MÉMOIRES DB GUILLAUME DE VILLBNEUTE. [149S

et grande pour bien y employer papier et encre, que pleust à Dieu mon créateur qu'il m'eust donné la science de bien le sçavoir faire comme le cas le requiert : car encore prendroye voulentiers la patience une autre année en cette misérable prison , pour faire une si très-haulte euvre et digne de mémoire, comme ceste-cy est de .ung si très-vertueux , très-victorieux et si trèsbien aimé, et si très-loyalemeiit servy, et par tout le monde redoubté , roy Cbarles VIII de ce nom de France; de Sécllle et de Jérusalem, mon très-redoubté et souverain seigneur et bon maistre.

S'ensuit la prinse de la ville de Naples faite par le roy Ferrant ^ à cause de la rebellatUm et grant déloyauté de la commune de ladite ville. Et aussi s'ensuit plusieurs autres actes , tant prinses de villes , de rendi- Hons de chasteaux et plusieurs rencontres et autres rotures (t)ygui ont esté faites oudit réaume en cellui temps, comme plus à plain verrez en ce petit livret.

L'an de grâce 1495, et le septiesme du mois de juillet, se rebella la ville et cité de Naples à rencontre du roy de France , de Sécille et de Jérusalem , leur souverain seigneur, Charles VIII de ce nom : et levèrent la banière du roy Ferrant sus , et cedit jour ledit roy Ferrant entra dedans ladite ville de Naples , environ dix heures au matin , par la porte de la Magdelaine, là où ledit roy Ferrant descendit de ses galjées ; et tous les François qu'ils rencontrèrent dedans ladite ville furent mis à mort.

Le prince de Sallernc (2), luy estant en sa maison , ouyt ce bruit, et le grant cry, qui estoit dedans la ville , du peuple , qui estoit aussi esmeu, soudainement se retira au Ghasteau- Naïf , et plusieurs autres seigneurs et contes du pays , le séneschal de Beaucaire estoit au cbasteau de Gapoannes, pareillement oyant l'alarme et horrible bruyt, qui estoit dedans ladite -ville , à toute diligence mit poine de gaigner le Chasteau-Neuf , moyennant l'aide de ses bons amys; et par ce moyen se sauva, le seigneur d'Alégre , le seigneur de La Marche, le cappitaine missire Gratian de Guerres , le seigneur de Jelianly, le seigneur de La Chappelle , le seigneur de Rocquebertin et plusieurs autres gens de bien', feirent grant effort tant à cheval i que à pié à rebouter les enneroys; mais le nom-

Ci) Défaites.

{tj Antoine de SanseTerin.

bre et fureur du peuple Ait si très-grant , qu'ils ne peurent résister à rencontre , et leur fut force de eulx retirer dedans le Ghasteau-Neuf , quant ils virent qu'ils ne povoient autre chose faire.

Et là trouvèrent oudit chasteau Guillebert, monseigneur de Bourbon, seigneur de Monpensier, conte dauiphin d'Auvergne, archiduc de Gesse, viceroy et lieutenant pour le roy de France, de Sécile et de Jérusalem , au réaume de Naples , et dedans ledit Ghasteau-Neuf furent assiégez par ledist roy Ferrant et plusieurs autres gens de bien en leur compaignie. Mais ils n'en tindrent pas grand conte , tant qu'ils eurent de quoy manger. Gar tous les jours sailloient à puissance dudist chasteau à l'escarmouche , et aussi de l'église Sainte-Groix et du chasteau de Pisfaucon (3) : car il y avoit grant nombre de gens partout; et là faisoient tous les jours de moult belles saillies , et principalement sur le mQle du port ; et y fut tué grand nombre des ennemys , et des François le seigneur de Beauveau , et le sieur des Ghamps, gentil-homme de la maison du Boy, le maistre d'ostel Huvart , qui fut très-grand dommaige , car ils estoyent vaillans et bardis de leurs personnes : et aussi y fut tué Petit Jehan, le tambourin du Boy, homme d'armes qui homme de bien estoit.

Un bien peu de temps après se retourna une partie des villes et chasteau de Poueille , et se rendirent au prince de Haultemcnre, qui sans cesser alloit et venoit au long de la marine avec trois gallées qu'il avoit ordinairement.

Deux jours après que ladiste ville de Naples Ait rebellée et rendue au roy Ferrant-, la ville et cité de Trane se retourna soudainement , et levèrent la banière du roy Ferrant sus, criant tous ensemble Ferre , Ferre, Gedist jour voulurent prendre messire Guillaume de Yilleueufve, chevalier , conseiller , maistre d'ostel du roy de France, et de Sécille et de Jérusalem, qui pour lors estoit gouverneur de ladiste ville de Trane, et cappitaine dudit chasteau; mais ledit Villeneufve estoit bien accompaigné. Et aussi messire Bamabo de la Mare estoit avecques lui , accompagné de vingt-cinq Estradios (4) ; et tous deux ensemble se retirèrent sans rien prendre, au chasteau. Ges choses voyant ledit messire Barnabo, commencea à dire audist de Villeneufve : « Il faut que je vous laisse et que je >» m'en voise à Berlette, car je me doubte que 0 ladiste ville de Berlette ne soit rebellée » comme les autres. » Laquelle chose estoit

(3) Piizifalcone.

(4) Milice aU>anaisc.

MBMOIfiBS l>B GUILLACJMB OB VILLBNBUVB. [U95J

vraye, et sur ce point s'en alla ledist messire Baraabo avecques les Estradios.

Ledist de Villeneufve demoura dedans le chasteau de Trane, et tout incontinent feist lever les pons dudist chasteau et charger TartUlerie , car il y en avoit de bonne. Et ce soir de nny t luy fut mis le si^e , et commancèrent à faire leurs approches et trenchées; et tindrent le siège Tespaee d'ung mois. Durant ledit siège ledit de Villeneufve feist trois saillies, Tune sur les gens de Ja ville de Berlette , qui amenoient des vivres à la ville de Trane, et y print gens et vivres , et les mena au chasteau , qui grand secours luy fut ; Tautre saillie fut sur les gens de la ville ) là où il y eust deux prins des enneroys ; et Tautre sur un Estradiot qui venoit de Berlette porter des nouvelles à la ville, lequel paj^eillement fut prins^ Et durant ledit siège, fut ladite place fort batuê de artillerie , et environnée d'une grant tranchée qui prenoit d'un des eostez jusques à l'autre ^ tellement que ladite place ftit environnée de fossez en telle façon qu'on n'y povoit plus sortir dehors que par la mer, laquelle estoit aussi bien gardée que la terre.

Ung peu detempsaprèsque la rébellion futfaite. Tannée des Vénissiens vint devant le chasteau de Trane, incontinent qu'ils eurent prins et mis à sac la ville de Manople (l) , et là sommèrent et requirent ledit messire Guillaume de Villeneufve, cappitaine du chasteau et gouverneur de ladite ville de Trane, qu'il voulsist rendre le chasteau à la seigneurie de Venise , et que on luy donneroit dix mille ducas , et le mener, lui et ses gens et bagues sauves , Jusques au port de Marseille; ou autrement qu'ils luy feroyent pis qu'ils n'avoient fait à la ville de Manople, laquelle ils avoient prinse d'assault^ pillée et mise à sac. Et estoit dedans la ville pour le roy de France le cappitaine Prudence.

Ausquels Vénissiens ledit de Villeneufve respondiflt quil avoit le chasteau en garde du roy de France , de Sécille et de Jérusalem , son souverain seigneur, et qu'ils n'y avoyent que veoir et que demander, et qu'ils s*en allassent : car il aymeroit mieux mourir que de le rendre Jamais sans le commandement de son Roy et souverain seigneur. Et aussi qu'il ne leur appartenoit en riens. Et à tant s'en allèrent lesdits Vénissiens fdrt mal contens, et se retirèrent au port de Menople , qui tenoit pour eulx , car les villes et chasteaux qu'ils, povoient prandre , ils les gardoient pour la seigneurie de Venise et roetloient sous la bannière de Saint-Marc^

(i) MoDopoli.