommez en fut mené prisonnier en la ville de Paris , et mené par dehors les murs d'icelle du costé des diamps, à l'entrée de la bastille Sainct-Anthoine. Laquelle entrée ne fut point trouvée ouverte, et pource fut ordonné et amené ledit monseigneur

LES CIlaOMQUES OE iBAN DE t RO^ ES. [ll7S]

le connestable passer parmy ia porte Salnet- Anthoine au dedans de ladicte ville ^ et mis en ladicte Bastille. £t estoit ledit monseigneur le connestable vestu et habillé d'une cappe de camelot doublée de veloux noir , dedans laquelle il estoit fort embrunché (1) , et estoit monté sur nng petit cheval à courts crains et en ses mains avoit unes moufles fort velues.

Et audit estât, après ce quUl fut descendu audit lieu de la Bastille, trouva illec monseigneur le chancellier , le premier président , et les aultres présidens en la court de parlement , et plusieurs conseillers d'icelle court Et aussi y estoit sire Denis de Hesselin , maistre d*ostel du Roy nostre sire , qui tous illec le receurent , et après s'en départirent et le laissèrent en la garde de Phelippe Lulllier, capitaine dudit lieu de la Bastille. Et auquel lieu de la Bastille ledict monseigneur Tadmiral, présent mondit seigneur le connestable , ausdits chancellier , présidens et aultres dessus nommez, proféra et dist telles ou semblables paroles , en efTect et substance : n Messeigneurs qui cy estes tous présens, veez « cy monseigneur de Sainct-Pol , lequel le Roy « m'avoit chargé d'aler quérir par devers mon- « seigneur le duc de Bourgongne, qui luy avoit » promis le luy faire bailler, en faisant avecques » le Roy son dernier appointement de ia trêve » entre euix. En fournissant à laquelle promesse » le me a faict bailler et délivrer pour et au » nom du Roy. Et depuis Tay bien gardé jus- » ques à présent que je le mets et baille en vos » mains, pour luy faire son procez le plus dlli- • gemment que faire le pourrez , car ainsi m'a « chargé le Roy de le vous dire. » Et à tant s'en partit ledit monseigneur l'admirai dudit lieu de la Bastille. Et après que ledit connestable eut ainsi esté laissé es mains des dessus nommez , monseigneur le chancellier, premir et second présidens de parlement , et aultres notables et saiges personnes, en bien grant nombre, à faire ledit procez , vacquèrent et entendirent à bien grant diligence et solicitude à faire ledit procez, et en faisant iceliuy interroguèreut ledit seigneur de Sainc^Pol sur les charges et crimes à luy mis sus et imposez, ausquels interrogatoires il respondit de bouche sur aucuns points , lesquels interrogatoires et confessions furent mis au net et envoyez devers le Roy.

Et le lundy, quatriesme jour de décembre audit an 1475, advint que ung hérault du Roy, nommé Montjoye, natif du pays de Picardie , et qui faisoit la pluspart de sa résidence avecques ledit seigneur de Sainct-Pol , luy estant connes-

(J) Signifie également embarrassé, h coufert.

table , vint et arriva luy et ung sien (Ils en la ville de Paris , par devers mnistrc Jehan de Ladriesche , président des comptes et trésorier de France , natif du pays de Brebant , pour lui apporter lettres de par le comte de Merle , sa femme et enfans, affîn de secourir et aider par luy en ce que possible luy seroit audit connestable , père dudit conte de Merle : lesquelles lettres ledit maistre Jehan de Ladriesche ne voulut pas recevoir d'icelluy hérault, sinon en la présence de mondit seigneur le chancellier , et des gens du conseil du Roy. Et h ceste cause ledit maistre Jehan de Ladriesche mena et conduisit ledit hérault jusques au l(^s dudit monseigneur le chancellier , affln que par luy lesdites lettres feussent vues et ce que dedens y estoit contenu; mais pource que ledit Jehan de Ladriesche demeura longuement au conseil avecques iceliuy monseigneur le chancellier et aultres 9 ledit Montjoye et sondit fils s'en retournèrent en leur logis , et illec montèrent incontinent à cheval et s'en alèrent au giste au Bourgel. Combien que à leur partement ils dirent à leur hoste que se aucun les demandoit , qu'il dist qu'ils s'en estoient alez au giste au Bourg-la-Royne. Et quand ledit de Ladriesche cuida trouver ledit hérault pour avoir lesdictes lettres , ne le trouva point , pourquoy fut hastlvement envoyé après ledit hérault jusqnes au Bourg-la-Royne oè il ne fàt point trouvé ; mais ftit trouvé par deux archiers de la ville de Paris audit lieu du Bourgel , et par eulx ramené le dimenche tiers jour de décembre audit an , lequel fut mené et conduit jusques en l'ostel d'icelle ville , et illec devant les gens et conseil à ce ordonnez, fut ledit Montjoye et sondit fils, chascun à part interrogué , et fuirent leurs dépositions rédigées et mises par escrit par le sire Denis Hesselin. Et après ce furent lesdits Montjoye et sondit fils mis et laissez en la garde de Denis Baudart , archier de ladite ville et en son hostel, auquel lieu 11 fut et demoura par l'espace de vingt-cinq jours, et illec bien et diligemment gardé avec sondit fils par trois des archiers de ladicte ville.

Audit temps au commencement du noois de décembre , fiit amené le conte de Roussi (2) , qui prisonnier estoit dedens la grosse tour de Bourges, jusques au Plessis-du-Parc, autrement dit les Montils-lez-Tours, ou le Roy estoit. Et illec ftit parlé à luy , et luy fist plusieurs grans remonstrances des grandes folies esquelles par long-temps il s'estoit entremis , et comment il avoit du Roy mal parlé, durant ce qu'il avoit esté

(2) Antoine de LaxemlMHirg, flis da connétable.

LES CnnONIQlIbS DE JKAN DB TBOYES. [N7;i]

et soy porté son^nnemy^ et fait plusieurs grans et énormes roaulx à ses villes, pays et subgé^ts, comme maresehal de Bonrgongne pour le duc. Et comment villainement et honteusement il avoit esté prins prisonnier par les gens du Roy, qui pour luy estoient en armes audit pays de Bourgongne soubs la charge de monseigneur le duc de Bourbonnois.

Et par ledict de Roussi baillée sa foy au seigneur de Combronde , et comment il avoit ac« cepté de mondit seigneur le duc vingt-deux mil escus d'or. Et luy fist le Roy de grans paours et effrois, dont ledit seigneur de Roussi cnida avoir froide joye de sa peau (1), mais en conclusion le Roy le mist à quarante mil escus de rançon, et luy fût par luy donné terme de les trouver et rapporter devers le Roy dedans deux mois après ensuivans, pour tous termes et délais, et que aultrement et où il y auroit faulte dedens ledit terme, qu'il feust asseuré qu'il mourroit. Et depuis ces choses fut procédé par toute diligence à faire le procez dudit connestable , par roesdits seigneurs le chancelier, présidons et conseillers, clercs et lais de la cour de parlement , desdicts de Sainct-Pierre Hesselin et aultres , à ce faire ordonnez et appeliez. Lequel procez veu fàtpar eux condud, tellement que lemardy dix-neuflesmejourde décembre audit an 1475, fàt ordonné que ledit connestable seroit mis et tiré hors de sa prison et amené en la cour de parlement, pour luy dire et déclarer le dictum donné et conclud alencontre de lui , par icelle cour de parlement, et fut à luy ledit jour de mardy en la chambre et logis d'icelay connestable en ladite bastille Sainct^Anthoiue , où il estoit prisonnier, ledict monseigneur de Sainct- Plerre qui de luy avoit la garde et charge , lequel en entrant en la chambre luy fût par luy dict: Monseigneur^ qiiefaicteS'VouSy dormez^ vous? Lequel connestable lui respondit : Nenny, long-temps a que ne dormy^ mais suis icy oit me voyez pensant et fantasiant. Auquel ledit de Sainct-Pierre dist qu'il estoit nécessité qu'il se levast pour venir en ladicte cour de parlement , pardevant les seigneurs d'icelle court, pour luy dire par eulx aucunes choses qu'ils luy avoient à dire touchant son faict et expédition^ oe que bonnement ne pouvoit mieulx foire que en ladicte court; en luy disant aussi par ledict de Sainct-Pierre qui! avoit esté ordonné que avecques luy et pour l'accompaigner y seroit et viendroit monseigneur Robert Destouteville ,

(1) Eipression proTerblale, craindre pour sa peau.

(2) Du lattD «o/uftff, lui fut signlOé comme cliose résolue.

chevalier prévost de Paris , dont de ce ledict connestable fût ung peu espouventé, pour deux causes que lors il déclaira.

La première, pource qu'il cuidoit que on le vousist mettre hors de la possession dudit Phelippe Luiilier, capitaine d'icelle bastille , avecques lequel il s'estoit bien trouvé, et Tavoit fort agréable, pour le mettre es mains dudict Destouteville qu'il réputoit estre son ennemy , et que s'il y estoit, doutoit qu'il luy fist desplaisir, et aussi qu'il craignoit le populaire de Paris, et de passerparmy eulx. A toutes lesquelles doubtes ainsi faictes par le dict connestable luy fut solu (9) et dit par ledict seigneur de Sainct-Pierre que ce n'estoit point pour luy changer son logeis, et qn*il le mèneroit seurement audit lieu du Palaiz sans luy faire aucun mal, et à tant s'en partit dudict lieu de la Bastille, monta à cheval et ala Jusques audict palais, tousjours au milieu desdicts Destouteville et de Sainct-Pierre , qui le firent descendre aux degrez de devant la porte aux Merciers d'icelle court de parlement. Et en montant esdicts degrez trouva illec le seigneur de Gaucourt et Hesselin, qui te saluèrent et luy firent le bien venant, et icelluy connestable leur rendit leur salut. Et puis après qu'il fût monté le menèrent jusques en la tour criminelle dudit parlement, où il trouva monseigneur le chancelier, qui à luy s'adressa , en luy disant telles paroles : « Monseigneur de » Sainct-Pol , vous avez esté par cy-devant et » Jusques à présent tenu et réputé le plus saige » et le plus constant chevalier de ce royaume , » et puis doncques que tel avez esté Jusques^ à » maintenant, il est encores mieux requis que » jamais que ayez meilleure constance queonc- » ques vous n'eustes. » Et puis luy dist : « Mon- » seigneur, il faut que estiez d'autour de vostre » col l'ordre du Roy que y .avez mise. » A quoy respondit ledit de Sainct-Pol, que voolentiers il le feroit. Et de fait mist la main pour la cuider ester, mais elle tenoit par derrière à une espin-, gle. Et pria audit de Sainct-Pierre qu'il luy aidast à l'avoir, ce qu'il fist. Et icelle baisa et bailla audit monseigneur le chancelier, et puis luy demanda ledit monseigneur le chancelier où estoit son espée que baillée luy avoit esté en le faisant connestable. Lequel respondit qu'il ne Tavoit point, et que quant il fut mis en arrest que tout luy fut osté, et qu'il n'avoit riens avecquesluybultrement qu'ainsi qu'il estoit quant il fut amené prisonnier en ladicte Bastille , dont par mondit seigneur le chancelier fût tenu pour excusé. Et à tant se départit mondit seigneur le chancellier, et tout incontinent après y vint et arriva malslre Jehan de Poupaincourt président

en ladite coart, qui luy dist aaltres parolles telles que s'ensuivent : « Monseigneur , vous sçavez » que par Tordonnance du Roy vous avez esté » constitué prisonnier en la bastille Sainct-An- « thoine, pour raison de plusieurs cas et crimes » à vous mis sus et imposez, Ausquelles charges » avez respondu et esté ouy en tout ce que vous » avez voulu dire, et sur tout avez baillé vosex- » cusations, et tout veu à bien grant et meure » délibération, je vous dis et déclaire , et par » arrest d'icelle court, que vous avez esté crimi- » neux de crime de lèze-roajesté , et comme tel » estes condemné par icelle court à souffrir mort • dedans le jourd'huy, c'est à scavoir, que vous » serez décapité devant Tostel de cette ville de » Paris, et toutes vos seigneuries, revenues , et » aultres héritages et biens déclarez acquis et ' « confisquez au Boy nostre sire. » Duquel dictnm et sentence il se trouva fort perpleux , et non sans cause, car il ne cuidoit point que le Roy ne sa justice le deussent faire mourir. Et dist alors et respondit : « Ha, ha! Dieu soit loué, *» véez cy bien dure sentence , je luy supplie et » requier qu'il me doint grâce de bien le recong- » noistre aujourd'hui. » Et si distoultre à monseigneur de Sainct-Pierre : « Ha , bal monsei- » gneur de Sainct-Pierre, ce n'est pas cy ce que » ,m*avez tousjours dict, et à tant se retrahit. » Et lors ledit monseigneur de Sainct-Pol fut mis et baillé es mains de quatre notables docteurs en théologie, dont l'un estoit cordelier nommé maistre Jehan de Sordun, l'autre Augustin , le tiers pénancier de Paris , et le quart estoit nommé maistre Jehan Hué, curé dt Sainct-Andrydes-Ars, doyen de la faculté de théologie audlct lieu dePariSy ausquels et àmQndict seigneur le chancelier, il requist qu'on luy baillast le corps de nostre Seigneur, ce qui ne luy fut point accordé, mais luy fut fait chanter une messe devant luy, dont il se contenta assez.

Et icelle dicte luy fut baillé de l'eauë béniste et du pain bénoist dont il menga, mais il nebust point lors ne depuis , et ce faict demoura avec iesdiets confesseurs jusques à entre une et deux heures après midy dudîct jour qu'il descendit dudict palais et remonta à cbeval pour aler en l'hostel de ladite ville , où estoient faicts plusieurs esehaffaulx pour son exécution. Et avecques luy y estoient le greffier de ladicte cour, et huissiers d'icelle. Et audlct hostel de la ville descendit et fut mené au bureau dudict lieu , contre lequel y avoit un grant eschaffault drécié, et au joignant d'icelluy on venolt par une alée 4e bois à ung aultre petit eschaffault , là où il fut exécuté. Et en icelluy bureau fut illec avec ^esdicts confesseurs faisans de grans et piteux

LES CHRO.NIQt'ES DÉ JEAN DE TBOVF.S. [U75]

regrets, et y fist ung testament tel quel, et soubs le bon plaisir du Roy, que ledict sire Denis Hesselin escripvit soubs luy. En faisant lesquelles choses il demoura audit bureau jusques à trois heures dudict jour , qu'il yssist hors d'icelluy bureau, et s'en vint getter au bout du petit eschaffault et mettre la face et les deux genouils fléchis devant l'église Nostre-Dame de Paris , pour y faire son oraison , laquelle il tint assez longue en douleureux pleur et grant contrition , et tousjours la croix devant ses yeux , que luy tenoit ledit maistre Jehan Sordun, laquelle souvent il baisoit en bien grant révérence, et moult piteusement plourant.

Et après sadite oraison ainsi faicte , et qu'il se fust levé de bout, vint à luy ung nommé Petit Jehan, fils de Henry Cousin, lors maistre exécuteur de la haute justice, qui apporta une moyenne corde dont il lia les mains dudict de Saiuct-Pol, ce qu'il souffrit bien bénîgnement. Et en après le mena ledit Petit Jehan , et fist noonter d^us ledit petit eschaffault , dessus lequel il se arresta et tourna le visaige par devers iesdits chancellier, de Gaucourt prévost de Paris, seigneur de Sainct-Pierre , greffier civil de ladicte court, dudit sire Denis He^selin, et aultres ofHciers du Roy nostre sire, estans illec en bien grant nombre , en leur criant mercy pour le Roy, et leur requérant qu'ils eussent son ame pour recommandée. Non pas comme il leur dist qu'il n'entendoit pas qu'il leur coustast riens du leur. Et aussi se retourna au peuple estant du eosté du Sainct-Esprlt , en leur suppliant aussi de prier pour son ame , et puis s'en ala mettre à deux genoulx dessus un petit carreau de laine aux armes de ladite ville, qu'il mist à point et remua de l'ung de ses pieds, où il Ait illec diligemment bandé par les yeulx par ledit Petit Jehan, tousjours parlant à Dieu et à sesdits confesseurs, et souvent baisant ladicte croix* Et incontinent ledit Petit Jehan saisit son espée que sondit père luy bailla, dont il fist voiler la teste de dessus les espaules, si tost et si transivement que son corps chey t à terre aussi tost que la teste, laquelle teste incontinent après fut prise par les cheveulx par icelluy Petit Jehan, et mise laver en ung seau d'eau estant près d*illec, et puis mise sur les appuyés dudit petit es* chaffoult et monstre aux regardans ladite exécution, qui estoient bien deux cens mil personnes et mieulx.

Et après ladicte exécution ainsi faicte, ledit corps mort fut despouillë et mis avec ladite teste, tout ensevely dedans ung beau drap de lin , et puis bouté dedens ung cercueil de bois , que ledit sire Denis Hesselin avoit fait faire. Et lequel

LES GtinO NIQUES DE JEAN DE TROYES

corps ainsi ensepvely que dit est , fut venu quérir par Tordre des Cordeliers de Paris , et sur leurs espnules Temportèreut inhumer en leur église. Et ausquels Cordeliers ledit flesselin fist bailler quarante torches ix)ur faire le convoy dudit corps, après lequel il fut et le convoya jusques audit lieu des Cordeliers, et le lendemain y fist aussi faire ung beau service en ladicte église, et aussi en fut fait service à Saiuct-Jehau en Grève, là où aussi la fosse avoit esté faite , ciddant que on luy deiist enterrer, et y eust esté rois se n'eust esté que ledit Sordun dist à iceluy de Sainct-Pol , (|ne en leurdicte église y avoit enterrée une eontesse de Sainct-Pol , et qu'il devoit mieux vouloir y estre enterré que en nulle aultre part , dont icelluy de Sainct-Pol fut bien content, et pria à ses Juges que sondit corps feust porté ausdicts Cordeliers.

Et est vray que après ladicte sentence ainsi déclairée appert audict deffunct de Sainct-Pol , que dit est, fut tout son procez bien au long déclairé au grand parc de ladicte court, et à huis ou vers. A u<|uel procès fut dict et déclairé de moult merveilleux et énorniescas et crismes avoir esté faits et i)erpétrez par ledict de Sainct-Pol , et en iceulx maux soy estre entretenu , continué et maintenu par long-temps, et par diverses fois. Et entre aultres choses fut dict et récité comment lesdicts de Bourgongne et de Sainct-Pol avoLcnt envoyé de la partie dlcelluy de Bourgongnc, messire Pbelippe Bouton et messire Phelippe Pot , chevaliers , et de la partie dudict connestable Hector de TEscluse par devers mon- ^ seigneur le duc de Bourbon , afOn de esmonvoir roondit seigneur de Bourbon de soy eslever et estre eontre le Roy, et soy départir de sa bonne loyauté,ausquelsfutdit pour ledit seigneur par la bouche du seigneur de Fleurac son chambellan, qu*ils s*abusoientet que ledict seigYienr airoeroit mieulx mourir que d'estre contre le Boy, et n'en eurent plus pour ceste fois. Et que depuis ce le« dict de l'Escluse y retourna de rechlef , qui dist audict monseigneur de Bourbon que ledict connestable luy mandoit par luy , que les Anglois descendroient en France , et que sans difficulté à Taide dudict connestable ils auroient et emporteroient tout le royaulme de France. Et que pour eschever sa perdition et de ses villes et pays, ledit seigneur de Bourbon voulsist estre et soy alier avec ledit de Bourgongne , et luy dist en ce faisant que luy en viendroit graut prouffit. Et où il ne le vouidroit faire que bien luy en eonvenist , et que s'il luy en prenoit mal , qu'il ne seroit pas à plaindre. Lequel mondit seigneur de Bourboa dist et respondit audit de FEscluse qu'il n'en feroit riens , et qu'il airoeroit mieulx