PROLOGUE DE L'ACTEUR

Ponrce qu'il est moult difficile sans la grâce de Dieu, en ce mortel estre, complaire à tout le monde , et que les hommes coustumiers d'escripre hystoires et cronicques font voulentiers leur adresse à aucun notable personnage, je, qui , sans autrement me nommer, ay empris de mettre en avant les faictz et gestes du bon Chevalier sans paour et sans reprouche , le seigneur de Bayart , et parmy ses excellentes œuvres y comprendre plusieurs autres vertueux personnages^ me suis advisé, à ce qu'il ne feust murmuré cy-après contre moy n'avoir bien et Justement fait mon devoir particulier en laissant l'ung pour prendre l'aultre, attribuer cest mienne rudde hystoire aux trois estatz du très-excellent, très - puissant et très -renommé royaulme de France; car, pour au vray amplifier les perfections d'ung homme , ne Tay peu fafre autrement, considéré que sans grâce infuse du Saioct-Ësperit, depuis l'incarnation de nostre sauveur et rédempteur Jésuchrist, ne s'est trouvé , en cro- Dicque ou hystoire, prince, gentil-homme, ne autre condition qu'il ait esté , qui plus furieusement entre les cruelz, plus doulcement entre les humbles, ne plus humainement entre les

petis, ail vescu , que le bon Chevalier dont la présente hystoire est commencée. Et combien que de tout temps , en ceste doulce contrée de France, la grâce de Nostre Seigneur s'est si grandement espandue , que peu de deffault y survient quant aux nécessitez du corps, qui est une manne quant à ceste vie mondaine, ung autre inconvénient à ceste occasion y survient: c'est que la grande ayse que grans, moyens et petis y soustiennent les mect en telle oysiveté , qu'ilz ne se peuvent contenir du péché d'envye. En blasmant aucunes fois à tort et sans cause les innocens, et en détenant caché les mérites, prouesses et honneurs des vertueux, si s'en trouverra-il peu qui sceussent ou ayent voulu dire chose contre l'honneur d'icelluy bon Chevalier, s'ilz ne l'ont dit à l'emblée ; car en iceulx trois estatz s'est si vertueusement gouverné, qu'il en aura quant à Dieu sa grâce , et quant au monde verdoyante et immortelle couronne de laurier, pour ce que, touchant l'Eglise, ne s'en est Jamais trouvé ung plus obéissant ; quant à Testât de noblesse, ung plus deffensible; et à Testât de labour, ung plus piteux ne secourable.

^,1; 9Q9Wm

Tu^letOi. i.lu. /4r^nji,f

U/y/^/yvr, /^f^'/y-/ ,/<