I. C. D. M., T. IV

» tir ceste ville. Les vivres y sont chers, mes » chevaulx se mangeroient en l'estable; vous » me semblez honnestes et Gaillars gentilz- » hommes : j'ayme beaucoup mieulx que mes » chevaulx tumbent entre voz mains que ail- ** leurs. Montez dessus , et les allez veoir hors » la ville avecques ung de mes gens ; et au re- » tour, s'ilz vous plaisent , nous en ferons mai*- » ché. » Ilz trouvèrent le propos honneste; et incontinent furent les chevaulx scellez, sur lesquelz le bon Chevalier et son compaignon montèrent et les menèrent jusques à la prairie près la Guiliotière,où ils les coururent et trottèrent, de sorte qu'ilz s'en tindrent pour contens. Si retournèrent au. logis du gentil-homme pour faire le marché , et luy demandèrent le pris qu'il les vouldroit vendre. « Par ma foy, dist- » jl,si j'estois sain, il n'y a homme sur la terre, » si je ne luy en vouloye faire présent, qui les » eust pour deux cens escus; mais, pour l'amour » de vous , je suis content de les vous laisser , » le roussin pour soixante escus ^ et le courserot » pour cinquante : ce sont cent dix escus , et » n'en auray pas moins. »

Hz virent bien qu'il estoit raisonnable , et ne dirent autre parolle sinon : « Mon gentil-homme, » vous les aurez , et toute nostre vie deux gen- » tilz-hommes à vostre commandement ; » dont il les remercia. Hz misrent la main à la bourse, et luy baillèrent ses cent dix escus, et deux pour le vin des serviteurs. Les chevaulx furent menez par leurs gens à leur logis, lesquelz firent très-bien penser et acoustrer ; car plus n'y avolt que trois Jours à commencer l'emprise qu'a voit faicte messire Claude de Vauldray, parquoy tout homme s'apparellloit selon sa puissance. Si ouvrit icelluy messire Claude son pas , selon l'ordonnance qu'il avoit, par le congé du roy de France, fait publier; et par ung lundy se mist sur les rencs , où contre luy s'essayèrent plusieurs bons et gaillars gentilz-hommes de la maison du bon roy Charles , telz que le séneschal Galyot , pour lors fort gaillart et appert homme-d'armes ; le jeune Bonneval , Saudricourt, Cliastillon , Bourdillon , qui estoient des plus privez de la personne du Roy, et plusieurs autres ; où chascun , comme povez penser , fist le mieulx qu'il peut. Or estoit telle l'ordonnance que quant chascun avoit fait ce en quoy il estoit tenu , convenoit que lé long de la lice feust mené veue descouverte , afin que l'on congneust lequel c'estoit qui avoit bien ou mal fait; parquoy à ceste raison povez penser qu'il n'y avoit celluy qui ne se mist en son effort de bien faire.

Le bon Chevalier, sur le dix-huytiesme an de son aage, qui estoit fort grande Jeunesse (car

LE BON CHEVALIEB

il oommeDçoitencores à croistre, et de »h nature estoit meigre et blesme }, se mist sur les renés pour essayer à faire comme les autres , et là faisoit son jeu d'essay , qui estoit assez rudement commencé, car il avoit à faire à ung des plus appers et duytz chevaliers de guerre qui feust au monde. Toutesfois je ne sçay comment ce fût, ou si Dieu luy en vouloit donner louenge, ou si messire Claude de Vauldray prist plaisir avecques luy , mais il ne se trouva homme en tout le combat , tant à cheval comme à pied , qui flst mieulx ne si bien que luy. Et de ce les dames de Lyon luy en donnèrent le los : car , comme desjà a esté dit dessus , il falloit , après avoir fait son debvoir, aller le long de la lice vene descouverte; parquoy, quant il convint que le bon Chevalier le flst, assez honteux , les dames, en leur langaige lyonnois^ luy en donnèrent rhonneur en disant : Vey-vo cestou malotru^ il a mieulzfay que tous los autres. Et de tout le reste de la compaignie acquist si bonne grâce , que le bon roy Charles dist à son soupper , pour plus Thonorer : « Par la foy de » mon corps, Picquet a ung commencement » dont à mon oppinion fera saillie à bonne fin. » Et dlst alors au seigneur de LIgny : « Mon cou- » sin , je ne vous feiz de ma vie si bon présent » que quant je le vous donnay. » A quoy respondit ledit seigneur : « Sire , s'il est homme de V bien^ vous y aurez plus grant honneur que » moy , car le bon los que luy avez donné Ta » fait entreprendre tout cecy ; Dieu veuille qu'il » puisse continuer I Mais son oncle , l'abbé d'Ës- » nay , n'y prent pas grant plaisir , car il a eu » ses escus et ses acoustremens à son crédit; » dont desjà estoit le Roy assez Informé. Si se prent à rire et toute la compsSgnie.

OOO