CHAPITRE XX
Comment domp Alonce de Soto-Majore se voulut desroher par le moyen d'un Alhanoys qui le garnit d'ung cheval; mais il fut repris sur le chemin et resserré en pltis forte prison.
Quinze ou vingt jours fut domp Alonce avecques le cappitaine Bayart, dit le bon Chevalier, et ses compaignons , faisant grant chère , allant et venant par tout le chastean , sans ce que personne luy dist riens ; car il y estoit sur sa foy qu'on estimoit quMI ne romproit jamais. Il en alla autrement , combien que de luy , ainsi qu'il dist après, n'y avoit aucune faulte, aîns s'excusoit que , pource quMI ne venoit nulz de ses gens devers luy, alloit quérir sa raençon luyroesmes pour icelle envoyer an bon Chevalier, qui estoit de mil escus. Toutesfois le cas fut tel : domp Alonce , allant et venant par le chasteau , se fascha; et ung jour, devisant avecques ung Albanoys qui estoit de la garnison du chasteau, luy dist : «Viença, Théode, si tu » me veulx faire ung bon tour, tu me le feras « bien , et je te prometz ma foy que tant que je » vivray n'auras faulte de biens. Il m'ennuye » d'estre icy, et encores plus que je n'ay nou- » velles de mes gens. Si tu veulx faire provision » d'ung cheval pour moy , considère que je ne » suis en ceste place aucunement gardé ; je me » sauveray bien demain matin. Il n'y a que » quinze ou vingt milles jusques à la garnison » de mes gens : j'auray fait cela en quatre heu- » res , et tu viendras avecques moy. Je te feray » fort bien appoincter, et si te donneray cin- » quante ducatz. »
L'Albanoys , qui fut avaricieux , le promist , combien qu'il lui dist devant : « Seigneur, j*ay » entendu que vous estes sur vostre foy par ce •• chasteau : nostre cappitaine vous en feroit >• querelle. — Je ne veulx pas rompre ma foy, » dist domp Alonce ; il m'a mis à mil dncatz de » raençon , je les luy envoyeray : je ne suis » obligé à autre chose. — Bien doncques , dist N Théode l'Albanois , il n'y aura point de faulte V que demain y au point du jour, je ne soye à « cheval à la porte du chasteau : quant elle ou-
»> vrera , faictes semblant de venir à l'esbat , et » vous trouverez le vostre. » Cela fut accordé entre enix , et exécuté le lendemain; car, ainsi qu'il fut proposé , se trouvèrent si bien à point , que sans ce que le portier s'en donnast autrement garde, pource que desjà estoit adverty qu'il estoit sur sa foy, parquoy le laissoit aller et venir, domp Alonce monta à cheval et s'en alla tant qu'il peut. Ne demoura guères quç le bon Chevalier, qui estoit vigillant, vînt en la bassecourt du chasteau , et demanda où estoit son prisonnier, car tous les matins se desduysoit avecques luy; mais personne ne luy peut enseigner. Si fut esbahy, et vint au portier, auquel il demanda s'il l'avoit point veu. Il dist que ouy , dès le point du jour et près de la porte. La guète sonna pour sçavoir où il estoit ; mais il ne fut point trouvé, ne aussi ledit Théode, Albanoys. Qui fut bien marry ? ce Ait le bon Chevalier.
Si commanda à ung de ses souldars nommé Le Basco , et lui dist : « A coup , montez à dili- •• gence à cheval vous dixiesme, et piequez droit » vers André , veoir si trouverez nostre prison- » nier ; et si le trouvez, faictes qu'il soit ramené » mort ou vif; et si ce meschant Albanoys est » empoigné, qu'il soit ramené aussi ; car il sera » pendu aux créneaulx de céans , pour exemple » de ceulx qui vouldroient ung autre fois faire le » lasche tour qu'il a fait. »
Le Basque ne llst autre délay, mais incontinent monta à cheval ; et à pointe d'esperon, sans regarder qui alloit après luy, combien qu'il fût très-bien suyvy, prist son chemin vers André, où à environ deux milles trouva domp Alonce descendu, qui habilloit les sangles de son cheval , qui estoient rompues ; lequel, quant il apperceut qu'il estoit poursuy vy, cuyda remonter, mais il ne peut. Si fut actaînct , repris et remonté. Théode ne fbt pas si fol de se laisser prendre , car il sçavoit bien qu'il y alloit de la vie. Si se sauva dedans André, et domp Alonce ramené à Monervyne, où quant le seigneur bon Chevalier le veit, lui dist : « Hé! comment, sei- » gneur domp Alonce, vous m'avez promis vos- » tre foy ne partir de céans sans mon congé, et » vous avez fait le contraire I Je ne me fieray » plus en vous, car ce n'est pas honnestement » fait en gentil-homme de se desroher d'une place » quand on y est sur sa foy. » Domp Alonce respondit : « Je n'estois pas délibéré en riens vous V faire tort ; vous m'avez mis à mil escus de ran- » çon , dedans deux jours les vous eusse en- » voyez : et ce qui m'en a fait partir a esté de » desplaisir que j'ay pris pour n'avoir aucunes » nouvelles de mes gens. »
