CHAPITRE X

Comment le bon Chevalier fist crier dedans Ayre ung tournoy pour l*amour des darnes^ où il y avoitpourle mieulx faisant ung bracelet d'or^ et ung bel dy amant pour donner à sa dame.

Combien que grant besoing eust de repos le bon Chevalier sans paour et sans reprouche , à cause du long travail pour le propos que luy avoit tenu son compaignon Tardieu, ne dormit pas trop la nuyt, ains pensa comment seroit fondé son tournoy : ce qu'il mist en son entendement, et délibéra en soy-mesme de i 'exécuter, comme vous orrez; car quant Tardieu le vint veotr le matin, et luy amena la trompette, trouva desjà par escript l'ordonnance comment debvoit estre ledit tournoy , qui estoît telle : C'est que « Pierre de Bayart, jeune gentil-hom- » me et apprentif des armes, natif de Daulphiné, » -des ordonnances du roy de France, soubz la » charge et conduicte de hault et puissant sei- » gneur monseigneur de Ligny, faisoit crier et » publier ung tournoy au dehors de la ville » d'Ayre, et joignant les murailles à tous ve- » nans, au vingtiesme jour de juillet , de trois • coups de lance sans lice, à fer esmolu, et en « harnoys de guerre, et douze coups d'espée ,

» le tout à cheval. Et au mieulx faisant donnoit » ung brasselet d'or esmaillé de sa livrée, et du » poix dc^ trente escuz. Le lendemain seroit » combatu à pied, à poux de lance, à une bar- » rière de la haulteur du nombril ; et après la » lance rompue à coups de hache, jusques à la » discrétion des juges et de ceulx qui garde- » roient le camp. Et au mieulx faisant donnoit » ung dyamant du pris de quarante escus. »

Quant Tardieu eut veu l'ordonnance, Il dist : » ParDieu, compaignon, jamais Lancelot, Tris- » tan ne Gauvin ne firent mieulx. Trompette, » allez crier cela en ceste ville, et puis yrez de >» garnison en garnison, d'icy à trois jours, pour » en advertir tous noz amys. » Il faut entendre qu'eu la Picardie y avoit pour lors sept ou huyt cens hommes-d'armes, comme la oompaignie du mareschal des Cordes, celles des Escossoys, du seigneur de La Palisse (1), vertueux et triumphant cappitaine, et de plusieurs autres, qui par ladicte trompette furent informez du tournoy. Si se misrent en ordre ceulx qui s'y voulurent trouver, car le terme n'estoit que de huyt ou dix jours ; toutesfois il ne s'en trouva pas si peu qu'ilz ne feussent quarante ou cinquante hommesd'armes sur les rencs. En ces entrefaictes, et en attendant le désiré jour, arriva ce gentil chevalier, le cappitaine Loys d'Ars, lequel fut trèsjoyeulx d'estre venu d'heure, pour en avoir son passetemps. Sa venue sceue par le bon Chevalier, luy alla faire la révérence , et se firent grant chère l'ung à l'autre. Encores pour mieulx renforcer la feste, le lendemain arriva son compaignon Bellabre , qui donna grant esjouyssement à toute la compaignie. Si se délectoient tous les joui*s à essayer leurs chevaulx et faire bancquetz aux dames , où entre autres le bon Chevalier flst très-bien son debvolr; de sorte que les dames de la ville, et plusieurs autres de alentour qui estoient venues pour estre au tournoy, hiy donnoient le los surtous les autres, dont toutesfois ne se mcttoit en orgueil.

Or vint le jour ordonné pour commencer ledit tournoy, que chascun se mist sur les rencs. L'ung des juges estoit le bon cappitaine Loys d'Ars , et le seigneur de Sainct-Quentin, escossoys, l'autre. Si se trouvèrent les gentllz-hommes sur les rencs, qui furent nombrez à quarante-six ; et par sort sans tromperie furent partis vingt et trois d'nng costé , et vingt et trois d'ung autre. Et eulx estans prestz , pour commencer à bien faire, la trompette va sonner , et après dédaira de point en point l'ordre du tour-

(1) Jacques de Chabannc^. H fut grand-maltre, et ensuite maréchal de France.

SANS PAOL'U El SA^S UEM.OLCHB.

noy. Si convint au lx>a Clievalier se présenter le premier sur les renés, et contre Iny vint ung sien voisin du Danlpliiné, nommé Tartarin, qni estoit fort rude liomme-d'armes. Si laissèrent courre Tung à l'autre , de sorte que ledit Tartarin rompit sa lance à demy-pied du fer , et le* bon Clievalier Tasséna au haut du grant gardebras, et mist sa lance en cinq ou six pièces ; dont trompettes sonnèrent impétueusement, car la jouste fut belle à merveilles. Et après avoir parfourny leur poindre, retournèrent pour la seconde; et fut telle Tadventure de Tartarin , que de sa lance faulsa le gardebras du bon Chevalier à Tendroit du canon , et cuydoient tous eeulx de la compaignie qu'il eust le bras percé.

Ledit bon Chevalier luy donna au dessus de la veue, et luy emporta ung petit chapelet plein de plumes. La tierce lance fut aussi bien ou mieulx rompue que les deux auitres. Leurs courses faictes, vint Bellabre, et contre luy se prépara ung homme-d'armes cscossoys, qu'on uommoit le cappitaine David de Fougas, qui pareillement firent de leurs trois lances ce qu'il estoit possible à gentilz-hommes de faire. Et ainsi deux contre deux Joustèrent, Jusques à ce que chascun eust parfourny ses courses. Après convint combatre à l'espée , et commencea, selon la première ordonnance, le bon Chevalier , qui du troisiesmecoup qu'il donna rompit son espée €Xï deux pièces, et du reste flst si bien son debvoir Jusques au nombre des coups ordonnez, que mieulx n'eust sceu faire. Après vindrent les autres selon leur ordre : et pour ung jour , au rapport de tous les voyans , mesmes ainsi que dirent les deux Juges, ne Ait jamais mieulx couru de lance, ne combatu à l'espée. Et combien que chascun le fist fort bien, les mieulx faisans fii* rent le bon Chevalier , Bellabre , Tartarin , le cappitaine David, ung de la compaignie de monseigneur des Cordes, nommé le Bastard de Chiroay, et Tardieu.

Quant vint sur le soir, que chascun eut fait son debvoir, se retirg-ent tous au logis du bon Chevalier , qui avoit fait dresser le soupper triumphamment, où il y eut force dames ; car de dix lieues alentour toutes celles de Picardie, ou la pluspart, estoient venuz veoir ce beau tournoya et y fut fait grande et triumphante chère. Après le soupper y eut dances^ et plusieurs autres esbatemens ; tant qu'il fut si tard avant que personne ser voulsist ennuyer , que une heure après minuyt sonna. Alors s'en alèrent les ungs après les antres à leurs logis, menans les dames Jusques au lieu où elles dévoient reposer, si fut assez tard le lendemain avant qu'elles feussent bien esveillées ; et croyez qu'il n'y en avoit nul-

les qui se lassassent de donner merveilleuse louenge audit bon Chevalier, tant des armes que de l'honnesteté qui estoit en luy, car nul plus gracieux ne courtois gentil-homme n'eust-on sceu trouver en ce monde.

Or, pour parfaire ce qui estoit commencé, le lendemain les souldars tous ensemble se trouvèrent au logis de leur cappitaine Loys d'Ars , où estoit desjà le bon Chevalier, qui l'estoit venu prier de disner en son logis avecques le seigneur de Sainct-Quentin, en la compaignie des dames du soir précédent, qui luy fut accordé. Il convint aller ouyr messe, laquelle chantée, eussiez veu les jeunes gentilz-hommes prendre les dames par dessoubz les bras, et icelles mener, parlans d'amours et autres joyeulx devis, Jusques au logis dudit bon Chevalier , où , s'ilz avolent fait bonne chère le soir devant, à disner la firent encores meilleure. Guères ne demourèrent seigneurs ne dames au logis depuis le disner ; car, environ les deux heures, chascun qui estoit du tournoy se tira sur les rencs pour achever l'ordonnance du second Jour, où celluy qui, à son penser, n'estoit pas pour avoir le pris de la première Journée espéroit avoir la seconde. Les Juges, seigneurs et dames arrivez sur le lieu, commencea le bon Chevalier sans paour et sans reprouche le pas en la manière accoustumée; et contre luy vint ung gentil-homme de Haynault fort estimé, quis'appelloit Hanotin de Sucre (f ), qui par dessus la barrière, à poux de lance , se ruèrent de grans coups, et Jusques à ce qu'ils feussent par pièces. Après prindrent leurs haches qu'ilz avoient chascun de leur costé, et se ruèrent de grans et rudes horions , tellement qu'il sembloit la bataille estre mortelle. Toutesfois enfin le bon Chevalier donna ung coup sur son adversaire à l'endroit de l'oreille ; de sorte qu'il le fist tout chanceler, et qui pis est , agenouiller des deux genoulx , et en rechargeant par dessus la barrière luy fist baiser la terre, voulsist ou non. Quoy voyant par les Juges, cryèrent : Hola! hola! c'est assez ; qu'on se retire.

Après ces deux vindrent Beliabre et Arnaulton de Pierrefora4e , ung gentilhomme de Gascongne, lesquelz firent merveilles aux lances, qui furent incontinent rompues; puis vindrent aux haches, et se donnèrent de grans coups; mais Bellabre rompit la sienne , parquoy les Juges les départirent. Après ces deux, vindrent sur les rencs Tardieu et David TEscossoys, qui firent très-bien leur devoir. Si fist chascun en son endroit, de sorte qu'il estoit sept heures devant que chascun eust achevé. Et pour ung

(1) ll«oolin de Sucker.

LE BON CHBVALIEB

petit tournoy , ceulx qui y estoient veirent aussi bien faire quUis avoient \eu de leur vie. Quant tout fut achevé, chaseunse retira à son logis pour soy désarmer; puis après vindreut tous à celluy du l>on Gtievalîer, où estoit le bancquet appresté; et jà y estoient les deux juges, les seigneurs d'Ars et de Sainct*Qentin, et toutes les daraes. S'il y eut devisé des deux journées ne fault pas demander; cbascun en disoit ce qu'il sembloit. Toutesfois^ après le soupper , convint en donner résolution , et par les juges déclairer qui devoit avoir le pris. Si en demandèrent à plusieurs gentilz-hommes expérimentez aux armes en leur foy, et puis après aux dames en leur conscience, et sans favoriser Tung plus que l'autre. Enfin , tant par les gentilz-hommes que par les dames , fut dit que combien que ohascinn eust fait si bien son devoir que mieulx ne pourroit , ce néantmoins , à leur jugement , de toutes les deux journées le bon Chevalier avoitesté le mieulx faisant; parquoy remectoientà luy-mesme, comme celluy qui avoit gaigné les pris , de donner ses présens où bon lui sembloit,

SI y eut grande altercation entre les deux juges à qui prononceroit la sentence ; mais le bon capitaine Loys d'Ars pria tant le seigneur de Sainct^Quentin, qu'enfin promist de le faire. Si sonna la trompette pour faire silence, qui fut faict. Si dist ledict seigneur de Sainct-Quentin : « Messeigneurs qui estes icy tous assemblez, et » mesmement ceulx qui ont esté du tournoy « dont messire Pierre de Bayart a donné le pris » par deux journées , monseigneur d'Ars et » moy , juges déléguez par vous tous à donner « sentence raisonnable où seront lesdits pris >» mieulx employez, vous ftdsons assavoir que , » après nous estre bien et deument enquis à tous » les vertueux et honnestes gentilz-hommes qui > ont es(té présens à veoir faire voz armes, et « semblablemeut aux nobles dames que voyez » cy en présence , avoirs trouvé que cbascun a V tr^-bien et bonnestement fait son devoir ; mais » sur tous la commune voix est que le seigneur » de Bayart, sans hlasmer les autres, a esté de » toutes les deux journées le mieulx faisant : >» parquoy les seigneurs et dames luy remettent >» l'honneur à donner le pris où bon luy sem- » blera. » £t s'adressant au bon Chevalier , luy dist : « Seigneur de Bayart, advisezoù vous les « délivrerez. » Il en fut tout honteux , et demoura ung peu pensif; puis après il dist : « Mon- » seigneur, jenesçay par quelle faveur cest » honneur m'est fait, il me semble qu'il y en a » qui l'ont trop mieulx mérité que moy : mais » puisqu'il plaist aux seigneurs et dames que

» j'en soye juge , suppliant à tous messeigneurs » mes compaignons , et qui ont mieulx fait que » moy, n'en estre desplaisans, je donne le pris » de la première journée à monseigneur de Bel- » labre, et de la seconde au capitaine David » l'Ëscossoys. »

Si leur fist incontinent délivrer les présens , ny depuis homme ne femme n'en murmura , ains commencèrent les dances et passetemps. Et ne se povoient saouller les dames de bien dire du bon Chevalier , qui tant fut aymé en la Picardie qu'oncques hommes ne le fut plus. Il y fut deux ans , durant lequel temps se fist plusieurs tournois et esbatemens , où en la pluspart emporta touajours te bruyt. Et la plusgrande occasion pourquoy tout le monde Taymoit , c'estoit pource que de plus libéral ne gracieuse personne n'eust-on sceu trouver sur la terre ; car jamais nul de ses compaignons n'estoit desmonté qu'il ne remonstast. S'il avoit ung escu , cbascun y partissoit. Quelque jeunesse qu'il eust, la première chose qu'il faisoit quand il estoit levé, c'estoit de servir Dieu. Il estoit grant aulmosnier , et ne se trouva durant sa vie homme qui sceust dire avoir esté refusé de luy en chose dont il ait esté requis , s'il a esté en son possible. Au bout des deux, ans , le jeune roy de France Charles entreprint le voyage de Naples , où le seigneur de Ligny alla : parquoy envoya de bonne heure quérir le bon Chevalier ; car, congnoissant ses vertus et les honnestes propos qu'on tenoit de luy , ne le vouloit pas laisser derrière.

<XX> CBAPITBE XI.

Comment le roy de France Otaries hutftiesme fist son appareil pour aller à la conqueste du royaulme de Naples , lequel il gaigna par sa prouesse et vaillance, sans grande effusUm de sang.

Deux ans après ou environ , délibéra le bon roy Charles d'aller conquester le royaulme de Naples. Les occasions et moyens pourquoy II entreprint le voyage sont assez contenuz en autres histoires et cronicques; parquoy d'en (aire icy long récit ne seroit que ennuyer les escoutans et gaster papier. Ce néantmoins , comme cbascun peult avoir clèrement leu et entendu , ledit bon roy Charles fist soudit voyage tant honnorablement que impossible seroit de plus , planta ses justices dedans Rome , fist venir le Pape à raison, et entièrement gaigna le royaulme de Naples, et y laissa pour son lieutenant^

SANS PÀOUB ET SANS BEPDOUGHE.

général et visroy le seigneur de Monpensier. Puis semist au retour pour venir en France, et n'eut nul empesebement jusques en ung lieu appelé Fournoue, où il trouva bien soixante mille combatans, tous Italiens et de plusieurs potentatz , comme du Pape , des Véniciens , du duc de Milan , et plusieurs autres seigneurs, lesquelz estoient délibérez deffaire le bon Roy à son retour , et le prendre prisonnier, parce qu'ilz estoient asseurez qu'il avoit laissé une partie de sa puissance ou royaulme qu'il venoit de conquérir, et n'avoit avecque luy point plus de dix mil le hommes.

Ce néantmoins le bon et gentil prince , qui avoit cueur de lyon, comme certain d'estre bien servy de si peu qu'il avoit de gens, se délibéra les attendre et les combattre : ce qu'il iist avecques l'ayde de Nostre-Seigneur; et y eurent sesditz ennemys lourde honte et grosse perte, et luy gloire inestimable , car il ne perdit point sept cens de ses gens. Les ennemys en perdirent huyt ou dix mille , et des plus apparens; mesmement les plus grans cappitaines de la seigneurie de Venise y demourèrent, et plusieurs de la maison de Gonzague , dont est chief le marquis de Mantoue, qui pareillement y estoit; mais ses esprons luy aydèrent bien, et le bon cheval sur quoy il ^toit monté ; et n'eust esté que une petite rivière creut merveilleusement , il y eust eu plus gros eschec. A la première charge, le bon Chevalier sans paour et ' sans reprouche se porta triumphamment par dessus tous en lacompaignie du gentil seigneur de Ligny son bon maistre; et luy fut tué deux chevaulx soubz luy le jour. Le Roy en fut adverty, qui luy fist donner cinq cens escuz; mais, en récompense, le bon Chevalier luy présenta une enseigne de gens-de-cheval qu'il avoit gaiguée à la chasse.

De là le Roy s'en vint par ses journées jusques à Verseil , où il trouva une belle troppe de Suysses qui estoient descenduz pour le secourir s'il en avoit besoing. Il demoura là quelques jours avecques son camp, car il vouloit secourir le duc d'Orléans son beau-frère , que le duc de Milan Ludovic Sforce et les Véniciens tenoient assiégé dedans Novarre. Il y eut plusieurs allées et venues par gens qui se mesloient de faire la paix : de façon qu'enfin ce traicta quelque appoinctement. Parquoy le Roy s'en retourna par ses journées à Lyon, où il trouva la bonne Royne sa loyalle espouse, et en sacompaignie la duchesse de Bourbon sa seur. II y eut plusieurs gentilz-horomes qui n'apportèrent pas de grans biens de ce voyage de Naples; aucuns aussi en apportèrent quelque chose dont ilz se

sentirent toute leur vie. Ce fut une manière de maladie qui eut plusieurs noms : d'aucuns fut nommée le mal de Naples, la grosse vérole ^ les autres l'ont appellée/^ malfrançois ; et plusieurs autres noms a eu ladicte maladie : mais de moi je l'appelle le mal de celui qui l'a.

Le bon roy de France partit de Lyon pour s'en aller à Sainct-Denys en France visiter le bon patron où ses prédécesseurs sont ensépulturez. Et fut deux ans ou trois visitant son royaulme deçà et delà , menant très-bonne et saincte vie, et maintenant justice, tant que tous ses subjectz en avoient contentement : car luy-mesmes séoit en chaire de justice deux foiz la sepmaine , pour ouyr les plainctes et doléances d'ung chascun , et les plus povres expédioit. Il eut nouvelles comment les Neapolitains s'estoient révoltez pour Ferrand, fils du roy Alphonse , et aussi de la mort de son lieutenant* général le comte de Monpensier, et que tous ses cappitaines s'en retournoient en France. Si proposa y retourner luy-mesmes en personne , mais qu'il veist le temps oportun; cependant vesquit en son royaulme très-vertueusement , et de sa femme eust trois enfans, mais ilz moururent.

Ou mois de septembre 1497 , le bon prince partît de Tours pour tirer à Lyon, cuydant faire son voyage de Naples ; mais il se rompit , ne sçay à quelle occasion. Il s'en retourna à Amboise ; et le septiesme jour d'avril oudit an , en une gallerie où il regardoit jouer à la paulme, luy print une foiblesse , dont il mourut tantost après; qui fut ung dommage irréparable pour le royaulme de France, car depuis qu'il y a eu Roy, ne s'en est point trouvé de meilleure nature, plus doulx, plus gracieulx, plus clément ne plus pitoyable. Je crois que Dieu l'a retiré avec les bienheurcuz , car le bon prince n'estoit taché d'ung tout seul villain vice. Je n'ai pas fait gi*ant discours de sa vie, car elle est assez escripte ailleurs.

<XX