CHAPITRE XII

Comment LoySy duc d'Orléans y vint à la couronne de France comme le plus prochain hoir^ et fut appelé Loys douziesme.

Par le trespas du bon roy Charles, et au moyen de ce qu'il n'avoit point d'hoir masie, Loys , duc d'Orléans , plus prochain de la couronne, succéda au royaulme, et fut sacré à Reims , le vingt-septiesme jour de may 1498 , et print sa couronne à Sainct-Denys en France, le premier jour de juillet ensuyvant. Il avoit

LE BON CHEVALIER

espousé madame Jehanne de France , seur de son prédécesseur ; mais au moyen de ce qu'on tenolt que d'elle nepourroit sortir lignée, et que par force i'avoit espousée , craignant la fureur du roy Loys unziesme son père , la fist appeller en justice. Et à ceste occasion , le Pape délégua Juges qui firent et parfirent le procès, et enfin adjugèrent qu'elle n'estoit point sa femme. Parquoy, après luy avoir laissé le duché de Berry pour son estât, espousa la royne duchesse de Bretaigne , veufve du feu roy Charles : si ce fut bien ou mal fait , Dieu est tout seul qui le cognoist. La bonne duchesse de Berry, Jehanne de France, a toute sa vie vescu en saincteté , et a-l'on voulu dire depuis son trespas que Dieu a fait des miracles pour l'amour d'elle. A l'advènement du Roy, Loys douziesme voulut vendre tous les offices royauix qui n'estoient point de judicature , et en retira plusieurs deniers , car il craignoit à merveilles de fouller son peuple par tailles ne autres subsides. Il avoit tonsjours son vouloir, sur toutes choses , de recouvrer sa duché de Milan , qui luy appartenoit à cause de madame Valentine sa grant-mère , que pour lors luy détenoit Ludovic Sforce , et paravant son père ; mais ceulx de la maison d'Orléans , au moyen des guerres qui si longuement ont duré en France contre les Anglois , et aussi la querelle de la mort tant du duc d'Orléans que du duc de Bourgogne , n'y avoient jamais peu entendre. Or à présent se voyoit-il en estât d'avoir la raison de son ennemy. Il alla faire son entrée à Lyon ledixiesme jour de juillet 1499 , puis fist passer son armée eu l'Astizanne , soubz la conduicte du seigneur Jehan-Jacques de Trevolz et du seigneur d'Aubigny, qui estoient deux sages et vaillans chevaliers ; lesquelz d'entrée prindrent et misrent à sac deux j[)etite8 places appellées Non et La Rocque. De là tirèrent à Alexandrie^ et assiégèrent ceulx qui estoient dedans pour le seigneur Ludovic , qui fort bien se deffendirent ; mais enfin elle fut prinse. Ceulx de Pavye , de ce advertis , se misrent en l'obéyssance du roy de France. Ledit seigneur Ludovic , se voyant en ce party ainsi délaissé de ses subject? , habandonna Milan , et se retira en Allemalgne , devers le roy des Rommains Maximilian , qui le receut joyeusement, car de tout temps avoient eu grandes alliances ensemble. Incontinent après son partement, ceulx de Milan se rendirent aux François, dont nouvelles allèrent au roy de France , qui à diligence y alla faire son entrée.

Et peu de jours après fut trouvé expédient^ par force de deniers et autres promesses , d'a-

voir le chasteau de celluy qui Favoit en garde du seigneur Ludovic, qui fist ung lasche et meschant tour à son maistre; car par là espéroit toujours, ledit seigneur, recouvrer la duché. Quant les autres places entendirent le chasteau de Milan estre rendu , n'eurent plus d'espoir, et se misrent toutes en l'obéyssance du roy de France ; mesmement ceulx de Gennes, auxquelz il bailla pour gouverneur le seigneur de Ravastain (l), son prochain parent du costé maternel. En Tannée mesmes, et le quatorziesme jour d'octobre, accoucha la royne de France d'une belle fille , qui fut nommée Claude. Guères ne séjourna le Roy en la duclié de Milan : mais après y avoir laissé gouverneur le seigneur Jehan Jacques , la garde du chasteau nu seigneur d'Espy, et La Rocquete à ung gentilhomme escossoys , prochain parent du seigneur d'Aubigny, s'en retourna à Lyon. Si bien fist-il en la duché , avant son partement , qu'il amoindrit les daxes et impositions de la tierce-partie; dont tout le peuple le loua merveilleusement , et en attira beaucoup le cœur d'aucuns. Guères ne séjourna ledit seigneur à Lyon , mais marcha plus avant en son royaulme , vint jusques à Orléans , où il appoincta certain différend entre les ducz de Gueidres et de Julliers , pour le blason de leurs armes , et les fist amys.

<XX