SANS PAOUR ET SANS REPROUCHE
» pourrons mesler ensemble , et à qui Dieu en » donnera l'honneur si remporte. »
A ces parolles, n*y eut ceiluy qui respondist autrement que à sa voulenté. Si firent le soir cculx qui dévoient estre de la course regarder si riens failloit à leurs chevaulx, et se misrent en ordre comme pour achever ce qu'ilz avoient entrepris. Si se levèrent assez matin , et se misrent aux champs environ trente chevaulx , tous jeunes gentilz-hommes et bien délibérez , chevauchèrent vers les garnisons de leurs ennemys, espérans d'avoir quelque bonne rencontre. Le jour mesme estoit sorty de la ville d'André , pour pareillement courir sur les François , ung gentil-homme espaignol , parent prochain du grant cappitaine Gonssalle Ferrande , qui s'appelloit domp Alonce de Soto-Majore , ung fort gentil chevalier, et expert aux armes , qui en sa compaîgnie avoit quarante ou cinquante chevaulx d'Espaigne, sur lesquelz estoient gentilzhommes tous esleuz aux armes. Et telle fut la fortune des deux cappitaines , que au descendre d'ung tertre se vont veoir les ungs les autres , environ la portée d'ung canon. Je ne vous sçauroye dire lequel fut le plus joyeulx , mesmcment quand ils apperceurent que leur puissance estoit pareille. Si commencea le bon Chevalier, après ce qu'il eut au vray apperceu les croix rouges, parlera ses gens, ausquelz il dist: « Mes M amys, au combat sommes venuz. Je vous » prie que chascun ait son honneur pour re- » commandé; et si vous ne me voyez faire au- » jourd'huy mon debvoir, réputez-moy lasche et » meschaut toute ma vie. « Tous respondirent : « Allons, cappitaine, donnons dedans, n'atten- • dons pas qu'ilz ayent l'honneur de commencer. »
Alors baissèrent la veue , et en criant France! France! se mettent au grant galop pour charger leurs ennemys , lesquelz, d'une asscurée et fière contenance, à course de cheval, criant Espaigne! Sant Yago! à la pointe de leurs lances gaillardement les receurent. Et en ceste première rencontre en furent portez par terre de tous les deux costez , qui furent relevez par leurs compaignons à bien grant peine. Le combat dura une bonne demye-heure, qu'on n'eust sceu juger qui avoit du meilleur ; et comme chascun en désiroit l'yssue à sa gloire , se livrèrent les ungs aux autres , comme s'ilz feussent tous fraiz, ung très-périlleux assault. Mais comme chascun peult assez entendre , en telles choses est de nécessité que l'ung ou l'autre demoure vaincqueur : si advint si bien au bon Chevalier, avecques la grant peine qu'il y mist et le courage qu'il donnoit à ses gens , qu'en ce derrenier assault rompit les Espaîgnolz ; et y
