I. C. D. M., T. IV

demoura sur le champ de mors jusques nu nombre de sept , et bien autant de prisonniers. Le reste se mist à la fuyte, desquelz estoit ledit cappitaine domp Alonce ; mais de près poursuivy par le bon Chevalier, qui souvent luy escrioit : Tourne , homme-d'armes ! grand honte te sera mourir enfuyant! voulut plustost eslire honneste mort que honteuse fuyte, et comme un lyon eschauffé se retourne contre ledit bon Chevalier, auquel il livra aspre assault; car sans eulx reposer se donnèrent cinquante coups d'espée. Ce pendant fuyoient tousjours les autres Espaîgnolz , qui avoient habandonné leur cappitaine , et laissé seul. Ce néantmoins gaillardement se combatoit ; et si tous les siens eussent fait comme luy , je ne sçay qui en fin eust eu du meilleur. Bref , après avoir longuement combatu par les deux cappitaines, le cheval de domp Alonce se recreut, et ne vouloit tirer avant. Quoy voyant par icelluy bon Chevalier, dist ces parolles : « Rendz-toy, homme-d'armes, M ou tu es mort. — A qui , respondit-il , . me » rendray-je? — Au cappitaine Bayart, dist le » bon Chevalier. »

Alors domp Alonce , qui desjà avoit ouy parler deses faictz vertueux , aussi qu'il congnoissoit bien ne pouvoir eschapper, pour estre de toutes pars enclos y se rendit , et luy bailla son espée, qui fut receue à grant joye. Puis se misrent les compaignons au retour vers leur garnison , joyeulx de la bonne fortune que Dieu leur avoit ce jour donnée, car ilz n'y perdirent ung seul homme; bien y en Ait blessé cinq ou six , et deux chevaulx tuez , mais ilz avoient des prisonniers pour les récompenser. Eulx arrivez à la garnison , le bon Chevalier, filz adoptif de dame courtoisie , qui desjà par le chemin avoit entendu de quelle maison estoit le seigneur domp Alonce , le fist loger en une des belles chambres du ehasteau , et luy donna une de ses robes, en luy disant ces parolles : « Seigneur » domp Alonce , je suis informé , par les autres » prisonniers qui sont céans , que vous estes de » bonne et grosse maison, et, qui mieulx » vault, de vostre personne grandement re- « nomnîé en prouesse ; parquoy ne suis pas dé- » libéré vous traicter en prisonnier; et si vous » me voulez promettre vostre foy de ne partir u de ce ehasteau sans mon congé , je le vous » bailleray pour toute prison. 11 est grand : » vous vous y esbatrez parmy nous autres jus- » ques à ce que vous a>ez composé de vostre « raençon et icelle payée , eu quoy me trouve- » rez tout gracieux. — Cappitaine, respondit » domp Alonce, je vous remercie de vostre » courtoisie , vous asseurant sur ma foy ne par-

LE BON CHEVALIER

» lir jamais de céans sans vostre congé. » Mais il ne tint pas bien sa promesse , dont mal luy en print à la fin , comme vous orrez cy-après. Toutesfois ung jour, comme ilz devisoient ensemble , composa domp Alonce de sa raençon à mil escus.

OOO