CHAPITRE PREMIER

S'ensuit le commencement des guerres qui furent entre le duc de Bourgogne et les Liégeois , et comme la ville de Dinand fut prise, pillée et rasée.

Depuis le temps que dessus , se passèrent aucunes années, durant lesquelles le duc de Bourgogne avoit chacun an guerre avec les Li^eois : et quand le Roy le voyoit empesché, il essayoit à faire quelque nouvelleté contre les Bretons, en faisant quelque peu de confort aux Liégeois : et aussi tost le duc de Bourgogne se tournoit contre luy pour secourir ses alliez ou eux-mesmes faisoient quelque traitté ou quelque trêve. En l'an 1466 ûit pris Dinand, assise au pays de Liège, ville très-forte de sa grandeur , et trèsriche , à cause d'une marchandise , qu'ils faisoient de ces ouvrages de cuivre, qu'on appelle dinanderie : qui sont en effet pots et poisles, et choses semblables. Le duc de Bourgogne , Philippe (lequel trespassa au mois de Juin l'an 1467) s'y fit mener en sa grande vieillesse en une litière : tant avoit de haine contre eux , pour les grandes cruautez dont ils usoient contre ses su- Jets , en la comté de Namur , et par espécial contre ceux de Bouvlnes, petite ville assise à un quart de lieue près dudit lieu de Dinand : et n'y avoit que la rivière de Meuse entre deux : et n'y avoit guèresque lesdits de Dhiand y avoient tenu le siège, la rivière entre deux, l'espace de huit mois entiers , et fait plusieurs cruautez. es environs : et tiroient de deux bombardes , et autres pièces de grosse artillerie continuellement durant ce temps , au travers des maisons de ladite ville de Bouvines : et oontraignoieut les pauvres gens d'eux cacher en leurs caves, et y demeurer. Il n'est croyable la haine qu'avoient ces deux villes l'une contre l'autre : et si ne faisoient guères de mariages de leurs enfans, sinon les uns avec les autres : car ils estoient loin de toutes autres bonnes villes.

L'an précédent de la destruction dudit Dinand (qui fût la saison que le comte de Charolois estoit venu devant Paris, où avoit esté avec les autres seigneurs de France , comme avez ouy) , ils avoient fait un appointement et paix avec ledit seigneur, et luy donnèrent certaine somme d'argent : et s'estoient séparez de la cité de Liège , et fait leur fait à part : qui est le

MBMOIBES DB PHILIPPE DE C0MINB8. [1467]

vray signe de la destruction d'un pays , quand ceux qui se doivent tenir ensemble, se séparent et s'abandonnent. Je le dis aussi bien pour les princes et seigneurs alliez ensemble, comme pour les villes et communautez. Mais pour ce qu'il me semble que chacun peut avoir veu et lu de ces exemples , je m'en tay, disant seulement que le roy Louis nostre raaistre, a mieux sceu entendre cet art de séparer les gens , que nul autre prince que j'aye jamais veu ny connu : et n'espargnoit l'argent , ny ses biens , ny sa peine : non point seulement envers les maistres, mais aussi bien envers les serviteurs. Ainsi ceux de Dinand se commencèrent tost à repentir de cet appointeroent dessusdit : et ûrent cruellement mourir quatre de leurs principaux bourgeois qui avoient fait ledit traité : et recommencèi'ent la guerre en cette comté de NaiDur, tant que pour ces raisons^ que pour la sollicitation que faisoient ceux de Bouvincs , le siège y fût mis par le duc Philippe : mais la conduite de l'armée estoit à son fils : et y vint le comte de Saint-Paul , coonestable de France, à leur secours partant de sa maison, et non pas par l'auctorité du Roy , ny avec ses gens-d'arraes : mais amena de ceux qu'il avoit amassez es marches de Picardie. Orgueilleusement firent une saillie ceux de dedans, à leur grand dommage. Le huictiesme jour d'après furent pris d'assaut, après avoir esté bien batus : et n'eurent leu>s amis loisir de penser s'ils les aideroient. Ladite ville fut brqslée et rasée : et les prisonniers , jusques à huit cens, noyez devant Bouvines, à la grande requeste de ceux dudit Bouvines. Je ne sçay si Dieu l'avoit ainsi permis, pour leur grande mau vaistié : mais la vengeance fut cruelle sur eux.

Le lendemain que la ville fut prise, arrivèrent les Liégeois en grand'compagnie , pour les secourir, contre leur promesse : car ils s'estoient séparez d'eux par appointement , comme ceux de Dinand s'estoient séparez de la cité de Liège.

Le due Philippe se retira pour son ancien aage, et son fils et toute son armée se tirèrent au devant des Liégeois : nous les rencontrasmes plustostque ne pensions : car par cas d'aventure, nostre avant-garde s'égara, par faute de ses guides : et les rencontrasmes avec la bataille, où estoient les principaux chefs de l'armée. Il estoit jà sur le tard : toutes-fois on s'apprestoit de les assaillir. Sur cela vindrent gens députez de par eux au comte de Gharolois : qui requirent qu'en l'honneur de la Vierge Marie (dont il estoit la veille) il voulsist avoir pitié de ce peuple, en excusant leurs fautes au mieux qu'ils purent. Lesdits Liégeois tenoient contenance de

gens qui désiroient la bataille, et toute of^posite de la paroUe de leurs ambassadeurs. Toutesfois après qu'ils furent allez deux ou trois fois, fut accordé par eux entretenir la paix de l'an précédent , et bailler certaine somme d'argent : et pour seureté de tenir cecy mieux que ce qui estoit passé, ils promirent bailler trois cens ostages, nommez en un rolle par l'évesque de Liège, et par autres ses serviteurs estans en l'armée , et les bailler dedans le lendemain huict heures. Cette nuit estoit l'ost des Bourguignons en grand trouble et doute: car ils n'estoient eu rien clos ny fort, et estoient séparez et en lieu propice pour les Liégeois : qui tous estoient gens-de-pied , et connoissans le pays mieux que nous. Aucuns d'eux eurent envie de nous assaillir : et mon advis est qu'ils en eussent eu du meilleur. Ceux qui avoient traité l'accord, rompirent cette entreprise.

Dès que le jour apparut, tout nostre ost s'assembla , et les batailles furent bien ordonnées , et le grand nombre, comme de trois mille hommes-d'armes , que bons que mauvais , et douze ou quatorze mille archers, et d'autres gens-de-pied, beaucoup du pays voisin. On tira droit à eux , pour recevoir les ostages, ou pour les combattre, s'il y avoit faute. Nous les trouvasmesjà séparez, et se départoient par bandes et en désordre, comme peuple mal conduit : il estoit jà près d'heure de midy et n'avoient point baillé les ostages. Le comte de Charolois demanda au mareschal de Bourgogne, qui estoit là , s'il leur devoit courre sus ou non. Ledit mareschal respondit que ouy : et qu'il les pouvoit deffaire sans péril , à quoy ne devoit dissimuler, veu que la faute venoit d'eux. Après on en demanda au seigneur de Contay (que plusieurs fois ay nommé) qui fut de cette opinion , disant que jamais n'auroit si beau party : et les luy monstra jà séparez par bandes, comme iis s'en alloient, et loua fort de ne tarder plus. Après on en demanda au connestable, comte de Sainct-Paul , qui fut d'opinion contraire : disant qu'il feroit contre son honneur et promesse d'ainsi le faire : disant que tant de gens ne peuvent estre si tost accordez en telle matière , comme de bailler ostages, et en si grand nombre , et loûoit de renvoyer devers eux sçavoir leur intention. L'argu de ces trois nommez, avec ledit comte , fut grand et long sur ce différend. De l'un costé il voyoit ses grands et anciens ennemis deffaits, et les voyoit sans nulle résistance. D'autre costé, on l'argueroit de sa promesse : la fin fut qu'on envoya un trompette: vers eux : lequel rencontra les ostages qu'on luy amenoit. Ainsi passa la chose , et s'en retourna

chacun eo son lieu : mais aux gens-d'armcs des- ^lut fort le conseil qn'avoit donné ledit connestàble : car ils vOydicnt de beau butin devant leurs yeux. On envoya incontinëii); ùiie ambassade à Liège pour confirmer cette paix: Le peuplé (qui est inconstant ) leur disoit à toUte heure, qu'on ne les avoit osé combattre : et leur tirèrent coulevirinesà la teste , et leur firent plusieurs rudesses. Le comte de Gbaroloiâ s'en retourna en Flandres. En Cette saison mourut son père (1) , auquel il fit très-grand et solennel ob- $èque à Brugéè , et signifia la mort dudit seigneur au Roy.