MÉMOIAES DE GUILLAUME DE VILLENEUVE

S*ensuivent les chapitres et appointemens y c*est à sçavoir:

• Que monseigneur de Monpensier bailleroit pour oustage le seigneur de Pressy, grant sénescbal du réaume , et le bailly de Vitry pour la partie des Françoys; et pour la partie des Italiens, le seigneur Paule de Yitelle et le seigneur Paule Ursin ; et pour la partie des AUemans, le cappitainedes SouycbesBroehart ; que en cas que le secours ne viendroit pour les Françoys si très-fort, qui feist remuer le roy Ferrant hors du champ dedans le 1 3 du mois d'aôust, que ledit seigneur de Monpensier rendroit la ville , et s'en iroit lui et toute sa compaignie au port de Castelaraer, comme aussi le roy Ferrant le debvoit faire bailler navires à sufûsance pour remmener lui et tous ses gens , chevaulx , bagues et hamoys en bonne seureté au réaume de France, réservée Tartillerie, et les barons et autres gentils-hommes du réaume qui s'en vouloient aller, ou demourer à la discrétion du roy Ferrant. Et en ce feisant, ledit Roy estoit tenu de faire bailler vivres audit monseigneur de Monpensier et à tout son ost durant le temps qu'il estoit dit par i'appointement; c'est à sçavoir, pain, vin, chair, huille, et toutes autres choses nécessaires pour la vie des hommes et des chevaulx ; car ils n'en avoient point , et à de cela furent contraints de faire cest appointement en attendant le secour. Bien est vray que monseigneur d'Aublgny, connestable dudit réaume , ne monseigneur le prince de Saleme , ne le prince de Bésillçnne, ne plusieurs autres barons , qui hors de ladite ville estoient , n'estoient point compris en cest appointement ; car ils n'estoient pour lors sur la puissance de monseigneur de Monpensier.

Mais bien debvoit ledit seigneur de Monpensier mander commissaires , et faire exprès commandement à toutes les villes et par tout où il avoit puissance , qu'ils eussent à faire ouverture , et à eulx rendre au roy Ferrant , ainsi qu'il estoit contenu aux chapitres de i'appointement. Encore plus fort, dit que en passant devant le chasteau d'Ostie auprès de Rome, qu'il eust à faire commandement au cappitaine, qui dedans estoit , nommé Menault de Guerres , qu'il eust à rendre ladite place entre les mains de Nostre-Saint-Père le Pape , de laquelle chouse, je croy que s'il le feist, qu'il eut mauvaise obéissance.

Le premier dimanche d'aoust, 7 dudit mois, fut missire Guillaume de Yilleneufve, chevalier, rais hors de prison de la grosse tour du Portai du Ghasteauneuf de Naples, là où il avoit esté